വ്യക്തി​പ​ര​വും കുടും​ബ​പ​ര​വു​മായ ബൈബിൾപ​ഠനം അതി​പ്ര​ധാ​നം!

1. ഇന്ന്‌ ഭരണസം​ഘം എന്തിൽ തത്‌പ​ര​രാണ്‌, എന്തു​കൊണ്ട്‌?

¹ ഒന്നാം നൂറ്റാ​ണ്ടി​ലേ​തു​പോ​ലെ ഇന്നും യഹോ​വ​യു​ടെ ജനത്തിന്റെ ക്ഷേമത്തിൽ അതീവ​ത​ത്‌പ​ര​രാണ്‌ ഭരണസം​ഘം. (പ്രവൃ. 15:6, 28) മഹാക​ഷ്ട​ത്തി​ന്റെ കാർമേ​ഘങ്ങൾ ഉരുണ്ടു​കൂ​ടുന്ന ഈ സമയത്ത്‌ ഓരോ രാജ്യ​ഘോ​ഷ​ക​നും യഹോ​വ​യു​മാ​യി ശക്തമായ ഒരു ബന്ധത്തി​ലേക്കു വരേണ്ടത്‌ ജീവത്‌പ്ര​ധാ​ന​മാണ്‌. മുമ്പ്‌ സഭാപു​സ്‌ത​കാ​ധ്യ​യ​ന​ത്തി​നാ​യി നീക്കി​വെ​ച്ചി​രുന്ന സമയം നിങ്ങൾ എങ്ങനെ വിനി​യോ​ഗി​ക്കും? കുടുംബ ആരാധ​ന​യ്‌ക്കാ​യി ആ സമയം ഉപയോ​ഗി​ക്കാൻ ഞങ്ങൾ എല്ലാവ​രെ​യും പ്രോ​ത്സാ​ഹി​പ്പി​ക്കു​ക​യാണ്‌. ആ സമയം ജ്ഞാനപൂർവം ഉപയോ​ഗി​ക്കു​ന്ന​പക്ഷം, ദൈവ​വ​ച​ന​ത്തി​ന്റെ ആഴങ്ങളി​ലേക്ക്‌ ഇറങ്ങി​ച്ചെന്ന്‌ ജീവദാ​യ​ക​ജലം കോരി​യെ​ടു​ക്കാൻ നമുക്കാ​കും.—സങ്കീ. 1:1-3; റോമ. 11:33, 34.

2. കുടുംബ ആരാധ​ന​യ്‌ക്കാ​യുള്ള സായാ​ഹ്ന​ത്തിൽ എന്തു ചെയ്യണം?

² കുടുംബ ആരാധ​ന​യ്‌ക്കാ​യി ഒരു സായാഹ്നം: അർഥവ​ത്തായ ബൈബിൾപ​ഠനം കുടും​ബ​ത്തി​ലു​ണ്ടെന്ന്‌ ഉറപ്പു​വ​രു​ത്താ​നുള്ള ദൈവദത്ത ഉത്തരവാ​ദി​ത്വം നിറ​വേ​റ്റാൻ എല്ലാ കുടും​ബ​നാ​ഥ​ന്മാ​രെ​യും പ്രോ​ത്സാ​ഹി​പ്പി​ക്കു​ക​യാണ്‌ ഞങ്ങൾ. (ആവ. 6:6, 7) കുടുംബ ഉത്തരവാ​ദി​ത്വ​ങ്ങ​ളി​ല്ലാത്ത ഏകാകി​ക​ളായ സഹോ​ദ​രീ​സ​ഹോ​ദ​ര​ന്മാർക്ക്‌ വ്യക്തി​പ​ര​മായ ബൈബിൾപ​ഠ​ന​ത്തി​നും ഗവേഷ​ണ​ത്തി​നും വേണ്ടി ഈ സമയം വിനി​യോ​ഗി​ക്കാ​വു​ന്ന​താണ്‌. പഠനത്തി​നും ധ്യാന​ത്തി​നു​മാ​യി നാം “സമയം തക്കത്തിൽ ഉപയോ​ഗി”ക്കേണ്ടത്‌ അതി​പ്ര​ധാ​ന​മാണ്‌; ഈ ‘ദുഷ്‌കാ​ലത്ത്‌’ ഉറച്ചു​നിൽക്കാൻവേണ്ട ആത്മീയ​ബലം ലഭിക്കു​ന്ന​തിന്‌ അതു കൂടിയേ തീരൂ.—എഫെ. 5:15, 16.

3, 4. പഠിക്കാ​നുള്ള വിഷയം തിര​ഞ്ഞെ​ടു​ക്കു​ന്ന​തി​നോ​ടുള്ള ബന്ധത്തിൽ ലഭിച്ചി​രി​ക്കുന്ന ചില മാർഗ​നിർദേ​ശങ്ങൾ ഏവ, നമ്മുടെ ലക്ഷ്യ​മെ​ന്താ​യി​രി​ക്കണം?

³ എന്തു പഠിക്കണം? വാച്ച്‌ടവർ പ്രസി​ദ്ധീ​കരണ സൂചി​ക​യോ സി.ഡി.-റോമി​ലുള്ള വാച്ച്‌ടവർ ലൈ​ബ്ര​റി​യോ ഉപയോ​ഗിച്ച്‌ ബൈബിൾപ​ഠനം ആനന്ദദാ​യ​ക​മാ​ക്കു​ന്ന​തരം വിവരങ്ങൾ കണ്ടെത്താൻ നിങ്ങൾക്കാ​കും. വീക്ഷാ​ഗോ​പു​ര​ത്തി​ലെ, “കുടും​ബ​സ​ന്തു​ഷ്ടി​യു​ടെ രഹസ്യം,” “മക്കളെ പഠിപ്പി​ക്കാൻ,” “നമ്മുടെ യുവജ​ന​ങ്ങൾക്ക്‌” തുടങ്ങിയ സ്ഥിരം പംക്തി​ക​ളും പഠനത്തി​നാ​യി ഉപയോ​ഗി​ക്കാ​വു​ന്ന​താണ്‌. ഉണരുക!യിലാ​ണെ​ങ്കിൽ “യുവജ​നങ്ങൾ ചോദി​ക്കു​ന്നു” എന്ന പരമ്പര​യും സൃഷ്ടി​യി​ലെ അത്ഭുതങ്ങൾ സംബന്ധിച്ച ആകർഷ​മായ മറ്റു ലേഖന​ങ്ങ​ളു​മുണ്ട്‌.

⁴ തിടു​ക്കം​കൂ​ട്ടാ​തെ ബൈബിൾ വായി​ക്കു​ന്നത്‌ ദൈവി​ക​ത​ത്ത്വ​ങ്ങ​ളും ഗുണപാ​ഠ​ങ്ങ​ളും കുടും​ബ​ത്തി​ലെ എല്ലാവ​രു​ടെ​യും മനസ്സിൽ പതിയാൻ ഇടയാ​ക്കും. (എബ്രാ. 4:12) യഹോ​വ​യു​ടെ സംഘടന തയ്യാറാ​ക്കി​യി​രി​ക്കുന്ന ഏതെങ്കി​ലും വീഡി​യോ കണ്ട്‌ ചർച്ച​ചെ​യ്യാ​നും കുടും​ബ​ങ്ങൾക്കാ​കും. ഇഷ്ടപ്പെട്ട വിഷയങ്ങൾ കണ്ടെത്താ​നും പഠനം ആസ്വദി​ക്കാ​നു​മുള്ള അവസരങ്ങൾ ധാരാ​ള​മുണ്ട്‌. ഏതു വിഷയം, എങ്ങനെ പഠിക്കാ​നാണ്‌ ആഗ്രഹി​ക്കു​ന്ന​തെന്ന്‌ കുടും​ബാം​ഗ​ങ്ങ​ളോ​ടു ചോദി​ക്ക​രു​തോ?

5. വ്യക്തി​പ​ര​വും കുടും​ബ​പ​ര​വു​മായ ബൈബിൾപ​ഠനം ഇന്ന്‌ അതി​പ്ര​ധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁵ ഇപ്പോൾ പ്രധാ​ന​മാ​യി​രി​ക്കു​ന്ന​തി​ന്റെ കാരണം: നമ്മുടെ ആത്മീയത ബലിഷ്‌ഠ​മാ​ക്കു​ന്നത്‌ ‘ഉറച്ചു​നിൽക്കാ​നും’ ‘യഹോവ ചെയ്യാ​നി​രി​ക്കുന്ന രക്ഷകാ​ണാ​നും’ നമ്മെ സജ്ജരാ​ക്കും. (പുറ. 14:13) “വക്രത​യും കോട്ട​വു​മു​ളള തലമു​റ​യു​ടെ നടുവിൽ” മക്കളെ വളർത്തി​ക്കൊ​ണ്ടു​വ​രാൻ മാതാ​പി​താ​ക്കൾക്ക്‌ ദിവ്യ​മാർഗ​നിർദേശം കൂടിയേ തീരൂ. (ഫിലി. 2:14) സ്‌കൂ​ളി​ലെ ധാർമി​ക​മാ​യി അധപ്പതി​ച്ചു​കൊ​ണ്ടി​രി​ക്കുന്ന ചുറ്റു​പാ​ടി​ലും വിശ്വ​സ്‌ത​ത​യോ​ടെ ഉറച്ചു​നിൽക്കു​ന്ന​തിന്‌ കുട്ടി​കൾക്ക്‌ സഹായം ആവശ്യ​മാണ്‌. (സദൃ. 22:3, 6) യഹോവ ഉൾപ്പെട്ട “മുപ്പി​രി​ച്ച​രട്‌” ബലിഷ്‌ഠ​മാ​ക്കാൻ ഭാര്യാ​ഭർത്താ​ക്ക​ന്മാർ ശ്രമി​ക്കേ​ണ്ട​താണ്‌. (സഭാ. 4:12) അതു​കൊണ്ട്‌ ശേഷി​ച്ചി​രി​ക്കുന്ന സമയം നമ്മുടെ “അതിവി​ശുദ്ധ വിശ്വാ​സത്തെ” ബലിഷ്‌ഠ​മാ​ക്കാ​നാ​യി നമുക്ക്‌ ജ്ഞാനപൂർവം ഉപയോ​ഗി​ക്കാം!—യൂദാ 20.