ലൈം​ഗികബന്ധത്തിനു നിർബ​ന്ധി​ച്ചാൽ?

നിങ്ങൾ എന്തു ചെയ്‌തേനേ?

ഈ രംഗ​മൊ​ന്നു സങ്കൽപ്പി​ക്കുക: ഹർഷ, ജിത്തു​വി​നെ പരിച​യ​പ്പെ​ട്ടിട്ട്‌ വെറും രണ്ടു മാസം ആകുന്നതേ ഉള്ളൂ. പക്ഷേ, അവർ തമ്മിൽ വളരെ​ക്കാ​ലത്തെ പരിചയം ഉള്ളതാ​യി​ട്ടാ​ണു ഹർഷയ്‌ക്കു തോന്നു​ന്നത്‌. എപ്പോ​ഴും മെസേ​ജു​കൾ! മണിക്കൂ​റു​കൾ നീളുന്ന ഫോൺ സംഭാ​ഷ​ണങ്ങൾ! എന്തിന്‌, ഒരാൾ എന്തെങ്കി​ലും പറഞ്ഞു​തു​ട​ങ്ങി​യാൽ ആ വാചകം പൂർത്തി​യാ​ക്കാൻപോ​ലും മറ്റേയാൾക്കു കഴിയു​ന്നു! പക്ഷേ, ജിത്തു​വിന്‌ ഇപ്പോൾ സംസാരം മാത്രം പോരാ എന്നായി​രി​ക്കു​ന്നു.

തമ്മിൽ പരിച​യ​പ്പെ​ട്ട​തിൽപ്പി​ന്നെ അവർ കൈ​കോർത്തു​പി​ടി​ക്കു​ക​യും വല്ലപ്പോ​ഴും ചെറു​താ​യി ചുംബി​ക്കു​ക​യും ചെയ്‌തി​ട്ടുണ്ട്‌. അതിന്‌ അപ്പുറ​ത്തേക്കു പോകാൻ ഹർഷ ആഗ്രഹി​ക്കു​ന്നില്ല. പക്ഷേ, അവൾക്കു ജിത്തു​വി​നെ വിട്ടു​ക​ള​യാ​നും തോന്നു​ന്നില്ല. കാരണം ഇന്നുവരെ ജിത്തു മാത്രമേ, തനിക്ക്‌ എന്തൊ​ക്കെ​യോ പ്രത്യേ​ക​ത​ക​ളു​ണ്ടെ​ന്നും താൻ ഒരു സുന്ദരി​യാ​ണെ​ന്നും തോന്നാൻ ഇടയാ​ക്കി​യി​ട്ടു​ള്ളൂ. ‘അതെ, ജിത്തു​വും ഞാനും പ്രണയ​ത്തി​ലാണ്‌ . . . ’ അവൾ സ്വയം പറഞ്ഞു.

പ്രേമി​ക്കു​ന്ന​യാ​ളോ​ടൊ​പ്പം സമയം ചെലവ​ഴി​ക്കാൻ നിങ്ങൾക്കു പ്രായ​മാ​യെന്നു കരുതുക. ഹർഷയു​ടെ അതേ സാഹച​ര്യം നിങ്ങൾക്കു​ണ്ടാ​യാൽ, നിങ്ങൾ എന്തു ചെയ്യും?

ഒരു നിമിഷം ചിന്തി​ക്കുക!

ഗുരു​ത്വാ​കർഷണം പോലുള്ള ഒരു നിയമം ലംഘി​ച്ചാൽ അതിന്റെ ഫലം നിങ്ങൾ അനുഭ​വി​ക്കേ​ണ്ടി​വ​രും. “സകലവിധ ലൈം​ഗിക ദുർന​ട​പ്പിൽനി​ന്നും അകന്നി​രി​ക്കണം” എന്നതു​പോ​ലുള്ള ഒരു നിയമം ലംഘി​ച്ചാ​ലും ഫലം അതുത​ന്നെ​യാ​യി​രി​ക്കും.—1 തെസ്സ​ലോ​നി​ക്യർ 4:3, വിശുദ്ധ സത്യവേദ പുസ്‌തകം, മോഡേൺ മലയാളം വേർഷൻ (MMV).

ആ കല്‌പന ലംഘി​ച്ചാൽ എന്തായി​രി​ക്കും സംഭവി​ക്കുക? ബൈബിൾ പറയുന്നു: “പരസം​ഗം​ചെ​യ്യു​ന്നവൻ സ്വന്തശ​രീ​ര​ത്തി​നു വിരോ​ധ​മാ​യി പാപം ചെയ്യുന്നു.” (1 കൊരി​ന്ത്യർ 6:18) ഇതു ശരിയാ​ണോ?

വിവാ​ഹ​ത്തി​നു മുമ്പ്‌ ലൈം​ഗി​ക​ബ​ന്ധ​ത്തിൽ ഏർപ്പെ​ട്ടി​ട്ടുള്ള അനേകം യുവജ​നങ്ങൾ, പിൻവ​രുന്ന അനന്തര​ഫ​ല​ങ്ങ​ളിൽ ഒന്നോ അതില​ധി​ക​മോ അനുഭ​വി​ക്കു​ന്ന​താ​യി ഗവേഷകർ കണ്ടെത്തി​യി​ട്ടുണ്ട്‌.

• ഹൃദയ​വേ​ദന. വിവാ​ഹ​ത്തി​നു മുമ്പ്‌ ലൈം​ഗി​ക​ബ​ന്ധ​ത്തി​ലേർപ്പെട്ട മിക്ക യുവജ​ന​ങ്ങൾക്കും പിന്നീട്‌ അതിൽ വിഷമം തോന്നി​യി​ട്ടു​ണ്ടെ​ന്നാ​ണു പറയു​ന്നത്‌.

• സംശയം. ലൈം​ഗി​ക​ബ​ന്ധ​ത്തി​ലേർപ്പെ​ട്ട​തി​നു ശേഷം, രണ്ടു​പേ​രും ഇങ്ങനെ ചിന്തി​ച്ചേ​ക്കാം, ‘ഇവൾ/ഇവൻ ഇതിനു മുമ്പും മറ്റൊ​രാ​ളു​മാ​യി ലൈം​ഗി​ക​ബ​ന്ധ​ത്തി​ലേർപ്പെ​ട്ടി​ട്ടു​ണ്ടാ​കി​ല്ലേ?’

• അതൃപ്‌തി. ഉള്ളിന്റെ ഉള്ളിൽ മിക്ക പെൺകു​ട്ടി​ക​ളും ആഗ്രഹി​ക്കു​ന്നതു തന്നെ സംരക്ഷി​ക്കുന്ന ഒരാ​ളെ​യാണ്‌, അല്ലാതെ മുത​ലെ​ടു​ക്കു​ന്ന​വ​നെയല്ല. തങ്ങളുടെ ആഗ്രഹ​ങ്ങൾക്കു വഴങ്ങിത്തന്ന പെൺകു​ട്ടി​യോ​ടു പിന്നീടു മുമ്പത്തെ അത്രയും ആകർഷണം തോന്നാ​റില്ല എന്നാണു മിക്ക ആൺകു​ട്ടി​ക​ളു​ടെ​യും അഭി​പ്രാ​യം.

• ചുരു​ക്ക​ത്തിൽ: വിവാ​ഹ​ത്തി​നു മുമ്പേ ലൈം​ഗി​ക​ബ​ന്ധ​ത്തി​ലേർപ്പെ​ട്ടാൽ അമൂല്യ​മായ ഒന്നു കളഞ്ഞു​കു​ളി​ച്ചു​കൊണ്ട്‌ നിങ്ങൾതന്നെ നിങ്ങളു​ടെ വില കളയു​ക​യാണ്‌. (റോമർ 1:24) ഓർക്കുക, ആർക്കെ​ങ്കി​ലു​മൊ​ക്കെ കാഴ്‌ച​വെ​ക്കാ​നു​ള്ളതല്ല നിങ്ങളു​ടെ ശരീരം, അതു വില​പ്പെ​ട്ട​താണ്‌!

‘ലൈം​ഗിക ദുർന​ട​പ്പിൽനിന്ന്‌ അകന്നി​രി​ക്കാൻ’ ശേഷി​യുള്ള കരുത്തുറ്റ വ്യക്തി​ത്വ​ത്തിന്‌ ഉടമയാ​ണു നിങ്ങൾ എന്നു തെളി​യി​ക്കുക. (1 തെസ്സ​ലോ​നി​ക്യർ 4:3, MMV) നിങ്ങൾ വിവാഹം കഴിക്കു​ക​യാ​ണെ​ങ്കിൽ, അപ്പോൾ നിങ്ങൾക്കു ലൈം​ഗി​ക​ബന്ധം ആസ്വദി​ക്കാം; വിവാ​ഹ​ത്തി​നു മുമ്പുള്ള ലൈം​ഗി​ക​ത​യു​ടെ ഫലമായ ആകുല​ത​യോ ഖേദമോ ഭയമോ ഒന്നുമി​ല്ലാ​തെ, അത്‌ അപ്പോൾ നന്നായി ആസ്വദി​ക്കാം.—സദൃശ​വാ​ക്യ​ങ്ങൾ 7:22, 23; 1 കൊരി​ന്ത്യർ 7:3.

നിങ്ങൾക്ക്‌ എന്തു തോന്നു​ന്നു?

• നിങ്ങളെ ആത്മാർഥ​മാ​യി സ്‌നേ​ഹി​ക്കുന്ന ഒരാൾ നിങ്ങളു​ടെ ശാരീ​രി​ക​വും വൈകാ​രി​ക​വും ആയ ക്ഷേമം അപകട​ത്തി​ലാ​ക്കു​മോ?

• നിങ്ങ​ളെ​ക്കു​റിച്ച്‌ യഥാർഥ​ത്തിൽ ചിന്തയുള്ള ഒരാൾ നിങ്ങളെ പ്രലോ​ഭി​പ്പിച്ച്‌ ദൈവ​വു​മാ​യുള്ള ബന്ധം തകരാ​റി​ലാ​ക്കാൻ നോക്കു​മോ?—എബ്രായർ 13:4.