രാജാ​ക്ക​ന്മാർ ഒന്നാം ഭാഗം

22 മൂന്നു വർഷം സിറി​യ​യും ഇസ്രാ​യേ​ലും തമ്മിൽ യുദ്ധം ഉണ്ടായില്ല. 2 മൂന്നാം വർഷം യഹൂദാ​രാ​ജാ​വായ യഹോശാഫാത്ത്‌+ ഇസ്രാ​യേൽരാ​ജാ​വി​നെ കാണാൻ വന്നു.+ 3 അപ്പോൾ ഇസ്രാ​യേൽരാ​ജാവ്‌ ഭൃത്യ​ന്മാ​രോ​ടു പറഞ്ഞു: “രാമോ​ത്ത്‌-ഗിലെയാദ്‌+ നമുക്ക്‌ അവകാ​ശ​പ്പെ​ട്ട​താ​ണെന്നു നിങ്ങൾക്ക്‌ അറിയാ​മ​ല്ലോ. എന്നിട്ടും നമ്മൾ എന്തു​കൊ​ണ്ടാ​ണു സിറി​യ​യി​ലെ രാജാ​വി​ന്റെ കൈയിൽനി​ന്ന്‌ അതു തിരി​ച്ചു​പി​ടി​ക്കാൻ മടിക്കു​ന്നത്‌?” 4 പിന്നെ രാജാവ്‌ യഹോ​ശാ​ഫാ​ത്തി​നോട്‌, “രാമോ​ത്ത്‌-ഗിലെ​യാ​ദി​ലെ യുദ്ധത്തി​ന്‌ എന്റെകൂ​ടെ വരുമോ” എന്നു ചോദി​ച്ചു. യഹോ​ശാ​ഫാത്ത്‌ ഇസ്രാ​യേൽരാ​ജാ​വി​നോ​ടു പറഞ്ഞു: “നമ്മൾ രണ്ടും ഒന്നല്ലേ? എന്റെ ജനം അങ്ങയു​ടെ​യും ജനമാണ്‌. എന്റെ കുതി​രകൾ അങ്ങയു​ടെ​യും​കൂ​ടെ​യാണ്‌.”+

5 യഹോശാഫാത്ത്‌ ഇസ്രാ​യേൽരാ​ജാ​വി​നോട്‌ ഇങ്ങനെ​യും പറഞ്ഞു: “ആദ്യം യഹോ​വ​യു​ടെ ഇഷ്ടം എന്താ​ണെന്നു ചോദി​ച്ചാ​ലും.”+ 6 അങ്ങനെ ഇസ്രാ​യേൽരാ​ജാവ്‌ ഏകദേശം 400 പ്രവാ​ച​ക​ന്മാ​രെ കൂട്ടി​വ​രു​ത്തി അവരോ​ട്‌, “ഞാൻ രാമോ​ത്ത്‌-ഗിലെ​യാ​ദി​നു നേരെ യുദ്ധത്തി​നു പോക​ണോ അതോ പിന്മാ​റ​ണോ” എന്നു ചോദി​ച്ചു. അവർ പറഞ്ഞു: “പോകുക, യഹോവ അതു രാജാ​വി​ന്റെ കൈയിൽ ഏൽപ്പി​ക്കും.”

7 അപ്പോൾ യഹോ​ശാ​ഫാത്ത്‌ ചോദി​ച്ചു: “ഇവിടെ യഹോ​വ​യു​ടെ പ്രവാ​ച​ക​നാ​യി മറ്റാരു​മി​ല്ലേ? നമുക്ക്‌ അയാളി​ലൂ​ടെ​യും ഒന്നു ചോദി​ച്ചു​നോ​ക്കാം.”+ 8 ഇസ്രായേൽരാജാവ്‌ യഹോ​ശാ​ഫാ​ത്തി​നോ​ടു പറഞ്ഞു: “നമുക്ക്‌ യഹോ​വ​യു​ടെ ഇഷ്ടം ചോദി​ച്ച​റി​യാൻ കഴിയുന്ന ഒരാൾക്കൂ​ടി​യുണ്ട്‌.+ പക്ഷേ എനിക്ക്‌ അയാളെ ഇഷ്ടമല്ല.+ കാരണം അയാൾ ഒരിക്ക​ലും എന്നെക്കു​റിച്ച്‌ ദോഷ​മ​ല്ലാ​തെ നല്ലതൊ​ന്നും പ്രവചി​ക്കാ​റില്ല.+ അയാളു​ടെ പേര്‌ മീഖായ എന്നാണ്‌, യിമ്ലയു​ടെ മകൻ.” എന്നാൽ യഹോ​ശാ​ഫാത്ത്‌ പറഞ്ഞു: “രാജാവ്‌ ഒരിക്ക​ലും അങ്ങനെ പറയരു​തേ.”

9 അങ്ങനെ ഇസ്രാ​യേൽരാ​ജാവ്‌ ഒരു കൊട്ടാ​രോ​ദ്യോ​ഗ​സ്ഥനെ വിളിച്ച്‌, “വേഗം പോയി യിമ്ലയു​ടെ മകനായ മീഖാ​യയെ കൂട്ടി​ക്കൊ​ണ്ടു​വ​രുക”+ എന്നു പറഞ്ഞു. 10 ഇസ്രായേൽരാജാവും യഹൂദാ​രാ​ജാ​വായ യഹോ​ശാ​ഫാ​ത്തും അപ്പോൾ, ശമര്യ​യു​ടെ പ്രവേ​ശ​ന​ക​വാ​ട​ത്തി​ലുള്ള മെതി​ക്ക​ള​ത്തിൽ രാജകീ​യ​വ​സ്‌ത്രങ്ങൾ അണിഞ്ഞ്‌ തങ്ങളുടെ സിംഹാ​സ​ന​ങ്ങ​ളിൽ ഇരിക്കു​ക​യാ​യി​രു​ന്നു. എല്ലാ പ്രവാ​ച​ക​ന്മാ​രും അവരുടെ മുന്നിൽ പ്രവചി​ച്ചു​കൊ​ണ്ടി​രു​ന്നു.+ 11 അപ്പോൾ കെനാ​ന​യു​ടെ മകനായ സിദെ​ക്കിയ ഇരുമ്പു​കൊണ്ട്‌ കൊമ്പു​കൾ ഉണ്ടാക്കി​യിട്ട്‌ ഇങ്ങനെ പറഞ്ഞു: “യഹോവ പറയുന്നു: ‘സിറി​യ​ക്കാർ ചത്തൊ​ടു​ങ്ങു​ന്ന​തു​വരെ നീ ഇതു​കൊണ്ട്‌ അവരെ കുത്തി​വീ​ഴ്‌ത്തും.’”* 12 മറ്റെല്ലാ പ്രവാ​ച​ക​ന്മാ​രും അതു​പോ​ലെ​തന്നെ പ്രവചി​ച്ചു. അവർ പറഞ്ഞു: “രാമോ​ത്ത്‌-ഗിലെ​യാ​ദി​ലേക്കു പോകുക; രാജാവ്‌ തീർച്ച​യാ​യും വിജയി​ക്കും. യഹോവ അതു രാജാ​വി​ന്റെ കൈയിൽ ഏൽപ്പി​ക്കും.”

13 മീഖായയെ കൂട്ടി​ക്കൊ​ണ്ടു​വ​രാൻ പോയ ദൂതൻ മീഖാ​യ​യോ​ടു പറഞ്ഞു: “ഇതാ, പ്രവാ​ച​ക​ന്മാർ ഒന്നടങ്കം രാജാ​വിന്‌ അനുകൂ​ല​മാ​യി പ്രവചി​ക്കു​ന്നു. ദയവു​ചെ​യ്‌ത്‌ അങ്ങും അവരെ​പ്പോ​ലെ രാജാ​വി​നെ പ്രസാ​ദി​പ്പി​ക്കുന്ന വിധത്തിൽ സംസാ​രി​ക്കണം.”+ 14 എന്നാൽ മീഖായ പറഞ്ഞു: “യഹോ​വ​യാ​ണെ, യഹോവ എന്നോട്‌ എന്താണോ പറയു​ന്നത്‌ അതു ഞാൻ പറയും.” 15 അങ്ങനെ മീഖായ ഇസ്രാ​യേൽരാ​ജാ​വി​ന്റെ അടുത്ത്‌ വന്നു. രാജാവ്‌ മീഖാ​യ​യോട്‌, “മീഖായാ, ഞങ്ങൾ രാമോ​ത്ത്‌-ഗിലെ​യാ​ദി​നു നേരെ യുദ്ധത്തി​നു പോക​ണോ അതോ പിന്മാ​റ​ണോ” എന്നു ചോദി​ച്ചു. ഉടനെ മീഖായ പറഞ്ഞു: “പോകുക. അങ്ങ്‌ തീർച്ച​യാ​യും വിജയി​ക്കും. യഹോവ അതു രാജാ​വി​ന്റെ കൈയിൽ ഏൽപ്പി​ക്കും.” 16 അപ്പോൾ രാജാവ്‌ മീഖാ​യ​യോട്‌: “എന്നോടു സത്യം മാത്രമേ പറയാവൂ എന്ന്‌ എത്ര തവണ ഞാൻ നിന്നെ​ക്കൊണ്ട്‌ യഹോ​വ​യു​ടെ നാമത്തിൽ സത്യം ചെയ്യി​ക്കണം!” 17 മീഖായ പറഞ്ഞു: “ഇടയനി​ല്ലാത്ത ആടുക​ളെ​പ്പോ​ലെ ഇസ്രാ​യേ​ല്യ​രെ​ല്ലാം മലകളിൽ ചിതറി നടക്കു​ന്നതു ഞാൻ കാണുന്നു.+ യഹോവ പറഞ്ഞു: ‘ഇവയ്‌ക്കു നാഥനില്ല. ഓരോ​രു​ത്ത​രും അവരവ​രു​ടെ വീട്ടി​ലേക്കു സമാധാ​ന​ത്തോ​ടെ തിരി​ച്ചു​പോ​കട്ടെ.’”

18 അപ്പോൾ ഇസ്രാ​യേൽരാ​ജാവ്‌ യഹോ​ശാ​ഫാ​ത്തി​നോ​ടു പറഞ്ഞു: “‘ഇയാൾ എന്നെക്കു​റിച്ച്‌ ദോഷ​മ​ല്ലാ​തെ നല്ലതൊ​ന്നും പ്രവചി​ക്കില്ല’ എന്നു ഞാൻ പറഞ്ഞതല്ലേ?”+

19 അപ്പോൾ മീഖായ പറഞ്ഞു: “എങ്കിൽ യഹോവ പറയു​ന്നതു കേട്ടു​കൊ​ള്ളൂ: യഹോവ തന്റെ സിംഹാ​സ​ന​ത്തിൽ ഇരിക്കു​ന്നതു ഞാൻ കണ്ടു.+ സ്വർഗ​ത്തി​ലെ സർവ​സൈ​ന്യ​വും ദൈവ​ത്തി​ന്റെ സന്നിധി​യിൽ ഇടത്തും വലത്തും ആയി നിൽക്കു​ന്നു​ണ്ടാ​യി​രു​ന്നു.+ 20 അപ്പോൾ യഹോവ, ‘ആഹാബ്‌ രാമോ​ത്ത്‌-ഗിലെ​യാ​ദി​നു നേരെ ചെന്ന്‌ അവിടെ മരിച്ചു​വീ​ഴാ​നാ​യി ആര്‌ അയാളെ വിഡ്‌ഢി​യാ​ക്കും’ എന്നു ചോദി​ച്ചു. അവർ ഓരോ​രു​ത്ത​രും പല അഭി​പ്രാ​യങ്ങൾ പറഞ്ഞു. 21 അപ്പോൾ ഒരു ആത്മാവ്‌*+ മുന്നോ​ട്ടു വന്ന്‌ യഹോ​വ​യു​ടെ മുന്നിൽ നിന്ന്‌, ‘ഞാൻ അയാളെ വിഡ്‌ഢി​യാ​ക്കാം’ എന്നു പറഞ്ഞു. യഹോവ ചോദി​ച്ചു: ‘നീ എങ്ങനെ​യാണ്‌ അതു ചെയ്യാൻപോ​കു​ന്നത്‌?’ 22 ആ ആത്മാവ്‌ പറഞ്ഞു: ‘ഞാൻ ചെന്ന്‌ രാജാ​വി​ന്റെ പ്രവാ​ച​ക​ന്മാ​രു​ടെ​യെ​ല്ലാം നാവിൽ വഞ്ചനയു​ടെ ആത്മാവാ​യി​ത്തീ​രും.’+ അപ്പോൾ ദൈവം പറഞ്ഞു: ‘നിനക്ക്‌ അതിനു കഴിയും, നീ അതിൽ വിജയി​ക്കു​ക​തന്നെ ചെയ്യും. പോയി അങ്ങനെ​തന്നെ ചെയ്യുക.’ 23 അങ്ങനെ നിന്റെ ഈ പ്രവാ​ച​ക​ന്മാ​രു​ടെ​യെ​ല്ലാം നാവിൽ യഹോവ വഞ്ചനയു​ടെ ആത്മാവി​നെ കൊടു​ത്തി​രി​ക്കു​ന്നു.+ വാസ്‌ത​വ​ത്തിൽ നിനക്കു ദുരന്തം വരു​മെ​ന്നാണ്‌ യഹോവ പ്രഖ്യാ​പി​ച്ചി​രി​ക്കു​ന്നത്‌.”+

24 അപ്പോൾ കെനാ​ന​യു​ടെ മകനായ സിദെ​ക്കിയ മീഖാ​യ​യു​ടെ അടുത്ത്‌ വന്ന്‌ മീഖാ​യ​യു​ടെ ചെകി​ട്ടത്ത്‌ അടിച്ചി​ട്ട്‌, “നിന്നോ​ടു സംസാ​രി​ക്കാൻവേണ്ടി യഹോ​വ​യു​ടെ ആത്മാവ്‌ എന്നെ വിട്ട്‌ ഏതു വഴിക്കാ​ണു വന്നത്‌” എന്നു ചോദി​ച്ചു.+ 25 മീഖായ പറഞ്ഞു: “ഏതു വഴിക്കാ​ണു വന്നതെന്ന്‌, ഒളിച്ചി​രി​ക്കാൻ അറയിൽ കയറുന്ന ദിവസം നീ മനസ്സി​ലാ​ക്കും.” 26 അപ്പോൾ ഇസ്രാ​യേൽരാ​ജാവ്‌ ആജ്ഞാപി​ച്ചു: “മീഖാ​യയെ പിടിച്ച്‌ നഗരാ​ധി​പ​നായ ആമോ​ന്റെ​യും രാജാ​വി​ന്റെ മകനായ യോവാ​ശി​ന്റെ​യും കൈയിൽ ഏൽപ്പി​ക്കുക. 27 അവരോടു പറയുക: ‘രാജാവ്‌ ഇങ്ങനെ കല്‌പി​ക്കു​ന്നു: “ഇയാളെ തടവറ​യിൽ അടയ്‌ക്കുക.+ ഞാൻ സമാധാ​ന​ത്തോ​ടെ മടങ്ങി​വ​രു​ന്ന​തു​വരെ ഇയാൾക്കു വളരെ കുറച്ച്‌ ഭക്ഷണവും വെള്ളവും മാത്രമേ കൊടു​ക്കാ​വൂ.”’” 28 പക്ഷേ മീഖായ പറഞ്ഞു: “നീ സമാധാ​ന​ത്തോ​ടെ മടങ്ങി​വ​രു​ക​യാ​ണെ​ങ്കിൽ യഹോവ എന്നോടു സംസാ​രി​ച്ചി​ട്ടില്ല.”+ മീഖായ ഇങ്ങനെ​യും പറഞ്ഞു: “ജനങ്ങളേ, നിങ്ങ​ളെ​ല്ലാം ഇതു കേട്ടല്ലോ?”

29 അങ്ങനെ ഇസ്രാ​യേൽരാ​ജാ​വും യഹൂദാ​രാ​ജാ​വായ യഹോ​ശാ​ഫാ​ത്തും രാമോ​ത്ത്‌-ഗിലെ​യാ​ദി​ലേക്കു പോയി.+ 30 ഇസ്രായേൽരാജാവ്‌ യഹോ​ശാ​ഫാ​ത്തി​നോ​ടു പറഞ്ഞു: “ഞാൻ വേഷം മാറി​യാ​യി​രി​ക്കും യുദ്ധക്ക​ള​ത്തി​ലേക്കു പോകു​ന്നത്‌. എന്നാൽ അങ്ങ്‌ അങ്ങയുടെ രാജവ​സ്‌ത്രം ധരിക്കണം.” അങ്ങനെ ഇസ്രാ​യേൽരാ​ജാവ്‌ വേഷം മാറി യുദ്ധത്തി​ന്‌ ഇറങ്ങി.+ 31 സിറിയയിലെ രാജാവ്‌ അയാളു​ടെ 32 രഥനാ​യ​ക​ന്മാ​രോട്‌,+ “നിങ്ങൾ ഇസ്രാ​യേൽരാ​ജാ​വി​നെ​യ​ല്ലാ​തെ ചെറി​യ​വ​നോ വലിയ​വ​നോ ആയ മറ്റാ​രെ​യും ആക്രമി​ക്ക​രുത്‌” എന്നു കല്‌പി​ച്ചി​രു​ന്നു. 32 യഹോശാഫാത്തിനെ കണ്ട ഉടനെ ആ രഥനാ​യ​ക​ന്മാർ, “ഇവൻത​ന്നെ​യാണ്‌ ഇസ്രാ​യേൽരാ​ജാവ്‌” എന്നു തമ്മിൽത്ത​മ്മിൽ പറഞ്ഞു. അങ്ങനെ അവർ യഹോ​ശാ​ഫാ​ത്തി​നോ​ടു പോരാ​ടാൻ ഒരുങ്ങി. യഹോ​ശാ​ഫാത്ത്‌ അപ്പോൾ സഹായ​ത്തി​നാ​യി നിലവി​ളി​ച്ചു. 33 അത്‌ ഇസ്രാ​യേൽരാ​ജാ​വ​ല്ലെന്നു മനസ്സി​ലാ​ക്കി​യ​പ്പോൾ അവർ യഹോ​ശാ​ഫാ​ത്തി​നെ പിന്തു​ട​രു​ന്നതു നിറുത്തി.

34 പക്ഷേ ഒരു സൈനി​കൻ അമ്പ്‌ എയ്‌ത​പ്പോൾ അവിചാ​രി​ത​മാ​യി അത്‌ ഇസ്രാ​യേൽരാ​ജാ​വി​ന്റെ പടച്ചട്ട​യു​ടെ വിടവി​ലൂ​ടെ ശരീര​ത്തിൽ തറച്ചു​ക​യറി. അപ്പോൾ രാജാവ്‌ തേരാ​ളി​യോ​ടു പറഞ്ഞു: “രഥം തിരിച്ച്‌ എന്നെ യുദ്ധക്കളത്തിൽനിന്ന്‌* കൊണ്ടു​പോ​കൂ, എനിക്കു മാരക​മാ​യി മുറി​വേ​റ്റി​രി​ക്കു​ന്നു.”+ 35 അന്നു മുഴുവൻ പൊരിഞ്ഞ യുദ്ധം നടന്നു. ആ സമയമ​ത്ര​യും സിറി​യ​ക്കാർക്ക്‌ അഭിമു​ഖ​മാ​യി രാജാ​വി​നെ രഥത്തിൽ താങ്ങി​നി​റു​ത്തേ​ണ്ടി​വന്നു. രാജാ​വി​ന്റെ മുറി​വിൽനിന്ന്‌ രക്തം രഥത്തിന്‌ അകത്തേക്ക്‌ ഒഴുകി​ക്കൊ​ണ്ടി​രു​ന്നു; വൈകു​ന്നേ​ര​ത്തോ​ടെ രാജാവ്‌ മരിച്ചു.+ 36 സൂര്യാസ്‌തമയമായപ്പോൾ പാളയ​ത്തി​ലെ​ങ്ങും ഇങ്ങനെ​യൊ​രു അറിയി​പ്പ്‌ ഉണ്ടായി: “ഓരോ​രു​ത്ത​രും അവരവ​രു​ടെ നഗരത്തി​ലേക്കു പോകുക! ഓരോ​രു​ത്ത​രും അവരവ​രു​ടെ ദേശ​ത്തേക്കു പോകുക!”+ 37 അങ്ങനെ രാജാവ്‌ മരിച്ചു. അവർ അയാളെ ശമര്യ​യി​ലേക്കു കൊണ്ടു​പോ​യി അവിടെ അടക്കം ചെയ്‌തു. 38 അവർ ശമര്യ​യി​ലെ കുളത്തി​ന്റെ കരയിൽവെച്ച്‌ ആ രഥം കഴുകി​യ​പ്പോൾ നായ്‌ക്കൾ അയാളു​ടെ രക്തം നക്കി,+ വേശ്യകൾ ആ കുളത്തിൽ കുളി​ക്കു​ക​യും ചെയ്‌തു.* അങ്ങനെ യഹോവ പറഞ്ഞതു​പോ​ലെ​തന്നെ സംഭവി​ച്ചു.

39 ആഹാബിന്റെ ബാക്കി ചരിത്രം, അയാൾ ചെയ്‌ത എല്ലാ കാര്യ​ങ്ങ​ളെ​ക്കു​റി​ച്ചും അയാൾ നിർമിച്ച ദന്തഭവനത്തെക്കുറിച്ചും*+ അയാൾ പണിത എല്ലാ നഗരങ്ങ​ളെ​ക്കു​റി​ച്ചും, ഇസ്രാ​യേൽരാ​ജാ​ക്ക​ന്മാ​രു​ടെ കാലത്തെ ചരി​ത്ര​പു​സ്‌ത​ക​ത്തിൽ രേഖ​പ്പെ​ടു​ത്തി​യി​ട്ടുണ്ട്‌. 40 അങ്ങനെ ആഹാബ്‌ പൂർവി​ക​രെ​പ്പോ​ലെ അന്ത്യവി​ശ്ര​മം​കൊ​ണ്ടു.+ ആഹാബി​ന്റെ മകൻ അഹസ്യ+ അടുത്ത രാജാ​വാ​യി.

41 ഇസ്രായേൽരാജാവായ ആഹാബി​ന്റെ ഭരണത്തി​ന്റെ നാലാം വർഷമാ​ണ്‌ ആസയുടെ മകനായ യഹോശാഫാത്ത്‌+ യഹൂദ​യിൽ രാജാ​വാ​യത്‌. 42 രാജാവാകുമ്പോൾ യഹോ​ശാ​ഫാ​ത്തിന്‌ 35 വയസ്സാ​യി​രു​ന്നു. 25 വർഷം യഹോ​ശാ​ഫാത്ത്‌ യരുശ​ലേ​മിൽ ഭരണം നടത്തി. ശിൽഹി​യു​ടെ മകളായ അസൂബ​യാ​യി​രു​ന്നു യഹോ​ശാ​ഫാ​ത്തി​ന്റെ അമ്മ. 43 യഹോശാഫാത്ത്‌ അപ്പനായ ആസയുടെ+ വഴിയിൽത്തന്നെ നടന്നു. അതിൽനി​ന്ന്‌ വ്യതി​ച​ലി​ക്കാ​തെ യഹോ​വ​യു​ടെ മുമ്പാകെ ശരിയാ​യതു ചെയ്‌തു.+ എന്നാൽ ആരാധ​ന​യ്‌ക്കുള്ള ഉയർന്ന സ്ഥലങ്ങൾ+ അപ്പോ​ഴു​മു​ണ്ടാ​യി​രു​ന്നു. ജനം അക്കാല​ത്തും അവിടെ ബലി അർപ്പി​ക്കു​ക​യും യാഗവ​സ്‌തു​ക്കൾ ദഹിപ്പിക്കുകയും* ചെയ്‌തു​പോ​ന്നു. 44 യഹോശാഫാത്ത്‌ ഇസ്രാ​യേൽരാ​ജാ​വു​മാ​യി സമാധാ​ന​ത്തി​ലാ​യി​രു​ന്നു.+ 45 യഹോശാഫാത്തിന്റെ ബാക്കി ചരിത്രം, അദ്ദേഹ​ത്തി​ന്റെ വീരകൃ​ത്യ​ങ്ങ​ളെ​ക്കു​റി​ച്ചും അദ്ദേഹം ചെയ്‌ത യുദ്ധങ്ങ​ളെ​ക്കു​റി​ച്ചും, യഹൂദാ​രാ​ജാ​ക്ക​ന്മാ​രു​ടെ കാലത്തെ ചരി​ത്ര​പു​സ്‌ത​ക​ത്തിൽ രേഖ​പ്പെ​ടു​ത്തി​യി​ട്ടുണ്ട്‌. 46 അദ്ദേഹത്തിന്റെ അപ്പനായ ആസയുടെ+ കാല​ശേ​ഷ​വും ദേശത്ത്‌ ആലയ​വേ​ശ്യാ​വൃ​ത്തി ചെയ്‌തു​പോന്ന പുരുഷന്മാർ+ അവശേ​ഷി​ച്ചി​രു​ന്നു. യഹോ​ശാ​ഫാത്ത്‌ അവരെ​യെ​ല്ലാം നീക്കി​ക്ക​ളഞ്ഞു.

47 ആ സമയത്ത്‌ ഏദോമിൽ+ ഒരു രാജാ​വു​ണ്ടാ​യി​രു​ന്നില്ല. ഒരു ഗവർണ​റാ​ണു ഭരണം നടത്തി​യി​രു​ന്നത്‌.+

48 ഓഫീരിൽ പോയി സ്വർണം കൊണ്ടു​വ​രാൻ യഹോ​ശാ​ഫാത്ത്‌ തർശീശുകപ്പലുകളും* ഉണ്ടാക്കി.+ പക്ഷേ അവയ്‌ക്ക്‌ അങ്ങോട്ടു പോകാ​നാ​യില്ല. എസ്യോൻ-ഗേബരിൽവെച്ച്‌+ ആ കപ്പലുകൾ തകർന്നു​പോ​യി. 49 ആ സമയത്താ​ണ്‌ ആഹാബി​ന്റെ മകനായ അഹസ്യ യഹോ​ശാ​ഫാ​ത്തി​നോട്‌, “അങ്ങയുടെ ദാസന്മാ​രു​ടെ​കൂ​ടെ എന്റെ ദാസന്മാ​രും കപ്പലു​ക​ളിൽ പോകട്ടെ” എന്നു പറഞ്ഞത്‌. പക്ഷേ യഹോ​ശാ​ഫാത്ത്‌ അതിനു സമ്മതി​ച്ചില്ല.

50 പിന്നെ യഹോ​ശാ​ഫാത്ത്‌ പൂർവി​ക​രെ​പ്പോ​ലെ അന്ത്യവി​ശ്ര​മം​കൊ​ണ്ടു.+ യഹോ​ശാ​ഫാ​ത്തി​നെ അവരോ​ടൊ​പ്പം അദ്ദേഹ​ത്തി​ന്റെ പൂർവി​ക​നായ ദാവീ​ദി​ന്റെ നഗരത്തിൽ അടക്കം ചെയ്‌തു. മകൻ യഹോരാം+ അടുത്ത രാജാ​വാ​യി.

51 യഹൂദാരാജാവായ യഹോ​ശാ​ഫാ​ത്തി​ന്റെ ഭരണത്തി​ന്റെ 17-ാം വർഷം ആഹാബി​ന്റെ മകനായ അഹസ്യ+ ശമര്യ​യിൽ ഇസ്രാ​യേ​ലി​ന്റെ രാജാ​വാ​യി. അയാൾ രണ്ടു വർഷം ഇസ്രാ​യേ​ലി​നെ ഭരിച്ചു. 52 അഹസ്യ യഹോ​വ​യു​ടെ മുമ്പാകെ തിന്മ ചെയ്‌തു. അയാൾ അപ്പന്റെയും+ അമ്മയുടെയും+ വഴിയി​ലും ഇസ്രാ​യേ​ലി​നെ​ക്കൊണ്ട്‌ പാപം ചെയ്യിച്ച, നെബാ​ത്തി​ന്റെ മകനായ യൊ​രോ​ബെ​യാ​മി​ന്റെ വഴിയി​ലും നടന്നു.+ 53 അഹസ്യ അപ്പനെ​പ്പോ​ലെ ബാലിനെ+ സേവിച്ച്‌ ബാലിന്റെ മുമ്പാകെ കുമ്പി​ടു​ക​യും ഇസ്രാ​യേ​ലി​ന്റെ ദൈവ​മായ യഹോവയെ+ കോപി​പ്പി​ക്കു​ക​യും ചെയ്‌തു.