വീട്ടു​കാ​രന്റെ ആവശ്യ​ങ്ങൾക്ക്‌ അനു​യോ​ജ്യ​മായ സാഹി​ത്യം സമർപ്പി​ക്കു​ക

¹ ഈ മാസം സാധ്യ​മാ​കു​ന്നി​ട​ത്തെ​ല്ലാം നാം യുവജ​നങ്ങൾ ചോദി​ക്കു​ന്നു പുസ്‌തകം പ്രത്യേ​ക​വ​ത്‌ക​രി​ക്കു​ന്ന​താ​യി​രി​ക്കും. എന്നിരു​ന്നാ​ലും, കൂടുതൽ അനു​യോ​ജ്യ​മാ​യി​രി​ക്കു​ന്നി​ടത്ത്‌ എന്നേക്കും ജീവി​ക്കാൻ പുസ്‌തകം സമർപ്പി​ക്കാ​വു​ന്ന​താണ്‌. യുവജ​നങ്ങൾ ചോദി​ക്കു​ന്നു പുസ്‌തകം ലഭ്യമ​ല്ലാത്ത ഒരു ഭാഷ മാത്രമേ വീട്ടു​കാ​രന്‌ അറിയ​ത്തു​ള​ളൂ​വെ​ങ്കിൽ പകരമാ​യി പോക്ക​ററ്‌ സൈസ്‌ പുസ്‌ത​ക​ങ്ങ​ളി​ലൊ​ന്നു സമർപ്പി​ക്കാ​വു​ന്ന​താണ്‌. യുവജ​നങ്ങൾ ചോദി​ക്കു​ന്നു എന്ന പുസ്‌തകം ആർക്കും​തന്നെ, അതായത്‌ വല്യമ്മ​വ​ല്യ​പ്പൻമാർക്കും കൊച്ചു​കു​ട്ടി​ക​ളോ കൗമാ​ര​പ്രാ​യ​ത്തി​ലു​ളള കുട്ടി​ക​ളോ ഉളള മാതാ​പി​താ​ക്കൾക്കും അല്ലെങ്കിൽ യുവജ​ന​ങ്ങളെ കുഴയ്‌ക്കുന്ന പ്രശ്‌നങ്ങൾ സംബന്ധി​ച്ചു മിക്ക യുവാ​ക്ക​ളും ഉത്‌ക​ണ്‌ഠാ​കു​ല​രാ​യ​തു​കൊണ്ട്‌ യുവജ​ന​ങ്ങൾക്കു​ത​ന്നെ​യും നമുക്കു സമർപ്പി​ക്കാ​വു​ന്ന​താണ്‌.

² ഏതാണ്ടി​തു​പോ​ലെ പറയു​ന്നത്‌ ഉചിത​മാ​ണെന്നു നിങ്ങൾ കണ്ടെത്തി​യേ​ക്കാം:

◼“അസ്വസ്ഥ​മായ ഈ നാളു​ക​ളിൽ വളർന്നു​വ​രു​ന്നത്‌ എളുപ്പമല്ല. യുവജ​നങ്ങൾ കനമേ​റിയ തീരു​മാ​നങ്ങൾ എടു​ക്കേ​ണ്ട​താ​വ​ശ്യ​മാ​ക്കി​ത്തീർക്കുന്ന പല പുതിയ സാഹച​ര്യ​ങ്ങ​ളെ​യും അവർ നേരി​ടു​ന്നു. ‘ഞാൻ മദ്യപി​ക്ക​ണ​മോ? മയക്കു​മ​രു​ന്നു​കൾ ഉപയോ​ഗി​ക്ക​ണ​മോ? എതിർലിം​ഗ​വർഗ​ത്തിൽപ്പെ​ട്ട​വ​രോ​ടു​ളള ഏതു നടത്തയാണ്‌ ഉചിതം?’ ഈ അടിസ്ഥാന പ്രശ്‌നങ്ങൾ സംബന്ധി​ച്ചു യുവജ​നങ്ങൾ ചോദി​ക്കു​മ്പോൾ കുഴപ്പി​ക്കുന്ന ധാരാളം ഉത്തരങ്ങൾ അവരു​ടെ​മേൽ മിക്ക​പ്പോ​ഴും വർഷി​ക്ക​പ്പെ​ടു​ന്നു. ഉപദേ​ശ​ത്തി​നു​വേണ്ടി അവരിൽ പലരും എവി​ടേ​ക്കാ​ണു തിരി​യു​ന്ന​തെന്നു നിങ്ങൾക്ക​റി​യാ​മോ? [അഭി​പ്രാ​യം പറയാൻ അനുവ​ദി​ക്കുക.] യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന ഈ പുസ്‌തകം സഹായ​ക​മായ വിവരങ്ങൾ പ്രദാനം ചെയ്യുന്നു. [പ്രതി​പാ​ദി​ച്ചി​രി​ക്കുന്ന നാനാ​വി​ഷ​യങ്ങൾ കാണി​ച്ചു​കൊണ്ട്‌ ഉളളട​ക്ക​ത്തി​ന്റെ പട്ടിക​യി​ലേക്കു ശ്രദ്ധ തിരി​ക്കുക.] വളച്ചു​കെ​ട്ടി​ല്ലാ​ത്ത​തും വാസ്‌ത​വി​ക​വു​മായ ഉത്തരങ്ങ​ളാ​ണു യുവാ​ക്കൾക്കാ​വ​ശ്യം. ഈ പുസ്‌ത​ക​ത്തി​ലെ ഉത്തരങ്ങൾ ബൈബി​ളി​നു പറയാ​നു​ളള കാര്യ​ത്താൽ പിന്താ​ങ്ങ​പ്പെ​ട്ടി​രി​ക്കു​ന്നു.”

³ നിങ്ങൾക്ക്‌ ഉപയോ​ഗി​ക്കാ​വുന്ന മറെറാ​രു അവതരണം ഇതാ:

◼“യുവജ​നങ്ങൾ ഇന്നു ധാരാളം സമ്മർദ​ങ്ങൾക്കു വിധേ​യ​രാണ്‌. അവയെ വിജയ​പ്ര​ദ​മാ​യി തരണം ചെയ്യു​ന്ന​തിന്‌ അവർക്കു സഹായ​മാ​വ​ശ്യ​മാണ്‌. അവരെ സഹായി​ക്കാൻ നമ്മുടെ പരമാ​വധി ശ്രമി​ക്കു​മ്പോൾ പ്രാ​യോ​ഗിക മാർഗ​നിർദേശം നൽകുന്ന ഒന്നിനു​വേണ്ടി നാം നോക്കാ​റി​ല്ലേ? [അഭി​പ്രാ​യം പറയാൻ അനുവ​ദി​ക്കുക.] ഏററവും ശക്തമായ സമ്മർദ​ങ്ങ​ളിൽ ചിലത്‌ അവരുടെ തരപ്പടി​ക്കാ​രായ മററു യുവാ​ക്ക​ളിൽനി​ന്നാണ്‌ വരുന്നത്‌. ഈ പുസ്‌ത​ക​ത്തി​ന്റെ 76-ഉം 77-ഉം പേജു​ക​ളി​ലു​ളള ചിത്രങ്ങൾ ശ്രദ്ധി​ക്കുക. [ഈ ചിത്ര​ങ്ങ​ളു​ടെ കുറി​പ്പു​ക​ളി​ലേ​ക്കും 77-ാം പേജിൽ ചെരി​ച്ചെ​ഴു​ത്തി​ലു​ളള ഖണ്ഡിക​ക​ളി​ലേ​ക്കും ശ്രദ്ധ തിരി​ക്കുക.] ഈ അധ്യാ​യ​ത്തി​ന്റെ പിൻവ​രുന്ന പേജുകൾ സത്യസ​ന്ധ​വും പ്രാ​യോ​ഗി​ക​വു​മായ ഉത്തരങ്ങൾ പ്രദാനം ചെയ്യുന്നു.”

⁴ ഇവ തീർച്ച​യാ​യും “ഇടപെ​ടാൻ പ്രയാ​സ​മു​ളള ദുർഘ​ട​സ​മയങ്ങ”ളാണ്‌, വിശേ​ഷാൽ യുവജ​ന​ങ്ങൾക്ക്‌. (2 തിമൊ. 3:1, NW) യുവജ​നങ്ങൾ ചോദി​ക്കു​ന്നു പുസ്‌തകം ഇന്നത്തെ വെല്ലു​വി​ളി​കളെ വിജയ​പ്ര​ദ​മാ​യി നേരി​ടാൻ ഒരു യുവവ്യ​ക്തി​യെ യഥാർഥ​ത്തിൽ സഹായി​ക്കു​ന്നു. അതിലെ 39 അധ്യാ​യങ്ങൾ ധാരാളം ചിത്ര​ങ്ങ​ള​ട​ങ്ങി​യ​താണ്‌, ലേഖനങ്ങൾ വാസ്‌ത​വി​ക​വും പ്രാ​യോ​ഗി​ക​വും. അതു​കൊ​ണ്ടു സാഹച​ര്യ​മു​ള​ള​പ്പോ​ഴെ​ല്ലാം ഈ നല്ല പ്രസി​ദ്ധീ​ക​രണം ഉപയോ​ഗി​ക്കാൻ ജാഗ്ര​ത​യു​ള​ള​വ​രാ​യി​രി​ക്കുക.

⁵ നമ്മുടെ സന്ദേശ​ത്തി​ന്റെ ആത്മീയ വശത്തോട്‌ ഒരു വീട്ടു​കാ​രൻ താത്‌പ​ര്യം കാണി​ക്കാ​നി​ട​യു​ണ്ടെന്നു നിങ്ങൾ വിചാ​രി​ക്കു​ന്നി​ടത്ത്‌, വിശേ​ഷിച്ച്‌, അയാൾ ബൈബി​ളി​നെ​ക്കു​റി​ച്ചു​ളള അറിവി​ന്റെ ഏതാണ്ട്‌ ഒരു പശ്ചാത്ത​ല​മു​ളള വ്യക്തി​യാ​ണെ​ങ്കിൽ, എന്നേക്കും ജീവി​ക്കാൻ പുസ്‌തകം സമർപ്പി​ക്കു​ന്ന​തിന്‌ ഒരുങ്ങി​യി​രി​ക്കുക. ബൈബി​ളി​ന്റെ അടിസ്ഥാന ഉപദേ​ശ​ങ്ങളെ വിശദ​മാ​ക്കുന്ന തിരു​വെ​ഴുത്ത്‌ ഉദ്ധരണി​കൾക്കൊണ്ട്‌ ഈ പുസ്‌തകം എപ്രകാ​രം നിറഞ്ഞി​രി​ക്കു​ന്നു​വെന്നു പ്രകട​മാ​ക്കു​ക​യും ഒരു ക്രമമായ അടിസ്ഥാ​ന​ത്തിൽ അവരോ​ടൊ​ത്തു പഠിക്കാ​നാ​യി അത്‌ ഉടൻതന്നെ സമർപ്പി​ക്കു​ക​യും ചെയ്യുക. നിങ്ങളു​ടെ അവതര​ണ​ത്തിൽ യോഹ​ന്നാൻ 17:3 വായി​ച്ചിട്ട്‌ രക്ഷയ്‌ക്ക്‌ അനിവാ​ര്യ​മായ സൂക്ഷ്‌മ പരിജ്ഞാ​നം നേടാൻ അവരെ സഹായി​ക്കു​ന്ന​തിന്‌ ഈ പുസ്‌തകം സഹായി​ക്കു​മെന്നു ചൂണ്ടി​ക്കാ​ട്ടുക. മാർച്ച്‌ 26-ലെ സ്‌മാ​ര​ക​ത്തി​നു സംബന്ധി​ക്കാൻ താത്‌പ​ര്യം കാട്ടുന്ന ഏതൊ​രാ​ളെ​യും തീർച്ച​യാ​യും ക്ഷണിക്കുക.

⁶ പോക്ക​ററ്‌ സൈസി​ലു​ളള നമ്മുടെ പുസ്‌ത​ക​ങ്ങ​ളിൽ പലതര​ത്തി​ലു​ളളവ കൊണ്ടു​പോ​കു​ന്ന​തും പ്രയോ​ജ​ന​പ്ര​ദ​മാ​ണെന്നു നിങ്ങൾ കണ്ടെത്തി​യേ​ക്കാം. അപ്പോൾ വീട്ടു​കാ​രന്റെ ആവശ്യ​ങ്ങൾക്കി​ണ​ങ്ങുന്ന ഒരു പ്രസി​ദ്ധീ​ക​രണം സമർപ്പി​ക്കാൻ നിങ്ങൾ പ്രാപ്‌ത​രാ​യി​രി​ക്കും. വീട്ടു​വാ​തിൽക്കൽ ഉയർന്നു​വ​രുന്ന വിഷയ​ത്താൽ അയാൾക്കി​ണ​ങ്ങുന്ന പ്രസി​ദ്ധീ​ക​രണം ഏതാ​ണെന്നു തീരു​മാ​നി​ക്കാൻ കഴിയും. മരിച്ച​വ​രു​ടെ അവസ്ഥ, ബൈബി​ളി​ന്റെ കൃത്യത, യഥാർഥ സമാധാ​ന​വും സുരക്ഷി​ത​ത്ത്വ​വും കാണണ​മെന്ന നമ്മുടെ പ്രത്യാശ, കുടും​ബ​ജീ​വി​തം, സന്തുഷ്ടി കണ്ടെത്താ​നു​ളള മാർഗം എന്നിങ്ങ​നെ​യു​ളള വിഷയങ്ങൾ മിക്ക​പ്പോ​ഴും ഉയർന്നു​വ​രു​ന്നു. ഈ വിഷയ​ങ്ങ​ളോ​രോ​ന്നി​നെ​ക്കു​റി​ച്ചു​മു​ളള പ്രസി​ദ്ധീ​ക​ര​ണ​ങ്ങ​ളാൽ നാം അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു.

⁷ മാസ​ത്തേ​ക്കു​ളള സമർപ്പണം അവതരി​പ്പി​ക്കു​ന്നതു സംബന്ധി​ച്ചു ക്രിയാ​ത്മക മനോ​ഭാ​വ​മു​ള​ള​വ​രാ​യി​രി​ക്കുക. എന്നാൽ, ‘എല്ലാത്തരം മനുഷ്യ’രെയും ബൈബി​ളി​ന്റെ സന്ദേശ​ത്തി​ലേക്ക്‌ ആകർഷി​ക്കാ​നും അതിലെ സത്യത്തി​ന്റെ ജീവദാ​യ​ക​മായ വെളള​ങ്ങ​ളിൽ പങ്കുപ​റ​റു​ന്ന​വ​രാ​ക്കാ​നും നാം ആഗ്രഹി​ക്കു​ന്ന​തു​കൊണ്ട്‌ സകലതരം പ്രസി​ദ്ധീ​ക​ര​ണ​ങ്ങ​ളും കൊണ്ടു​പോ​കുക.—1 തിമൊ. 2:4, NW; വെളി. 7:17.