ശുദ്ധി​യു​ള്ള​വരെ യഹോവ സ്‌നേ​ഹി​ക്കു​ന്നു

എങ്ങനെ വൃത്തി​യു​ള്ള​വ​രാ​യി​രി​ക്കാം എന്നു മിക്ക മാതാ​പി​താ​ക്ക​ളും മക്കളെ പഠിപ്പി​ക്കു​ന്നു. ‘കൈ കഴുകണം. മുറി അടിക്കണം. പാത്രം കഴുകണം’ ഇങ്ങനെ​യൊ​ക്കെ അവർ മക്കളോ​ടു പറയാ​റുണ്ട്‌. എന്നാൽ, ശുദ്ധി സംബന്ധിച്ച തത്ത്വങ്ങൾ തന്നിരി​ക്കു​ന്നതു വിശു​ദ്ധ​നായ നമ്മുടെ ദൈവ​മാണ്‌. (പുറ 30:18-20; ആവ 23:14; 2കൊ 7:1) നമ്മുടെ ശരീര​വും സാധന​സാ​മ​ഗ്രി​ക​ളും വൃത്തി​യാ​യി സൂക്ഷി​ക്കു​മ്പോൾ നമ്മൾ യഹോ​വയെ മഹത്ത്വ​പ്പെ​ടു​ത്തു​ക​യാണ്‌. (1പത്ര 1:14-16) നമ്മുടെ വീടി​ന്റെ​യും ചുറ്റു​പാ​ടു​ക​ളു​ടെ​യും കാര്യ​ത്തിൽ നമ്മൾ ശ്രദ്ധി​ക്ക​ണോ? വഴിയി​ലും പാർക്കി​ലും ഒക്കെ ചപ്പുച​വറ്‌ വലി​ച്ചെ​റി​യുന്ന ആളുക​ളിൽനിന്ന്‌ വ്യത്യ​സ്‌ത​രാ​യി, തങ്ങളുടെ ഭവനമായ ഭൂമി വൃത്തി​യാ​യി സൂക്ഷി​ക്കാൻ ക്രിസ്‌ത്യാ​നി​കൾ പരമാ​വധി ശ്രമി​ക്കു​ന്നു. (സങ്ക 115:16; വെളി 11:18) മിഠാ​യി​ക്ക​ട​ലാ​സും പ്ലാസ്റ്റിക്‌ കുപ്പി​യും ബബിൾഗ​മും ഒക്കെ നമ്മൾ എവി​ടെ​യാ​ണു കളയു​ന്നത്‌? അത്തരം ചെറിയ കാര്യ​ങ്ങൾപോ​ലും വൃത്തി​യെ​ക്കു​റി​ച്ചുള്ള നമ്മുടെ മനോ​ഭാ​വം വെളി​പ്പെ​ടു​ത്തും. ജീവി​ത​ത്തി​ന്റെ എല്ലാ മേഖല​ക​ളി​ലും ‘ദൈവ​ത്തി​നു ശുശ്രൂഷ ചെയ്യു​ന്ന​വ​രാ​ണെന്നു തെളി​യി​ക്കാൻ’ നമ്മൾ ആഗ്രഹി​ക്കു​ന്നു.—2കൊ 6:3, 4.

ശുദ്ധിയുള്ളവരെ യഹോവ സ്‌നേ​ഹി​ക്കു​ന്നു എന്ന വീഡി​യോ കാണുക. എന്നിട്ട്‌ പിൻവ​രുന്ന ചോദ്യ​ങ്ങൾക്ക്‌ ഉത്തരം കണ്ടെത്തുക:

• തങ്ങളുടെ സാധനങ്ങൾ വൃത്തി​യാ​യി സൂക്ഷി​ക്കാ​ത്ത​തി​നു ചിലർ എന്തൊക്കെ കാരണങ്ങൾ പറഞ്ഞേ​ക്കാം?

• വൃത്തി​യെ​ക്കു​റി​ച്ചുള്ള യഹോ​വ​യു​ടെ വീക്ഷണം മോശ​യു​ടെ നിയമം വെളി​പ്പെ​ടു​ത്തു​ന്നത്‌ എങ്ങനെ?

• ഒരു വാക്കു​പോ​ലും പറയാതെ നമുക്ക്‌ എങ്ങനെ യഹോ​വ​യ്‌ക്കു സാക്ഷ്യം വഹിക്കാം?