സേവനം വർധി​പ്പി​ക്കാൻ നിങ്ങൾക്കാ​കു​മോ?

1. വയൽശു​ശ്രൂഷ ഇന്ന്‌ എത്ര അടിയ​ന്തി​ര​മാണ്‌, എന്തു​കൊണ്ട്‌?

¹ ദൈവ​രാ​ജ്യ സുവാർത്ത​യോ​ടുള്ള അനേക​രു​ടെ താത്‌പ​ര്യം കണ്ടപ്പോൾ, യേശു തന്റെ ശിഷ്യ​ന്മാർക്ക്‌ ഈ നിർദേശം നൽകി: “കൊയ്‌ത്തി​ലേക്കു വേലക്കാ​രെ അയയ്‌ക്കാൻ കൊയ്‌ത്തി​ന്റെ യജമാ​ന​നോ​ടു യാചി​ക്കു​വിൻ.” (മത്താ. 9:37, 38) നാം ഇപ്പോൾ കൊയ്‌ത്തു​കാ​ല​ത്തി​ന്റെ പരിസ​മാ​പ്‌തി​യി​ലാ​യ​തി​നാൽ, ആ വേല ഇന്ന്‌ മുമ്പെ​ന്ന​ത്തേ​തി​ലും അടിയ​ന്തി​ര​മാണ്‌. അതി​ന്റെ​യർഥം, വയൽശു​ശ്രൂ​ഷ​യിൽ പൂർണ​മായ പങ്കുണ്ടാ​യി​രി​ക്കാൻ നമു​ക്കെ​ങ്ങനെ കഴിയു​മെന്ന്‌ പ്രാർഥ​നാ​പൂർവം ചിന്തി​ക്ക​ണ​മെ​ന്നാണ്‌.—യോഹ. 14:13, 14.

2. കൂടുതൽ വേലക്കാർക്കാ​യുള്ള ആവശ്യ​ത്തോട്‌ ചിലർ എങ്ങനെ പ്രതി​ക​രി​ച്ചി​രി​ക്കു​ന്നു?

² വർധിച്ച സേവനം: പയനിയർ ശുശ്രൂഷ ഏറ്റെടു​ക്കാൻ യഹോ​വ​യു​ടെ വഴിന​ട​ത്തി​പ്പും പിന്തു​ണ​യും പലരെ​യും സഹായി​ച്ചി​രി​ക്കു​ന്നു. (സങ്കീ. 26:2, 3; ഫിലി. 4:6) വർഷം​തോ​റും ഒന്നോ അതില​ധി​ക​മോ മാസം സഹായ പയനി​യ​റാ​യി സേവി​ക്കാൻ ചിലർക്കു കഴിഞ്ഞി​ട്ടുണ്ട്‌. അങ്ങനെ അവർക്കു തങ്ങളുടെ ശുശ്രൂഷ വർധി​പ്പി​ക്കാ​നാ​യി. അതിലൂ​ടെ ലഭിച്ച സന്തോഷം, സാധാരണ പയനിയർ സേവന​ത്തെ​ക്കു​റി​ച്ചു ചിന്തി​ക്കാൻ അവരിൽ പലരെ​യും പ്രേരി​പ്പി​ച്ചു.—പ്രവൃ. 20:35.

3. മുമ്പ്‌ ഒരു പയനിയർ ആയിരു​ന്നി​ട്ടു​ണ്ടെ​ങ്കിൽ ഇപ്പോൾ നിങ്ങൾക്ക്‌ എന്തു പരിചി​ന്തി​ക്കാ​വു​ന്ന​താണ്‌?

³ പയനിയർ സേവനം പുനരാ​രം​ഭി​ക്കാ​നാ​കു​മോ? മുമ്പ്‌ നിങ്ങൾ പയനി​യ​റാ​യി സേവി​ച്ചി​ട്ടു​ണ്ടെ​ങ്കിൽ, അതിന്റെ നല്ല ഓർമകൾ ഇന്നും നിങ്ങളു​ടെ മനസ്സിൽ തങ്ങിനിൽക്കു​ന്നു​ണ്ടാ​കും. വീണ്ടും ആ സേവനം ഏറ്റെടു​ക്കു​ന്ന​തി​നെ​ക്കു​റി​ച്ചു പ്രാർഥ​നാ​പൂർവം നിങ്ങൾ ചിന്തി​ച്ചി​ട്ടു​ണ്ടോ? അതു നിറു​ത്താ​നി​ട​യായ സാഹച​ര്യ​ങ്ങൾക്ക്‌ ഇപ്പോൾ മാറ്റം​വ​ന്നി​ട്ടു​ണ്ടാ​കാം. ഒരിക്കൽക്കൂ​ടി പയനിയർ അണിക​ളി​ലേക്കു കടന്നു​വ​രാ​നുള്ള അവസരം നിങ്ങൾക്കാ​യി തുറന്നു​കി​ട​ക്കു​ക​യാ​യി​രി​ക്കാം.—1 യോഹ. 5:14, 15.

4. മഹത്തായ എന്ത്‌ അവസര​മാണ്‌ നമു​ക്കെ​ല്ലാ​മു​ള്ളത്‌?

⁴ കൊയ്‌ത്തു​വേല ഊർജി​ത​മാ​യി പുരോ​ഗ​മി​ക്കു​ക​യാണ്‌; ഉടൻ അവസാ​നി​ക്കു​ക​യും ചെയ്യും. (യോഹ. 4:35, 36) വയൽശു​ശ്രൂ​ഷ​യി​ലെ പങ്ക്‌ വർധി​പ്പി​ക്കാ​നാ​യി എന്തു ചെയ്യാ​നാ​കു​മെന്നു കാണാൻ നമു​ക്കെ​ല്ലാ​വർക്കും നമ്മുടെ സാഹച​ര്യം വിലയി​രു​ത്താം. ഇനി, കൂടു​ത​ലാ​യി പ്രവർത്തി​ക്കാൻ കഴിയി​ല്ലെന്നു തോന്നു​ന്നെ​ങ്കിൽ, വേലയി​ലെ ഫലപ്ര​ദ​ത്വം വർധി​പ്പി​ക്കാ​നാ​കു​മോ? (മർക്കോ. 12:41-44) വിശി​ഷ്ട​മായ ഈ വേലയിൽ യഹോ​വ​യാൽ ഉപയോ​ഗി​ക്ക​പ്പെ​ടാൻ സാഹച​ര്യം അനുവ​ദി​ക്കു​ന്നെ​ങ്കിൽ, എത്ര മഹത്തായ പദവി​യാ​യി​രി​ക്കും നിങ്ങൾക്ക്‌ ആസ്വദി​ക്കാ​നാ​കുക!—സങ്കീ. 110:3.