ദൈവത്തിന്റെ അനുഗ്രഹങ്ങൾ എന്നും ആസ്വദിക്കാം
യുദ്ധവും കലഹവും അക്രമവും ഒന്നും ഇല്ലാത്ത ഒരു ലോകം വന്നുകാണാൻ നിങ്ങൾ ആഗ്രഹിക്കുന്നുണ്ടോ?
‘രോഗവും മരണവും ദുരിതവും ഒന്നും ഇല്ലായിരുന്നെങ്കിൽ’ എന്നു നിങ്ങൾ ആശിച്ചിട്ടുണ്ടോ?
‘വേവലാതികളും ഉത്‌കണ്‌ഠകളും ഇല്ലാതെ ഒന്നു ജീവിക്കാൻ പറ്റിയിരുന്നെങ്കിൽ’ എന്നു നിങ്ങൾ ആഗ്രഹിച്ചിട്ടുണ്ടോ?
പ്രകൃതിദുരന്തങ്ങൾ ഒന്നും സംഭവിക്കാത്ത ഒരിടത്ത്‌ ജീവിക്കാൻ നിങ്ങൾ ആഗ്രഹിക്കുന്നുണ്ടോ?
മനോഹരമായ ഈ ഭൂമിയുടെ സ്രഷ്ടാവ്‌, നമ്മുടെ സ്‌നേഹവാനായ ദൈവം, സമാധാനവും സന്തോഷവും നിറഞ്ഞ ഒരു അവസ്ഥയിൽ മനുഷ്യകുടുംബത്തിന്‌ എന്നേക്കും ജീവിക്കാനാകുമെന്ന്‌ വാഗ്‌ദാനം ചെയ്‌തിട്ടുണ്ട്‌. ഇതൊരു സ്വപ്‌നമല്ല.
ഇനിവരുന്ന ലേഖനങ്ങളിലുള്ള വിഷയങ്ങൾ ശ്രദ്ധിക്കുക:
മനുഷ്യരെക്കുറിച്ച്‌ സ്രഷ്ടാവിന്‌ എന്താണു തോന്നുന്നത്‌?
ദൈവത്തിനു നമ്മളോടു പറയാനുള്ള സന്ദേശം എന്താണ്‌?
ദൈവം മനുഷ്യർക്കു കൊടുക്കാൻപോകുന്ന അനുഗ്രഹങ്ങളെക്കുറിച്ച്‌ പ്രവാചകന്മാർ എന്താണ്‌ വെളിപ്പെടുത്തിയിരിക്കുന്നത്‌?
ഇപ്പോഴും ഭാവിയിലും സന്തോഷത്തോടെയിരിക്കാൻ ദൈവം നമ്മളെ എങ്ങനെയാണു സഹായിക്കുന്നത്‌?
ആദ്യം നമുക്കു, സ്രഷ്ടാവിനു മനുഷ്യരോടുള്ള കരുതലിനെക്കുറിച്ച്‌ നോക്കാം.