ദുഃഖി​തരെ ആശ്വസി​പ്പി​ക്കു​ക

1. ദുഃഖി​തർക്ക്‌ ആശ്വാസം ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

¹ പ്രിയ​പ്പെട്ട ഒരാളു​ടെ മരണം ഹൃദയ​ഭേ​ദ​ക​മാണ്‌, പ്രത്യേ​കിച്ച്‌ രാജ്യ​പ്ര​ത്യാ​ശ ഇല്ലാത്ത​വ​രു​ടെ കാര്യ​ത്തിൽ. (1 തെസ്സ. 4:13) ‘ആളുകൾ മരിക്കു​ന്നത്‌ എന്തു​കൊണ്ട്‌? അവർക്കെന്തു സംഭവി​ക്കു​ന്നു? എന്റെ പ്രിയ​പ്പെ​ട്ട​വരെ എന്നെങ്കി​ലും എനിക്കു കാണാ​നാ​കു​മോ?’ എന്നൊക്കെ പലരും ചിന്തി​ക്കാ​റുണ്ട്‌. ഒരു ബന്ധുവി​ന്റെ​യോ സുഹൃ​ത്തി​ന്റെ​യോ മരണ​ത്തെ​പ്രതി ദുഃഖി​ച്ചി​രി​ക്കു​ന്ന​വരെ വയൽസേ​വ​ന​ത്തിൽ കണ്ടെത്തു​ന്നെ​ങ്കിൽ അവരെ ആശ്വസി​പ്പി​ക്കാൻ കഴിയുന്ന ചില നിർദേ​ശ​ങ്ങ​ളി​താ.—യെശ. 61:2.

2. വീട്ടു​കാ​രൻ അതീവ​ദുഃ​ഖ​ത്തി​ലാ​ണെ​ങ്കിൽ ദീർഘ​മായ ഒരു സാക്ഷീ​ക​രണം നടത്തേ​ണ്ട​തു​ണ്ടോ?

² വീടു​തോ​റും: അടുത്ത​യി​ടെ കുടും​ബ​ത്തിൽ ഒരാൾ മരിച്ച​താ​യി ഒരു വീട്ടു​കാ​രൻ നിങ്ങ​ളോ​ടു പറഞ്ഞേ​ക്കാം. അദ്ദേഹം അതീവ ദുഃഖ​ത്തി​ലാ​ണോ? വിഷാ​ദ​മ​ഗ്ന​രായ ബന്ധുക്കളെ വീട്ടിൽ കാണാ​നാ​കു​ന്നു​ണ്ടോ? അത്തരം സന്ദർഭ​ങ്ങ​ളിൽ ദീർഘ​മായ സാക്ഷീ​ക​രണം നടത്താ​തി​രി​ക്കു​ന്ന​താ​യി​രി​ക്കും അഭികാ​മ്യം. (സഭാ. 3:1, 7) ഒരുപക്ഷേ ഖേദം പ്രകടി​പ്പി​ക്കാ​നും വീട്ടു​കാ​രനു വിരോ​ധ​മി​ല്ലെ​ങ്കിൽ ഉചിത​മായ ഒരു ലഘു​ലേ​ഖ​യോ മാസി​ക​യോ ലഘുപ​ത്രി​ക​യോ നൽകി​ക്കൊണ്ട്‌ തിരി​ച്ചു​പോ​രാ​നും നമുക്കാ​കും. ബൈബി​ളിൽനി​ന്നു കൂടു​ത​ലായ ആശ്വാസം നൽകാൻ ഉചിത​മായ മറ്റൊരു സമയത്തു മടങ്ങി​ച്ചെ​ല്ലാ​വു​ന്ന​താണ്‌.

3. സാഹച​ര്യം അനുവ​ദി​ക്കു​ന്ന​പക്ഷം, ദുഃഖാർത്ത​നായ ഒരു വീട്ടു​കാ​രന്‌ ഏതു തിരു​വെ​ഴു​ത്തു​കൾ കാണി​ച്ചു​കൊ​ടു​ക്കാം?

³ ആദ്യ സന്ദർശ​ന​ത്തിൽത്തന്നെ കൂടുതൽ കാര്യങ്ങൾ പറയാ​നാ​കു​മെന്നു മറ്റു ചില സന്ദർഭ​ങ്ങ​ളിൽ നമുക്കു തോന്നി​യേ​ക്കാം. തെറ്റായ വീക്ഷണങ്ങൾ ഖണ്ഡിക്കാ​നുള്ള സമയമല്ല അതെങ്കി​ലും വീട്ടു​കാ​രൻ സമ്മതി​ക്കു​ന്ന​പക്ഷം പുനരു​ത്ഥാ​നം സംബന്ധിച്ച ബൈബിൾ വാഗ്‌ദാ​നം വായി​ച്ചു​കേൾപ്പി​ക്കാൻ നമുക്കാ​യേ​ക്കും. (യോഹ. 5:28, 29) അല്ലെങ്കിൽ മരിച്ച​വ​രു​ടെ അവസ്ഥ​യെ​ക്കു​റി​ച്ചു ബൈബിൾ പറയു​ന്നതു കാണി​ച്ചു​കൊ​ടു​ക്കാ​വു​ന്ന​താണ്‌. (സഭാ. 9:5, 10) പുനരു​ത്ഥാ​നം സംബന്ധിച്ച ഒരു തിരു​വെ​ഴു​ത്തു വിവര​ണ​വും ആശ്വാ​സ​ദാ​യ​ക​മാ​യേ​ക്കാം. (യോഹ. 11:39-44) വിശ്വ​സ്‌ത​നായ ഇയ്യോബ്‌ പറഞ്ഞതും യഹോ​വ​യി​ലുള്ള അവന്റെ പ്രത്യാശ പ്രതി​ഫ​ലി​പ്പി​ക്കു​ന്ന​തു​മായ വാക്കുകൾ പരിചി​ന്തി​ക്കു​ന്ന​താണ്‌ മറ്റൊരു സാധ്യത. (ഇയ്യോ. 14:14, 15) മടങ്ങി​പ്പോ​രു​ന്ന​തി​നു​മുമ്പ്‌, മരിക്കു​മ്പോൾ നമുക്ക്‌ എന്തു സംഭവി​ക്കു​ന്നു?, നിങ്ങൾ സ്‌നേ​ഹി​ക്കുന്ന ആരെങ്കി​ലും മരിക്കു​മ്പോൾ എന്നിവ​യി​ലൊ​ന്നോ ഉചിത​മായ മറ്റൊരു ലഘുപ​ത്രി​ക​യോ ലഘു​ലേ​ഖ​യോ നൽകാ​വു​ന്ന​താണ്‌. അല്ലെങ്കിൽ ബൈബിൾ പഠിപ്പി​ക്കു​ന്നു പുസ്‌തകം സമർപ്പി​ച്ച​ശേഷം അതിന്റെ ആറാം അധ്യാ​യ​ത്തി​ലെ വിവര​ങ്ങ​ളി​ലേക്കു ശ്രദ്ധക്ഷ​ണി​ക്കാ​നും ആ വിഷയം ചർച്ച​ചെ​യ്യാൻ പിന്നീടു മടങ്ങി​ച്ചെ​ല്ലു​ന്ന​തി​നു ക്രമീ​ക​രി​ക്കാ​നും കഴിയും.

4. ആശ്വാ​സ​മ​രു​ളാൻ മറ്റെന്തു സന്ദർഭങ്ങൾ നമുക്കുണ്ട്‌?

⁴ മറ്റു സന്ദർഭ​ങ്ങ​ളിൽ: ചരമ​പ്ര​സം​ഗ​മോ അനുസ്‌മ​ര​ണ​ച​ട​ങ്ങോ രാജ്യ​ഹാ​ളിൽ നടത്ത​പ്പെ​ടു​മ്പോൾ അവിശ്വാ​സി​കൾ സന്നിഹി​ത​രാ​കാൻ സാധ്യ​ത​യു​ണ്ടോ? ആശ്വാസം പ്രദാ​നം​ചെ​യ്യുന്ന പ്രസി​ദ്ധീ​ക​ര​ണങ്ങൾ അവർക്കു നൽകാ​വു​ന്ന​താണ്‌. കുടും​ബാം​ഗ​ങ്ങൾക്ക്‌ ആശ്വാസം പകരുന്ന ഹ്രസ്വ​മായ കത്തുക​ളെ​ഴു​താൻ പത്രങ്ങ​ളി​ലെ ചരമ അറിയി​പ്പു​കൾ ചില​പ്പോ​ഴൊ​ക്കെ വഴിതു​റ​ന്നി​ട്ടുണ്ട്‌. ഏതാനും ലഘു​ലേ​ഖകൾ സഹിതം ഒരു കത്തു ലഭിച്ച വിഭാ​ര്യ​നായ ഒരു വ്യക്തി മകളോ​ടൊ​പ്പം പ്രസാ​ധ​കന്റെ വീട്ടിൽച്ചെന്ന്‌ ഇങ്ങനെ ചോദി​ച്ചു: “നിങ്ങളാ​ണോ എനിക്കീ കത്തയച്ചത്‌? ബൈബി​ളി​നെ​ക്കു​റി​ച്ചു കൂടു​ത​ല​റി​യാൻ എനിക്കാ​ഗ്ര​ഹ​മുണ്ട്‌!” അദ്ദേഹ​വും മകളും ബൈബി​ള​ധ്യ​യ​ന​ത്തി​നു സമ്മതി​ക്കു​ക​യും സഭാ​യോ​ഗ​ങ്ങ​ളിൽ സംബന്ധി​ക്കാൻ തുടങ്ങു​ക​യും ചെയ്‌തു.

5. ദുഃഖി​തരെ ആശ്വസി​പ്പി​ക്കാ​നുള്ള അവസരങ്ങൾ തിരി​ച്ച​റി​യാൻ നാം ശ്രദ്ധയു​ള്ള​വ​രാ​യി​രി​ക്കേ​ണ്ടത്‌ എന്തു​കൊണ്ട്‌?

⁵ “വിരു​ന്നു​വീ​ട്ടിൽ പോകു​ന്ന​തി​നെ​ക്കാൾ വിലാ​പ​ഭ​വ​ന​ത്തിൽ പോകു​ന്നതു നല്ലത്‌,” സഭാ​പ്ര​സം​ഗി 7:2 പറയുന്നു. സാധാ​ര​ണ​യാ​യി, ഉല്ലാസ​പ്രി​യ​രെ​ക്കാൾ ദുഃഖ​മ​നു​ഭ​വി​ക്കു​ന്ന​വ​രാണ്‌ ദൈവ​വ​ചനം ശ്രദ്ധി​ക്കാൻ കൂടുതൽ ചായ്‌വ്‌ കാണി​ക്കു​ന്നത്‌. പ്രിയ​പ്പെട്ട ഒരാളു​ടെ മരണത്തിൽ ദുഃഖി​ച്ചി​രി​ക്കു​ന്ന​വരെ ആശ്വസി​പ്പി​ക്കാ​നുള്ള ഉചിത​മായ അവസരങ്ങൾ തിരി​ച്ച​റി​യാൻ നാമെ​ല്ലാം ശ്രദ്ധയു​ള്ള​വ​രാ​യി​രി​ക്കണം.