ജോഷ്വ​യു​ടെ വിശ്വാ​സം—കുട്ടി​ക​ളു​ടെ അവകാ​ശ​ങ്ങൾക്ക്‌ ഒരു വിജയം

കാനഡയിലെ ഉണരുക! ലേഖകൻ

“പക്വത​യെ​ത്തിയ മൈനർ എന്ന ആശയഗതി അപ്പീൽക്കോ​ടതി തലത്തിൽ പരിഗ​ണ​നാ​വി​ധേ​യ​മാ​കു​ന്നത്‌ ഇത്‌ ആദ്യമാ​യി​രു​ന്നു. ന്യൂ ബ്രുൺസ്‌വി​ക്കി​ലുള്ള ഡോക്ടർമാർക്കും ആശുപ​ത്രി​കൾക്കും മാത്രമല്ല, ഒരുപക്ഷേ കാനഡ​യി​ലെ മററു പ്രദേ​ശ​ങ്ങ​ളി​ലു​മു​ള്ള​വർക്ക്‌ ഈ വിധി വ്യക്തമായ മാർഗ​രേ​ഖകൾ നൽകു​ന്നു​വെന്ന്‌ ചിലർ പറയുന്നു.”—കനേഡി​യൻ മെഡിക്കൽ അസ്സോ​സ്സി​യേഷൻ ജേണൽ.

ന്യൂ ബ്രുൺസ്‌വി​ക്ക്‌സി​ലുള്ള മൈനർമാ​രു​ടെ വൈദ്യ സമ്മത നിയമം ഉൾപ്പെട്ട ഒരു കേസി​നെ​യാണ്‌ മേൽപ്പറഞ്ഞ ജേണൽ പരാമർശി​ക്കു​ന്നത്‌. 16 വയസ്സിനു താഴെ പ്രായ​മുള്ള ഒരു മൈനറെ രണ്ടു ഡോക്ടർമാർ പക്വത​യു​ള്ള​വ​നാ​യി പ്രഖ്യാ​പി​ക്കു​ക​യും തന്റെ രോഗ​ത്തെ​ക്കു​റി​ച്ചും രോഗ​ത്തി​നു നിർദേ​ശി​ക്ക​പ്പെ​ടുന്ന ചികി​ത്സ​യെ​ക്കു​റി​ച്ചും അവനു ഗ്രാഹ്യ​മു​ണ്ടാ​യി​രി​ക്കു​ക​യും ചെയ്യു​ന്ന​പക്ഷം വൈദ്യ ചികിത്സ സ്വീക​രി​ക്കാ​നോ നിരസി​ക്കാ​നോ ഉള്ള നിയമാ​വ​കാ​ശം മുതിർന്ന ഏതൊ​രാ​ളെ​യും​പോ​ലെ അവനു​ണ്ടാ​യി​രി​ക്കു​മെന്ന്‌ ആ നിയമം പറയുന്നു. അക്യൂട്ട്‌ മൈയ​ലോ​യ്‌ഡ്‌ രക്താർബു​ദ​മു​ണ്ടാ​യി​രുന്ന 15 വയസ്സു​കാ​രൻ ജോഷ്വ വോ​ക്കെ​റി​നെ സംബന്ധിച്ച്‌ ന്യൂ ബ്രുൺസ്‌വിക്ക്‌ അപ്പീൽക്കോ​ട​തി​യി​ലെ ചീഫ്‌ ജസ്‌റ​റിസ്‌ ഡബ്ലിയു. എൽ. ഹൊയ്‌ററ്‌ ഇപ്രകാ​രം എഴുതി: “ജോഷ്വ​യ്‌ക്ക്‌ മതിയായ പക്വത​യു​ണ്ടെ​ന്നും പ്രസ്‌തുത സാഹച​ര്യ​ങ്ങ​ളിൽ നിർദേ​ശി​ക്ക​പ്പെ​ട്ടി​രി​ക്കുന്ന ചികിത്സ അവന്റെ അത്യുത്തമ താത്‌പ​ര്യ​പ്ര​കാ​ര​മു​ള്ള​തും തുടർന്നുള്ള ആരോ​ഗ്യ​ത്തി​നും ക്ഷേമത്തി​നും പററി​യ​താ​ണെ​ന്നു​മു​ള്ള​തിന്‌ ധാരാളം തെളി​വു​ക​ളുണ്ട്‌. . . . [പക്വത​യെ​ത്തിയ മൈന​റാ​യി പ്രഖ്യാ​പി​ക്ക​പ്പെ​ടു​ന്ന​തി​നുള്ള] അപേക്ഷ​യു​ടെ ആവശ്യ​മി​ല്ലാ​യി​രു​ന്നു എന്നാണ്‌ എന്റെ വീക്ഷണം.” കാനഡ​യി​ലെ പൊതു​നി​യമം “പക്വത​യെ​ത്തിയ മൈനർ എന്ന ആശയഗതി അംഗീ​ക​രി​ക്കു​ന്നതാ”യും ചീഫ്‌ ജസ്‌റ​റിസ്‌ ഹൊയ്‌ററ്‌ തന്റെ വിധി​യിൽ സൂചി​പ്പി​ച്ചു.

അപ്പീൽക്കോ​ട​തി​യു​ടെ ലിഖിത തീരു​മാ​നം “കാനഡ​യി​ലു​ട​നീ​ളം ഒരു മുഖ്യ കേസാ​യി​ത്തീ​രാൻ പോകുക”യാണെന്ന്‌ ജോഷ്വ​യു​ടെ അഭിഭാ​ഷ​ക​രിൽ ഒരാളായ ഡാനി​യേൽ പോൾ പറഞ്ഞു. എന്തു​കൊ​ണ്ടെ​ന്നാൽ അതൊരു അസാധാ​രണ കേസാ​യി​രു​ന്നു. സാധാരണ ഇരിക്കാ​റുള്ള മൂന്നു ജഡ്‌ജി​മാർക്കു പകരം അഞ്ചു ജഡ്‌ജി​മാ​രാണ്‌ അതിന്റെ വിചാ​ര​ണ​യ്‌ക്കി​രു​ന്നത്‌. “സുപ്ര​ധാന സാഹച​ര്യ​ങ്ങ​ളിൽ കോട​തി​യിൽ മുഴു ബഞ്ചും വിചാ​ര​ണ​യ്‌ക്കി​രി​ക്കും. കാനഡയെ സംബന്ധി​ച്ചി​ട​ത്തോ​ളം സുപ്ര​ധാ​ന​മായ ഒന്നായി അവർ ആ തീരു​മാ​നത്തെ കണക്കാ​ക്കി​ക്കാ​ണും,” പോൾ പറഞ്ഞു. കീഴ്‌വ​ഴക്കം സൃഷ്ടി​ക്കുന്ന ഈ വിധി പക്വത​യെ​ത്തിയ മൈനർമാ​രെ സ്വയം തീരു​മാ​ന​ങ്ങ​ളെ​ടു​ക്കാൻ സഹായി​ക്കു​ന്നു. “അത്‌ വീണ്ടും കോട​തി​യിൽ വരേണ്ട ഒരു കാര്യ​വു​മില്ല. അത്‌ മററു യുവജ​ന​ങ്ങൾക്ക്‌ വൻ നേട്ടം കൈവ​രു​ത്തി​യി​രി​ക്കു​ന്നു.” ഈ കോടതി വിജയ​ത്തി​ന്റെ വ്യാപ​ക​മായ മൂല്യം ഊന്നി​പ്പ​റ​ഞ്ഞു​കൊണ്ട്‌ പോൾ ഇപ്രകാ​രം പ്രഖ്യാ​പി​ച്ചു: “അത്‌ കുട്ടി​ക​ളു​ടെ, തങ്ങളുടെ ശരീരത്ത്‌ എന്തു ചെയ്യണ​മെന്നു തീരു​മാ​നി​ക്കാൻ കഴിവുള്ള ചെറു​പ്പ​ക്കാ​രായ സ്‌ത്രീ​പു​രു​ഷൻമാ​രു​ടെ, അവകാ​ശ​ങ്ങ​ളു​ടെ ഒരു വൻ സമർഥ​ന​മാണ്‌.”

“ഒരു ‘മൈനറി’ന്റെ വിജയം” എന്ന തലക്കെ​ട്ടിൻ കീഴിൽ ടെല​ഗ്രാഫ്‌ ജേണലി​ലെ ഒരു മുഖ​പ്ര​സം​ഗം ഇപ്രകാ​രം പറഞ്ഞു: “15 വയസ്സു​കാ​രൻ ജോഷ്വ വോ​ക്കെ​റിന്‌ വൈദ്യ​ചി​കിത്സ സമ്മതി​ക്കാ​നോ നിരസി​ക്കാ​നോ അവകാശം ഉണ്ടെന്നുള്ള ന്യൂ ബ്രുൺസ്‌വിക്ക്‌ അപ്പീൽക്കോ​ട​തി​യു​ടെ തീരു​മാ​നം യഹോ​വ​യു​ടെ സാക്ഷി​കൾക്കു മാത്രമല്ല, നമു​ക്കെ​ല്ലാ​മുള്ള ഒരു വിജയ​മാണ്‌. . . . ചില​പ്പോൾ ഒരു വ്യക്തി​യെ​ടു​ക്കുന്ന തീരു​മാ​നങ്ങൾ അംഗീ​ക​രി​ക്കാൻ സമൂഹ​ത്തി​നു വല്ലാത്ത വിഷമം തോന്നും, പ്രത്യേ​കിച്ച്‌ ഒരു യുവാ​വി​ന്റെ ജീവൻ അപകട​ത്തി​ലാ​യി​രി​ക്കു​മ്പോൾ. എന്നാൽ പൗരൻമാ​രു​ടെ ശരീര​ങ്ങ​ളെ​യും മനസ്സു​ക​ളെ​യും പതിവാ​യി അതി​ക്ര​മി​ക്കുന്ന ഒരു സമൂഹത്തെ അംഗീ​ക​രി​ക്കുക അതിലും പ്രയാ​സ​മാണ്‌. നമ്മെ അതിൽനി​ന്നു സംരക്ഷി​ക്കാൻ ജോഷ്വ വോക്കെർ അവന്റെ പങ്കു നിർവ​ഹി​ച്ചി​രി​ക്കു​ന്നു.”

ധീരയായ ഒരു ഡോക്ടർ

രോഗാ​രം​ഭം​മു​തൽ ജോഷ്വ​യു​ടെ രോഗ​നിർണ​യ​വും ചികി​ത്സ​യു​മെ​ല്ലാം നടത്തി​യത്‌ ഡോ. മേരി ഫ്രാൻസെസ്‌ സ്‌കലി ആയിരു​ന്നു. രക്തശാ​സ്‌ത്ര​ത്തി​ലും കുട്ടി​ക​ളി​ലു​ണ്ടാ​കുന്ന അധിമാം​സ​വ​ളർച്ച​യെ​ക്കു​റി​ച്ചുള്ള ശാസ്‌ത്ര​ത്തി​ലും അവർ വിദഗ്‌ധ​യാണ്‌. കുട്ടി​ക​ളി​ലെ കാൻസർ രോഗ​നിർണ​യ​വും ചികി​ത്സ​യും അവരുടെ ജോലി​യിൽ ഉൾപ്പെ​ടു​ന്നു.

ജോഷ്വ​യു​ടേ​തു​പോ​ലുള്ള രക്താർബു​ദ​ത്തിന്‌ സാധാ​ര​ണ​മാ​യുള്ള ചികിത്സ കീമോ​തെ​റാ​പ്പി​യും രക്തപ്പകർച്ച​ക​ളു​മാണ്‌. ജോഷ്വ​യു​ടെ കുടും​ബം യഹോ​വ​യു​ടെ സാക്ഷി​ക​ളാണ്‌. തിരു​വെ​ഴു​ത്തു​പ​ര​മായ കാരണ​ങ്ങ​ളാൽ അവർ രക്തപ്പകർച്ചകൾ നിരസി​ക്കു​ന്നു. ക്രിസ്‌ത്യാ​നി​ക​ളോ​ടുള്ള ദിവ്യ കൽപ്പന ഇതാണ്‌: “വിഗ്ര​ഹ​മാ​ലി​ന്യ​ങ്ങൾ, പരസംഗം, ശ്വാസം​മു​ട്ടി​ച്ച​ത്തതു, രക്തം എന്നിവ വർജ്ജി”ക്കുക. (പ്രവൃ​ത്തി​കൾ 15:20, 29) ‘രക്തം വർജി​ക്കുക’ എന്നുള്ള യഹോ​വ​യു​ടെ നിയമ​ത്തോ​ടു പററി​നിൽക്കു​മെന്നു ജോഷ്വ തുടക്കം മുതലേ ദൃഢതീ​രു​മാ​ന​മെ​ടു​ത്തി​രു​ന്നു.

ഇക്കാര്യ​ത്തിൽ ജോഷ്വ “ഒട്ടും വിട്ടു​വീഴ്‌ച കാണി​ച്ചി​ല്ലെ”ന്ന്‌ ഡോ. സ്‌കലി ആശുപ​ത്രി ചാർട്ടിൽ സൂചി​പ്പി​ച്ചു. മുതിർന്ന​വ​രി​ലു​ണ്ടാ​കുന്ന മുഴകൾ ചികി​ത്സി​ക്കുന്ന ആശുപ​ത്രി​യി​ലെ ചികി​ത്സാ​വി​ഭാ​ഗ​ത്തി​ന്റെ തലവൻ ഡോ. ഡോലൻ ജോഷ്വ​യോ​ടു നേരിട്ടു സംസാ​രി​ച്ചു. അദ്ദേഹ​വും ഡോ. സ്‌കലി​യും ജോഷ്വ പക്വത​യെ​ത്തിയ ഒരു മൈന​റാ​ണെന്ന നിഗമ​ന​ത്തി​ലെത്തി. വോ​ക്കേ​ഴ്‌സി​ന്റെ കുടുംബ ഡോക്ട​റായ ഡോ. ലൊർഡ​നും ജോഷ്വ​യെ പക്വത​യെ​ത്തിയ ഒരു മൈന​റാ​യി വീക്ഷിച്ചു. രണ്ടു ഡോക്ടർമാർക്കു പകരം മൂന്നു പേർ ജോഷ്വ​യെ പക്വത​യെ​ത്തിയ മൈന​റാ​യി പ്രഖ്യാ​പിച്ച സ്ഥിതിക്ക്‌ അവന്‌ മൈനർമാ​രു​ടെ വൈദ്യ​സമ്മത നിയമം അനുസ​രിച്ച്‌ ചികിത്സ തിര​ഞ്ഞെ​ടു​ക്കാൻ വേണ്ടതി​ല​ധി​കം യോഗ്യ​ത​യു​ണ്ടാ​യി​രു​ന്നു. ഒരു കേസി​ന്റെ​യും ആവശ്യ​മി​ല്ലാ​യി​രു​ന്നു.

നിർഭാ​ഗ്യ​ക​ര​മെന്നു പറയട്ടെ, സാഹച​ര്യം ആ നിലയിൽത്തന്നെ തുടർന്നില്ല. ആശുപ​ത്രി​യ​ധി​കാ​രി​കൾ ജോഷ്വ​യെ പക്വത​യെ​ത്തിയ ഒരു മൈന​റാ​യി വീക്ഷി​ച്ചെ​ങ്കി​ലും സ്വസം​ര​ക്ഷ​ണ​ത്തി​നാ​യി ഒരു നീതി​ന്യാ​യ തീരു​മാ​ന​ത്താൽ ഈ സംഗതി ഉറപ്പാ​ക്കി​ക്കി​ട്ടാൻ അവർ ആഗ്രഹി​ച്ചു. നീണ്ടതും പരി​ശോ​ധ​നാ​ക​ര​വു​മായ കോടതി അന്വേ​ഷണം നടന്നു. ഫലമോ, ജോഷ്വ​യ്‌ക്ക്‌ ചികിത്സ നിരസി​ക്കാ​നുള്ള അവകാ​ശ​മി​ല്ലെന്ന വിധി​യും. ഉടൻതന്നെ ഈ തീരു​മാ​നം സംബന്ധിച്ച്‌ മേൽക്കോ​ട​തിക്ക്‌ അപ്പീൽ സമർപ്പി​ക്ക​പ്പെട്ടു, പ്രാരംഭ ഖണ്ഡിക​യിൽ പരാമർശിച്ച ഫലങ്ങ​ളോ​ടെ.

ജോഷ്വ മനസ്സു മാററി സമ്മതി​ക്കാ​ത്ത​പക്ഷം ഒരു സാഹച​ര്യ​ത്തി​ലും താൻ അവന്‌ രക്തം കൊടു​ക്കു​ക​യി​ല്ലെ​ന്നുള്ള തീരു​മാ​ന​ത്തോ​ടു ഡോ. സ്‌കലി ജോഷ്വ​യു​ടെ അഗ്നിപ​രീ​ക്ഷ​യി​ലു​ട​നീ​ളം പററി​നി​ന്നു. അവരുടെ നിലപാ​ടു റിപ്പോർട്ടു ചെയ്യവേ കനേഡി​യൻ മെഡിക്കൽ അസ്സോ​സ്സി​യേഷൻ ജേണൽ അവർ ഇങ്ങനെ പറയു​ന്ന​താ​യി ഉദ്ധരിച്ചു: “ഇതരമാർഗ​മി​ല്ലാ​തെ ജോഷ്വ​യും കുടും​ബ​വും ആകെ വിഷമിച്ച്‌ സ്ഥലം വിടു​മ​ല്ലോ എന്നതാ​യി​രു​ന്നു എന്റെ ഏററവും വലിയ ചിന്ത.” ലേഖനം ഇപ്രകാ​രം തുടരു​ന്നു: “തങ്ങൾ [ജോഷ്വ​യെ] ചികി​ത്സി​ക്കു​ന്നതു പാടെ നിരസി​ക്കു​മാ​യി​രു​ന്നെന്ന്‌ മററു ഡോക്ടർമാർ പിന്നീട്‌ അവരോ​ടു പറയു​ക​യു​ണ്ടാ​യി. എന്നാൽ അങ്ങനെ​യൊ​രു ചിന്തയേ അവരുടെ മനസ്സി​ലൂ​ടെ കടന്നു​പോ​യി​ട്ടില്ല.” അവരുടെ ന്യായ​യു​ക്ത​വും അന്തസ്സു​റ​റ​തു​മായ നിലപാട്‌ ജോഷ്വ​യ്‌ക്കും കുടും​ബ​ത്തി​നും വളരെ പ്രോ​ത്സാ​ഹ​ജ​ന​ക​മാ​യി​രു​ന്നു.

ജോഷ്വ ജീവനെ സ്‌നേ​ഹി​ച്ചു, കരളലി​യി​ച്ചു

ജോഷ്വ വോക്കെർ ജീവനെ സ്‌നേ​ഹി​ച്ചു; അവൻ മരിക്കാ​നാ​ഗ്ര​ഹി​ച്ചില്ല. അവൻ മരിച്ചു​പോ​കാൻ അവന്റെ കുടും​ബ​വും ആഗ്രഹി​ച്ചില്ല. അവൻ സുഖം പ്രാപിച്ച്‌ തുടർന്നു ജീവി​ക്കു​മെ​ന്നാണ്‌ പല രാജ്യ​ങ്ങ​ളി​ലെ​യും അവന്റെ ആത്മീയ സഹോ​ദ​ര​ങ്ങ​ളായ യഹോ​വ​യു​ടെ സാക്ഷി​ക​ളും പ്രത്യാ​ശി​ച്ചത്‌. തന്റെ സ്ഥിതി മനസ്സി​ലാ​ക്കാൻ ജോഷ്വ ഒരുക്ക​മു​ള്ള​വ​നാ​യി​രു​ന്നു; പുനരു​ത്ഥാ​ന​ത്തിൽ താൻ തിരികെ വരു​മെന്ന്‌ ദൈവ​ത്തി​ലുള്ള അവന്റെ വിശ്വാ​സം അവനെ ബോധ്യ​പ്പെ​ടു​ത്തി. യേശു​വി​ന്റെ ഈ വാക്കു​ക​ളിൽ അവൻ പിന്തുണ കണ്ടെത്തി: “കല്ലറക​ളിൽ ഉള്ളവർ എല്ലാവ​രും അവന്റെ [ദൈവ​പു​ത്രന്റെ] ശബ്ദം കേട്ടു . . . പുനരു​ത്ഥാ​നം ചെയ്‌വാ​നുള്ള നാഴിക വരുന്നു.”—യോഹ​ന്നാൻ 5:25, 28, 29.

അവന്‌ അനേക സ്ഥലങ്ങളിൽനി​ന്നു പിന്തുണ ലഭിച്ചു. ഈവനിങ്‌ ടൈംസ്‌ ഗ്ലോബ്‌ ഇപ്രകാ​രം പറഞ്ഞു: “തങ്ങൾ ജോഷ്വ​യെ അവഗണി​ക്കു​കയല്ല ചെയ്യു​ന്ന​തെന്നു മാതാ​പി​താ​ക്കൾ രണ്ടു​പേ​രും കഴിഞ്ഞ​ദി​വസം ഊന്നി​പ്പ​റഞ്ഞു. രക്തം കൂടാതെ സാധ്യ​മായ ഏററവും നല്ല വൈദ്യ ചികിത്സ ലഭിക്കാൻവേ​ണ്ടി​യാണ്‌ അവർ അവനെ മേഖലാ ആശുപ​ത്രി​യി​ലേക്കു (Regional Hospital) കൊണ്ടു​വ​ന്നത്‌. ‘അവൻ മരിക്കു​ന്ന​താ​യി​രു​ന്നു ഞങ്ങൾക്കി​ഷ്ട​മെ​ങ്കിൽ ഞങ്ങൾ അവനെ വീട്ടിൽത്തന്നെ ഇട്ടേക്കു​മാ​യി​രു​ന്നു,’ പിതാവ്‌ ന്യായ​വാ​ദം ചെയ്‌തു. ‘ജോഷ്‌ മരിച്ചു​പോ​കാൻ ഞങ്ങൾ ആഗ്രഹി​ക്കു​ന്നില്ല. അവന്റെ ജീവൻ നിലനിർത്താ​നാ​യി വൈദ്യ​പ​ര​മാ​യി വേണ്ട​തെ​ല്ലാം ഞങ്ങൾ ചെയ്‌തു​കൊ​ണ്ടാ​ണി​രി​ക്കു​ന്നത്‌. തങ്ങളുടെ പ്രിയ​പ്പെട്ട ഒരാൾക്കു​വേണ്ടി ഏതൊ​രാ​ളും ചെയ്യു​ന്നത്‌ അതാണ്‌. അവൻ മരിക്കു​ന്നതു നോക്കി​നിൽക്കാ​നല്ല ഞങ്ങൾ ഇവിടെ വന്നിരി​ക്കു​ന്നത്‌. അവന്‌ പുറത്തി​റങ്ങി നടക്കാ​നും വീണ്ടും തീവണ്ടി കളിക്കാ​നും യോഗ​ങ്ങൾക്കാ​യി രാജ്യ​ഹാ​ളി​ലേ​ക്കും സേവന​ത്തി​നു​വേ​ണ്ടി​യും വീണ്ടും പോകാ​നും ഒരുപക്ഷേ വീണ്ടും ബാസ്‌ക​റ​റ്‌ബോൾ കളിക്കാ​നും തക്കവണ്ണം കുട്ടി​യു​ടെ ആരോ​ഗ്യം മെച്ച​പ്പെട്ടു കിട്ടാൻ വേണ്ടി​യാ​ണു ഞങ്ങൾ ഇവിടെ വന്നിരി​ക്കു​ന്നത്‌.’”

അവന്റെ കുടും​ബം വാസ്‌ത​വ​മാ​യും അവനു​വേണ്ടി അവി​ടെ​ത്തന്നെ ഉണ്ടായി​രു​ന്നു. ഒരു പത്രം അത്‌ ഇപ്രകാ​രം സൂചി​പ്പി​ച്ചു: “കുടും​ബാം​ഗ​ങ്ങ​ളിൽ ഓരോ​രു​ത്തർ മാറി​മാ​റി ജോഷ്വ​യു​ടെ അടുത്തു നിൽക്കു​മ്പോൾ മററു​ള്ളവർ അടുത്തുള്ള ശാന്തമായ ഒരു ചെറിയ മുറി​യിൽ തിങ്ങി​ക്കൂ​ടു​മാ​യി​രു​ന്നു. അവരിൽ ചിലർ അപ്പോ​ഴും ഗൗണുകൾ ധരിച്ചി​രു​ന്നു; കഴുത്തിൽ മാസ്‌കു​കൾ തൂങ്ങി​ക്കി​ട​ക്കു​ന്ന​തും കാണാ​മാ​യി​രു​ന്നു. മാർച്ച്‌ 31-ന്‌ ജോഷ്വ ആദ്യമാ​യി ആശുപ​ത്രി​യിൽ വന്നപ്പോൾമു​തൽ ഞങ്ങൾ ഇതേ കാഴ്‌ച കാണു​ന്ന​താണ്‌. ഗൗണോ മാസ്‌ക്കോ ധരിച്ച ഒരു കുടും​ബാം​ഗ​മെ​ങ്കി​ലു​മി​ല്ലാ​തെ അവൻ ആശുപ​ത്രി മുറി​യിൽ ഈ മൂന്നാ​ഴ്‌ച​യിൽ ഒരു നിമിഷം പോലും ചെലവ​ഴി​ച്ചി​ട്ടില്ല. . . . തങ്ങളുടെ ഏററവും ഇളയ മകൻ കിടക്കു​ന്ന​തി​ന​ടു​ത്തു​ത​ന്നെ​യുള്ള കട്ടിലിൽക്കി​ട​ന്നു​റ​ങ്ങി​ക്കൊണ്ട്‌ മാതാ​പി​താ​ക്കൾ ഇരുവ​രും മിക്ക​പ്പോ​ഴും ജോഷ്വ​യോ​ടൊ​പ്പം രാത്രി​കാ​ലം മുഴുവൻ ചെലവ​ഴി​ച്ചു. [അമ്മ പറഞ്ഞു,] ‘ഇവിടെ ഞങ്ങളുടെ ആവശ്യ​മുണ്ട്‌. ജോഷി​നു​വേ​ണ്ടി​യോ എന്റെ കുട്ടി​ക​ളിൽ മററാർക്കും​വേ​ണ്ടി​യോ ഞാൻ എന്തും ചെയ്യും.’ ‘വേണ്ടി​വ​ന്നാൽ ഞാൻ വാഹനങ്ങൾ പാർക്കു ചെയ്യു​ന്നി​ടത്ത്‌ പുറത്തി​രി​ക്കും,’ പിതാവ്‌ പറഞ്ഞു.”

ഉള്ളറി​യി​ക്ക​ലും സംഭാ​ഷ​ണ​ങ്ങ​ളും

വൈകു​ന്നേ​ര​ങ്ങ​ളിൽ മാതാ​വോ പിതാ​വോ അവനോ​ടൊ​പ്പ​മു​ണ്ടാ​യി​രു​ന്ന​പ്പോൾ ഉററ സംഭാ​ഷ​ണങ്ങൾ നടന്നി​രു​ന്നു. ഒരു രാത്രി​യിൽ അവൻ പറഞ്ഞു: “മമ്മീ, ദയവായി ഇതെഴു​തി​വെ​ക്കുക. നിങ്ങൾക്ക്‌ എന്തെങ്കി​ലും സംഭവി​ക്കു​ന്ന​പക്ഷം യഹോ​വ​യോ​ടു നിർമലത പാലി​ക്കാൻ കഴിയ​ത്ത​ക്ക​വണ്ണം നിങ്ങൾ കുട്ടി​ക​ളെ​ല്ലാ​വ​രും ദയവായി യഹോ​വ​യോട്‌ അടുത്തു ചെല്ലുക. ആരോ​ഗ്യം മെച്ച​പ്പെ​ടു​മ്പോൾ ഞാൻ യഹോ​വ​യു​ടെ നാമ പ്രഖ്യാ​പ​ന​ത്തിൽ കൂടുതൽ ചെയ്‌തു​കൊ​ള്ളാ​മെന്നു വാഗ്‌ദാ​നം ചെയ്യുന്നു. നല്ല ആരോ​ഗ്യ​മുള്ള കുട്ടി​ക​ളായ നിങ്ങൾ കഴിയു​മെ​ങ്കിൽ കൂടുതൽ ചെയ്യുക.”

ആശുപ​ത്രി​യി​ലാ​യി​രി​ക്കെ ഒരു രാത്രി ജോഷ്‌ പറഞ്ഞു: “മമ്മീ, കുളി​മു​റി​യി​ലും ഡാഡി​യു​ടെ അടു​ത്തേ​ക്കും ഒക്കെ മമ്മി പോകു​മ്പോൾ പലതവ​ണ​യാ​യി ഡോക്ടർമാർ അകത്തു​വന്നു പറയുന്നു: ‘ജോഷ്‌, നിനക്കു രക്തപ്പകർച്ച ആവശ്യ​മാണ്‌. അതി​ല്ലെ​ങ്കിൽ നീ മരിച്ചു​പോ​കും. ഞങ്ങൾ നിന്നെ സഹായി​ക്കാൻ ആഗ്രഹി​ക്കു​ന്നു.’ ‘അങ്ങനെ​യെ​ങ്കിൽ ദയവായി രക്തം സംബന്ധിച്ച എന്റെ ആഗ്രഹ​ങ്ങളെ മാനി​ക്കുക’ എന്ന്‌ ഞാൻ മറുപടി പറയു​ക​യും ചെയ്യും. എനിക്കു നിർബ​ന്ധി​ച്ചു രക്തം തരാൻ ശ്രമിച്ച ഒരു ഡോക്ട​റോ​ടു ഞാൻ പറഞ്ഞു: ‘എനിക്കു ഭ്രാന്താ​ണെന്നു നിങ്ങൾ വിചാ​രി​ക്കു​മാ​യി​രി​ക്കാം. എന്നാൽ എനിക്കു സകല ചിന്താ​പ്രാ​പ്‌തി​ക​ളു​മുണ്ട്‌. രക്തം സംബന്ധിച്ച യഹോ​വ​യു​ടെ നിയമ​മ​നു​സ​രി​ച്ചു ഞാൻ ജീവി​ക്കാ​നാ​ഗ്ര​ഹി​ക്കു​ന്നു​വെന്നു മാത്രം. നമുക്ക്‌ ഏററവും നല്ലത്‌ എന്തെന്ന്‌ അവനറി​യാം. ജീവന്റെ പവിത്രത ആദരി​ക്കു​ന്ന​താണ്‌ എന്നെ സംബന്ധി​ച്ചി​ട​ത്തോ​ളം ഏററവും നല്ല സംഗതി. മരിച്ചു​പോ​കു​ന്നെ​ങ്കിൽ ഞാൻ വീണ്ടും ജീവി​ക്കും.’”

ശിശു​രോ​ഗ​ചി​കി​ത്സ​യു​ടെ തലവൻ ഡോ. ഗാരി ജോഷി​ന്റെ മാതാ​പി​താ​ക്ക​ളോട്‌ ഇപ്രകാ​രം പറഞ്ഞു: “ജോഷി​നെ​ക്കു​റിച്ച്‌ അഭിമാ​നം കൊള്ളുക. അവന്റെ വിശ്വാ​സം പോ​ലെ​യൊന്ന്‌ ഞാൻ എന്റെ ജീവി​ത​ത്തിൽ ഇതുവരെ കണ്ടിട്ടില്ല.” അദ്ദേഹം അവരെ രണ്ടു​പേ​രെ​യും പുണർന്നു​കൊണ്ട്‌ ഇപ്രകാ​രം പറഞ്ഞു: “നിങ്ങ​ളൊ​രു ധീരകു​ടും​ബ​മാണ്‌.”

ജോഷി​ന്റെ അവസ്ഥ സംബന്ധിച്ച്‌ കുടും​ബ​ത്തി​നു കുറെ ദുർവാർത്തകൾ ലഭിച്ച ആശുപ​ത്രി​യി​ലെ ഒരു വൈകു​ന്നേരം. അവന്റെ സഹോ​ദരൻ ജെഫും സഹോ​ദരി ജാനി​സും അവന്റെ​യ​ടു​ത്തു​ണ്ടാ​യി​രു​ന്നു. ജെഫ്‌ കരയു​ക​യാ​യി​രു​ന്നു, ജോഷ്‌ അവനോട്‌ ഇപ്രകാ​രം പറഞ്ഞു: “ജെഫ്‌റി, നീ കരയാ​തി​രി​ക്കൂ. എങ്ങനെ​നോ​ക്കി​യാ​ലും ഞാനൊ​രു വിജയി​യാണ്‌. എന്നെ​യോർത്തു വിഷമി​ക്കാ​തി​രി​ക്കൂ.” അവൻ പറഞ്ഞതി​ന്റെ അർഥം ഇതായി​രു​ന്നു: രോഗ​ത്തിൽനി​ന്നു സുഖം പ്രാപി​ച്ചാൽ അവനൊ​രു വിജയി; ഇനി അങ്ങനെ സംഭവി​ച്ചി​ല്ലെ​ങ്കിൽത്ത​ന്നെ​യും മരിച്ച്‌ പറുദീ​സാ ഭൂമി​യി​ലേക്കു പുനരു​ത്ഥാ​നം ചെയ്യ​പ്പെ​ടു​മ്പോൾ, അപ്പോ​ഴും നിസ്സം​ശ​യ​മാ​യും അവനൊ​രു വിജയി​തന്നെ!

അസ്ഥിമജ്ജ മാററി​വ​യ്‌ക്കു​ന്ന​തി​നെ​ക്കു​റി​ച്ചു സംസാ​ര​മു​ണ്ടാ​യ​പ്പോൾ അതു കൊടു​ക്കാൻ ആദ്യം മുന്നോ​ട്ടു വന്നത്‌ അവന്റെ സഹോ​ദരൻ ജെറി​യാ​യി​രു​ന്നു. മുമ്പ്‌, അവന്റെ സഹോ​ദ​ര​ങ്ങ​ളായ ജോണും ജോയും കിടക്കാൻപോ​കുന്ന സമയത്ത്‌ ജോഷി​നെ ചുംബി​ക്കുക പതിവാ​യി​രു​ന്നു. അവന്‌ 13 വയസ്സു കഴിഞ്ഞ​പ്പോൾ അവനതി​നുള്ള പ്രായം കഴി​ഞ്ഞെന്ന്‌ അമ്മയെ​ക്കൊണ്ട്‌ അവൻ അവരോ​ടു പറയി​പ്പി​ച്ചു. എന്നാൽ അവൻ രോഗി​യാ​യ​തി​നു​ശേഷം, അവന്‌ 15 വയസ്സു​ണ്ടാ​യി​രു​ന്നെ​ങ്കി​ലും അവർ അവനെ വീണ്ടും കെട്ടി​പ്പി​ടി​ക്കാ​നും അവനോ​ടൊ​പ്പ​മി​രു​ന്നു പ്രാർഥി​ക്കാ​നും തുടങ്ങി​യ​പ്പോൾ, ഇപ്പോൾ അതു സാരമി​ല്ലെന്ന്‌ ജോഷ്‌ അമ്മയോ​ടു പറഞ്ഞു. അവർ അപ്പോ​ഴും അവനെ സ്‌നേ​ഹി​ച്ചി​രു​ന്നു​വെന്ന്‌ അതു കാണിച്ചു.

സമൂഹ​ത്തി​ന്റെ പിന്തുണ

സമൂഹ​ത്തി​ന്റെ പിന്തുണ അത്യധി​ക​വും വ്യാപ​ക​വു​മാ​യി​രു​ന്നെന്ന്‌ ജോഷ്വ​യു​ടെ മാതാ​പി​താ​ക്ക​ളായ ജെറി​യും സാന്ദ്ര​യും പറയുന്നു. 1994 മേയിൽ ഒരു പത്രം ഇപ്രകാ​രം പറഞ്ഞു: “ജോഷ്വ​യ്‌ക്ക്‌ ഒരു ദിവസം ശരാശരി 20 കാർഡ്‌ ലഭിക്കു​ന്നുണ്ട്‌. റൊമാ​നി​യ​യും മെക്‌സി​ക്കോ​യും പോ​ലെ​യുള്ള വിദൂ​ര​സ്ഥ​ല​ങ്ങ​ളിൽനി​ന്നു​പോ​ലു​മാണ്‌ അവ വന്നിരി​ക്കു​ന്നത്‌. ആൽബെർട്ട​യും വാഷി​ങ്‌ട​ണും പോലുള്ള വിദൂ​ര​സ്ഥ​ല​ങ്ങ​ളിൽനി​ന്നുള്ള ഫോൺ, ഫാക്‌സ്‌ സന്ദേശ​ങ്ങ​ളും ആശുപ​ത്രി​യിൽ അവനു ലഭിച്ചി​ട്ടുണ്ട്‌. ഇതൊ​ന്നും പോരാ​ഞ്ഞിട്ട്‌, ഏതാണ്ട്‌ അര ഡസൻ പഴക്കൊ​ട്ട​ക​ളും ഡസൻ കണക്കിനു പൂക്കളും അവന്‌ അയച്ചു​കൊ​ടു​ത്തി​രി​ക്കു​ന്നു. . . . അവന്റെ ആരോ​ഗ്യം . . . മെച്ച​പ്പെ​ട്ട​പ്പോൾ നഴ്‌സു​മാർ അവന്റെ ബഹുമാ​നാർഥം ഹവായി ലൂവൗ വിരു​ന്നി​നു​വേണ്ടി ആഘോ​ഷ​പൂർവം ക്രമീ​ക​രണം ചെയ്‌തു. അവർ ചപ്പുച​വ​റു​ക​ളി​ടുന്ന ബാഗു​കൾകൊണ്ട്‌ പുൽപ്പാ​വാ​ടകൾ ഉണ്ടാക്കി അവന്റെ മുറി​യിൽ ഹൂല നൃത്തം ചവിട്ടി. ‘അവൻ ഭയങ്കര ചിരി​യാ​യി​രു​ന്നു, അവൻ കരയാൻ പോകു​ക​യാ​ണെ​ന്നാ​ണു ഞാൻ വിചാ​രി​ച്ചത്‌,’ സാന്ദ്ര പറഞ്ഞു.”

ജോഷി​ന്റെ പിതാവ്‌ ജെറി രസകര​മായ ചില നുറു​ങ്ങു​കൾകൂ​ടി നിരത്തി: “സ്‌കൂ​ളി​ലെ എല്ലാ കുട്ടി​ക​ളെ​യും ആശുപ​ത്രി മുറി​യി​ലേക്കു വരാന​നു​വ​ദി​ക്കാൻ ഞങ്ങൾക്കു കഴിഞ്ഞില്ല. അതു​കൊണ്ട്‌ പ്രിൻസി​പ്പൽ വന്ന്‌ ജോഷി​നെ സംബന്ധിച്ച റിപ്പോർട്ടു​കൾ ശേഖരി​ക്കു​മാ​യി​രു​ന്നു. തീവണ്ടി​പ്പാ​ത​യു​ടെ 1,000 ഭാഗങ്ങ​ളുള്ള ഒരു പദപ്ര​ശ്‌നം വിദ്യാർഥി​കൾ ജോഷിന്‌ അയച്ചു​കൊ​ടു​ത്തു—തീവണ്ടി​കൾ എന്നു പറഞ്ഞാൽ ജോഷി​നു ഭ്രമമാ​യി​രു​ന്നു. ചില ചെലവു​ക​ളിൽ അവനെ സഹായി​ക്ക​ത്ത​ക്ക​വണ്ണം ഫണ്ടു പിരി​ക്കാ​നാ​യി ഒരു നൃത്ത​മേളം ക്രമീ​ക​രി​ക്കാൻ പൊലീ​സു​കാർ ആഗ്രഹി​ച്ചു. എന്നാൽ ആ പദ്ധതിക്കു ഞങ്ങൾ സമ്മതി​ച്ചില്ല. സ്‌കൂ​ളി​ലെ സാമൂ​ഹ്യ​പാഠ ക്ലാസ്സിൽ ആളുക​ളു​ടെ അവകാ​ശ​ങ്ങ​ളെ​ക്കു​റി​ച്ചു പഠിപ്പി​ച്ച​പ്പോൾ തന്റെ വികാ​രങ്ങൾ വിശദ​മാ​ക്കി​ക്കൊണ്ട്‌ ആ വിഷയ​ത്തിൽ ഒരു പ്രസംഗം തയ്യാറാ​ക്കി​ക്കൊ​ടു​ക്ക​ണ​മെന്നു പറഞ്ഞ്‌ ആ ക്ലാസ്സിലെ കുട്ടി​ക​ളെ​ല്ലാ​വ​രും ജോഷിന്‌ എഴുതി.”

ഈ സമയ​ത്തെ​ല്ലാം പത്രവി​വ​രണം പ്രാതി​ഭാ​സി​ക​മാ​യി​രു​ന്നു. പല ദിനപ്പ​ത്ര​ങ്ങ​ളു​ടെ​യും ആദ്യ പേജു​ക​ളിൽ ചിത്ര​ങ്ങ​ളോ​ടു​കൂ​ടി റിപ്പോർട്ടു​കൾ വന്നു. ജോഷ്വ​യു​ടെ ആരോ​ഗ്യം സംബന്ധിച്ച അതാതു സമയത്തെ വാർത്തകൾ സ്‌കൂൾ പ്രിൻസി​പ്പൽമാർ കൈമാ​റി. സുഖം പ്രാപി​ച്ചു​വ​രു​മ്പോൾ പ്രസം​ഗി​ക്കു​ന്ന​തി​നുള്ള ക്ഷണങ്ങൾ അവനു ലഭിച്ചു. കേസിന്റെ വിശദാം​ശങ്ങൾ സംബന്ധിച്ച്‌ സ്‌കൂ​ളു​കൾ യോഗങ്ങൾ നടത്തി.

“രോഗം ബാധിച്ച്‌ ജോഷ്വ​യു​ടെ ജീവൻ ഭീഷണി​യി​ലാ​യ​പ്പോൾ നിങ്ങൾക്ക്‌ അവനിൽ വലിയ മാററം വല്ലതും കാണാൻ കഴിഞ്ഞോ?” ഉണരുക! ചോദി​ച്ചു. ജോഷി​ന്റെ പിതാവ്‌ ജെറി ഇപ്രകാ​രം അഭി​പ്രാ​യം പറഞ്ഞു: “അവനിൽ വലിയ മാററം തന്നെയു​ണ്ടാ​യി, അതും ഏതാ​ണ്ടൊ​രൊ​ററ രാത്രി​കൊണ്ട്‌. മുമ്പൊ​ക്കെ ജോഷ്‌ ഒരു തണുപ്പൻ, അശ്രദ്ധൻ പയ്യനാ​യി​രു​ന്നു. 15 വയസ്സു​കാർക്ക്‌ സാധാരണ ആവശ്യ​മുള്ള ബുദ്ധ്യു​പ​ദേ​ശ​മൊ​ക്കെ ചില​പ്പോൾ അവന്‌ ആവശ്യ​മാ​യി​രു​ന്നു. ഞാൻ അത്ഭുത​ത്തോ​ടെ അവനെ നോക്കി​യി​രു​ന്നു​പോ​യി​ട്ടുണ്ട്‌. ഏതാ​ണ്ടൊ​രൊ​ററ രാത്രി​കൊണ്ട്‌ അവൻ വളർന്ന​തു​പോ​ലെ​യുണ്ട്‌. ഒരു വൈകു​ന്നേരം അവന്റെ വക്കീലിന്‌ അവനോ​ടു സംസാ​രി​ക്ക​ണ​മെന്നു പറഞ്ഞു. മുറി​വി​ടാൻ ജോഷ്വ എന്നോടു പറഞ്ഞു. ഒരുനാൾ ക്ലാസ്സ്‌ കോമാ​ളി​യാ​യി​രു​ന്നവൻ പെട്ടെന്നു പക്വമതി, അഭിഭാ​ഷ​ക​രോ​ടും ജഡ്‌ജി​മാ​രോ​ടു​മൊ​ക്കെ സംസാ​രി​ക്കു​ന്നു. ഹൃദയ​ത്തി​ന്റെ ആഴത്തിൽ ഉണ്ടെന്ന്‌ ഒരിക്ക​ലും സംശയം​പോ​ലും തോന്നാത്ത കാര്യ​ങ്ങ​ളാണ്‌ വിഷമ​ഘ​ട്ട​ത്തിൽ പുറത്തു വരുന്നത്‌.”

ഡോ. സ്‌കലി ജോഷ്വ​യെ ഇപ്രകാ​രം ഭംഗി​യാ​യി പ്രശം​സി​ച്ചു. അവർ അവന്റെ അമ്മയോട്‌ ഇപ്രകാ​രം പറഞ്ഞു: “ഞാൻ ഇതുവരെ ചികി​ത്സി​ച്ചി​ട്ടു​ള്ള​തിൽവെച്ച്‌ ഏററവും സൗഹാർദ​മ​ന​സ്‌ക​നാണ്‌ ഇവൻ. ഞാൻ കണ്ടിട്ടു​ള്ള​തിൽവെച്ച്‌ ഏററവും പരിഗ​ണ​ന​യും മര്യാ​ദ​യും അനുക​മ്പ​യു​മു​ള്ള​വ​നും. അവൻ ആൾ വളരെ ധീരനാണ്‌. ഈ പയ്യനെ ഞങ്ങൾ ഒരിക്ക​ലും മറക്കില്ല. അവൻ വളരെ സ്‌നേ​ഹ​മ​തി​യാണ്‌. ശ്രീമതി വോക്കെർ, നിങ്ങൾക്ക്‌ അവനെ​ക്കു​റി​ച്ചു വളരെ​യ​ധി​കം അഭിമാ​നം കൊള്ളാം.”

ഏതാനും ആഴ്‌ച​കൾക്കു​ള്ളിൽ രക്താർബു​ദ​ത്തി​നു വ്യതി​യാ​നം സംഭവി​ച്ചു. രോഗ​ശാ​ന്തി​യു​ടെ ഹ്രസ്വ കാലഘ​ട്ടങ്ങൾ പൊയ്‌പോ​യി; കാൻസർ തിരി​ച്ചെത്തി. ജോഷ്‌ ഇനി അധികം​നാൾ ജീവി​ച്ചി​രി​ക്കാൻ സാധ്യ​ത​യി​ല്ലെന്ന്‌—ചില​പ്പോൾ ആഴ്‌ച​ക​ളോ, സാധ്യ​ത​യ​നു​സ​രിച്ച്‌ ഏതാനും മാസങ്ങ​ളോ മാത്രമേ ജീവി​ച്ചി​രി​ക്കു​ക​യു​ള്ളൂ​വെന്ന്‌—ഡോ. സ്‌കലി കുടും​ബ​ത്തോ​ടു പറഞ്ഞു. കാൻസർ തിരി​ച്ചെ​ത്തി​യി​ട്ടു​ണ്ടെ​ന്നും അതി​നോ​ടകം അത്‌ വയററി​ലേ​ക്കും വ്യാപി​ച്ചി​രി​ക്കു​മെ​ന്നും പിറേറ ദിവസം വൈകു​ന്നേരം ഡോ. സ്‌കലി മാതാ​പി​താ​ക്ക​ളു​ടെ സാന്നി​ധ്യ​ത്തിൽ ജോഷ്വ​യോ​ടു പറഞ്ഞു. ജോഷ്വ ഇപ്രകാ​രം പറഞ്ഞു: “ഓ, ഇല്ല, അത്‌ തിരി​ച്ചെ​ത്തി​യി​ട്ടില്ല—നിങ്ങൾക്കു​റ​പ്പാ​ണോ?” ഡോ. സ്‌കലി പറഞ്ഞു: “ജോഷ്‌, നിന്റെ രക്തപരി​ശോ​ധ​ന​യു​ടെ ഫലം അത്ര നല്ലതല്ല.” അതുക​ഴി​ഞ്ഞ​യു​ടനെ ജെറി മുറി​യിൽനി​ന്നു പോയി, പുറകെ ഡോ. സ്‌കലി​യും.

സമാധാ​നം കണ്ടെത്തുന്ന രണ്ടു വിങ്ങുന്ന ഹൃദയങ്ങൾ

ജോഷ്വ​യു​ടെ അമ്മ രംഗം ഇപ്രകാ​രം വിശദ​മാ​ക്കു​ന്നു: “അവിടം ശാന്തമാ​യി​രു​ന്നു. ഞാൻ അവന്റെ കട്ടിലി​ന​രി​ക​ത്തേക്ക്‌ ഒരു കസേര വലിച്ചി​ട്ടി​രു​ന്നിട്ട്‌ അവന്റെ കയ്യിൽ പിടിച്ചു. ഡോക്ടർ പറഞ്ഞതു കേട്ട്‌ അവന്‌ വിഷമ​മോ നിരാ​ശ​യോ തോന്നു​ന്നു​ണ്ടോ എന്ന്‌ ഞാൻ അവനോ​ടു ചോദി​ച്ചു. അവൻ ഇങ്ങനെ മറുപടി പറഞ്ഞു: ‘ഇത്ര പെട്ടെന്ന്‌ മരിച്ച്‌ ഇവിടം​വി​ട്ടു പോകു​ന്ന​തി​നെ​ക്കു​റിച്ച്‌ ഞാൻ ചിന്തി​ച്ചി​രു​ന്നില്ല. പക്ഷേ, മമ്മീ, വിഷമി​ക്കേണ്ട. എനിക്കു മരിക്കാൻ ഭയമൊ​ന്നു​മില്ല, മരണ​ത്തെ​ക്കു​റി​ച്ചും ഇല്ല ഭയം. ഞാൻ മരിക്കു​മ്പോൾ മമ്മി എന്നോ​ടൊ​പ്പം കാണു​മോ? മരിക്കു​മ്പോൾ ഞാൻ ഒററയ്‌ക്കാ​യി​രി​ക്കാ​നാ​ഗ്ര​ഹി​ക്കു​ന്നില്ല.’ ഞാൻ കരഞ്ഞു​കൊണ്ട്‌ അവനെ കെട്ടി​പ്പി​ടി​ച്ചു. അവനും കരഞ്ഞു, എന്നിട്ടു പറഞ്ഞു: ‘മമ്മീ, ഞാൻ യഹോ​വ​യു​ടെ കൈക​ളി​ലാണ്‌.’ അതു​കൊണ്ട്‌, ‘നിങ്ങൾക്ക്‌ എന്നെ പുനരു​ത്ഥാ​ന​ത്തിൽ തിരികെ സ്വാഗതം ചെയ്യാൻ കഴിയ​ത്ത​ക്ക​വണ്ണം നിങ്ങ​ളെ​ല്ലാ​വ​രും സത്യത്തിൽ നിലനിൽക്ക​ണ​മെ​ന്നാണ്‌ എന്റെ ആഗ്രഹം. മമ്മീ, എനിക്കി​തു നല്ല ഉറപ്പോ​ടെ പറയാൻ കഴിയും: യഹോ​വ​യെന്നെ തീർച്ച​യാ​യും പുനരു​ത്ഥാ​ന​ത്തിൽ തിരി​കെ​കൊ​ണ്ടു​വ​രാൻ പോകു​ക​യാ​ണെന്ന്‌ എനിക്ക​റി​യാം. അവൻ എന്റെ ഹൃദയം വായി​ച്ചി​രി​ക്കു​ന്നു, ഞാൻ അവനെ യഥാർഥ​ത്തിൽ സ്‌നേ​ഹി​ക്കു​ന്നു.’

“ഞാൻ വീണ്ടും കരയാൻ തുടങ്ങി. ഞങ്ങൾ അവനെ എത്രമാ​ത്രം സ്‌നേ​ഹി​ച്ചു​വെ​ന്നും 16 വർഷമാ​യി അവൻ ഞങ്ങളോ​ടു കൂടെ​യു​ണ്ടാ​യി​രു​ന്ന​തിൽ ഞങ്ങൾ അവനെ​ക്കു​റിച്ച്‌ എത്ര അഭിമാ​ന​മു​ള്ള​വ​രാ​യി​രു​ന്നു​വെ​ന്നും—ഏററവു​മു​പ​രി​യാ​യി, യഹോവ അംഗീ​കാ​ര​ത്തോ​ടെ അവനെ നോക്കി എങ്ങനെ പുഞ്ചിരി തൂകി​യെ​ന്നും—ഞാൻ അവനോ​ടു പറഞ്ഞു. അവൻ പറഞ്ഞു, ‘മമ്മീ, എനിക്ക​റി​യാം.’ ഞാൻ അവനോ​ടു പറഞ്ഞു: ‘നീ മരണത്തിൽ ഞങ്ങളെ വിട്ടു​പോ​കാൻ പോകു​ന്നു​വെ​ന്നുള്ള വസ്‌തു​ത​യ്‌ക്കു കീഴട​ങ്ങാൻ ഞാൻ ഇഷ്ടപ്പെ​ടാ​ത്ത​തു​പോ​ലെ തന്നെ നീ ജീവി​ച്ചി​രി​ക്കാൻ ആഗ്രഹി​ക്കു​ന്ന​തും ഞങ്ങളുടെ ഭാഗത്തെ കേവലം സ്വാർഥ​ത​യാ​യി​രി​ക്കും.’ അവൻ പറഞ്ഞു: ‘മമ്മീ, എനിക്ക​റി​യാം, യഥാർഥ​ത്തിൽ ഞാൻ മല്ലിട്ടു മടുത്തു.’”

നിയമ​പ​ര​മായ ഫലങ്ങൾ

ജോഷ്വ​യു​ടെ അഭിഭാ​ഷ​ക​രിൽ ഒരാളായ ഡാനി​യേൽ പോളും മററ്‌ അറേറാർണി​മാ​രും ജോഷ്വ വോ​ക്കെ​റി​ന്റെ കേസ്‌ ഉന്നയിച്ച ചോദ്യ​ങ്ങൾ കൈകാ​ര്യം ചെയ്‌തു. മൈനർമാ​രു​ടെ വൈദ്യ സമ്മത നിയമ​പ്ര​കാ​രം പക്വത​യെ​ത്തിയ ഒരു മൈനർ ആരാണ്‌? ചികി​ത്സ​യ്‌ക്കുള്ള സമ്മതത്തിൽ അതു നിരസി​ക്കാ​നുള്ള അവകാശം ഉൾപ്പെ​ടു​ന്നു​ണ്ടോ? സ്വയം വേണ്ടും​വി​ധ​ത്തിൽ പ്രവർത്തി​ക്കാൻ കഴിവി​ല്ലാ​ത്ത​വർക്കു​വേണ്ടി ഗവൺമെൻറു പ്രവർത്തി​ക്കുന്ന പാരെൻസ്‌ പാട്രി​യൈ വാദം ഇവിടെ ബാധക​മാ​ണോ? തന്റെ ശരീരത്ത്‌ എന്തു ചെയ്യണ​മെന്നു തീരു​മാ​നി​ക്കാൻ വ്യക്തി​കൾക്കു നിയമാ​വ​കാ​ശ​മു​ണ്ടോ? അവന്റെ ശാരീ​രിക നിർമ​ല​തയെ അതി​ക്ര​മി​ക്കാ​മോ? കാനഡ​യി​ലെ പൊതു​നി​യമം സംബന്ധി​ച്ചെന്ത്‌? അത്‌ ഈ കേസിൽ ബാധക​മാ​ണോ? അവസാ​ന​മാ​യി, ജോഷ്വ വോ​ക്കെ​റി​ന്റെ കേസ്‌ കോട​തി​യിൽ വരേണ്ട​കാ​ര്യം തന്നെയു​ണ്ടാ​യി​രു​ന്നോ?

അപ്പീൽക്കോ​ട​തി​യു​ടെ ലിഖിത വിധി ഈ ചോദ്യ​ങ്ങൾക്കൊ​ക്കെ പരിഹാ​ര​മാ​യോ? ഉവ്വ്‌, ആയി. വിചാരണ കഴിഞ്ഞ​പ്പോൾ അഞ്ചു ജഡ്‌ജി​ക്കോ​ടതി പിരി​ഞ്ഞു​പോ​കു​ക​യും പിന്നീട്‌ കോട​തി​മു​റി​യി​ലേക്കു മടങ്ങി​വന്ന്‌ ജഡ്‌ജി​മാ​രു​ടെ ഐകക​ണ്‌ഠ്യേ​ന​യുള്ള തീരു​മാ​നം വാമൊ​ഴി​യാ​യി ഇപ്രകാ​രം നൽകു​ക​യും ചെയ്‌തു:

“അപ്പീൽ സ്വീക​രി​ച്ചി​രി​ക്കു​ന്നു. [കീഴ്‌ക്കോ​ടതി ജഡ്‌ജി] ററൺബുൾ, ജെ.യുടെ വിധി തള്ളിയി​രി​ക്കു​ന്നു. മൈനർമാ​രു​ടെ വൈദ്യ സമ്മത നിയമ​ത്തി​ന്റെ വ്യവസ്ഥ​ക​ള​നു​സ​രിച്ച്‌ ജോഷ്വ വോക്കെർ പക്വത​യെ​ത്തിയ ഒരു മൈന​റാ​യി പ്രഖ്യാ​പി​ക്ക​പ്പെ​ട്ടി​രി​ക്കു​ന്നു. അവന്റെ ചികിത്സ സംബന്ധിച്ച്‌ മാതാ​പി​താ​ക്ക​ളു​ടെ സമ്മതം വേണ്ട. വ്യവഹാ​ര​ച്ചെ​ല​വി​ന്റെ പ്രശ്‌നം ഞങ്ങളുടെ ലിഖിത വിധി​യിൽ ചർച്ച​ചെ​യ്യ​പ്പെ​ടു​ന്ന​താ​യി​രി​ക്കും.”

ഈ കേസിൽ കാനഡ​യി​ലെ പൊതു​നി​യമം ബാധക​മാ​ണോ? അതേ. വിചാ​ര​ണ​യു​ടെ അച്ചടിച്ച രേഖ ഇപ്രകാ​രം പ്രസ്‌താ​വി​ക്കു​ന്നു: “പക്വത​യെ​ത്തിയ മൈനർ—അതായത്‌, നിർദേ​ശി​ക്ക​പ്പെട്ട ചികി​ത്സ​യു​ടെ സ്വഭാ​വ​വും പരിണ​ത​ഫ​ല​ങ്ങ​ളും മനസ്സി​ലാ​ക്കാൻ പ്രാപ്‌ത​നായ ഒരുവൻ—എന്ന ആശയഗതി കാനഡ​യി​ലെ പൊതു​നി​യമം അംഗീ​ക​രി​ക്കു​ന്നു. . . . മൈനർമാ​രു​ടെ വൈദ്യ സമ്മത നിയമ​ത്തിൽ വിശദ​മാ​ക്ക​പ്പെ​ട​ത്ത​ക്ക​വണ്ണം ന്യൂ ബ്രുൺസ്‌വിക്ക്‌ പൊതു​നി​യ​മത്തെ അത്ര​ത്തോ​ളം ക്രോ​ഡീ​ക​രി​ച്ചി​രി​ക്കു​ന്നു.”

അവസാ​ന​മാ​യി, രക്തപ്പകർച്ചകൾ നിരസി​ക്കാൻ ജോഷ്വ​യെ നിയമ​പ​ര​മാ​യി പ്രാപ്‌ത​നാ​ക്കി​ത്തീർക്കാൻ തക്കവണ്ണം അവന്റെ കേസ്‌ കോട​തി​യിൽ ചെല്ലേ​ണ്ട​തു​ണ്ടാ​യി​രു​ന്നോ? ഇല്ല. “നിയമ​ത്തി​ന്റെ വ്യവസ്ഥ​ക​ള​നു​സ​രി​ച്ചു പ്രവർത്തി​ക്കു​ന്നി​ട​ത്തോ​ളം കാലം അങ്ങനെ​യൊ​രു അപേക്ഷ​യു​ടെ ആവശ്യ​മില്ല.”

ചീഫ്‌ ജസ്‌റ​റിസ്‌ ഡബ്ലിയു. എൽ. ഹൊയ്‌ററ്‌ ഇപ്രകാ​രം നിഗമനം ചെയ്‌തു: “ഉത്തമവി​ശ്വാ​സ​ത്തോ​ടെ​യും വളരെ ജാഗ്ര​ത​യോ​ടെ​യും ആണ്‌ അപേക്ഷ നൽകി​യത്‌. എന്നിരു​ന്നാ​ലും, അപേക്ഷ​യു​ടെ ഫലമായി ജോഷ്വ​യെ​യും കുടും​ബ​ത്തെ​യും അനാവ​ശ്യ​മായ വ്യവഹാ​ര​ങ്ങ​ളിൽ ഉൾപ്പെ​ടു​ത്തി. അക്കാര​ണ​ത്താൽ, ആശുപ​ത്രി​യിൽനി​ന്നു വ്യവഹാ​ര​ച്ചെ​ലവു ലഭിക്കാ​നുള്ള അവകാശം എന്റെ കാഴ്‌ച​പ്പാ​ടിൽ അവർക്കുണ്ട്‌.”

ജോഷ്വ 1994, ഒക്‌ടോ​ബർ 4-ന്‌ മരിച്ചു.

[12-ാം പേജിലെ ആകർഷ​ക​വാ​ക്യം]

“ഡോക്ടർമാർക്കും ആശുപ​ത്രി​കൾക്കും . . . വിധി വ്യക്തമായ മാർഗ​രേ​ഖകൾ നൽകുന്നു.”—കനേഡി​യൻ മെഡിക്കൽ അസ്സോ​സ്സി​യേഷൻ ജേണൽ

[13-ാം പേജിലെ ആകർഷ​ക​വാ​ക്യം]

“യഹോ​വ​യു​ടെ സാക്ഷി​കൾക്കു മാത്രമല്ല, നമു​ക്കെ​ല്ലാ​മുള്ള ഒരു വിജയ​മാണ്‌.”—ടെല​ഗ്രാഫ്‌ ജേണൽ

[14-ാം പേജിലെ ആകർഷ​ക​വാ​ക്യം]

“രക്തം സംബന്ധിച്ച യഹോ​വ​യു​ടെ നിയമ​മ​നു​സ​രി​ച്ചു ഞാൻ ജീവി​ക്കാ​നാ​ഗ്ര​ഹി​ക്കു​ന്നു​വെന്നു മാത്രം.”—ജോഷ്വ വോക്കെർ

[15-ാം പേജിലെ ആകർഷ​ക​വാ​ക്യം]

“അവന്റെ വിശ്വാ​സം പോ​ലെ​യൊന്ന്‌ ഞാൻ എന്റെ ജീവി​ത​ത്തിൽ ഇതുവരെ കണ്ടിട്ടില്ല.”—ഡോ. ഗാരി