ദൈവവചനത്തിലെ നിധികൾ | ഉൽപത്തി 32-33

അനുഗ്രഹത്തിനു വേണ്ടി നിങ്ങൾ മല്ലുപിടിക്കുന്നുണ്ടോ?

യഹോവയുടെ അനുഗ്രഹം കിട്ടണമെങ്കിൽ, ദൈവസേവനം എപ്പോഴും ജീവിതത്തിൽ ഒന്നാം സ്ഥാനത്ത്‌ വെക്കാൻ നമ്മൾ കഠിനശ്രമം ചെയ്യണം. (1കൊ 9:26, 27) ക്രിസ്‌തീയ ഉത്തരവാദിത്തങ്ങൾ ചെയ്യുമ്പോൾ, വൃദ്ധനായ യാക്കോബ്‌ ദൂതനുമായി മല്ലുപിടിക്കുന്നതിനു കാണിച്ച അതേ തീക്ഷ്‌ണത നമുക്കും ഉണ്ടായിരിക്കണം. പിൻവരുന്ന കാര്യങ്ങൾ ചെയ്യുന്നത്‌ യഹോവയുടെ അനുഗ്രഹം കിട്ടാൻ നമ്മൾ ശരിക്കും ആഗ്രഹിക്കുന്നുണ്ടെന്നു കാണിക്കും:

സഭായോഗങ്ങൾക്കു നന്നായി തയ്യാറാകുന്നത്‌
ശുശ്രൂഷയിൽ ക്രമമായി പങ്കെടുക്കുന്നത്‌
സഭയിലെ മറ്റുള്ളവരെ കഴിവിന്റെ പരമാവധി സഹായിക്കുന്നത്‌

ചിത്രങ്ങൾ: തിരക്കുള്ള, കൊച്ചുകുട്ടികളുള്ള ഒരു അമ്മ. 1. ഓരോ ദിവസത്തെയും ജോലികൾ തുടങ്ങുന്നതിനു മുമ്പ്‌ സഹോദരി പ്രാർഥിക്കുന്നു. 2. ശുശ്രൂഷയ്‌ക്കു പോകുന്നതിനു മുമ്പ്‌ സഹോദരി കുഞ്ഞുകൊച്ചിന്‌ ആഹാരം കൊടുക്കുന്നു. 3. രണ്ടു പെൺമക്കളുടെയും മറ്റു സഹോദരിമാരുടെയും കൂടെ സഹോദരി സന്തോഷത്തോടെ വയൽസേവനം ചെയ്യുന്നു.

നിങ്ങളുടെ സാഹചര്യം എത്ര ബുദ്ധിമുട്ടു നിറഞ്ഞതാണെങ്കിലും യഹോവയുടെ സഹായത്തിനായി നിരന്തരം പ്രാർഥിക്കുക. യഹോവയെ സേവിക്കാനുള്ള ഉത്സാഹത്തോടെയുള്ള നിങ്ങളുടെ ശ്രമങ്ങളെ അനുഗ്രഹിക്കേണമേ എന്ന്‌ അപേക്ഷിക്കുക.

സ്വയം ചോദിക്കുക, യഹോവയുടെ അനുഗ്രഹം കിട്ടുന്നതിന്‌, ജീവിതത്തിലെ ഏതെല്ലാം കാര്യങ്ങളിൽ മെച്ചപ്പെടാൻ ഞാൻ ഇനിയും ശ്രമിക്കണം?