മതവും യു​ക്രെ​യി​നി​ലെ യുദ്ധവും—ബൈബിൾ എന്താണ്‌ പറയു​ന്നത്‌?

പ്രമു​ഖ​മ​ത​നേ​താ​ക്ക​ന്മാ​രെ​ക്കു​റി​ച്ചും യു​ക്രെ​യി​നി​ലെ യുദ്ധ​ത്തെ​ക്കു​റി​ച്ചും വന്ന ചില റിപ്പോർട്ടു​കൾ നമുക്കു നോക്കാം:

• “റഷ്യൻ ഓർത്ത​ഡോ​ക്‌സ്‌ സഭയുടെ തലവനായ കിറിൽ പാത്രി​യർക്കീസ്‌ റഷ്യൻ അധിനി​വേ​ശ​ത്തിന്‌ എതിരെ ഒരു വാക്കു​പോ​ലും പറഞ്ഞി​ട്ടില്ല. . . . അദ്ദേഹ​ത്തി​ന്റെ സഭ യു​ക്രെ​യിന്‌ എതിരെ കരുതി​ക്കൂ​ട്ടി നടത്തിയ പ്രചാ​ര​ണങ്ങൾ പുട്ടിൻ തന്റെ യുദ്ധത്തെ ന്യായീ​ക​രി​ക്കാൻ ഉപയോ​ഗി​ക്കു​ന്നു.”—ഇയു ഒബ്‌സർവർ, 2022 മാർച്ച്‌ 7.

• “തന്റെ രാജ്യം യു​ക്രെ​യിന്‌ എതിരെ നടത്തിയ അധിനി​വേ​ശത്തെ പൂർണ​മാ​യി അംഗീ​ക​രി​ച്ചു​കൊണ്ട്‌ കിറിൽ പാത്രി​യർക്കീസ്‌ പറഞ്ഞത്‌, ഇതു പാപത്തിന്‌ എതി​രെ​യുള്ള പോരാ​ട്ട​ത്തി​ന്റെ ഭാഗമാ​ണെ​ന്നാണ്‌.”—എപി ന്യൂസ്‌, 2022 മാർച്ച്‌ 8.

• “യു​ക്രെ​യിൻ ഓർത്ത​ഡോ​ക്‌സ്‌ സഭയുടെ തലവനായ കീവിലെ എപ്പിഫാ​നി​യസ്‌ ഒന്നാമൻ മെത്രാ​പ്പോ​ലിത്ത, റഷ്യൻ അധിനി​വേ​ശ​ത്തിന്‌ എതിരെ പോരാ​ടാൻ പറഞ്ഞു​കൊണ്ട്‌ തിങ്കളാഴ്‌ച തന്റെ രാജ്യ​ത്തു​ള്ള​വരെ അനു​ഗ്ര​ഹി​ച്ചു. . . . റഷ്യൻ പട്ടാള​ക്കാ​രെ കൊല്ലു​ന്നത്‌ ഒരു പാപമ​ല്ലെ​ന്നു​കൂ​ടി അദ്ദേഹം പറഞ്ഞു.”—ജറുസ​ലേം പോസ്റ്റ്‌, 2022 മാർച്ച്‌ 16.

• “ഞങ്ങൾ [(യുസി​സി​ആർഒ) യു​ക്രെ​യി​നി​ലെ പള്ളിക​ളു​ടെ​യും മതസം​ഘ​ട​ന​ക​ളു​ടെ​യും സമിതി] യു​ക്രെ​യി​നി​ലെ സായു​ധ​സേ​ന​യെ​യും നമുക്കു​വേണ്ടി പോരാ​ടുന്ന എല്ലാവ​രെ​യും പിന്തു​ണ​യ്‌ക്കു​ന്നു. അക്രമിക്ക്‌ എതി​രെ​യുള്ള യു​ക്രെ​യി​നി​യൻ ചെറു​ത്തു​നിൽപ്പി​നെ ഞങ്ങൾ അനു​ഗ്ര​ഹി​ക്കു​ന്നു, ഞങ്ങളുടെ പ്രാർഥ​നകൾ നിങ്ങ​ളോ​ടൊ​പ്പ​മുണ്ട്‌.”—യുസി​സി​ആർഒ-യുടെa പ്രസ്‌താ​വന, 2022 ഫ്രെ​ബ്രു​വരി 24.

നിങ്ങൾക്ക്‌ എന്തു തോന്നു​ന്നു? യേശു​ക്രി​സ്‌തു​വി​നെ അനുക​രി​ക്കു​ന്നെന്ന്‌ അവകാ​ശ​പ്പെ​ടുന്ന മതങ്ങൾ അതിന്റെ അനുയാ​യി​കളെ യുദ്ധം ചെയ്യാൻ പ്രോ​ത്സാ​ഹി​പ്പി​ക്കു​ന്നതു ശരിയാ​ണോ? ബൈബിൾ എന്താണ്‌ പറയു​ന്നത്‌?

കാലങ്ങ​ളാ​യി യുദ്ധത്തി​ലുള്ള മതങ്ങളു​ടെ പങ്ക്‌

സമാധാ​ന​ത്തി​നു​വേണ്ടി പ്രവർത്തി​ക്കു​ന്നെന്ന്‌ അവകാ​ശ​പ്പെ​ടുന്ന മതങ്ങൾതന്നെ യുദ്ധത്തെ അംഗീ​ക​രി​ക്കു​ക​യും ന്യായീ​ക​രി​ക്കു​ക​യും ഇനി പ്രോ​ത്സാ​ഹി​പ്പി​ക്കു​ക​പോ​ലും ചെയ്‌തി​ട്ടു​ണ്ടെ​ന്നാ​ണു ചരിത്രം കാണി​ക്കു​ന്നത്‌. മതങ്ങളു​ടെ ഈ കാപട്യം വർഷങ്ങ​ളാ​യി യഹോ​വ​യു​ടെ സാക്ഷികൾ തുറന്നു​കാ​ണി​ച്ചി​ട്ടുണ്ട്‌. ഇതെക്കു​റിച്ച്‌ ഞങ്ങളുടെ പ്രസി​ദ്ധീ​ക​ര​ണ​ങ്ങ​ളിൽ വന്നിരി​ക്കുന്ന ചില കാര്യങ്ങൾ നോക്കാം.

• “കുരി​ശു​യു​ദ്ധങ്ങൾ—ഒരു ‘ദാരുണ മിഥ്യാ​സ​ങ്കൽപ്പം’” എന്ന ലേഖന​ത്തിൽ ദൈവ​ത്തി​ന്റെ​യും ക്രിസ്‌തു​വി​ന്റെ​യും പേരിൽ നടത്തി​യി​രി​ക്കുന്ന കൂട്ട​ക്കൊ​ല​യ്‌ക്ക്‌ റോമൻ കത്തോ​ലി​ക്കാ സഭ എങ്ങനെ​യാണ്‌ ഉത്തരവാ​ദി ആയിരി​ക്കു​ന്ന​തെന്ന്‌ കാണാം.

• “ആഫ്രി​ക്ക​യി​ലെ കത്തോ​ലി​ക്കാ സഭ” എന്ന ലേഖന​ത്തിൽ വർഗീ​യ​യു​ദ്ധ​ങ്ങ​ളെ​യും നരഹത്യ​യെ​യും പോലും തടയു​ന്ന​തിൽ മതങ്ങൾ പരാജ​യ​പ്പെ​ട്ടി​രി​ക്കു​ന്നത്‌ എങ്ങനെ​യെ​ന്ന​തി​ന്റെ ഒരു ഉദാഹ​രണം കാണാം.

• “മതമാ​ണോ കാരണം?” (ഇംഗ്ലീഷ്‌), “മനുഷ്യ​ന്റെ യുദ്ധങ്ങ​ളി​ലെ മതത്തിന്റെ പങ്ക്‌,” “മതം പക്ഷം പിടി​ക്കു​ന്നു” എന്നീ ലേഖനങ്ങൾ കത്തോ​ലി​ക്ക​രു​ടെ​യും ഓർത്ത​ഡോ​ക്‌സു​കാ​രു​ടെ​യും പ്രോ​ട്ട​സ്റ്റ​ന്റു​കാ​രു​ടെ​യും പുരോ​ഹി​ത​ന്മാർ പല യുദ്ധങ്ങ​ളി​ലും ഇരുവ​ശ​ത്തെ​യും പിന്തു​ണ​ച്ചത്‌ എങ്ങനെ​യെന്നു പറയുന്നു.

ക്രിസ്‌തീ​യ​മ​തങ്ങൾ യുദ്ധത്തെ പിന്തു​ണ​യ്‌ക്ക​ണോ?

യേശു പഠിപ്പി​ച്ചത്‌: “നിന്നെ​പ്പോ​ലെ​തന്നെ നിന്റെ അയൽക്കാ​ര​നെ​യും സ്‌നേഹിക്കണം.” (മത്തായി 22:39) “ശത്രു​ക്കളെ സ്‌നേഹിക്കുക.”—മത്തായി 5:44-47.

യേശു പഠിപ്പി​ച്ചത്‌: “എന്റെ രാജ്യം ഈ ലോക​ത്തി​ന്റെ ഭാഗമല്ല. എന്റെ രാജ്യം ഈ ലോക​ത്തി​ന്റെ ഭാഗമാ​യി​രു​ന്നെ​ങ്കിൽ എന്നെ . . . വിട്ടു​കൊ​ടു​ക്കാ​തി​രി​ക്കാൻ എന്റെ സേവകർ പോരാ​ടി​യേനേ.” (യോഹ​ന്നാൻ 18:36) “വാൾ എടുക്കു​ന്ന​വ​രെ​ല്ലാം വാളിന്‌ ഇരയാ​കും.”—മത്തായി 26:47-52.

ചിന്തി​ക്കു​ക: യേശു​വി​നെ രക്ഷിക്കാൻവേ​ണ്ടി​പോ​ലും പോരാ​ട​രു​തെന്ന്‌ യേശു ക്രിസ്‌ത്യാ​നി​ക​ളോ​ടു പറഞ്ഞു. അങ്ങനെ​യാ​ണെ​ങ്കിൽ മറ്റേ​തെ​ങ്കി​ലും കാരണം​കൊണ്ട്‌ ആയുധം എടുക്കു​ന്നത്‌ ശരിയാ​യി​രി​ക്കു​മോ? ആദ്യകാ​ല​ക്രി​സ്‌ത്യാ​നി​കൾ യേശു​വി​ന്റെ മാതൃക അനുക​രി​ക്കു​ക​യും യേശു പഠിപ്പി​ച്ചത്‌ അനുസ​രി​ക്കു​ക​യും ചെയ്‌തത്‌ എങ്ങനെ​യെന്ന്‌ കാണാൻ “യുദ്ധവും ക്രിസ്‌ത്യാനിത്വവും ഒത്തുപോകുമോ?” (ഇംഗ്ലീഷ്‌) എന്ന ലേഖനം വായിക്കുക.

യുദ്ധങ്ങളെ പിന്തു​ണ​യ്‌ക്കുന്ന മതങ്ങൾക്കു വരാൻപോ​കു​ന്നത്‌. . .

യേശു​വാണ്‌ തങ്ങളുടെ നായകൻ എന്നു പറഞ്ഞിട്ട്‌, യേശു പറഞ്ഞ​തൊ​ന്നും അനുസ​രി​ക്കാത്ത മതങ്ങളെ ദൈവം തള്ളിക്ക​ള​യു​മെന്നു ബൈബിൾ പഠിപ്പി​ക്കു​ന്നു.—മത്തായി 7:21-23; തീത്തോസ്‌ 1:16.

• അത്തരം മതങ്ങളെ “ഭൂമി​യിൽ കൊല്ല​പ്പെട്ട എല്ലാവ​രു​ടെ​യും” രക്തത്തിന്‌ ഉത്തരവാ​ദി​ക​ളാ​യാണ്‌ ദൈവം കാണു​ന്ന​തെന്ന്‌ വെളി​പാട്‌ പുസ്‌തകം പറയുന്നു. (വെളി​പാട്‌ 18:21, 24) അത്‌ എന്തു​കൊ​ണ്ടാ​ണെന്നു മനസ്സി​ലാ​ക്കാൻ “എന്താണ്‌ മഹതി​യാം ബാബി​ലോൺ?” എന്ന ലേഖനം കാണുക.

• ചീത്ത ഫലങ്ങൾ തരുന്ന ചീത്ത മരങ്ങളെ ‘വെട്ടി തീയി​ലി​ടു​ന്ന​പോ​ലെ’ മോശ​മായ കാര്യങ്ങൾ ചെയ്യുന്ന എല്ലാ മതങ്ങ​ളെ​യും ദൈവം നശിപ്പി​ച്ചു​ക​ള​യു​മെന്ന്‌ യേശു സൂചി​പ്പി​ച്ചു. (മത്തായി 7:15-20) ഇത്‌ എങ്ങനെ സംഭവി​ക്കു​മെന്ന്‌ അറിയാൻ “മതത്തിന്റെ പേരിൽ ചെയ്യുന്ന ഹീനകൃ​ത്യ​ങ്ങൾ അവസാ​നി​ക്കു​മോ?” എന്ന ലേഖനം നോക്കുക.

ഫോട്ടോകൾക്ക്‌ കടപ്പാട്‌, ഇടത്തു​നിന്ന്‌ വലത്തേക്ക്‌: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images