അധ്യായം 37

വല്ലപ്പോ​ഴു​മൊ​ക്കെ എനിക്ക്‌ എന്തു​കൊണ്ട്‌ അല്‌പം ഉല്ലാസം ആസ്വദി​ച്ചു​കൂ​ടാ?

വെളളി​യാ​ഴ്‌ച​ക​ളിൽ വൈകു​ന്നേരം പൗളിൻ* ക്രിസ്‌തീയ മീററിം​ഗു​കൾക്ക്‌ പോകാ​റു​ണ്ടാ​യി​രു​ന്നു. അവിടത്തെ ചർച്ചകൾ അവൾ ആസ്വദി​ച്ചു, എന്നാലും അവൾ അവി​ടെ​യാ​യി​രി​ക്കു​മ്പോൾ സ്‌കൂ​ളി​ലെ അവളുടെ കൂട്ടു​കാ​രി​കൾ പുറത്തു​പോ​യി ആസ്വാ​ദനം കണ്ടെത്തു​ക​യാണ്‌ എന്ന വസ്‌തുത അവൾക്ക്‌ നീരസം ഉളവാക്കി.

മീററിംഗ്‌ കഴിഞ്ഞ്‌ പൗളിൻ യുവജ​നങ്ങൾ സാധാരണ സമ്മേളി​ച്ചി​രുന്ന ഒരു സ്ഥലത്തി​ന​ടു​ത്തു​കൂ​ടെ കടന്നു​പോ​കു​മാ​യി​രു​ന്നു. അവൾ ഇപ്രകാ​രം അനുസ്‌മ​രി​ക്കു​ന്നു: “ഞങ്ങൾ അതുവഴി കടന്നു​പോ​കു​മ്പോൾ ഉച്ചത്തി​ലു​ളള സംഗീ​ത​ത്താ​ലും മിന്നുന്ന ദീപങ്ങ​ളാ​ലും ആകർഷി​ക്ക​പ്പെ​ട്ടിട്ട്‌ ഞാൻ ജന്നലി​നോട്‌ എന്റെ മൂക്ക്‌ അമർത്തി​നിന്ന്‌ നോക്കു​ക​യും അവർ ആസ്വദി​ച്ചി​രുന്ന രസം ആകാം​ക്ഷാ​പൂർവ്വം ഭാവന​യിൽ കാണു​ക​യും ചെയ്യു​മാ​യി​രു​ന്നു.” കാല​ക്ര​മ​ത്തിൽ അവളുടെ കൂട്ടു​കാ​രി​ക​ളോ​ടു​കൂ​ടെ ജീവിതം ആസ്വദി​ക്കാ​നു​ളള അവളുടെ ആഗ്രഹം അവളുടെ ജീവി​ത​ത്തി​ലെ മുഖ്യ സംഗതി​യാ​യി​ത്തീർന്നു.

ഒരു ക്രിസ്‌ത്യാ​നി​യാ​യി​രി​ക്കു​ന്ന​തി​നാൽ ജീവി​ത​ത്തിൽ നിങ്ങൾക്ക്‌ ചില​തെ​ല്ലാം നഷ്ടമാ​കു​ന്നുണ്ട്‌ എന്ന്‌ പൗളി​നെ​പ്പോ​ലെ ചില​പ്പോൾ നിങ്ങളും വിചാ​രി​ച്ചേ​ക്കാം. എല്ലാവ​രു​ടെ​യും ചർച്ചാ​വി​ഷ​യ​മാ​യി​രി​ക്കുന്ന ആ ററി. വി. പരിപാ​ടി കാണാൻ നിങ്ങൾ ആഗ്രഹി​ക്കു​ന്നു. എന്നാൽ അതു വളരെ​യ​ധി​കം അക്രമ​പ്ര​വർത്ത​നങ്ങൾ നിറഞ്ഞ​താ​യ​തു​കൊണ്ട്‌ കാണാൻ കൊള​ളു​ക​യില്ല എന്ന്‌ നിങ്ങളു​ടെ മാതാ​പി​താ​ക്കൾ പറയുന്നു. പൊതു കളിസ്ഥ​ല​ങ്ങ​ളിൽ പോകാ​നും സ്‌കൂ​ളി​ലെ മററു കുട്ടി​ക​ളോ​ടൊ​പ്പം ആയിരി​ക്കാ​നും നിങ്ങൾ ആഗ്രഹി​ക്കു​ന്നു. എന്നാൽ നിങ്ങളു​ടെ മാതാ​പി​താ​ക്കൾ അതിനെ “ചീത്ത സഹവാ​സങ്ങൾ” എന്ന്‌ വിളി​ക്കു​ന്നു. (1 കൊരി​ന്ത്യർ 15:33) സ്‌കൂ​ളി​ലെ നിങ്ങളു​ടെ കൂട്ടു​കാ​രെ​ല്ലാം സംബന്ധി​ക്കുന്ന പാർട്ടി​യിൽ സംബന്ധി​ക്കാൻ നിങ്ങൾ ആഗ്രഹി​ക്കു​ന്നു. എന്നാൽ അതു വേണ്ട എന്ന്‌ മമ്മിയും ഡാഡി​യും പറയുന്നു.

സ്‌കൂ​ളി​ലെ നിങ്ങളു​ടെ കൂട്ടു​കാർ യഥേഷ്ടം വരിക​യും പോകു​ക​യും മാതാ​പി​താ​ക്ക​ളു​ടെ ഇടപെടൽ കൂടാതെ വെളു​പ്പാൻ കാലം വരെ സംഗീ​ത​ക്ക​ച്ചേ​രി​കൾക്കും പാർട്ടി​കൾക്കും സംബന്ധി​ക്കു​ക​യും ചെയ്യു​ന്ന​താ​യി തോന്നു​ന്നു. അവർക്കു​ളള സ്വാത​ന്ത്ര്യം സംബന്ധിച്ച്‌ നിങ്ങൾക്ക്‌ അസൂയ തോന്നു​ന്ന​താ​യി നിങ്ങൾ സ്വയം കണ്ടെത്തി​യേ​ക്കാം. മോശ​മായ എന്തെങ്കി​ലും ചെയ്യാൻ നിങ്ങൾ ആഗ്രഹി​ക്കു​ന്നില്ല. വല്ലപ്പോ​ഴു​മൊ​ക്കെ അല്‌പം ഉല്ലാസം ആസ്വദി​ക്കാൻ നിങ്ങൾ ആഗ്രഹി​ക്കു​ന്നു എന്നു മാത്രം.

വിനോ​ദങ്ങൾ—ദൈവ​ത്തി​ന്റെ വീക്ഷണം

ആസ്വാ​ദനം കണ്ടെത്തു​ന്ന​തി​നു​ളള നിങ്ങളു​ടെ ആഗ്രഹ​ത്തിൽ തെറെ​റാ​ന്നു​മില്ല എന്ന്‌ ഉറപ്പു​ള​ള​വ​രാ​യി​രി​ക്കുക. ഏതായാ​ലും യഹോവ “സന്തുഷ്ട​നായ ദൈവ”മാണ്‌. (1 തിമൊ​ഥെ​യോസ്‌ 1:11) ജ്ഞാനി​യായ ശലോ​മോ​നി​ലൂ​ടെ അവൻ പറയുന്നു: “യുവജ​ന​ങ്ങളേ, നിങ്ങളു​ടെ യൗവനം ആസ്വദി​ക്കുക. നിങ്ങളു​ടെ യൗവന​കാ​ലത്ത്‌ സന്തോ​ഷി​ക്കുക. നിങ്ങൾക്ക്‌ ചെയ്യാ​നി​ഷ്ട​മു​ള​ളതു ചെയ്യു​ക​യും നിങ്ങളു​ടെ ഹൃദയ​ത്തി​ന്റെ ആഗ്രഹ​ങ്ങളെ പിൻപ​റ​റു​ക​യും ചെയ്യുക.” എന്നിരു​ന്നാ​ലും ശലോ​മോൻ ഇപ്രകാ​രം മുന്നറി​യിപ്പ്‌ നൽകി: “എന്നാൽ നിങ്ങൾ ചെയ്യുന്ന ഏതു കാര്യ​വും സംബന്ധിച്ച്‌ ദൈവം നിങ്ങളെ ന്യായം​വി​ധി​ക്കാൻ പോകു​ക​യാ​ണെന്ന്‌ ഓർമ്മി​ക്കുക”—സഭാ​പ്ര​സം​ഗി 11:9, 10. ററു​ഡേ​യ്‌സ്‌ ഇംഗ്ലീഷ്‌ വേർഷൻ.

നിങ്ങളു​ടെ പ്രവൃത്തി സംബന്ധിച്ച്‌ ദൈവം നിങ്ങളെ ഉത്തരവാ​ദി​യാ​ക്കു​ന്നു എന്ന്‌ അറിയു​ന്നത്‌ വിനോ​ദ​ങ്ങളെ സംബന്ധിച്ച്‌ തികച്ചും വ്യത്യ​സ്‌ത​മായ ഒരു കാഴ്‌ച​പ്പാട്‌ ഉണ്ടായി​രി​ക്കാൻ സഹായി​ക്കു​ന്നു. ജീവിതം ആസ്വദി​ക്കു​ന്ന​തി​നെ ദൈവം കുററം​വി​ധി​ക്കു​ന്നി​ല്ലെ​ങ്കി​ലും ഒരു ‘ഉല്ലാസ​പ്രി​യനെ,’ അടുത്ത ഉല്ലാസ​വേ​ള​ക്കു​വേണ്ടി മാത്രം ജീവി​ക്കുന്ന ഒരുവനെ, ദൈവം അംഗീ​ക​രി​ക്കു​ന്നില്ല. (2 തിമൊ​ഥെ​യോസ്‌ 3:1, 4) അതെന്തു​കൊ​ണ്ടാണ്‌? ശലോ​മോൻ രാജാ​വി​നെ​പ്പ​ററി ചിന്തി​ക്കുക. ബൃഹത്തായ തന്റെ വിഭവ​ശേ​ഷി​യെ​ല്ലാം ഉപയോ​ഗി​ച്ചു​കൊണ്ട്‌ ഒരു മനുഷ്യന്‌ വിഭാ​വനം ചെയ്യാൻ കഴിയുന്ന എല്ലാ ഉല്ലാസ​ങ്ങ​ളും അവൻ രുചി​ച്ച​റി​ഞ്ഞു. അവൻ പറയുന്നു: “എന്റെ കണ്ണുകൾ ആവശ്യ​പ്പെ​ട്ടത്‌ ഒന്നും ഞാൻ അവയ്‌ക്കു നിഷേ​ധി​ച്ചില്ല. യാതൊ​രു​വിധ ഉല്ലാസ​ത്തിൽനി​ന്നും ഞാൻ എന്റെ ഹൃദയത്തെ പിൻമാ​ററി നിറു​ത്തി​യില്ല.” അതിന്റെ ഫലമോ? “നോക്കൂ! സകലതും മായയും കാററി​നെ പിടി​ക്കാ​നു​ളള ശ്രമവു​മ​ത്രെ.” (സഭാ​പ്ര​സം​ഗി 2:10, 11) അതെ, ഉല്ലാസം തേടുന്ന ഒരു ജീവിതം ഒടുവിൽ നിങ്ങളെ ശൂന്യ​ബോ​ധ​വും നിരാ​ശ​യു​മു​ള​ള​വ​രാ​ക്കു​ക​യേ​യു​ള​ളു​വെന്ന്‌ ദൈവ​ത്തി​ന​റി​യാം.

മയക്കു​മ​രു​ന്നു ദുരു​പ​യോ​ഗ​മോ വിവാ​ഹ​ത്തി​നു മുമ്പേ​യു​ളള ലൈം​ഗി​ക​ത​യോ​പോ​ലെ നമ്മെ മലിനീ​ക​രി​ക്കുന്ന ശീലങ്ങ​ളിൽ നിന്ന്‌ നിങ്ങൾ സ്വത​ന്ത്ര​രാ​യി​രി​ക്ക​ണ​മെ​ന്നും ദൈവം ആവശ്യ​പ്പെ​ടു​ന്നു. (2 കൊരി​ന്ത്യർ 7:1) എന്നിരു​ന്നാ​ലും തമാശ​ക്കു​വേണ്ടി കൗമാ​ര​പ്രാ​യ​ക്കാർ ചെയ്യുന്ന പലകാ​ര്യ​ങ്ങ​ളും ഒരുവൻ ഇത്തരം ശീലങ്ങ​ളിൽ കുരു​ങ്ങി​പ്പോ​കു​ന്ന​തി​ലേക്ക്‌ നയി​ച്ചേ​ക്കാം. ഉദാഹ​ര​ണ​ത്തിന്‌ ഒരു പെൺകു​ട്ടി മുതിർന്ന​വ​രാ​രും സന്നിഹി​ത​രാ​കാ​തെ സഹപാ​ഠി​ക​ളു​ടേതു മാത്ര​മായ ഒരു സാമൂ​ഹ്യ​കൂ​ടി​വ​ര​വിൽ സംബന്ധി​ക്കാൻ തീരു​മാ​നി​ച്ചു. “സ്‌ററീ​രി​യോ സംഗീതം ഗംഭീ​ര​മാ​യി​രു​ന്നു, ഗംഭീര ഡാൻസിംഗ്‌, നല്ല ലഘുഭ​ക്ഷണം, പൊട്ടി​ച്ചി​രി​ക്കാൻ ധാരാളം അവസരങ്ങൾ,” അവൾ അനുസ്‌മ​രി​ക്കു​ന്നു. എന്നാൽ പിന്നീട്‌ “ആരോ മാരി​ഹ്വാ​ന കൊണ്ടു​വന്നു. പിന്നെ കുടി, അപ്പോ​ഴാണ്‌ ആകെ കുഴപ്പ​മാ​യത്‌.” അതിന്റെ ഫലം ലൈം​ഗിക ദുർന്ന​ട​ത്ത​യാ​യി​രു​ന്നു. ആ പെൺകു​ട്ടി ഇങ്ങനെ ഏററു​പ​റഞ്ഞു: “അന്നു മുതൽ ഇന്നോളം ഞാൻ ദുഃഖി​ത​യും വിഷണ്ണ​യു​മാണ്‌.” മുതിർന്ന​വ​രു​ടെ മേൽനോ​ട്ട​മി​ല്ലാ​തെ എത്ര എളുപ്പ​ത്തി​ലാണ്‌ അത്തരം കൂടി​വ​ര​വു​കൾ “വന്യവും” അനിയ​ന്ത്രി​ത​വു​മാ​യി​ത്തീ​രു​ന്നത്‌!—ഗലാത്യർ 5:21, ബൈയി​ങ്‌ടൻ.

ഒരുപക്ഷേ നിങ്ങൾക്ക്‌ എവിടെ പോകാം ആരോ​ടൊ​പ്പം സഹവസി​ക്കാം എന്നത്‌ സംബന്ധിച്ച്‌ നിയ​ന്ത്ര​ണങ്ങൾ വച്ചു​കൊണ്ട്‌ നിങ്ങളു​ടെ മാതാ​പി​താ​ക്കൾ നിങ്ങൾ നിങ്ങളു​ടെ ഉല്ലാസ സമയങ്ങൾ എങ്ങനെ ചെലവ​ഴി​ക്കു​ന്നു എന്നതി​നെ​പ്പ​ററി ഉൽക്കണ്‌ഠ പ്രകട​മാ​ക്കു​ന്നത്‌ അതിശ​യമല്ല. അവരുടെ ലക്ഷ്യ​മെ​ന്താണ്‌? ദൈവ​ത്തി​ന്റെ മുന്നറി​യി​പ്പിന്‌ ചെവി​കൊ​ടു​ക്കാൻ നിങ്ങളെ സഹായി​ക്കുക: “നിന്റെ ഹൃദയ​ത്തിൽ നിന്ന്‌ വ്യസനം അകററി നിന്റെ ദേഹത്തിൽനിന്ന്‌ അനർത്ഥം നീക്കി​ക്ക​ള​യുക; ബാല്യ​വും യൗവന​വും മായയ​ത്രേ.”—സഭാ​പ്ര​സം​ഗി 11:10.

ഉല്ലാസം തേടു​ന്ന​വ​രോട്‌ അസൂയ​യോ?

ഇതെല്ലാം മറന്ന്‌ ചില യുവജ​നങ്ങൾ ആസ്വദി​ക്കു​ന്ന​താ​യി കാണ​പ്പെ​ടുന്ന സ്വാത​ന്ത്ര്യം സംബന്ധിച്ച്‌ അസൂയ തോന്നുക എളുപ്പ​മാണ്‌. പൗളിൻ ക്രിസ്‌തീയ മീററിം​ഗു​ക​ളിൽ സംബന്ധി​ക്കു​ന്നത്‌ മതിയാ​ക്കി ഉല്ലാസം തേടുന്ന ഒരു കൂട്ട​ത്തോട്‌ ചേർന്നു. “എനിക്ക്‌ എന്തി​നെ​തി​രെ മുന്നറി​യിപ്പ്‌ നൽക​പ്പെ​ട്ടി​രു​ന്നു​വോ ആ തെററു​ക​ളെ​ല്ലാം ചെയ്യു​ന്ന​താ​യി ഞാൻ എന്നെത്തന്നെ കണ്ടെത്തി,” എന്ന്‌ അവൾ അനുസ്‌മ​രി​ക്കു​ന്നു. പൗളിന്റെ ഉല്ലാസ ജീവിതം അവൾ അവസാനം അറസ്‌ററ്‌ ചെയ്യ​പ്പെ​ടു​ന്ന​തി​നും വഴി​തെ​ററി നടക്കുന്ന പെൺകു​ട്ടി​കൾക്കാ​യു​ളള ഒരു സ്‌കൂ​ളിൽ ആക്കപ്പെ​ടു​ന്ന​തി​നും ഇടയാക്കി!

ദീർഘ​നാൾ മുമ്പ്‌ 73-ാം സങ്കീർത്ത​ന​ത്തി​ന്റെ രചയി​താ​വിന്‌ പൗളി​ന്റെ​തു​പോ​ലെ​യു​ളള വികാ​രങ്ങൾ അനുഭ​വ​പ്പെട്ടു. “ദുഷ്ടമ​നു​ഷ്യ​രു​ടെ സമാധാ​നം കണ്ടിട്ട്‌ എനിക്ക്‌ വീമ്പു പറയു​ന്ന​വ​രോട്‌ അസൂയ തോന്നി” എന്ന്‌ അവൻ സമ്മതിച്ചു പറഞ്ഞു. നീതി​യു​ളള തത്വങ്ങൾ അനുസ​രിച്ച്‌ ജീവി​ക്കു​ന്ന​തി​ന്റെ മൂല്യ​ത്തെ​ക്കു​റിച്ച്‌ അവൻ സംശയി​ച്ചു തുടങ്ങു​ക​പോ​ലും ചെയ്‌തു. “ഞാൻ എന്റെ ഹൃദയത്തെ ശുദ്ധീ​ക​രി​ച്ച​തും എന്റെ കൈകളെ കുററ​മി​ല്ലാ​യ്‌മ​യിൽ കഴുകു​ന്ന​തും തീർച്ച​യാ​യും വ്യർത്ഥ​മ​ത്രേ” എന്ന്‌ അവൻ പറഞ്ഞു. എന്നാൽ പിന്നീട്‌ അവന്‌ ആഴമായ ഒരു ഉൾക്കാഴ്‌ച ലഭിച്ചു: ദുഷ്‌ടൻമാർ “വഴുവ​ഴു​പ്പി​ലാണ്‌,” നാശത്തി​ന്റെ വക്കിലാണ്‌ നിൽക്കു​ന്നത്‌!—സങ്കീർത്തനം 73:3, 13, 18.

പൗളിൻ കഠിന​മായ ഒരു വിധത്തിൽ ഇതു മനസ്സി​ലാ​ക്കി. ലോക​ത്തി​ലേ​ക്കു​ളള ആ എടുത്തു​ചാ​ട്ട​ത്തി​നു​ശേഷം ദൈവ​പ്രീ​തി വീണ്ടെ​ടു​ക്കാൻവേണ്ടി അവൾ തന്റെ ജീവി​ത​ത്തിൽ കാതലായ മാററങ്ങൾ വരുത്തി. എന്നാൽ ‘ഉല്ലാസ’ത്തിനു നിങ്ങൾ കൊടു​ക്കേണ്ടി വരുന്ന വില വളരെ ഉയർന്ന​താ​ണെന്ന്‌ തിരി​ച്ച​റി​യാൻ നിങ്ങൾ അറസ്‌ററ്‌ ചെയ്യ​പ്പെ​ടു​ക​യോ ലൈം​ഗിക രോഗ​ത്താൽ ബാധി​ക്ക​പ്പെ​ടു​ക​യോ മയക്കു​മ​രു​ന്നു​കൾ ഉപേക്ഷി​ക്കു​മ്പോ​ഴത്തെ കഠിന യാതന അനുഭ​വി​ക്കു​ക​യോ ചെയ്യേ​ണ്ട​തില്ല. അത്തരം അപകടങ്ങൾ കൂടാതെ ആരോ​ഗ്യാ​വ​ഹ​വും കെട്ടു​പണി ചെയ്യു​ന്ന​തു​മായ വിധങ്ങ​ളിൽ ആസ്വാ​ദനം കണ്ടെത്താൻ അനേകം മാർഗ്ഗ​ങ്ങ​ളുണ്ട്‌. അവയിൽ ചിലത്‌ എന്തൊ​ക്കെ​യാണ്‌?

ആരോ​ഗ്യാ​വ​ഹ​മായ ഉല്ലാസ​വേ​ള​കൾ

കൗമാ​ര​പ്രാ​യ​ക്കാർ “വല്ലപ്പോ​ഴു​മൊ​ക്കെ തങ്ങളുടെ കുടും​ബാ​ഗ​ങ്ങ​ളോ​ടൊ​പ്പം വിനോ​ദ​യാ​ത്ര​ക​ളും മററ്‌ അതു​പോ​ലു​ളള പ്രവർത്ത​ന​ങ്ങ​ളും ആസ്വദി​ക്കു​ന്നു” എന്നാണ്‌ അമേരി​ക്ക​യി​ലെ യുവജ​ന​ങ്ങ​ളു​ടെ ഒരു സർവ്വേ വെളി​പ്പെ​ടു​ത്തി​യത്‌. ഒരു കുടും​ബം എന്ന നിലയിൽ ഒന്നിച്ച്‌ കാര്യങ്ങൾ ചെയ്യു​ന്നത്‌ ഉല്ലാസ​പ്രദം മാത്രമല്ല അതു കുടും​ബാം​ഗ​ങ്ങൾക്കി​ട​യി​ലു​ളള ഐക്യം വർദ്ധി​പ്പി​ക്കു​ക​യും ചെയ്യും.

ഇത്‌ വെറുതെ ഒരുമി​ച്ചി​രു​ന്നു ററി. വി. കാണു​ന്ന​തി​നേ​ക്കാൾ അധികം അർത്ഥമാ​ക്കു​ന്നു. ഡോക്ടർ ആൻറണി പിയെ​ട്രോ​പി​ന്റോ ഇപ്രകാ​രം പറയുന്നു: “റെറലി​വി​ഷൻ വീക്ഷി​ക്കു​ന്നത്‌ മററു​ള​ള​വ​രോ​ടൊ​പ്പം ആയിരി​ക്കാ​മെ​ങ്കി​ലും അടിസ്ഥാ​ന​പ​ര​മാ​യി അതു ഒരു വ്യക്തി ഒററയ്‌ക്ക്‌ ചെയ്യുന്ന പ്രവൃ​ത്തി​യാണ്‌ എന്നതാണ്‌ അതിന്റെ പ്രശ്‌നം. . . . എന്നാൽ വീട്ടി​നു​ള​ളി​ലി​രു​ന്നു കളിക്കാ​വു​ന്ന​ക​ളി​കൾ, മുററത്ത്‌ നടത്താ​വുന്ന കായിക പരിപാ​ടി​കൾ, ഒരുമിച്ച്‌ ഭക്ഷണം പാകം ചെയ്യു​ന്നത്‌, എന്തെങ്കി​ലും കരകൗശല വസ്‌തു​ക്കൾ നിർമ്മി​ക്കു​ന്നത്‌, ഉച്ചത്തിൽ വായി​ക്കു​ന്നത്‌ എന്നിവ​യൊ​ക്കെ ആധുനിക കുടും​ബം ആയാസ​ര​ഹി​ത​മാ​യി റെറലി​വി​ഷൻ വീക്ഷി​ക്കു​മ്പോ​ഴ​ത്തേ​ക്കാൾ അധിക​മാ​യി ആശയവി​നി​മ​യ​ത്തി​നും സഹകര​ണ​ത്തി​നും ബൗദ്ധി​ക​മായ ഉത്തേജ​ന​ത്തി​നും അവസരം പ്രദാനം ചെയ്യുന്നു.” ഏഴു കുട്ടി​ക​ളു​ടെ പിതാ​വായ ജോൺ പറയും​പ്ര​കാ​രം: ‘ഒരു കുടും​ബം എന്ന നിലയിൽ ഒരുമിച്ച്‌ പ്രവർത്തി​ക്കു​മ്പോൾ മുററം വൃത്തി​യാ​ക്കു​ന്ന​തും വീട്‌ പെയിൻറ്‌ ചെയ്യു​ന്ന​തും പോലും ഉല്ലാസ​ക​ര​മാ​യി​രി​ക്കാൻ കഴിയും.’

നിങ്ങളു​ടെ കുടും​ബം ഇപ്പോൾതന്നെ ഒരുമിച്ച്‌ അങ്ങനെ​യു​ളള കാര്യങ്ങൾ ചെയ്യു​ന്നി​ല്ലെ​ങ്കിൽ നിങ്ങൾ തന്നെ മുൻകൈ എടുക്കു​ക​യും മാതാ​പി​താ​ക്ക​ളു​ടെ അടുത്ത്‌ ആ നിർദ്ദേശം വയ്‌ക്കു​ക​യും ചെയ്യുക. കുടും​ബം ഒത്തൊ​രു​മിച്ച്‌ ഒരു യാത്ര പോകാ​നോ മറെറ​ന്തെ​ങ്കി​ലും പ്രവർത്ത​ന​ങ്ങ​ളിൽ ഏർപ്പെ​ടാ​നോ ഉളള രസകര​വും ഉത്തേജ​ജ​ന​ക​വു​മായ ആശയങ്ങൾ അവതരി​പ്പി​ക്കാൻ ശ്രമി​ക്കുക.

ആസ്വാ​ദ​നം ലഭിക്കു​ന്ന​തിന്‌ നിങ്ങൾ എല്ലായ്‌പ്പോ​ഴും മററു​ള​ള​വ​രോ​ടൊ​പ്പം ആയിരി​ക്കേ​ണ്ട​തില്ല. തന്റെ സഹവാസം സംബന്ധിച്ച്‌ ജാഗ്രത പുലർത്തുന്ന മേരി എന്ന യുവതി ഒററയ്‌ക്കാ​യി​രി​ക്കെ ആസ്വാ​ദനം കണ്ടെത്താൻ പഠിച്ചി​രി​ക്കു​ന്നു. “ഞാൻ പിയാ​നോ​യും വയലി​നും വായി​ക്കാ​റുണ്ട്‌. അവയിൽ പരിശീ​ലനം സമ്പാദി​ക്കാൻ ഞാൻ കുറെ സമയം ചെലവ​ഴി​ക്കു​ന്നു” എന്ന്‌ അവൾ പറയുന്നു. അതു​പോ​ലെ മറെറാ​രു കൗമാ​ര​പ്രാ​യ​ക്കാ​രി മെലിസ്സ പറയുന്നു: “സ്വന്തം ആസ്വാ​ദ​ന​ത്തി​നു​വേണ്ടി ഞാൻ ചില​പ്പോൾ കഥകളും കവിത​ക​ളും എഴുതു​ന്നു.” വായന​യി​ലോ മരപ്പണി​യി​ലോ സംഗീ​തോ​പ​ക​രണം വായി​ക്കു​ന്ന​തി​ലോ പ്രാപ്‌തി വികസി​പ്പി​ച്ചെ​ടു​ക്കു​ന്ന​തി​നും അങ്ങനെ നിങ്ങളു​ടെ സമയം നിർമ്മാ​ണാ​ത്മ​ക​മാ​യി ഉപയോ​ഗി​ക്കാൻ പഠിക്കു​ന്ന​തി​നും നിങ്ങൾക്കു കഴിയും.

ക്രിസ്‌തീയ കൂടി​വ​ര​വു​കൾ

ഇടയ്‌ക്കി​ടെ സുഹൃ​ത്തു​ക്ക​ളോ​ടൊ​പ്പം ഒന്നിച്ചു​കൂ​ടി​വ​രു​ന്ന​തും ആസ്വാ​ദ്യ​ക​ര​മാണ്‌. പല മണ്ഡലങ്ങ​ളി​ലും നിങ്ങൾക്ക്‌ ആസ്വദി​ക്കാ​വുന്ന ആരോ​ഗ്യാ​വ​ഹ​മായ പല പ്രവർത്ത​ന​ങ്ങ​ളു​മുണ്ട്‌. ബോളിംഗ്‌, സ്‌കെ​യി​റ​റിംഗ്‌, സൈക്കിൾ സവാരി, ബെയി​സ്‌ബോൾ, ബാസ്‌ക്ക​ററ്‌ ബോൾ എന്നിവ​യൊ​ക്കെ വടക്കേ അമേരി​ക്ക​യിൽ ജനപ്രീ​തി നേടി​യി​ട്ടു​ളള വിനോ​ദ​ങ്ങ​ളാണ്‌. അതു കൂടാതെ നിങ്ങൾക്ക്‌ വേണ​മെ​ങ്കിൽ ഒരു മ്യൂസി​യ​മോ മൃഗശാ​ല​യോ സന്ദർശി​ക്കാൻ കഴിയും. അതെ, മററു ക്രിസ്‌തീയ യുവാ​ക്ക​ളോ​ടൊ​പ്പം ഒന്നിച്ചു​കൂ​ടി റിക്കാർഡ്‌ ചെയ്‌ത സംഗീതം ശ്രവി​ക്കു​ന്ന​തി​നും ആരോ​ഗ്യാ​വ​ഹ​മായ ഒരു ററി. വി. പരിപാ​ടി വീക്ഷി​ക്കു​ന്ന​തി​നും ജീവി​ത​ത്തിൽ ഒരു സ്ഥാനം ഉണ്ടായി​രി​ക്കാൻ കഴിയും.

കൂടുതൽ ഔപചാ​രി​ക​മായ ഒരു കൂടി​വ​രവ്‌ ആസൂ​ത്രണം ചെയ്യു​ന്ന​തിന്‌ നിങ്ങൾക്ക്‌ നിങ്ങളു​ടെ മാതാ​പി​താ​ക്ക​ളു​ടെ സഹായം ആവശ്യ​പ്പെ​ടു​ക​പോ​ലും ചെയ്യാം. സംഘഗാ​ന​ങ്ങ​ളും കൂട്ടായ കളിക​ളും പോലെ വ്യത്യസ്‌ത പരിപാ​ടി​കൾ ക്രമീ​ക​രി​ച്ചു​കൊണ്ട്‌ അത്തരം കൂടി​വ​ര​വു​കൾ രസാവ​ഹ​ങ്ങ​ളാ​ക്കുക. നിങ്ങളു​ടെ സുഹൃ​ത്തു​ക്ക​ളിൽ ചിലർക്ക്‌ സംഗീത വാസന​യു​ണ്ടെ​ങ്കിൽ അതു അല്‌പ​മൊന്ന്‌ പ്രകടി​പ്പി​ക്കാൻ അവരെ പ്രേരി​പ്പി​ക്കാൻ കഴി​ഞ്ഞേ​യ്‌ക്കും. അത്തരം കൂടി​വ​ര​വു​കൾ വിജയ​ക​ര​മാ​ക്കി​ത്തീർക്കാൻ നല്ല ഭക്ഷണവും സഹായി​ക്കു​ന്നു. എന്നാൽ അതു അത്ര സാധാ​ര​ണ​യ​ല്ലാ​ത്ത​തോ ചെല​വേ​റി​യ​തോ ആയിരി​ക്കേ​ണ്ട​തില്ല. ചില​പ്പോൾ ക്ഷണിക്ക​പ്പെ​ട്ട​വർക്കു​തന്നെ വ്യത്യസ്‌ത ഭക്ഷ്യവി​ഭ​വങ്ങൾ കൊണ്ടു​വ​രാൻ കഴിയും.

പന്തുക​ളി​ക്കാ​നോ നീന്താ​നോ അതു​പോ​ലു​ളള മററു പ്രവർത്ത​ന​ങ്ങൾക്കോ സൗകര്യ​മു​ളള ഒരു പാർക്കോ മററു സ്ഥാനങ്ങ​ളോ സമീപ​ത്തെ​വി​ടെ​യെ​ങ്കി​ലു​മു​ണ്ടോ? എന്തു​കൊണ്ട്‌ ഒരു പിക്‌നിക്‌ ഏർപ്പാടു ചെയ്‌തു​കൂ​ടാ? അവി​ടെ​യും സാമ്പത്തി​ക​മാ​യി ആരെയും ഭാര​പ്പെ​ടു​ത്താ​തെ ഭക്ഷണം കൊണ്ടു​വ​രു​ന്ന​തിൽ കുടും​ബ​ങ്ങൾക്കു ഉത്തരവാ​ദി​ത്വം പങ്കുവ​യ്‌ക്കാൻ കഴിയും.

മിതത്വ​മാണ്‌ വിജയ​ത്തി​ന്റെ താക്കോൽ. സംഗീതം ആസ്വദി​ക്കു​ന്ന​തിന്‌ അതു ചെവി പൊട്ടി​ക്കുന്ന ശബ്ദത്തി​ലാ​യി​രി​ക്കേ​ണ്ട​തില്ല, അതു​പോ​ലെ നൃത്തം രസകര​മാ​യി​രി​ക്കു​ന്ന​തിന്‌ അതു ആഭാസ​ക​ര​മോ ഭോഗാ​സ​ക്ത​മോ ആയിരി​ക്കേ​ണ്ട​തില്ല. അതു​പോ​ലെ കഴുത്ത​റപ്പൻ മത്സരം കൂടാതെ തന്നെ വീടിനു വെളി​യി​ലെ കളികൾ ആസ്വദി​ക്കാൻ കഴിയും. എന്നാൽ ഒരു പിതാവ്‌ ഇപ്രകാ​രം റിപ്പോർട്ട്‌ ചെയ്യുന്നു: “ചില യുവജ​നങ്ങൾ ഒരു പോരാ​ട്ട​ത്തിൽ ഉൾപ്പെ​ടാ​വുന്ന ഘട്ടത്തോ​ളം തർക്കങ്ങ​ളിൽ ഏർപ്പെ​ടു​ന്നു.” ‘പരസ്‌പരം മത്സരി​ക്കു​ന്നത്‌’ ഒഴിവാ​ക്കാ​നു​ളള ബൈബി​ളി​ന്റെ ബുദ്ധി​യു​പ​ദേശം അനുസ​രി​ച്ചു​കൊണ്ട്‌ അത്തരം പ്രവർത്ത​നങ്ങൾ ആസ്വാ​ദ്യ​ക​ര​മാ​യി നിർത്തുക.—ഗലാത്യർ 5:26.

ആരേയാണ്‌ നിങ്ങൾ ക്ഷണി​ക്കേ​ണ്ടത്‌? ബൈബിൾ പറയുന്നു, “മുഴു സഹോ​ദ​ര​സ​മൂ​ഹ​ത്തോ​ടും സ്‌നേ​ഹ​മു​ണ്ടാ​യി​രി​ക്കുക.” (1 പത്രോസ്‌ 2:17) എന്തിന്‌ നിങ്ങളു​ടെ സാമൂ​ഹ്യ​കൂ​ട്ടം സമപ്രാ​യ​ക്കാ​രിൽ ഒതുക്കി നിർത്തണം? നിങ്ങളു​ടെ സഹവാസം വിശാ​ല​മാ​ക്കുക. (2 കൊരി​ന്ത്യർ 6:13 താരത​മ്യം ചെയ്യുക.) ഒരു പിതാവ്‌ ഇപ്രകാ​രം നിരീ​ക്ഷി​ച്ചു: “പ്രായ​മാ​യ​വർക്ക്‌ മിക്ക​പ്പോ​ഴും എല്ലാ പ്രവർത്ത​ന​ങ്ങ​ളി​ലും പങ്കുപ​റ​റാൻ കഴിയു​ക​യി​ല്ലെ​ങ്കി​ലും അവ നിരീ​ക്ഷി​ക്കു​ന്നത്‌ അവർ ആസ്വദി​ക്കു​ന്നു.” മുതിർന്ന​വ​രു​ടെ സാന്നി​ദ്ധ്യം മിക്ക​പ്പോ​ഴും കാര്യങ്ങൾ നിയ​ന്ത്രണം വിട്ടു​പോ​കു​ന്നത്‌ തടയുന്നു. “സഹോദര സമൂഹത്തെ” മുഴുവൻ ഒരു സാമൂ​ഹ്യ​കൂ​ടി​വ​ര​വിന്‌ ക്ഷണിക്കാൻ തീർച്ച​യാ​യും സാദ്ധ്യമല്ല. മാത്ര​വു​മല്ല ചെറിയ കൂട്ടങ്ങ​ളാണ്‌ നിയ​ന്ത്രി​ക്കാൻ എളുപ്പം.

ക്രിസ്‌തീ​യ കൂടി​വ​ര​വു​കൾ അന്യോ​ന്യം ആത്മീയ​മാ​യി കെട്ടു​പണി ചെയ്യു​ന്ന​തി​നു​ളള അവസര​വും വച്ചുനീ​ട്ടു​ന്നു. സാമൂ​ഹ്യ​കൂ​ടി​വ​ര​വു​ക​ളി​ലേക്ക്‌ ആത്മീയത കടത്തി​ക്കൊ​ണ്ടു വരുന്നത്‌ അത്തരം സന്ദർഭ​ങ്ങ​ളു​ടെ രസം കെടു​ത്തും എന്ന്‌ ചില യുവജ​നങ്ങൾ വിചാ​രി​ക്കു​ന്നു എന്നത്‌ വാസ്‌ത​വ​മാണ്‌. ഒരു യുവ​ക്രി​സ്‌ത്യാ​നി ഇപ്രകാ​രം ആവലാ​തി​പ്പെട്ടു: “ഞങ്ങൾക്ക്‌ ഒരു കൂടി​വ​ര​വു​ള​ള​പ്പോൾ ‘ഇരുന്നു ബൈബിൾ എടുത്ത്‌ ബൈബിൾ കളിക​ളിൽ ഏർപ്പെ​ടുക’ മാത്ര​മാ​ണു​ള​ളത്‌.” എന്നിരു​ന്നാ​ലും സങ്കീർത്ത​ന​ക്കാ​രൻ പറഞ്ഞു: “യഹോ​വ​യു​ടെ നിയമ​ത്തിൽ ഉല്ലസി​ക്കുന്ന മനുഷ്യൻ സന്തുഷ്ടൻ.” (സങ്കീർത്തനം 1:1, 2) ബൈബി​ളി​നെ ചുററി​പ്പ​റ​റി​യു​ളള ചർച്ചകൾ കളികൾപോ​ലും വളരെ ആസ്വാ​ദ്യ​ക​ര​മാ​യി​രി​ക്കാൻ കഴിയും. കൂടുതൽ പൂർണ്ണ​മാ​യി പങ്കുപ​റ​റാൻ കഴിയ​ത്ത​ക്ക​വണ്ണം ഒരുപക്ഷേ നിങ്ങൾ തിരു​വെ​ഴു​ത്തു സംബന്ധ​മായ നിങ്ങളു​ടെ അറിവിന്‌ മൂർച്ച​കൂ​ട്ടേ​ണ്ട​തുണ്ട്‌.

തങ്ങൾ എങ്ങനെ ക്രിസ്‌ത്യാ​നി​ക​ളാ​യി​ത്തീർന്നു എന്ന്‌ പലരെ​ക്കൊണ്ട്‌ അനുഭവം പറയി​ക്കുക എന്നതാണ്‌ മറെറാ​രു ആശയം. അതല്ലെ​ങ്കിൽ രസകര​മായ കഥകൾ പറയാൻ ചിലരെ ക്ഷണിച്ചു​കൊണ്ട്‌ ഊഷ്‌മ​ള​ത​യും തമാശ​യും പകരുക. അവ മിക്ക​പ്പോ​ഴും മൂല്യ​വ​ത്തായ പാഠങ്ങൾ പഠിപ്പി​ക്കു​ന്ന​വ​യാ​യി​രി​ക്കും. ഈ പുസ്‌ത​ക​ത്തി​ലെ ചില അദ്ധ്യാ​യങ്ങൾ പോലും അത്തര​മൊ​രു കൂടി​വ​ര​വിൽ രസകര​മായ ഒരു ചർച്ചക്ക്‌ അടിസ്ഥാ​ന​മാ​യി ഉതകി​യേ​ക്കാം.

വിനോ​ദ​ങ്ങളെ സന്തുലി​താ​വ​സ്ഥ​യിൽ നിർത്തുക!

യേശു​ക്രി​സ്‌തു പോലും ചില സന്ദർഭങ്ങൾ ആസ്വാ​ദ​ന​ത്തി​നാ​യി വിനി​യോ​ഗി​ച്ചു. ഭക്ഷണവും സംഗീ​ത​വും നൃത്തവും കെട്ടു​പ​ണി​ചെ​യ്യുന്ന സഹവാ​സ​വും തീർച്ച​യാ​യും ധാരാ​ള​മാ​യി ഉണ്ടായി​രുന്ന കാനാ​യി​ലെ ഒരു വിവാ​ഹ​വി​രു​ന്നിൽ അവൻ സംബന്ധി​ച്ച​താ​യി ബൈബിൾ നമ്മോടു പറയുന്നു. അത്ഭുത​ക​ര​മാ​യി വീഞ്ഞ്‌ ഉണ്ടാക്കി​ക്കൊ​ടു​ത്തു​കൊണ്ട്‌ യേശു ആ വിവാ​ഹ​വി​രു​ന്നി​ന്റെ വിജയ​ത്തിന്‌ സംഭാവന ചെയ്യു​ക​യും​കൂ​ടെ ചെയ്‌തു!—യോഹ​ന്നാൻ 2:3-11.

എന്നാൽ യേശു​വി​ന്റെ ജീവിതം മുഴുവൻ ഇടമു​റി​യാത്ത ഇത്തരം ഉല്ലാസ​വേ​ള​ക​ളാ​യി​രു​ന്നില്ല. അവന്റെ സമയത്തിൽ ഭൂരി​ഭാ​ഗ​വും ആളുകളെ ദൈ​വേഷ്ടം പഠിപ്പി​ച്ചു​കൊണ്ട്‌ ആത്മീയ താല്‌പ​ര്യ​ങ്ങൾ അന്വേ​ഷി​ക്കു​ന്ന​തിൽ അവൻ ചെലവി​ട്ടു. അവൻ പറഞ്ഞു: “എന്നെ അയച്ചവന്റെ ഇഷ്ടം ചെയ്‌ത്‌ അവന്റെ പ്രവൃത്തി തികെ​ക്കു​ന്ന​തു​തന്നെ എന്റെ ആഹാരം.” (യോഹ​ന്നാൻ 4:34) ഏതെങ്കി​ലും താല്‌ക്കാ​ലിക ഉല്ലാസ​ങ്ങ​ളേ​ക്കാൾ അധിക​മാ​യി ദൈവ​ത്തി​ന്റെ ഇഷ്ടം ചെയ്യു​ന്നത്‌ യേശു​വിന്‌ ഏറെ നിലനിൽക്കുന്ന സന്തോഷം കൈവ​രു​ത്തി. ഇന്നും “കർത്താ​വി​ന്റെ വേലയിൽ വളരെ​യ​ധി​കം ചെയ്യാ​നുണ്ട്‌.” (1 കൊരി​ന്ത്യർ 15:58; മത്തായി 24:14) എന്നാൽ ഇടയ്‌ക്കി​ടെ ഏതെങ്കി​ലും വിനോ​ദ​ത്തി​നു​ളള ആവശ്യം നിങ്ങൾക്ക്‌ അനുഭ​വ​പ്പെ​ടു​മ്പോൾ സന്തുലി​ത​വും ആരോ​ഗ്യാ​വ​ഹ​വു​മായ ഒരു വിധത്തിൽ അത്‌ ആസ്വദി​ക്കുക. ഒരു എഴുത്തു​കാ​രൻ പറഞ്ഞ​പ്ര​കാ​രം: “ജീവിതം എല്ലായ്‌പ്പോ​ഴും ഉദ്വേഗം നിറഞ്ഞ​തോ പുളകം കൊള​ളി​ക്കു​ന്ന​തോ ആയിരി​ക്കാൻ സാദ്ധ്യമല്ല. അങ്ങനെ ആയിരു​ന്നെ​ങ്കിൽ നിങ്ങൾ തളർന്നു​പോ​കു​മാ​യി​രു​ന്നു!”

[അടിക്കു​റി​പ്പു​കൾ]

അത്‌ അവളുടെ യഥാർത്ഥ പേരല്ല.

ചർച്ചക്കുളള ചോദ്യ​ങ്ങൾ

◻ ചില ക്രിസ്‌തീയ യുവജ​ന​ങ്ങൾക്ക്‌ ലോക​ക്കാ​രായ യുവജ​ന​ങ്ങ​ളോട്‌ അസൂയ തോന്നു​ന്നത്‌ എന്തു​കൊ​ണ്ടാണ്‌? നിങ്ങൾക്ക്‌ എപ്പോ​ഴെ​ങ്കി​ലും അങ്ങനെ തോന്നി​യി​ട്ടു​ണ്ടോ?

◻ യുവജ​ന​ങ്ങൾക്ക്‌ അവരുടെ പെരു​മാ​ററം സംബന്ധിച്ച്‌ ദൈവം എന്തു മുന്നറി​യി​പ്പാണ്‌ നൽകു​ന്നത്‌? അത്‌ അവരുടെ ഉല്ലാസങ്ങൾ തെര​ഞ്ഞെ​ടു​ക്കു​ന്ന​തി​നെ എങ്ങനെ ബാധി​ക്കണം?

◻ ദൈവ​ത്തി​ന്റെ നിയമ​ങ്ങ​ളും തത്വങ്ങ​ളും ലംഘി​ക്കുന്ന യുവജ​ന​ങ്ങ​ളോട്‌ അസൂയ തോന്നു​ന്നത്‌ മൗഢ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

◻ ആരോ​ഗ്യാ​വ​ഹ​മായ വിനോ​ദങ്ങൾ ആസ്വദി​ക്കു​ന്ന​തി​നു​ളള ചില മാർഗ്ഗ​ങ്ങ​ളേവ (1) കുടും​ബാം​ഗ​ങ്ങ​ളോ​ടൊ​പ്പം (2) നിങ്ങൾ തനിയെ (3) സഹക്രി​സ്‌ത്യാ​നി​ക​ളോ​ടൊ​പ്പം?

◻ വിനോ​ദ​ങ്ങ​ളിൽ സമനില പാലി​ക്കുന്ന കാര്യ​ത്തിൽ യേശു​ക്രി​സ്‌തു എങ്ങനെ​യാണ്‌ ഒരു മാതൃക വച്ചത്‌?

[297-ാം പേജിലെ ആകർഷ​ക​വാ​ക്യം]

“ഞങ്ങൾ അതു വഴി കടന്നു​പോ​കു​മ്പോൾ ഉച്ചത്തി​ലു​ളള സംഗീ​ത​ത്താ​ലും മിന്നുന്ന ദീപങ്ങ​ളാ​ലും ആകർഷി​ക്ക​പ്പെ​ട്ടിട്ട്‌ ഞാൻ ജന്നലി​നോട്‌ എന്റെ മൂക്ക്‌ അമർത്തി​നിന്ന്‌ നോക്കു​ക​യും അവർ ആസ്വദി​ച്ചി​രുന്ന രസം ആകാം​ക്ഷാ​പൂർവ്വം ഭാവന​യിൽ കാണു​ക​യും ചെയ്യു​മാ​യി​രു​ന്നു”

[302-ാം പേജിലെ ആകർഷ​ക​വാ​ക്യം]

“ആരോ മാരി​ഹ്വാ​ന കൊണ്ടു​വന്നു. പിന്നെ കുടി. അപ്പോ​ഴാണ്‌ ആകെ കുഴപ്പ മായത്‌”

[299-ാം പേജിലെ ചിത്രം]

ബൈബിൾ തത്വങ്ങൾ അനുസ​രി​ക്കുന്ന യുവജ​ന​ങ്ങൾക്ക്‌ വാസ്‌ത​വ​ത്തിൽ ഉല്ലാസ​വേള നഷ്‌ട​മാ​കു​ന്നു​ണ്ടോ?

[300-ാം പേജിലെ ചിത്രങ്ങൾ]

എന്തെങ്കിലും വിനോ​ദ​ത്തൊ​ഴിൽ ഉണ്ടായി​രി​ക്കു​ന്നത്‌ ആരോ​ഗ്യാ​വ​ഹ​മാ​യി ഒഴിവു​സ​മ​യങ്ങൾ ചെലവ​ഴി​ക്കു​ന്ന​തി​നു​ളള ഒരു മാർഗ്ഗ​മാണ്‌

[301-ാം പേജിലെ ചിത്രങ്ങൾ]

വ്യത്യസ്‌ത പ്രവർത്ത​നങ്ങൾ ആസൂ​ത്രണം ചെയ്യു​ക​യും വിവിധ പ്രായ​ത്തി​ലു​ള​ള​വരെ ഉൾപ്പെ​ടു​ത്തു​ക​യും ചെയ്യു​മ്പോൾ ക്രിസ്‌തീയ കൂടി​വ​ര​വു​കൾ കൂടുതൽ ആസ്വാ​ദ്യ​ക​ര​മാ​യി​രി​ക്കാൻ കഴിയും