എന്താണ്‌ ബാബി​ലോൺ എന്ന മഹതി?

ബൈബി​ളി​ന്റെ ഉത്തരം

‘മഹാ​വേ​ശ്യ​യായ’ ‘ഒരു സ്‌ത്രീ​യെ​ക്കു​റിച്ച്‌’ വെളി​പാട്‌ പുസ്‌ത​ക​ത്തിൽ പറയുന്നു. “‘ബാബി​ലോൺ എന്ന മഹതി’ എന്ന നിഗൂ​ഢ​മായ” ഒരു പേരും അവൾക്കുണ്ട്‌. (വെളി​പാട്‌ 17:1, 3, 5) ഈ സ്‌ത്രീ സൂചി​പ്പി​ക്കു​ന്നത്‌, “വ്യാജ​മാ​യ​തി​നു​വേണ്ടി ദൈവ​ത്തി​ന്റെ സത്യം ഉപേക്ഷിച്ച” ലോക​മെ​ങ്ങു​മുള്ള വ്യാജ​മ​ത​ങ്ങ​ളു​ടെ ഒരു കൂട്ട​ത്തെ​യാണ്‌.a (റോമർ 1:25) ഈ മതങ്ങൾ തമ്മിൽ ആശയങ്ങ​ളിൽ വ്യത്യസ്‌തത പുലർത്തു​ന്നു​ണ്ടെ​ങ്കി​ലും ഇവരെ​ല്ലാം സത്യ​ദൈ​വ​മാ​യ യഹോ​വ​യെ ആരാധി​ക്കു​ന്ന​തിൽനിന്ന്‌ ആളുകളെ അകറ്റു​ക​യാണ്‌ ചെയ്യു​ന്നത്‌.—ആവർത്ത​നം 4:35.

ബാബി​ലോൺ എന്ന മഹതിയെ തിരി​ച്ച​റി​യാ​നു​ള്ള താക്കോൽ

1. ബാബി​ലോൺ എന്ന മഹതി എന്നത്‌ ഒരു അടയാ​ള​മാണ്‌. വെളി​പാട്‌ പുസ്‌തകം ‘അടയാ​ള​രൂ​പേണ’ എഴുതി​യി​രി​ക്കു​ന്ന​തി​നാൽ ബാബി​ലോൺ എന്ന മഹതി എന്നത്‌ അക്ഷരീ​യസ്‌ത്രീ​യെ അല്ല, ആലങ്കാ​രി​കസ്‌ത്രീ​യെ​യാണ്‌ അർഥമാ​ക്കു​ന്ന​തെന്ന്‌ ന്യായ​മാ​യും നിഗമ​ന​ത്തിൽ എത്താൻ കഴിയും. (വെളി​പാട്‌ 1:1) മാത്രമല്ല, അവൾ “പെരു​വെ​ള്ള​ത്തി​ന്മീ​തെ” ആണ്‌ ഇരിക്കു​ന്നത്‌. അത്‌, ‘വംശങ്ങ​ളെ​യും ജനക്കൂ​ട്ട​ങ്ങ​ളെ​യും ജനതക​ളെ​യും ഭാഷക്കാ​രെ​യും’ അർഥമാ​ക്കു​ന്നു. (വെളി​പാട്‌ 17:1, 15) ഒരു അക്ഷരീ​യസ്‌ത്രീക്ക്‌ അങ്ങനെ ഇരിക്കുക സാധ്യ​മ​ല്ല​ല്ലോ?

2. ബാബി​ലോൺ എന്ന മഹതി ഒരു അന്തർദേ​ശീ​യ​പ്ര​സ്ഥാ​നത്തെ അർഥമാ​ക്കു​ന്നു. അവളെ, ‘ഭൂമി​യി​ലെ രാജാ​ക്ക​ന്മാ​രു​ടെ മേൽ ഭരണം നടത്തുന്ന മഹാന​ഗരം’ എന്ന്‌ വിളി​ച്ചി​രി​ക്കു​ന്നു. (വെളി​പാട്‌ 17:18) അത്‌ കാണി​ക്കു​ന്നത്‌, അവൾക്ക്‌ അന്തർദേ​ശീ​യ​ത​ല​ത്തിൽ സ്വാധീ​നം ചെലു​ത്താൻ കഴിവു​ണ്ടെ​ന്നാണ്‌.

3. ബാബി​ലോൺ എന്ന മഹതി രാഷ്‌ട്രീ​യ​പ​ര​മോ വാണി​ജ്യ​പ​ര​മോ ആയ ഒന്നല്ല പകരം, ഒരു മതപ്ര​സ്ഥാ​ന​മാണ്‌. “മന്ത്ര​പ്ര​യോ​ഗ​ങ്ങ​ളും ആഭിചാ​ര​ക്രി​യ​ക​ളും” വളരെ ആഴത്തിൽ വേരോ​ടി​യി​രു​ന്ന ഒരു നഗരമാ​യി​രു​ന്നു പുരാ​ത​ന​ബാ​ബി​ലോൺ. (യശയ്യ 47:1, 12, 13; യിരെമ്യ 50:1, 2, 38) ആ നഗരത്തിൽ താമസി​ച്ചി​രു​ന്നവർ സത്യ​ദൈ​വ​മായ യഹോ​വ​യ്‌ക്ക്‌ എതി​രെ​യുള്ള വ്യാജ​മ​ത​വി​ശ്വാ​സ​ങ്ങ​ളാ​ണു പിൻപ​റ്റി​പ്പോ​ന്നത്‌. (ഉൽപത്തി 10:8, 9; 11:2-4, 8) ബാബി​ലോ​ണി​ലെ ഭരണാ​ധി​കാ​രി​കൾ യഹോ​വയ്‌ക്കെ​തി​രാ​യും യഹോ​വയെ ആരാധി​ക്കു​ന്ന​തി​നെ​തി​രാ​യും ധിക്കാ​ര​പൂർവം തങ്ങളെ​ത്ത​ന്നെ ഉയർത്തി. (യശയ്യ 14:4, 13, 14; ദാനി​യേൽ 5:2-4, 23) കൂടാതെ, ബാബി​ലോൺ എന്ന മഹതി‘ഭൂതവി​ദ്യയ്‌ക്ക്‌’ പേരു​കേ​ട്ട​താ​യി​രു​ന്നു. ഇത്‌, അവൾ ഒരു മതപര​മാ​യ പ്രസ്ഥാ​ന​മാ​ണെന്ന്‌ മനസ്സി​ലാ​ക്കാൻ നമ്മളെ സഹായി​ക്കു​ന്നു.—വെളി​പാട്‌ 18:23.

   ഒരു കാരണ​വ​ശാ​ലും, ബാ​ബി​ലോൺ എന്ന മഹതി ഒരു രാഷ്‌ട്രീ​യ​പ്ര​സ്ഥാ​ന​മല്ല. കാരണം, “ഭൂമി​യി​ലെ രാജാ​ക്ക​ന്മാർ” അവളെ​ച്ചൊ​ല്ലി വിലപി​ക്കു​ന്നുണ്ട്‌. (വെളി​പാട്‌ 17:1, 2; 18:9) ഇനി, ‘ഭൂമി​യി​ലെ വ്യാപാ​രികളിൽനിന്ന്‌’ അവളെ വേർതി​രിച്ച്‌ കാണി​ക്കു​ന്ന​തി​നാൽ അവൾ വാണി​ജ്യ​പ​ര​മാ​യ ഒരു ശക്തിയും അല്ല.—വെളി​പാട്‌ 18:11, 15.

4. 

   Photograph taken by courtesy of the British Museum

   ലോക​ത്തു​ള്ള സകല വ്യാജ​മ​ത​ങ്ങ​ളെ​യും കുറി​ക്കാൻ ബാബി​ലോൺ എന്ന മഹതി എന്ന പദം ഉചിത​മാണ്‌. സത്യ​ദൈ​വ​മാ​യ യഹോ​വ​യി​ലേക്ക്‌ എങ്ങനെ അടുക്കാ​മെന്ന്‌ ആളുകളെ പഠിപ്പി​ക്കു​ന്ന​തി​നു പകരം, മറ്റു ദൈവ​ങ്ങ​ളെ ആരാധി​ക്കാ​നാണ്‌ വ്യാജ​മ​ത​ങ്ങൾ ശ്രമി​ച്ചി​രി​ക്കു​ന്നത്‌. ഇതിനെ “ആത്മീയ​വേ​ശ്യാ​വൃ​ത്തി” എന്നാണ്‌ ബൈബിൾ വിളി​ക്കു​ന്നത്‌. (ലേവ്യ 20:6; പുറപ്പാട്‌ 34:15, 16) ത്രിത്വ​ദൈ​വ​ത്തി​ലു​ള്ള വിശ്വാ​സം, മരണ​ശേ​ഷ​മു​ള്ള ആത്മാവി​ന്റെ അമർത്യത, ആരാധ​ന​യിൽ വിഗ്ര​ഹ​ങ്ങൾ ഉപയോ​ഗി​ക്കൽ തുടങ്ങിയ പുരാതന ബാബി​ലോ​ണിൽ ഉത്ഭവിച്ച വിശ്വാ​സങ്ങൾ ഇന്നും പല വ്യാജ​മ​ത​ങ്ങ ളും പഠിപ്പി​ക്കു​ന്നു.കൂടാതെ, ഈ മതങ്ങൾ തങ്ങളുടെ ആരാധ​ന​യെ ഈ ലോക​ത്തോ​ടു​ള്ള സ്‌നേ​ഹ​ത്തോട്‌ കൂട്ടി​ക്ക​ലർത്തി​യി​രി​ക്കു​ന്നു. ഇത്തരം അവിശ്വസ്‌ത​ത​യെആത്മീയ​പ​ര​സം​ഗം എന്നാണ്‌ ബൈബിൾ വിളി​ക്കു​ന്നത്‌.—യാക്കോബ്‌ 4:4.

   വ്യാജ​മ​ത​ത്തിൽ കുന്നു​കൂ​ടി​യി​രി​ക്കുന്ന ധനവും അവയുടെ പ്രതാ​പ​പ്ര​ക​ട​ന​വും, ‘പർപ്പി​ളും കടുഞ്ചു​വ​പ്പും നിറമുള്ള വസ്‌ത്രം ധരിച്ചും സ്വർണ​വും രത്നങ്ങളും മുത്തു​ക​ളും അണിഞ്ഞും’ ഇരിക്കുന്ന ബാബി​ലോൺ എന്ന മഹതിയെ ക്കു​റി​ച്ചുള്ള ബൈബിൾവി​വ​ര​ണ​ത്തോട്‌കൃത്യ​മാ​യി യോജി​ക്കു​ന്നു. (വെളി​പാട്‌ 17:4) “ഭൂമി​യി​ലെ വൃത്തി​കെട്ട കാര്യ​ങ്ങ​ളു​ടെ​യും” അല്ലെങ്കിൽ ദൈവത്തെ അപമാ​നി​ക്കു​ന്ന സകല പഠിപ്പി​ക്ക​ലു​ക​ളു​ടെ​യും പ്രവൃ​ത്തി​ക​ളു​ടെ​യും ഉറവി​ട​മാണ്‌ ബാബി​ലോൺ എന്ന മഹതി. (വെളി​പാട്‌ 17:5) ബാബി​ലോൺ എന്ന മഹതിയെ പിന്തു​ണയ്‌ക്കു​ന്ന ‘വംശങ്ങ​ളും ജനക്കൂ​ട്ട​ങ്ങ​ളും ജനതക​ളും ഭാഷക്കാ​രും’ ആണ്‌ വ്യാജ​മ​ത​ത്തി​ലെ അംഗങ്ങൾ.—വെളി​പാട്‌ 17:15.

ബാബി​ലോൺ എന്ന മഹതി​യാണ്‌ “ഭൂമി​യിൽ കൊല്ല​പ്പെട്ട എല്ലാവ​രു​ടെ​യും” രക്തത്തിന്‌ ഉത്തരവാ​ദി​ക​ളാ​യി​രി​ക്കു​ന്നത്‌. (വെളി​പാട്‌ 18:24) ചരി​ത്ര​ത്തി​ലു​ട​നീ​ളം, അവർ യുദ്ധങ്ങൾക്ക്‌ കാരണ​മാ​കു​ക​യും തീവ്ര​വാ​ദ​പ്ര​വർത്ത​നങ്ങൾ ആളിക്ക​ത്തി​ക്കു​ക​യും ചെയ്‌തി​രി​ക്കു​ന്നു. മാത്രമല്ല, സ്‌നേ​ഹ​ത്തി​ന്റെ മൂർത്തി​മദ്‌ഭാ​വ​മാ​യ യഹോ​വ​യെ​ക്കു​റിച്ച്‌ ആളുകളെ പഠിപ്പി​ക്കു​ന്ന​തിൽ പരാജ​യ​പ്പെ​ടു​ക​യും ചെയ്‌തി​രി​ക്കു​ന്നു. (1 യോഹ​ന്നാൻ 4:8) ഇത്‌ അനേകം രക്തച്ചൊ​രി​ച്ചി​ലു​കൾക്ക്‌ വഴി​വെ​ച്ചി​രി​ക്കു​ന്നു.

ബാബി​ലോൺ എന്ന മഹതിയെ ദൈവം എങ്ങനെ കാണുന്നു?

ദൈവ​ത്തി​ന്റെ കണ്ണിൽ ബാബി​ലോൺ എന്ന മഹതി​യു​ടെ “പാപങ്ങൾ ആകാശ​ത്തോ​ളം കുന്നു​കൂ​ടി​യി​രി​ക്കു​ന്നു.” (വെളി​പാട്‌ 18:4, 5) ദൈവ​ത്തെ​ക്കു​റിച്ച്‌ തെറ്റായ കാര്യങ്ങൾ പഠിപ്പി​ക്കു​ക​യും അംഗങ്ങ​ളോ​ടു മോശ​മാ​യി ഇടപെ​ടു​ക​യും ചെയ്യുന്ന വ്യാജ​മ​ത​ങ്ങളെ യഹോവ വെറു​ക്കു​ന്നു.

ബാബി​ലോൺ എന്ന മഹതിക്ക്‌ എന്തു സംഭവി​ക്കും?

ദൈവം ബാബി​ലോൺ എന്ന മഹതിക്ക്‌ എതിരെ “ന്യായ​വി​ധി പ്രഖ്യാ​പി​ച്ചി​രി​ക്കു​ന്നു” എന്നു ബൈബിൾ പറയുന്നു. (വെളി​പാട്‌ 18:20) ദൈവം എല്ലാ വ്യാജ​മ​ത​ങ്ങ​ളെ​യും ഇല്ലാതാ​ക്കു​മെന്നു ബൈബി​ളിൽ ആലങ്കാ​രി​ക​മാ​യി മുൻകൂ​ട്ടി​പ്പ​റ​ഞ്ഞി​ട്ടുണ്ട്‌. (വെളി​പാട്‌ 18:8) കടുഞ്ചു​വപ്പു നിറമുള്ള ഒരു കാട്ടു​മൃ​ഗത്തെ വ്യാജ​മ​ത​ങ്ങൾക്കെ​തി​രെ തിരി​യാ​നും അതിനെ പൂർണ​മാ​യി നശിപ്പി​ക്കാ​നും ദൈവം പ്രേരി​പ്പി​ക്കും. ഈ കാട്ടു​മൃ​ഗം ശക്തമായ ഒരു രാഷ്‌ട്രീ​യ​സം​ഘ​ട​ന​യെ​യാ​ണു പ്രതീ​ക​പ്പെ​ടു​ത്തു​ന്നത്‌. (വെളി​പാട്‌ 17:16, 17) ബൈബിൾ പറയുന്നു: “മഹാന​ഗ​ര​മായ ബാബി​ലോ​ണി​നെ​യും ഇങ്ങനെ വലി​ച്ചെ​റി​യും. പിന്നെ ആരും അവളെ കാണില്ല.” (വെളി​പാട്‌ 18:21) അതു​കൊണ്ട്‌, ദൈവത്തെ പ്രസാ​ദി​പ്പി​ക്കാൻ ആഗ്രഹി​ക്കു​ന്ന​വർ വ്യാജ​മ​ത​ത്തിൽനിന്ന്‌ തങ്ങളെ​ത്ത​ന്നെ വേർപെ​ടു​ത്തി​ക്കൊണ്ട്‌ ‘അവരുടെ ഇടയിൽനിന്ന്‌ പുറത്ത്‌ കടക്കേ​ണ്ടത്‌’ ആവശ്യ​മാണ്‌.—2 കൊരി​ന്ത്യർ 6:14-17.