ദൈവ​രാ​ജ്യം നമുക്ക്‌ ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

ദൈവ​ത്തി​ന്റെ ഭരണവി​ധത്തെ ധിക്കരിച്ച മത്സരി​യായ ഒരു ദൂത​നെ​ക്കു​റിച്ച്‌ ബൈബിൾ പറയുന്നു. ആ ദൂതൻ പിന്നീട്‌ പിശാ​ചായ സാത്താൻ എന്ന പേരിൽ അറിയ​പ്പെ​ടാൻ തുടങ്ങി. ദൈവ​ത്തി​ന്റെ നേതൃ​ത്വ​വും ഭരണവും ഇല്ലെങ്കിൽ മനുഷ്യർ സന്തോ​ഷ​മു​ള്ള​വ​രാ​യി​രി​ക്കും എന്നു സാത്താൻ വാദിച്ചു. സങ്കടക​ര​മായ കാര്യം, നമ്മുടെ ആദ്യമാ​താ​പി​താ​ക്ക​ളായ ആദാമും ഹവ്വയും സാത്താന്റെ വഴി പിന്തു​ടർന്നു​കൊണ്ട്‌ ദൈവ​ത്തിന്‌ എതിരെ മത്സരിച്ചു.​—ഉൽപത്തി 3:1-6; വെളി​പാട്‌ 12:9.

ദൈവ​ത്തി​ന്റെ ഭരണത്തെ ആദാമും ഹവ്വയും തള്ളിക്ക​ള​ഞ്ഞ​തു​കൊണ്ട്‌ അവർക്കു പറുദീ​സാ​ഭ​വനം നഷ്ടപ്പെട്ടു. ഒപ്പം നല്ല ആരോ​ഗ്യ​ത്തോ​ടെ എന്നും ജീവി​ക്കാ​നുള്ള പ്രത്യാ​ശ​യും ഇല്ലാതാ​യി. (ഉൽപത്തി 3:17-19) അവരുടെ ആ തീരു​മാ​നം പിൻത​ല​മു​റ​ക്കാർക്കും ദോഷം ചെയ്‌തു. ആദാമി​ന്റെ പാപത്തി​ലൂ​ടെ ‘പാപവും മരണവും ലോക​ത്തിൽ കടന്നു.’ (റോമർ 5:12) പാപം മറ്റൊരു ദുരന്ത​ത്തിന്‌ വഴി​യൊ​രു​ക്കി: “മനുഷ്യൻ മനുഷ്യ​ന്റെ മേൽ ആധിപ​ത്യം നടത്തി . . . ഇക്കാല​മ​ത്ര​യും അവർക്കു ദോഷം ചെയ്‌തി​രി​ക്കു​ന്നു.” (സഭാ​പ്ര​സം​ഗകൻ 8:9) മറ്റു വാക്കു​ക​ളിൽ പറഞ്ഞാൽ, മനുഷ്യൻ ഭരിക്കാൻ തുടങ്ങി​യ​തോ​ടെ എവി​ടെ​യും പ്രശ്‌നങ്ങൾ മാത്ര​മാ​യി.

മനുഷ്യൻ ഭരിക്കാൻ തുടങ്ങി

ബൈബി​ളിൽ പറഞ്ഞി​രി​ക്കുന്ന ആദ്യത്തെ മനുഷ്യ​ഭ​ര​ണാ​ധി​കാ​രി നി​മ്രോ​ദാണ്‌. നി​മ്രോദ്‌ യഹോ​വ​യു​ടെ ഭരണത്തിന്‌ എതിരെ മത്സരിച്ചു. നി​മ്രോ​ദി​ന്റെ കാലം മുതൽ ഇങ്ങോട്ട്‌ ആളുകൾ അവരുടെ അധികാ​രം ദുരു​പ​യോ​ഗം ചെയ്‌തി​രി​ക്കു​ന്നു. ഏതാണ്ട്‌ 3,000 വർഷങ്ങൾക്കു മുമ്പ്‌ ശലോ​മോൻ രാജാവ്‌ ഇങ്ങനെ എഴുതി: ‘അടിച്ച​മർത്ത​പ്പെ​ട്ട​വ​രു​ടെ കണ്ണീർ ഞാൻ കണ്ടു. അവരെ ആശ്വസി​പ്പി​ക്കാൻ ആരുമി​ല്ലാ​യി​രു​ന്നു. അടിച്ച​മർത്തു​ന്നവർ ശക്തരാ​യി​രു​ന്നു.’​—സഭാ​പ്ര​സം​ഗകൻ 4:1.

ഇന്നും കാര്യ​ങ്ങൾക്കു വലിയ മാറ്റം ഒന്നുമില്ല. “സമൂഹ​ത്തി​ലെ എല്ലാ തിന്മക​ളു​ടെ​യും മൂലകാ​ര​ണ​ങ്ങ​ളിൽ ഒന്ന്‌” മോശം ഭരണമാണ്‌ എന്ന ചിന്ത കൂടി​ക്കൂ​ടി വരുക​യാ​ണെന്ന്‌ ഐക്യ​രാ​ഷ്‌ട്ര സംഘട​ന​യു​ടെ 2009 ലെ ഒരു പ്രസി​ദ്ധീ​ക​രണം പറയുന്നു.

പ്രവർത്തി​ക്കാ​നുള്ള സമയം!

മനുഷ്യർക്കു നല്ല ഭരണസം​വി​ധാ​ന​വും നല്ല ഭരണാ​ധി​കാ​രി​ക​ളും ആവശ്യ​മാണ്‌. അതു തന്നെയാണ്‌ നമ്മുടെ സ്രഷ്ടാവ്‌ നമുക്ക്‌ വാഗ്‌ദാ​നം ചെയ്‌തി​രി​ക്കു​ന്ന​തും!

അതിനാ​യി ദൈവം ഒരു രാജ്യം അല്ലെങ്കിൽ ഗവൺമെന്റ്‌ സ്ഥാപി​ച്ചി​രി​ക്കു​ന്നു. അത്‌ എല്ലാ മനുഷ്യ​ഭ​ര​ണ​ങ്ങ​ളെ​യും നീക്കി, “അതു മാത്രം എന്നും നിലനിൽക്കും.” (ദാനി​യേൽ 2:44) ഈ രാജ്യ​ത്തി​നു​വേ​ണ്ടി​യാണ്‌ കോടി​ക്ക​ണ​ക്കിന്‌ ആളുകൾ പ്രാർഥി​ച്ചു​കൊ​ണ്ടി​രി​ക്കു​ന്നത്‌. (മത്തായി 6:9, 10) എന്നാൽ ദൈവം നേരിട്ട്‌ ആയിരി​ക്കു​മോ ഭരണം നടത്തു​ന്നത്‌? ഒരിക്കൽ മനുഷ്യ​നാ​യി ജീവി​ച്ചി​ട്ടുള്ള ഒരു വ്യക്തിയെ അതിന്റെ ഭരണാ​ധി​കാ​രി​യാ​യി ദൈവം നിയമി​ച്ചി​രി​ക്കു​ന്നു. ആരാണ്‌ അത്‌?