യഹോവ ക്ഷമിക്കു​ന്ന​വ​നാണ്‌—നമുക്ക്‌ അത്‌ എങ്ങനെ അനുക​രി​ക്കാം?

1-2. (എ) ക്ഷമിക്കു​ന്നത്‌ എപ്പോൾ നമുക്ക്‌ കൂടുതൽ ബുദ്ധി​മു​ട്ടാ​യേ​ക്കാം? (ബി) ഡെനിസ്‌ ക്ഷമ കാണി​ച്ചത്‌ എങ്ങനെ​യാണ്‌?

മറ്റുള്ള​വ​രോ​ടു ക്ഷമിക്കാൻ നിങ്ങൾക്കു ബുദ്ധി​മുട്ട്‌ തോന്നാ​റു​ണ്ടോ? നമുക്ക്‌ എല്ലാം അങ്ങനെ തോന്നാ​റുണ്ട്‌; പ്രത്യേ​കി​ച്ചും നമ്മളെ വളരെ​യ​ധി​കം വിഷമി​പ്പി​ക്കുന്ന എന്തെങ്കി​ലും ഒരാൾ പറയു​ക​യോ പ്രവർത്തി​ക്കു​ക​യോ ചെയ്‌തി​ട്ടു​ണ്ടെ​ങ്കിൽ. എന്നാൽ നമ്മുടെ ദേഷ്യ​വും വിഷമ​വും ഒക്കെ മറിക​ട​ന്നു​കൊണ്ട്‌ നമുക്ക്‌ ആ വ്യക്തി​യോ​ടു ക്ഷമിക്കാൻ കഴിയും. ഉദാഹ​ര​ണ​ത്തിന്‌, അസാധാ​ര​ണ​മായ വിധത്തിൽ ക്ഷമ കാണിച്ച ഡെനിസ്‌a സഹോ​ദ​രി​യു​ടെ അനുഭവം നോക്കാം. 2017-ൽ ഡെനിസ്‌ സഹോ​ദ​രി​യും കുടും​ബ​വും യഹോ​വ​യു​ടെ സാക്ഷി​ക​ളു​ടെ പുതിയ ലോകാ​സ്ഥാ​നം കാണാൻ വന്നതാ​യി​രു​ന്നു. തിരി​ച്ചു​പോ​കുന്ന വഴിക്ക്‌ ഒരു കാർ അവരുടെ വണ്ടിയിൽ വന്നിടി​ച്ചു. ആ അപകട​ത്തിൽ സഹോ​ദരി അബോ​ധാ​വ​സ്ഥ​യി​ലാ​യി. പിന്നെ ബോധം വന്നപ്പോ​ഴാണ്‌ മനസ്സി​ലാ​യത്‌ ഭർത്താവ്‌ ബ്രയാൻ ആ അപകട​ത്തിൽ മരി​ച്ചെ​ന്നും മക്കൾക്കു കാര്യ​മായ പരിക്കു പറ്റി​യെ​ന്നും. ആ നിമി​ഷ​ത്തെ​ക്കു​റിച്ച്‌ സഹോ​ദരി പറയുന്നു: “ഞാൻ ആകെ തകർന്നു​പോ​യി. എന്തു ചെയ്യണ​മെന്ന്‌ എനിക്ക്‌ അറിയി​ല്ലാ​യി​രു​ന്നു.” ആ ഡ്രൈവർ മദ്യപി​ച്ചി​രു​ന്ന​തു​കൊ​ണ്ടോ അയാളു​ടെ ശ്രദ്ധ മാറി​പ്പോ​യ​തു​കൊ​ണ്ടോ ഒന്നും അല്ല ആ അപകടം ഉണ്ടായ​തെന്നു സഹോ​ദരി പിന്നീട്‌ അറിഞ്ഞു. അതു​കൊണ്ട്‌ സഹോ​ദരി മനസ്സമാ​ധാ​ന​ത്തി​നാ​യി യഹോ​വ​യോ​ടു പ്രാർഥി​ച്ചു.

² ആ ഡ്രൈ​വ​റി​ന്റെ പേരിൽ മനഃപൂർവ​മ​ല്ലാത്ത കൊല​പാ​ത​ക​ത്തി​നു പോലീസ്‌ കേസെ​ടു​ത്തു. കോടതി കുറ്റക്കാ​ര​നെന്നു വിധി​ച്ചാൽ അദ്ദേഹ​ത്തി​നു ജയിലിൽ പോ​കേ​ണ്ടി​വ​രും. എന്നാൽ അയാൾക്കു കിട്ടുന്ന ശിക്ഷ സഹോ​ദ​രി​യു​ടെ മൊഴി​യു​ടെ അടിസ്ഥാ​ന​ത്തി​ലാ​യി​രി​ക്കും എന്ന്‌ കോട​തി​യിൽനിന്ന്‌ സഹോ​ദ​രി​യെ അറിയി​ച്ചു. ഡെനിസ്‌ പറയുന്നു: “ഒരിക്ക​ലും ഓർക്കാൻ ആഗ്രഹി​ക്കാത്ത ആ സംഭവ​ത്തെ​ക്കു​റിച്ച്‌ വീണ്ടും വിവരി​ക്കു​ന്നത്‌ എന്റെ ശരീര​ത്തി​ലെ തുന്നി​ക്കെ​ട്ടിയ മുറി​വു​കൾ പൊട്ടിച്ച്‌ അതി​ലേക്ക്‌ ഒരു കുന്ന്‌ ഉപ്പു വാരി​യി​ടു​ന്ന​തു​പോ​ലെ​യാ​യി​രു​ന്നു.” ഏതാനും ആഴ്‌ചകൾ കഴിഞ്ഞ്‌ സാക്ഷി പറയാ​നാ​യി സഹോ​ദ​രി​യെ കോട​തി​യി​ലേക്കു വിളി​പ്പി​ച്ചു. സഹോ​ദ​രി​യു​ടെ കുടും​ബ​ത്തിന്‌ ഇത്ര​യേറെ വേദന​യു​ണ്ടാ​ക്കിയ ആ മനുഷ്യൻ അവി​ടെ​യു​ണ്ടാ​യി​രു​ന്നു. സഹോ​ദരി കോട​തി​യോട്‌ എന്താണു പറഞ്ഞത്‌? ആ വ്യക്തി​യോ​ടു കരുണ കാണി​ക്കാൻ ഡെനിസ്‌ ജഡ്‌ജി​യോട്‌ അപേക്ഷി​ച്ചു.b സഹോ​ദ​രി​യു​ടെ വാക്കുകൾ കേട്ട്‌ ജഡ്‌ജി കരയാൻ തുടങ്ങി. അദ്ദേഹം പറഞ്ഞു: “ജഡ്‌ജി​യാ​യുള്ള 25 വർഷത്തെ എന്റെ ജീവി​ത​ത്തിൽ ഇങ്ങനെ ഒരു അനുഭവം ഇത്‌ ആദ്യമാണ്‌. ദുരന്ത​ത്തിന്‌ ഇരയായ ഒരു കുടും​ബം എതിർക​ക്ഷി​ക്കു​വേണ്ടി അപേക്ഷി​ക്കു​ന്നത്‌ ഞാൻ ഇതുവരെ കേട്ടി​ട്ടില്ല. സ്‌നേ​ഹ​ത്തി​ന്റെ​യും ക്ഷമയു​ടെ​യും വാക്കുകൾ ഇവിടെ ഞാൻ കേൾക്കാ​റേ​യില്ല.”

3. ഡെനി​സി​നെ ക്ഷമിക്കാൻ പ്രേരി​പ്പി​ച്ചത്‌ എന്താണ്‌?

³ ക്ഷമിക്കാൻ ഡെനി​സി​നെ സഹായി​ച്ചത്‌ എന്താണ്‌? യഹോ​വ​യു​ടെ വലിയ ക്ഷമയെ​ക്കു​റിച്ച്‌ സഹോ​ദരി ചിന്തിച്ചു. (മീഖ 7:18) യഹോവ നമ്മളോട്‌ എത്ര​ത്തോ​ളം ക്ഷമിക്കു​ന്നുണ്ട്‌ എന്നു ചിന്തി​ക്കു​ന്നത്‌ മറ്റുള്ള​വ​രോ​ടു ക്ഷമിക്കാൻ നമ്മളെ​യും പ്രേരി​പ്പി​ക്കും.

4. നമ്മൾ എന്തു ചെയ്യാൻ യഹോവ ആഗ്രഹി​ക്കു​ന്നു? (എഫെസ്യർ 4:32)

⁴ യഹോവ നമ്മളോട്‌ ഉദാര​മാ​യി ക്ഷമിക്കു​ന്ന​തു​പോ​ലെ നമ്മളും മറ്റുള്ള​വ​രോ​ടു ക്ഷമിക്കണം എന്നാണ്‌ യഹോ​വ​യു​ടെ ആഗ്രഹം. (എഫെസ്യർ 4:32 വായി​ക്കുക.) വേദനി​പ്പി​ക്കു​ന്ന​വ​രോ​ടു ക്ഷമിക്കാൻ നമ്മൾ സന്നദ്ധരാ​യി​രി​ക്കാൻ യഹോവ പ്രതീ​ക്ഷി​ക്കു​ന്നു. (സങ്കീ. 86:5; ലൂക്കോ. 17:4) അതിനു നമ്മളെ സഹായി​ക്കുന്ന മൂന്നു കാര്യങ്ങൾ ഈ ലേഖന​ത്തിൽ ചർച്ച ചെയ്യും.

വികാ​രങ്ങൾ അവഗണി​ക്ക​രുത്‌

5. സുഭാ​ഷി​തങ്ങൾ 12:18 പറയു​ന്ന​തു​പോ​ലെ മറ്റൊ​രാൾ നമ്മളെ വേദനി​പ്പി​ക്കു​മ്പോൾ നമുക്ക്‌ എന്തായി​രി​ക്കും തോന്നു​ന്നത്‌?

⁵ നമ്മളോട്‌ ആരെങ്കി​ലും മോശ​മാ​യി എന്തെങ്കി​ലും പറയു​ക​യോ പ്രവർത്തി​ക്കു​ക​യോ ചെയ്യു​മ്പോൾ നമുക്കു വേദന തോന്നും. അതു നമ്മുടെ അടുത്ത ഒരു സുഹൃ​ത്തോ കുടും​ബാം​ഗ​മോ ആണെങ്കിൽ കൂടുതൽ വേദന തോന്നും. (സങ്കീ. 55:12-14) നമ്മുടെ ഉള്ളി​ലേക്ക്‌ ഒരു വാൾ കുത്തി​യി​റ​ക്കിയ അവസ്ഥയാ​യി​രി​ക്കും അപ്പോൾ. (സുഭാ​ഷി​തങ്ങൾ 12:18 വായി​ക്കുക.) നമുക്കു​ണ്ടാ​കുന്ന വികാ​ര​ങ്ങ​ളും വിഷമ​ങ്ങ​ളും അവഗണി​ക്കാ​നോ ഉള്ളി​ലൊ​തു​ക്കാ​നോ നമ്മൾ ശ്രമി​ച്ചേ​ക്കാം. എന്നാൽ അങ്ങനെ ചെയ്യു​ന്നത്‌, നമ്മുടെ ദേഹത്ത്‌ കുത്തി​യി​റ​ക്കിയ കത്തി വലിച്ചൂ​രാ​തെ അവി​ടെ​ത്തന്നെ വെക്കു​ന്ന​തു​പോ​ലെ​യാണ്‌. നമ്മുടെ വിഷമ​ങ്ങ​ളൊ​ക്കെ കണ്ടി​ല്ലെ​ന്നു​വെ​ച്ചാൽ മതി, അതു തനിയെ മാറി​ക്കൊ​ള്ളും എന്നു ചിന്തി​ക്കു​ന്ന​തു​കൊണ്ട്‌ ഒരു പ്രയോ​ജ​ന​വു​മില്ല.

6. ഒരാൾ മോശ​മാ​യി എന്തെങ്കി​ലും പറയു​ക​യോ പ്രവർത്തി​ക്കു​ക​യോ ചെയ്യു​മ്പോൾ നമ്മൾ എങ്ങനെ പ്രതി​ക​രി​ച്ചേ​ക്കാം?

⁶ ഒരാൾ നമ്മളോ​ടു മോശ​മാ​യി എന്തെങ്കി​ലും പറയു​ക​യോ പ്രവർത്തി​ക്കു​ക​യോ ചെയ്യു​മ്പോൾ നമുക്ക്‌ ആദ്യം തോന്നു​ന്നതു ദേഷ്യ​മാ​യി​രി​ക്കും. നമുക്ക്‌ കോപം വന്നേക്കാം എന്നു ബൈബിൾ സമ്മതി​ക്കു​ന്നുണ്ട്‌. എന്നാൽ കോപം വെച്ചു​കൊ​ണ്ടി​രി​ക്ക​രു​തെന്നു അതു മുന്നറി​യി​പ്പു തരുന്നു. (സങ്കീ. 4:4; എഫെ. 4:26) എന്തു​കൊ​ണ്ടാണ്‌? കാരണം മിക്ക​പ്പോ​ഴും നമ്മുടെ വികാ​ര​ങ്ങ​ളാണ്‌ നമ്മളെ പ്രവർത്ത​ന​ത്തി​ലേക്കു നയിക്കു​ന്നത്‌. ഉള്ളിൽ ദേഷ്യ​മാണ്‌ ഉള്ളതെ​ങ്കിൽ നമ്മൾ നല്ലതു ചെയ്യാ​നുള്ള സാധ്യത കുറവാണ്‌. (യാക്കോ. 1:20) ഓർക്കുക: ദേഷ്യം പെട്ടെ​ന്നു​ണ്ടാ​കുന്ന ഒരു പ്രതി​ക​ര​ണ​മാണ്‌. എന്നാൽ ദേഷ്യം വെച്ചു​കൊ​ണ്ടി​രി​ക്ക​ണോ എന്നത്‌ ഒരാളു​ടെ തീരു​മാ​ന​മാണ്‌.

7. മറ്റുള്ളവർ നമ്മളെ വേദനി​പ്പി​ക്കു​മ്പോൾ നമുക്ക്‌ വേറെ എന്തൊക്കെ വികാ​ര​ങ്ങ​ളും തോന്നി​യേ​ക്കാം?

⁷ ഒരാൾ നമ്മളോ​ടു മോശ​മാ​യി പെരു​മാ​റു​മ്പോൾ നമുക്കു മറ്റു വികാ​ര​ങ്ങ​ളും തോന്നി​യേ​ക്കാം. ഉദാഹ​ര​ണ​ത്തിന്‌, ആൻ സഹോ​ദരി പറയുന്നു: “ഞാൻ കുട്ടി​യാ​യി​രു​ന്ന​പ്പോൾ എന്റെ പപ്പ മമ്മിയെ ഒഴിവാ​ക്കി, എന്നെ നോക്കി​യി​രുന്ന ആയയെ വിവാഹം കഴിച്ചു. എന്നെ ഉപേക്ഷി​ച്ചു​ക​ള​ഞ്ഞ​താ​യി എനിക്ക​പ്പോൾ തോന്നി. അവർക്കു കുട്ടികൾ ഉണ്ടായ​പ്പോൾ എനിക്ക്‌ ഇനി ഒരു സ്ഥാനവു​മില്ല എന്നു ഞാൻ ചിന്തിച്ചു. എന്നെ ആർക്കും വേണ്ടാ എന്ന ചിന്ത​യോ​ടെ​യാണ്‌ ഞാൻ വളർന്നു​വ​ന്നത്‌.” ഭർത്താവ്‌ വ്യഭി​ചാ​ര​ത്തിൽ ഏർപ്പെ​ട്ടെന്ന്‌ അറിഞ്ഞ​പ്പോൾ തനിക്കു തോന്നിയ വികാ​ര​ത്തെ​ക്കു​റിച്ച്‌ ജോർജറ്റ്‌ സഹോ​ദരി പറയുന്നു: “ചെറു​പ്പം​തൊട്ട്‌ കൂട്ടു​കാ​രാ​യി​രു​ന്നു ഞങ്ങൾ. ഞങ്ങൾ ഒരുമിച്ച്‌ മുൻനി​ര​സേ​വ​ന​വും ചെയ്‌തി​ട്ടുണ്ട്‌. ഇത്‌ അറിഞ്ഞ​പ്പോൾ എന്റെ ഹൃദയം തകർന്നു​പോ​യി.” മറ്റൊരു സഹോ​ദ​രി​യായ നൊ​വൊ​മി പറയുന്നു: “എന്റെ ഭർത്താവ്‌ എന്നെ ഇങ്ങനെ വിഷമി​പ്പി​ക്കു​മെന്നു ഞാൻ വിചാ​രി​ച്ചില്ല. ഞാൻ അറിയാ​തെ അദ്ദേഹം അശ്ലീലം കാണു​ന്നു​ണ്ടാ​യി​രു​ന്നെന്നു പറഞ്ഞ​പ്പോൾ അദ്ദേഹം എന്നെ വഞ്ചിച്ച​താ​യി എനിക്കു തോന്നി.”

8. (എ) മറ്റുള്ള​വ​രോ​ടു ക്ഷമി​ക്കേ​ണ്ട​തി​ന്റെ ചില കാരണങ്ങൾ എന്തൊ​ക്കെ​യാണ്‌? (ബി) ക്ഷമിക്കു​മ്പോൾ എന്തെല്ലാം പ്രയോ​ജ​നങ്ങൾ കിട്ടും? (“ഒരാൾ നമ്മളെ മാനസി​ക​മാ​യി തകർത്തു​ക​ള​യു​മ്പോൾ” എന്ന ചതുരം കാണുക.)

⁸ മറ്റുള്ളവർ നമ്മളോ​ടു പറയു​ന്ന​തും പ്രവർത്തി​ക്കു​ന്ന​തും നിയ​ന്ത്രി​ക്കാൻ നമുക്കു പറ്റില്ല. എന്നാൽ നമ്മൾ അതി​നോട്‌ എങ്ങനെ പ്രതി​ക​രി​ക്കു​ന്നു എന്നതിനെ നിയ​ന്ത്രി​ക്കാൻ പലപ്പോ​ഴും നമുക്കു പറ്റും. മിക്ക​പ്പോ​ഴും ഏറ്റവും നല്ല പ്രതി​ക​രണം ക്ഷമിക്കു​ന്ന​താ​യി​രി​ക്കും. എന്തു​കൊ​ണ്ടാണ്‌? കാരണം നമ്മൾ ക്ഷമിക്കാ​നാണ്‌ യഹോവ ആഗ്രഹി​ക്കു​ന്നത്‌. യഹോ​വ​യോ​ടു സ്‌നേ​ഹ​മു​ള്ള​തു​കൊണ്ട്‌ നമ്മൾ അതു ചെയ്യും. ഇനി, ക്ഷമിക്കാ​തെ ദേഷ്യം വെച്ചു​കൊ​ണ്ടി​രു​ന്നാൽ നമ്മൾ ചിന്തയി​ല്ലാ​തെ പലതും ചെയ്‌തു​പോ​യേ​ക്കാം. അതു​പോ​ലെ അതു നമ്മുടെ ആരോ​ഗ്യ​ത്തി​നും പ്രശ്‌ന​മു​ണ്ടാ​ക്കും. (സുഭാ. 14:17, 29, 30) ക്രിസ്റ്റീൻ സഹോ​ദ​രി​യു​ടെ അനുഭവം നോക്കുക. സഹോ​ദരി പറയുന്നു: “ദേഷ്യ​വും വിഷമ​വും ഒക്കെ വെച്ചു​കൊ​ണ്ടി​രു​ന്ന​പ്പോൾ ഞാൻ അധികം ചിരി​ക്കാ​റി​ല്ലാ​യി​രു​ന്നു. പോഷ​ക​പ്ര​ദ​മായ ഭക്ഷണം കഴിക്കാൻ എനിക്കു തോന്നി​യില്ല. ആവശ്യ​ത്തിന്‌ ഉറക്കവും കിട്ടി​യില്ല. ഇനി, വികാ​രങ്ങൾ നിയ​ന്ത്രി​ക്കാൻ ബുദ്ധി​മു​ട്ടു​വ​ന്ന​പ്പോൾ അത്‌ എന്റെ വിവാ​ഹ​ജീ​വി​ത​ത്തി​ലും മറ്റുള്ള​വ​രു​മാ​യുള്ള ബന്ധത്തി​ലും പ്രശ്‌ന​ങ്ങ​ളു​ണ്ടാ​ക്കി.”

9. ദേഷ്യം വിട്ടു​ക​ള​യേ​ണ്ടത്‌ എന്തു​കൊ​ണ്ടാണ്‌?

⁹ നമ്മളെ വിഷമി​പ്പിച്ച ആൾ നമ്മളോ​ടു ക്ഷമ ചോദി​ച്ചി​ല്ലെ​ങ്കി​ലും നമുക്ക്‌ അദ്ദേഹ​ത്തോ​ടു ക്ഷമിക്കാ​നാ​കും. എന്തു​കൊ​ണ്ടാണ്‌ അങ്ങനെ ചെയ്യേ​ണ്ടത്‌? മുമ്പു കണ്ട ജോർജറ്റ്‌ സഹോ​ദരി പറയുന്നു: “എന്റെ മുൻഭർത്താ​വി​നോ​ടുള്ള ദേഷ്യ​വും വെറു​പ്പും ഒക്കെ വിട്ടു​ക​ള​യാൻ കുറച്ച്‌ സമയ​മെ​ടു​ത്തു. പക്ഷേ അങ്ങനെ ചെയ്‌ത​പ്പോൾ എനിക്ക്‌ ഒരുപാ​ടു സമാധാ​നം കിട്ടി.” നമ്മൾ ദേഷ്യം വിട്ടു​ക​ള​ഞ്ഞാൽ നമ്മുടെ ഉള്ളിൽ നീരസ​മോ വിദ്വേ​ഷ​മോ ഒന്നും ഉണ്ടാകില്ല. അപ്പോൾ നമുക്കു മറ്റുള്ള​വ​രോട്‌ നല്ല രീതി​യിൽ പെരു​മാ​റാ​നാ​കും. അതു​പോ​ലെ അതു നമുക്കു​ത​ന്നെ​യും പ്രയോ​ജനം ചെയ്യും. ആ പ്രശ്‌ന​ത്തെ​ക്കു​റിച്ച്‌ ചിന്തി​ച്ചു​കൊ​ണ്ടി​രി​ക്കു​ന്ന​തി​നു പകരം മുന്നോ​ട്ടുള്ള ജീവി​ത​ത്തിൽ ശ്രദ്ധി​ച്ചു​കൊണ്ട്‌ അത്‌ ആസ്വദി​ക്കാൻ നമുക്കു കഴിയും. (സുഭാ. 11:17) എന്നാൽ നമ്മുടെ ഉള്ളിലെ ചിന്തക​ളും വികാ​ര​ങ്ങ​ളും മനസ്സി​ലാ​ക്കി​ക്ക​ഴി​ഞ്ഞി​ട്ടും മറ്റേയാ​ളോ​ടു ക്ഷമിക്കാൻ നമുക്കു പറ്റുന്നി​ല്ലെ​ങ്കി​ലോ?

വികാ​ര​ങ്ങളെ മറിക​ട​ക്കു​ക

10. നമ്മുടെ മനസ്സി​നേറ്റ മുറിവ്‌ ഉണങ്ങാൻ സമയം അനുവ​ദി​ക്കേ​ണ്ടത്‌ എന്തു​കൊണ്ട്‌? (ചിത്ര​ങ്ങ​ളും കാണുക.)

¹⁰ ഒരാൾ നിങ്ങളെ വേദനി​പ്പി​ച്ചതു നിങ്ങൾക്കു മറക്കാനേ പറ്റുന്നി​ല്ലെ​ങ്കിൽ എന്തു ചെയ്യാ​നാ​കും? ഒരു കാര്യം, കുറച്ച്‌ സമയം അനുവ​ദി​ക്കുക എന്നുള്ള​താണ്‌. വലിയ പരിക്കു പറ്റിയ ഒരാൾക്കു വൈദ്യ​സ​ഹാ​യം കൊടു​ത്തു​ക​ഴി​ഞ്ഞും അതു സുഖ​പ്പെ​ടാൻ അൽപ്പം സമയ​മെ​ടു​ക്കും. ഇതു​പോ​ലെ​തന്നെ നമ്മുടെ മനസ്സി​നേറ്റ മുറിവ്‌ ഉണങ്ങാ​നും സമയ​മെ​ടു​ത്തേ​ക്കാം. അങ്ങനെ സമയം അനുവ​ദി​ച്ചാ​ലേ ആ വ്യക്തി​യോ​ടു നമുക്കു ഹൃദയ​ത്തിൽനിന്ന്‌ ക്ഷമിക്കാൻ പറ്റുക​യു​ള്ളൂ.—സഭാ. 3:3; 1 പത്രോ. 1:22.

11. പ്രാർഥന എങ്ങനെ​യാ​ണു ക്ഷമിക്കാൻ സഹായി​ക്കു​ന്നത്‌?

¹¹ ക്ഷമിക്കാൻ സഹായി​ക്കണേ എന്ന്‌ യഹോ​വ​യോ​ടു പ്രാർഥി​ക്കുക.c പ്രാർഥന തന്നെ സഹായി​ച്ചത്‌ എങ്ങനെ​യാ​ണെന്നു മുമ്പു കണ്ട ആൻ പറയുന്നു: “ഞങ്ങളുടെ കുടും​ബ​ത്തിൽ ഓരോ​രു​ത്ത​രും ചെയ്‌ത തെറ്റു​കൾക്കു ഞാൻ യഹോ​വ​യോ​ടു ക്ഷമ ചോദി​ച്ചു. എന്നിട്ട്‌ ഞാൻ എന്റെ പപ്പയ്‌ക്കും അദ്ദേഹ​ത്തി​ന്റെ പുതിയ ഭാര്യ​യ്‌ക്കും ഒരു കത്തെഴു​തി. ഞാൻ അവരോ​ടു ക്ഷമി​ച്ചെന്ന്‌ അതിൽ പറഞ്ഞു.” അങ്ങനെ ചെയ്യു​ന്നത്‌ ഒട്ടും എളുപ്പ​മാ​യി​രു​ന്നി​ല്ലെന്ന്‌ ആൻ സമ്മതി​ക്കു​ന്നു. എന്നാൽ അവൾ പറയുന്നു: “ഞാൻ യഹോ​വ​യു​ടെ ക്ഷമ അനുക​രി​ച്ച​തു​കൊണ്ട്‌ അവർ യഹോ​വ​യെ​ക്കു​റിച്ച്‌ കൂടുതൽ പഠിക്കാൻ മനസ്സു​കാ​ണി​ക്കും എന്നാണ്‌ എന്റെ പ്രതീക്ഷ.”

12. നമ്മു​ടെ​തന്നെ വികാ​ര​ങ്ങളെ അല്ല, യഹോ​വയെ വിശ്വ​സി​ക്കേ​ണ്ടത്‌ എന്തു​കൊണ്ട്‌? (സുഭാ​ഷി​തങ്ങൾ 3:5, 6)

¹² നമ്മു​ടെ​തന്നെ ചിന്തക​ളെ​യും വികാ​ര​ങ്ങ​ളെ​യും അല്ല, യഹോ​വയെ വിശ്വ​സി​ക്കുക. (സുഭാ​ഷി​തങ്ങൾ 3:5, 6 വായി​ക്കുക.) നമുക്ക്‌ ഏറ്റവും നല്ലത്‌ എന്താ​ണെന്ന്‌ യഹോ​വ​യ്‌ക്ക്‌ അറിയാം. (യശ. 55:8, 9) നമുക്കു ദോഷം ചെയ്യുന്ന ഒരു കാര്യം ചെയ്യാൻ യഹോവ ഒരിക്ക​ലും പറയില്ല. അതു​കൊണ്ട്‌ ക്ഷമിക്കാൻ യഹോവ പറയു​ന്നു​ണ്ടെ​ങ്കിൽ അതു നമുക്കു പ്രയോ​ജനം ചെയ്യു​മെന്ന്‌ ഉറപ്പോ​ടെ വിശ്വ​സി​ക്കാ​നാ​കും. (സങ്കീ. 40:4; യശ. 48:17, 18) എന്നാൽ സ്വന്തം വികാ​ര​ങ്ങ​ളാ​ണു ശരി എന്നു ചിന്തി​ച്ചാൽ നമുക്ക്‌ ഒരിക്ക​ലും ക്ഷമിക്കാൻ പറ്റില്ല. (സുഭാ. 14:12; യിരെ. 17:9) മുമ്പു കണ്ട നൊ​വൊ​മി പറയുന്നു: “എന്റെ ഭർത്താവ്‌ അശ്ലീലം കണ്ടതു​കൊണ്ട്‌ അദ്ദേഹ​ത്തോട്‌ ഒരിക്ക​ലും ക്ഷമി​ക്കേണ്ടാ എന്ന്‌ എനിക്കു തോന്നി. അങ്ങനെ ക്ഷമിച്ചു​കൊ​ടു​ത്താൽ വീണ്ടും അദ്ദേഹം അതുതന്നെ ചെയ്‌ത്‌ എന്നെ വേദനി​പ്പി​ച്ചാ​ലോ, അല്ലെങ്കിൽ എനിക്കു​ണ്ടായ വേദന അദ്ദേഹം മറന്നു​പോ​യാ​ലോ എന്നൊ​ക്കെ​യാ​ണു ഞാൻ ചിന്തി​ച്ചത്‌. യഹോ​വ​യ്‌ക്ക്‌ എന്റെ വികാ​രങ്ങൾ മനസ്സി​ലാ​കു​മെന്നു ഞാൻ ന്യായീ​ക​രി​ച്ചു. എന്നാൽ യഹോവ എന്റെ വികാ​രങ്ങൾ മനസ്സി​ലാ​ക്കു​ന്നു എന്നു പറഞ്ഞാൽ അതിന്റെ അർഥം, യഹോവ അതെല്ലാം അംഗീ​ക​രി​ക്കു​ന്നു എന്നല്ലെന്നു പിന്നീട്‌ ഞാൻ മനസ്സി​ലാ​ക്കി. എന്റെ വിഷമം എന്താ​ണെ​ന്നും അതു മാറാൻ കുറച്ച്‌ സമയം എടുക്കു​മെ​ന്നും യഹോ​വ​യ്‌ക്ക്‌ അറിയാം. പക്ഷേ ഞാൻ ക്ഷമിക്കാൻത​ന്നെ​യാണ്‌ യഹോവ പ്രതീ​ക്ഷി​ക്കു​ന്നത്‌.”d

പോസി​റ്റീ​വാ​യി ചിന്തി​ക്കാൻ തുടങ്ങുക

13. റോമർ 12:18-21 അനുസ​രിച്ച്‌ നമ്മൾ എന്തു ചെയ്യണം?

¹³ നമ്മളെ വല്ലാതെ വേദനി​പ്പിച്ച ഒരാ​ളോ​ടു ക്ഷമിക്കുക എന്നു പറഞ്ഞാൽ, നടന്ന സംഭവ​ത്തെ​ക്കു​റിച്ച്‌ പിന്നെ മിണ്ടാ​തി​രി​ക്കു​ന്നതു മാത്രമല്ല ഉൾപ്പെ​ടു​ന്നത്‌. നമ്മളെ വേദനി​പ്പിച്ച ആൾ നമ്മുടെ ഒരു ക്രിസ്‌തീയ സഹോ​ദ​ര​നോ സഹോ​ദ​രി​യോ​കൂ​ടെ ആണെങ്കിൽ, അവരു​മാ​യി സമാധാ​ന​ത്തി​ലാ​കുക എന്നതും വളരെ പ്രധാ​ന​മാണ്‌. (മത്താ. 5:23, 24) ദേഷ്യം വെച്ചു​കൊ​ണ്ടി​രി​ക്കു​ന്ന​തി​നു പകരം അവരോ​ടു കരുണ കാണി​ക്കാ​നും ക്ഷമിക്കാ​നും നമ്മൾ തയ്യാറാ​കണം. (റോമർ 12:18-21 വായി​ക്കുക; 1 പത്രോ. 3:9) അതിനു നമ്മളെ എന്തു സഹായി​ക്കും?

14. നമ്മൾ എന്തു ചെയ്യാൻ ശ്രമി​ക്കണം, എന്തു​കൊണ്ട്‌?

¹⁴ നമ്മളെ വേദനി​പ്പിച്ച ഒരാളെ യഹോവ കാണു​ന്ന​തു​പോ​ലെ കാണാൻ നമ്മൾ ശ്രമി​ക്കണം. യഹോവ ആളുക​ളി​ലെ നന്മയാണു കാണു​ന്നത്‌. (2 ദിന. 16:9; സങ്കീ. 130:3) നമ്മൾ ആളുക​ളിൽ എന്താണോ കാണാൻ ശ്രമി​ക്കു​ന്നത്‌ അതായി​രി​ക്കും മിക്ക​പ്പോ​ഴും അവരിൽ കണ്ടെത്തുക. നല്ലതു കാണാൻ ശ്രമി​ച്ചാൽ നല്ലതു കാണും, മോശം കാണാൻ ശ്രമി​ച്ചാൽ മോശം കാണും. നല്ലതു കണ്ടെത്തി​യാ​ലുള്ള പ്രയോ​ജനം നമുക്ക്‌ അവരോ​ടു ക്ഷമിക്കാൻ എളുപ്പ​മാ​യി​രി​ക്കും എന്നതാണ്‌. ഉദാഹ​ര​ണ​ത്തിന്‌, ജാരഡ്‌ സഹോ​ദരൻ പറയുന്നു: “ഒരു സഹോ​ദരൻ എന്നെ വേദനി​പ്പി​ക്കു​മ്പോൾ അദ്ദേഹം ചെയ്‌ത ആ തെറ്റി​ലേക്കല്ല, അദ്ദേഹ​ത്തി​ന്റെ ഒരുപാ​ടു നല്ല ഗുണങ്ങ​ളി​ലേക്കു ഞാൻ നോക്കും. ഇങ്ങനെ താരത​മ്യം ചെയ്യു​മ്പോൾ ക്ഷമിക്കു​ന്നത്‌ എനിക്ക്‌ എളുപ്പ​മാ​യി തോന്നാ​റുണ്ട്‌.”

15. നമ്മൾ ഒരാ​ളോ​ടു ക്ഷമിച്ചു എന്നു പറയു​ന്നത്‌ പ്രയോ​ജനം ചെയ്‌തേ​ക്കാ​വു​ന്നത്‌ എങ്ങനെ?

¹⁵ തെറ്റു ചെയ്‌ത ആളോടു ക്ഷമി​ച്ചെന്നു പറയു​ന്ന​താണ്‌ നമുക്കു ചെയ്യാൻ കഴിയുന്ന മറ്റൊരു പ്രധാ​ന​പ്പെട്ട കാര്യം. അത്‌ എന്തു​കൊ​ണ്ടാണ്‌? നൊ​വൊ​മി​യു​ടെ വാക്കുകൾ നോക്കുക: “എന്റെ ഭർത്താവ്‌ എന്നോടു ചോദി​ച്ചു, ‘നീ എന്നോടു ക്ഷമിച്ചോ’ എന്ന്‌. പക്ഷേ ‘ക്ഷമിച്ചു’ എന്നു പറയാ​നാ​യി വായ്‌ തുറന്ന​പ്പോൾ ഒരു വാക്കു​പോ​ലും പുറ​ത്തേ​ക്കു​വ​ന്നില്ല. ഞാൻ ഹൃദയ​ത്തിൽനിന്ന്‌ അദ്ദേഹ​ത്തോ​ടു ക്ഷമിച്ചി​ട്ടി​ല്ലാ​യി​രു​ന്നു എന്ന്‌ എനിക്ക്‌ അപ്പോൾ മനസ്സി​ലാ​യി. എന്നാൽ കുറച്ചു​നാൾ കഴിഞ്ഞ​പ്പോൾ എനിക്ക്‌ അദ്ദേഹ​ത്തോട്‌ ഉള്ളിൽനിന്ന്‌ ഇങ്ങനെ പറയാൻ പറ്റി: ‘ഞാൻ നിങ്ങ​ളോ​ടു ക്ഷമിച്ചു.’ ഞാൻ അതു പറഞ്ഞ​പ്പോൾ അദ്ദേഹ​ത്തി​ന്റെ കണ്ണുകൾ നിറയു​ന്നത്‌ എനിക്കു കാണാ​നാ​യി. ആ നിമിഷം ഞങ്ങൾക്കു രണ്ടു പേർക്കും ഒരുപാട്‌ ആശ്വാസം തോന്നി. അന്നുമു​തൽ അദ്ദേഹ​ത്തി​ലുള്ള വിശ്വാ​സം ഞാൻ വീണ്ടെ​ടു​ത്തു. ഇപ്പോൾ ഞങ്ങൾ നല്ല കൂട്ടു​കാ​രാണ്‌.”

16. ക്ഷമിക്കു​ന്ന​തി​നെ​ക്കു​റിച്ച്‌ നിങ്ങൾ എന്താണു പഠിച്ചത്‌?

¹⁶ നമ്മൾ മറ്റുള്ള​വ​രോ​ടു ക്ഷമിക്കാൻ യഹോവ പ്രതീ​ക്ഷി​ക്കു​ന്നു. (കൊലോ. 3:13) എന്നാൽ പലപ്പോ​ഴും നമുക്ക്‌ അതു ബുദ്ധി​മു​ട്ടാ​യി​രു​ന്നേ​ക്കാം. പക്ഷേ അതിനു കഴിയും. അതിനു നമ്മൾ നമ്മുടെ വികാ​രങ്ങൾ അവഗണി​ക്കാ​തി​രി​ക്കു​ക​യും അവയെ മറിക​ട​ക്കാൻ ശ്രമി​ക്കു​ക​യും വേണം. തുടർന്ന്‌ പോസി​റ്റീ​വായ നല്ല ചിന്തകൾ വളർത്താൻ ശ്രമി​ക്കണം.—“ക്ഷമിക്കാൻ സഹായി​ക്കുന്ന മൂന്നു പടികൾ” എന്ന ചതുരം കാണുക.

ക്ഷമിക്കു​ന്ന​തി​ന്റെ പ്രയോ​ജ​ന​ങ്ങ​ളെ​ക്കു​റിച്ച്‌ ചിന്തി​ക്കു​ക

17. നമ്മൾ ക്ഷമി​ക്കേ​ണ്ടത്‌ എന്തു​കൊണ്ട്‌?

¹⁷ ക്ഷമിക്കാൻ നമുക്ക്‌ ഒരുപാ​ടു കാരണ​ങ്ങ​ളുണ്ട്‌. അവയിൽ ചിലതു നോക്കാം. ഒന്ന്‌, നമ്മുടെ കരുണ​യുള്ള പിതാ​വി​നെ അനുക​രി​ക്കാ​നും സന്തോ​ഷി​പ്പി​ക്കാ​നും നമുക്കു പറ്റും. (ലൂക്കോ. 6:36) രണ്ട്‌, യഹോവ നമ്മളോട്‌ ക്ഷമിച്ച​തി​നു നമുക്കു നന്ദിയു​ള്ള​വ​രാ​ണെന്നു കാണി​ക്കാ​നാ​കും. (മത്താ. 6:12) മൂന്ന്‌, നമുക്കു നല്ല ആരോ​ഗ്യം കിട്ടും, സൗഹൃ​ദങ്ങൾ ശക്തമാ​ക്കാ​നും കഴിയും.

18-19. നമ്മൾ ക്ഷമിക്കു​മ്പോൾ എന്തു ഫലം ഉണ്ടാ​യേ​ക്കാം?

¹⁸ നമ്മൾ മറ്റുള്ള​വ​രോ​ടു ക്ഷമിക്കു​മ്പോൾ പ്രതീ​ക്ഷി​ക്കാത്ത ചില അനു​ഗ്ര​ഹ​ങ്ങ​ളും ലഭി​ച്ചേ​ക്കാം. ഉദാഹ​ര​ണ​ത്തിന്‌, തുടക്ക​ത്തിൽ പറഞ്ഞ ഡെനിസ്‌ സഹോ​ദ​രി​യു​ടെ കാര്യം എടുക്കുക. കോട​തി​വി​ചാ​ര​ണ​യ്‌ക്കു ശേഷം, കാറോ​ടിച്ച ആ വ്യക്തി ആത്മഹത്യ ചെയ്യാ​നി​രി​ക്കു​ക​യാ​യി​രു​ന്നു. എന്നാൽ ഇതൊ​ന്നും അറിഞ്ഞു​കൊ​ണ്ടല്ല സഹോ​ദരി മൊഴി കൊടു​ത്തത്‌. സഹോ​ദരി കാണിച്ച കരുണ​യും ക്ഷമയും കണ്ടപ്പോൾ അദ്ദേഹ​ത്തിന്‌ ഒരുപാ​ടു മതിപ്പു തോന്നി. അങ്ങനെ അദ്ദേഹം യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻതു​ടങ്ങി.

¹⁹ മറ്റൊ​രാ​ളോ​ടു ക്ഷമിക്കു​ന്നതു ജീവി​ത​ത്തി​ലെ ഏറ്റവും ബുദ്ധി​മു​ട്ടുള്ള ഒരു കാര്യ​മാ​യി നമുക്കു തോന്നി​യേ​ക്കാം. എന്നാൽ നമുക്ക്‌ ഏറ്റവും അനു​ഗ്ര​ഹങ്ങൾ നേടി​ത്ത​രു​ന്ന​തും അതായി​രി​ക്കും. (മത്താ. 5:7) അതു​കൊണ്ട്‌ യഹോ​വ​യു​ടെ ക്ഷമ അനുക​രി​ക്കാൻ നമു​ക്കെ​ല്ലാം പരമാ​വധി ശ്രമി​ക്കാം.