വിദ്യാർഥി​ക​ളു​ടെ ഹൃദയ​ത്തിൽ എങ്ങനെ എത്തിച്ചേരാം

1. യേശു​വി​ന്റെ പഠിപ്പി​ക്കൽ ശ്രോ​താ​ക്ക​ളു​ടെ ഹൃദയ​ത്തിൽ എന്തു ഫലമു​ണ്ടാ​ക്കി?

¹ യേശു​ക്രിസ്‌തു​വി​ന്റെ വാക്കുകൾ ശ്രോ​താ​ക്ക​ളു​ടെ ഹൃദയ​ത്തിൽ എത്തി. ശിഷ്യ​ന്മാർക്ക്‌ അവൻ തിരു​വെ​ഴു​ത്തു​കൾ വ്യക്തമാ​യി വിശദീ​ക​രി​ച്ചു കൊടു​ത്ത​പ്പോൾ, ഒരവസ​ര​ത്തിൽ അവരുടെ ഹൃദയം “ജ്വലി​ച്ചു​കൊ​ണ്ടി​രു”ന്നു. (ലൂക്കോ. 24:32) ദൈവ​ത്തോ​ടുള്ള അനുസ​രണം ഹൃദയ​ത്തിൽ നിന്നു് വരേണ്ട​താണ്‌. അതു​കൊണ്ട്‌ നമ്മുടെ വിദ്യാർഥി​കൾ ജീവി​ത​ത്തിൽ മാറ്റങ്ങൾ വരുത്തുന്ന അളവോ​ളം അവരുടെ വികാ​ര​ങ്ങളെ നമുക്ക്‌ എങ്ങനെ ഉണർത്താം?—റോമ. 6:17.

2. ഒരു വ്യക്തി​യു​ടെ ഹൃദയ​ത്തിൽ എത്തി​ച്ചേ​രാൻ നയവും വിവേ​ച​ന​യും ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

² നയവും വിവേ​ച​ന​യും ഉപയോ​ഗി​ക്കുക: ശരിയും തെറ്റും എന്താ​ണെന്നു വെറുതെ പറഞ്ഞാൽ മാത്രം പലരും പ്രവർത്തി​ക്കാൻ മെന​ക്കെ​ടില്ല. അവരുടെ മതവി​ശ്വാ​സ​ങ്ങളെ കുറെ അധികം തിരു​വെ​ഴു​ത്തു​കൾ ഉപയോ​ഗിച്ച്‌ മുറി​പ്പെ​ടു​ത്തി​യാ​ലും അവർ പഠനത്തിൽനിന്ന്‌ അകന്നു​പോ​യേ​ക്കാം. ഒരു വ്യക്തിയെ പ്രചോ​ദി​പ്പി​ക്ക​ണ​മെ​ങ്കിൽ നാം ആദ്യം അദ്ദേഹ​ത്തി​ന്റെ വിശ്വാ​സ​ങ്ങ​ളു​ടെ​യും അതിന്റെ ഫലമായ പ്രവർത്തി​ക​ളു​ടെ​യും കാരണം വിവേ​ചിച്ച്‌ അറിയണം. നയത്തോ​ടെ നന്നായി തിര​ഞ്ഞെ​ടുത്ത വീക്ഷണ​ചോ​ദ്യ​ങ്ങൾ ചോദി​ക്കു​ന്നത്‌ വിദ്യാർഥി​യു​ടെ ഉള്ളിന്റെ ഉള്ളിലെ വികാ​ര​വി​ചാ​രങ്ങൾ പുറത്തു​കൊ​ണ്ടു​വ​രാൻ സഹായി​ക്കും. (സദൃ. 20:5) അങ്ങനെ ഉചിത​മായ തിരു​വെ​ഴു​ത്തു​കൾ ഉപയോ​ഗി​ച്ചു​കൊണ്ട്‌ അദ്ദേഹ​ത്തി​ന്റെ ഹൃദയത്തെ ഉണർത്താ​നാ​കും. അതു​കൊണ്ട്‌ നമ്മൾ വ്യക്തി​പ​ര​മായ താത്‌പ​ര്യ​വും ക്ഷമയും കാണി​ക്കണം. (സദൃ. 25:15) ആളുകൾ വ്യത്യസ്‌ത അളവി​ലാണ്‌ ആത്മീയ പുരോ​ഗതി വരുത്തു​ന്ന​തെന്ന്‌ ഓർക്കുക. അവരുടെ ചിന്തക​ളെ​യും പ്രവർത്ത​ന​ങ്ങ​ളെ​യും സ്വാധീ​നി​ക്കാൻ യഹോ​വ​യു​ടെ പരിശു​ദ്ധാ​ത്മാവ്‌ പ്രവർത്തി​ക്കാൻ സമയം കൊടു​ക്കുക.—മർക്കോ. 4:26-29

3. നല്ല ഗുണങ്ങൾ വളർത്തി​യെ​ടു​ക്കാൻ വിദ്യാർഥി​കളെ നമുക്ക്‌ എങ്ങനെ സഹായി​ക്കാ​നാ​കും?

³ നല്ല ഗുണങ്ങൾ വളർത്തി​യെ​ടു​ക്കാൻ അവരെ സഹായി​ക്കുക: യഹോ​വ​യു​ടെ നന്മയും സ്‌നേ​ഹ​വും ചിത്രീ​ക​രി​ക്കുന്ന ബൈബിൾ ഭാഗങ്ങൾ നല്ല ഗുണങ്ങൾ വളർത്തി​യെ​ടു​ക്കാൻ വിദ്യാർഥി​കളെ സഹായി​ക്കും. നമ്മിൽ ഓരോ​രു​ത്ത​രി​ലും ദൈവ​ത്തി​നു വ്യക്തി​പ​ര​മായ താത്‌പ​ര്യം ഉണ്ടെന്നു കാണി​ക്കുന്ന സങ്കീർത്തനം 139:1-4 അല്ലെങ്കിൽ ലൂക്കോസ്‌ 12:6, 7 എന്നീ തിരു​വെ​ഴു​ത്തു​കൾ ഉപയോ​ഗി​ക്കുക. വ്യക്തികൾ യഹോ​വ​യു​ടെ അനർഹ ദയയോട്‌ വിലമ​തി​പ്പു വളർത്തി​യെ​ടു​ക്കു​മ്പോൾ ദൈവ​ത്തോ​ടുള്ള സ്‌നേ​ഹ​വും ഭക്തിയും വളരും. (റോമ. 5:6-8; 1 യോഹ. 4:19) സ്വന്തം ചെയ്‌തി​കൾ യഹോ​വയെ വ്യക്തി​പ​ര​മാ​യി ബാധി​ക്കും എന്നു പഠിക്കു​മ്പോൾ അവനെ പ്രസാ​ദി​പ്പി​ക്കു​യും ബഹുമാ​നി​ക്കു​ക​യും ചെയ്യുന്ന വിധത്തിൽ പ്രവർത്തി​ക്കാൻ അവർ പ്രചോ​ദി​ത​രാ​കും.—സങ്കീ. 78:40, 41; സദൃ. 23:15.

4. ശുശ്രൂ​ഷ​യിൽ വ്യക്തി​കളെ പഠിപ്പി​ക്കു​മ്പോൾ തിര​ഞ്ഞെ​ടു​ക്കാ​നുള്ള അവരുടെ സ്വാത​ന്ത്ര്യ​ത്തെ നമുക്ക്‌ എങ്ങനെ ബഹുമാ​നി​ക്കാം?

⁴ തന്റെ കല്‌പ​നകൾ അനുസ​രി​ക്കാൻ യഹോവ ആരെയും നിർബ​ന്ധി​ക്കു​ന്നില്ല. പകരം, തന്റെ ഉപദേ​ശങ്ങൾ അനുസ​രി​ക്കു​ന്ന​തി​ലെ ജ്ഞാനം കാണി​ച്ചു​കൊണ്ട്‌ അവൻ വ്യക്തി​കളെ ആകർഷി​ക്കു​ന്നു. (യെശ. 48:17, 18) സ്വയം ഉചിത​മായ തീരു​മാ​ന​ങ്ങ​ളിൽ എത്തി​ച്ചേ​രാൻ ആളുകളെ സഹായി​ക്കുന്ന രീതി​യിൽ പഠിപ്പി​ച്ചു​കൊണ്ട്‌ നമ്മൾ യഹോ​വയെ അനുക​രി​ക്കു​ന്നു. വ്യക്തി​കൾക്ക്‌ ജീവി​ത​ത്തിൽ മാറ്റം വരു​ത്തേ​ണ്ടതു സംബന്ധിച്ച്‌ ബോധ്യ​പ്പെ​ടു​മ്പോൾ അതിന്റെ ഫലം നിലനിൽക്കു​ന്ന​താ​യി​രി​ക്കും. (റോമ. 12:2) “ഹൃദയ​ങ്ങളെ ശോധന ചെയ്യുന്നവ”നായ യഹോ​വ​യി​ലേക്ക്‌ അടുക്കാ​നും ഇത്‌ ഇടയാ​ക്കും.—സദൃ. 17:3.