ഞാൻ എങ്ങനെയുള്ളവനായിരിക്കണം?

1. പ്രതിഫലമായ്‌ ഞാൻ എന്തേകിടുവാൻ

എൻ ജീവനുവേണ്ടി പ്രിയനാം ദൈവമേ?

നിന്റെ വചന ദർപ്പണം നോക്കിടുമ്പോൾ

വ്യക്തമായെന്നെ കാണുവാൻ സഹായിക്ക.

എൻ ജീവിതമോ ഞാൻ ഏകും നിനക്കായ്‌;

ചെയ്യില്ലൊന്നുമേ ഞാൻ കടമമാത്രമായ്‌.

മുഴുദേഹിയോടെ എന്നും സേവിക്കും.

മോദിപ്പിക്കട്ടെ നിന്റെ ഹൃത്തം ഞാൻ.

2. ശോധനചെയ്യാൻ നീ സഹായിക്കണേ,

എന്നും നിന്റെ മാർഗെ ജീവിച്ചിടുവാനായ്‌.

വിശ്വസ്‌തരെ നീ വിശ്വസ്‌തം കാക്കുമെന്നും.

ഞാനും ഏകുന്നു ആമോദം നിന്റെ ഹൃത്തിൽ.