ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ന്റെ സവി​ശേ​ഷ​തകൾ ഫലപ്ര​ദ​മാ​യി ഉപയോഗിക്കുക

ഒരു വിദ്യാർഥി ബൈബിൾ യഥാർഥ​ത്തിൽ പഠിപ്പി​ക്കു​ന്നത്‌ ഗ്രഹി​ക്കു​ക​യും അതു ബാധക​മാ​ക്കു​ക​യും ചെയ്യു​മ്പോൾ അദ്ദേഹം ആത്മീയ​മാ​യി വളരു​ക​യും ഫലം പുറ​പ്പെ​ടു​വി​ക്കു​ക​യും ചെയ്യും. (സങ്കീ. 1:1-3) ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ന്റെ ചില സവി​ശേ​ഷ​തകൾ വിദ്യാർഥി​യെ പുരോ​ഗ​മി​ക്കാൻ സഹായി​ക്കും. അതു​കൊണ്ട്‌ അത്‌ നമുക്ക്‌ നന്നായി ഉപയോ​ഗി​ക്കാം.

ആമുഖ ചോദ്യ​ങ്ങൾ: ഓരോ അധ്യാ​യ​വും തുടങ്ങു​ന്നത്‌ ആ പാഠത്തിൽ ഉത്തരം ലഭിക്കുന്ന ചോദ്യ​ങ്ങ​ളോ​ടെ​യാണ്‌. വരാനുള്ള ചർച്ചയിൽ താത്‌പ​ര്യം വർധി​പ്പി​ക്കാ​നാ​യി ഉത്തരം പ്രതീ​ക്ഷി​ക്കാ​തെ ഈ ചോദ്യ​ങ്ങൾ നിങ്ങൾക്ക്‌ ഉപയോ​ഗി​ക്കാ​വു​ന്ന​താണ്‌. അല്ലെങ്കിൽ ഓരോ ചോദ്യ​ത്തി​നും ഹ്രസ്വ​മായ അഭി​പ്രാ​യം പറയാൻ അദ്ദേഹത്തെ ക്ഷണിക്കാം. ഒരു തെറ്റായ ആശയമാണ്‌ അദ്ദേഹം പറയു​ന്ന​തെ​ങ്കി​ലും അപ്പോൾത്തന്നെ തിരു​ത്തേ​ണ്ട​തില്ല. അദ്ദേഹ​ത്തി​ന്റെ അഭി​പ്രാ​യ​ങ്ങ​ളിൽനി​ന്നും ഏതു വിവര​ങ്ങൾക്കാണ്‌ പ്രത്യേക ശ്രദ്ധയും ഊന്നലും കൊടു​ക്കേ​ണ്ട​തെന്ന്‌ നിങ്ങൾക്കു തിരി​ച്ച​റി​യാം.—സദൃ. 16:23; 18:13

അനുബന്ധം: പഠിച്ചു​കൊ​ണ്ടി​രി​ക്കുന്ന പാഠത്തി​ലെ വിവരങ്ങൾ വിദ്യാർഥി മനസ്സി​ലാ​ക്കു​ക​യും സ്വീക​രി​ക്കു​ക​യും ചെയ്യു​ന്നെ​ങ്കിൽ അതിന്റെ അനുബ​ന്ധ​ത്തിൽ കൊടു​ത്തി​രി​ക്കുന്ന വിവരങ്ങൾ സ്വയം പുനര​വ​ലോ​കനം ചെയ്യാൻ പ്രോ​ത്സാ​ഹി​പ്പി​ച്ചാൽ മതിയാ​കും. അടുത്ത പഠന​വേ​ള​യിൽ അദ്ദേഹം അതു മനസ്സി​ലാ​ക്കി​യെന്ന്‌ ഏതാനും മിനിട്ട്‌ സമയ​മെ​ടുത്ത്‌ ഉറപ്പാ​ക്കുക. എന്നിരു​ന്നാ​ലും, അദ്ദേഹ​ത്തി​നു പ്രയോ​ജനം ചെയ്യു​മെ​ങ്കിൽ പഠന​വേ​ള​യിൽത്തന്നെ അനുബ​ന്ധ​ത്തി​ലെ വിവരങ്ങൾ മുഴു​വ​നാ​യോ ഭാഗി​ക​മാ​യോ ചർച്ച ചെയ്യണം. അനുബ​ന്ധ​ത്തി​ലെ വിവരങ്ങൾ വായി​ച്ചു​കൊ​ണ്ടും നിങ്ങൾ മുന്നമേ തയ്യാറാ​ക്കി​ക്കൊ​ണ്ടു​വന്ന ചോദ്യ​ങ്ങൾ ചോദി​ച്ചു​കൊ​ണ്ടും ഇതു ചെയ്യാ​വു​ന്ന​താണ്‌.

പുനര​വ​ലോ​കന ചതുരം: ഓരോ അധ്യാ​യ​ത്തി​ന്റെ​യും അവസാ​ന​മുള്ള പുനര​വ​ലോ​കന ചതുര​ത്തിൽ പ്രസ്‌തുത അധ്യാ​യ​ത്തി​ന്റെ തുടക്ക​ത്തി​ലുള്ള ചോദ്യ​ങ്ങ​ളു​ടെ ഉത്തരങ്ങ​ളാണ്‌ ഉള്ളത്‌. വിദ്യാർഥി പ്രധാ​ന​വി​വ​രങ്ങൾ മനസ്സി​ലാ​ക്കു​ന്നു​വെ​ന്നും അദ്ദേഹ​ത്തിന്‌ അത്‌ വിശദീ​ക​രി​ക്കാൻ ആകു​മെ​ന്നും ഈ സവി​ശേഷത ഉപയോ​ഗിച്ച്‌ നിങ്ങൾക്ക്‌ ഉറപ്പാ​ക്കാം. ഓരോ പ്രസ്‌താ​വ​ന​യും കൂടെ​യുള്ള തിരു​വെ​ഴു​ത്തു​ക​ളും വിദ്യാർഥി ഉറക്കെ വായി​ക്കട്ടെ. പിന്നെ, ഈ പ്രസ്‌താ​വന ശരിയാ​യി​രി​ക്കു​ന്നത്‌ എന്തു​കൊ​ണ്ടെന്ന്‌ തിരു​വെ​ഴു​ത്തു​കൾ ഉപയോ​ഗിച്ച്‌ വിശദീ​ക​രി​ക്കാൻ വിദ്യാർഥി​യെ ക്ഷണിക്കുക.—പ്രവൃ. 17:2, 3.