നിങ്ങൾ എങ്ങനെ മറുപടി പറയും?

1. നമ്മോട്‌ ആരെങ്കി​ലും ഒരു ചോദ്യം ചോദി​ക്കു​മ്പോൾ യേശു​വി​ന്റെ മാതൃക പരിചി​ന്തി​ക്കേ​ണ്ടത്‌ എന്തു​കൊണ്ട്‌?

¹ ആളുക​ളു​ടെ ചോദ്യ​ങ്ങൾക്ക്‌ യേശു ഫലകര​മാ​യി മറുപടി പറഞ്ഞ വിധം ഇന്നും അനേകരെ അതിശ​യി​പ്പി​ക്കാ​റുണ്ട്‌. ശുശ്രൂ​ഷ​യിൽ ആളുകൾ പലതരം ചോദ്യ​ങ്ങൾ ചോദി​ക്കു​മ്പോൾ യേശു​വി​ന്റെ മാതൃക നമുക്കും അനുക​രി​ക്കാ​വു​ന്ന​താണ്‌.—1 പത്രോ. 2:21.

2. ഒരു ചോദ്യ​ത്തിന്‌ ഫലകര​മാ​യി ഉത്തരം നൽകാൻ നമ്മെ എന്തു സഹായി​ച്ചേ​ക്കും?

² ആദ്യം ശ്രദ്ധി​ക്കുക: ചോദ്യം ചോദി​ക്കുന്ന ആളിന്റെ വീക്ഷണ​ത്തിന്‌ യേശു പരിഗണന നൽകി​യി​രു​ന്നു. അതു മനസ്സി​ലാ​ക്കാൻ, പലപ്പോ​ഴും ചോദ്യ​ങ്ങൾ ചോദി​ച്ചു​കൊണ്ട്‌ അയാൾ എന്താണ്‌ ശരിക്കും ഉദ്ദേശി​ക്കു​ന്ന​തെന്നു കണ്ടുപി​ടി​ക്കേ​ണ്ട​തു​ണ്ടാ​യി​രി​ക്കാം. “നിങ്ങൾ യേശു​വിൽ വിശ്വ​സി​ക്കു​ന്നു​ണ്ടോ?” എന്നു ചോദി​ക്കുന്ന ഒരാൾ, അങ്ങനെ​യെ​ങ്കിൽ നമ്മൾ ക്രിസ്‌തു​മസ്സ്‌ ആഘോ​ഷി​ക്കാ​ത്തത്‌ എന്തു​കൊ​ണ്ടാണ്‌ എന്നു ചിന്തി​ക്കു​ന്നു​ണ്ടാ​കും. ചോദ്യ​കർത്താ​വി​ന്റെ മനസ്സി​ലു​ള്ളത്‌ ശരിക്കും തിരി​ച്ച​റി​ഞ്ഞാൽ, ഏറെ ഫലകര​മാ​യി അയാ​ളോ​ടു ന്യായ​വാ​ദം ചെയ്യാൻ നമുക്കാ​കും.—ലൂക്കോ. 10:25-37.

3. തൃപ്‌തി​ക​ര​മായ തിരു​വെ​ഴു​ത്തു​ത്ത​രങ്ങൾ കണ്ടുപി​ടി​ക്കാൻ നമുക്ക്‌ എന്തു സഹായ​മുണ്ട്‌?

³ ദൈവ​വ​ചനം ഉപയോ​ഗിച്ച്‌ ഉത്തരം നൽകുക: മിക്ക​പ്പോ​ഴും ബൈബിൾ എന്തുത്തരം നൽകുന്നു എന്നു കാണി​ക്കു​ന്ന​താ​യി​രി​ക്കും ഏറെ ഫലകരം. (2 തിമൊ. 3:16, 17; എബ്രാ. 4:12) ഏറ്റവും കൃത്യ​മായ ഉത്തരം നൽകു​ന്ന​തിന്‌ ന്യായ​വാ​ദം പുസ്‌ത​ക​വും പുതിയ ലോക ഭാഷാ​ന്ത​ര​ത്തി​ലെ “ചർച്ചയ്‌ക്കു​വേ​ണ്ടി​യുള്ള ബൈബിൾവി​ഷ​യങ്ങൾ” എന്ന ഭാഗവും വളരെ സഹായ​ക​മാ​ണെന്നു തെളി​ഞ്ഞി​ട്ടുണ്ട്‌. ബൈബി​ളി​നെ ആധികാ​രിക ഗ്രന്ഥമാ​യി അംഗീ​ക​രി​ക്കാ​ത്ത​വ​രോ​ടു​പോ​ലും, തിരു​വെ​ഴു​ത്തു​കൾ പഠിപ്പി​ക്കു​ന്ന​തെ​ന്താ​ണെന്ന്‌ നയപൂർവം വിശദീ​ക​രി​ക്കാ​നാ​യേ​ക്കും. കാലം മാറ്റു​തെ​ളി​യിച്ച ബൈബിൾജ്ഞാ​ന​ത്തിന്‌ ശ്രദ്ധ​കൊ​ടു​ക്കാൻ ആ വ്യക്തിയെ പ്രോ​ത്സാ​ഹി​പ്പി​ക്കുക. യേശു​വി​നെ അനുക​രി​ക്കു​ന്നെ​ങ്കിൽ നിങ്ങളു​ടെ ഉത്തരങ്ങ​ളും “വെള്ളി​ത്താ​ല​ത്തിൽ പൊൻനാ​ര​ങ്ങാ​പോ​ലെ” ആദരണീ​യ​വും ആകർഷ​ക​വും മൂല്യ​വ​ത്തും ആയിരി​ക്കും.—സദൃ. 25:11.

4. എങ്ങനെ​യുള്ള സാഹച​ര്യ​ങ്ങ​ളിൽ ആളുക​ളു​ടെ എല്ലാ ചോദ്യ​ങ്ങൾക്കും മറുപടി പറയാ​തി​രി​ക്കു​ന്നത്‌ ഉത്തമമാ​യി​രി​ക്കും?

⁴ എല്ലാ ചോദ്യ​ങ്ങൾക്കും ഉത്തരം പറയണ​മോ? ഏതെങ്കി​ലും ചോദ്യ​ത്തി​ന്റെ ഉത്തരം അറിയി​ല്ലെ​ങ്കിൽ, “എനിക്ക​റി​യില്ല, എന്നാൽ ഗവേഷണം ചെയ്‌ത്‌ ഈ ചോദ്യ​ത്തി​നുള്ള ഉത്തരം കണ്ടുപി​ടി​ച്ചിട്ട്‌ വരട്ടേ?” എന്നു പറയാൻ മടി വിചാ​രി​ക്ക​രുത്‌. നിങ്ങളു​ടെ വിനയ​വും വീട്ടു​കാ​ര​നി​ലുള്ള വ്യക്തി​പ​ര​മായ താത്‌പ​ര്യ​വും നിമിത്തം, മടങ്ങി​വ​രാൻ അദ്ദേഹം നിങ്ങ​ളോട്‌ ആവശ്യ​പ്പെ​ട്ടേ​ക്കാം. എന്നാൽ സത്യ​ത്തോട്‌ എതിർപ്പുള്ള ആരെങ്കി​ലും വെറുതെ ഒരു വാഗ്വാ​ദ​ത്തി​നു​വേണ്ടി ചോദ്യം ചോദി​ക്കു​ക​യാ​ണെന്നു തോന്നു​ന്ന​പക്ഷം നയപൂർവം സംഭാ​ഷണം അവസാ​നി​പ്പി​ച്ചു​കൊണ്ട്‌ യേശു​വി​നെ അനുക​രി​ക്കുക. (ലൂക്കോ. 20:1-8) സമാന​മാ​യി, സത്യ​ത്തോട്‌ ആത്മാർഥ താത്‌പ​ര്യ​മി​ല്ലാത്ത ഒരാൾ നിങ്ങളു​മാ​യി തർക്കി​ക്കാൻ ശ്രമി​ക്കു​ന്നെ​ങ്കിൽ നയപൂർവം സംഭാ​ഷണം അവിടെ അവസാ​നി​പ്പി​ച്ചിട്ട്‌ ആത്മാർഥ​ഹൃ​ദ​യ​രായ ആളുകളെ കണ്ടെത്താൻ ആ സമയം ഉപയോ​ഗി​ക്കുക.—മത്താ. 7:6.

5. ചോദ്യ​ങ്ങൾക്കു മറുപടി നൽകു​ന്ന​തിൽ യേശു എന്തു മാതൃ​ക​വെച്ചു?

⁵ ‘സത്യത്തി​നു സാക്ഷി​നിൽക്കു​ന്ന​തിന്‌’ യഹോ​വ​യിൽ ആശ്രയി​ക്കേ​ണ്ടത്‌ അതി​പ്ര​ധാ​ന​മാ​ണെന്ന്‌ യേശു​വിന്‌ അറിയാ​മാ​യി​രു​ന്നു. ആത്മാർഥ​മായ ചോദ്യ​ങ്ങൾക്കു മറുപടി നൽകു​ന്ന​തും അതിൽ ഉൾപ്പെ​ട്ടി​രു​ന്നു. (യോഹ. 18:37) “നിത്യ​ജീ​വ​നു​വേണ്ട ഹൃദയ​നില” ഉള്ളവരു​ടെ ചോദ്യ​ങ്ങൾക്കു മറുപടി നൽകു​ന്ന​തിൽ യേശു​വി​നെ അനുക​രി​ക്കാ​നാ​കു​ന്നത്‌ എന്തൊരു പദവി​യാണ്‌!—പ്രവൃ. 13:48.