പാഠം 25

തിരു​വെ​ഴു​ത്തു​കൾ വായി​ക്കു​ക​യും ബാധക​മാ​ക്കു​ക​യും ചെയ്യൽ

1-3. പ്രസം​ഗങ്ങൾ നടത്തു​മ്പോൾ നാം എങ്ങനെ തിരു​വെ​ഴു​ത്തു​കൾ വായി​ക്കണം?

¹ സ്വകാ​ര്യ​മാ​യി​ട്ടാ​യാ​ലും പൊതു പ്ലാററ്‌ഫാ​റ​ത്തിൽനി​ന്നാ​യാ​ലും ദൈ​വോ​ദ്ദേ​ശ്യ​ങ്ങ​ളെ​ക്കു​റി​ച്ചു മററു​ള​ള​വ​രോ​ടു സംസാ​രി​ക്കു​മ്പോൾ നിങ്ങളു​ടെ ചർച്ച ബൈബി​ളിൽനി​ന്നു നിങ്ങൾ വായി​ക്കുന്ന തിരു​വെ​ഴു​ത്തു​ക​ളിൽ കേന്ദ്രീ​ക​രി​ക്കു​ന്നു. അതു​കൊണ്ട്‌ ആ തിരു​വെ​ഴു​ത്തു​ക​ളു​ടെ വായന​തന്നെ നന്നായി നിർവ​ഹി​ച്ചേ തീരൂ. അതു നിർവി​കാ​ര​മായ ഒരു വിധത്തിൽ ചെയ്യരുത്‌. മറിച്ച്‌, വായന അതിന്റെ ഉദ്ദേശ്യം സാക്ഷാ​ത്‌ക​രി​ക്ക​ണ​മെ​ങ്കിൽ അതു നിങ്ങളു​ടെ അവതര​ണ​ത്തി​നു കൂടു​ത​ലായ ഒരു ഉത്തേജനം കൈവ​രു​ത്തേ​ണ്ട​താണ്‌. ഈ കാരണ​ത്താൽ പ്രസംഗ ഗുണ​ദോ​ഷ​ച്ചീട്ട്‌, “തിരു​വെ​ഴു​ത്തു​കൾ ദൃഢത​യോ​ടെ വായിച്ചു” എന്നതു പ്രാപ്‌ത​നായ ഒരു ശുശ്രൂ​ഷ​ക​നാ​യി​രി​ക്കാ​നാ​ഗ്ര​ഹി​ക്കുന്ന ഏവനും പ്രത്യേ​കം പരിഗ​ണി​ക്കേണ്ട ഒന്നായി പട്ടിക​പ്പെ​ടു​ത്തു​ന്നു.

² തിരു​വെ​ഴു​ത്തു​കൾ വികാ​ര​വാ​യ്‌പോ​ടെ വായി​ക്കണം, എന്നാൽ അത്‌ അമിത​മാ​യി​പ്പോ​ക​രുത്‌. ഒരു വാക്യം വ്യക്തമാ​ക്കേ​ണ്ട​തി​ന്റെ അളവ്‌ ആ വാക്യ​ത്തെ​ത്ത​ന്നെ​യും പ്രസം​ഗ​ത്തി​ലെ അതിന്റെ സ്ഥാന​ത്തെ​യും ആശ്രയി​ച്ചി​രി​ക്കു​ന്നു. അതു വാദഗ​തി​യെ ഒരു ഉച്ചാവ​സ്ഥ​യി​ലെ​ത്തി​ക്കണം, എന്നാൽ വായന​യി​ലേക്കു ശ്രദ്ധ ആകർഷി​ക്ക​രുത്‌.

³ കൂടാതെ, വായന നിങ്ങളു​ടെ വാദത്തെ പിന്താ​ങ്ങുന്ന വാക്യ​ഭാ​ഗ​ത്തിൻമേൽ ശ്രദ്ധ കേന്ദ്രീ​ക​രി​ക്കണം. അതു സദസ്സിനു ബോധ്യം വരത്തക്ക​വണ്ണം പോയിൻറു വ്യക്തമാ​ക്കണം. അങ്ങനെ, ഉചിത​മായ ദൃഢത​യോ​ടു​കൂ​ടിയ തിരു​വെ​ഴു​ത്തു​ക​ളു​ടെ വായന ദൃഢവി​ശ്വാ​സം ജനിപ്പി​ക്കു​ന്നു. അതു വായനയെ ആധികാ​രി​ക​മാ​ക്കു​ന്നു.

4, 5. “ഉചിത​മായ വാക്കു​കൾക്ക്‌ ഊന്നൽ കൊടു​ക്കു​ന്നു” എന്നതിന്റെ അർഥ​മെന്ത്‌? ഉദാഹ​രി​ക്കുക.

⁴ ഉചിത​മായ വാക്കു​കൾക്ക്‌ ഊന്നൽ കൊടു​ക്കു​ന്നു. ഒരു വാക്യം വായി​ക്കു​ന്ന​തി​ന്റെ കാരണം, എന്തിന്‌ ഊന്നൽ കൊടു​ക്കാ​നി​രി​ക്കു​ന്നു എന്നതിനെ ഭരിക്കണം. വാക്യ​ത്തിൽ പ്രകടി​ത​മാ​യി​രി​ക്കുന്ന ഓരോ ആശയത്തി​നും തുല്യ​മാ​യി ദൃഢത കൊടു​ത്താൽ യാതൊ​ന്നും മുന്തി​നിൽക്കു​ക​യില്ല, നിങ്ങളു​ടെ വാദഗതി ഫലകര​മ​ല്ലാ​തെ​പോ​കു​ക​യും ചെയ്യും. അതു​കൊ​ണ്ടു മുഖ്യ ഊന്നൽ കൊടു​ക്കു​ന്നതു തിരു​വെ​ഴുത്ത്‌ എന്തിനു​വേണ്ടി ഉപയോ​ഗി​ക്കു​ന്നു​വോ ആ ആശയം ദ്യോ​തി​പ്പി​ക്കുന്ന വാക്കു​കൾക്കാ​ണെന്ന്‌ ഉറപ്പു​വ​രു​ത്തുക.

⁵ ദൃഷ്ടാ​ന്ത​ത്തിന്‌, പാപം നിത്യ​ദ​ണ്ഡ​ന​ത്തി​ലേക്കല്ല, പിന്നെ​യോ മരണത്തി​ലേക്കു നയിക്കു​ന്നു എന്നു തെളി​യി​ക്കു​ന്ന​തി​നു യെഹെ​സ്‌കേൽ 18:4 നിങ്ങൾ ഉപയോ​ഗി​ക്കു​ക​യാ​ണെ​ങ്കിൽ, നിങ്ങൾ ഈ വിധത്തിൽ അതു വായി​ക്കും: “പാപം​ചെ​യ്യുന്ന ദേഹി മരിക്കും,” ചെരി​ച്ചെ​ഴു​തി​യി​രി​ക്കുന്ന വാക്കിനു പ്രത്യേക ദൃഢത കൊടു​ത്തു​കൊ​ണ്ടു​തന്നെ. എന്നാൽ കേവലം ശരീരമല്ല, പിന്നെ​യോ യഥാർഥ​ത്തിൽ ദേഹി​യാ​ണു മരിക്കു​ന്നത്‌ എന്നുളള പോയിൻറാ​ണു നിങ്ങൾ വ്യക്തമാ​ക്കു​ന്ന​തെ​ങ്കിൽ നിങ്ങൾ ദൃഢതക്കു മാററം വരുത്തി​ക്കൊണ്ട്‌ “പാപം ചെയ്യുന്ന ദേഹി മരിക്കും” എന്നു വായി​ക്കും. നിങ്ങൾ ദൃഢത കൊടു​ക്കേണ്ട സ്ഥാനം നിർണ​യി​ക്കു​ന്നതു നിങ്ങൾ ആ തിരു​വെ​ഴുത്ത്‌ ഉപയോ​ഗി​ക്കു​ന്ന​തി​ന്റെ കാരണ​മാണ്‌.

6-12. നമുക്ക്‌ ഒരു വാക്യ​ത്തി​ലെ ആശയ​ദ്യോ​ത​ക​മായ വാക്കു​കളെ ഏതു വിധങ്ങ​ളിൽ ഊന്നി​പ്പ​റ​യാൻ കഴിയും?

⁶ ഫലകര​മായ ദൃഢതാ രീതി ഉപയോ​ഗി​ക്കു​ന്നു. മുന്തി​നിൽക്ക​ണ​മെന്നു നിങ്ങളാ​ഗ്ര​ഹി​ക്കുന്ന ആശയം ദ്യോ​തി​പ്പി​ക്കുന്ന വാക്കുകൾ പലവി​ധ​ങ്ങ​ളിൽ ഊന്നി​പ്പ​റ​യാൻ കഴിയും. നിങ്ങൾ ഉപയോ​ഗി​ക്കുന്ന മാർഗം ആ തിരു​വെ​ഴു​ത്തി​നും പ്രസം​ഗ​ത്തി​ന്റെ രംഗവി​ധാ​ന​ത്തി​നും അനുസൃ​ത​മാ​യി​രി​ക്കണം.

⁷ “തിരു​വെ​ഴു​ത്തു​കൾ ദൃഢത​യോ​ടെ വായിച്ചു” എന്ന ഗുണത്തി​ന്റെ ഈ വശം വാചിക ദൃഢത​ക്കു​ളള സാധ്യ​മായ സകല മാർഗ​ങ്ങ​ളും ചർച്ച​ചെ​യ്‌തു​തീർക്കാൻ ഉദ്ദേശി​ക്കു​ന്നില്ല. നിങ്ങൾ അർഥം ഊന്നി​പ്പ​റയൽ പഠിക്കു​മ്പോൾ ഈ വിശദാം​ശങ്ങൾ കൂടുതൽ പൂർണ​മാ​യി കൈകാ​ര്യം​ചെ​യ്യും. എന്നാൽ നിങ്ങളു​ടെ തിരു​വെ​ഴു​ത്തു​വാ​ക്യ​ങ്ങൾ ഫലകര​മാ​യി വായി​ക്കാ​നു​ളള പ്രാപ്‌തി നേടാൻ നിങ്ങളെ സഹായി​ക്കു​ന്ന​തി​നു ചുരുക്കം ചില രീതികൾ ഇവിടെ പട്ടിക​പ്പെ​ടു​ത്തി​യി​രി​ക്കു​ന്നു.

⁸ ശബ്ദ ഊന്നൽ. ഇതിൽ ആശയം ദ്യോ​തി​പ്പി​ക്കുന്ന വാക്കുകൾ വാചക​ത്തി​ന്റെ ശേഷിച്ച ഭാഗത്തു​നി​ന്നു മുന്തി​നിൽക്കാ​നി​ട​യാ​ക്കുന്ന, സ്ഥായി​യി​ലോ ഗതി​വേ​ഗ​ത്തി​ലോ ശക്തിയി​ലോ ഉളള ഏതു ശബ്ദമാ​റ​റ​വും ഉൾപ്പെ​ടു​ന്നു.

⁹ നിർത്തൽ. ഇതു നിങ്ങളു​ടെ തിരു​വെ​ഴു​ത്തി​ന്റെ മുഖ്യ​ഭാ​ഗ​ത്തി​നു മുമ്പോ ശേഷമോ, രണ്ടുസ​മ​യ​ത്തു​മോ ചെയ്യാ​വു​ന്ന​താണ്‌. ഒരു മുഖ്യ ആശയം വായി​ക്കു​ന്ന​തി​നു തൊട്ടു​മു​മ്പു​ളള നിർത്തൽ പ്രതീക്ഷ ഉളവാ​ക്കു​ന്നു; വായിച്ച ശേഷമു​ളള നിർത്തൽ ഉളവാ​ക്കിയ ധാരണയെ ആഴമു​ള​ള​താ​ക്കു​ന്നു.

¹⁰ ആവർത്തനം. നിങ്ങൾതന്നെ ഇടയ്‌ക്കു നിർത്തി പദമോ വാക്യാം​ശ​മോ വീണ്ടും വായി​ക്കു​ന്ന​തി​നാൽ ഒരു പ്രത്യേ​ക​പോ​യിൻറി​നു ദൃഢത കൊടു​ക്കാൻ കഴിയും. ഈ രീതി വിവേ​ച​ന​യോ​ടെ വേണം കൈകാ​ര്യം​ചെ​യ്യാൻ.

¹¹ ആംഗ്യങ്ങൾ. ശാരീ​രി​ക​ച​ല​ന​ത്തി​നും മുഖഭാ​വ​ത്തി​നും മിക്ക​പ്പോ​ഴും ഒരു വാക്കി​നോ വാക്യാം​ശ​ത്തി​നോ നിർത്തൽ കൊടു​ക്കു​ന്ന​തി​നു സഹായി​ക്കാൻ കഴിയും.

¹² ശബ്ദസ്വരം. ചില​പ്പോ​ഴൊ​ക്കെ വാക്കുകൾ വായി​ക്കുന്ന സ്വരത്തിന്‌ അവയുടെ അർഥത്തെ ബാധി​ക്കാ​നും അവയെ വേർതി​രി​ച്ചു​നിർത്താ​നും കഴിയും. എന്നാൽ ഇവി​ടെ​യും വിവേചന ഉപയോ​ഗി​ക്കണം, വിശേ​ഷി​ച്ചു പരിഹാ​സം ഉപയോ​ഗി​ക്കു​ന്ന​തിൽ.

13, 14. ഒരു വീട്ടു​കാ​രൻ ഒരു വാക്യം വായി​ക്കു​മ്പോൾ നമുക്ക്‌ അതിലെ മുഖ്യ പോയിൻറു​കൾ എങ്ങനെ ഊന്നി​പ്പ​റ​യാൻ കഴിയും?

¹³ വീട്ടു​കാ​രൻ വായി​ക്കുന്ന വാക്യങ്ങൾ. വീട്ടു​കാ​രൻ ഒരു വാക്യം വായി​ക്കു​മ്പോൾ, അയാൾ അനുചി​ത​മായ വാക്കുകൾ ഊന്നി​പ്പ​റ​ഞ്ഞേ​ക്കാം, അല്ലെങ്കിൽ ഒന്നും ഊന്നി​പ്പ​റ​യാ​തി​രു​ന്നേ​ക്കാം. അപ്പോൾ നിങ്ങൾക്ക്‌ എന്തു ചെയ്യാൻ കഴിയും? പൊതു​വേ പറഞ്ഞാൽ, അങ്ങനെ​യു​ളള ഒരു കേസിൽ ഊന്നൽകൊ​ടു​ക്കാൻ നിങ്ങൾ ആഗ്രഹി​ക്കുന്ന പോയിൻറു​കൾക്ക്‌ ദൃഢത കൊടു​ക്കു​ന്ന​തിന്‌ വാക്യ​ത്തി​ന്റെ ബാധക​മാ​ക്ക​ലി​നെ ആശ്രയി​ക്കു​ന്ന​താണ്‌ ഏററവും നല്ലത്‌. വായന പൂർത്തി​യാ​യ​ശേഷം ഈ വാക്കുകൾ ആവർത്തി​ച്ചു​കൊ​ണ്ടോ ചോദ്യ​ങ്ങൾ ചോദി​ച്ചു​കൊ​ണ്ടോ വീട്ടു​കാ​രന്റെ ശ്രദ്ധയെ നിങ്ങൾക്ക്‌ അവയി​ലേക്ക്‌ ആകർഷി​ക്കാ​വു​ന്ന​താണ്‌.

¹⁴ ഇതു കൈകാ​ര്യം​ചെ​യ്യാൻ കഴിയുന്ന മറെറാ​രു മാർഗ​മുണ്ട്‌, എന്നാൽ അതിനു ജാഗ്ര​ത​യും നയവും ആവശ്യ​മാണ്‌. ക്ഷമിക്കണം എന്നു പറഞ്ഞു​കൊണ്ട്‌ ഉചിത​മായ ഘട്ടത്തിൽ വായനയെ തടസ്സ​പ്പെ​ടു​ത്താ​വു​ന്ന​തും നിങ്ങൾ ദൃഢത കൊടു​ക്കാ​നാ​ഗ്ര​ഹി​ക്കുന്ന പദത്തി​ലേ​ക്കോ വാക്യാം​ശ​ത്തി​ലേ​ക്കോ പ്രത്യേ​ക​ശ്രദ്ധ ക്ഷണിക്കാ​വു​ന്ന​തു​മാണ്‌. വീട്ടു​കാ​രനെ ബുദ്ധി​മു​ട്ടി​പ്പി​ക്കാ​തെ​യോ പിണക്കാ​തെ​യോ ഇതു ചെയ്യാൻ കഴിയു​മെ​ങ്കിൽ ഇതിനു ഫലകര​മാ​യി​രി​ക്കാൻ കഴിയും, എന്നാൽ ഇത്‌ അപൂർവ​മാ​യേ ചെയ്യാവൂ.

**********

15-17. തിരു​വെ​ഴു​ത്തു പ്രയുക്തത വ്യക്തമാ​ക്കു​ന്നതു മൂല്യ​വ​ത്താ​യി​രി​ക്കു​ന്നത്‌ എന്തു​കൊണ്ട്‌?

¹⁵ ദൃഢത കൊടു​ത്തു​കൊ​ണ്ടു​പോ​ലും ഒരു വാക്യം വായി​ക്കു​ന്നതു നിങ്ങളു​ടെ ഉദ്ദേശ്യം സാധി​ക്കു​ന്ന​തി​നു സാധാ​ര​ണ​യാ​യി മതിയാ​ക​യില്ല. ചില​പ്പോ​ഴൊ​ക്കെ, നിങ്ങളു​ടെ വാദത്തിൽ നിങ്ങൾ ഉദ്ദേശി​ക്കുന്ന ആശയത്തി​ന്റെ ബാധക​മാ​ക്ക​ലാ​യി തിരു​വെ​ഴു​ത്തു​തന്നെ ഉതകി​യേ​ക്കാ​മെ​ന്നതു സത്യം​തന്നെ. എന്നാൽ അധിക​സ​മ​യ​ത്തും വാക്യ​ത്തി​ലെ ആശയ​ദ്യോ​ത​ക​മായ വാക്കു​ക​ളി​ലേക്കു വീണ്ടും ശ്രദ്ധ ക്ഷണി​ക്കേ​ണ്ട​തും അനന്തരം അവ വാദത്തിന്‌ എങ്ങനെ ബാധക​മാ​കു​ന്നു​വെന്നു കാണി​ക്കേ​ണ്ട​തും ആവശ്യ​മാണ്‌. ഇതി​നെ​യാ​ണു ഗുണ​ദോ​ഷ​ച്ചീട്ട്‌, “തിരു​വെ​ഴു​ത്തി​ന്റെ പ്രയുക്തത വ്യക്തമാ​ക്കി” എന്നു പരാമർശി​ക്കു​ന്നത്‌. സാധാ​ര​ണ​ക്കാ​രനു ബൈബിൾ പരിചി​ത​മ​ല്ലെ​ന്നും ഒരു വായന​കൊ​ണ്ടു നിങ്ങളു​ടെ പോയിൻറു ഗ്രഹി​ക്കാൻ കഴിയു​ക​യി​ല്ലെ​ന്നും ഓർക്കണം. മുഖ്യ​വാ​ക്കു​കൾക്കു വീണ്ടും ദൃഢത​കൊ​ടു​ക്കു​ന്ന​തും അവയുടെ പ്രയുക്തത ചൂണ്ടി​ക്കാ​ട്ടു​ന്ന​തും ആശയങ്ങൾ ബോധ്യ​പ്പെ​ടു​ന്ന​തിന്‌ അനുവ​ദി​ക്കും.

¹⁶ ഒരു വാക്യ​ത്തി​ന്റെ പ്രയുക്തത കാട്ടുക സാധ്യ​മാ​ക​ണ​മെ​ങ്കിൽ, അതു നിങ്ങളു​ടെ വാദത്തിന്‌ അനു​യോ​ജ്യ​മാ​യി​രി​ക്കണം; പൊതു​വേ അതു ശരിയാ​യി അവതരി​പ്പി​ക്കു​ക​യും വേണം. അനന്തരം പഠിപ്പി​ക്കൽ മനസ്സിൽപി​ടി​ച്ചു​കൊ​ണ്ടു നിങ്ങളു​ടെ ബാധക​മാ​ക്കൽ സാധ്യ​മാ​കു​ന്നത്ര ലളിത​മാ​ക്കാൻ നിങ്ങൾ ആഗ്രഹി​ക്കും.

¹⁷ കൂടാതെ, നിങ്ങൾക്കു വാക്യ​ത്തി​ന്റെ വ്യക്തമായ ഒരു ഗ്രാഹ്യ​മു​ണ്ടാ​യി​രി​ക്കണം, നിങ്ങളു​ടെ ബാധക​മാ​ക്കൽ കൃത്യ​ത​യു​ള​ള​തു​മാ​യി​രി​ക്കണം. സന്ദർഭ​മോ ബാധക​മാ​ക്കി​യി​രി​ക്കുന്ന തത്ത്വങ്ങ​ളോ ഉൾപ്പെ​ട്ടി​രി​ക്കുന്ന ആളുക​ളെ​യോ പരിഗ​ണി​ക്കുക, നിങ്ങളു​ടെ തിരു​വെ​ഴു​ത്തി​ന്റെ ഉപയോ​ഗം അതാവ​ശ്യ​മാ​ക്കി​ത്തീർക്കു​മ്പോൾ. ഒരിക്ക​ലും എഴുത്തു​കാ​രൻ ഉദ്ദേശി​ച്ച​തി​നോ​ടു യോജി​ക്കാത്ത ഒരു വിധത്തിൽ ഒരു തിരു​വെ​ഴുത്ത്‌ ഉപയോ​ഗി​ക്ക​രുത്‌. പ്രയുക്തത സംബന്ധി​ച്ചു സൊ​സൈ​റ​റി​യു​ടെ പ്രസി​ദ്ധീ​ക​ര​ണ​ങ്ങളെ അടുത്തു പിൻപ​റ​റുക.

18. നമുക്കു ബാധക​മാ​ക്കാ​നു​ളള മുഖ്യ​വാ​ക്കു​കൾ എങ്ങനെ ഫലകര​മാ​യി വേർതി​രി​ക്കാൻ കഴിയും?

¹⁸ ബാധക​മാ​ക്കേണ്ട വാക്കുകൾ വേർതി​രി​ക്കു​ന്നു. വാക്യ​ത്തി​ന്റെ ബാധക​മാ​ക്ക​ലി​ന്റെ സമയത്തോ അതിനു​മു​മ്പോ സാധാ​ര​ണ​യാ​യി മുഖ്യ​വാ​ക്കു​കൾ വീണ്ടും ഊന്നി​പ്പ​റ​യേ​ണ്ട​താണ്‌. ഇതു നിങ്ങളു​ടെ വാദ​ത്തോ​ടു ബന്ധപ്പെ​ടാ​ത്ത​താ​യി വാക്യ​ത്തി​ലു​ളള സകലതും അപ്രധാ​ന​മാ​ക്ക​പ്പെ​ടു​മെന്ന്‌ അല്ലെങ്കിൽ രണ്ടാം സ്ഥാനത്തു നിർത്ത​പ്പെ​ടു​മെന്ന്‌ ഉറപ്പു​വ​രു​ത്താ​നാണ്‌. ഇതു ചെയ്യു​ന്ന​തിന്‌, വാക്യ​ത്തിൽ കാണ​പ്പെ​ടുന്ന വാക്കു​കൾതന്നെ യഥാർഥ​ത്തിൽ ആവർത്തി​ക്കേ​ണ്ട​തില്ല, എന്നിരു​ന്നാ​ലും പൊതു​വേ ആ വിധത്തി​ലാണ്‌ അതു ചെയ്യു​ന്നത്‌. എന്നാൽ ചില സന്ദർഭ​ങ്ങ​ളിൽ, നിങ്ങളു​ടെ സദസ്സിന്റെ ശ്രദ്ധ, പരിചി​ന്തി​ക്കുന്ന വേർതി​രി​ച്ചെ​ടുത്ത ആശയങ്ങ​ളിൽ മറേറ​തെ​ങ്കി​ലും വിധത്തിൽ ഫലകര​മാ​യി കേന്ദ്രീ​ക​രി​ക്കാ​വു​ന്ന​താണ്‌. നിങ്ങൾക്ക്‌ ഇതു ചെയ്യാ​വുന്ന ഒരു മാർഗം നിങ്ങളു​ടെ ആശയത്തി​ന്റെ പുനഃ​പ്ര​സ്‌താ​വന നടത്തു​മ്പോൾ കേവലം പര്യാ​യ​പ​ദങ്ങൾ ഉപയോ​ഗി​ക്കു​ക​യാണ്‌. മറെറാ​ന്നു ചോദ്യ​ങ്ങൾ ചോദി​ക്കു​ക​യാണ്‌. നിങ്ങളു​ടെ അവതര​ണ​ത്തിൽ ഒരു വീട്ടു​കാ​രൻ ഉൾപ്പെ​ട്ടി​രി​ക്കു​ന്നു​വെ​ങ്കിൽ മറേറ​യാ​ളി​നെ​ക്കൊ​ണ്ടു മുഖ്യ ആശയങ്ങൾ പറയി​ക്ക​ത്ത​ക്ക​വണ്ണം നിങ്ങളു​ടെ ചോദ്യ​ങ്ങൾ രൂപ​പ്പെ​ടു​ത്താൻ കഴിയും.

19-22. “അവതര​ണ​ത്തി​ന്റെ ഉദ്ദേശ്യം ബോധ്യ​പ്പെ​ടു​ത്തു​ന്നു” എന്നതി​നാൽ എന്ത്‌ അനുബ​ന്ധ​വി​ശ​ദീ​ക​ര​ണ​ത്തെ​യാ​ണു പരാമർശി​ക്കു​ന്നത്‌?

¹⁹ അവതര​ണ​ത്തി​ന്റെ ഉദ്ദേശ്യം ബോധ്യ​പ്പെ​ടു​ത്തു​ന്നു. ഇതിന്റെ അർഥം കേവലം വാക്യം ഉപയോ​ഗി​ക്കു​ന്ന​തി​ലു​ളള നിങ്ങളു​ടെ ഉദ്ദേശ്യം വ്യക്തമാ​യി മനസ്സി​ലാ​ക്ക​പ്പെ​ടു​ന്നു​ണ്ടെ​ന്നും വിലമ​തി​ക്ക​പ്പെ​ടു​ന്നു​ണ്ടെ​ന്നും ഉറപ്പു​വ​രു​ത്തുക എന്നാണ്‌. ഏതെങ്കി​ലും കാരണ​ത്താൽ ഒരു വാക്യ​ത്തിന്‌ ഒരു ഔപചാ​രിക മുഖവുര ഉപയോ​ഗി​ക്കേ​ണ്ട​താ​വ​ശ്യ​മാ​ണെ​ന്നോ അത്‌ അഭികാ​മ്യ​മാ​ണെ​ന്നോ നിങ്ങൾ കണ്ടെത്താ​തി​രു​ന്നേ​ക്കാം. വാക്യ​ത്തി​ന്റെ ആശയം ബോധ്യ​പ്പെ​ടു​ത്തേ​ണ്ട​തി​ല്ലെന്ന്‌ അതിനർഥ​മില്ല. എന്നാൽ പൊതു​വേ വാക്യം വായി​ക്കു​ന്ന​തി​നു മുമ്പു നിങ്ങളു​ടെ വാദമു​ഖ​ത്തി​നു​വേണ്ടി മുൻകൂ​ട്ടി കുറെ ഒരുക്ക​മെ​ങ്കി​ലും നടത്തി​യി​ട്ടുണ്ട്‌. ഇപ്പോൾ വാക്യ​ത്തി​ന്റെ ഉപയോ​ഗത്തെ പൂർത്തീ​ക​രി​ക്കു​ന്ന​തി​നു കുറെ അനുബ​ന്ധ​വി​ശ​ദീ​ക​രണം ഉണ്ടായി​രി​ക്കു​ന്ന​തിൽ നിങ്ങൾ ശ്രദ്ധി​ക്കണം.

²⁰ നിങ്ങളു​ടെ സദസ്സും വിവര​ങ്ങ​ളു​ടെ ആകമാ​ന​മായ അവതര​ണ​ത്തിൽ ഒരു പോയിൻറി​നു​ളള മൂല്യ​വു​മാ​ണു ബാധക​മാ​ക്കൽ നടത്തേ​ണ്ട​തി​ന്റെ വ്യാപ്‌തി നിർണ​യി​ക്കു​ന്നത്‌. സാധാ​ര​ണ​യാ​യി വാക്യം ചർച്ച​ചെ​യ്യു​ന്നതു മാത്രം മതിയാ​ക​യില്ല. നിങ്ങൾ വാക്യ​ത്തിൽ ദൃഢത​കൊ​ടുത്ത ആശയങ്ങളെ അവതാ​രി​ക​യി​ലെ വാദ​ത്തോ​ടു ബന്ധിപ്പി​ക്കണം. ആ ബന്ധം എന്താ​ണെന്നു നിങ്ങൾ വ്യക്തമാ​യി പ്രസ്‌താ​വി​ക്കണം.

²¹ നിങ്ങളു​ടെ ബാധക​മാ​ക്ക​ലി​നെ എത്രയ​ധി​കം ലളിത​മാ​ക്കി ഉദ്ദേശ്യം സാധി​ക്കാ​മോ അത്രയ​ധി​കം മെച്ചമാ​യി​രി​ക്കും അത്‌. അതു ബന്ധമി​ല്ലാത്ത സകല വിശദാം​ശ​ങ്ങ​ളും നീക്കി​യ​താ​യി​രി​ക്കണം. നിങ്ങളു​ടെ വാദത്തെ സാധ്യ​മാ​കു​ന്ന​തി​ലേ​ക്കും കുറഞ്ഞ വസ്‌തു​ത​ക​ളാ​ക്കി കുറയ്‌ക്കു​ന്ന​തി​നാ​ലും അനന്തരം അവയെ ഗ്രഹി​ക്കാ​വു​ന്ന​താ​ക്കു​ന്ന​തിന്‌ ആവശ്യ​മാ​യ​തു​മാ​ത്രം ചേർക്കു​ന്ന​തി​നാ​ലും ഇതു സാധി​ക്കാം. അവതാ​രി​ക​യിൽ എന്തെങ്കി​ലും ഉത്തരം പറയാതെ വിട്ടി​ട്ടു​ണ്ടെ​ങ്കിൽ നിങ്ങളു​ടെ ബാധക​മാ​ക്കൽ അതു പ്രദാ​നം​ചെ​യ്യണം.

²² പ്രസംഗ പരിശീ​ല​ന​പ​രി​പാ​ടി​യി​ലെ പുരോ​ഗ​മ​ന​ത്തി​ന്റെ ഈ ഘട്ടത്തിൽ ലാളി​ത്യ​വും അവക്ര​ത​യും നിങ്ങളു​ടെ ലക്ഷ്യമാ​യി​രി​ക്കണം. നിങ്ങൾ അതു നേടു​മ്പോൾ തിരു​വെ​ഴു​ത്തു​ക​ളു​ടെ വായന​യും ബാധക​മാ​ക്ക​ലും ഒരു വിദഗ്‌ധ ഉപദേ​ഷ്ടാ​വി​ന്റെ പ്രാപ്‌തി​യെ പ്രതി​ഫ​ലി​പ്പി​ക്കും.