അടിക്കുറിപ്പ്
a റോമൻ ഭടൻമാരിൽനിന്നു പഠിച്ചെടുത്ത, റോമൻ എന്നു വിളിക്കപ്പെട്ട ലത്തീൻ ഭാഷ അപ്പോഴേക്കും ഫ്രാൻസിൽ രണ്ടു നാട്ടുഭാഷകളായി വികാസംപ്രാപിച്ചിരുന്നു: ദക്ഷിണ ഫ്രാൻസിലെ ആളുകൾ ലാങ്‌ ദോക്ക്‌ (ഓക്‌സിറ്റാൻ അഥവാ പ്രോവെൻസാൾ എന്നും അറിയപ്പെടുന്നു) എന്ന ഭാഷ സംസാരിച്ചപ്പോൾ ഉത്തര ഫ്രാൻസിലെ ആളുകൾ ലാങ്‌ ദ്വാലാണ്‌ (പഴയ ഫ്രഞ്ച്‌ എന്ന്‌ ചിലപ്പോൾ വിളിക്കപ്പെടുന്ന ഫ്രഞ്ചിന്റെ ഒരു ആദിമ രൂപം) സംസാരിച്ചത്‌. ഉവ്വ്‌ എന്നതിനുള്ള പദമാണ്‌ ഈ രണ്ടു ഭാഷകളെയും വേർതിരിച്ചിരുന്നത്‌. തെക്ക്‌ അത്‌ ഓക്കും (ലത്തീനിലെ ഹോക്കിൽനിന്നുണ്ടായത്‌) വടക്ക്‌ ഓയിലും (ലത്തീനിലെ ഹോക്ക്‌ ഇലെയിൽനിന്നുണ്ടായത്‌) ആയിരുന്നു. ഓയിൽ ആണ്‌ ആധുനിക ഫ്രഞ്ചിലെ വീ ആയിത്തീർന്നത്‌.