ദിവസ​വും യഹോ​വയെ സ്‌തു​തി​ക്കു​ക

1. എന്തു ചെയ്യാൻ ദൈവ​ദാ​സർ പ്രേരി​ത​രാ​കു​ന്നു, എന്തു​കൊണ്ട്‌?

¹ “നാൾതോ​റും ഞാൻ നിന്നെ വാഴ്‌ത്തും; ഞാൻ നിന്റെ നാമത്തെ എന്നെ​ന്നേ​ക്കും സ്‌തു​തി​ക്കും,” ദാവീദ്‌ രാജാവ്‌ എഴുതി. (സങ്കീ. 145:2, 7, 21) ദിവസ​വും യഹോ​വയെ സ്‌തു​തി​ക്കാൻ നമുക്കും കാരണ​ങ്ങ​ളുണ്ട്‌.—സങ്കീ. 37:10; 145:14, 18; 2 പത്രോ. 3:13.

2. കുടും​ബ​ങ്ങൾക്ക്‌ എങ്ങനെ ദൈനം​ദി​നം യഹോ​വയെ സ്‌തു​തി​ക്കാൻ കഴിയും?

² കുടും​ബ​ത്തിൽ: ദിനവാ​ക്യം പരിചി​ന്തി​ക്കു​മ്പോ​ഴും കുടും​ബാ​രാ​ധനാ വേളയി​ലും യോഗ​ങ്ങൾക്കു തയ്യാറാ​കു​മ്പോ​ഴും അർഥവ​ത്തായ ആത്മീയ ചർച്ചകൾക്കു സഹായി​ക്കുന്ന, പരിപു​ഷ്ടി​പ്പെ​ടു​ത്തുന്ന പ്രസി​ദ്ധീ​ക​ര​ണങ്ങൾ നമുക്കുണ്ട്‌. ദിവസ​വും ഒരു നേര​മെ​ങ്കി​ലും ഒന്നിച്ചി​രുന്ന്‌ ആഹാരം കഴിക്കുന്ന രീതി പല കുടും​ബ​ങ്ങൾക്കു​മുണ്ട്‌. സ്വൈ​ര​മാ​യി സംഭാ​ഷ​ണ​ത്തി​ലേർപ്പെ​ടാ​നും യഹോ​വയെ സ്‌തു​തി​ക്കാ​നും അത്‌ അവസര​മേ​കു​ന്നു. മാതാ​പി​താ​ക്കൾ മുൻ​കൈ​യെ​ടു​ത്തു നടത്തുന്ന അത്തരം ചർച്ചകൾ, “യഹോ​വ​യു​ടെ ശിക്ഷണ​ത്തി​ലും അവന്റെ ചിന്തകൾക്ക്‌ അനുസൃ​ത​മാ​യും” മക്കളെ വളർത്തി​ക്കൊ​ണ്ടു​വ​രാൻ ഏറെ സഹായി​ക്കും.—എഫെ. 6:4; ആവ. 6:5-7.

3. സഹോ​ദ​ര​ങ്ങൾക്കൊ​പ്പ​മാ​യി​രി​ക്കു​മ്പോൾ നമു​ക്കെ​ങ്ങനെ യഹോ​വയെ സ്‌തു​തി​ക്കാ​നാ​കും?

³ സഹോ​ദ​ര​ങ്ങൾക്കൊ​പ്പ​മാ​യി​രി​ക്കു​മ്പോൾ: വയൽസേ​വ​ന​ത്തി​ലേർപ്പെ​ടു​മ്പോ​ഴും യോഗ​ങ്ങ​ളിൽ സംബന്ധി​ക്കു​മ്പോ​ഴും സഹവി​ശ്വാ​സി​കൾക്കൊ​പ്പം യഹോ​വയെ സ്‌തു​തി​ക്കാ​നുള്ള മഹത്തായ അവസരം നമുക്കുണ്ട്‌. (സദൃ. 15:30; ഫിലി. 4:8; എബ്രാ. 13:15) നാമെ​ല്ലാം യഹോ​വയെ സ്‌നേ​ഹി​ക്കു​ന്ന​തി​നാൽ, അവന്റെ നന്മയോ​ടുള്ള ആത്മാർഥ​മായ വിലമ​തിപ്പ്‌ നമ്മുടെ സംഭാ​ഷ​ണ​ത്തിൽ പ്രതി​ഫ​ലി​പ്പി​ക്കുക എളുപ്പ​മാണ്‌.—സങ്കീ. 106:1.

4. യഹോ​വയെ സ്‌തു​തി​ക്കാൻ എന്ത്‌ അവസരം നിങ്ങൾക്കുണ്ട്‌?

⁴ അവിശ്വാ​സി​ക​ളോ​ടു സംസാ​രി​ക്കു​മ്പോൾ: ദിവസ​വും പരസ്യ​ശു​ശ്രൂ​ഷ​യിൽ ഏർപ്പെ​ടാൻ സാഹച​ര്യം അനുവ​ദി​ക്കു​ന്നി​ല്ലെ​ങ്കിൽപ്പോ​ലും, സഹപ്ര​വർത്ത​ക​രോ​ടും സഹപാ​ഠി​ക​ളോ​ടും മറ്റും യഹോ​വ​യെ​യും അവന്റെ ഉദ്ദേശ്യ​ങ്ങ​ളെ​യും കുറിച്ച്‌ ചുരു​ക്ക​മാ​യി സംസാ​രി​ക്കു​ന്ന​തി​ലൂ​ടെ ആത്മാർഥ​ഹൃ​ദ​യ​രിൽ പ്രത്യാശ ഉൾനടാൻ നമുക്കാ​കും. (സങ്കീ. 27:14; 1 പത്രോ. 3:15) യാത്ര​യ്‌ക്കി​ട​യിൽ ഒരു സഹോ​ദരി, ഒപ്പമു​ണ്ടാ​യി​രുന്ന ഒരു യാത്ര​ക്കാ​രി​യോ​ടു സാക്ഷീ​ക​രി​ച്ചു. അതവർക്ക്‌ വലിയ ആശ്വാ​സ​വും പ്രോ​ത്സാ​ഹ​ന​വു​മേകി. വീണ്ടും ബന്ധപ്പെ​ടാ​നാ​യി അവർ തന്റെ വിലാ​സ​വും ഫോൺന​മ്പ​രും സഹോ​ദ​രി​ക്കു കൈമാ​റി. ലോകം ഇന്ന്‌ കൂടു​തൽക്കൂ​ടു​തൽ പ്രശ്‌ന​ങ്ങ​ളിൽ മുങ്ങി​ത്താ​ഴു​മ്പോൾ യഹോ​വ​യു​ടെ ജനം, ശ്രദ്ധി​ക്കാൻ മനസ്സുള്ള സകല​രെ​യും ‘നന്മയുടെ സുവി​ശേഷം’ അറിയി​ക്കു​ക​യാണ്‌. അത്‌ ആളുകൾക്കു പ്രത്യാ​ശ​യും യഹോ​വയെ സ്‌തു​തി​ക്കാ​നുള്ള കാരണ​വും നൽകുന്നു.—യെശ. 52:7; റോമ. 15:11.

5. യഹോ​വയെ സ്‌തു​തി​ക്കാൻ നാം വാഞ്‌ഛി​ക്കു​ന്നത്‌ എന്തു​കൊണ്ട്‌, അപ്രകാ​രം ചെയ്യു​ന്ന​തി​ന്റെ പ്രയോ​ജ​ന​മെന്ത്‌?

⁵ തന്റെ ദാസർ ദിവസ​വും തന്നെ സ്‌തു​തി​ക്കു​ന്നത്‌ യഹോ​വയെ എത്ര സന്തോ​ഷി​പ്പി​ക്കും! നമുക്കു ചുറ്റു​മുള്ള സൃഷ്ടി​ക​ളെ​ല്ലാം ദിവസ​വും ദൈവത്തെ സ്‌തു​തി​ക്കു​ന്നു. അതു​പോ​ലെ, കുടും​ബ​ത്തി​ലോ സഭയി​ലോ ആയിരി​ക്കു​മ്പോ​ഴും യഹോ​വ​യു​ടെ സ്‌തു​തി​പാ​ഠ​ക​ര​ല്ലാ​ത്ത​വ​രു​മാ​യി സംസാ​രി​ക്കു​മ്പോ​ഴും നമുക്ക​വനെ സ്‌തു​തി​ക്കാം.—സങ്കീ. 19:1-4.