“ദൈവ​സ്‌നേ​ഹ​ത്തിൽ നിങ്ങ​ളെ​ത്തന്നെ കാത്തു​കൊ​ള്ളു​വിൻ”

1. “ദൈവ​സ്‌നേ​ഹ​ത്തിൽ നിങ്ങ​ളെ​ത്തന്നെ കാത്തു​കൊ​ള്ളു​വിൻ” എന്ന പുസ്‌തകം പ്രസി​ദ്ധീ​ക​രി​ച്ച​തി​ന്റെ ഉദ്ദേശ്യം എന്താണ്‌?

¹ ജനുവരി 4-ന്‌ ആരംഭി​ക്കുന്ന വാരം​മു​തൽ സഭാ ബൈബി​ള​ധ്യ​യ​ന​ത്തിൽ “ദൈവ​സ്‌നേ​ഹ​ത്തിൽ നിങ്ങ​ളെ​ത്തന്നെ കാത്തു​കൊ​ള്ളു​വിൻ” എന്ന പുതിയ പുസ്‌ത​ക​മാ​യി​രി​ക്കും നാം പഠിക്കുക. എത്ര ആകാം​ക്ഷ​യോ​ടെ​യാണ്‌ നാം അതിനാ​യി കാത്തി​രി​ക്കു​ന്നത്‌! യഹോ​വയെ സ്‌നേ​ഹി​ക്കുന്ന ഓരോ​രു​ത്ത​രെ​യും സംബോ​ധ​ന​ചെ​യ്‌തു​കൊ​ണ്ടുള്ള ഭരണസം​ഘ​ത്തി​ന്റെ കത്ത്‌ ഇപ്രകാ​രം ഉപസം​ഹ​രി​ക്കു​ന്നു: “തുടർന്നും സത്യത്തി​നു ചേർച്ച​യിൽ ജീവി​ക്കാ​നും ‘നിത്യ​ജീ​വൻ പ്രാപി​ക്കാൻ തക്കവണ്ണം ദൈവ​സ്‌നേ​ഹ​ത്തിൽ നിങ്ങ​ളെ​ത്തന്നെ കാത്തു​കൊ​ള്ളാ​നും’ ഈ പുസ്‌തകം നിങ്ങളെ സഹായി​ക്കു​മാ​റാ​കട്ടെ!—യൂദാ 20, 21.”

2. ജീവി​ത​ത്തി​ന്റെ ഏതെല്ലാം മണ്ഡലങ്ങ​ളിൽ ഈ പുസ്‌തകം നമ്മെ സഹായി​ക്കും?

² എന്തു പ്രതീ​ക്ഷി​ക്കണം: സഹവാസം, വിനോ​ദം, അധികാ​ര​ത്തോ​ടുള്ള ആദരവ്‌, വ്യക്തിഗത ശീലങ്ങൾ, വിവാഹം, സംസാരം, ആചാരങ്ങൾ എന്നീ മണ്ഡലങ്ങ​ളിൽ ബൈബിൾ തത്ത്വങ്ങൾ ബാധക​മാ​ക്കു​ന്നത്‌ എങ്ങനെ​യാണ്‌? ദൈവ​വ​ച​ന​ത്തിൽ വെളി​പ്പെ​ടു​ത്ത​പ്പെ​ട്ടി​രി​ക്കുന്ന നീതി​യു​ടെ ഉയർന്ന നിലവാ​ര​ങ്ങൾക്കു ചേർച്ച​യിൽ നമ്മുടെ മനസ്സാക്ഷി രൂപ​പ്പെ​ടു​ത്ത​പ്പെ​ടും. (സങ്കീ. 19:7, 8) യഹോവ കാര്യ​ങ്ങളെ വീക്ഷി​ക്കു​ന്ന​വി​ധം സംബന്ധിച്ച നമ്മുടെ ഗ്രാഹ്യം വർധി​ക്കു​മ്പോൾ, അവനെ പ്രസാ​ദി​പ്പി​ക്കാ​നുള്ള സ്‌നേ​ഹ​ത്താൽ പ്രേരി​ത​മാ​യി ജീവി​ത​ത്തി​ന്റെ സമസ്‌ത മണ്ഡലങ്ങ​ളി​ലും നാം അനുസ​രണം കാണി​ക്കും.—സദൃ. 27:11; 1 യോഹ. 5:3.

3. ഓരോ ആഴ്‌ച​യും പഠിക്കുന്ന ഭാഗ​ത്തെ​ക്കു​റിച്ച്‌ അഭി​പ്രാ​യം പറയാൻ നാം നല്ല ശ്രമം ചെയ്യേ​ണ്ടത്‌ എന്തു​കൊണ്ട്‌?

³ പങ്കെടു​ക്കാൻ ദൃഢനി​ശ്ച​യ​മു​ള്ള​വ​രാ​യി​രി​ക്കുക: അധ്യയ​ന​ത്തി​നാ​യി തയ്യാറാ​കു​മ്പോൾ, സഭാമ​ധ്യേ ദൈവത്തെ സ്‌തു​തി​ക്കാൻ ലക്ഷ്യം​വെ​ക്കുക. (എബ്രാ. 13:15) സഭ ഒത്തൊ​രു​മി​ച്ചാണ്‌ ഈ പുതിയ പുസ്‌തകം ചർച്ച​ചെ​യ്‌തു പഠിക്കു​ന്നത്‌. ഓരോ ആഴ്‌ച​യും ഏതാനും ഖണ്ഡിക​കളേ പഠിക്കാ​നു​ള്ളൂ. അതു​കൊണ്ട്‌ നന്നായി പഠിച്ച്‌ ആത്മവി​ശ്വാ​സ​ത്തോ​ടെ അഭി​പ്രാ​യം പറയാൻ നമു​ക്കെ​ല്ലാ​വർക്കും കഴിയണം. നന്നായി തയ്യാറാ​യി ചുരു​ങ്ങിയ വാക്കു​ക​ളിൽ പറയുന്ന അഭി​പ്രാ​യം, മറ്റുള്ള​വരെ സ്‌നേ​ഹ​ത്തി​നും സത്‌പ്ര​വൃ​ത്തി​കൾക്കും ഉത്സാഹി​പ്പി​ക്കും. മാത്രമല്ല, ചർച്ചയും ജീവസ്സു​റ്റ​തും വിജ്ഞാ​ന​പ്ര​ദ​വും ആയിരി​ക്കും. (എബ്രാ. 10:24) കൂടാതെ, നമ്മുടെ വിശ്വാ​സ​ത്തെ​ക്കു​റിച്ച്‌ നാം വ്യക്തി​പ​ര​മാ​യി അഭി​പ്രാ​യം പറയു​മ്പോൾ അത്‌ നമ്മുടെ സന്തോഷം വർധി​പ്പി​ക്കു​ക​യും ചെയ്യും.

4. നാം യഹോ​വ​യു​ടെ കൽപ്പനകൾ അനുസ​രി​ക്കേ​ണ്ടത്‌ അനിവാ​ര്യ​മാ​യി​രി​ക്കു​ന്നത്‌ എന്തു​കൊണ്ട്‌?

⁴ ദൈവ​സ്‌നേ​ഹ​ത്തിൽ നിലനിൽക്കു​ന്ന​തിന്‌ യഹോ​വ​യു​ടെ കൽപ്പനകൾ അനുസ​രി​ക്കേ​ണ്ടത്‌ എത്ര പ്രധാ​ന​മാ​ണെന്ന്‌ തന്റെ അവസാന രാത്രി​യിൽ യേശു വ്യക്തമാ​ക്കു​ക​യു​ണ്ടാ​യി. (യോഹ. 15:10) അനുദിന ജീവി​ത​ത്തിൽ ബൈബിൾ തത്ത്വങ്ങൾ പ്രാവർത്തി​ക​മാ​ക്കു​ന്ന​തി​നും ‘ദൈവ​സ്‌നേ​ഹ​ത്തിൽ നമ്മെത്തന്നെ കാത്തു​കൊ​ള്ളു’ന്നതിനും മുമ്പെ​ന്ന​ത്തെ​ക്കാൾ ഏറെ ദൃഢചി​ത്ത​രാ​യി​രി​ക്കാൻ ദൈവ​സ്‌നേഹം പുസ്‌തകം നമ്മെ സഹായി​ക്കും.—യൂദാ 21.