നിങ്ങളു​ടെ വിശു​ദ്ധ​സേ​വ​നത്തെ വിലമ​തി​ക്കു​ക

വിശി​ഷ്ട​മായ ഏതെങ്കി​ലു​മൊ​രു ലക്ഷ്യത്തിൽ എത്തി​ച്ചേ​രു​ന്ന​തിന്‌ ത്യാഗങ്ങൾ നടത്താൻ നാം സന്നദ്ധരാ​യി​രി​ക്കണം. ഒരു ഡോക്ടർ ആയിത്തീ​രു​ന്ന​തിന്‌ വർഷങ്ങ​ളോ​ളം നീണ്ടു​നിൽക്കുന്ന പഠനം, നിശ്ചയ​ദാർഢ്യം, പണം എന്നിവ ആവശ്യ​മാണ്‌. വിജയി​യായ ഒരു കായി​കാ​ഭ്യാ​സി​യു​ടെ ഉത്‌ക്ക​ട​മായ ഉദ്ദേശ്യം പരിപൂർണ​ത​ക്കു​വേണ്ടി കൂടുതൽ പ്രയാ​സ​മേ​റിയ ദിനച​ര്യ​ക​ളി​ലൂ​ടെ വിട്ടു​വീ​ഴ്‌ച​യി​ല്ലാത്ത പരിശീ​ല​ന​ത്തിൽ തന്റെ യൗവന​കാ​ലം മുഴു​വൻതന്നെ ചെലവ​ഴി​ക്കു​ന്നു. സമാന​മാ​യി, ഒരു വിദഗ്‌ധ​നായ പിയാ​നോ വായന​ക്കാ​ര​നും വർഷങ്ങ​ളോ​ളം അർപ്പിത പരിശീ​ലനം നടത്തിയ പശ്ചാത്ത​ല​മു​ണ്ടാ​വും.

എന്നിരു​ന്നാ​ലും, ചെലവ​ഴി​ക്കു​ന്ന​തി​നെ​ക്കാ​ളേറെ ഫലം ചെയ്യുന്ന വേറൊ​രു ലക്ഷ്യമുണ്ട്‌. എന്താണത്‌? അത്യു​ന്ന​ത​നായ യഹോ​വ​യാം ദൈവ​ത്തി​ന്റെ ദാസനാ​യി​രി​ക്കുക എന്ന പദവി. സമയം, പണം, ഊർജം എന്നീ രൂപത്തിൽ നാം എന്തു ത്യാഗങ്ങൾ നടത്തി​യാ​ലും നമ്മുടെ സ്രഷ്ടാ​വി​നു വിശു​ദ്ധ​സേ​വനം അർപ്പി​ക്കു​ന്ന​തി​നുള്ള പദവി അതുല്യ​മായ പ്രതി​ഫ​ലങ്ങൾ കൈവ​രു​ത്തും. അപ്പോ​സ്‌ത​ല​നായ പൗലോ​സി​ന്റെ വാക്കുകൾ സത്യം തന്നെ: “ശരീരാ​ഭ്യാ​സം അല്‌പ​പ്ര​യോ​ജ​ന​മു​ള്ള​ത​ത്രേ; ദൈവ​ഭ​ക്തി​യോ ഇപ്പോ​ഴത്തെ ജീവ​ന്റെ​യും വരുവാ​നി​ക്കു​ന്ന​തി​ന്റെ​യും വാഗ്‌ദ​ത്ത​മു​ള്ള​താ​ക​യാൽ സകലത്തി​ന്നും പ്രയോ​ജ​ന​ക​ര​മാ​കു​ന്നു.” (1 തിമൊ​ഥെ​യൊസ്‌ 4:8) അത്‌ എപ്രകാ​രം വാസ്‌ത​വ​മാ​യി​രി​ക്കു​ന്നു​വെന്നു നമുക്കു കാണാം.

നാം ദൈവ​ത്തെ​ക്കു​റിച്ച്‌ ആദ്യമാ​യി അറിയു​മ്പോൾ

സുവാർത്തക്ക്‌ അനുകൂ​ല​മാ​യി പ്രതി​ക​രി​ക്കു​ക​യും ബൈബി​ള​ധ്യ​യനം ആരംഭി​ക്കു​ക​യും ചെയ്യുന്ന മിക്കവ​രും തങ്ങളുടെ ജീവി​ത​ത്തിൽ അത്‌ എത്ര​ത്തോ​ളം മാററങ്ങൾ വരുത്തു​ന്നു​വെന്ന്‌ സാധാ​ര​ണ​മാ​യി തിരി​ച്ച​റി​യു​ന്നില്ല. ഒന്നാമ​താ​യി, ഒരു പുതിയ ബൈബിൾ വിദ്യാർഥിക്ക്‌ അയാളു​ടെ ചില സുഹൃ​ത്തു​ക്കളെ നഷ്ടപ്പെ​ട്ടെന്നു വരാം. കാരണം ദൈവത്തെ അപമാ​നി​ക്കു​ന്ന​തെന്ന്‌ അയാൾ ഇപ്പോൾ തിരി​ച്ച​റി​യുന്ന ഉദ്യമ​ങ്ങളെ പിന്തു​ട​രു​ന്ന​തിന്‌ അവരു​മാ​യി സഹകരി​ക്കാ​ത്ത​താ​വാം കാരണം. അയാൾ എന്തു​കൊ​ണ്ടാണ്‌ ഇപ്രകാ​രം ചെയ്യു​ന്ന​തെന്ന്‌ അവർക്കു മനസ്സി​ലാ​കു​ന്നില്ല. (1 പത്രൊസ്‌ 4:4) ചിലർക്ക്‌ കുടും​ബാം​ഗ​ങ്ങ​ളിൽനി​ന്നുള്ള എതിർപ്പി​നെ നേരി​ടേ​ണ്ട​താ​യി വന്നേക്കാം. തങ്ങൾ സ്‌നേ​ഹി​ക്കു​ന്നവർ യഹോ​വ​യോട്‌ അനിഷ്ടം, വിദ്വേ​ഷം​പോ​ലും പ്രകടി​പ്പി​ക്കു​ന്നത്‌ വേദന​യോ​ടെ അവർ കാണേ​ണ്ടി​വ​രു​ന്നു. (മത്തായി 10:36) അത്‌ പ്രയാ​സ​മുള്ള സംഗതി​യാ​ണെന്നു വന്നേക്കാം.

ജോലി​സ്ഥ​ല​ത്തോ സ്‌കൂ​ളി​ലോ ആയാലും അവി​ടെ​യും ത്യാഗങ്ങൾ നടത്തേ​ണ്ടി​വ​രു​ന്നു. പുതിയ ബൈബിൾ വിദ്യാർഥി കാല​ക്ര​മേണ ലൗകിക പാർട്ടി​ക​ളി​ലും മററ്‌ ആഘോ​ഷ​ങ്ങ​ളി​ലും പങ്കെടു​ക്കു​ന്ന​തിൽനി​ന്നു വിരമി​ക്കു​ന്നു. അയാൾ സഹപ്ര​വർത്ത​ക​രു​ടെ​യോ സഹപാ​ഠി​ക​ളു​ടെ​യോ വൃത്തി​കെട്ട സംസാ​ര​ത്തി​നു മേലാൽ ചെവി​കൊ​ടു​ക്കു​ന്നില്ല. അവരോ​ടൊ​പ്പം അസഭ്യ​മായ തമാശ​ക​ളും പറയു​ന്നില്ല. മറിച്ച്‌, അയാൾ എഫെസ്യർ 5:3, 4-ൽ നൽകി​യി​രി​ക്കുന്ന പിൻവ​രുന്ന അനുശാ​സനം പ്രാവർത്തി​ക​മാ​ക്കാൻ ശ്രമി​ക്കും: “ദുർന്ന​ട​പ്പും യാതൊ​രു അശുദ്ധി​യും അത്യാ​ഗ്ര​ഹ​വും നിങ്ങളു​ടെ ഇടയിൽ പേർ പറക​പോ​ലും അരുതു; അങ്ങനെ ആകുന്നു വിശു​ദ്ധൻമാർക്കു ഉചിതം. ചീത്തത്തരം, പൊട്ട​ച്ചൊൽ, കളിവാ​ക്കു ഇങ്ങനെ ചേർച്ച​യ​ല്ലാ​ത്തവ ഒന്നും അരുതു; സ്‌തോ​ത്ര​മ​ത്രേ വേണ്ടതു.”

അത്തരം വ്യതി​യാ​നങ്ങൾ ബൈബിൾ വിദ്യാർഥി​യെ മററു​ള്ള​വ​രിൽനിന്ന്‌ അകററി​നിർത്തി​യേ​ക്കാം. അത്‌ ബുദ്ധി​മു​ട്ടുള്ള സംഗതി​യാ​കാം, പ്രത്യേ​കിച്ച്‌ ഇപ്പോ​ഴും സ്‌കൂ​ളിൽ പഠിച്ചു​കൊ​ണ്ടി​രി​ക്കുന്ന ഒരു യുവാ​വി​നെ സംബന്ധി​ച്ചി​ട​ത്തോ​ളം. കാരണം ഒന്നിനു​പി​റകെ ഒന്നായി അഭിമു​ഖീ​ക​രി​ക്കേ​ണ്ടി​വ​രുന്ന ആഘോ​ഷ​ദി​നങ്ങൾ, പരിണാ​മം​പോ​ലുള്ള ദൈവ-വിരുദ്ധ പഠിപ്പി​ക്ക​ലു​കൾ, ബഹുജ​ന​ത്തി​ന്റെ പിന്നാലെ പോകു​ന്ന​തി​നുള്ള സമ്മർദം എന്നിവ​യു​ടെ​യെ​ല്ലാം മധ്യേ യുവ​ക്രി​സ്‌ത്യാ​നിക്ക്‌ വിശ്വാ​സം കാത്തു​സൂ​ക്ഷി​ക്കു​ന്ന​തി​നു നിരന്തര പോരാ​ട്ടം നടത്തേ​ണ്ടത്‌ ആവശ്യ​മാ​യി വരുന്നു. ദൈവ​മാർഗങ്ങൾ പിന്തു​ട​രു​ന്നത്‌ അവരെ വ്യത്യ​സ്‌ത​രാ​ക്കി​ത്തീർക്കും. അത്‌ അവരെ സഹപാ​ഠി​ക​ളു​ടെ​യും അധ്യാ​പ​ക​രു​ടെ​യും പരിഹാ​സ​പാ​ത്ര​മാ​ക്കി​യേ​ക്കാം. അതിനെ നേരി​ടു​ക​യെ​ന്നു​പ​റ​യു​ന്നത്‌ തൊട്ടാൽവാ​ടുന്ന കൗമാ​ര​ഘ​ട്ട​ത്തിൽ പ്രത്യേ​കി​ച്ചും പ്രയാ​സ​ക​ര​മാണ്‌. ആ ത്യാഗ​ത്തി​നു​തക്ക ദൈവാം​ഗീ​കാ​ര​വും ലഭിക്കും!

അവ വാസ്‌ത​വ​മാ​യും ത്യാഗ​ങ്ങ​ളാ​ണോ?

ആദ്യം ത്യാഗ​ങ്ങ​ളെന്നു തോന്നുന്ന മററു കാര്യങ്ങൾ പിന്നീട്‌ അനു​ഗ്ര​ഹ​ങ്ങ​ളാ​യി പരിണ​മി​ക്കു​ന്നു. ചിലർക്ക്‌ പുകയില ശീലം കൈ​വെ​ടി​യേണ്ടി വരുന്നു. (2 കൊരി​ന്ത്യർ 7:1) ഇത്‌ ഒരു വെല്ലു​വി​ളി​തന്നെ ആയിരു​ന്നേ​ക്കാം. എന്നാൽ ഹാനി​ക​ര​മായ ആ ദുശ്ശീലം ഒടുവിൽ മറിക​ട​ക്കു​മ്പോൾ, ഹാ, എന്തോ​ര​നു​ഗ്രഹം! മയക്കു​മ​രുന്ന്‌-മദ്യാ​സക്തി തരണം ചെയ്യു​ന്നതു സംബന്ധി​ച്ചും വസ്‌തുത ഇതുത​ന്നെ​യെന്നു പറയാൻ കഴിയും. അത്തരം നാശക​ര​മായ ശീലങ്ങ​ളൊ​ന്നു​മി​ല്ലാത്ത ജീവിതം എത്ര മെച്ചമാണ്‌! ഇനിയും വേറെ ചിലരെ സംബന്ധി​ച്ചാ​ണെ​ങ്കിൽ തങ്ങളുടെ വൈവാഹിക ക്രമീ​ക​ര​ണ​ങ്ങളെ നേരേ​ചൊ​വ്വേ ആക്കേണ്ട​താ​വ​ശ്യ​മാ​യി​ട്ടുണ്ട്‌. വിവാഹം ചെയ്യാതെ ഒരുമി​ച്ചു പാർക്കു​ന്നവർ ഒന്നുകിൽ വിവാഹം ചെയ്യുന്നു അല്ലെങ്കിൽ ഒരുമി​ച്ചുള്ള വാസം അവസാ​നി​പ്പി​ക്കു​ന്നു. (എബ്രായർ 13:4) അനേകം ഭാര്യ​മാ​രോ​ടൊ​ത്തു താമസി​ക്കു​ന്നവർ തങ്ങളുടെ യൗവന​ത്തി​ലെ ഭാര്യ​യോ​ടൊ​പ്പം​മാ​ത്രം വസിക്കണം. (സദൃശ​വാ​ക്യ​ങ്ങൾ 5:18) അത്തരം ക്രമീ​ക​ര​ണ​ങ്ങ​ളിൽ ത്യാഗം ഉൾപ്പെ​ടു​ന്നു​വെ​ങ്കി​ലും അവ ഭവനത്തിൽ സമാധാ​നം കൈവ​രി​ക്കു​ന്നു.

പ്രതി​ഫ​ല​ങ്ങ​ളെ​ക്കു​റി​ച്ചു ചിന്തി​ക്കു​ക

യഹോ​വ​യു​ടെ നിയമങ്ങൾ പാലി​ക്കുന്ന ഏവനും തീർച്ച​യാ​യും പ്രയോ​ജ​നങ്ങൾ അനുഭ​വി​ക്കു​ന്നു. ജീവി​ത​ത്തിൽ ആദ്യമാ​യി ബൈബിൾ വിദ്യാർഥി സൃഷ്ടി​കർത്താ​വി​നെ യഹോവ എന്ന അവന്റെ പേർചൊ​ല്ലി വിളി​ക്കാൻ തുടങ്ങു​ന്നു. (സങ്കീർത്തനം 83:18) യഹോവ മനുഷ്യ​വർഗ​ത്തി​നു​വേണ്ടി ചെയ്‌തി​രി​ക്കു​ന്ന​തും ചെയ്യാൻപോ​കു​ന്ന​തു​മായ അതിശ​യ​ക​ര​മായ കാര്യ​ങ്ങ​ളെ​ക്കു​റി​ച്ചു മനസ്സി​ലാ​ക്കു​മ്പോൾ വിദ്യാർഥി യഹോ​വയെ സ്‌നേ​ഹി​ക്കാൻ പ്രേരി​ത​നാ​കു​ന്നു. മരിച്ച​വ​രി​ലുള്ള ഭയം പ്രബല​മാ​യി​രി​ക്കുന്ന രാജ്യ​ങ്ങ​ളിൽ അന്ധവി​ശ്വാ​സ​ങ്ങ​ളിൽ വേരൂ​ന്നി​യി​രി​ക്കുന്ന ഈ ഭയം അയാൾ ഉപേക്ഷി​ക്കു​ന്നു. കാരണം മരിച്ചവർ പുനരു​ത്ഥാ​ന​വും പ്രതീ​ക്ഷി​ച്ചു​കൊണ്ട്‌ ഗാഢനി​ദ്ര​യി​ലാ​ണെന്ന്‌ അയാൾ അറിയു​ന്നു. (സഭാ​പ്ര​സം​ഗി 9:5, 10) യഹോവ ആളുകളെ എന്നേക്കും നരകത്തിൽ പീഡി​പ്പി​ക്കു​ന്നില്ല എന്നു തിരി​ച്ച​റി​യു​ന്നത്‌ എത്ര ആശ്വാ​സ​ജ​ന​ക​മാണ്‌! അതേ, സത്യം അയാളെ യഥാർഥ​ത്തിൽ സ്വത​ന്ത്ര​നാ​ക്കു​ന്നു.—യോഹ​ന്നാൻ 8:32.

യഹോ​വ​യു​ടെ നിലവാ​ര​ങ്ങൾക്ക്‌ ഒത്തവിധം വിദ്യാർഥി ജീവിതം ക്രമ​പ്പെ​ടു​ത്തു​മ്പോൾ അയാൾ ഒരു ശുദ്ധ മനസ്സാ​ക്ഷി​യും ആത്മാഭി​മാ​ന​വും നേടി​യെ​ടു​ക്കു​ന്നു. സത്യ​ക്രി​സ്‌ത്യാ​നി എന്നനി​ല​യിൽ ജീവി​ക്കാൻ പഠിക്കു​ന്ന​തോ​ടെ മെച്ച​പ്പെ​ട്ട​രീ​തി​യിൽ തന്റെ കുടും​ബ​ത്തി​നു​വേണ്ടി അയാൾ കരുതു​ന്നു. ഇതു വലിയ സംതൃ​പ്‌തി​യും സന്തോ​ഷ​വും കൈവ​രു​ത്തു​ന്നു. കൂടാതെ, രാജ്യ​ഹാ​ളിൽ യോഗ​ങ്ങ​ളി​ലും പങ്കെടു​ക്കു​ന്നു. എത്ര ആഹ്ലാദ​ക​ര​മായ അനുഭ​വ​മാ​ണത്‌! ദൈവ​ത്തി​ന്റെ ജനമെന്നു തിരി​ച്ച​റി​യി​ക്കു​ന്ന​താ​യി ബൈബിൾ പറയു​ന്ന​തരം ഊഷ്‌മള സ്‌നേഹം യഥാർഥ​ത്തിൽ പങ്കിടുന്ന ജനങ്ങൾ ഇവി​ടെ​യാണ്‌. (സങ്കീർത്തനം 133:1; യോഹ​ന്നാൻ 13:35) “ദൈവ​ത്തി​ന്റെ വൻകാ​ര്യ​ങ്ങളെ പ്രസ്‌താ​വി​ക്കുന്ന” അവരുടെ സംസാരം ശുദ്ധവും കെട്ടു​പ​ണി​ചെ​യ്യു​ന്ന​തു​മാണ്‌. (പ്രവൃ​ത്തി​കൾ 2:11) അതേ, “സഹോ​ദ​ര​വർഗ്ഗത്തെ സ്‌നേഹി”ക്കുന്നവ​രു​മാ​യി ബന്ധപ്പെ​ടു​ന്നത്‌ സന്തോ​ഷ​കാ​ര​ണ​മാണ്‌. (1 പത്രൊസ്‌ 2:17) അത്തരം മികച്ച സഹവാസം “സത്യത്തി​ന്റെ ഫലമായ നീതി​യി​ലും വിശു​ദ്ധി​യി​ലും ദൈവാ​നു​രൂ​പ​മാ​യി സൃഷ്ടി​ക്ക​പ്പെട്ട പുതു​മ​നു​ഷ്യ​നെ ധരി”ക്കുവാൻ ബൈബിൾ വിദ്യാർഥി​യെ സഹായി​ക്കു​ന്നു.—എഫെസ്യർ 4:24.

സമർപ്പ​ണ​ത്തി​ന്റെ പടി

ഒരു വ്യക്തി അറിവിൽ പുരോ​ഗ​മി​ക്കവേ, തന്റെ ജീവൻ യഹോ​വക്കു സമർപ്പി​ക്കു​ന്ന​തി​നും അതു ജലസ്‌നാ​പ​ന​ത്താൽ പ്രതീ​ക​പ്പെ​ടു​ത്തു​ന്ന​തി​നും അവനോ​ടുള്ള സ്‌നേ​ഹ​ത്താൽ ക്രമേണ പ്രേരി​ത​നാ​കു​ന്നു. (മത്തായി 28:19, 20) ഈ പടി സ്വീക​രി​ക്കു​ന്ന​തി​നു മുമ്പ്‌ തന്റെ ശിഷ്യൻമാർ ‘കണക്കു നോക്കണം’ എന്നാണ്‌ യേശു​വി​ന്റെ ബുദ്ധ്യു​പ​ദേശം. (ലൂക്കൊസ്‌ 14:28) ഒരു സമർപ്പിത ക്രിസ്‌ത്യാ​നി യഹോ​വ​യു​ടെ ഹിതം ഒന്നാം സ്ഥാനത്തു വയ്‌ക്കു​ക​യും ജഡിക​കാ​ര്യ​ങ്ങൾ നിരാ​ക​രി​ക്കു​ക​യും ചെയ്യു​മെ​ന്നത്‌ അനുസ്‌മ​രി​ക്കുക. ‘ജഡത്തിന്റെ പ്രവൃ​ത്തി​കൾ’ ഉപേക്ഷി​ക്കു​ന്ന​തി​നും ‘ആത്മാവി​ന്റെ ഫലം’ നട്ടുവ​ളർത്തു​ന്ന​തി​നും അയാൾ കഠിനാ​ധ്വാ​നം ചെയ്യുന്നു. (ഗലാത്യർ 5:19-24) റോമർ 12:2-ൽ നൽകി​യി​രി​ക്കുന്ന ബുദ്ധ്യു​പ​ദേശം അയാളു​ടെ ജീവി​ത​ത്തിൽ പൂർണ​മാ​യും ബാധക​മാ​കു​ന്നു: “ഈ ലോക​ത്തി​ന്നു അനുരൂ​പ​മാ​കാ​തെ നൻമയും പ്രസാ​ദ​വും പൂർണ​ത​യു​മുള്ള ദൈവ​ഹി​തം ഇന്നതെന്നു തിരി​ച്ച​റി​യേ​ണ്ട​തി​ന്നു മനസ്സു പുതുക്കി രൂപാ​ന്ത​ര​പ്പെ​ടു​വിൻ.” അങ്ങനെ, ഒരു സമർപ്പിത ക്രിസ്‌ത്യാ​നി പുതുക്കം വരുത്തിയ ഉദ്ദേശ്യ​ത്തോ​ടെ തന്റെ ജീവിതം നയിക്കു​ന്നു.

അയാൾ കരസ്ഥമാ​ക്കു​ന്നത്‌ എന്താ​ണെന്നു പരിചി​ന്തി​ക്കുക. അഖിലാ​ണ്ഡ​ത്തി​ന്റെ സ്രഷ്ടാ​വു​മാ​യി അയാൾ ഇപ്പോൾ വ്യക്തി​പ​ര​മായ ബന്ധത്തി​ലാണ്‌ എന്നതാണ്‌ ഒരു സംഗതി. ദൈവ​ത്തി​ന്റെ സ്‌നേ​ഹി​തൻ ആയിരി​ക്കു​ന്നു​വെന്ന കാരണ​ത്താൽ അയാൾ നീതി​മാ​നാ​യി പ്രഖ്യാ​പി​ക്ക​പ്പെ​ട്ടി​രി​ക്കു​ന്നു! (യാക്കോബ്‌ 2:23) വളരെ​യ​ധി​കം അർഥ​ത്തോ​ടെ അയാൾ ദൈവത്തെ “സ്വർഗ്ഗ​സ്ഥ​നായ ഞങ്ങളുടെ പിതാവേ” എന്ന്‌ അഭിസം​ബോ​ധന ചെയ്യുന്നു. (മത്തായി 6:9) ജീവി​ത​ത്തിന്‌ ഒരു ഉദ്ദേശ്യ​മുണ്ട്‌ എന്നറി​യു​ന്ന​താണ്‌ പുതു​താ​യി സമർപ്പി​ത​നായ ഒരുവനു ലഭിക്കുന്ന വേറൊ​രു അനു​ഗ്രഹം. അയാൾ തന്റെ ജീവിതം ആ ഉദ്ദേശ്യ​ത്തി​നു ചേർച്ച​യിൽ നയിക്കു​ന്നു. (സഭാ​പ്ര​സം​ഗി 12:13) യേശു​വി​ന്റെ നേതൃ​ത്വം പിന്തു​ടർന്നു​കൊണ്ട്‌ വിശ്വ​സ്‌ത​നാ​യി നില​കൊ​ള്ളു​ന്ന​തി​ലൂ​ടെ പിശാച്‌ നുണയ​നാണ്‌ എന്ന്‌ അയാൾക്കു തെളി​യി​ക്കാ​നാ​വും. അത്‌ യഹോ​വ​യു​ടെ ഹൃദയ​ത്തിന്‌ എത്രമാ​ത്രം ആനന്ദം പകരും!—സദൃശ​വാ​ക്യ​ങ്ങൾ 27:11.

ഒരു ക്രിസ്‌ത്യാ​നി വിശ്വ​സ്‌ത​ത​യു​ടെ പന്ഥാവി​ലൂ​ടെ നീങ്ങവേ അനേകം ത്യാഗങ്ങൾ ചെയ്യേ​ണ്ട​താ​യി​വ​രും എന്നതു തീർച്ച​യാണ്‌. ദൈവ​വ​ച​ന​ത്തി​ന്റെ അർഥവ​ത്തായ വ്യക്തി​പ​ര​മായ പഠനം, സഭാ അധ്യയനം എന്നിവ​യിൽ ഏർപ്പെ​ടു​ന്ന​തിന്‌ സമയം ആവശ്യ​മാണ്‌. (സങ്കീർത്തനം 1:1-3; എബ്രായർ 10:25) വയൽശു​ശ്രൂ​ഷ​ക്കുള്ള സമയം മററുള്ള കാര്യ​ങ്ങ​ളിൽനി​ന്നു കണ്ടെ​ത്തേ​ണ്ട​തുണ്ട്‌. (എഫേസ്യർ 5:16) യഹോ​വ​യു​ടെ സാക്ഷി​ക​ളു​ടെ യോഗ​ങ്ങൾക്കു ഹാജരാ​കു​ന്ന​തി​നും സമ്മേള​ന​ങ്ങ​ളും കൺ​വെൻ​ഷ​നു​ക​ളും നടക്കു​ന്നി​ട​ത്തേക്കു യാത്ര​ചെ​യ്യു​ന്ന​തി​നും സമയവും ശ്രമവും ആവശ്യ​മാ​യി വരുന്നു. രാജ്യ​ഹാ​ളി​നും ലോക​വ്യാ​പ​ക​മായ പ്രസം​ഗ​വേ​ല​യ്‌ക്കും സാമ്പത്തിക പിന്തുണ നൽകു​ന്ന​തിന്‌ ത്യാഗം ചെയ്യേ​ണ്ടി​വ​ന്നേ​ക്കാം. എന്നിരു​ന്നാ​ലും, മുഴു ഹൃദയ​ത്തോ​ടെ അത്തരം കാര്യ​ങ്ങ​ളിൽ പങ്കെടു​ക്കു​ന്നത്‌ സന്തുഷ്ടി കൈവ​രു​ത്തു​ന്നു. അതിനു ലക്ഷക്കണ​ക്കി​നു ക്രിസ്‌ത്യാ​നി​കൾക്ക്‌ സാക്ഷ്യം നൽകാൻ കഴിയും. “സ്വീക​രി​ക്കു​ന്ന​തി​ലു​ള്ള​തി​നെ​ക്കാൾ അധികം സന്തുഷ്‌ടി കൊടു​ക്കു​ന്ന​തി​ലുണ്ട്‌” എന്ന്‌ യേശു പറഞ്ഞു.—പ്രവൃ​ത്തി​കൾ 20:35, NW.

യഹോ​വ​യു​ടെ വേലക്കു പിന്തുണ നൽകു​ന്ന​തി​നാ​യി ചെലവ​ഴി​ക്കുന്ന ഏതു മൂല്യ​ങ്ങ​ളെ​ക്കാ​ളും വളരെ​യ​ധി​കം മുന്തി​യ​താണ്‌ പ്രതി​ഫ​ലങ്ങൾ. നാം പക്വത പ്രാപി​ച്ച​വ​രാ​യി വളരു​ന്തോ​റും നമ്മുടെ ശുശ്രൂഷ കൂടുതൽ ഫലപ്ര​ദ​വും ആഹ്ലാദ​ക​ര​വു​മാ​യി​ത്തീ​രും. ഒരാളെ ബൈബിൾ സത്യങ്ങൾ പഠിപ്പി​ക്കു​ക​യും അയാൾ യഹോ​വ​യു​ടെ ആരാധ​ന​യിൽ ഏർപ്പെ​ടു​ക​യും ചെയ്യു​മ്പോൾ ഉണ്ടാകുന്ന സംതൃ​പ്‌തി​പോ​ലെ വേറൊ​ന്നും ഇല്ല. പുതിയ ആരാധകൻ ഒരു കുടും​ബാം​ഗ​മാണ്‌, ഒരുപക്ഷേ, “കർത്താ​വി​ന്റെ [യഹോവയുടെ, NW] ബാലശി​ക്ഷ​യി​ലും പത്ഥ്യോ​പ​ദേ​ശ​ത്തി​ലും” അഭ്യസി​പ്പി​ക്ക​പ്പെട്ട ഒരു കുട്ടി​യാ​ണെ​ങ്കിൽ അത്‌ പ്രത്യേക സന്തോഷം കൈവ​രു​ത്തു​ന്നു. (എഫെസ്യർ 6:4) ദൈവ​ത്തി​ന്റെ “കൂട്ടു​വേ​ല​ക്കാർ” ആയിരി​ക്കു​ന്ന​തി​നുള്ള നമ്മുടെ ശ്രമത്തി​ന്റെ​മേൽ ദൈവ​ത്തി​ന്റെ സമൃദ്ധ​മായ അനു​ഗ്ര​ഹങ്ങൾ നാം കാണുന്നു.—1 കൊരി​ന്ത്യർ 3:9.

വിശ്വസ്‌ത സേവന​ത്തി​നുള്ള മററു പ്രതി​ഫ​ല​ങ്ങൾ

ഈ വ്യവസ്ഥി​തി നിലനിൽക്കു​ന്നി​ട​ത്തോ​ളം കാലം നമുക്കു പ്രശ്‌നങ്ങൾ ഉണ്ടാകു​മെ​ന്നതു ശരിയാണ്‌. സാത്താന്റെ സമയം ചുരുങ്ങി വരുന്ന​തി​നാൽ പ്രശ്‌നങ്ങൾ കൂടുതൽ ശക്തിയാർജി​ക്കാൻ സാധ്യ​ത​യുണ്ട്‌. പീഡനങ്ങൾ അനുഭ​വി​ക്കു​ക​യോ പ്രലോ​ഭ​നങ്ങൾ നേരി​ടു​ക​യോ ചെയ്യേ​ണ്ട​താ​യി വന്നേക്കാം. എന്നാൽ, ദൈവം നമ്മോ​ടു​കൂ​ടെ ഉണ്ടെന്നുള്ള അറിവ്‌ നമുക്കു സാന്ത്വനം പകരു​ക​യും സഹിക്കു​ന്ന​തി​നുള്ള ബലം നൽകു​ക​യും ചെയ്യുന്നു. (1 കൊരി​ന്ത്യർ 10:13; 2 തിമൊ​ഥെ​യൊസ്‌ 3:12) ചില സഹ ക്രിസ്‌ത്യാ​നി​കൾ വർഷങ്ങ​ളോ​ളം കഠിന​മായ പരി​ശോ​ധ​നകൾ സഹിച്ചി​ട്ടുണ്ട്‌. എന്നാൽ ദൈവ​ത്തോ​ടുള്ള തങ്ങളുടെ സ്‌നേഹം നിമിത്തം അവർ സ്ഥിരോ​ത്സാ​ഹം കാട്ടുന്നു. അടി​യേ​റ​റ​ശേഷം വിടു​വി​ക്ക​പ്പെട്ട അപ്പോ​സ്‌ത​ലൻമാർക്കു​ണ്ടായ അതേ വികാരം വ്യത്യസ്‌ത വിധത്തി​ലുള്ള പീഡനം വിജയ​ക​ര​മാ​യി സഹിക്കു​ന്ന​വർക്ക്‌ ഉണ്ടാകു​ന്നു. “തിരു​നാ​മ​ത്തി​ന്നു വേണ്ടി അപമാനം സഹിപ്പാൻ യോഗ്യ​രാ​യി എണ്ണപ്പെ​ടു​ക​യാൽ അവർ സന്തോ​ഷി​ച്ചു​കൊ​ണ്ടു ന്യായാ​ധി​പ​സം​ഘ​ത്തി​ന്റെ മുമ്പിൽനി​ന്നു പുറ​പ്പെ​ട്ടു​പോ​യി” എന്ന്‌ പ്രവൃ​ത്തി​കൾ 5:41 വിവരി​ക്കു​ന്നു.

സഹിഷ്‌ണു​ത​ക്കു​ള്ള പ്രതി​ഫലം ഇപ്പോൾപോ​ലും ഏതു വില​യെ​ക്കാ​ളും മുന്തി​യ​താണ്‌. എന്നാൽ, ദൈവ​ഭക്തി “ഇപ്പോ​ഴത്തെ ജീവന്റെ” മാത്രമല്ല “വരുവാ​നി​രി​ക്കു​ന്ന​തി​ന്റെ​യും വാഗ്‌ദ​ത്ത​മു​ള്ളതാ”ണെന്ന്‌ ഓർമി​ക്കുക. (1 തിമൊ​ഥെ​യൊസ്‌ 4:8) എത്ര മഹത്തായ പ്രത്യാ​ശ​ക​ളാ​ണു സഹിച്ചു​നിൽക്കുന്ന ഒരുവ​നു​ള്ളത്‌! നിങ്ങൾ വിശ്വ​സ്‌ത​നാ​യി നില​കൊ​ണ്ടാൽ ഈ വ്യവസ്ഥി​തി​യു​ടെ അന്ത്യത്തിന്‌ അടയാളം കുറി​ക്കുന്ന മഹോ​പ​ദ്ര​വത്തെ നിങ്ങൾ അതിജീ​വി​ക്കും. അതല്ല, നിർണാ​യ​ക​മായ ആ സംഭവ​ത്തി​നു​മു​മ്പു നിങ്ങൾ മരിക്കു​ന്ന​പക്ഷം ആ സംഭവ​ത്തെ​ത്തു​ടർന്നു​ണ്ടാ​കുന്ന പുതിയ ലോക​ത്തി​ലേക്കു നിങ്ങൾ ഉയിർപ്പി​ക്ക​പ്പെ​ടും. (ദാനീ​യേൽ 12:1; യോഹ​ന്നാൻ 11:23-25) “യഹോ​വ​യു​ടെ സഹായ​ത്താൽ എനിക്ക​തി​നു കഴിഞ്ഞു” എന്നു നിങ്ങൾക്കു പറയാൻ കഴിയു​മ്പോ​ഴുള്ള ജയഘോ​ഷ​ത്തി​ന്റെ അനുഭൂ​തി ഭാവന​യിൽ കാണുക! “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ . . . യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി”ക്കുന്ന ഭൂമി​യിൽ അവകാശം പങ്കിടു​ക​യെ​ന്നത്‌ എത്ര പുളക​പ്ര​ദ​മാണ്‌.—യെശയ്യാ​വു 11:9.

അതേ, ദൈവത്തെ സേവി​ക്കു​ന്ന​തി​നു ചില ത്യാഗങ്ങൾ നടത്തേണ്ടി വരുന്നു. എന്നാൽ പ്രതി​ഫ​ല​ങ്ങ​ളു​മാ​യി താരത​മ്യം ചെയ്യു​മ്പോൾ വില വളരെ തുച്ഛമാണ്‌. (ഫിലി​പ്പി​യർ 3:7, 8) തന്റെ സേവകർക്കു​വേണ്ടി ദൈവം ഇപ്പോൾ ചെയ്യു​ന്ന​തും ഭാവി​യിൽ ചെയ്യാൻപോ​കു​ന്ന​തു​മായ കാര്യ​ങ്ങ​ളു​ടെ വീക്ഷണ​ത്തിൽ നാം സങ്കീർത്ത​ന​ക്കാ​രന്റെ വാക്കുകൾ ആവർത്തി​ക്കു​ന്നു: “യഹോവ എനിക്കു ചെയ്‌ത സകലഉ​പ​കാ​ര​ങ്ങൾക്കും ഞാൻ അവന്നു എന്തു പകരം കൊടു​ക്കും?”—സങ്കീർത്തനം 116:12.