‘അവന്റെ കാൽച്ചു​വ​ടു​കൾ അടുത്തു പിന്തു​ട​രുക’

1. ഫലപ്ര​ദ​രായ ശുശ്രൂ​ഷ​ക​രാ​കാൻ നമു​ക്കെ​ങ്ങനെ കഴിയും?

¹ റബ്ബിമാ​രു​ടെ സ്‌കൂ​ളു​ക​ളിൽ പഠിച്ചി​ട്ടി​ല്ലാ​യി​രു​ന്നെ​ങ്കി​ലും ചരിത്രം കണ്ടിട്ടു​ള്ള​തി​ലേ​ക്കും മഹാനായ ശുശ്രൂ​ഷ​ക​നാ​യി​രു​ന്നു യേശു. അവന്റെ ശുശ്രൂഷ സംബന്ധിച്ച ലിഖിത രേഖ നമ്മുടെ പ്രയോ​ജ​ന​ത്തി​നാ​യി സംരക്ഷി​ക്ക​പ്പെ​ട്ടി​രി​ക്കു​ന്ന​തിൽ നാം നന്ദിയു​ള്ള​വ​രാണ്‌. ഫലപ്ര​ദ​രായ ശുശ്രൂ​ഷ​ക​രാ​കാൻ നാം ‘അവന്റെ കാൽച്ചു​വ​ടു​കൾ അടുത്തു പിന്തു​ട​രണം.’—1 പത്രൊ. 2:21, NW.

2. ആളുക​ളോട്‌ ക്രിസ്‌തു​തു​ല്യ സ്‌നേഹം നട്ടുവ​ളർത്താൻ നമ്മെ എന്തു സഹായി​ക്കും?

² സ്‌നേഹം പ്രകട​മാ​ക്കുക: ആളുക​ളോ​ടുള്ള സ്‌നേ​ഹ​പു​ര​സ്സ​ര​മായ താത്‌പ​ര്യം യേശു​വി​നു പ്രചോ​ദ​ന​മേകി. (മർക്കൊ. 6:30-34) നമ്മുടെ പ്രദേ​ശ​ത്തുള്ള മിക്കവ​രു​ടെ​യും ജീവിതം യാതനാ​നിർഭ​ര​മാണ്‌. അവർ സത്യം അറി​യേ​ണ്ടത്‌ അടിയ​ന്തി​ര​മാണ്‌. (റോമ. 8:22) അവരുടെ ദാരു​ണാ​വ​സ്ഥ​യെ​ക്കു​റി​ച്ചും യഹോ​വ​യ്‌ക്ക്‌ അവരോ​ടുള്ള സ്‌നേ​ഹ​നിർഭ​ര​മായ താത്‌പ​ര്യ​ത്തെ​ക്കു​റി​ച്ചും ചിന്തി​ക്കു​ന്നത്‌ സുവാർത്ത ഘോഷി​ക്കു​ന്ന​തിൽ തുടരാൻ നമ്മെ പ്രചോ​ദി​പ്പി​ക്കും. (2 പത്രൊ. 3:9) കൂടാതെ, ആളുക​ളു​ടെ കാര്യ​ത്തിൽ നമുക്കു യഥാർഥ താത്‌പ​ര്യ​മു​ണ്ടെന്ന്‌ അവർ മനസ്സി​ലാ​ക്കു​ന്ന​പക്ഷം നമ്മുടെ സന്ദേശ​ത്തോട്‌ അവർ പെട്ടെന്നു പ്രതി​ക​രി​ക്കും.

3. ഏതെല്ലാം അവസര​ങ്ങ​ളിൽ യേശു മറ്റുള്ള​വ​രോ​ടു സാക്ഷീ​ക​രി​ച്ചു?

³ എല്ലാ അവസര​ങ്ങ​ളി​ലും സംസാ​രി​ക്കുക: മറ്റുള്ള​വ​രു​മാ​യി സുവാർത്ത പങ്കു​വെ​ക്കാ​നുള്ള എല്ലാ അവസര​ങ്ങ​ളും യേശു പ്രയോ​ജ​ന​പ്പെ​ടു​ത്തി. (മത്താ. 4:23; 9:9; യോഹ. 4:7-10) സമാന​മാ​യി, അനുദിന കാര്യാ​ദി​ക​ളിൽ ഏർപ്പെ​ടവേ സത്യ​ത്തെ​ക്കു​റി​ച്ചു സംസാ​രി​ക്കു​ന്ന​തി​നു തയ്യാറാ​യി​രി​ക്കാൻ നാമാ​ഗ്ര​ഹി​ക്കു​ന്നു. ജോലി​സ്ഥ​ല​ത്തോ സ്‌കൂ​ളി​ലോ യാത്രാ​വേ​ള​യി​ലോ ഷോപ്പി​ങ്ങി​നി​ട​യി​ലോ സാക്ഷീ​ക​രി​ക്കേ​ണ്ട​തിന്‌ ചിലർ ബൈബി​ളും സാഹി​ത്യ​ങ്ങ​ളും കൂടെ​ക്ക​രു​തു​ന്നു.

4. നമു​ക്കെ​ങ്ങനെ ദൈവ​രാ​ജ്യ​ത്തെ നമ്മുടെ അവതര​ണ​വി​ഷ​യ​മാ​ക്കാം?

⁴ രാജ്യ​ത്തിന്‌ ഊന്നൽനൽകുക: രാജ്യ​ത്തി​ന്റെ സുവാർത്ത​യാ​യി​രു​ന്നു യേശു​വി​ന്റെ പ്രസം​ഗ​വി​ഷയം. (ലൂക്കൊ. 4:43) നമ്മുടെ അവതരണം ദൈവ​രാ​ജ്യ​ത്തെ നേരിട്ടു പരാമർശി​ക്കാ​തി​രു​ന്നേ​ക്കാ​മെ​ങ്കി​ലും ആ രാജ്യ​ത്തി​ന്റെ ആവശ്യം കാണാൻ നാം വീട്ടു​കാ​രനെ സഹായി​ക്കണം. നാം അന്ത്യനാ​ളു​ക​ളി​ലാ​ണു ജീവി​ക്കു​ന്ന​തെന്നു തെളി​യി​ക്കുന്ന ദുഷിച്ച ലോകാ​വ​സ്ഥകൾ പരാമർശി​ക്കു​മ്പോ​ഴും “നന്മ സുവി​ശേ​ഷി​ക്കു”കയെന്ന​താണ്‌ നമ്മുടെ മുഖ്യോ​ദ്ദേ​ശ്യം.—റോമ. 10:15.

5. ശുശ്രൂഷ ഫലപ്ര​ദ​മാ​ക്കു​ന്ന​തിൽ ബൈബി​ളി​ന്റെ പങ്കെന്ത്‌?

⁵ ദൈവ​വ​ച​ന​ത്തിൽ ആശ്രയി​ക്കുക: തന്റെ ശുശ്രൂ​ഷ​യി​ലു​ട​നീ​ളം യേശു തിരു​വെ​ഴു​ത്തു​ക​ളിൽ ആശ്രയി​ച്ചു. അവൻ സ്വന്തമാ​യി ഒന്നും പഠിപ്പി​ച്ചില്ല. (യോഹ. 7:16, 18) ദൈവ​വ​ചനം അവന്‌ ആഹാര​മാ​യി​രു​ന്നു; സാത്താന്യ ആക്രമണം നേരി​ട്ട​പ്പോൾ അവനതു തനിക്കു​തന്നെ ബാധക​മാ​ക്കി. (മത്താ. 4:1-4) മറ്റുള്ള​വരെ ഫലകര​മാ​യി പഠിപ്പി​ക്കാൻ നാം ദിവസേന ബൈബിൾ വായി​ക്കു​ക​യും അതു ജീവി​ത​ത്തിൽ ബാധക​മാ​ക്കു​ക​യും ചെയ്യണം. (റോമ. 2:21) ശുശ്രൂ​ഷ​യിൽ അഭിമു​ഖീ​ക​രി​ക്കുന്ന ചോദ്യ​ങ്ങൾക്കു തിരു​വെ​ഴു​ത്തി​ന്റെ പിൻബ​ല​ത്തോ​ടെ നാം ഉത്തരം നൽകണം, സാധ്യ​മാ​കു​മ്പോ​ഴെ​ല്ലാം ബൈബി​ളിൽനി​ന്നു നേരിട്ടു വായി​ക്കു​ക​യും വേണം. സ്വന്തം ആശയങ്ങളല്ല മറിച്ച്‌ ദൈവ​ത്തി​ന്റെ ചിന്തക​ളാണ്‌ നാം അറിയി​ക്കു​ന്ന​തെന്ന്‌ വീട്ടു​കാ​രൻ തിരി​ച്ച​റി​യാൻ നാമാ​ഗ്ര​ഹി​ക്കു​ന്നു.

6. ശ്രോ​താ​ക്ക​ളു​ടെ ഹൃദയ​ത്തി​ലെ​ത്താൻ യേശു എന്തു ചെയ്‌തു?

⁶ പഠിതാ​ക്ക​ളു​ടെ ഹൃദയ​ത്തി​ലെ​ത്തി​ച്ചേ​രുക: “ഈ മനുഷ്യൻ സംസാ​രി​ക്കു​ന്ന​തു​പോ​ലെ ആരും ഒരുനാ​ളും സംസാ​രി​ച്ചി​ട്ടില്ല.” (യോഹ. 7:46) യേശു​വി​നെ അറസ്റ്റു​ചെ​യ്യാ​തെ മടങ്ങി​വ​ന്ന​തെ​ന്തു​കൊണ്ട്‌ എന്ന്‌ മഹാപു​രോ​ഹി​ത​ന്മാ​രും പരീശ​ന്മാ​രും ആരാഞ്ഞ​പ്പോൾ പടയാ​ളി​കൾ നൽകിയ ഉത്തരമാ​ണത്‌. കേവലം വസ്‌തു​തകൾ കൈമാ​റു​ന്ന​തി​നു പകരം ശ്രോ​താ​ക്ക​ളു​ടെ ഹൃദയത്തെ സ്‌പർശി​ക്കും​വി​ധ​മാ​യി​രു​ന്നു യേശു പഠിപ്പി​ച്ചത്‌. (ലൂക്കൊ. 24:32) തന്റെ വാക്കു​കൾക്കു ചൈത​ന്യം പകരാൻ ജീവഗ​ന്ധി​യായ ദൃഷ്ടാ​ന്തങ്ങൾ അവൻ ഉപയോ​ഗി​ച്ചു. (മത്താ. 13:34) വിവര​ബാ​ഹു​ല്യ​ത്താൽ അവൻ അവരെ വീർപ്പു​മു​ട്ടി​ച്ചില്ല. (യോഹ. 16:12) തന്നി​ലേക്കല്ല, പിന്നെ​യോ യഹോ​വ​യി​ലേ​ക്കാണ്‌ അവൻ ആളുക​ളു​ടെ ശ്രദ്ധക്ഷ​ണി​ച്ചത്‌. നമ്മുടെ പഠിപ്പി​ക്ക​ലി​നു നിരന്തരം ശ്രദ്ധ​കൊ​ടു​ത്താൽ മാത്രമേ യേശു​വി​നെ​പ്പോ​ലെ നല്ല അധ്യാ​പ​ക​രാ​കാൻ നമുക്കു കഴിയൂ.—1 തിമൊ. 4:16.

7. യേശു ശുശ്രൂ​ഷ​യിൽ ഉറച്ചു​നി​ന്നത്‌ എന്തു​കൊണ്ട്‌?

⁷ നിസ്സം​ഗ​ത​യും എതിർപ്പും ഗണ്യമാ​ക്കാ​തെ: യേശു അനേകം അത്ഭുതങ്ങൾ പ്രവർത്തി​ച്ചെ​ങ്കി​ലും അനേക​രും അവനെ ശ്രദ്ധി​ച്ചില്ല. (ലൂക്കൊ. 10:13) “അവന്നു ബുദ്ധി​ഭ്രമം ഉണ്ട്‌” എന്നായി​രു​ന്നു കുടും​ബാം​ഗ​ങ്ങൾപോ​ലും കരുതി​യത്‌. (മർക്കൊ. 3:21) എങ്കിലും യേശു പിടി​ച്ചു​നി​ന്നു. മനുഷ്യ​രെ സ്വത​ന്ത്ര​രാ​ക്കാൻ കഴിയുന്ന സത്യം തന്റെ പക്കലു​ണ്ടെന്നു പൂർണ ബോധ്യ​മു​ണ്ടാ​യി​രു​ന്ന​തി​നാൽ അവൻ ഒരു ക്രിയാ​ത്മക മനോ​ഭാ​വം വെച്ചു​പു​ലർത്തി. (യോഹ. 8:32) യഹോ​വ​യിൽനി​ന്നുള്ള സഹായ​ത്താൽ ശുശ്രൂ​ഷ​യിൽ ഉറച്ചു​നിൽക്കാൻ നാമും ദൃഢചി​ത്ത​രാണ്‌.—2 കൊരി. 4:1.

8, 9. സുവാർത്ത​യ്‌ക്കാ​യി ത്യാഗങ്ങൾ അനുഷ്‌ഠി​ക്കു​ന്ന​തിൽ നമു​ക്കെ​ങ്ങനെ യേശു​വി​നെ അനുക​രി​ക്കാം?

⁸ ത്യാഗങ്ങൾ ചെയ്യുക, പൂർണ​മാ​യി പങ്കുപ​റ്റുക: ശുശ്രൂ​ഷ​യ്‌ക്കാ​യി യേശു സുഖസൗ​ക​ര്യ​ങ്ങൾ ത്യാഗം​ചെ​യ്‌തു. (മത്താ. 8:20) അവൻ അക്ഷീണം പ്രസം​ഗി​ച്ചു, ചില​പ്പോ​ഴൊ​ക്കെ നന്നേ വൈകി​യും. (മർക്കൊ. 6:35, 36) വേല പൂർത്തി​യാ​ക്കാ​നുള്ള സമയം പരിമി​ത​മാ​ണെന്ന്‌ അവനറി​യാ​മാ​യി​രു​ന്നു. “കാലം ചുരു​ങ്ങി​യി​രി​ക്കുന്ന”തിനാൽ യേശു​വി​നെ​പ്പോ​ലെ സമയവും ഊർജ​വും ആസ്‌തി​ക​ളും നാം ത്യാഗം​ചെ​യ്യണം.—1 കൊരി. 7:29-31.

⁹ യേശു​വിൽനി​ന്നു പഠിച്ച​തി​നാൽ ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ ഫലപ്ര​ദ​രായ ശുശ്രൂ​ഷ​ക​രാ​യി​രു​ന്നു. (പ്രവൃ. 4:13) ചരിത്രം കണ്ടിട്ടു​ള്ള​തി​ലേ​ക്കും മഹാനായ ശുശ്രൂ​ഷ​കനെ അനുക​രി​ക്കു​ന്നെ​ങ്കിൽ നമുക്കും ശുശ്രൂഷ നിറപ​ടി​യാ​യി നിവർത്തി​ക്കാ​നാ​കും.—2 തിമൊ. 4:5.