ശക്തമായ സാക്ഷ്യം നൽക​പ്പെ​ടും!

1. സ്‌മാ​ര​ക​ത്തി​നു ഹാജരാ​കു​ന്ന​വരെ പ്രസം​ഗ​ത്തി​നു പുറമേ മറ്റെന്തും ആകർഷി​ച്ചേ​ക്കാം? വിശദീ​ക​രി​ക്കുക.

¹ എപ്പോൾ? സ്‌മാ​ര​കാ​ചരണ വേളയിൽ. ഈ ആചരണ​ത്തി​നാ​യി ആളുകളെ ക്ഷണിക്കു​ന്ന​തിന്‌ നാമെ​ല്ലാം നല്ല ശ്രമം ചെയ്‌തി​രി​ക്കു​ന്നു. അന്ന്‌ അവിടെ കേൾക്കുന്ന കാര്യ​ങ്ങ​ളിൽ മാത്ര​മാ​ണോ ക്ഷണിക്ക​പ്പെ​ട്ടവർ ആകൃഷ്ട​രാ​കുക? സ്‌മാ​ര​ക​ത്തിന്‌ ഹാജരായ ഒരു സ്‌ത്രീ അവിടെ കണ്ട കാര്യ​ങ്ങ​ളെ​ക്കു​റിച്ച്‌ അഭി​പ്രാ​യ​പ്പെ​ടു​ക​യു​ണ്ടാ​യി; സ്വമേ​ധാ​സേ​വകർ നിർമിച്ച്‌ വൃത്തി​യും വെടി​പ്പു​മു​ള്ള​താ​യി സൂക്ഷി​ക്കുന്ന മനോ​ഹ​ര​മായ ഹാളും കൂടി​വ​ന്നി​രു​ന്ന​വർക്കി​ട​യി​ലെ സൗഹാർദ​വും അവരെ വളരെ​യേറെ ആകർഷി​ച്ചു. വർഷത്തി​ലെ ഈ സുപ്ര​ധാന വേളയിൽ സാക്ഷ്യം​നൽകു​ന്ന​തിൽ പ്രസം​ഗ​കനു മാത്രമല്ല നമു​ക്കെ​ല്ലാം ഒരു പങ്കു​ണ്ടെന്നു വ്യക്തം.—എഫെ. 4:16.

2. നമുക്ക്‌ ഓരോ​രു​ത്തർക്കും സ്‌മാ​ര​ക​ത്തി​നു ഹാജരാ​കുന്ന പുതി​യ​വർക്ക്‌ എങ്ങനെ സാക്ഷ്യം നൽകാ​നാ​കും?

² പുതി​യ​വരെ ഹൃദ്യ​മാ​യി സ്വാഗ​തം​ചെ​യ്യുക: ഹൃദ്യ​മായ പുഞ്ചി​രി​യോ​ടെ പുതി​യ​വരെ സ്വാഗ​തം​ചെ​യ്യു​ന്നെ​ങ്കിൽ അത്‌ ഒരു നല്ല സാക്ഷ്യ​ത്തിന്‌ ഇടയാ​ക്കും. (യോഹ. 13:35) സ്‌മാ​ര​ക​ത്തി​നു വരുന്ന പുതി​യ​വരെ എല്ലാം നേരിൽക്കണ്ടു സംസാ​രി​ക്കാൻ കഴി​ഞ്ഞെ​ന്നു​വ​രില്ല. എങ്കിലും, കുറഞ്ഞ​പക്ഷം നിങ്ങളു​ടെ അടുത്ത്‌ ഇരിക്കു​ന്ന​വരെ പരിച​യ​പ്പെ​ടാ​നും സൗഹാർദ​പൂർവം അവരോ​ടു സംസാ​രി​ക്കാ​നും കഴിയും. (എബ്രാ. 13:1, 2) സഭയി​ലുള്ള ആരെയും പരിച​യ​മി​ല്ലാത്ത പുതി​യവർ വന്നിട്ടു​ണ്ടോ എന്നു പ്രത്യേ​കം ശ്രദ്ധി​ക്കുക. ഒരുപക്ഷേ, അവർക്കു ക്ഷണം ലഭിച്ചത്‌ പ്രചാരണ പരിപാ​ടി​യു​ടെ സമയത്ത്‌ ആയിരി​ക്കാം. അങ്ങനെ​യു​ള്ള​വ​രോട്‌, “നിങ്ങൾ ആദ്യമാ​യി​ട്ടാ​ണോ ഇവിടെ വരുന്നത്‌” എന്നു ചോദി​ക്കാ​നാ​യേ​ക്കും. നിങ്ങൾക്ക്‌ അവരോ​ടൊ​പ്പം ഇരിക്കാ​നും അവരുടെ സംശയ​ങ്ങൾക്ക്‌ ഉത്തരം നൽകാ​നും കഴിയും. മറ്റൊരു സഭ സ്‌മാ​ര​ക​ത്തി​നാ​യി നിങ്ങളു​ടെ ഹാളിൽ കൂടി​വ​രു​ന്ന​തി​നാൽ പരിപാ​ടി​ക്കു​ശേഷം ഉടൻതന്നെ അവിടം വിട്ടു​പോ​കേ​ണ്ട​തു​ണ്ടെ​ങ്കിൽ അദ്ദേഹ​ത്തോട്‌ ഇങ്ങനെ പറയാ​നാ​യേ​ക്കും: “ഇവിടെ നടന്ന പരിപാ​ടി​യെ​ക്കു​റി​ച്ചുള്ള നിങ്ങളു​ടെ അഭി​പ്രാ​യം അറിയാൻ എനിക്ക്‌ ആഗ്രഹ​മുണ്ട്‌. നിങ്ങളെ എപ്പോ​ഴാണ്‌ വീണ്ടും കണ്ടു സംസാ​രി​ക്കാ​നാ​കുക?”

3. നിഷ്‌ക്രി​യ​രാ​യ​വരെ നാം എങ്ങനെ ‘സ്വീക​രി​ക്കണം?’

³ നിഷ്‌ക്രി​യ​രാ​യ​വരെ സ്വാഗ​തം​ചെ​യ്യുക: നിഷ്‌ക്രി​യ​രാ​യ​വ​രും സ്‌മാ​ര​ക​ത്തി​നു ഹാജരാ​കും എന്നതിനു സംശയ​മില്ല; അവരിൽ ചിലർ വർഷ​ന്തോ​റും സ്‌മാ​ര​കാ​ച​ര​ണ​ത്തി​നു​മാ​ത്രം വരുന്നവർ ആയിരി​ക്കാം. ഹൃദ്യ​മാ​യി അവരെ ‘സ്വീക​രി​ക്കുക,’ അവർ വന്നതിൽ നിങ്ങൾക്കു വളരെ സന്തോഷം ഉണ്ടെന്നു പറയുക. (റോമ. 15:7, പി.ഒ.സി. ബൈബിൾ) അധികം വൈകാ​തെ, മൂപ്പന്മാർക്ക്‌ അവരെ സന്ദർശി​ക്കു​ന്ന​തി​നും സഭയോ​ടൊ​ത്തു തുടർന്നു സഹവസി​ക്കാൻ പ്രോ​ത്സാ​ഹി​പ്പി​ക്കു​ന്ന​തി​നും കഴിയും. സ്‌മാ​ര​ക​ത്തി​നു ഹാജരാ​കു​ന്ന​വ​രിൽ പലരും അവിടെ കേൾക്കുന്ന കാര്യ​ങ്ങ​ളാൽ മാത്രമല്ല ‘നമ്മുടെ സത്‌പ്ര​വൃ​ത്തി​കൾ കണ്ടറി​ഞ്ഞും’ ദൈവത്തെ മഹത്ത്വ​പ്പെ​ടു​ത്താൻ പ്രേരി​ത​രാ​കട്ടെ എന്നാണ്‌ നമ്മുടെ പ്രാർഥന.—1 പത്രോ. 2:12.