സഭയി​ലു​ള്ള​വ​രു​ടെ അവിശ്വാ​സി​ക​ളായ ഇണകളെ എങ്ങനെ സഹായി​ക്കാം?

1. യഹോവ എന്ത്‌ ആഗ്രഹി​ക്കു​ന്നു, അവനെ നമുക്ക്‌ എങ്ങനെ അനുക​രി​ക്കാം?

¹ അവിശ്വാ​സി​യായ ഭാര്യ​യോ ഭർത്താ​വോ ഉള്ള ഒരു പ്രസാ​ധ​ക​നോ പ്രസാ​ധി​ക​യോ നിങ്ങളു​ടെ സഭയി​ലു​ണ്ടോ? യഹോ​വയെ ആരാധി​ക്കു​ന്ന​തിൽ ഇണയും തങ്ങളോ​ടൊ​ത്തു ചേരാൻ അവർ എത്രയ​ധി​കം ആഗ്രഹി​ക്കു​ന്നു​ണ്ടാ​കും! എന്നാൽ അവർ മാത്രമല്ല അത്‌ ആഗ്രഹി​ക്കു​ന്നത്‌; മുഴു​സ​ഭ​യും അത്‌ ആഗ്രഹി​ക്കു​ന്നുണ്ട്‌. “സകലതരം മനുഷ്യ​രും രക്ഷ പ്രാപി​ക്ക​ണ​മെ​ന്നും സത്യത്തി​ന്റെ പരിജ്ഞാ​ന​ത്തിൽ എത്തണ”മെന്നും ആഗ്രഹി​ക്കുന്ന യഹോ​വ​യു​ടെ അതേ മനോ​ഭാ​വ​മാണ്‌ അവർ അതുവഴി പ്രതി​ഫ​ലി​പ്പി​ക്കു​ന്നത്‌. (1 തിമൊ. 2:4) സഭയി​ലു​ള്ള​വ​രു​ടെ അവിശ്വാ​സി​ക​ളായ ഇണകളെ നമുക്ക്‌ എങ്ങനെ സഹായി​ക്കാം?

2. സഭയിലെ ഒരു പ്രസാ​ധ​കന്റെ/പ്രസാ​ധി​ക​യു​ടെ അവിശ്വാ​സി​യായ ഇണയോട്‌ ഇടപെ​ടാൻ വിവേകം നമ്മെ സഹായി​ക്കു​ന്നത്‌ എങ്ങനെ?

² ആദ്യം​തന്നെ, അവിശ്വാ​സി​യായ വ്യക്തി​യു​ടെ ഭാഗത്തു​നിന്ന്‌ കാര്യ​ങ്ങളെ കാണാൻ ശ്രമി​ക്കുക. അവിശ്വാ​സി​ക​ളായ പലരും തങ്ങളുടെ ഇണയെ​യും കുടും​ബ​ത്തെ​യും സ്‌നേ​ഹി​ക്കു​ന്ന​വ​രാണ്‌. പക്ഷേ മതത്തിന്റെ കാര്യ​ത്തിൽ അവർക്ക്‌ അവരു​ടേ​തായ വീക്ഷണങ്ങൾ ഉണ്ടായി​രി​ക്കാം. ഇവരിൽ ചിലർക്ക്‌ യഹോ​വ​യു​ടെ സാക്ഷി​ക​ളെ​ക്കു​റിച്ച്‌ മറ്റുള്ളവർ പറഞ്ഞു​കേട്ട തെറ്റായ വിവരങ്ങൾ മാത്ര​മേ​യു​ള്ളൂ. ഭാര്യ/ഭർത്താവ്‌ മുമ്പ്‌ കുടും​ബ​ത്തോ​ടൊ​പ്പം ചെലവ​ഴി​ച്ചി​രുന്ന സമയം ഇപ്പോൾ ആരാധ​ന​യ്‌ക്കാ​യി ഉപയോ​ഗി​ക്കു​ന്നത്‌ മറ്റുചി​ലരെ നീരസ​പ്പെ​ടു​ത്തി​യേ​ക്കാം. എന്തുത​ന്നെ​യാ​യാ​ലും, സഭയിലെ ഒരു പ്രസാ​ധ​കന്റെ/പ്രസാ​ധി​ക​യു​ടെ അവിശ്വാ​സി​യായ ഇണയോട്‌ പരി​ഭ്ര​മ​മി​ല്ലാ​തെ ദയയോ​ടും ആദര​വോ​ടും കൂടെ ഇടപെ​ടാൻ വിവേകം നമ്മെ സഹായി​ക്കും.—സദൃ. 16:20-23.

3. അവിശ്വാ​സി​യായ വ്യക്തിയെ സത്യത്തി​ലേക്ക്‌ ആകർഷി​ക്കു​ന്നത്‌ പ്രധാ​ന​മാ​യും എന്തായി​രി​ക്കും?

³ വ്യക്തിഗത താത്‌പ​ര്യം: ചുരു​ങ്ങി​യ​പക്ഷം തുടക്ക​ത്തി​ലെ​ങ്കി​ലും, അവിശ്വാ​സി​യായ വ്യക്തിയെ സത്യത്തി​ലേക്ക്‌ ആകർഷി​ക്കു​ന്നത്‌ നമ്മുടെ സത്‌പ്ര​വൃ​ത്തി​ക​ളാ​യി​രി​ക്കും, അല്ലാതെ ബൈബിൾ ചർച്ചക​ളാ​യി​രി​ക്കില്ല. (1 പത്രോ. 3:1, 2) അതു​കൊണ്ട്‌ നാം ആ വ്യക്തി​യു​ടെ കാര്യ​ത്തിൽ താത്‌പ​ര്യ​മെ​ടു​ക്കേ​ണ്ടത്‌ പ്രധാ​ന​മാണ്‌. സഭയിലെ സഹോ​ദ​രി​മാർക്ക്‌ ഒരു പ്രസാ​ധ​കന്റെ അവിശ്വാ​സി​യായ ഭാര്യ​യി​ലും സഹോ​ദ​ര​ന്മാർക്ക്‌ അവിശ്വാ​സി​യായ ഭർത്താ​വി​ലും ഇപ്രകാ​രം താത്‌പ​ര്യ​മെ​ടു​ക്കാ​നാ​കും. എങ്ങനെ?

4. അവിശ്വാ​സി​യായ വ്യക്തി​യിൽ താത്‌പ​ര്യ​മു​ണ്ടെന്നു കാണി​ക്കാൻ നമുക്ക്‌ എന്തു ചെയ്യാ​നാ​കും?

⁴ അവിശ്വാ​സി​യായ വ്യക്തിയെ നിങ്ങൾ ഇതുവരെ പരിച​യ​പ്പെ​ട്ടി​ട്ടി​ല്ലെ​ങ്കിൽ വിശ്വാ​സി​യായ ഇണയു​മാ​യി സംസാ​രി​ച്ച​ശേഷം അതു ചെയ്യാ​വു​ന്ന​താണ്‌. തുടക്ക​ത്തിൽ തണുപ്പൻമ​ട്ടി​ലുള്ള ഒരു പ്രതി​ക​ര​ണ​മാണ്‌ അവിശ്വാ​സി​യിൽനി​ന്നു ലഭിക്കു​ന്ന​തെ​ങ്കിൽ വിഷമി​ക്കേ​ണ്ട​തില്ല. നാം ആ വ്യക്തി​യോ​ടു കാണി​ക്കുന്ന താത്‌പ​ര്യ​വും സൗഹൃ​ദ​വും യഹോ​വ​യു​ടെ സാക്ഷി​ക​ളോ​ടുള്ള സമീപനം മാറ്റാൻ അദ്ദേഹത്തെ പ്രേരി​പ്പി​ച്ചേ​ക്കാം. (റോമ. 12:20) അവിശ്വാ​സി​യായ വ്യക്തിയെ കുടും​ബ​സ​മേതം ഭക്ഷണത്തി​നു ക്ഷണിക്കു​ന്നത്‌ സഹായ​ക​മാ​ണെന്ന്‌ ചില ക്രിസ്‌ത്യാ​നി​കൾ മനസ്സി​ലാ​ക്കി​യി​രി​ക്കു​ന്നു. യഹോ​വ​യു​ടെ സാക്ഷി​കളെ ഈ വിധത്തിൽ അടുത്ത​റി​യു​ന്നത്‌ അവിശ്വാ​സി​യായ വ്യക്തി​യു​ടെ മനസ്സി​ലുള്ള മുൻവി​ധി ദൂരീ​ക​രി​ക്കാൻ ഇടയാ​ക്കി​യി​ട്ടുണ്ട്‌. അങ്ങനെ​യുള്ള അവസര​ങ്ങ​ളിൽ, ആത്മീയ വിഷയ​ങ്ങ​ളി​ലേക്ക്‌ ചർച്ച വലിച്ചി​ഴ​യ്‌ക്കാ​തെ അവിശ്വാ​സിക്ക്‌ താത്‌പ​ര്യ​മുള്ള കാര്യങ്ങൾ സംസാ​രി​ക്കാ​നും പക്വമ​തി​ക​ളായ ഈ ക്രിസ്‌ത്യാ​നി​കൾ ശ്രദ്ധി​ക്കു​ന്നു. പിന്നീട്‌, ആ വ്യക്തി​യു​മാ​യി ഒരു സൗഹൃദം സ്ഥാപി​ച്ചു​ക​ഴി​യു​മ്പോൾ ബൈബി​ളി​നെ​ക്കു​റിച്ച്‌ സംസാ​രി​ക്കാൻ കഴി​ഞ്ഞേ​ക്കും. അല്ലെങ്കിൽ ഒരുപക്ഷേ തന്റെ ഇണ സംബന്ധി​ക്കുന്ന യോഗ​ങ്ങ​ളിൽ എന്താണു പഠിപ്പി​ക്കു​ന്ന​തെന്നു നേരിട്ടു മനസ്സി​ലാ​ക്കാൻ അദ്ദേഹത്തെ ക്ഷണിക്കാ​നാ​യേ​ക്കും. സഭയിലെ ചിലരെ അതി​നോ​ടകം പരിച​യ​പ്പെട്ടു കഴിഞ്ഞി​രി​ക്കുന്ന സ്ഥിതിക്ക്‌ അദ്ദേഹ​ത്തിന്‌ യോഗ​സ്ഥ​ലത്തു വരു​മ്പോൾ അത്ര അപരി​ചി​ത​ത്വം തോന്നാ​നി​ട​യില്ല. സത്യം അറിയാൻ അദ്ദേഹം താത്‌പ​ര്യം കാണി​ക്കു​ന്നി​ല്ലെ​ങ്കിൽക്കൂ​ടി, വിശ്വാ​സി​യായ ഇണയ്‌ക്ക്‌ നൽകുന്ന പിന്തു​ണ​യെ​പ്രതി അദ്ദേഹത്തെ അനു​മോ​ദി​ക്കാൻ മറക്കരുത്‌.

5. അവിശ്വാ​സി​കളെ സഹായി​ക്കാ​നാ​യി മൂപ്പന്മാർക്ക്‌ എന്തു ചെയ്യാ​നാ​കും?

⁵ സഭയി​ലു​ള്ള​വ​രു​ടെ അവിശ്വാ​സി​ക​ളായ ഇണകളെ ഇത്തരത്തിൽ സഹായി​ക്കു​ന്ന​തിൽ മൂപ്പന്മാർ വിശേ​ഷാൽ ശ്രദ്ധയു​ള്ള​വ​രാ​യി​രി​ക്കണം. ബൈബി​ളിൽ താത്‌പ​ര്യം കാണി​ക്കാ​തി​രുന്ന അവിശ്വാ​സി​യായ ഒരു വ്യക്തി ആശുപ​ത്രി​യി​ലാ​കു​മ്പോ​ഴോ ഗുരു​ത​ര​മായ ആരോ​ഗ്യ​പ്ര​ശ്‌നം നേരി​ടു​മ്പോ​ഴോ ബൈബി​ളിൽനി​ന്നുള്ള സാന്ത്വ​ന​വാ​ക്കു​കൾക്ക്‌ അദ്ദേഹം ശ്രദ്ധ​കൊ​ടു​ത്തെ​ന്നു​വ​രാം. അതു​കൊണ്ട്‌ അങ്ങനെ​യുള്ള കുടും​ബ​ങ്ങ​ളിൽ മരണം​പോ​ലുള്ള എന്തെങ്കി​ലും ദുരന്തങ്ങൾ ഉണ്ടാകു​ക​യും ആശ്വാസം നൽകാ​നാ​യി മൂപ്പന്മാർ അവരെ സന്ദർശി​ക്കു​ക​യും ചെയ്യു​മ്പോൾ അവിശ്വാ​സി​യായ വ്യക്തി​യെ​യും ഉൾപ്പെ​ടു​ത്താൻ കഴിയും.

6. അവിശ്വാ​സി​ക​ളായ വ്യക്തി​കളെ നാം സഹായി​ക്കേ​ണ്ടത്‌ എന്തു​കൊണ്ട്‌?

⁶ അവിശ്വാ​സി​യായ തന്റെ ഇണ സത്യം സ്വീക​രി​ക്കു​മ്പോൾ ഒരു പ്രസാ​ധ​കന്‌/പ്രസാ​ധി​ക​യ്‌ക്ക്‌ അത്‌ എത്ര സന്തോഷം കൈവ​രു​ത്തും! അത്‌ യഹോ​വ​യെ​യും ദൂതന്മാ​രെ​യും സഭയി​ലു​ള്ള​വ​രെ​യും സന്തോ​ഷി​പ്പി​ക്കും. (ലൂക്കോ. 15:7, 10) അവിശ്വാ​സി​യായ വ്യക്തി തുടക്ക​ത്തിൽ അനുകൂ​ല​മാ​യി പ്രതി​ക​രി​ച്ചി​ല്ലെ​ങ്കിൽക്കൂ​ടി നമ്മുടെ ശ്രമങ്ങൾ, “ആരും നശിച്ചു​പോ​കാ​തെ എല്ലാവ​രും മാനസാ​ന്ത​ര​ത്തി​ലേക്കു വരാൻ ഇച്ഛിക്കുന്ന” യഹോ​വയെ സന്തോ​ഷി​പ്പി​ക്കു​മെന്ന കാര്യ​ത്തിൽ നമുക്ക്‌ ഉറപ്പു​ണ്ടാ​യി​രി​ക്കാം.—2 പത്രോ. 3:9.

[6-ാം പേജിലെ ആകർഷക വാക്യം]

ചുരുങ്ങിയപക്ഷം തുടക്ക​ത്തി​ലെ​ങ്കി​ലും, അവിശ്വാ​സി​യായ വ്യക്തിയെ സത്യത്തി​ലേക്ക്‌ ആകർഷി​ക്കു​ന്നത്‌ നമ്മുടെ സത്‌പ്ര​വൃ​ത്തി​ക​ളാ​യി​രി​ക്കും, അല്ലാതെ ബൈബിൾ ചർച്ചക​ളാ​യി​രി​ക്കില്ല