നിയമ​പ​ര​മായ റിപ്പോർട്ടു​കൾ

നമ്മുടെ സഹോ​ദ​രീ​സ​ഹോ​ദ​ര​ന്മാർ ബുദ്ധി​മു​ട്ടേ​റിയ പല പ്രശ്‌ന​ങ്ങ​ളും നേരി​ടു​ന്നുണ്ട്‌. അതി​ലൊ​ന്നാ​ണു നിയമ​പ​ര​മായ പോരാ​ട്ടങ്ങൾ. ആ സാഹച​ര്യ​ങ്ങ​ളി​ലെ​ല്ലാം അവർ യഹോ​വ​യോ​ടു വിശ്വസ്‌ത​രാ​യി നിന്നി​രി​ക്കു​ന്നു. അവരുടെ ഈ നല്ല മാതൃക വിശ്വാ​സ​ത്തിൽ ഉറച്ചു​നിൽക്കാൻ നമു​ക്കെ​ല്ലാം ഒരു പ്രോ​ത്സാ​ഹ​ന​മാണ്‌. “യഹോവ തന്റെ വിശ്വസ്‌ത​നോ​ടു പ്രത്യേ​ക​പ​രി​ഗണന കാണി​ക്കു​മെന്ന്‌” നമുക്ക്‌ ഉറപ്പു​ണ്ടാ​യി​രി​ക്കാ​നാ​കും.—സങ്കീ. 4:3.

അർജന്റീന | മതപര​മായ കാര്യങ്ങൾ കുട്ടി​കളെ പഠിപ്പി​ക്കാ​നുള്ള അവകാശം

രൂത്ത്‌ യഹോ​വ​യു​ടെ സാക്ഷി​ക​ളു​ടെ കുടും​ബ​ത്തി​ലാ​ണു ജനിച്ചത്‌. എന്നാൽ ചെറു​പ്പ​ത്തിൽത്തന്നെ അവൾ നിഷ്‌ക്രി​യ​യാ​യി​ത്തീർന്നു. ഒരാ​ളോ​ടൊത്ത്‌ ജീവി​ക്കാൻ തുടങ്ങിയ രൂത്ത്‌ താമസി​യാ​തെ ഒരു പെൺകു​ട്ടി​ക്കു ജന്മം നൽകി. ഒരിക്കൽ, ലാ പ്‌ളാറ്റ എന്ന പട്ടണത്തിൽ യഹോ​വ​യു​ടെ സാക്ഷികൾ പ്രസി​ദ്ധീ​ക​ര​ണങ്ങൾ പ്രദർശി​പ്പി​ച്ചി​രി​ക്കു​ന്നത്‌ അവൾ കാണാ​നി​ട​യാ​യി. സാക്ഷി​യാ​യി​രുന്ന തന്റെ കുട്ടി​ക്കാ​ല​ത്തെ​ക്കു​റിച്ച്‌ ഓർമവന്ന അവൾ വീണ്ടും സഭയു​മാ​യി സഹവസി​ക്കാൻ ആഗ്രഹി​ച്ചു. മോളെ ബൈബിൾ പഠിപ്പി​ക്കാ​നും തുടങ്ങി. എന്നാൽ രൂത്ത്‌ മതപര​മായ കാര്യ​ങ്ങ​ളിൽ ഉൾപ്പെ​ടു​ന്ന​തി​നെ കുട്ടി​യു​ടെ പിതാവ്‌ ശക്തമായി എതിർത്തു. മീറ്റി​ങ്ങു​കൾക്കു പോകു​ന്നതു തടയാ​നും മോളെ ബൈബിൾ പഠിപ്പി​ക്കു​ന്നതു നിറു​ത്താ​നും അയാൾ കോട​തി​യിൽ കേസ്‌ കൊടു​ത്തു.

അപ്പനും അമ്മയ്‌ക്കും അവരുടെ മതവി​ശ്വാ​സങ്ങൾ കുട്ടിയെ പഠിപ്പി​ക്കാൻ അവകാ​ശ​മു​ണ്ടെ​ന്നും അത്തരത്തി​ലുള്ള പഠിപ്പി​ക്ക​ലു​കൾ കുട്ടിക്കു ദോഷം ചെയ്യാ​ത്തി​ട​ത്തോ​ളം കാലം കോടതി ആ അവകാ​ശ​ത്തിൽ കൈക​ട​ത്ത​രു​തെ​ന്നും രൂത്തിന്റെ വക്കീൽ വാദിച്ചു. കുട്ടിക്ക്‌ അപ്പോൾ നാലു വയസ്സേ ഉണ്ടായി​രു​ന്നു​ള്ളൂ. എങ്കിലും ഏതു വിശ്വാ​സ​വും വെച്ചു​പു​ലർത്താ​നുള്ള കുട്ടി​യു​ടെ അവകാ​ശത്തെ മാതാ​പി​താ​ക്കൾ മാനി​ക്ക​ണ​മെന്നു കോടതി വിധിച്ചു. കുട്ടിക്കു മതപര​മായ കാര്യ​ങ്ങ​ളിൽ സ്വന്തമാ​യി തീരു​മാ​ന​മെ​ടു​ക്കാ​നുള്ള പ്രായ​മാ​യി​ല്ലെ​ന്നും അതു​കൊണ്ട്‌ അപ്പനും അമ്മയ്‌ക്കും അവളെ മതപര​മായ കാര്യങ്ങൾ പഠിപ്പി​ക്കാൻ തുല്യ​മായ അവകാ​ശ​മു​ണ്ടെ​ന്നും അപ്പീൽക്കോ​ടതി കൂട്ടി​ച്ചേർത്തു.

ഇപ്പോൾ രൂത്തിന്റെ മകൾ എല്ലാ ദിവസ​വും ബൈബിൾ വായി​ക്കു​ന്നുണ്ട്‌, അമ്മയോ​ടൊ​പ്പം നമ്മുടെ മീറ്റി​ങ്ങു​കൾക്കും പോകു​ന്നു. ബ്യൂണസ്‌ ഐറീ​സി​ലുള്ള ബഥേൽ സന്ദർശി​ക്കാ​നും അവൾ ആകാം​ക്ഷ​യോ​ടെ കാത്തി​രി​ക്കു​ന്നു.

അസർബൈ​ജാൻ | മതവി​ശ്വാ​സം ആചരി​ക്കാ​നുള്ള അവകാശം

സത്യ​ക്രിസ്‌തീയ സഭയെ​ക്കു​റിച്ച്‌ എഴുതി​യ​പ്പോൾ, “ഒരു അവയവം കഷ്ടപ്പെ​ടു​മ്പോൾ മറ്റുള്ള​വ​യെ​ല്ലാം അതി​നോ​ടൊ​പ്പം കഷ്ടപ്പെ​ടു​ന്നു” എന്നു പൗലോസ്‌ അപ്പോസ്‌തലൻ പറഞ്ഞു. (1 കൊരി. 12:26) അസർബൈ​ജാ​നി​ലെ ഈറീന സഖർകംഗ, വലീഡ ജബ്രൊ​യി​ലോവ എന്നീ സഹോ​ദ​രി​മാർ ജയിലിൽ കിടക്കു​ന്നെന്നു കേട്ട​പ്പോൾ ലോക​ത്തെ​മ്പാ​ടു​മുള്ള യഹോ​വ​യു​ടെ സാക്ഷി​കൾക്കും ഇതുത​ന്നെ​യാ​ണു തോന്നി​യത്‌. ഈ രണ്ടു സഹോ​ദ​രി​മാർ നിയമ​വി​രു​ദ്ധ​മായ മതപ്ര​വർത്ത​ന​ങ്ങ​ളിൽ ഏർപ്പെ​ട്ടെന്ന്‌ 2015 ഫെബ്രു​വ​രി​യിൽ അധികാ​രി​കൾ കുറ്റം ചുമത്തി. വിചാരണ ചെയ്യു​ന്ന​തി​നു​വേണ്ടി ജഡ്‌ജി അവരെ തടവിൽ വെച്ചു. പക്ഷേ, വിചാരണ പല പ്രാവ​ശ്യം മാറ്റി​വെ​ച്ച​തി​നാൽ അവർ ഒരു വർഷ​ത്തോ​ളം തടവിൽ കഴി​യേ​ണ്ടി​വന്നു. മാത്രമല്ല അധികാ​രി​കൾ അവരോ​ടു മോശ​മാ​യി പെരു​മാ​റു​ക​യും അവരെ വല്ലാതെ കഷ്ടപ്പെ​ടു​ത്തു​ക​യും ചെയ്‌തു.

അവസാനം 2016 ജനുവ​രി​യിൽ കേസിന്റെ വിചാരണ നടന്നു. അവർ കുറ്റക്കാ​രാ​ണെന്നു കണ്ട കോടതി പിഴ​യൊ​ടു​ക്കാൻ വിധിച്ചു. എന്നാൽ അവർ കുറെ​ക്കാ​ലം തടവിൽ കഴിഞ്ഞ​തി​നാൽ പിഴ​യൊ​ടു​ക്കേ​ണ്ട​തി​ല്ലെ​ന്നും അവർക്കു വീട്ടിൽ പോകാ​മെ​ന്നും ജഡ്‌ജി പറഞ്ഞു. അവർ ക്രിമി​നൽകു​റ്റം ചെയ്‌തെന്ന വിധി​ക്കെ​തി​രെ ബക്കു കോട​തി​യിൽ അപ്പീൽ കൊടു​ത്തെ​ങ്കി​ലും കോടതി അതു തള്ളി. അതു​കൊണ്ട്‌ അവർ സുപ്രീം​കോ​ട​തി​യെ സമീപി​ച്ചു. അതു കൂടാതെ, അനുഭ​വിച്ച ദുഷ്‌പെ​രു​മാ​റ്റ​ത്തി​നും മതവി​ശ്വാ​സം ആചരി​ക്കാ​നുള്ള അവകാശം നിഷേ​ധി​ച്ച​തി​നും എതിരെ അവർ യു.എൻ. മനുഷ്യാ​വ​കാശ കമ്മിറ്റി​ക്കും പരാതി നൽകി​യി​ട്ടുണ്ട്‌.

ഇപ്പോൾ സഹോ​ദ​രി​മാർ അവരുടെ വിഷമ​ങ്ങ​ളൊ​ക്കെ സാവധാ​നം മറന്നു​വ​രു​ക​യാണ്‌. അവർക്കു​വേണ്ടി ധാരാളം സഹോ​ദ​രങ്ങൾ പ്രാർഥി​ച്ച​തി​നും അവരോ​ടു താത്‌പ​ര്യം കാണി​ച്ച​തി​നും സഹോ​ദ​രി​മാർ വിലമ​തിപ്പ്‌ അറിയി​ച്ചു. ജബ്രൊ​യി​ലോവ സഹോ​ദരി ഭരണസം​ഘ​ത്തിന്‌ ഇങ്ങനെ എഴുതി: “നിങ്ങളു​ടെ പ്രാർഥ​നകൾ എല്ലാ യാതന​ക​ളും സഹിച്ചു​നിൽക്കാൻ ഞങ്ങളെ സഹായി​ച്ചു. എനിക്ക്‌ അതു ശരിക്കും അനുഭ​വ​പ്പെട്ടു. നിങ്ങളും യഹോ​വ​യും ലോക​ത്തെ​മ്പാ​ടു​മുള്ള എന്റെ സഹോ​ദ​ര​ങ്ങ​ളും കാണിച്ച സ്‌നേ​ഹ​വും കരുത​ലും ഒന്നും ഞാൻ ഒരിക്ക​ലും മറക്കില്ല.”

എറി​ട്രിയ | വിശ്വാ​സ​ത്തെ​പ്രതി തടവിൽ

എറി​ട്രിയ ഗവൺമെന്റ്‌ 2016 ജൂലൈ വരെ 55 സഹോ​ദ​ര​ങ്ങളെ അവരുടെ വിശ്വാ​സ​ത്തെ​പ്രതി തടവി​ലാ​ക്കി​യി​ട്ടുണ്ട്‌. പൗലോസ്‌ ഇയാസു, ഇസക്‌ മോ​ഗോസ്‌, നെഗെഡെ ടെക്ലമാ​രി​യാം എന്നീ സഹോ​ദ​ര​ന്മാർ 1994 സെപ്‌റ്റം​ബർ മുതൽ ജയിലി​ലാണ്‌. മറ്റ്‌ ഒൻപതു സഹോ​ദ​രങ്ങൾ പത്തു വർഷമാ​യി ജയിലിൽ കഴിയു​ക​യാണ്‌.

ആസ്‌മാ​ര​യിൽ 2014 ഏപ്രിൽ മാസത്തിൽ സ്‌മാ​ര​ക​ത്തി​നു വന്ന സഹോ​ദ​ര​ങ്ങളെ അറസ്റ്റ്‌ ചെയ്‌തി​രു​ന്നു. പിന്നീട്‌ 2016 ജനുവ​രി​യിൽ അവരെ കോട​തി​യിൽ വിചാ​ര​ണയ്‌ക്കു ഹാജരാ​ക്കി. ഇങ്ങനെ​യൊ​ക്കെ സംഭവി​ച്ചതു നമ്മുടെ നിയമ​പോ​രാ​ട്ട​ത്തി​നു ഗുണം ചെയ്‌തു. യഹോ​വ​യു​ടെ സാക്ഷി​ക​ളു​ടെ മേൽ ഇപ്രാ​വ​ശ്യം നിയമ​പ്ര​കാ​രം ‘കുറ്റം’ ചുമത്തി​യ​തി​നാൽ ആദ്യമാ​യി അവരുടെ ഭാഗം വാദി​ക്കാൻ അവസരം കിട്ടി. വിചാരണ ചെയ്യപ്പെട്ട മിക്ക സഹോ​ദ​രീ​സ​ഹോ​ദ​ര​ന്മാ​രും ‘നിയമ​വി​രു​ദ്ധ​മായ’ മീറ്റി​ങ്ങിൽ പങ്കെടു​ത്ത​തി​ന്റെ പേരിൽ കുറ്റക്കാ​രാ​ണെന്നു കോടതി വിധിച്ചു. ഇതു പ്രതീ​ക്ഷി​ച്ച​തു​ത​ന്നെ​യാ​യി​രു​ന്നു. അവസാനം പിഴ ഈടാ​ക്കി​യ​ശേഷം അവരെ വിട്ടയച്ചു. പക്ഷേ പിഴ​യൊ​ടു​ക്കാൻ വിസമ്മ​തിച്ച സെരോൻ ഗിബ്രു സഹോ​ദ​രിക്ക്‌ ആറു മാസ​ത്തേക്കു ജയിൽശിക്ഷ അനുഭ​വി​ക്കേ​ണ്ടി​വന്നു. ആഴ്‌ച​യിൽ ഒരിക്കൽ സഹോ​ദ​രി​ക്കു സന്ദർശ​കരെ സ്വീക​രി​ക്കാൻ അനുവാ​ദ​മുണ്ട്‌. അധികാ​രി​കൾ നല്ല രീതി​യി​ലാ​ണു പെരു​മാ​റു​ന്ന​തെന്നു സഹോ​ദരി പറഞ്ഞു. ‘ജയിലിൽ കിടക്കു​ന്ന​വരെ, നമ്മളും അവരോ​ടൊ​പ്പം ജയിലി​ലാ​ണെ​ന്ന​പോ​ലെ ഓർക്കു​ന്ന​തു​കൊണ്ട്‌’ സഹോ​ദ​രി​യും ജയിലിൽ കഴിയുന്ന മറ്റ്‌ 54 സഹോ​ദ​ര​ങ്ങ​ളും നമ്മു​ടെ​യെ​ല്ലാം പ്രാർഥ​നകൾ വിലമ​തി​ക്കു​ന്നു.—എബ്രാ. 13:3.

ജർമനി | മതസ്വാ​ത​ന്ത്ര്യം—നിയമാം​ഗീ​കാ​രം

2015 ഡിസംബർ 21-നു ബ്രെമൻ സംസ്ഥാനം ജർമനി​യി​ലെ യഹോ​വ​യു​ടെ സാക്ഷി​ക​ളു​ടെ മതസം​ഘ​ട​നയ്‌ക്കു നിലവി​ലു​ള്ള​തി​നെ​ക്കാൾ കുറച്ചു​കൂ​ടി ആനുകൂ​ല്യ​ങ്ങൾ നൽകി. ജർമൻ കോട​തി​ക​ളിൽ നാലു വർഷമാ​യി നടന്നുവന്ന ഒരു നിയമ​പോ​രാ​ട്ട​ത്തിന്‌ അങ്ങനെ അന്ത്യം കുറിച്ചു. ബർലി​നി​ലെ ഉയർന്ന അഡ്‌മി​നിസ്‌ട്രേ​റ്റീവ്‌ കോട​തി​യു​ടെ ഒരു തീരു​മാ​നത്തെ തുടർന്ന്‌ ജർമനി​യി​ലുള്ള 16 സംസ്ഥാ​ന​ങ്ങ​ളിൽ മിക്കതും നമ്മൾ ആഗ്രഹിച്ച തരം നിയമാം​ഗീ​കാ​രം നൽകി​യി​രു​ന്നു. എന്നാൽ ബ്രെമൻ അധികാ​രി​കൾ യഹോ​വ​യു​ടെ സാക്ഷി​കൾക്ക്‌ ഈ നിയമാം​ഗീ​കാ​രം നൽകു​ന്ന​തിന്‌ എതിരാ​യി​രു​ന്നു. പ്രധാ​ന​മാ​യും എതിരാ​ളി​കൾ പ്രചരി​പ്പിച്ച കെട്ടി​ച്ചമച്ച ആരോ​പ​ണ​ങ്ങ​ളാണ്‌ അതിന്‌ അവരെ പ്രേരി​പ്പി​ച്ചത്‌.

2015-ൽ ജർമനി​യി​ലെ കേന്ദ്ര ഭരണഘ​ട​നാ​കോ​ടതി ബ്രെമന്റെ ഈ നിലപാട്‌ യഹോ​വ​യു​ടെ സാക്ഷി​ക​ളു​ടെ അവകാ​ശ​ങ്ങ​ളു​ടെ ലംഘന​മാ​ണെന്നു കണ്ടെത്തി. ഭരണഘടന ഉറപ്പു നൽകുന്ന മതസ്വാ​ത​ന്ത്ര്യ​ത്തി​നുള്ള അവകാശം ബ്രെമ​നിൽ യഹോ​വ​യു​ടെ സാക്ഷി​ക​ളു​ടെ പ്രവർത്ത​ന​ത്തി​നും സംരക്ഷ​ണ​മേ​കേ​ണ്ട​താ​ണെന്നു കോടതി നിരീ​ക്ഷി​ച്ചു. ഇപ്പോൾ നികു​തി​യി​ള​വും പ്രമുഖ മതസം​ഘ​ട​ന​കൾക്കുള്ള മറ്റ്‌ ആനുകൂ​ല്യ​ങ്ങ​ളും അവി​ടെ​യുള്ള യഹോ​വ​യു​ടെ സാക്ഷി​ക​ളു​ടെ സഭകൾക്കും ലഭിക്കു​ന്നു.

കിർഗി​സ്ഥാൻ | മതവി​ശ്വാ​സം ആചരി​ക്കാ​നുള്ള അവകാശം

കിർഗി​സ്ഥാ​നി​ലുള്ള ഒക്‌സാന കര്യക്കീ​നയ്‌ക്കും അമ്മ നെടി​യെഷ്‌ക സാർഗീൻകയ്‌ക്കും എതിരെ 2013 മാർച്ചിൽ ഓഷ്‌ നഗരത്തി​ലെ അധികാ​രി​കൾ ക്രിമി​നൽ കുറ്റം മെനഞ്ഞു​ണ്ടാ​ക്കി. ബൈബിൾകാ​ര്യ​ങ്ങൾ പറയാൻ ചെല്ലു​മ്പോൾ യഹോ​വ​യു​ടെ സാക്ഷികൾ അയൽക്കാ​രെ പറഞ്ഞു​പ​റ്റി​ക്കു​ക​യാ​ണെന്നു വാദി​ഭാ​ഗം വക്കീൽ ആരോ​പി​ച്ചു. വിചാരണ തുടങ്ങു​ന്ന​തു​വരെ അവർ വീട്ടു​ത​ട​ങ്ക​ലിൽ കഴിയ​ണ​മെ​ന്നാ​യി​രു​ന്നു കോട​തി​വി​ധി. എന്നാൽ തെളി​വു​കൾ കെട്ടി​ച്ച​മ​ച്ച​വ​യാ​ണെ​ന്നും നടപടി​ക്ര​മങ്ങൾ പാലി​ച്ചി​ട്ടി​ല്ലെ​ന്നും സഹോ​ദ​രി​മാർ കുറ്റക്കാ​ര​ല്ലെ​ന്നും 2014 ഒക്‌ടോ​ബ​റിൽ വിചാ​ര​ണ​ക്കോ​ടതി കണ്ടെത്തി. പിന്നീട്‌ 2015 ഒക്‌ടോ​ബ​റിൽ അപ്പീൽക്കോ​ട​തി​യും ഈ തീരു​മാ​നം ശരി​വെച്ചു.

എന്നിട്ടും ഓഷ്‌ നഗരത്തി​ന്റെ വക്കീൽ അടങ്ങി​യില്ല. അദ്ദേഹം വീണ്ടും അപ്പീൽ കൊടു​ത്തു. ഇപ്രാ​വ​ശ്യം കിർഗി​സ്ഥാ​ന്റെ സുപ്രീം​കോ​ട​തി​യെ​യാണ്‌ അദ്ദേഹം സമീപി​ച്ചത്‌. സഹോ​ദ​രി​മാ​രെ വിട്ടയച്ച കീഴ്‌ക്കോ​ട​തി​യു​ടെ നടപടി സുപ്രീം​കോ​ടതി റദ്ദാക്കു​ക​യും പുതു​താ​യി വിചാരണ നടത്താൻ ഉത്തരവി​ടു​ക​യും ചെയ്‌തു. 2016 ഏപ്രി​ലിൽ കേസ്‌ കേൾക്കാൻ തുടങ്ങി​യ​പ്പോൾത്തന്നെ, സഹോ​ദ​രി​മാ​രു​ടെ വക്കീല​ന്മാർ കേസിന്റെ സമയപ​രി​ധി കഴിഞ്ഞ​താ​ണെ​ന്നും അതിനാൽ കേസ്‌ അവസാ​നി​പ്പി​ക്ക​ണ​മെ​ന്നും അപേക്ഷി​ച്ചു. ജഡ്‌ജി​ക്കു മറ്റൊരു മാർഗ​വു​മി​ല്ലാ​യി​രു​ന്നു. ഗത്യന്ത​ര​മി​ല്ലാ​തെ അദ്ദേഹം ക്രിമി​നൽ നടപടി​കൾ അവസാ​നി​പ്പിച്ച്‌ കേസ്‌ തീർപ്പാ​ക്കി.

ഈ അഗ്നിപ​രീ​ക്ഷ​യു​ടെ സമയ​ത്തെ​ല്ലാം സഹോ​ദ​രി​മാർ സന്തോഷം കൈവി​ട്ടില്ല. സാർഗീൻക സഹോ​ദരി പറയുന്നു: “മറ്റുള്ളവർ മോശ​മാ​യി പെരു​മാ​റു​മ്പോൾ ആളുകൾ പരുക്കൻ സ്വഭാ​വ​മു​ള്ള​വ​രാ​യി​ത്തീ​രാ​റുണ്ട്‌. പക്ഷേ, എനിക്കു സഹോ​ദ​ര​ങ്ങ​ളി​ലൂ​ടെ യഹോ​വ​യു​ടെ സ്‌നേ​ഹ​വും കരുത​ലും അനുഭ​വ​പ്പെട്ടു. ഞങ്ങൾ ഒരിക്ക​ലും ഒറ്റയ്‌ക്കാ​യി​പ്പോ​യി​ട്ടില്ല!” യശയ്യ 41:10-ൽ രേഖ​പ്പെ​ടു​ത്തി​യി​രി​ക്കുന്ന പിൻവ​രുന്ന വാഗ്‌ദാ​നം യഹോവ പാലി​ക്കു​ന്നത്‌ എങ്ങനെ​യെന്ന്‌ ഈ സഹോ​ദ​രി​മാർ കണ്ണാലേ കണ്ടിരി​ക്കു​ന്നു. അവിടെ ഇങ്ങനെ പറയുന്നു: “പേടി​ക്കേണ്ടാ, . . . എന്റെ നീതി​യുള്ള വല​ങ്കൈ​കൊണ്ട്‌ ഞാൻ നിന്നെ മുറുകെ പിടി​ക്കും.”

കിർഗി​സ്ഥാൻ | മതസ്വാ​ത​ന്ത്ര്യം—നിയമാം​ഗീ​കാ​രം

2015 ആഗസ്റ്റ്‌ 9-നു കിർഗി​സ്ഥാ​നി​ലെ ഓഷ്‌ നഗരത്തി​ലുള്ള നമ്മുടെ ഒരു മീറ്റിങ്ങ്‌ സ്ഥലത്തേക്കു പത്തു പോലീ​സു​കാർ ഇരച്ചു​ക​യറി. അവിടെ നടക്കുന്ന ‘നിയമ​വി​രു​ദ്ധ​മായ’ മീറ്റിങ്ങ്‌ ഉടനെ നിറു​ത്ത​ണ​മെന്ന്‌ ആജ്ഞാപി​ച്ചു. അവി​ടെ​യു​ണ്ടാ​യി​രുന്ന 40-ലധികം പേർക്കു നേരെ വെടി​വെ​ക്കു​മെ​ന്നും ഭീഷണി​പ്പെ​ടു​ത്തി. സഹോ​ദ​ര​ങ്ങ​ളിൽ പത്തു പേരെ പിടിച്ച്‌ അവർ പോലീസ്‌ സ്റ്റേഷനി​ലേക്കു കൊണ്ടു​പോ​യി, അതിൽ ഒൻപതു പേരെ ക്രൂര​മാ​യി മർദി​ച്ച​ശേഷം അവരെ​യെ​ല്ലാം വിട്ടയച്ചു. മർദന​മേറ്റ സഹോ​ദ​ര​ങ്ങ​ളിൽ ഒരാളെ രണ്ടു ദിവസം കഴിഞ്ഞ​പ്പോൾ പോലീസ്‌ അറസ്റ്റു ചെയ്‌തു. നുർലാൻ ഉസു​ബൈവ്‌ എന്ന ആ സഹോ​ദരൻ മീറ്റിങ്ങ്‌ നടത്തി​യെ​ന്നും അങ്ങനെ നിയമ​വി​രു​ദ്ധ​മായ മതപ്ര​വർത്ത​ന​ത്തിൽ ഏർപ്പെ​ട്ടെ​ന്നും ആയിരു​ന്നു കേസ്‌.

ഉസു​ബൈവ്‌ സഹോ​ദ​രന്‌ എതി​രെ​യുള്ള കേസ്‌ ഓഷ്‌ സിറ്റി കോട​തി​യിൽ എത്തി. അദ്ദേഹ​ത്തി​നെ​തി​രെ​യുള്ള ആരോ​പ​ണ​ങ്ങൾക്ക്‌ ഒരു അടിസ്ഥാ​ന​വും കാണാ​ഞ്ഞ​തി​നാൽ കേസ്‌ തള്ളി​പ്പോ​യി. വാദി​ഭാ​ഗം വക്കീൽ ഓഷ്‌ റീജി​യണൽ കോട​തി​യിൽ അപ്പീൽ കൊടു​ത്തെ​ങ്കി​ലും കോടതി അതു പരിഗ​ണി​ക്കാൻ തയ്യാറാ​യില്ല. യഹോ​വ​യു​ടെ സാക്ഷി​ക​ളു​ടെ സംഘടന കിർഗി​സ്ഥാ​നിൽ നിയമ​പ​ര​മാ​യി രജിസ്റ്റർ ചെയ്‌ത​താ​യ​തു​കൊണ്ട്‌ ഉസു​ബൈവ്‌ സഹോ​ദ​രന്റെ പ്രവർത്ത​നങ്ങൾ നിയമ​വി​രു​ദ്ധ​മാ​കില്ല എന്ന്‌ കോടതി വിശദീ​ക​രി​ച്ചു.

തോൽവി സമ്മതി​ക്കാൻ തയ്യാറാ​കാ​തെ ആ വക്കീൽ കിർഗി​സ്ഥാൻ സുപ്രീം​കോ​ട​തി​യെ സമീപി​ച്ചു. ആശ്വാ​സ​ക​ര​മെന്നു പറയട്ടെ 2016 മാർച്ചിൽ കേസിനു തീർപ്പാ​യി. കീഴ്‌ക്കോ​ട​തി​യു​ടെ​യും അപ്പീൽക്കോ​ട​തി​യു​ടെ​യും വിധികൾ ശരി​വെ​ച്ചു​കൊണ്ട്‌ യഹോ​വ​യു​ടെ സാക്ഷി​കൾക്കു കിർഗി​സ്ഥാ​നിൽ യോഗങ്ങൾ നടത്താൻ അവകാ​ശ​മു​ണ്ടെന്നു കോടതി വിധിച്ചു. ഓഷ്‌ നഗരത്തി​ലെ പോലീ​സു​കാർക്കെ​തി​രെ മർദന​മേറ്റ സഹോ​ദ​രങ്ങൾ കൊടുത്ത ഒരു കേസ്‌ ഇപ്പോൾ കോട​തി​യിൽ നടന്നു​കൊ​ണ്ടി​രി​ക്കു​ക​യാണ്‌.

റഷ്യ | മതസ്വാ​ത​ന്ത്ര്യം

റഷ്യൻ മനുഷ്യാ​വ​കാശ അധികാ​രി​ക​ളു​ടെ എതിർപ്പു​ണ്ടെ​ങ്കി​ലും യഹോ​വ​യു​ടെ സാക്ഷി​കൾക്കും അവരുടെ മതപര​മായ പ്രവർത്ത​ന​ങ്ങൾക്കും എതിരെ റഷ്യൻ ഗവൺമെന്റ്‌ ആക്രമണം തുടരു​ക​യാണ്‌. നമ്മുടെ പ്രസി​ദ്ധീ​ക​ര​ണ​ങ്ങ​ളിൽ 88 എണ്ണം ‘തീവ്ര​വാ​ദ​പരം’ എന്ന്‌ അധികാ​രി​കൾ മുദ്ര​കു​ത്തി, നമ്മുടെ ഔദ്യോ​ഗിക വെബ്‌സൈ​റ്റായ jw.org നിരോ​ധി​ക്കു​ക​യും ചെയ്‌തു. പുതിയ ലോക ഭാഷാ​ന്തരം ബൈബിൾ ഇറക്കു​മതി ചെയ്യാൻ കസ്റ്റംസ്‌ അധികാ​രി​കൾ 2015-ൽ അനുമതി നിഷേ​ധി​ച്ചു. വൈ​ബോർഗി​ലുള്ള ഒരു കോടതി ഈ ആധുനിക ബൈബിൾപ​രി​ഭാഷ ‘തീവ്ര​വാ​ദ​പരം’ ആണോ എന്നു പരി​ശോ​ധി​ച്ചു​വ​രു​ക​യാണ്‌. 2016 മാർച്ചിൽ പ്രോ​സി​ക്യൂ​ട്ടർ ജനറൽ ഒരു പടികൂ​ടെ കടന്ന്‌, സെന്റ്‌ പീറ്റേഴ്‌സ്‌ബർഗി​നു വെളി​യി​ലുള്ള സോൽനിഷ്‌നെ​യി​ലെ യഹോ​വ​യു​ടെ സാക്ഷി​ക​ളു​ടെ പ്രധാ​ന​പ്പെട്ട ഓഫീ​സു​കൾ ‘തീവ്ര​വാ​ദ​പ്ര​വർത്തനം’ ആരോ​പിച്ച്‌ അടച്ചു​പൂ​ട്ടു​മെന്നു ഭീഷണി​പ്പെ​ടു​ത്തി​യി​രി​ക്കു​ന്നു.

യഹോ​വ​യു​ടെ സാക്ഷി​കൾക്കെ​തി​രെ ഗവൺമെ​ന്റു​പോ​ലും പകയോ​ടെ പ്രവർത്തി​ക്കു​ക​യും പ്രചാ​രണം നടത്തു​ക​യും ചെയ്യു​ന്ന​തി​നി​ട​യിൽ ചില നല്ല വാർത്ത​ക​ളും കേൾക്കാ​നുണ്ട്‌. 2015 ഒക്‌ടോ​ബ​റിൽ മോസ്‌കോ നഗരത്തിന്‌ 2,000 കി.മീ. കിഴക്കു റ്റ്യൂമ​നി​ലുള്ള യഹോ​വ​യു​ടെ സാക്ഷി​ക​ളു​ടെ പ്രാ​ദേ​ശിക മതസം​ഘടന (Local Religious Organization) അടച്ചു​പൂ​ട്ട​ണ​മെന്ന്‌ ആവശ്യ​പ്പെട്ട്‌ പ്രോ​സി​ക്യൂ​ട്ടർ കേസ്‌ കൊടു​ത്തു. തെളി​വു​കൾ പോലീസ്‌ കൃത്രി​മ​മാ​യി ഉണ്ടാക്കി​യ​താ​ണെന്ന്‌ അറിയാ​മാ​യി​രു​ന്നി​ട്ടും ട്യൂമൻ റീജി​യണൽ കോടതി ട്യൂമ​നി​ലെ നമ്മുടെ മതസം​ഘ​ട​ന​ക്കെ​തി​രെ വിധി പ്രസ്‌താ​വി​ച്ചു. എന്നാൽ 2016 ഏപ്രിൽ 15-നു റഷ്യയി​ലെ സുപ്രീം​കോ​ടതി കീഴ്‌ക്കോ​ട​തി​യു​ടെ വിധി റദ്ദാക്കു​ക​യും “ട്യൂമൻ നഗരത്തി​ലെ യഹോ​വ​യു​ടെ സാക്ഷി​ക​ളു​ടെ മതസം​ഘടന അടച്ചു​പൂ​ട്ടാൻ ഒരു കാരണ​വു​മില്ല” എന്നു വിധി​ക്കു​ക​യും ചെയ്‌തു. അധ്യക്ഷ​നായ ജഡ്‌ജി വിധി​ന്യാ​യം വായി​ച്ചു​കേൾപ്പി​ച്ച​പ്പോൾ കോട​തി​മു​റി​യിൽ ഉണ്ടായി​രുന്ന 60 സഹോ​ദ​രീ​സ​ഹോ​ദ​ര​ന്മാ​രും സന്തോഷം അടക്കാ​നാ​കാ​തെ കൈയ​ടി​ച്ചു.

റഷ്യയി​ലെ യഹോ​വ​യു​ടെ ജനത്തിന്‌ യശയ്യ പ്രവാ​ച​കന്റെ പിൻവ​രുന്ന വാക്കു​ക​ളിൽ പൂർണ​ബോ​ധ്യ​മു​ള്ള​തു​കൊണ്ട്‌ അവർ യഹോ​വയെ തുടർന്നും ആരാധി​ക്കാൻ തീരു​മാ​നി​ച്ചു​റ​ച്ചി​രി​ക്കു​ന്നു. അവിടെ ഇങ്ങനെ പറയുന്നു: “നിനക്ക്‌ എതിരെ ഉണ്ടാക്കുന്ന ഒരു ആയുധ​വും ഫലിക്കില്ല”—യശ. 54:17.

റുവാണ്ട | മതപര​മായ വിവേ​ചനം കൂടാതെ വിദ്യാ​ഭ്യാ​സം നേടാ​നുള്ള അവകാശം

മതപര​മോ ദേശീ​യ​മോ ആയ പ്രവർത്ത​ന​ങ്ങളെ പിന്തു​ണയ്‌ക്കാൻ വിസമ്മ​തി​ച്ച​തി​ന്റെ പേരിൽ, അടുത്ത കാലത്ത്‌ റുവാ​ണ്ട​യി​ലെ സാക്ഷി​ക​ളു​ടെ കുട്ടി​കൾക്കു സ്‌കൂ​ളിൽനിന്ന്‌ പുറത്താ​ക്കൽഭീ​ഷണി നേരിട്ടു. ഇതി​നൊ​രു പരിഹാ​ര​മാ​യി, 2015 ഡിസംബർ 14-നു സ്‌കൂ​ളു​ക​ളി​ലെ മതവി​വേ​ചനം അവസാ​നി​പ്പി​ക്കാൻ ഗവൺമെന്റ്‌ ഉത്തരവി​റക്കി. വിദ്യാർഥി​ക​ളു​ടെ ആരാധ​നാ​സ്വാ​ത​ന്ത്ര്യ​ത്തെ മാനി​ക്കാൻ ഈ ഉത്തരവി​ലൂ​ടെ സ്‌കൂ​ളു​ക​ളോട്‌ ആവശ്യ​പ്പെട്ടു.

“സ്‌കൂ​ളു​ക​ളി​ലെ മതവി​വേ​ച​ന​ത്തിന്‌ എതിരെ റുവാണ്ട പ്രവർത്തി​ക്കു​ന്നു” എന്ന പേരിൽ 2016 ജൂൺ 9-ലെ jw.org വാർത്താ​ജാ​ല​ക​ത്തിൽ ഒരു ലേഖനം വന്നു. രസകര​മെന്നു പറയട്ടെ, റുവാ​ണ്ട​യി​ലെ ജനപ്രീ​തി​യുള്ള ഒരു ഓൺലൈൻ പത്രം ഈ ലേഖനം പുനഃ​പ്ര​സി​ദ്ധീ​ക​രി​ച്ചു. പത്രത്തി​ന്റെ ഈ ഓൺലൈൻ പതിപ്പ്‌ 3,000-ത്തിലധി​കം ആളുക​ളാണ്‌ ഉടൻതന്നെ വായി​ച്ചത്‌. അനേക​രും ഗവൺമെ​ന്റി​ന്റെ ഈ നടപടി​യെ​ക്കു​റിച്ച്‌ നല്ല അഭി​പ്രാ​യം രേഖ​പ്പെ​ടു​ത്തി. തങ്ങളുടെ കുട്ടി​കൾക്കു മതവി​വേ​ചനം കൂടാ​തെ​യുള്ള വിദ്യാ​ഭ്യാ​സം ഉറപ്പു​വ​രു​ത്തുന്ന ഉത്തരവു​ണ്ടാ​യ​തിൽ റുവാ​ണ്ട​യി​ലെ സാക്ഷികൾ വളരെ സന്തുഷ്ട​രാണ്‌.

ദക്ഷിണ കൊറിയ | മനസ്സാക്ഷി സ്വാത​ന്ത്ര്യം​—സൈനി​ക​സേ​വനം ചെയ്യാൻ വിസമ്മ​തി​ക്കു​ന്നു

60 വർഷത്തി​ലേ​റെ​യാ​യി ദക്ഷിണ കൊറി​യ​യി​ലെ 19-നും 35-നും ഇടയിൽ പ്രായ​മുള്ള സാക്ഷി​ക​ളായ പുരു​ഷ​ന്മാർക്കു സൈനി​ക​സേ​വനം ചെയ്യാൻ സമ്മർദം നേരി​ട്ടി​ട്ടുണ്ട്‌. സൈനി​ക​സേ​വനം ചെയ്യാൻ മനസ്സാ​ക്ഷി​പ​ര​മായ കാരണ​ങ്ങ​ളാൽ വിസമ്മ​തി​ക്കു​ന്ന​തി​നുള്ള അവകാശം ഗവൺമെന്റ്‌ അംഗീ​ക​രി​ക്കു​ന്നില്ല. സൈനി​ക​സേ​വ​ന​ത്തി​നു പകരമാ​യുള്ള ജോലി​കൾ നൽകു​ക​യും ചെയ്യു​ന്നില്ല. ചിലരു​ടെ കാര്യ​ത്തിൽ സൈനി​ക​സേ​വ​ന​ത്തി​നു വിസമ്മ​തി​ച്ച​തി​ന്റെ പേരിൽ വല്ല്യപ്പ​നും മകനും മകന്റെ മകനും വരെ ജയിലിൽ പോ​കേ​ണ്ട​താ​യി​വ​ന്നി​ട്ടുണ്ട്‌.

ദക്ഷിണ കൊറി​യ​യി​ലെ ഭരണഘ​ട​നാ​കോ​ടതി സൈനി​ക​സേവന നിയമം ഭരണഘ​ട​നാ​പ​ര​മാ​ണെന്നു രണ്ടു തവണ വിധി​ച്ചി​ട്ടു​ള്ള​താണ്‌. എന്നാൽ കീഴ്‌ക്കോ​ട​തി​ക​ളും ഈ നിയമ​മ​നു​സ​രിച്ച്‌ ശിക്ഷി​ക്ക​പ്പെ​ട്ടി​ട്ടുള്ള പുരു​ഷ​ന്മാ​രും വീണ്ടും ഈ പ്രശ്‌നം ഭരണഘ​ട​നാ​കോ​ട​തി​യു​ടെ മുമ്പാകെ കൊണ്ടു​വന്നു. അതിന്റെ ഫലമായി 2015 ജൂലൈ 9-നു കോടതി ഈ കേസിന്റെ വാദം കേട്ടു. മനസ്സാ​ക്ഷി​പ​ര​മായ കാരണ​ങ്ങ​ളാൽ സൈനി​ക​പ​രി​ശീ​ലനം സ്വീക​രി​ക്കാ​ഞ്ഞ​തിന്‌ 18 മാസം ജയിലിൽ കിട​ക്കേ​ണ്ടി​വന്ന മിൻ ഹ്വാൻ കിൻ സഹോ​ദരൻ സാഹച​ര്യ​ങ്ങൾ ഇങ്ങനെ വിശദീ​ക​രി​ച്ചു: “ഞാൻ ശിക്ഷി​ക്ക​പ്പെ​ടു​ക​യും ജയിൽമോ​ചി​ത​നാ​കു​ക​യും ചെയ്‌തു. സൈനി​ക​സേ​വ​ന​ത്തി​നു പകരമുള്ള ജോലി​കൾ ചെയ്യാൻ അനുവ​ദി​ക്കു​ക​യാ​ണെ​ങ്കിൽ എന്നെ​പ്പോ​ലുള്ള മറ്റ്‌ അനേകർക്കും ശിക്ഷ അനുഭ​വി​ക്കേ​ണ്ടി​വ​രില്ല. അവർക്കു സമൂഹ​ത്തി​നു നല്ല സേവനം നൽകാൻ കഴിയു​ക​യും ചെയ്യും.” ഭരണഘ​ട​നാ​കോ​ടതി വൈകാ​തെ അതിന്റെ തീരു​മാ​നം പ്രഖ്യാ​പി​ക്കും.

തുർക്ക്‌മ​നി​സ്ഥാൻ | ബാരം ഹെം​ദെ​മോവ്‌

53 വയസ്സുള്ള ഹെം​ദെ​മോവ്‌ സഹോ​ദ​രനു നാലു മക്കളുണ്ട്‌. ദൈവ​ഭ​യ​മുള്ള, ഉത്സാഹ​ത്തോ​ടെ പ്രവർത്തി​ക്കുന്ന, സമൂഹ​ത്തിൽ ആദരണീ​യ​നായ ഒരു വ്യക്തി​യാണ്‌ ഈ സഹോരൻ. 2015 മെയ്‌ മാസത്തിൽ അദ്ദേഹത്തെ കോടതി നാലു വർഷം കഠിന​ജോ​ലി​കൾ ചെയ്യാൻ ശിക്ഷിച്ച്‌ ജയിലി​ലേക്ക്‌ അയച്ചു. വീട്ടിൽവെച്ച്‌ ‘നിയമ​വി​രു​ദ്ധ​മായ’ മീറ്റിങ്ങ്‌ നടത്തി എന്നതാ​യി​രു​ന്നു കുറ്റം. സെയ്‌തി പട്ടണത്തി​ലെ കുപ്ര​സി​ദ്ധ​മായ ഒരു പാളയ​ത്തി​ലാ​ണു സഹോ​ദ​രനെ പാർപ്പി​ച്ചത്‌. അധികാ​രി​കൾ അദ്ദേഹത്തെ പല പ്രാവ​ശ്യം ചോദ്യം ചെയ്യു​ക​യും ക്രൂര​മാ​യി മർദി​ക്കു​ക​യും ചെയ്‌തു. എങ്കിലും അദ്ദേഹ​വും കുടും​ബ​വും യഹോ​വ​യോ​ടു വിശ്വസ്‌ത​രാ​യി ഇപ്പോ​ഴും തുടരു​ന്നു. ഇടയ്‌ക്കി​ടയ്‌ക്കു ഭാര്യ ഗുൽസി​റയ്‌ക്കു സഹോ​ദ​രനെ കാണാ​നും പ്രോ​ത്സാ​ഹി​പ്പി​ക്കാ​നും കഴിയു​ന്നുണ്ട്‌.

യഹോ​വ​യു​ടെ ജനം പരി​ശോ​ധ​ന​കൾക്കു മധ്യേ വിശ്വസ്‌ത​രാ​യി തുടരാൻ നമ്മളെ​ല്ലാം പ്രാർഥി​ക്കു​ന്നു. അവരുടെ ഈ വിശ്വസ്‌തത, ദൈവ​ത്തോ​ടു പറ്റിനിൽക്കാൻ നമു​ക്കൊ​രു പ്രചോ​ദ​ന​മാണ്‌, മാതൃ​ക​യാണ്‌. സങ്കീർത്തനം 37:28-ലെ “ദൈവം തന്റെ വിശ്വസ്‌തരെ ഉപേക്ഷി​ക്കില്ല” എന്ന വാഗ്‌ദാ​ന​ത്തിൽ നമ്മൾ ഉറച്ചു​വി​ശ്വ​സി​ക്കു​ന്നു.