17:24

ലോകാ​രം​ഭം: ഇവിടെ കാണുന്ന ‘ആരംഭം’ എന്നതിന്റെ ഗ്രീക്കു​പദം എബ്ര 11:11-ൽ “ഗർഭി​ണി​യാ​കുക” എന്നാണു പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. സാധ്യ​ത​യ​നു​സ​രിച്ച്‌ ഈ വാക്യ​ത്തിൽ ‘ലോകാ​രം​ഭം’ എന്ന പദം, ആദാമി​നും ഹവ്വയ്‌ക്കും മക്കൾ ജനിച്ച​തി​നെ​യാ​ണു കുറി​ക്കു​ന്നത്‌. യേശു ‘ലോകാ​രം​ഭത്തെ’ ഹാബേ​ലു​മാ​യി ബന്ധിപ്പി​ച്ചി​ട്ടുണ്ട്‌. സാധ്യ​ത​യ​നു​സ​രിച്ച്‌ വീണ്ടെ​ടു​ക്ക​പ്പെ​ടാ​വുന്ന മനുഷ്യ​വർഗ​ലോ​ക​ത്തി​ലെ ആദ്യമ​നു​ഷ്യ​നും ‘ലോകാ​രം​ഭം​മു​തൽ ജീവന്റെ പുസ്‌ത​ക​ത്തിൽ പേര്‌ എഴുത​പ്പെ​ട്ട​വ​രിൽ’ ആദ്യ​ത്തെ​യാ​ളും ആണ്‌ ഹാബേൽ. (ലൂക്ക 11:50, 51; വെളി 17:8) യേശു പ്രാർഥ​ന​യിൽ പിതാ​വി​നോ​ടു പറഞ്ഞ ഈ വാക്കുകൾ മറ്റൊരു കാര്യ​വും തെളി​യി​ക്കു​ന്നു: ദൈവ​ത്തി​നു തന്റെ ഏകജാ​ത​നായ മകനു​മാ​യുള്ള സ്‌നേ​ഹ​ബന്ധം കാലങ്ങൾക്കു മുമ്പേ, അതായത്‌ ആദാമി​നും ഹവ്വയ്‌ക്കും മക്കൾ ജനിക്കു​ന്ന​തി​നും മുമ്പേ, തുടങ്ങി​യ​താണ്‌.