“മരണ സംസ്‌കാര”ത്തിൽ നിന്ന്‌ യുവജ​ന​ങ്ങളെ സംരക്ഷി​ക്കൽ

ഇന്നത്തെ യുവജ​ന​ങ്ങൾക്കു മരണം എന്ന വിഷയ​ത്തോട്‌ ഒരു പ്രത്യേക ആകർഷണം തോന്നു​ന്ന​തി​ന്റെ കാരണ​മെ​ന്താണ്‌? ഐക്യ​നാ​ടു​ക​ളി​ലെ ഇല്ലി​നോ​യിസ്‌ സംസ്ഥാ​ന​ത്തി​ന്റെ ജനപ്ര​തി​നി​ധി​യായ ഹെൻറി ഹൈഡ്‌ ഇങ്ങനെ പറയുന്നു: “ഈ യുവജ​ന​ങ്ങ​ളു​ടെ ഉള്ളിൽ ഒരു ആത്മീയ ശൂന്യത ഉണ്ട്‌. ആ ശൂന്യത നികത്തു​ന്ന​താ​കട്ടെ, അക്രമ​ത്തി​ന്റെ​യും മരണത്തി​ന്റെ​യും സംസ്‌കാ​ര​വും.”

ടൈം മാസി​ക​യു​ടെ ഒരു വായന​ക്കാ​രൻ ഇങ്ങനെ എഴുതി: “അലസരായ മാതാ​പി​താ​ക്ക​ളും അക്രമത്തെ മഹത്വീ​ക​രി​ക്കുന്ന വിനോ​ദ​ങ്ങ​ളും പിന്നെ ധാർമി​ക​വും ആത്മീയ​വു​മായ കാര്യ​ങ്ങ​ളിൽ ശരിയായ ഒരു അടിസ്ഥാ​ന​മി​ല്ലാ​ത്ത​തും ആണ്‌ ഇന്ന്‌ നമ്മുടെ യുവജ​ന​ങ്ങൾക്കി​ട​യിൽ മരണത്തെ കേന്ദ്രീ​ക​രി​ച്ചുള്ള ഒരു ഉപസം​സ്‌കാ​രം രൂപം​കൊ​ള്ളാൻ ഇടയാ​ക്കി​യി​രി​ക്കു​ന്നത്‌.”

കൗമാ​ര​പ്രാ​യ​ത്തി​ലുള്ള കുട്ടികൾ അഭിമു​ഖീ​ക​രി​ക്കുന്ന മറ്റൊരു മുഖ്യ​പ്ര​ശ്‌നം ഏകാന്ത​ത​യാണ്‌. ചിലരു​ടെ കാര്യ​ത്തിൽ മാതാ​പി​താ​ക്കൾ രണ്ടു​പേ​രും ജോലി​ചെ​യ്യു​ന്ന​വ​രാ​യി​രി​ക്കും. അതു​കൊണ്ട്‌, ദിവസ​ത്തി​ന്റെ ഭൂരി​ഭാ​ഗം സമയത്തും അവർ വീട്ടിൽ ഉണ്ടായി​രി​ക്കു​ക​യില്ല. മറ്റു ചിലരു​ടെ കാര്യ​ത്തിൽ അച്ഛനോ അമ്മയോ ആരെങ്കി​ലും ഒരാൾ മാത്രമേ ഉണ്ടായി​രി​ക്കു​ക​യു​ള്ളൂ. ഒരു ഉറവിടം പറയു​ന്നത്‌ അനുസ​രിച്ച്‌, ഐക്യ​നാ​ടു​ക​ളി​ലെ കൗമാ​ര​പ്രാ​യ​ക്കാ​രായ കുട്ടികൾ ദിവസ​ത്തി​ന്റെ ഏതാണ്ട്‌ 3.5 മണിക്കൂർ ഒറ്റയ്‌ക്കാ​ണു തള്ളിനീ​ക്കു​ന്നത്‌. മാത്രമല്ല, അവർ ഒരാഴ്‌ച​യിൽ മാതാ​പി​താ​ക്ക​ളോ​ടൊ​പ്പം ചെലവ​ഴി​ക്കുന്ന സമയം 60-കളിലെ കുട്ടികൾ മാതാ​പി​താ​ക്ക​ളോ​ടൊ​പ്പം ചെലവ​ഴി​ച്ച​തി​നെ​ക്കാൾ 11 മണിക്കൂർ കുറവാ​ണു താനും. ഇനിയും ചിലർക്ക്‌, മാതാ​പി​താ​ക്ക​ളിൽ നിന്നുള്ള വൈകാ​രിക പിന്തു​ണ​യും സഖിത്വ​വും അൽപ്പം​പോ​ലും ലഭിക്കു​ന്നില്ല.

മാതാ​പി​താ​ക്കൾക്കു ചെയ്യാൻ കഴിയു​ന്നത്‌

ഇന്നത്തെ യുവജ​ന​ങ്ങൾക്ക്‌ ഒരു “ആത്മീയ ശൂന്യത”യോടു മല്ലടി​ക്കേ​ണ്ട​തുണ്ട്‌ എന്നു നാം കണ്ടുക​ഴി​ഞ്ഞു. ആ സ്ഥിതിക്ക്‌ മാതാ​പി​താ​ക്ക​ളു​ടെ റോൾ എത്ര പ്രധാ​ന​മാണ്‌? കുട്ടി​കൾക്ക്‌ ആരോ​ഗ്യാ​വ​ഹ​മായ വിനോ​ദം വേണ​മെന്ന്‌ ജ്ഞാനി​ക​ളായ മാതാ​പി​താ​ക്കൾക്ക്‌ അറിയാം. അതേസ​മ​യം​തന്നെ, ക്രമമായ അടിസ്ഥാ​ന​ത്തിൽ വ്യക്തി​പ​ര​മായ പിന്തു​ണ​യും അവർക്ക്‌ ആവശ്യ​മാ​ണെന്ന്‌ അവർ തിരി​ച്ച​റി​യു​ന്നു. കുട്ടി​ക​ളോ​ടുള്ള സ്‌നേ​ഹ​പു​ര​സ്സ​ര​മായ താത്‌പ​ര്യം സംഗീതം, ടെലി​വി​ഷൻ പരിപാ​ടി​കൾ, വീഡി​യോ​കൾ, നോവ​ലു​കൾ, വീഡി​യോ ഗെയി​മു​കൾ, സിനി​മകൾ തുടങ്ങി​യ​വ​യു​ടെ കാര്യ​ത്തിൽ അവരുടെ ഇഷ്ടാനി​ഷ്ട​ങ്ങ​ളെ​ക്കു​റിച്ച്‌ അവരു​മാ​യി സംസാ​രി​ക്കാൻ മാതാ​പി​താ​ക്കളെ പ്രേരി​പ്പി​ക്കും. പുറമേ കാണി​ച്ചി​ല്ലെ​ങ്കി​ലും, മിക്ക യുവജ​ന​ങ്ങ​ളും തങ്ങളുടെ മാതാ​പി​താ​ക്ക​ളു​ടെ വാത്സല്യ​ത്തി​നും സ്‌നേ​ഹ​നിർഭ​ര​മായ മാർഗ​നിർദേ​ശ​ങ്ങൾക്കും​വേണ്ടി കൊതി​ക്കു​ന്ന​വ​രാണ്‌. അനിശ്ചി​ത​ത്വം നിറഞ്ഞു​നിൽക്കുന്ന ഒരു ലോക​ത്തിൽ ജീവി​ക്കു​ന്ന​തു​കൊണ്ട്‌ കാര്യങ്ങൾ സംബന്ധിച്ച്‌ സ്‌പഷ്ട​മായ ഉത്തരങ്ങ​ളാണ്‌ അവർക്ക്‌ ആവശ്യം. തങ്ങളുടെ ചെറു​പ്പ​കാ​ല​ത്തെ​ക്കാൾ വളരെ​യേറെ പ്രശ്‌ന​പൂ​രി​ത​മായ ഒരു ലോക​ത്തെ​യാണ്‌ ഇന്നത്തെ കുട്ടികൾ അഭിമു​ഖീ​ക​രി​ക്കു​ന്നത്‌ എന്നു മുതിർന്നവർ മനസ്സി​ലാ​ക്കേ​ണ്ട​തുണ്ട്‌.

തങ്ങളുടെ കുട്ടി​കൾക്കു സംരക്ഷ​ണ​മേ​കാൻ ആഗ്രഹി​ക്കുന്ന മാതാ​പി​താ​ക്കൾ അവരു​മാ​യി ക്രമമാ​യി ആശയവി​നി​മയം നടത്തും, അവർ പറയു​ന്ന​തെ​ല്ലാം ആത്മാർഥ​മാ​യി ശ്രദ്ധി​ക്കും, ഒപ്പം ആധുനിക സംസ്‌കാ​ര​ത്തി​ന്റെ അപകട​ങ്ങ​ളെ​ക്കു​റിച്ച്‌ അവർക്കു മുന്നറി​യി​പ്പു കൊടു​ക്കു​ക​യും ചെയ്യും. കുട്ടി​കൾക്കാ​യി ദൃഢമായ പരിധി​കൾ വെക്കു​ക​യും അവയോട്‌ പറ്റിനിൽക്കു​ക​യും ചെയ്യു​മ്പോൾത്തന്നെ ന്യായ​ബോ​ധ​ത്തോ​ടും വാത്സല്യ​ത്തോ​ടും കൂടെ അവരോട്‌ ഇടപെ​ടു​ക​യും ചെയ്യു​ന്നെ​ങ്കിൽ മാതാ​പി​താ​ക്കൾക്ക്‌ സാധാ​ര​ണ​ഗ​തി​യിൽ നല്ല ഫലങ്ങൾ കൊയ്യാൻ കഴിയും.—മത്തായി 5:37.

യഹോ​വ​യു​ടെ സാക്ഷി​ക​ളായ മാതാ​പി​താ​ക്കൾ ബൈബി​ളും ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണ​ങ്ങ​ളും വീഡിയോകളുംa ഒക്കെ ഉപയോ​ഗിച്ച്‌ തങ്ങളുടെ കുട്ടി​ക​ളു​മാ​യി ക്രമമായ ഒരു അടിസ്ഥാ​ന​ത്തിൽ ചർച്ചകൾ നടത്താൻ ശ്രമി​ക്കു​ന്നു. കുട്ടി​കളെ കുടും​ബ​സ​ദ​സ്സി​ന്റെ മുമ്പാകെ വിളി​ച്ചു​വ​രു​ത്തി ശാസി​ക്കു​ന്ന​തി​നു വേണ്ടിയല്ല, അവരെ ആത്മീയ​മാ​യി കെട്ടു​പണി ചെയ്യു​ന്ന​തി​നു വേണ്ടി​യാണ്‌ അവർ ഇത്തരം സന്ദർഭങ്ങൾ ഉപയോ​ഗി​ക്കു​ന്നത്‌. കുടും​ബം ഒരുമി​ച്ചു കൂടുന്ന ഇത്തരം വേളക​ളിൽ, കുട്ടി​ക​ളിൽ ഓരോ​രു​ത്ത​രും അഭിമു​ഖീ​ക​രി​ക്കുന്ന പ്രശ്‌ന​ങ്ങ​ളും വെല്ലു​വി​ളി​ക​ളും അവർ ശ്രദ്ധാ​പൂർവം കേൾക്കു​ന്നു. ഈ വിധത്തിൽ ഓരോ കുട്ടി​ക്കും വ്യക്തി​പ​ര​മായ ശ്രദ്ധ ലഭിക്കു​ന്നു.

മാതാ​പി​താ​ക്ക​ളിൽനിന്ന്‌ ആത്മീയ​മായ മാർഗ​നിർദേ​ശ​മൊ​ന്നും ലഭിക്കാത്ത യുവജ​ന​ങ്ങൾക്ക്‌ സങ്കീർത്തനം 27:10 ശക്തി പകരും. അവിടെ ഇങ്ങനെ പറഞ്ഞി​രി​ക്കു​ന്നു: “എന്റെ അപ്പനും അമ്മയും എന്നെ ഉപേക്ഷി​ച്ചി​രി​ക്കു​ന്നു; എങ്കിലും യഹോവ എന്നെ ചേർത്തു​കൊ​ള്ളും.” മനസ്സലി​വുള്ള പിതാ​വായ യഹോവ എങ്ങനെ​യാണ്‌ യുവജ​ന​ങ്ങളെ സഹായി​ക്കു​ന്നത്‌? യഹോ​വ​യു​ടെ സാക്ഷി​ക​ളു​ടെ സഭകൾ അനേകർക്കും ഒരു അഭയസ്ഥാ​ന​മാ​യി​രു​ന്നി​ട്ടുണ്ട്‌. അവിടെ അവർക്കു മറ്റുള്ള​വ​രിൽനി​ന്നുള്ള സ്‌നേ​ഹ​വും തങ്ങളുടെ സംശയ​ങ്ങൾക്കുള്ള ഉത്തരവും ലഭിക്കു​ന്നു. ഇത്‌ അനുഭ​വി​ച്ച​റിഞ്ഞ ഹോസി​യാസ്‌ എന്ന ചെറു​പ്പ​ക്കാ​രൻ ഇങ്ങനെ അഭി​പ്രാ​യ​പ്പെ​ടു​ന്നു: “യഹോ​വ​യു​ടെ സംഘടന വളരെ പ്രധാ​ന​പ്പെട്ട ഒരു റോൾ വഹിക്കു​ന്നു. ജീവി​ക്കു​ന്ന​തു​കൊണ്ട്‌ ഒരു പ്രയോ​ജ​ന​വു​മില്ല എന്നെനി​ക്കു തോന്നി​യി​രു​ന്നു. ഒരു ഉദ്ദേശ്യ​വു​മി​ല്ലാത്ത, ഭാവി​യെ​ക്കു​റിച്ച്‌ ഒരു പ്രത്യാ​ശ​യു​മി​ല്ലാത്ത ജീവി​ത​മാ​യി​രു​ന്നു എന്റേത്‌. എന്നാൽ ഞാൻ ഒരിക്ക​ലും ഒറ്റയ്‌ക്കല്ല എന്ന അറിവ്‌ എന്റെ ജീവി​തം​തന്നെ മാറ്റി​മ​റി​ച്ചു. എനിക്കു നഷ്ടമായ എന്റെ കുടും​ബത്തെ സഭയിലെ സഹോ​ദ​ര​ങ്ങ​ളിൽ ഞാൻ കണ്ടെത്തി. സഭയിലെ മൂപ്പന്മാ​രും കുടും​ബ​ങ്ങ​ളും വൈകാ​രി​ക​മായ അർഥത്തിൽ ഒരു നങ്കൂരം പോ​ലെ​യാണ്‌ എനിക്ക്‌.”

യഹോ​വ​യു​ടെ സാക്ഷി​ക​ളു​ടെ സഭാ​യോ​ഗ​ങ്ങ​ളിൽ ക്രമമാ​യി സംബന്ധി​ക്കു​ന്ന​തു​കൊണ്ട്‌ അനേകം യുവജ​ന​ങ്ങൾക്കും മുതിർന്ന​വർക്കും തങ്ങളുടെ മാനസി​ക​വും ആത്മീയ​വു​മായ ആരോ​ഗ്യം മെച്ച​പ്പെ​ടു​ത്തു​ന്ന​തി​നു കഴിഞ്ഞി​ട്ടുണ്ട്‌. ഈ നല്ല ഫലത്തെ​ക്കു​റിച്ച്‌ നരവം​ശ​ശാ​സ്‌ത്ര​ജ്ഞ​യായ പട്രീഷ്യ ഫോർറ്റൂ​ണി, ലോസ്‌ ടെസ്റ്റി​ഗോസ്‌ ഡി ഹേയോവ: യൂനാ ആൾട്ടെർനേ​റ്റീവ റെലി​ച്യോ​സാ പാരാ എൻ​ഫ്രെൻടാർ എൽ ഫിൻ ഡെൽ മിലെ​ന്യോ (യഹോ​വ​യു​ടെ സാക്ഷികൾ: സഹസ്രാ​ബ്ദ​ത്തി​ന്റെ അന്ത്യത്തെ നേരി​ടു​ന്ന​തിന്‌ തിര​ഞ്ഞെ​ടു​ക്കാൻ കഴിയുന്ന ഒരു മതം) എന്ന തന്റെ ഉപന്യാ​സ​ത്തിൽ ഇങ്ങനെ എഴുതി: “ദൈനം​ദിന ജീവി​ത​ത്തിൽ ബാധക​മാ​ക്കു​ന്ന​തിന്‌ വ്യക്തവും സ്‌പഷ്ട​വു​മായ ഒരു ക്രമം, ചിന്തക​ളെ​യും പ്രവർത്ത​ന​ങ്ങ​ളെ​യും നയിക്കു​ന്ന​തിന്‌ വേണ്ട ഏറ്റവും ശരിയായ ഒരു തത്ത്വസം​ഹിത യഹോ​വ​യു​ടെ സാക്ഷികൾ വാഗ്‌ദാ​നം ചെയ്യുന്നു.” ഇവിടെ പരാമർശി​ച്ചി​രി​ക്കുന്ന “ക്രമവും” “തത്ത്വസം​ഹിത”യും ബൈബി​ളി​നെ അടിസ്ഥാ​ന​പ്പെ​ടു​ത്തി​യു​ള്ള​വ​യാണ്‌. തങ്ങൾക്കു ചുറ്റു​മുള്ള ആളുകൾ അഭിമു​ഖീ​ക​രി​ക്കുന്ന അതേ തരത്തി​ലുള്ള പ്രശ്‌ന​ങ്ങ​ളും സമ്മർദ​ങ്ങ​ളു​മൊ​ക്കെ യഹോ​വ​യു​ടെ സാക്ഷി​കൾക്കു​മു​ണ്ടെ​ങ്കി​ലും ഈ പുരാതന ഗ്രന്ഥത്തിൽ കാണുന്ന അതുല്യ ജ്ഞാനം അവയെ നേരി​ടാ​നുള്ള ശക്തി അവർക്കു നൽകുന്നു. അതേ, ബൈബി​ളി​ലെ വ്യക്തമായ ഉപദേ​ശ​ങ്ങ​ളി​ലും തത്ത്വങ്ങ​ളി​ലും സാക്ഷികൾ അഭയം കണ്ടെത്തു​ന്നു.

‘മരണം ഉണ്ടായി​രി​ക്കു​ക​യി​ല്ലാ​ത്ത​പ്പോൾ’

ദൈവം വാഗ്‌ദാ​നം ചെയ്‌തി​രി​ക്കുന്ന, “നീതി വസിക്കുന്ന” ഒരു പുതിയ ഭൂമി​യെ​ക്കു​റിച്ച്‌ അതേ, “ആരും . . . ഭയപ്പെ​ടു​ത്താ”നില്ലാത്ത, ആസന്നമാ​യി​രി​ക്കുന്ന ഒരു പുതിയ ലോക​ത്തെ​ക്കു​റിച്ച്‌ യഹോ​വ​യു​ടെ സാക്ഷികൾ തങ്ങളുടെ രാജ്യ​ഹാ​ളു​ക​ളിൽ ആവർത്തി​ച്ചു പഠിപ്പി​ക്കു​ന്നു. (2 പത്രൊസ്‌ 3:13; മീഖാ 4:4) ദൈവം അന്ന്‌ “മരണത്തെ സദാകാ​ല​ത്തേ​ക്കും നീക്കി​ക്ക​ള​യും; യഹോ​വ​യായ കർത്താവു സകലമു​ഖ​ങ്ങ​ളി​ലും​നി​ന്നു കണ്ണുനീർ തുടെ​ക്ക​യും” ചെയ്യും എന്ന്‌ പ്രവാ​ച​ക​നായ യെശയ്യാ​വു രേഖ​പ്പെ​ടു​ത്തു​ന്നു. ആദ്യ മനുഷ്യ​നായ ആദാമി​ന്റെ പാപത്തി​ന്റെ ഫലമാ​യാ​ണു മരണം മനുഷ്യ​വർഗ​ത്തി​ലേക്കു കടന്നു​വ​ന്നത്‌. എന്നാൽ “മരണം ഉണ്ടായി​രി​ക്കു​ക​യി​ല്ലാ”ത്ത ഒരു നാൾ പെട്ടെ​ന്നു​തന്നെ ആഗതമാ​കു​മെന്നു ദൈവം വാഗ്‌ദാ​നം ചെയ്യുന്നു.—യെശയ്യാ​വു 25:8; വെളി​പ്പാ​ടു 21:3-5, ഓശാന ബൈബിൾ; റോമർ 5:12.

സഹായം അന്വേ​ഷി​ക്കുന്ന ഒരു യുവാ​വോ യുവതി​യോ ആണു നിങ്ങ​ളെ​ങ്കിൽ, ബൈബി​ളി​ന്റെ താളു​ക​ളി​ലൂ​ടെ ജീവി​ത​ത്തിന്‌ ഒരു പ്രത്യാ​ശ​യും ജീവി​ക്കു​ന്ന​തിന്‌ ഒരു കാരണ​വും കണ്ടുപി​ടി​ക്കാൻ ഞങ്ങൾ നിങ്ങളെ ക്ഷണിക്കു​ന്നു. ദൈവം വാഗ്‌ദാ​നം ചെയ്‌തി​രി​ക്കുന്ന പുതിയ ഭൂമി​യിൽ ഏറ്റവും ശോഭ​ന​മായ ഒരു ഭാവി ആസ്വദി​ക്കാൻ കഴിയു​മെന്ന പ്രത്യാശ ഉണ്ടായി​രി​ക്കാൻ യഹോ​വ​യു​ടെ സാക്ഷി​കൾക്ക്‌ നിങ്ങളെ സഹായി​ക്കാൻ കഴിയും.

[അടിക്കു​റിപ്പ്‌]

[9-ാം പേജിലെ ചിത്രം]

കുട്ടികൾക്കു പറയാ​നു​ള്ളത്‌ ആത്മാർഥ​മാ​യി ശ്രദ്ധി​ക്കാ​നും അവരുടെ പ്രശ്‌നങ്ങൾ മനസ്സി​ലാ​ക്കാ​നും മാതാ​പി​താ​ക്കൾ സമയം നീക്കി​വെ​ക്ക​ണം

[10-ാം പേജിലെ ചിത്രങ്ങൾ]

“ദൈനം​ദിന ജീവി​ത​ത്തിൽ ബാധക​മാ​ക്കു​ന്ന​തിന്‌ വ്യക്തവും സ്‌പഷ്ട​വു​മായ ഒരു ക്രമം യഹോ​വ​യു​ടെ സാക്ഷികൾ വാഗ്‌ദാ​നം ചെയ്യുന്നു”