ക്രിസ്‌ത്യാനികളായി ജീവിക്കാം
സ്‌മാരകത്തിനായി നിങ്ങൾ എങ്ങനെ ഒരുങ്ങും?
ഈ വർഷംമുതൽ, ക്രിസ്‌തുവിന്റെ മരണത്തിന്റെ സ്‌മാരകത്തിനായി ഒരുങ്ങാൻ നമുക്കു കുറച്ചുകൂടെ സമയമുണ്ടായിരിക്കും. തിങ്കൾ മുതൽ വെള്ളി വരെയുള്ള ഒരു ദിവസമാണു സ്‌മാരകമെങ്കിൽ ആ ആഴ്‌ച ജീവിത-സേവന യോഗം ഉണ്ടായിരിക്കില്ല. വാരാന്തത്തിലാണു സ്‌മാരകമെങ്കിൽ പൊതുപ്രസംഗവും വീക്ഷാഗോപുരപഠനവും ഉണ്ടായിരിക്കുന്നതല്ല. കൂടുതലായി കിട്ടുന്ന സമയം നിങ്ങൾ ഏറ്റവും നന്നായി പ്രയോജനപ്പെടുത്തുമോ? ഒന്നാം നൂറ്റാണ്ടിലേതുപോലെ സ്‌മാരകം ആചരിക്കാൻ പല ക്രമീകരണങ്ങളും ചെയ്യാനുണ്ട്‌. (ലൂക്ക 22:7-13; km 3/15 1) എന്നാൽ അതോടൊപ്പം നമ്മളെല്ലാവരും നമ്മുടെ ഹൃദയം ഒരുക്കണം. നമുക്ക്‌ അത്‌ എങ്ങനെ ചെയ്യാം?
പരിപാടിക്കു ഹാജരാകേണ്ടതിന്റെ പ്രാധാന്യത്തെക്കുറിച്ച്‌ ചിന്തിക്കുക.—1കൊ 11:23-26
യഹോവയുമായി നിങ്ങൾക്കുള്ള ബന്ധത്തെക്കുറിച്ച്‌ പ്രാർഥനാപൂർവം ചിന്തിക്കുക.—1കൊ 11:27-29; 2കൊ 13:5
സ്‌മാരകത്തിന്റെ പ്രാധാന്യം വ്യക്തമാക്കുന്ന തിരുവെഴുത്തുകൾ വായിക്കുകയും ധ്യാനിക്കുകയും ചെയ്യുക.—യോഹ 3:16; 15:13
ചില പ്രചാരകർ തിരുവെഴുത്തുകൾ ദൈനംദിനം പരിശോധിക്കൽ എന്ന ചെറുപുസ്‌തകത്തിലെ സ്‌മാരക ബൈബിൾവായനാഭാഗം വായിക്കുകയും ധ്യാനിക്കുകയും ചെയ്യുന്നു. ചിലർ ഇതോടൊപ്പം കൊടുത്തിരിക്കുന്ന ചാർട്ടിലെ ബൈബിൾഭാഗങ്ങൾ വായിക്കുന്നു. വേറെ ചിലർ സ്‌മാരകത്തെയും യഹോവയും യേശുവും കാണിച്ച സ്‌നേഹത്തെയും കുറിച്ചുള്ള വീക്ഷാഗോപുരലേഖനങ്ങൾ ഒന്നുകൂടി വായിക്കുന്നു. നിങ്ങൾ പഠിക്കാൻ തീരുമാനിക്കുന്നത്‌ എങ്ങനെയായാലും, അത്‌ യഹോവയും യേശുവും ആയുള്ള നിങ്ങളുടെ അടുപ്പം കൂടുതൽ വർധിപ്പിക്കട്ടെ.