യുക്തി​സ​ഹ​മാ​യി ചിന്തി​ക്കാൻ വീട്ടു​കാ​രനെ സഹായി​ക്കു​ക

1. ശുശ്രൂ​ഷ​യിൽ ഏതു രീതി​യാണ്‌ കൂടുതൽ ഫലപ്രദം?

¹ നമ്മുടെ ആശയങ്ങൾ അടി​ച്ചേൽപ്പി​ക്കു​ന്ന​താ​ണോ സ്വയം ചിന്തിച്ച്‌ ഒരു നിഗമ​ന​ത്തി​ലെ​ത്താൻ വീട്ടു​കാ​രനെ സഹായി​ക്കു​ന്ന​താ​ണോ ശുശ്രൂ​ഷ​യിൽ കൂടുതൽ ഫലപ്രദം? തെസ്സ​ലോ​നി​ക്യ​യി​ലെ യഹൂദ​ന്മാ​രോ​ടു സംസാ​രി​ച്ച​പ്പോൾ പൗലോസ്‌ അപ്പൊ​സ്‌തലൻ അവലം​ബി​ച്ചത്‌ ന്യായ​വാ​ദം​ചെ​യ്യുന്ന രീതി​യാണ്‌. “തത്‌ഫ​ല​മാ​യി, അവരിൽ ചിലർ വിശ്വാ​സി​ക​ളാ​യി​ത്തീർന്നു.” (പ്രവൃ. 17:2-4) അങ്ങനെ​യെ​ങ്കിൽ, പൗലോ​സി​നെ അനുക​രി​ച്ചു​കൊണ്ട്‌ യുക്തി​സ​ഹ​മാ​യി ചിന്തി​ക്കാൻ നമുക്ക്‌ എങ്ങനെ വീട്ടു​കാ​രെ സഹായി​ക്കാം?

2. സുവാർത്ത പ്രസം​ഗി​ക്കു​മ്പോൾ നമുക്ക്‌ എങ്ങനെ പൗലോ​സി​ന്റെ മാതൃക അനുക​രി​ക്കാം?

² ആളുക​ളു​ടെ വികാ​ര​ങ്ങ​ളും വിശ്വാ​സ​ങ്ങ​ളും കണക്കി​ലെ​ടു​ക്കുക: യുക്തി​സ​ഹ​മാ​യി ചിന്തി​ക്കാൻ ആളുകളെ സഹായി​ക്കാൻ കഴിയ​ണ​മെ​ങ്കിൽ നാം അവരുടെ വികാ​രങ്ങൾ കണക്കി​ലെ​ടു​ക്കേ​ണ്ട​തുണ്ട്‌. അരയോ​പ​ഗ​സിൽവെച്ച്‌, അവിശ്വാ​സി​ക​ളായ ഗ്രീക്കു​കാ​രോട്‌ പൗലോസ്‌ പ്രസം​ഗി​ച്ചു​തു​ട​ങ്ങി​യത്‌ അവർക്കു സാധ്യ​ത​യ​നു​സ​രിച്ച്‌ പരിചി​ത​മായ, അവർ അംഗീ​ക​രി​ച്ചി​രുന്ന കാര്യങ്ങൾ പറഞ്ഞു​കൊ​ണ്ടാണ്‌. (പ്രവൃ. 17:22-31) അതു​കൊണ്ട്‌, അവതര​ണങ്ങൾ തയ്യാറാ​കു​മ്പോൾ പ്രദേ​ശത്തെ ആളുക​ളു​ടെ വിശ്വാ​സ​ങ്ങ​ളും മുൻവി​ധി​ക​ളും കണക്കി​ലെ​ടു​ക്കുക. (1 കൊരി. 9:19-22) വീട്ടു​കാ​രൻ തടസ്സവാ​ദം ഉന്നയി​ക്കു​ന്നെ​ങ്കിൽ നിങ്ങൾക്കും അവർക്കും ഒരു​പോ​ലെ അംഗീ​ക​രി​ക്കാൻ കഴിയുന്ന വിഷയങ്ങൾ കണ്ടെത്തി അതിനെ അടിസ്ഥാ​ന​മാ​ക്കി ചർച്ച മുന്നോ​ട്ടു​കൊ​ണ്ടു​പോ​കാൻ ശ്രമി​ക്കുക.

3. ശരിയായ ഒരു നിഗമ​ന​ത്തി​ലെ​ത്താൻ വിദഗ്‌ധ​മായ ചോദ്യ​ങ്ങൾ സഹായി​ക്കു​ന്നത്‌ എങ്ങനെ?

³ ചോദ്യ​ങ്ങൾ വിദഗ്‌ധ​മാ​യി ഉപയോ​ഗി​ക്കുക: ലക്ഷ്യസ്ഥാ​ന​ത്തെ​ത്താൻ എങ്ങോ​ട്ടാണ്‌ പോ​കേ​ണ്ട​തെന്ന്‌ ഒരു യാത്ര​ക്കാ​രനു പറഞ്ഞു​കൊ​ടു​ക്ക​ണ​മെ​ങ്കിൽ, ആദ്യം അയാൾ എവി​ടെ​യാ​ണു​ള്ള​തെന്ന്‌ അറിയണം. സമാന​മാ​യി, ശരിയായ ഒരു നിഗമ​ന​ത്തി​ലെ​ത്താൻ വീട്ടു​കാ​രനെ സഹായി​ക്ക​ണ​മെ​ങ്കിൽ ഇപ്പോൾ അദ്ദേഹ​ത്തി​നുള്ള ധാരണ നാം മനസ്സി​ലാ​ക്കണം. യേശു അതു ചെയ്‌തു. ഒരു നിഗമ​ന​ത്തി​ലെ​ത്താൻ ശ്രോ​താ​വി​നെ സഹായി​ക്കു​ന്ന​തി​നു​മുമ്പ്‌ ചോദ്യ​ങ്ങൾ ചോദിച്ച്‌ ആ വ്യക്തി​യു​ടെ ചിന്ത എന്താ​ണെന്ന്‌ അവൻ മനസ്സി​ലാ​ക്കി. “നിത്യ​ജീ​വൻ അവകാ​ശ​മാ​ക്കാൻ ഞാൻ എന്തു ചെയ്യണം?” എന്ന ഒരാളു​ടെ ചോദ്യ​ത്തിന്‌ ഉത്തരം നൽകു​ന്ന​തി​നു​മുമ്പ്‌ അതേക്കു​റി​ച്ചുള്ള ആ മനുഷ്യ​ന്റെ വീക്ഷണം അവൻ ചോദി​ച്ച​റി​ഞ്ഞു. (ലൂക്കോ. 10:25-28) മറ്റൊ​ര​വ​സ​ര​ത്തിൽ, പത്രോ​സി​ന്റെ തെറ്റായ ഒരു ധാരണ തിരു​ത്താൻ യേശു ചോദ്യ​ങ്ങൾ വിദഗ്‌ധ​മാ​യി ഉപയോ​ഗി​ച്ചു. (മത്താ. 17:24-26) അതു​കൊണ്ട്‌, വീട്ടു​കാ​രൻ ഒരു ചോദ്യം ചോദി​ക്കു​മ്പോൾ, അല്ലെങ്കിൽ തെറ്റായ ഒരു അഭി​പ്രാ​യം പറയു​മ്പോൾ ശരിയായ നിഗമ​ന​ത്തി​ലെ​ത്താൻ ചോദ്യ​ങ്ങൾ ഉപയോ​ഗിച്ച്‌ നമുക്ക്‌ അദ്ദേഹത്തെ സഹായി​ക്കാം.

4. യുക്തി​സ​ഹ​മാ​യി ചിന്തി​ക്കാൻ വീട്ടു​കാ​രനെ നാം സഹായി​ക്കേ​ണ്ടത്‌ എന്തു​കൊണ്ട്‌?

⁴ യുക്തി​സ​ഹ​മാ​യി ചിന്തി​ക്കാൻ ഒരാളെ സഹായി​ക്കു​മ്പോൾ, യേശു എന്ന മഹാനായ അധ്യാ​പ​ക​നെ​യും ഒന്നാം നൂറ്റാ​ണ്ടി​ലെ സമർഥ​രായ മറ്റ്‌ സുവി​ശേ​ഷ​ക​രെ​യും അനുക​രി​ക്കു​ക​യാണ്‌ നാം. അതോ​ടൊ​പ്പം, വീട്ടു​കാ​രനെ മാനി​ക്കു​ക​യും ആദരി​ക്കു​ക​യും ചെയ്യുന്നു എന്നു കാണി​ക്കാ​നും നമുക്കാ​കും. (1 പത്രോ. 3:15) തന്നിമി​ത്തം, ഒരുപക്ഷേ മടങ്ങി​വ​രാൻ അദ്ദേഹം നമ്മെ അനുവ​ദി​ച്ചേ​ക്കാം.