നവദമ്പ​തി​കളേ, ദൈവ​സേ​വ​ന​ത്തി​നു ജീവി​ത​ത്തിൽ ഒന്നാം സ്ഥാനം നൽകുക

1-2. (എ) പുതു​താ​യി കല്യാണം കഴിക്കു​ന്നവർ യഹോ​വ​യിൽ ആശ്രയി​ക്കേ​ണ്ടത്‌ എന്തു​കൊണ്ട്‌? (സങ്കീർത്തനം 37:3, 4) (ബി) ഈ ലേഖന​ത്തിൽ നമ്മൾ എന്തു പഠിക്കും?

നിങ്ങൾ പുതു​താ​യി കല്യാണം കഴിച്ച​യാ​ളാ​ണോ? അതല്ലെ​ങ്കിൽ താമസി​യാ​തെ കല്യാണം കഴിക്കാൻ പോകു​ക​യാ​ണോ? അങ്ങനെ​യെ​ങ്കിൽ നിങ്ങൾ ഒരുപാ​ടു സ്‌നേ​ഹി​ക്കുന്ന വ്യക്തി​യോ​ടൊ​പ്പം സന്തോ​ഷ​ത്തോ​ടെ ജീവി​ക്കാൻ ആഗ്രഹി​ക്കു​ന്നു എന്നതിനു സംശയ​മില്ല. എന്നാൽ വിവാ​ഹ​ജീ​വി​ത​ത്തിൽ നിങ്ങൾക്കു പല പ്രശ്‌ന​ങ്ങ​ളും ഉണ്ടാ​യേ​ക്കാം. മാത്രമല്ല, പ്രധാ​ന​പ്പെട്ട പല തീരു​മാ​ന​ങ്ങ​ളു​മെ​ടു​ക്കേ​ണ്ടി​വ​ന്നേ​ക്കാം. നിങ്ങൾ ആ പ്രശ്‌ന​ങ്ങളെ എങ്ങനെ കൈകാ​ര്യം ചെയ്യുന്നു, എന്തു തീരു​മാ​ന​മെ​ടു​ക്കു​ന്നു എന്നതി​നെ​യൊ​ക്കെ ആശ്രയി​ച്ചാ​യി​രി​ക്കും മുന്നോ​ട്ടുള്ള ജീവി​ത​ത്തി​ലെ സന്തോഷം. യഹോ​വ​യിൽ ആശ്രയി​ക്കു​ന്നെ​ങ്കിൽ നിങ്ങൾക്കു ശരിയായ തീരു​മാ​ന​ങ്ങ​ളെ​ടു​ക്കാ​നാ​കും. നിങ്ങളു​ടെ വിവാ​ഹ​ബന്ധം കൂടുതൽ ശക്തമാ​കും. ജീവി​ത​ത്തിൽ കൂടുതൽ സന്തോ​ഷ​വും കിട്ടും. എന്നാൽ നിങ്ങൾ ദൈവ​ത്തിൽ ആശ്രയി​ക്കു​ന്നി​ല്ലെ​ങ്കിൽ വിവാ​ഹ​ബ​ന്ധ​ത്തി​നു വിള്ളൽവീ​ഴ്‌ത്തുന്ന തരം പ്രശ്‌നങ്ങൾ ജീവി​ത​ത്തിൽ ഉണ്ടാ​യേ​ക്കാം, അതോടെ നിങ്ങളു​ടെ സന്തോ​ഷ​വും നഷ്ടപ്പെ​ടും.—സങ്കീർത്തനം 37:3, 4 വായി​ക്കുക.

² ഈ ലേഖനം പ്രധാ​ന​മാ​യും പുതു​താ​യി കല്യാണം കഴിച്ച​വർക്കു​വേ​ണ്ടി​യു​ള്ള​താ​ണെ​ങ്കി​ലും എല്ലാ ദമ്പതി​കൾക്കും ഇതിൽനിന്ന്‌ പ്രയോ​ജനം നേടാ​നാ​കും. ബൈബി​ളിൽ പറഞ്ഞി​രി​ക്കുന്ന വിശ്വ​സ്‌ത​രായ ചില സ്‌ത്രീ​പു​രു​ഷ​ന്മാ​രു​ടെ ജീവി​ത​ത്തിൽനിന്ന്‌ എന്തു പഠിക്കാ​മെ​ന്നും നമ്മൾ കാണും. നമ്മുടെ വ്യക്തി​പ​ര​മായ ജീവി​ത​ത്തി​ലും വിവാ​ഹ​ജീ​വി​ത​ത്തി​ലും പ്രാവർത്തി​ക​മാ​ക്കാൻ കഴിയുന്ന പാഠങ്ങ​ളാണ്‌ അവ. കൂടാതെ, ഇക്കാലത്തെ ചില ദമ്പതി​ക​ളു​ടെ ജീവി​താ​നു​ഭ​വ​ത്തിൽനിന്ന്‌ പഠിക്കാ​നാ​കുന്ന ചില കാര്യ​ങ്ങ​ളും നമ്മൾ ചർച്ച ചെയ്യും.

പുതു​താ​യി കല്യാണം കഴിച്ചവർ നേരി​ടുന്ന ചില പ്രശ്‌നങ്ങൾ

3-4. പുതു​താ​യി കല്യാണം കഴിക്കു​ന്ന​വർക്ക്‌ ഉണ്ടാ​യേ​ക്കാ​വുന്ന ചില പ്രശ്‌നങ്ങൾ എന്തൊ​ക്കെ​യാണ്‌?

³ എല്ലാവ​രെ​യും​പോ​ലെ ഒരു സാധാ​ര​ണ​ജീ​വി​തം നയിക്കാൻ പുതു​താ​യി കല്യാണം കഴിച്ച​വരെ മറ്റുള്ളവർ പ്രോ​ത്സാ​ഹി​പ്പി​ച്ചേ​ക്കാം. ഉദാഹ​ര​ണ​ത്തിന്‌, എത്രയും പെട്ടെന്നു കുട്ടി​ക​ളൊ​ക്കെ വേണ​മെന്നു മാതാ​പി​താ​ക്ക​ളോ ബന്ധുക്ക​ളോ പറഞ്ഞേ​ക്കാം. അതല്ലെ​ങ്കിൽ എല്ലാ സുഖസൗ​ക​ര്യ​ങ്ങ​ളോ​ടും​കൂ​ടിയ ഒരു നല്ല വീടൊ​ക്കെ വാങ്ങി സന്തോ​ഷ​ത്തോ​ടെ ജീവി​ക്കാ​നാ​യി​രി​ക്കാം സുഹൃ​ത്തു​ക്ക​ളു​ടെ​യും കുടും​ബാം​ഗ​ങ്ങ​ളു​ടെ​യും ഉപദേശം.

⁴ അവരുടെ വാക്കുകൾ കേട്ട്‌, ദമ്പതികൾ ചിന്തി​ക്കാ​തെ ഓരോ​രോ തീരു​മാ​ന​ങ്ങ​ളെ​ടു​ത്താൽ ചില​പ്പോൾ വലിയ കടബാ​ധ്യ​തകൾ വരുത്തി​വെ​ച്ചേ​ക്കാം. എന്നിട്ട്‌ ആ കടം വീട്ടാ​നാ​യി ഭാര്യ​യും ഭർത്താ​വും പലപ്പോ​ഴും കൂടുതൽ സമയം ജോലി ചെയ്യേ​ണ്ടി​വ​രും. അതു​കൊ​ണ്ടു​തന്നെ അവർക്കു കുടും​ബാ​രാ​ധ​ന​യ്‌ക്കും ശുശ്രൂ​ഷ​യ്‌ക്കും സ്വന്തമാ​യുള്ള ബൈബിൾപ​ഠ​ന​ത്തി​നും ആവശ്യ​ത്തി​നു സമയം കിട്ടാ​തെ​വ​രും. കൂടുതൽ പണം വേണ്ടതു​കൊ​ണ്ടോ ജോലി പോകാ​തെ നോ​ക്കേ​ണ്ട​തു​കൊ​ണ്ടോ മീറ്റി​ങ്ങു​കൾ മുടക്കി​പ്പോ​ലും ഓവർടൈം ചെയ്യേ​ണ്ടി​വ​ന്നേ​ക്കാം. അതിലൂ​ടെ യഹോ​വ​യു​ടെ സേവന​ത്തിൽ കൂടുതൽ ചെയ്യാ​നുള്ള നല്ലനല്ല അവസര​ങ്ങ​ളാണ്‌ അവർക്കു നഷ്ടമാ​കു​ന്നത്‌.

5. ക്ലോസ്‌-മരീസ ദമ്പതി​ക​ളു​ടെ അനുഭ​വ​ത്തിൽനിന്ന്‌ നിങ്ങൾ എന്താണു പഠിച്ചത്‌?

⁵ കൂടുതൽ വസ്‌തു​വ​കകൾ വാരി​ക്കൂ​ട്ടു​ന്നതല്ല സന്തോ​ഷ​ത്തി​ലേക്കു നയിക്കു​ന്ന​തെന്നു പലരു​ടെ​യും അനുഭ​വങ്ങൾ കാണി​ക്കു​ന്നു. ക്ലോസ്‌-മരീസ ദമ്പതി​ക​ളു​ടെ അനുഭവം നോക്കാം.b നല്ല സുഖസൗ​ക​ര്യ​ങ്ങ​ളോ​ടെ ജീവി​ക്കാൻവേണ്ടി കല്യാണം കഴിഞ്ഞ ഉടനെ അവർ രണ്ടു പേരും മുഴു​സ​മ​യ​വും ജോലി ചെയ്യു​ന്നു​ണ്ടാ​യി​രു​ന്നു. എന്നാൽ ഉള്ളി​ന്റെ​യു​ള്ളിൽ അവർക്ക്‌ അത്ര സന്തോ​ഷ​വും സംതൃ​പ്‌തി​യും ഒന്നും തോന്നി​യി​രു​ന്നില്ല. ക്ലോസ്‌ സഹോ​ദരൻ പറയുന്നു: “ഞങ്ങൾക്ക്‌ ഇഷ്ടം​പോ​ലെ വസ്‌തു​വ​കകൾ വാരി​ക്കൂ​ട്ടാ​നാ​യി. പക്ഷേ യഹോ​വ​യു​ടെ സേവന​ത്തിൽ കൂടുതൽ ചെയ്യാ​നുള്ള ലക്ഷ്യങ്ങ​ളൊ​ന്നു​മു​ണ്ടാ​യി​രു​ന്നില്ല. സത്യം പറഞ്ഞാൽ ജീവിതം ടെൻഷൻ നിറഞ്ഞ​താ​യി​രു​ന്നു. എപ്പോ​ഴും ഓരോ​രോ പ്രശ്‌നങ്ങൾ.” കുറെ വസ്‌തു​വ​കകൾ ഉണ്ടായി​ട്ടും ജീവി​ത​ത്തിൽ ശരിക്കുള്ള സന്തോഷം കിട്ടു​ന്നി​ല്ലെന്നു നിങ്ങളും ഒരുപക്ഷേ അനുഭ​വി​ച്ച​റി​ഞ്ഞി​ട്ടു​ണ്ടാ​കും. നിങ്ങൾ അങ്ങനെ​യുള്ള ഒരാളാ​ണെ​ങ്കിൽ വിഷമി​ക്കേണ്ടാ. മറ്റുള്ള​വ​രു​ടെ ജീവി​താ​നു​ഭ​വങ്ങൾ പഠിക്കു​ന്നത്‌ ആവശ്യ​മായ മാറ്റങ്ങൾ വരുത്താൻ നിങ്ങളെ സഹായി​ക്കും. ആദ്യം​തന്നെ യഹോ​ശാ​ഫാത്ത്‌ രാജാ​വി​ന്റെ മാതൃ​ക​യിൽനിന്ന്‌ ഭർത്താ​ക്ക​ന്മാർക്ക്‌ എന്തു പഠിക്കാ​മെന്നു നമുക്കു നോക്കാം.

യഹോ​ശാ​ഫാത്ത്‌ രാജാ​വി​നെ​പ്പോ​ലെ യഹോ​വ​യിൽ ആശ്രയിക്കുക

6. വലി​യൊ​രു സൈന്യം തന്റെ ജനത്തിനു നേരെ വന്നപ്പോൾ യഹോ​ശാ​ഫാത്ത്‌ രാജാവ്‌ എങ്ങനെ​യാണ്‌ സുഭാ​ഷി​തങ്ങൾ 3:5, 6-നു ചേർച്ച​യിൽ പ്രവർത്തി​ച്ചത്‌?

⁶ ഭർത്താ​ക്ക​ന്മാ​രേ, എത്ര വലിയ ഉത്തരവാ​ദി​ത്വ​മാ​ണു നിങ്ങൾക്കു​ള്ളത്‌ എന്നോർത്ത്‌ ചില​പ്പോ​ഴൊ​ക്കെ ഉത്‌കണ്‌ഠ തോന്നാ​റു​ണ്ടോ? അങ്ങനെ​യെ​ങ്കിൽ യഹോ​ശാ​ഫാത്ത്‌ രാജാ​വിൽനിന്ന്‌ നിങ്ങൾക്കു ചില കാര്യങ്ങൾ പഠിക്കാം. രാജാ​വെ​ന്ന​നി​ല​യിൽ യഹോ​ശാ​ഫാ​ത്തി​നു മുഴു​ജ​ന​ത​യും സുരക്ഷി​ത​രാ​ണെന്ന്‌ ഉറപ്പു​വ​രു​ത്താ​നുള്ള വലിയ ഉത്തരവാ​ദി​ത്വം ഉണ്ടായി​രു​ന്നു. ആ ഉത്തരവാ​ദി​ത്വം അദ്ദേഹം എങ്ങനെ​യാ​ണു നിറ​വേ​റ്റി​യത്‌? ജനത്തെ സംരക്ഷി​ക്കാൻ തനിക്കു ചെയ്യാൻ പറ്റുന്നത്‌ യഹോ​ശാ​ഫാത്ത്‌ ചെയ്‌തു. അദ്ദേഹം യഹൂദ​യി​ലെ നഗരങ്ങൾക്കു കോട്ടകൾ പണിതു. 11,60,000-ത്തിലധി​കം വരുന്ന വലി​യൊ​രു സൈന്യ​ത്തെ സംഘടി​പ്പി​ച്ചു. (2 ദിന. 17:12-19) പിന്നീട്‌ യഹോ​ശാ​ഫാത്ത്‌ രാജാ​വി​നു വലി​യൊ​രു പ്രശ്‌നം നേരിട്ടു. അമ്മോ​ന്യ​രും മോവാ​ബ്യ​രും സേയീർ മലനാ​ട്ടു​കാ​രും അടങ്ങുന്ന വലി​യൊ​രു സൈന്യം യഹോ​ശാ​ഫാത്ത്‌ രാജാ​വി​നും ജനത്തി​നും നേരെ യുദ്ധത്തി​നു വന്നു. (2 ദിന. 20:1, 2) രാജാവ്‌ അപ്പോൾ എന്താണു ചെയ്‌തത്‌? സഹായ​ത്തി​നും ശക്തിക്കും വേണ്ടി അദ്ദേഹം യഹോ​വ​യിൽ ആശ്രയി​ച്ചു. സുഭാ​ഷി​തങ്ങൾ 3:5, 6-ൽ (വായി​ക്കുക.) പറഞ്ഞി​രി​ക്കുന്ന ഉപദേ​ശ​ത്തി​നു ചേർച്ച​യിൽ ആയിരു​ന്നു അത്‌. 2 ദിനവൃ​ത്താ​ന്തം 20:5-12 വരെയുള്ള വാക്യ​ങ്ങ​ളിൽ യഹോ​ശാ​ഫാത്ത്‌ രാജാ​വി​ന്റെ താഴ്‌മ​യോ​ടെ​യുള്ള പ്രാർഥന കാണാം. തന്റെ സ്‌നേ​ഹ​വാ​നായ സ്വർഗീ​യ​പി​താ​വിൽ അദ്ദേഹം എത്രമാ​ത്രം ആശ്രയി​ച്ചെന്നു കാണി​ക്കു​ന്ന​താണ്‌ അതിലെ വാക്കുകൾ. യഹോവ ആ പ്രാർഥന കേട്ടോ?

7. യഹോ​ശാ​ഫാത്ത്‌ രാജാ​വി​ന്റെ പ്രാർഥ​ന​യ്‌ക്ക്‌ യഹോവ എങ്ങനെ​യാണ്‌ ഉത്തരം കൊടു​ത്തത്‌?

⁷ യഹസീ​യേൽ എന്നൊരു ലേവ്യനെ ഉപയോ​ഗി​ച്ചു​കൊണ്ട്‌ യഹോവ യഹോ​ശാ​ഫാ​ത്തി​നോ​ടു സംസാ​രി​ച്ചു. യഹോവ പറഞ്ഞു: “സ്വസ്ഥാ​ന​ങ്ങ​ളിൽ നിശ്ചല​രാ​യി നിന്ന്‌ യഹോവ നിങ്ങളെ രക്ഷിക്കു​ന്നതു കണ്ടു​കൊ​ള്ളുക.” (2 ദിന. 20:13-17) ശത്രുക്കൾ ആക്രമി​ക്കാൻ വരു​മ്പോൾ സാധാരണ ചെയ്യുന്ന ഒരു രീതി​യാ​യി​രു​ന്നില്ല അത്‌. എന്നാൽ ആ നിർദേ​ശങ്ങൾ വന്നത്‌ ഏതെങ്കി​ലും മനുഷ്യ​രിൽ നിന്നാ​യി​രു​ന്നില്ല, മറിച്ച്‌ യഹോ​വ​യിൽ നിന്നാ​യി​രു​ന്നു. ദൈവ​ത്തിൽ പൂർണ​മാ​യി ആശ്രയി​ച്ചു​കൊണ്ട്‌ യഹോ​ശാ​ഫാത്ത്‌ കിട്ടിയ നിർദേ​ശങ്ങൾ അങ്ങനെ​തന്നെ അനുസ​രി​ച്ചു. അദ്ദേഹ​വും കൂട്ടരും ശത്രു​ക്കളെ നേരി​ടാൻ പോയ​പ്പോൾ വിദഗ്‌ധ​രായ സൈനി​കർക്കു പകരം ആയുധ​ങ്ങ​ളൊ​ന്നു​മി​ല്ലാത്ത കുറെ പാട്ടു​കാ​രെ​യാ​ണു മുൻനി​ര​യിൽ നിറു​ത്തി​യത്‌. ശത്രു​ക്കളെ പരാജ​യ​പ്പെ​ടു​ത്തി​ക്കൊണ്ട്‌ യഹോവ യഹോ​ശാ​ഫാത്ത്‌ രാജാ​വി​നു കൊടുത്ത വാക്കു പാലിച്ചു.—2 ദിന. 20:18-23.

8. യഹോ​ശാ​ഫാ​ത്തി​ന്റെ മാതൃ​ക​യിൽനിന്ന്‌ ഭർത്താ​ക്ക​ന്മാർക്ക്‌ എന്തു പഠിക്കാം?

⁸ ഭർത്താ​ക്ക​ന്മാ​രേ, യഹോ​ശാ​ഫാത്ത്‌ രാജാ​വി​ന്റെ മാതൃ​ക​യിൽനിന്ന്‌ നിങ്ങൾക്ക്‌ എന്താണ്‌ പഠിക്കാ​നാ​കു​ന്നത്‌? നിങ്ങളു​ടെ കുടും​ബത്തെ പരിപാ​ലി​ക്കേണ്ട ഉത്തരവാ​ദി​ത്വം നിങ്ങൾക്കുണ്ട്‌. അതിനു​വേണ്ടി നിങ്ങൾ നന്നായി അധ്വാ​നി​ക്കു​ന്നു. അതു​കൊ​ണ്ടു​തന്നെ എന്തെങ്കി​ലും പ്രശ്‌ന​മു​ണ്ടാ​കു​മ്പോൾ അതു നിങ്ങൾക്കു​തന്നെ കൈകാ​ര്യം ചെയ്യാ​നാ​കു​മെന്നു നിങ്ങൾ ചിന്തി​ച്ചേ​ക്കാം. എന്നാൽ സ്വന്തം ശക്തിയിൽ ആശ്രയി​ക്ക​രുത്‌. മറിച്ച്‌, സഹായ​ത്തി​നാ​യി യഹോ​വ​യോ​ടു പ്രാർഥി​ക്കുക. നിങ്ങൾ തനിച്ചും ഭാര്യ​യോ​ടൊ​പ്പ​വും ആത്മാർഥ​മാ​യി അങ്ങനെ ചെയ്യുക. ബൈബി​ളും സംഘടന തരുന്ന പ്രസി​ദ്ധീ​ക​ര​ണ​ങ്ങ​ളും പഠിച്ചു​കൊണ്ട്‌ യഹോ​വ​യ്‌ക്കു പറയാ​നു​ള്ളത്‌ എന്താ​ണെന്നു മനസ്സി​ലാ​ക്കുക, അതനു​സ​രിച്ച്‌ പ്രവർത്തി​ക്കുക. ദൈവ​വ​ച​നത്തെ അടിസ്ഥാ​ന​മാ​ക്കി നിങ്ങൾ എടുക്കുന്ന തീരു​മാ​നങ്ങൾ എല്ലാവർക്കും ഇഷ്ടപ്പെ​ട​ണ​മെ​ന്നില്ല. അതു മണ്ടത്തര​മാ​ണെ​ന്നു​പോ​ലും അവർ പറഞ്ഞേ​ക്കാം. പണവും വസ്‌തു​വ​ക​ക​ളു​മാ​ണു ശരിക്കുള്ള സംരക്ഷണം തരുന്ന​തെ​ന്നാ​യി​രി​ക്കാം അവരുടെ വാദം. എന്നാൽ യഹോ​ശാ​ഫാ​ത്തി​ന്റെ മാതൃക ഓർക്കുക. അദ്ദേഹം ആശ്രയി​ച്ചത്‌ യഹോ​വ​യി​ലാണ്‌. അതു തന്റെ പ്രവൃ​ത്തി​ക​ളി​ലൂ​ടെ തെളി​യി​ക്കു​ക​യും ചെയ്‌തു. യഹോവ വിശ്വ​സ്‌ത​നായ ആ മനുഷ്യ​നെ കൈവി​ട്ടില്ല. യഹോവ നിങ്ങ​ളെ​യും ഉപേക്ഷി​ക്കില്ല. (സങ്കീ. 37:28; എബ്രാ. 13:5) സന്തോ​ഷ​ത്തോ​ടെ ജീവി​ക്കാൻ ഭാര്യാ​ഭർത്താ​ക്ക​ന്മാർക്കു മറ്റ്‌ എന്തുകൂ​ടെ ചെയ്യാം?

യശയ്യ പ്രവാ​ച​ക​നെ​യും ഭാര്യ​യെ​യും പോലെ യഹോ​വ​യു​ടെ സേവന​ത്തിൽ കൂടുതൽ ചെയ്യുക

9. യശയ്യ പ്രവാ​ച​ക​നെ​യും ഭാര്യ​യെ​യും കുറിച്ച്‌ എന്തു പറയാം?

⁹ യശയ്യ പ്രവാ​ച​ക​നും ഭാര്യ​യും അവരുടെ ജീവി​ത​ത്തിൽ ഏറ്റവും പ്രാധാ​ന്യം കൊടു​ത്തി​രു​ന്നതു ദൈവ​സേ​വ​ന​ത്തി​നാ​യി​രു​ന്നു. യശയ്യ​യെ​പ്പോ​ലെ ഭാര്യ​ക്കും പ്രവചി​ക്കാ​നുള്ള നിയമ​നങ്ങൾ ലഭിച്ചി​രു​ന്നു എന്നു​വേണം കരുതാൻ. കാരണം യശയ്യയു​ടെ ഭാര്യയെ ബൈബി​ളിൽ “പ്രവാ​ചിക” എന്നു വിളി​ച്ചി​ട്ടുണ്ട്‌. (യശ. 8:1-4) ദമ്പതി​ക​ളെ​ന്ന​നി​ല​യിൽ ദൈവ​സേ​വ​ന​ത്തിന്‌ ഒന്നാം സ്ഥാനം കൊടുത്ത അവർ ഇന്നത്തെ ഭാര്യാ​ഭർത്താ​ക്ക​ന്മാർക്ക്‌ എത്ര നല്ല ഒരു മാതൃ​ക​യാണ്‌!

10. യഹോ​വ​യു​ടെ സേവന​ത്തിൽ കഴിവി​ന്റെ പരമാ​വധി ചെയ്യാൻ ഭാര്യാ​ഭർത്താ​ക്ക​ന്മാ​രെ എന്തു സഹായി​ക്കും, എന്തു​കൊണ്ട്‌?

¹⁰ യഹോ​വ​യു​ടെ സേവന​ത്തിൽ തങ്ങളുടെ കഴിവി​ന്റെ പരമാ​വധി ചെയ്‌തു​കൊണ്ട്‌ ഇന്നത്തെ ദമ്പതി​കൾക്ക്‌ യശയ്യ​യെ​യും ഭാര്യ​യെ​യും അനുക​രി​ക്കാ​നാ​കും. ബൈബിൾപ്ര​വ​ച​ന​ങ്ങ​ളെ​ക്കു​റി​ച്ചും അവ കൃത്യ​മാ​യി എങ്ങനെ നിറ​വേ​റു​ന്നു എന്നതി​നെ​ക്കു​റി​ച്ചും ഒരുമിച്ച്‌ പഠിക്കു​ന്ന​തി​ലൂ​ടെ അവർക്ക്‌ യഹോ​വ​യി​ലുള്ള തങ്ങളുടെ ആശ്രയം ശക്തി​പ്പെ​ടു​ത്താം.c (തീത്തോ. 1:2) ചില ബൈബിൾപ്ര​വ​ച​ന​ങ്ങ​ളു​ടെ നിവൃ​ത്തി​യോ​ടുള്ള ബന്ധത്തിൽ തങ്ങൾക്ക്‌ എന്തു ചെയ്യാ​നാ​കു​മെന്ന്‌ അവർക്കു ചിന്തി​ക്കു​ക​യും ചെയ്യാം. ഉദാഹ​ര​ണ​ത്തിന്‌, അവസാനം വരുന്ന​തി​നു മുമ്പ്‌ ഭൂലോ​ക​ത്തെ​ങ്ങും സന്തോ​ഷ​വാർത്ത പ്രസം​ഗി​ക്ക​പ്പെ​ടു​മെന്ന യേശു​വി​ന്റെ പ്രവചനം നിവർത്തി​ക്കു​ന്ന​തിൽ അവർക്കു പലതും ചെയ്യാ​നാ​കും. (മത്താ. 24:14) ബൈബിൾപ്ര​വ​ച​നങ്ങൾ നിറ​വേ​റു​മെന്ന കാര്യ​ത്തിൽ ദമ്പതി​കൾക്ക്‌ എത്ര ഉറപ്പു​ണ്ടോ അതനു​സ​രിച്ച്‌ ദൈവ​സേ​വ​ന​ത്തിൽ തങ്ങളുടെ കഴിവി​ന്റെ പരമാ​വധി ചെയ്യാൻ അവർ തയ്യാറാ​കും.

പ്രിസ്‌കി​ല്ല​യെ​യും അക്വി​ല​യെ​യും പോലെ ദൈവ​രാ​ജ്യ​പ്ര​വർത്ത​ന​ങ്ങൾക്കു ജീവി​ത​ത്തിൽ ഒന്നാം സ്ഥാനം നൽകുക

11. പ്രിസ്‌കി​ല്ല​യും അക്വി​ല​യും ദൈവ​രാ​ജ്യ​പ്ര​വർത്ത​ന​ങ്ങൾക്ക്‌ എപ്പോ​ഴും ഒന്നാം സ്ഥാനം കൊടു​ത്തെന്നു നമുക്ക്‌ എങ്ങനെ അറിയാം?

¹¹ റോമാ​ന​ഗ​ര​ത്തിൽ ജീവി​ച്ചി​രുന്ന ഒരു ജൂതദ​മ്പ​തി​ക​ളാ​യി​രു​ന്നു പ്രിസ്‌കി​ല്ല​യും അക്വി​ല​യും. ചെറു​പ്പ​ക്കാ​രായ ഭാര്യാ​ഭർത്താ​ക്ക​ന്മാർക്ക്‌ അവരിൽനിന്ന്‌ പലതും പഠിക്കാ​നാ​കും. അവർ യേശു​വി​നെ​ക്കു​റി​ച്ചുള്ള സന്തോ​ഷ​വാർത്ത കേട്ട്‌ ക്രിസ്‌ത്യാ​നി​ക​ളാ​യി​ത്തീർന്നു. അവരു​ടേതു വളരെ സന്തോ​ഷ​മുള്ള ഒരു ജീവി​ത​മാ​യി​രു​ന്നു. എന്നാൽ പെട്ടെ​ന്നാണ്‌ അവരുടെ ജീവി​ത​ത്തിൽ മാറ്റം വന്നത്‌. ജൂതന്മാ​രെ​ല്ലാം റോം വിട്ട്‌ പോക​ണ​മെന്നു ക്ലൗദ്യൊസ്‌ ചക്രവർത്തി ഉത്തരവി​ട്ടു. അത്‌ പ്രിസ്‌കി​ല്ല​യു​ടെ​യും അക്വി​ല​യു​ടെ​യും ജീവി​ത​ത്തി​ലു​ണ്ടാ​ക്കിയ ബുദ്ധി​മുട്ട്‌ ഒന്ന്‌ ആലോ​ചി​ച്ചു​നോ​ക്കൂ. അവർക്കു പരിച​യ​മുള്ള സ്ഥലവും ആളുക​ളെ​യും ഒക്കെ വിട്ട്‌ പുതി​യൊ​രു സ്ഥലത്ത്‌ ചെന്ന്‌ വീടു കണ്ടെത്ത​ണ​മാ​യി​രു​ന്നു. കൂടാതെ, അവരുടെ ജോലി​യായ കൂടാ​ര​പ്പ​ണി​യും ആ പുതിയ സ്ഥലത്ത്‌ തുടങ്ങ​ണ​മാ​യി​രു​ന്നു. ഇത്തരം ബുദ്ധി​മു​ട്ടു​ക​ളൊ​ക്കെ ഉണ്ടായ​പ്പോൾ അവരുടെ ജീവി​ത​ത്തിൽ ദൈവ​സേ​വ​ന​ത്തി​നു​ണ്ടാ​യി​രുന്ന പ്രാധാ​ന്യം കുറഞ്ഞു​പോ​യോ? സാധ്യ​ത​യ​നു​സ​രിച്ച്‌ അതിന്റെ ഉത്തരം നിങ്ങൾക്ക്‌ അറിയാം. കൊരി​ന്തിൽ എത്തിയ അവർ അവിടത്തെ സഭയുടെ പ്രവർത്ത​ന​ങ്ങ​ളിൽ തീക്ഷ്‌ണ​മാ​യി ഏർപ്പെട്ടു. അവിടത്തെ സഹോ​ദ​ര​ങ്ങളെ ആത്മീയ​മാ​യി ശക്തി​പ്പെ​ടു​ത്തു​ന്ന​തിന്‌ അപ്പോ​സ്‌ത​ല​നായ പൗലോ​സി​നോ​ടൊ​പ്പം പ്രവർത്തി​ക്കു​ക​യും ചെയ്‌തു. പിന്നീടു പ്രസം​ഗ​പ്ര​വർത്ത​ക​രു​ടെ ആവശ്യം അധിക​മുള്ള മറ്റു സ്ഥലങ്ങളി​ലേ​ക്കും അവർ മാറി​ത്താ​മ​സി​ച്ചു. (പ്രവൃ. 18:18-21; റോമ. 16:3-5) ദൈവ​സേ​വ​ന​ത്തിൽ തിരക്കുള്ള എത്ര നല്ലൊരു ജീവി​ത​മാ​യി​രു​ന്നു അവരു​ടേത്‌.

12. ഭാര്യാ​ഭർത്താ​ക്ക​ന്മാർ ആത്മീയ​ല​ക്ഷ്യ​ങ്ങൾവെച്ച്‌ പ്രവർത്തി​ക്കേ​ണ്ടത്‌ എന്തു​കൊ​ണ്ടാണ്‌?

¹² ദൈവ​രാ​ജ്യ​പ്ര​വർത്ത​ന​ങ്ങൾക്ക്‌ ഒന്നാം സ്ഥാനം കൊടു​ത്തു​കൊണ്ട്‌ ഇന്നു ഭാര്യാ​ഭർത്താ​ക്ക​ന്മാർക്ക്‌ പ്രിസ്‌കി​ല്ല​യെ​യും അക്വി​ല​യെ​യും അനുക​രി​ക്കാ​നാ​കും. ദൈവ​സേ​വ​ന​ത്തിൽ തങ്ങൾ വെച്ചി​രി​ക്കുന്ന ലക്ഷ്യങ്ങ​ളെ​ക്കു​റിച്ച്‌ ഒരു സ്‌ത്രീ​യും പുരു​ഷ​നും വിവാ​ഹ​ത്തി​നു മുമ്പു​തന്നെ ചർച്ച ചെയ്യു​ന്ന​താണ്‌ ഏറ്റവും നല്ലത്‌. ദൈവ​സേ​വ​ന​ത്തിൽ നല്ലനല്ല ലക്ഷ്യങ്ങൾവെച്ച്‌ രണ്ടു പേരും അതിൽ എത്തി​ച്ചേ​രാൻ ഒരുമി​ച്ചു പ്രവർത്തി​ക്കു​മ്പോൾ യഹോവ തങ്ങളെ സഹായി​ക്കു​ന്നത്‌ അവർക്കു കാണാ​നാ​കും. (സഭാ. 4:9, 12) നമുക്ക്‌ ഇപ്പോൾ റസ്സലി​ന്റെ​യും എലിസ​ബ​ത്തി​ന്റെ​യും അനുഭവം നോക്കാം. റസ്സൽ പറയുന്നു: “യഹോ​വ​യു​ടെ സേവന​ത്തിൽ എന്തു ചെയ്യാൻ ആഗ്രഹി​ക്കു​ന്നെന്നു വിവാ​ഹ​ത്തി​നു മുമ്പു​തന്നെ ഞങ്ങൾ വിശദ​മാ​യി ചർച്ച ചെയ്‌തു.” എലിസ​ബത്ത്‌ പറയുന്നു: “ഞങ്ങൾ അങ്ങനെ ചെയ്‌തതു നന്നായി. പിന്നീടു ജീവി​ത​ത്തിൽ ഓരോ​രോ തീരു​മാ​ന​ങ്ങ​ളെ​ടു​ത്ത​പ്പോ​ഴും അതൊ​ന്നും ഞങ്ങളുടെ ആത്മീയ​ല​ക്ഷ്യ​ങ്ങൾക്ക്‌ ഒരു തടസ്സമാ​കി​ല്ലെന്ന്‌ ഉറപ്പു​വ​രു​ത്താൻ അതു ഞങ്ങളെ സഹായി​ച്ചു.” അതു​കൊ​ണ്ടു​തന്നെ പ്രചാ​ര​ക​രു​ടെ ആവശ്യം കൂടു​ത​ലുള്ള മൈ​ക്രോ​നേ​ഷ്യ​യിൽ പോയി പ്രവർത്തി​ക്കാൻ റസ്സലി​നും എലിസ​ബ​ത്തി​നും കഴിഞ്ഞു.

13. സങ്കീർത്തനം 28:7 പറയു​ന്ന​ത​നു​സ​രിച്ച്‌ യഹോ​വ​യിൽ ആശ്രയി​ക്കു​ന്ന​തി​ന്റെ ഫലം എന്താണ്‌?

¹³ റസ്സലി​നെ​യും എലിസ​ബ​ത്തി​നെ​യും പോലെ പല ദമ്പതി​ക​ളും തങ്ങളുടെ ജീവിതം ലളിത​മാ​ക്കാൻ തീരു​മാ​നി​ച്ചി​രി​ക്കു​ന്നു. പ്രസം​ഗ​പ്ര​വർത്ത​ന​ത്തിൽ കഴിവി​ന്റെ പരമാ​വധി ചെയ്യാൻ വേണ്ടി​യാണ്‌ അവർ അങ്ങനെ ചെയ്‌തി​രി​ക്കു​ന്നത്‌. ദമ്പതികൾ ദൈവ​സേ​വ​ന​ത്തിൽ നല്ല ലക്ഷ്യങ്ങൾവെച്ച്‌ അതിൽ എത്തി​ച്ചേ​രാൻ ഒരുമി​ച്ചു പ്രവർത്തി​ക്കു​മ്പോൾ അവർക്ക്‌ അതിന്റെ അനു​ഗ്ര​ഹങ്ങൾ അനുഭ​വി​ച്ച​റി​യാ​നാ​കും. യഹോവ അവർക്കു​വേണ്ടി കരുതു​ന്നത്‌ എങ്ങനെ​യാ​ണെന്ന്‌ അവർക്കു കാണാ​നാ​കും. അത്‌ യഹോ​വ​യി​ലുള്ള അവരുടെ ആശ്രയം വർധി​പ്പി​ക്കും. അപ്പോൾ അവർക്കു ശരിക്കുള്ള സന്തോ​ഷ​വും കിട്ടും.—സങ്കീർത്തനം 28:7 വായി​ക്കുക.

അപ്പോ​സ്‌ത​ല​നായ പത്രോ​സി​നെ​യും ഭാര്യ​യെ​യും പോലെ യഹോ​വ​യു​ടെ വാഗ്‌ദാ​ന​ങ്ങ​ളിൽ വിശ്വസിക്കുക

14. മത്തായി 6:25, 31-34 വരെയുള്ള വാക്യ​ങ്ങ​ളിൽ കാണുന്ന യഹോ​വ​യു​ടെ വാഗ്‌ദാ​ന​ത്തിൽ ഉറച്ചു​വി​ശ്വ​സി​ക്കു​ന്നെന്ന്‌ പത്രോസ്‌ അപ്പോ​സ്‌ത​ല​നും ഭാര്യ​യും തെളി​യി​ച്ചത്‌ എങ്ങനെ?

¹⁴ അപ്പോ​സ്‌ത​ല​നായ പത്രോ​സി​ന്റെ​യും ഭാര്യ​യു​ടെ​യും മാതൃ​ക​യിൽനി​ന്നും ഭാര്യാ​ഭർത്താ​ക്ക​ന്മാർക്കു പലതും പഠിക്കാ​നാ​കും. യേശു​വി​നെ ആദ്യമാ​യി കണ്ടുമു​ട്ടി ആറു മാസമോ ഏതാണ്ട്‌ ഒരു വർഷമോ കഴിഞ്ഞ സമയത്ത്‌ പത്രോസ്‌ അപ്പോ​സ്‌ത​ലനു വളരെ പ്രധാ​ന​പ്പെട്ട ഒരു തീരു​മാ​ന​മെ​ടു​ക്കേ​ണ്ട​താ​യി​വന്നു. മീൻപി​ടു​ത്ത​മാ​യി​രു​ന്നു പത്രോ​സി​ന്റെ ജോലി. അങ്ങനെ​യാണ്‌ ആ കുടും​ബം കഴിഞ്ഞി​രു​ന്നത്‌. അതു​കൊണ്ട്‌ യേശു പത്രോ​സി​നോട്‌, തന്നെ മുഴു​സ​മയം അനുഗ​മി​ക്കാൻ പറഞ്ഞ​പ്പോൾ ഒരു തീരു​മാ​ന​മെ​ടു​ക്കു​ന്ന​തി​നു മുമ്പ്‌ പത്രോ​സ്‌ തന്റെ കുടും​ബ​ത്തെ​ക്കു​റിച്ച്‌ ചിന്തി​ച്ചു​കാ​ണും. (ലൂക്കോ. 5:1-11) എന്നിട്ടും യേശു​വി​നോ​ടൊ​പ്പം പ്രസം​ഗ​പ്ര​വർത്ത​ന​ത്തി​നു പോകാ​നാ​ണു പത്രോസ്‌ തീരു​മാ​നി​ച്ചത്‌. പത്രോ​സി​ന്റേത്‌ ശരിയായ തീരു​മാ​നം​ത​ന്നെ​യാ​യി​രു​ന്നു. ആ തീരു​മാ​നത്തെ ഭാര്യ പിന്തു​ണ​ച്ചെ​ന്നും നമുക്കു വിശ്വ​സി​ക്കാം. യേശു​വി​ന്റെ പുനരു​ത്ഥാ​ന​ത്തി​നു ശേഷം ചില​പ്പോ​ഴെ​ങ്കി​ലും പത്രോ​സി​ന്റെ ഭാര്യ അദ്ദേഹ​ത്തോ​ടൊ​പ്പം യാത്ര ചെയ്‌തി​രു​ന്ന​താ​യി ബൈബിൾ സൂചി​പ്പി​ക്കു​ന്നുണ്ട്‌. (1 കൊരി. 9:5) പത്രോ​സി​ന്റെ ഭാര്യ ശരിക്കും നല്ലൊരു മാതൃ​ക​യാ​യി​രു​ന്നു എന്നതിനു സംശയ​മില്ല. അതു​കൊ​ണ്ടാ​ണ​ല്ലോ പത്രോ​സി​നു ധൈര്യ​ത്തോ​ടെ ക്രിസ്‌തീയ ഭാര്യ​മാർക്കും ഭർത്താ​ക്ക​ന്മാർക്കും വേണ്ട ഉപദേ​ശങ്ങൾ നൽകാ​നാ​യത്‌. (1 പത്രോ. 3:1-7) ദൈവ​രാ​ജ്യ​ത്തി​നു ജീവി​ത​ത്തിൽ ഒന്നാം സ്ഥാനം നൽകി​യാൽ യഹോവ തങ്ങൾക്കു​വേണ്ടി കരുതും എന്ന വാഗ്‌ദാ​ന​ത്തിൽ പത്രോ​സും ഭാര്യ​യും ഉറച്ചു​വി​ശ്വ​സി​ച്ചി​രു​ന്നു എന്നു വ്യക്തം.—മത്തായി 6:25, 31-34 വായി​ക്കുക.

15. റ്റിയാ​ഗോ​യു​ടെ​യും എസ്ഥേറി​ന്റെ​യും അനുഭ​വ​ത്തിൽനിന്ന്‌ നമ്മൾ എന്താണു പഠിച്ചത്‌?

¹⁵ ഇനി, വിവാഹം കഴിച്ച്‌ വർഷങ്ങൾ കഴിഞ്ഞ​വർക്കും യഹോ​വ​യു​ടെ സേവന​ത്തിൽ കൂടുതൽ ചെയ്യാ​നാ​കും. മറ്റു ദമ്പതി​ക​ളു​ടെ അനുഭ​വങ്ങൾ പഠിക്കു​ന്നത്‌ അങ്ങനെ​യൊ​രു തീരു​മാ​ന​മെ​ടു​ക്കാൻ നിങ്ങളെ സഹായി​ക്കും. ഉദാഹ​ര​ണ​ത്തിന്‌, “ആത്മാർപ്പ​ണ​ത്തി​ന്റെ മാതൃ​കകൾ” എന്ന പരമ്പര​യി​ലെ അനുഭ​വങ്ങൾ നിങ്ങൾക്കു വായി​ക്കാം. അതിലെ ലേഖനങ്ങൾ വായി​ച്ച​താ​ണു ബ്രസീ​ലിൽനി​ന്നുള്ള ദമ്പതി​ക​ളായ റ്റിയാ​ഗോ​യെ​യും എസ്ഥേറി​നെ​യും സഹായി​ച്ചത്‌. ആവശ്യം അധിക​മുള്ള സ്ഥലത്ത്‌ പോയി പ്രവർത്തി​ക്കാ​നുള്ള ശക്തമായ ആഗ്രഹം അത്‌ അവരിൽ വളർത്തി. റ്റിയാ​ഗോ സഹോ​ദരൻ പറയുന്നു: “നമ്മുടെ നാളു​ക​ളി​ലും യഹോവ തന്റെ ദാസന്മാ​രെ സഹായി​ക്കു​ക​യും വഴിന​യി​ക്കു​ക​യും അവർക്കു​വേണ്ടി കരുതു​ക​യും ചെയ്യു​ന്ന​തി​നെ​ക്കു​റി​ച്ചുള്ള നല്ലനല്ല അനുഭ​വങ്ങൾ വായി​ച്ച​പ്പോൾ ഞങ്ങളുടെ ജീവി​ത​ത്തി​ലും അതൊന്നു നേരിട്ട്‌ അനുഭ​വി​ച്ച​റി​യ​ണ​മെന്നു ഞങ്ങൾക്കു തോന്നി.” അങ്ങനെ അവർ പരാ​ഗ്വേ​യി​ലേക്കു മാറി​ത്താ​മ​സി​ച്ചു. 2014 മുതൽ അവിടെ പോർച്ചു​ഗീസ്‌ ഭാഷ സംസാ​രി​ക്കു​ന്ന​വ​രു​ടെ ഇടയിൽ പ്രവർത്തി​ക്കു​ന്നു. എസ്ഥേർ സഹോ​ദരി പറയുന്നു: “ഞങ്ങൾക്കു രണ്ടു പേർക്കും ഒരുപാട്‌ ഇഷ്ടമുള്ള ഒരു വാക്യ​മാണ്‌ എഫെസ്യർ 3:20. ഞങ്ങളുടെ ജീവി​ത​ത്തിൽ ആ വാക്കുകൾ സത്യമാ​യി​ത്തീ​രു​ന്നതു ഞങ്ങൾ പല തവണ അനുഭ​വി​ച്ച​റി​ഞ്ഞു.” അവിടെ പൗലോസ്‌ പറയു​ന്നത്‌, നമ്മൾ ചോദി​ക്കു​ന്ന​തി​നെ​ക്കാ​ളെ​ല്ലാം വളരെ​യ​ധി​ക​മാ​യി യഹോവ നമുക്കു ചെയ്‌തു​ത​രും എന്നാണ്‌. ആ വാക്കുകൾ എത്ര സത്യമാണ്‌!

16. നിങ്ങൾ ലക്ഷ്യങ്ങൾവെച്ച്‌ പ്രവർത്തി​ക്കാൻ ആഗ്രഹി​ക്കു​മ്പോൾ ആരുടെ ഉപദേശം തേടാം?

¹⁶ യഹോ​വ​യിൽ ആശ്രയി​ക്കാൻ പഠിച്ച മറ്റുള്ള​വ​രു​ടെ അനുഭ​വ​ത്തിൽനിന്ന്‌ ചെറു​പ്പ​ക്കാ​രായ ദമ്പതി​കൾക്കും പ്രയോ​ജനം നേടാം. ചില ദമ്പതികൾ വർഷങ്ങ​ളാ​യി മുഴു​സ​മ​യ​സേ​വനം ചെയ്യു​ന്ന​വ​രാ​യി​രി​ക്കാം. നിങ്ങൾ നല്ല ലക്ഷ്യങ്ങൾവെച്ച്‌ പ്രവർത്തി​ക്കാൻ ആഗ്രഹി​ക്കു​ന്നു​ണ്ടെ​ങ്കിൽ നിങ്ങൾക്ക്‌ അവരോ​ടു സഹായം ചോദി​ക്കാ​വു​ന്ന​താണ്‌. അവരുടെ മാതൃക അനുക​രി​ക്കു​ന്നത്‌ യഹോ​വ​യിൽ ആശ്രയി​ക്കു​ന്നെന്നു തെളി​യി​ക്കാ​നുള്ള മറ്റൊരു മാർഗ​വു​മാണ്‌. (സുഭാ. 22:17, 19) നല്ല ആത്മീയ​ല​ക്ഷ്യ​ങ്ങൾ വെക്കാ​നും അതിൽ എത്തി​ച്ചേ​രാ​നും ചെറു​പ്പ​ക്കാ​രായ ദമ്പതി​കളെ മൂപ്പന്മാർക്കും സഹായി​ക്കാം.

17. ക്ലോസ്‌ സഹോ​ദ​ര​നും മരീസ സഹോ​ദ​രി​ക്കും എന്ത്‌ അനുഭവം ഉണ്ടായി, അതിൽനിന്ന്‌ നമുക്ക്‌ എന്തു പഠിക്കാം?

¹⁷ യഹോ​വ​യു​ടെ സേവന​ത്തിൽ കൂടുതൽ ചെയ്യാൻ ശ്രമി​ക്കു​മ്പോൾ എല്ലായ്‌പോ​ഴും നമ്മൾ ആഗ്രഹി​ക്കു​ന്ന​തു​പോ​ലെ​തന്നെ കാര്യങ്ങൾ നടക്കണ​മെ​ന്നില്ല. തുടക്ക​ത്തിൽ പറഞ്ഞ ക്ലോസ്‌ സഹോ​ദ​ര​ന്റെ​യും മരീസ സഹോ​ദ​രി​യു​ടെ​യും കാര്യം​ത​ന്നെ​യെ​ടു​ക്കാം. കല്യാ​ണ​ത്തി​നു ശേഷം മൂന്നു വർഷം കഴിഞ്ഞ്‌ അവർ വീട്ടിൽനിന്ന്‌ അകലെ​യുള്ള ഫിൻലൻഡ്‌ ബ്രാഞ്ചി​ന്റെ നിർമാ​ണ​പ്ര​വർത്ത​ന​ങ്ങൾക്കു​വേണ്ടി പോയി. എന്നാൽ ആ നിയമനം ആറു മാസ​ത്തേക്കേ ഉള്ളൂ എന്നു പിന്നീട്‌ അവരോ​ടു പറഞ്ഞു. അതു കേട്ട​പ്പോൾ അവർക്കു ശരിക്കും സങ്കടം തോന്നി. എന്നാൽ പെട്ടെ​ന്നു​തന്നെ അവരെ അറബിക്ക്‌ ഭാഷാ​പഠന ക്ലാസി​ലേക്കു ക്ഷണിച്ചു. അവർ ഇപ്പോൾ മറ്റൊരു രാജ്യത്ത്‌ വളരെ സന്തോ​ഷ​ത്തോ​ടെ അറബിക്ക്‌ ഭാഷ സംസാ​രി​ക്കുന്ന ആളുക​ളു​ടെ ഇടയിൽ പ്രവർത്തി​ക്കു​ന്നു. അതെക്കു​റിച്ച്‌ ഓർത്തു​കൊണ്ട്‌ മരീസ സഹോ​ദരി പറയുന്നു: “ഒരു പരിച​യ​വു​മി​ല്ലാത്ത പുതി​യൊ​രു കാര്യം ചെയ്യു​ന്ന​തി​നെ​ക്കു​റിച്ച്‌ ഓർത്ത​പ്പോൾ ശരിക്കും പേടി തോന്നി. ഞങ്ങൾ യഹോ​വ​യിൽ പൂർണ​മാ​യി ആശ്രയി​ക്കേ​ണ്ട​തു​ണ്ടാ​യി​രു​ന്നു. ഒട്ടും പ്രതീ​ക്ഷി​ക്കാത്ത വിധത്തി​ലാണ്‌ യഹോവ ഞങ്ങളെ സഹായി​ച്ചത്‌. ഞങ്ങൾക്ക്‌ അതു ശരിക്കും അനുഭ​വി​ച്ച​റി​യാ​നാ​യി. അങ്ങനെ യഹോ​വ​യി​ലുള്ള എന്റെ വിശ്വാ​സം കൂടുതൽ ശക്തമായി.” ഈ അനുഭവം കാണി​ക്കു​ന്ന​തു​പോ​ലെ നമ്മൾ യഹോ​വ​യിൽ പൂർണ​മാ​യി ആശ്രയി​ക്കു​ന്നെ​ങ്കിൽ യഹോവ എല്ലായ്‌പോ​ഴും നമ്മളെ സഹായി​ക്കു​മെന്ന്‌ ഉറപ്പാണ്‌.

18. യഹോ​വ​യിൽ തുടർന്നും ആശ്രയി​ക്കാൻ ദമ്പതി​കളെ എന്തു സഹായി​ക്കും?

¹⁸ വിവാഹം യഹോ​വ​യിൽനി​ന്നുള്ള ഒരു സമ്മാന​മാണ്‌. (മത്താ. 19:5, 6) ദമ്പതികൾ ആ ജീവിതം ശരിക്കും ആസ്വദി​ക്കാൻ യഹോവ ആഗ്രഹി​ക്കു​ന്നു. (സുഭാ. 5:18) ചെറു​പ്പ​ക്കാ​രായ ദമ്പതി​കളേ, നിങ്ങളു​ടെ ജീവി​ത​ത്തിൽ എന്താണ്‌ ഏറ്റവും പ്രധാനം? യഹോവ നിങ്ങൾക്കു തന്നിരി​ക്കുന്ന അനു​ഗ്ര​ഹ​ങ്ങൾക്കു നന്ദിയു​ള്ള​വ​രാ​ണെന്നു കാണി​ക്കാൻ നിങ്ങളാ​ലാ​കു​ന്ന​തെ​ല്ലാം നിങ്ങൾ ചെയ്യു​ന്നു​ണ്ടോ? ഈ ചോദ്യ​ങ്ങ​ളെ​ക്കു​റി​ച്ചൊ​ക്കെ ചിന്തി​ക്കു​ക​യും പ്രാർഥ​ന​യിൽ അതെക്കു​റിച്ച്‌ യഹോ​വ​യോ​ടു പറയു​ക​യും ചെയ്യുക. നിങ്ങളു​ടെ സാഹച​ര്യ​ങ്ങൾക്കു യോജിച്ച ബൈബിൾത​ത്ത്വ​ങ്ങൾ കണ്ടെത്താൻ ശ്രമി​ക്കുക. എന്നിട്ട്‌ യഹോവ തരുന്ന ഉപദേശം അനുസ​രി​ക്കുക. ദമ്പതി​കളേ, ജീവി​ത​ത്തിൽ യഹോ​വ​യു​ടെ സേവന​ത്തിന്‌ ഒന്നാം സ്ഥാനം കൊടു​ക്കു​ന്നെ​ങ്കിൽ നിങ്ങളു​ടെ ജീവിതം സന്തോ​ഷ​മു​ള്ള​താ​യി​രി​ക്കും, യഹോവ നിങ്ങളെ അനു​ഗ്ര​ഹി​ക്കു​ക​യും ചെയ്യും.