അതിന്റെ അർഥം

നിങ്ങളും മക്കളും പരസ്‌പരം ചിന്തക​ളും വികാ​ര​ങ്ങ​ളും പങ്കു​വെ​ക്കു​മ്പോ​ഴാണ്‌ യഥാർഥ ആശയവി​നി​മയം നടക്കു​ന്നത്‌.

അതിന്റെ പ്രാധാ​ന്യം

കൗമാ​ര​പ്രാ​യ​ത്തി​ലുള്ള മക്കളു​മാ​യി ആശയവി​നി​മയം നടത്തു​ന്നത്‌ അത്ര എളുപ്പമല്ല. മാറി​വ​രുന്ന സമ്പ്രദാ​യം എന്ന ഒരു ഇംഗ്ലീഷ്‌ പുസ്‌തകം ഈ പ്രശ്‌നത്തെ ദൃഷ്ടാ​ന്തീ​ക​രി​ക്കു​ന്നത്‌ ഇങ്ങനെ​യാണ്‌: മക്കൾ ചെറു​പ്പ​മാ​യി​രു​ന്ന​പ്പോൾ അവരുടെ പരിപാ​ടി​ക​ളിൽ സ്റ്റേജിനു പുറകിൽ ചെല്ലാൻ അനുവാദമുള്ളതുപോലെയായിരുന്നു മാതാ​പി​താ​ക്ക​ളു​ടെ അവസ്ഥ. “പക്ഷേ മുതിർന്നു​ക​ഴി​യു​മ്പോൾ മാതാ​പി​താ​ക്കൾക്ക്‌ ആകെ അനുവാ​ദ​മു​ള്ളത്‌ സദസ്സി​ലി​രു​ന്നു പരിപാ​ടി കാണാൻ മാത്ര​മാണ്‌. ഇനി കിട്ടുന്ന ഇരിപ്പി​ട​മാ​കട്ടെ പലപ്പോ​ഴും അത്ര സുഖമു​ള്ള​തു​മല്ല.” മക്കൾക്കു നിങ്ങ​ളോ​ടു സംസാ​രി​ക്കാൻ താത്‌പ​ര്യ​മി​ല്ലെന്നു തോന്നി​യാ​ലും ഈ സമയത്താണ്‌ ആശയവി​നി​മയം ഏറ്റവും ആവശ്യ​മാ​യി​രി​ക്കു​ന്നത്‌!

നിങ്ങൾക്ക്‌ ചെയ്യാ​നാ​കു​ന്നത്‌

കുട്ടി സംസാ​രി​ക്കാൻ ആഗ്രഹി​ക്കു​മ്പോൾ ശ്രദ്ധി​ക്കുക, അത്‌ എത്ര രാത്രി​യാ​ണെ​ങ്കിൽക്കൂ​ടി​യും.

“ചില​പ്പോൾ നിങ്ങൾക്ക്‌ ഇങ്ങനെ പറയാൻ തോന്നു​മാ​യി​രി​ക്കും, ‘ഈ ദിവസം മുഴുവൻ ഞാൻ ഇവി​ടെ​യു​ണ്ടാ​യിട്ട്‌ ഇപ്പോ​ഴാ​ണോ നിനക്കു സംസാ​രി​ക്കാൻ നേരം കിട്ടി​യത്‌!’ മക്കൾ നമ്മളോ​ടു മനസ്സു തുറക്കാൻ ആഗ്രഹി​ക്കു​മ്പോൾ ‘വേണ്ട’ എന്നു പറയാൻ പറ്റുമോ? വാസ്‌ത​വ​ത്തിൽ മക്കൾ കാര്യങ്ങൾ തുറന്നു​പ​റ​യ​ണ​മെ​ന്നല്ലേ എല്ലാ മാതാ​പി​താ​ക്ക​ളും ആഗ്രഹി​ക്കു​ന്നത്‌?”—ലിസ.

“നേരത്തേ ഉറങ്ങാൻ കിടക്ക​ണ​മെ​ന്നാണ്‌ എന്റെ ആഗ്രഹമെങ്കിലും കൗമാരത്തിലുള്ള എന്റെ മക്കളു​മാ​യി ഏറ്റവും നല്ല സംഭാ​ഷ​ണങ്ങൾ നടന്നി​ട്ടു​ള്ളത്‌ പാതി​രാ​ത്രി​യും കഴിഞ്ഞാണ്‌.”—ഹേർബർട്ട്‌.

ബൈബിൾത​ത്ത്വം: “തനിക്ക്‌ എന്തു നേട്ടമു​ണ്ടെന്നല്ല, മറ്റുള്ള​വർക്ക്‌ എന്തു നേട്ടമു​ണ്ടാ​കു​മെ​ന്നാണ്‌ ഓരോ​രു​ത്ത​രും നോ​ക്കേ​ണ്ടത്‌.”—1 കൊരി​ന്ത്യർ 10:24.

നന്നായി ശ്രദ്ധി​ക്കുക. ഒരു അച്ഛൻ ഇങ്ങനെ സമ്മതി​ച്ചു​പ​റഞ്ഞു: “മക്കൾ സംസാ​രി​ക്കു​മ്പോൾ ഞാൻ വേറെ എന്തെങ്കി​ലും ചിന്തി​ച്ചു​കൊ​ണ്ടി​രി​ക്കു​ക​യാ​യിരി​ക്കും. അവർക്കും അറിയാം ഞാൻ ശ്രദ്ധി​ക്കു​ന്നി​ല്ലെന്ന്‌.”

നിങ്ങൾക്കും ഇതു​പോ​ലെ തോന്നി​യി​ട്ടു​ണ്ടോ? നിങ്ങളു ടെ ശ്രദ്ധ പതറി​ക്കു​ന്നത്‌ ടിവി-യോ മൊ​ബൈ​ലോ മറ്റെ​ന്തെ​ങ്കി​ലും ആണോ? ആണെങ്കിൽ അത്‌ ഓഫാ​ക്കു​ക​യോ മാറ്റി​വെ​ക്കു​ക​യോ ചെയ്യുക. മക്കൾ പറയു​ന്നത്‌ ശ്രദ്ധ​യോ​ടെ കേൾക്കുക. അത്‌ നിസ്സാ​ര​മാ​ണെന്നു തോന്നി​യാൽപ്പോ​ലും അതിൽ കാര്യ​മു​ണ്ടെന്നു കരുതി​ത്തന്നെ അവരെ ശ്രദ്ധി​ക്കുക.

“മക്കളുടെ വികാ​രങ്ങൾ നമുക്കു പ്രധാ​ന​മാ​ണെന്ന്‌ അവർക്ക്‌ ഉറപ്പു​കൊ​ടു​ക്കുക. അവർക്ക്‌ അങ്ങനെ തോന്നു​ന്നി​ല്ലെ​ങ്കിൽ അവരുടെ ആകുല​തകൾ അവർ ഉള്ളിൽ ഒതുക്കു​ക​യോ സഹായ​ത്തി​നാ​യി മറ്റെവി​ടേ​ക്കെ​ങ്കി​ലും തിരി​യു​ക​യോ ചെയ്യും.”—മറാൻഡ.

“മക്കളുടെ ചിന്താ​ഗതി ഒട്ടും ശരിയ​ല്ലെന്നു തോന്നി​യാൽക്കൂ​ടി ശാന്തത കൈവി​ട​രുത്‌.”—ആന്തണി.

ബൈബിൾത​ത്ത്വം: “നിങ്ങൾ എങ്ങനെ കേൾക്കു​ന്നു എന്നതിനു ശ്രദ്ധ കൊടു​ക്കുക.”—ലൂക്കോസ്‌ 8:18.

അവസരങ്ങൾ പ്രയോ​ജ​ന​പ്പെ​ടു​ത്തുക. ചില​പ്പോൾ മുഖാ​മു​ഖം സംസാ​രി​ക്കു​മ്പോൾ കുട്ടികൾ കാര്യങ്ങൾ തുറന്നു​പ​റ​യില്ല. അത്തരക്കാ​രു​ടെ കാര്യ​ത്തിൽ മറ്റു വഴികൾ കണ്ടെത്തണം.

“കാറിൽ പോകു​മ്പോൾ കുട്ടി​കൾക്ക്‌ ഉള്ളുതു​റന്ന്‌ സംസാ​രി​ക്കു​ന്നത്‌ എളുപ്പ​മാ​ണെന്നു തോന്നു​ന്നു. മുഖാ​മു​ഖം ഇരിക്കാ​തെ അരികിൽ ഇരുന്നു യാത്ര ചെയ്യു​മ്പോൾ പല കാര്യ​ങ്ങ​ളും ഞങ്ങൾ സംസാ​രി​ക്കാ​റുണ്ട്‌.”—നിക്കോൾ.

സൗഹൃ​ദ​സം​ഭാ​ഷ​ണ​ങ്ങൾക്ക്‌ പറ്റിയ മറ്റൊരു സമയമാണ്‌ ഭക്ഷണ​വേ​ളകൾ.

“അത്താഴ​ത്തി​ന്റെ സമയത്ത്‌, ആ ദിവസം നടന്ന നല്ലതും ചീത്തയും ആയ എല്ലാ കാര്യ​ങ്ങ​ളും ഞങ്ങൾ പറയാ​റുണ്ട്‌. ഇത്‌ ഞങ്ങൾക്ക്‌ ഇടയിലെ അടുപ്പം വർധി​പ്പി​ക്കു​ക​യും പ്രശ്‌ന​ങ്ങളെ ഒറ്റയ്‌ക്കു നേരി​ടേണ്ട കാര്യ​മി​ല്ലെന്ന്‌ ഞങ്ങളെ ഓർമി​പ്പി​ക്കു​ക​യും ചെയ്യും.”—റോബിൻ.

ബൈബിൾത​ത്ത്വം: “എല്ലാവ​രും കേൾക്കാൻ തിടു​ക്ക​മു​ള്ള​വ​രാ​യി​രി​ക്കണം; എന്നാൽ സംസാ​രി​ക്കാൻ തിടുക്കം കൂട്ടരുത്‌.”—യാക്കോബ്‌ 1:19.

അതിന്റെ അർഥം

ശിക്ഷണം എന്ന വാക്കിനു പഠിപ്പി​ക്കൽ, അഭ്യസി​പ്പി​ക്കൽ എന്നൊക്കെ അർഥമുണ്ട്‌. ചില​പ്പോൾ ഒരു കുട്ടി​യു​ടെ മോശ​മായ പെരു​മാ​റ്റം തിരു​ത്തു​ന്ന​തും അതിൽ ഉൾപ്പെ​ടു​ന്നു. എങ്കിലും, നല്ല തീരു​മാ​ന​ങ്ങ​ളെ​ടു​ക്കാൻ കുട്ടിയെ സഹായി​ക്കുന്ന വിധത്തി​ലുള്ള ധാർമി​ക​പ​രി​ശീ​ലനം നൽകു​ന്ന​താണ്‌ ഇതിൽ പ്രധാ​ന​മാ​യും ഉൾപ്പെ​ടു​ന്നത്‌.

അതിന്റെ പ്രാധാ​ന്യം

അടുത്ത കാലത്താ​യി ചില കുടും​ബ​ങ്ങ​ളിൽ ശിക്ഷണം ഏറെക്കു​റെ ഇല്ലാതാ​യി​രി​ക്കു​ന്നു. കുട്ടി​കളെ തിരു​ത്തി​യാൽ അവരുടെ ആത്മവി​ശ്വാ​സം പോകു​മെ​ന്നാണ്‌ മാതാ​പി​താ​ക്ക​ളു​ടെ പേടി. എങ്കിലും ജ്ഞാന​ത്തോ​ടെ പ്രവർത്തി​ക്കുന്ന മാതാ​പി​താ​ക്കൾ കുട്ടി​കൾക്ക്‌ ന്യായ​മായ നിയമങ്ങൾ വെക്കു​ക​യും അത്‌ അനുസ​രി​ക്കാൻ അവരെ പരിശീ​ലി​പ്പി​ക്കു​ക​യും ചെയ്യുന്നു.

“മുതിർന്നു​വ​രു​മ്പോൾ കുട്ടികൾ കാര്യ​പ്രാ​പ്‌തി​യു​ള്ളവർ ആയിത്തീ​ര​ണ​മെ​ങ്കിൽ അവർക്ക്‌ ചില പരിധി​കൾ വെക്കണം. ശിക്ഷണം കിട്ടാത്ത കുട്ടികൾ ചുക്കാൻ ഇല്ലാത്ത ബോട്ടു​പോ​ലെ​യാ​യി​രി​ക്കും. അത്‌ പതി​യെ​പ്പ​തി​യെ വഴി​തെ​റ്റി​പ്പോ​കു​ക​യോ കീഴ്‌മേൽ മറിയു​ക​യോ ചെയ്‌തേ​ക്കാം.”—പമേല.

നിങ്ങൾക്ക്‌ ചെയ്യാ​നാ​കു​ന്നത്‌

പറയു​ന്നത്‌ ചെയ്യുക. നിങ്ങൾ വെക്കുന്ന നിയമങ്ങൾ നിങ്ങളു​ടെ കുട്ടി അനുസ​രി​ക്കു​ന്നി​ല്ലെ​ങ്കിൽ പറഞ്ഞതു​പോ​ലെ​തന്നെ ശിക്ഷണം കൊടു​ക്കുക. എന്നാൽ അനുസ​രി​ക്കു​ക​യാ​ണെ​ങ്കിൽ അവരെ അഭിന​ന്ദി​ക്കാ​നും മടികാ​ണി​ക്ക​രുത്‌.

“അനുസ​ര​ണം​കെട്ട ഈ ലോകത്ത്‌ എന്റെ മക്കൾ എന്നെ അനുസ​രി​ക്കു​മ്പോ​ഴെ​ല്ലാം ഞാൻ അവരെ അഭിന​ന്ദി​ക്കാ​റുണ്ട്‌. അതു​കൊണ്ട്‌, ശിക്ഷണം കൊടു​ക്കു​മ്പോൾ അത്‌ സ്വീക​രി​ക്കാൻ അവർക്ക്‌ ബുദ്ധി​മുട്ട്‌ തോന്നാ​റില്ല.”—ക്രിസ്റ്റീൻ.

ബൈബിൾത​ത്ത്വം: “ഒരാൾ വിതയ്‌ക്കു​ന്ന​തു​തന്നെ കൊയ്യും.”—ഗലാത്യർ 6:7.

ന്യായ​ബോ​ധം കാണി​ക്കുക. കുട്ടി​യു​ടെ പ്രായ​വും കഴിവും തെറ്റിന്റെ ഗൗരവ​വും കണക്കി​ലെ​ടു​ത്തി​ട്ടു വേണം കുട്ടിയെ ശിക്ഷി​ക്കാൻ. തെറ്റിനു ചേരുന്ന രീതി​യി​ലുള്ള ശിക്ഷണ​മാ​യി​രി​ക്കും മിക്ക​പ്പോ​ഴും ഏറ്റവും ഗുണം ചെയ്യു​ന്നത്‌. ഉദാഹ​ര​ണ​ത്തിന്‌, ഫോൺ ദുരു​പ​യോ​ഗം ചെയ്യു​ക​യാ​ണെ​ങ്കിൽ കുറച്ച്‌ കാല​ത്തേക്ക്‌ ഫോൺ ഉപയോ​ഗി​ക്കാൻ ചില മാതാ​പി​താ​ക്കൾ അനുവ​ദി​ക്കി​ല്ലാ​യി​രി​ക്കും. അതേസ​മയം ചെറിയ കാര്യത്തെ വലിയ സംഭവ​മാ​ക്കി മാറ്റാ​നും പാടില്ല.

“എന്റെ കുട്ടി മനഃപൂർവം അനുസ​ര​ണ​ക്കേടു കാണി​ച്ച​താ​ണോ അതോ അറിയാ​തെ പറ്റി​പ്പോയ ഒരു തെറ്റാ​ണോ എന്ന കാര്യം ഉറപ്പാ​ക്കാൻ ഞാൻ ശ്രമി​ക്കാ​റുണ്ട്‌. ചില പ്രവണ​തകൾ പിഴു​തു​ക​ള​യേണ്ട ഗുരു​ത​ര​മായ സ്വഭാ​വ​വൈ​ക​ല്യ​മാ​യി​രി​ക്കും. മറ്റു ചിലത്‌ ചെറി​യൊ​രു പിശകാ​യി​രി​ക്കും. അത്‌ കുട്ടി​യു​ടെ ശ്രദ്ധയിൽപ്പെ​ടു​ത്തേണ്ട ആവശ്യമേ കാണൂ.”—വെൻഡൽ.

ബൈബിൾത​ത്ത്വം: “പിതാ​ക്ക​ന്മാ​രേ, നിങ്ങളു​ടെ മക്കളെ വെറുതേ ദേഷ്യം പിടി​പ്പി​ക്ക​രുത്‌, അവരുടെ മനസ്സി​ടി​ഞ്ഞു​പോ​കും.”—കൊ​ലോ​സ്യർ 3:21.

സ്‌നേഹം കാണി​ക്കുക. മാതാ​പി​താ​ക്കൾ മക്കൾക്ക്‌ ശിക്ഷണം കൊടു​ക്കു​ന്നത്‌ അവരോ​ടുള്ള സ്‌നേ​ഹം​കൊ​ണ്ടാ​ണെന്ന്‌ മക്കൾ മനസ്സി​ലാ​കു​ന്നെ​ങ്കിൽ അത്‌ സ്വീക​രി​ക്കാ​നും അനുസ​രി​ക്കാ​നും അവർക്ക്‌ എളുപ്പ​മാ​യി​രി​ക്കും.

“ഞങ്ങളുടെ മകനു ചില തെറ്റുകൾ പറ്റിയ​പ്പോൾ, മുമ്പ്‌ അവൻ എടുത്ത നല്ല തീരു​മാ​ന​ങ്ങ​ളെ​ക്കു​റിച്ച്‌ ഓർമി​പ്പി​ക്കു​ക​യും അവനെ അഭിന​ന്ദി​ക്കു​ക​യും ചെയ്‌തു. ആവശ്യ​മായ തിരു​ത്ത​ലു​കൾ വരുത്തി​യാൽ സത്‌പേര്‌ പോകി​ല്ലെ​ന്നും തിരു​ത്താൻ ഞങ്ങൾ അവനെ സഹായി​ക്കാ​മെ​ന്നും പറഞ്ഞു.”—ഡാനി​യേൽ.

ബൈബിൾത​ത്ത്വം: “സ്‌നേഹം ക്ഷമയും ദയയും ഉള്ളതാണ്‌.”—1 കൊരി​ന്ത്യർ 13:4.

അതിന്റെ അർഥം

ജീവി​ത​ത്തിൽ നിങ്ങൾ പിൻപ​റ്റുന്ന നിലവാ​ര​ങ്ങ​ളാണ്‌ മൂല്യങ്ങൾ. ഉദാഹ​ര​ണ​ത്തിന്‌, എല്ലാ കാര്യ​ത്തി​ലും സത്യസ​ന്ധ​രാ​യി​രി​ക്കാൻ നിങ്ങൾ പരി​ശ്ര​മി​ക്കു​ന്നു​ണ്ടോ? അങ്ങനെ​യാ​ണെ​ങ്കിൽ, സാധ്യ​ത​യ​നു​സ​രിച്ച്‌ ഇതേ ഗുണം മക്കളിൽ വളർത്തി​യെ​ടു​ക്കാ​നും നിങ്ങൾ ആഗ്രഹി​ക്കും.

കഠിനാ​ധ്വാ​നം ചെയ്യാ​നും ശരിയായ രീതി​യിൽ പെരു​മാ​റാ​നും മറ്റുള്ള​വ​രോ​ടു പരിഗണന കാണി​ക്കാ​നും നിങ്ങൾ മക്കളെ പഠിപ്പി​ക്കും. ഈ ഗുണങ്ങൾ വളർത്തി​യെ​ടു​ക്കാൻ ഏറ്റവും പറ്റിയ സമയം ചെറു​പ്പ​മാണ്‌.

ബൈബിൾത​ത്ത്വം: “ശരിയായ വഴിയിൽ നടക്കാൻ കുട്ടിയെ പരിശീ​ലി​പ്പി​ക്കുക; വയസ്സാ​യാ​ലും അവൻ അതു വിട്ടു​മാ​റില്ല.”—സുഭാ​ഷി​തങ്ങൾ 22:6.

അതിന്റെ പ്രാധാ​ന്യം

സാങ്കേ​തി​ക​യു​ഗ​ത്തിൽ മൂല്യ​ങ്ങൾക്ക്‌ വലിയ പ്രാധാ​ന്യ​മുണ്ട്‌. “മൊ​ബൈ​ലോ ടാബോ ഉപയോ​ഗിച്ച്‌ മോശ​മായ കാര്യങ്ങൾ എപ്പോൾ വേണ​മെ​ങ്കി​ലും കാണാ​നും കേൾക്കാ​നും കഴിയും. മക്കൾ നമ്മുടെ അടുത്താണ്‌ ഇരിക്കു​ന്ന​തെ​ങ്കി​ലും, അവർ കാണു​ന്നത്‌ എന്തെങ്കി​ലും മോശ​മായ കാര്യ​ങ്ങ​ളാ​യി​രി​ക്കാം” എന്ന്‌ ക്യാരൻ എന്ന്‌ പേരുള്ള ഒരു അമ്മ പറയുന്നു.

ബൈബിൾത​ത്ത്വം: ‘ശരിയും തെറ്റും വേർതി​രി​ച്ച​റി​യാ​നാ​യി തങ്ങളുടെ വിവേ​ച​നാ​പ്രാ​പ്‌തി​യെ ഉപയോ​ഗ​ത്തി​ലൂ​ടെ പരിശീ​ലി​പ്പി​ച്ച​വ​രാണ്‌ മുതിർന്നവർ.’—എബ്രായർ 5:14.

നല്ല പെരു​മാ​റ്റ​രീ​തി​ക​ളും പ്രധാ​ന​മാണ്‌. “ദയവായി,” “നന്ദി” എന്നൊക്കെ പറയു​ന്ന​തു​പോ​ലുള്ള, പെരു​മാ​റ്റ​ത്തിൽ കാണി​ക്കേണ്ട മര്യാദകളും മറ്റുള്ളവരോടുള്ള പരിഗ​ണ​ന​യും ഇതിൽ ഉൾപ്പെ​ടു​ന്നു. മറ്റുള്ള​വ​രോ​ടുള്ള പരിഗണന ഇന്നു കുറഞ്ഞു​വ​രു​ക​യാണ്‌. കാരണം, പൊതു​വെ ആളുകൾക്ക്‌ ഇന്ന്‌ മനുഷ്യ​രോ​ടു​ള്ള​തി​നെ​ക്കാൾ താത്‌പ​ര്യം ഇലക്‌​ട്രോ​ണിക്‌ ഉപകര​ണ​ങ്ങ​ളോ​ടാണ്‌.

ബൈബിൾത​ത്ത്വം: “മറ്റുള്ളവർ നിങ്ങൾക്കു ചെയ്‌തു​ത​ര​ണ​മെന്നു നിങ്ങൾ ആഗ്രഹി​ക്കു​ന്ന​തു​പോ​ലെ അവർക്കും ചെയ്‌തു​കൊ​ടു​ക്കുക.”—ലൂക്കോസ്‌ 6:31.

നിങ്ങൾക്ക്‌ ചെയ്യാ​നാ​കു​ന്നത്‌

മൂല്യങ്ങൾ വ്യക്തമാ​ക്കുക. ഉദാഹ​ര​ണ​ത്തിന്‌, വിവാ​ഹ​ത്തി​നു മുമ്പുള്ള ലൈം​ഗി​കത തെറ്റാ​ണെന്ന്‌ യുവ​പ്രാ​യ​ത്തി​ലു​ള്ള​വർക്ക്‌ വ്യക്തമാ​യി മനസ്സി​ലാ​ക്കി​ക്കൊ​ടു​ത്താൽ അവർ അതിൽനിന്ന്‌ ഒഴിഞ്ഞു​നിൽക്കാ​നുള്ള സാധ്യത കൂടു​ത​ലാണ്‌. അതാണ്‌ പഠനങ്ങൾ കാണി​ക്കു​ന്നത്‌.

നുറുങ്ങ്‌: മൂല്യ​ങ്ങ​ളെ​ക്കു​റിച്ച്‌ കുട്ടി​കളെ പഠിപ്പി​ക്കു​ന്ന​തിന്‌ അടുത്ത കാലത്ത്‌ നടന്ന എന്തെങ്കി​ലും സംഭവ​ത്തെ​ക്കു​റിച്ച്‌ പറയാം. ഉദാഹ​ര​ണ​ത്തിന്‌, ഏതെങ്കി​ലും ക്രൂര​കൃ​ത്യ​ത്തെ​ക്കു​റിച്ച്‌ ഒരു വാർത്ത വന്നിട്ടു​ണ്ടെ​ങ്കിൽ നിങ്ങൾക്ക്‌ ഇങ്ങനെ പറയാം: “ആളുകൾ ഈ വിധത്തി​ലൊ​ക്കെ ദേഷ്യം തീർക്കു​ന്നത്‌ എന്തൊരു കഷ്ടമാ​ണല്ലേ? എന്തു​കൊ​ണ്ടാ​യി​രി​ക്കും ആളുകൾ ഇങ്ങനെ ആയി​പ്പോ​യത്‌? മോന്‌/മോൾക്ക്‌ എന്ത്‌ തോന്നു​ന്നു?”

“ശരിയും തെറ്റും എന്താ​ണെന്ന്‌ കൃത്യ​മാ​യി അറിയി​ല്ലെ​ങ്കിൽ ശരി​യേ​താണ്‌ തെറ്റേ​താണ്‌ എന്നു മനസ്സി​ലാ​ക്കാൻ മക്കൾക്ക്‌ വളരെ പ്രയാ​സ​മാ​യി​രി​ക്കും.”—ബ്രാൻഡൻ.

മൂല്യങ്ങൾ പഠിപ്പി​ക്കുക. ചെറിയ കുട്ടി​കൾക്കു​പോ​ലും “ദയവായി,” “നന്ദി” എന്നൊക്കെ പറഞ്ഞു​കൊണ്ട്‌ മറ്റുള്ള​വ​രോട്‌ ആദരവ്‌ കാണി​ക്കാൻ കഴിയും. “തങ്ങൾ ഒരു വലിയ കൂട്ടത്തി​ന്റെ—കുടും​ബ​ത്തി​ന്റെ​യോ സ്‌കൂ​ളി​ന്റെ​യോ സമൂഹ​ത്തി​ന്റെ​യോ—ചെറി​യൊ​രു ഭാഗം മാത്ര​മാ​ണെന്ന കാര്യം എത്ര നന്നായി കുട്ടികൾ മനസ്സി​ലാ​ക്കു​ന്നു​വോ അവർ അത്ര കൂടുതൽ മറ്റുള്ള​വ​രോ​ടു ദയയോ​ടെ ഇടപെ​ടാ​നുള്ള സാധ്യ​ത​യുണ്ട്‌” എന്ന്‌ കുട്ടി​കളെ വളർത്തു​ന്ന​തി​നെ​ക്കു​റി​ച്ചുള്ള ഒരു പുസ്‌തകം പറയുന്നു.

നുറുങ്ങ്‌: മറ്റുള്ള​വർക്കു സേവനം ചെയ്യു​ന്ന​തി​ന്റെ മൂല്യം മക്കളെ പഠിപ്പി​ക്കാൻ അവർക്ക്‌ ചെറിയ വീട്ടു​ജോ​ലി​കൾ കൊടു​ക്കുക.

“വീട്ടു​ജോ​ലി​കൾ ചെയ്യാൻ നമ്മുടെ മക്കൾ ഇപ്പോൾത്തന്നെ പഠിക്കു​ന്നെ​ങ്കിൽ സ്വന്തമാ​യി ജീവി​ക്കാൻ തുടങ്ങു​മ്പോൾ അവർക്ക്‌ അതൊരു ഭാരമാ​കില്ല. ഉത്തരവാ​ദി​ത്വ​ങ്ങൾ നിർവ​ഹി​ക്കു​ന്നത്‌ അവരുടെ ജീവി​ത​ത്തി​ന്റെ ഭാഗമാ​യി​ത്തീർന്നി​രി​ക്കും.”—താര.

അതിന്റെ അർഥം

മാതൃ​കാ​പ​ര​മാ​യി ജീവി​ക്കുന്ന മാതാ​പി​താ​ക്കൾ അവർ പഠിപ്പി​ക്കു​ന്ന​തി​നു ചേർച്ച​യിൽ ജീവി​ക്കു​ന്ന​വ​രാ​യി​രി​ക്കും. ഉദാഹ​ര​ണ​ത്തിന്‌, നിങ്ങളെ കാണാൻ വന്ന ഒരാളെ ഒഴിവാ​ക്കു​ന്ന​തി​നു​വേണ്ടി “ഞാൻ വീട്ടി​ലി​ല്ലെന്ന്‌ പറഞ്ഞേക്ക്‌” എന്ന്‌ നിങ്ങൾ പറയു​ന്നത്‌ കുട്ടി കേൾക്കു​ന്നെ​ങ്കിൽ നിങ്ങളു​ടെ കുട്ടി സത്യസന്ധത കാണി​ക്കാ​നുള്ള സാധ്യത വളരെ കുറവാണ്‌.

“‘ഞാൻ ചെയ്യു​ന്നത്‌ നോക്കേണ്ട, പറയു​ന്നത്‌ ചെയ്‌താൽ മതി’ എന്നു ചിലർ പറയാ​റുണ്ട്‌. പക്ഷേ കുട്ടി​ക​ളു​ടെ കാര്യ​ത്തിൽ അത്‌ വില​പ്പോ​കില്ല. അവർ സ്‌പോ​ഞ്ചു​പോ​ലെ​യാണ്‌, നമ്മൾ പറയു​ന്ന​തും ചെയ്യു​ന്ന​തും എല്ലാം പിടി​ച്ചെ​ടു​ക്കും. നമ്മൾ പഠിപ്പി​ക്കു​ന്ന​തൊ​ന്നും ചെയ്യു​ന്നത്‌ വേറൊ​ന്നും ആയി​പ്പോ​യാൽ കുട്ടികൾ അത്‌ ചൂണ്ടി​ക്കാ​ണി​ക്കും.”—ഡേവിഡ്‌.

ബൈബിൾത​ത്ത്വം: ‘“മോഷ്ടി​ക്ക​രുത്‌” എന്നു പ്രസം​ഗി​ച്ചിട്ട്‌ നീതന്നെ മോഷ്ടി​ക്കു​ന്നോ?’—റോമർ 2:21.

അതിന്റെ പ്രാധാ​ന്യം

കുട്ടി​ക​ളെ​യും കൗമാ​ര​പ്രാ​യ​ത്തി​ലു​ള്ള​വ​രെ​യും ഏറ്റവും കൂടുതൽ സ്വാധീ​നി​ക്കു​ന്നത്‌ മാതാ​പി​താ​ക്ക​ളാണ്‌, അല്ലാതെ സമപ്രാ​യ​ക്കാ​രല്ല. അതു കാണി​ക്കു​ന്നത്‌, മക്കളെ ശരിയായ വഴിയേ നടത്താൻ ഏറ്റവും പറ്റിയ സ്ഥാനത്താ​യി​രി​ക്കു​ന്നത്‌ മാതാ​പി​താ​ക്ക​ളായ നിങ്ങളാണ്‌ എന്നാണ്‌. അതു​കൊണ്ട്‌ നിങ്ങൾ പറയു​ന്നത്‌ ചെയ്യു​ക​തന്നെ വേണം.

“ഒരു കാര്യം കുട്ടി​യോ​ടു പല തവണ പറയു​മ്പോൾ കുട്ടി അത്‌ ശ്രദ്ധി​ക്കു​ന്നു​ണ്ടോ എന്ന്‌ നമ്മൾ ചിന്തി​ച്ചേ​ക്കാം. എന്നാൽ നമ്മൾ അക്കാര്യം ഒരു തവണ​യെ​ങ്ങാ​നും ചെയ്യാ​തി​രു​ന്നാൽ കുട്ടി അപ്പോൾ അത്‌ ചൂണ്ടി​ക്കാ​ണി​ക്കും. നമ്മൾ ചെയ്യു​ന്ന​തെ​ല്ലാം കുട്ടികൾ ശ്രദ്ധി​ക്കു​ന്നുണ്ട്‌, അവർ ശ്രദ്ധി​ക്കു​ന്നി​ല്ലെന്നു നമ്മൾ വിചാ​രി​ച്ചാൽപ്പോ​ലും.”—നിക്കോൾ

ബൈബിൾത​ത്ത്വം: ‘ഉയരത്തിൽനി​ന്നുള്ള ജ്ഞാനം കാപട്യം ഇല്ലാത്ത​താണ്‌.’—യാക്കോബ്‌ 3:17.

നിങ്ങൾക്ക്‌ ചെയ്യാ​നാ​കു​ന്നത്‌

നിങ്ങളു​ടെ നിലവാ​രങ്ങൾ പരി​ശോ​ധി​ക്കുക. ഏതു തരത്തി​ലുള്ള വിനോ​ദ​പ​രി​പാ​ടി​ക​ളാണ്‌ നിങ്ങൾ കാണു​ന്നത്‌? ഇണയോ​ടും മക്കളോ​ടും നിങ്ങൾ എങ്ങനെ​യാണ്‌ പെരു​മാ​റു​ന്നത്‌? നിങ്ങളു​ടെ കൂട്ടു​കാർ ഏതു തരക്കാ​രാണ്‌? മറ്റുള്ള​വ​രെ​ക്കു​റിച്ച്‌ നിങ്ങൾക്ക്‌ ചിന്തയു​ണ്ടോ? ചുരു​ക്കി​പ്പ​റ​ഞ്ഞാൽ, നിങ്ങളു​ടെ മക്കൾ എങ്ങനെ​യാ​യി​ത്തീ​രാ​നാ​ണോ നിങ്ങൾ ആഗ്രഹി​ക്കു​ന്നത്‌, അങ്ങനെ​യുള്ള ഒരു വ്യക്തി​യാ​ണോ നിങ്ങൾ?

“ഞങ്ങൾ പിൻപ​റ്റാത്ത നിലവാ​രങ്ങൾ മക്കൾ പിൻപ​റ്റ​ണ​മെന്നു ഞാനും ഭർത്താ​വും പ്രതീ​ക്ഷി​ക്കാ​റില്ല.”—ക്രിസ്റ്റീൻ

തെറ്റു​പ​റ്റി​യാൽ ക്ഷമ ചോദി​ക്കുക. നിങ്ങൾക്കും തെറ്റു​പ​റ്റാ​മെന്ന കാര്യം നിങ്ങളു​ടെ കുട്ടി​കൾക്ക്‌ അറിയാം. നിങ്ങളു​ടെ ഇണയോ​ടും കുട്ടി​ക​ളോ​ടും “സോറി” പറയു​മ്പോൾ സത്യസ​ന്ധ​ത​യു​ടെ​യും താഴ്‌മ​യു​ടെ​യും ഒരു പാഠം നിങ്ങൾ മക്കളെ പഠിപ്പി​ക്കു​ക​യാ​യി​രി​ക്കും.

“നമുക്കു തെറ്റു​പ​റ്റി​യാൽ, അതു സമ്മതി​ക്കു​ന്ന​തും അതിനു ക്ഷമ ചോദി​ക്കു​ന്ന​തും നമ്മുടെ കുട്ടികൾ കേൾക്കണം. അങ്ങനെ​യ​ല്ലെ​ങ്കിൽ സ്വന്തം തെറ്റുകൾ മൂടി​വെ​ക്കാ​നേ അവർ പഠിക്കൂ.”—റോബിൻ.