ഒരു വലിയ സഭയിൽ കൈ പൊക്കി​യാ​ലും മിക്ക​പ്പോ​ഴും നിങ്ങൾക്ക്‌ അവസരം കിട്ടി​യി​ല്ലെ​ന്നു​വ​രാം. അപ്പോൾ ‘ഇനി ഉത്തര​മൊ​ന്നും പറയു​ന്നില്ല’ എന്നു തീരു​മാ​നി​ക്കാൻ തോന്നി​യേ​ക്കാം. പക്ഷേ അഭി​പ്രാ​യം പറയാ​നുള്ള ശ്രമം ഉപേക്ഷി​ക്ക​രുത്‌. ഓരോ മീറ്റി​ങ്ങി​നു​വേ​ണ്ടി​യും പല അഭി​പ്രാ​യങ്ങൾ തയ്യാറാ​കുക. അപ്പോൾ, തുടക്ക​ത്തിൽ ഉത്തര​മൊ​ന്നും പറയാൻ പറ്റിയി​ല്ലെ​ങ്കി​ലും നിങ്ങൾക്ക്‌ ഒരു അവസരം കിട്ടാതെ പോകില്ല. വീക്ഷാ​ഗോ​പു​ര​പ​ഠ​ന​ത്തി​നു​വേണ്ടി തയ്യാറാ​കുന്ന സമയത്ത്‌ ഓരോ ഖണ്ഡിക​യും ലേഖന​ത്തി​ന്റെ പ്രധാ​ന​വി​ഷ​യ​വു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നെന്നു ചിന്തി​ക്കുക. അങ്ങനെ​യാ​കു​മ്പോൾ നിങ്ങൾക്കു മറ്റുള്ള​വരെ പ്രോ​ത്സാ​ഹി​പ്പി​ക്കുന്ന നല്ല ആശയങ്ങൾ പറയാ​നു​ണ്ടാ​കും; പഠനസ​മ​യത്ത്‌ എപ്പോ​ഴെ​ങ്കി​ലും അതു പറയാ​നുള്ള അവസരം ലഭിക്കു​ക​യും ചെയ്യും. കൂടാതെ, വിശദീ​ക​രി​ക്കാൻ അൽപ്പം ബുദ്ധി​മു​ട്ടുള്ള വിഷയങ്ങൾ ചർച്ച ചെയ്യുന്ന ഖണ്ഡിക​ക​ളിൽ അഭി​പ്രാ​യം പറയാ​നും നിങ്ങൾക്ക്‌ ഒരുങ്ങി​യി​രി​ക്കാം. പലപ്പോ​ഴും ആ ഖണ്ഡിക​കൾക്ക്‌ ഉത്തരം പറയാൻ അധികം പേരൊ​ന്നും കാണില്ല. തുടർച്ച​യാ​യി പല മീറ്റി​ങ്ങു​ക​ളി​ലും നിങ്ങൾക്ക്‌ അഭി​പ്രാ​യം പറയാ​നുള്ള അവസരം കിട്ടാതെ വരു​ന്നെ​ങ്കി​ലോ? പരിപാ​ടി നടത്തുന്ന സഹോ​ദ​ര​നോട്‌ ഏതു ചോദ്യ​ത്തി​നുള്ള ഉത്തരം പറയാ​നാണ്‌ ആഗ്രഹി​ക്കു​ന്ന​തെന്നു മീറ്റി​ങ്ങി​നു മുമ്പു​തന്നെ പറയാ​നാ​കും. w23.04 21–22 ¶9-10

യഹോവ നൽകിയ നിർദേ​ശങ്ങൾ യോ​സേഫ്‌ മനസ്സോ​ടെ അനുസ​രി​ച്ചു. അതാണ്‌ അദ്ദേഹത്തെ നല്ലൊരു ഭർത്താ​വാ​ക്കി​യത്‌. കുടും​ബ​ത്തോ​ടുള്ള ബന്ധത്തിൽ അദ്ദേഹ​ത്തി​നു കുറഞ്ഞത്‌ മൂന്ന്‌ തവണ​യെ​ങ്കി​ലും ദൈവ​ത്തിൽനി​ന്നുള്ള നിർദേ​ശങ്ങൾ കിട്ടി. അവ അനുസ​രി​ക്കു​ന്നത്‌ അത്ര എളുപ്പ​മ​ല്ലാ​യി​രു​ന്നെ​ങ്കി​ലും ഓരോ തവണയും അദ്ദേഹം കിട്ടിയ നിർദേ​ശം​പോ​ലെ പെട്ടെന്നു പ്രവർത്തി​ച്ചു. (മത്താ. 1:20; 2:13-15, 19-21) ദൈവം പറഞ്ഞത​നു​സ​രിച്ച്‌ യോ​സേഫ്‌ മറിയയെ സംരക്ഷി​ച്ചു, പിന്തു​ണച്ചു, അവൾക്കാ​യി കരുതു​ക​യും ചെയ്‌തു. യോ​സേഫ്‌ ഇങ്ങനെ​യൊ​ക്കെ ചെയ്‌തത്‌ മറിയ​യ്‌ക്ക്‌ അദ്ദേഹ​ത്തോ​ടുള്ള സ്‌നേ​ഹ​വും ബഹുമാ​ന​വും ഒക്കെ കൂടാൻ എത്രയ​ധി​കം സഹായി​ച്ചി​രി​ക്കു​മെന്ന്‌ ചിന്തി​ക്കുക. ഭർത്താ​ക്ക​ന്മാ​രേ, യോ​സേ​ഫി​നെ അനുക​രി​ച്ചു​കൊണ്ട്‌ കുടും​ബത്തെ പരിപാ​ലി​ക്കു​ന്ന​തു​മാ​യി ബന്ധപ്പെട്ട്‌ ബൈബിൾ നൽകുന്ന നിർദേ​ശങ്ങൾ എന്തൊ​ക്കെ​യാ​ണെന്നു കണ്ടെത്തുക. അവ അനുസ​രി​ക്കുക. അത്‌ എപ്പോ​ഴും അത്ര എളുപ്പ​മാ​യി​രി​ക്ക​ണ​മെ​ന്നില്ല. പക്ഷേ, നിങ്ങൾ അങ്ങനെ ചെയ്യു​ന്നെ​ങ്കിൽ ഭാര്യ​യോ​ടുള്ള നിങ്ങളു​ടെ സ്‌നേഹം തെളി​യി​ക്കു​ക​യാ​യി​രി​ക്കും. അതോ​ടൊ​പ്പം നിങ്ങളു​ടെ വിവാ​ഹ​ബന്ധം ശക്തമാ​കു​ക​യും ചെയ്യും. വിവാഹം കഴിഞ്ഞിട്ട്‌ 20-ലേറെ വർഷമായ, വന്വാ​ട്ടു​വി​ലുള്ള ഒരു സഹോ​ദരി പറയുന്നു: “എന്റെ ഭർത്താവ്‌ യഹോവ തരുന്ന നിർദേ​ശ​ങ്ങൾക്കു​വേണ്ടി അന്വേ​ഷി​ക്കു​ക​യും അതനു​സ​രിച്ച്‌ പ്രവർത്തി​ക്കു​ക​യും ചെയ്യു​ന്നതു കാണു​മ്പോൾ എനിക്ക്‌ അദ്ദേഹ​ത്തോ​ടുള്ള ആദരവ്‌ കൂടും. അദ്ദേഹ​ത്തി​ന്റെ തീരു​മാ​ന​ത്തിൽ വിശ്വാ​സ​മർപ്പി​ക്കാ​നും സുരക്ഷി​ത​ത്വം തോന്നാ​നും അത്‌ എന്നെ സഹായി​ക്കു​ന്നു.” w23.05 21 ¶5

ബാബി​ലോ​ണിൽനിന്ന്‌ തിരി​ച്ചു​വ​രുന്ന ജൂതന്മാർ തങ്ങളുടെ ദൈവ​ത്തിന്‌ ‘ഒരു വിശു​ദ്ധ​ജനം’ ആയിരി​ക്കു​മാ​യി​രു​ന്നു. (ആവ. 7:6) എന്നാൽ അതിന്റെ അർഥം അവർ യഹോ​വയെ സന്തോ​ഷി​പ്പി​ക്കാൻ ഒരു മാറ്റവും വരു​ത്തേ​ണ്ട​തി​ല്ലാ​യി​രു​ന്നു എന്നാണോ? അല്ല. മിക്ക ജൂതന്മാ​രും ജനിച്ചതു ബാബി​ലോ​ണി​ലാ​യി​രു​ന്നു. അതു​കൊ​ണ്ടു​തന്നെ ബാബി​ലോൺകാ​രു​ടെ ചിന്തയും നിലവാ​ര​ങ്ങ​ളും ഒക്കെയാ​യി​രു​ന്നു അവർക്കു കൂടുതൽ പരിചയം. ആദ്യകൂ​ട്ടം ജൂതന്മാർ ഇസ്രാ​യേ​ലി​ലേക്കു മടങ്ങി​വന്ന്‌ കുറെ വർഷങ്ങൾ കഴിഞ്ഞ​പ്പോൾ ഗവർണ​റായ നെഹമ്യ അതിശ​യി​പ്പി​ക്കുന്ന ഒരു കാര്യം അറിയാ​നി​ട​യാ​യി. ഇസ്രാ​യേ​ലിൽ ജനിച്ച പല കുട്ടി​കൾക്കും ജൂതന്മാ​രു​ടെ ഭാഷ​പോ​ലും അറിയി​ല്ലാ​യി​രു​ന്നു. (ആവ. 6:6, 7; നെഹ. 13:23, 24) എബ്രാ​യ​ഭാഷ അറിയാ​തെ ആ കുട്ടികൾ എങ്ങനെ യഹോ​വയെ സ്‌നേ​ഹി​ക്കാ​നും ആരാധി​ക്കാ​നും പഠിക്കു​മാ​യി​രു​ന്നു? കാരണം ആ ഭാഷയി​ലാ​യി​രു​ന്ന​ല്ലോ ദൈവ​വ​ചനം പ്രധാ​ന​മാ​യും എഴുതി​യി​രു​ന്നത്‌. (എസ്ര 10:3, 44) അതു​കൊണ്ട്‌ ആ ജൂതന്മാർ വലിയ പല മാറ്റങ്ങ​ളും വരുത്ത​ണ​മാ​യി​രു​ന്നു. എന്നാൽ ഇസ്രാ​യേ​ലി​ലാ​യ​തു​കൊണ്ട്‌ അവർക്ക്‌ അതു കൂടുതൽ എളുപ്പ​മാ​യി​രു​ന്നു. കാരണം അവിടെ ശുദ്ധാ​രാ​ധന പടിപ​ടി​യാ​യി പുനഃ​സ്ഥാ​പി​ക്ക​പ്പെ​ടു​ക​യാ​യി​രു​ന്നു.—നെഹ. 8:8, 9. w23.05 15 ¶6-7