ദൈവ​ത്തി​ന്റെ പുതിയ ലോക​ത്തി​ലേക്ക്‌ നിങ്ങളു​ടെ കുടും​ബത്തെ കാത്തു സൂക്ഷി​ക്കു​ന്ന​തി​നു​വേണ്ടി പ്രവർത്തി​ക്കു​ക

“ഓ യഹോവേ, നീ തന്നെ അവരെ കാക്കും; ഈ തലമു​റ​യിൽ നിന്നുള്ള ഓരോ​രു​ത്ത​രെ​യും അനിശ്ചിത കാല​ത്തോ​ളം നീ കാത്തു സൂക്ഷി​ക്കും.”—സങ്കീർത്തനം 12:7, NW.

1, 2. (എ) അന്ത്യനാ​ളു​ക​ളി​ലെ സമ്മർദ്ദ​ത്തിൻകീ​ഴിൽ ചില കുടും​ബ​ങ്ങ​ളു​ടെ അവസ്ഥ എന്താണ്‌? (ബി) ക്രിസ്‌തീയ കുടും​ബ​ങ്ങൾക്ക്‌ അതിജീ​വി​ക്കാൻ എങ്ങനെ ശ്രമി​ക്കാ​വു​ന്ന​താണ്‌?

“ഇന്ന്‌ എന്റെ ഹൃദയം സന്തോ​ഷം​കൊ​ണ്ടു നിറഞ്ഞി​രി​ക്കു​ന്നു!” ജോൺ എന്നു പേരുള്ള ഒരു ക്രിസ്‌തീയ മൂപ്പൻ ഉദ്‌ഘോ​ഷി​ച്ചു. ഈ അതിരററ ആഹ്ലാദ​ത്തി​ന്റെ കാരണം? “പതിന്നാ​ലു വയസ്സുള്ള എന്റെ മകനും 12 വയസ്സുള്ള എന്റെ മകളും സ്‌നാ​പ​ന​മേ​റ​റി​രി​ക്കു​ന്നു,” അദ്ദേഹം പറയുന്നു. എന്നാൽ അദ്ദേഹ​ത്തി​ന്റെ സന്തോഷം അവിടം​കൊണ്ട്‌ അവസാ​നി​ച്ചില്ല. “പതി​നേഴു വയസ്സുള്ള എന്റെ മകനും 16 വയസ്സുള്ള എന്റെ മകളും കഴിഞ്ഞ ഒരു വർഷമാ​യി സഹായ​പ​യ​ണി​യർമാ​രാണ്‌” അദ്ദേഹം കൂട്ടി​ച്ചേർക്കു​ന്നു.

² നമ്മുടെ ഇടയി​ലുള്ള അനേകം കുടും​ബ​ങ്ങൾക്കു ബൈബിൾ തത്ത്വങ്ങൾ ബാധക​മാ​ക്കു​മ്പോൾ ഇതു പോലുള്ള നല്ല ഫലങ്ങൾ ലഭിക്കു​ന്നുണ്ട്‌. എന്നാൽ ചില കുടും​ബ​ങ്ങൾക്കു പ്രശ്‌നങ്ങൾ അനുഭ​വ​പ്പെ​ടു​ന്നു. “ഞങ്ങൾക്ക്‌ അഞ്ചു കുട്ടി​ക​ളുണ്ട്‌,” ഒരു ക്രിസ്‌തീയ ദമ്പതികൾ എഴുതു​ന്നു, “അവരോട്‌ ഇടപെ​ടു​ന്നത്‌ അടിക്കടി പ്രയാ​സ​ക​ര​മാ​യി​ത്തീ​രു​ക​യാണ്‌. ഈ പഴയ വ്യവസ്ഥി​തി ഇപ്പോൾത്തന്നെ ഞങ്ങളുടെ ഒരു കുട്ടിയെ തട്ടി​ക്കൊ​ണ്ടു പോയി​രി​ക്കു​ന്നു. ഇപ്പോൾ ഞങ്ങളുടെ കൗമാ​ര​പ്രാ​യ​ക്കാർ സാത്താന്റെ ആക്രമ​ണ​ത്തി​ന്റെ പ്രമുഖ മണ്ഡലമാ​യി​രി​ക്കു​ന്ന​താ​യി തോന്നു​ന്നു.” കഠിന​മായ വൈവാ​ഹിക കുഴപ്പം അനുഭ​വി​ക്കുന്ന ദമ്പതി​ക​ളു​മുണ്ട്‌, ചില​പ്പോൾ അതു വേർപി​രി​യ​ലി​ലോ വിവാ​ഹ​മോ​ച​ന​ത്തി​ലോ കലാശി​ക്കു​ന്നു. എന്നിരു​ന്നാ​ലും ക്രിസ്‌തീയ ഗുണങ്ങൾ നട്ടുവ​ള​വർത്തുന്ന കുടും​ബങ്ങൾ “മഹോ​പ​ദ്ര​വത്തെ” അതിജീ​വി​ക്കു​ക​യും ദൈവ​ത്തി​ന്റെ വരാൻ പോകുന്ന പുതിയ ലോക​ത്തി​ലേക്കു കാത്തു സൂക്ഷി​ക്ക​പ്പെ​ടു​ക​യും ചെയ്യും. (മത്തായി 24:21; 2 പത്രൊസ്‌ 3:13) അപ്പോൾ നിങ്ങളു​ടെ കുടും​ബം കാത്തു സൂക്ഷി​ക്ക​പ്പെ​ടു​മെന്ന്‌ ഉറപ്പു​വ​രു​ത്താൻ നിങ്ങൾക്ക്‌ എന്തു ചെയ്യാൻ കഴിയും?

ആശയവി​നി​യമം മെച്ച​പ്പെ​ടു​ത്തൽ

3, 4. (എ) കുടും​ബ​ജീ​വി​ത​ത്തിൽ ആശയവി​നി​യമം എത്ര പ്രധാ​ന​മാണ്‌, അതു സംബന്ധി​ച്ചു മിക്ക​പ്പോ​ഴും പ്രശ്‌നങ്ങൾ ഉണ്ടാകു​ന്നത്‌ എന്തു​കൊ​ണ്ടാണ്‌? (ബി) ഭർത്താ​ക്കൻമാർ നല്ല ശ്രോ​താ​ക്ക​ളാ​യി​രി​ക്കാൻ ശ്രമി​ക്കേ​ണ്ടത്‌ എന്തു​കൊണ്ട്‌?

³ ആരോ​ഗ്യ​മുള്ള ഒരു കുടും​ബ​ത്തി​ന്റെ ജീവരക്തം നല്ല ആശയവി​നി​മ​യ​മാണ്‌; അതില്ലാ​ത്ത​പ്പോൾ പിരി​മു​റു​ക്ക​വും സമ്മർദ്ദ​വും വർദ്ധി​ക്കു​ന്നു. “ആലോചന ഇല്ലാഞ്ഞാൽ ഉദ്ദേശങ്ങൾ സാധി​ക്കാ​തെ പോകു​ന്നു” എന്ന്‌ സദൃശ​വാ​ക്യ​ങ്ങൾ 15:22 പറയുന്നു. രസാവ​ഹ​മാ​യി, ഒരു വിവാഹ ഉപദേ​ഷ്ടാവ്‌ ഇപ്രകാ​രം റിപ്പോർട്ടു ചെയ്യുന്നു: “ഞാൻ ഉപദേ​ശി​ക്കുന്ന ഭാര്യ​മാ​രിൽ നിന്ന്‌ ഞാൻ ഏററവും അധികം കേൾക്കാ​റുള്ള പരാതി ‘അദ്ദേഹം എന്നോടു സംസാ​രി​ക്കു​ക​യില്ല’ എന്നും ‘അദ്ദേഹം എന്നെ ശ്രദ്ധി​ക്കു​ന്നില്ല’ എന്നുമാണ്‌. ഞാൻ ഈ പരാതി​കൾ അവരുടെ ഭർത്താ​ക്കൻമാ​രു​മാ​യി പങ്കുവ​യ്‌ക്കു​മ്പോൾ അവർ എന്നെയും ശ്രദ്ധി​ക്കാ​റില്ല.”

⁴ ആശയവി​നി​യമം ഇല്ലാതെ പോകാൻ കാരണ​മെ​ന്താണ്‌? ഒരു സംഗതി, പുരു​ഷൻമാ​രും സ്‌ത്രീ​ക​ളും വ്യത്യ​സ്‌ത​രാണ്‌, അവർക്കു മിക്ക​പ്പോ​ഴും തികച്ചും വ്യത്യ​സ്‌ത​മായ ആശയവി​നി​മയ രീതി​ക​ളാ​ണു​ള്ളത്‌. ഒരു ഭർത്താവ്‌ തന്റെ സംഭാ​ഷ​ണ​ത്തിൽ നേരി​ട്ടും പ്രാ​യോ​ഗി​ക​മാ​യും സംസാ​രി​ക്കാൻ ചായ്‌വു​ള്ള​വ​നാണ്‌ എന്നും അതേസ​മയം “[ഒരു ഭാര്യക്ക്‌] വേണ്ടതു മറെറ​ല്ലാ​റ​റി​ലു​മു​പരി തൻമയീ​ഭാ​വ​മുള്ള ഒരു ശ്രോ​താ​വി​നെ​യാണ്‌” എന്നും ഒരു ലേഖനം കുറി​ക്കൊ​ണ്ടു. നിങ്ങളു​ടെ വിവാ​ഹ​ത്തിൽ ഇതൊരു പ്രശ്‌ന​മാ​ണെ​ങ്കിൽ കാര്യങ്ങൾ മെച്ച​പ്പെ​ടു​ത്താൻ ശ്രമി​ക്കുക. ഒരു ക്രിസ്‌തീയ ഭർത്താവു കൂടുതൽ മെച്ചപ്പെട്ട ഒരു ശ്രോ​താ​വാ​യി​ത്തീ​രു​ന്ന​തി​നു കഠിന​ശ്രമം ചെയ്യേ​ണ്ട​തു​ണ്ടാ​യി​രി​ക്കാം. “ഏതു മനുഷ്യ​നും കേൾപ്പാൻ വേഗത​യും പറവാൻ താമസ​വും” ഉള്ളവനാ​യി​രി​ക്കട്ടെ എന്നു യാക്കോബ്‌ പറയുന്നു. (യാക്കോബ്‌ 1:19) നിങ്ങളു​ടെ ഭാര്യക്കു കേവലം “സഹാനു​ഭൂ​തി” ആവശ്യ​മാ​യി​രി​ക്കു​മ്പോൾ ആജ്ഞകൾ നൽകു​ന്ന​തും ഉപദേ​ശി​ക്കു​ന്ന​തും ദീർഘ​മാ​യി പ്രഭാ​ഷ​ണങ്ങൾ നടത്തു​ന്ന​തും ഒഴിവാ​ക്കുക. (1 പത്രൊസ്‌ 3:8) “വാക്കു അടക്കി വയ്‌ക്കു​ന്നവൻ പരിജ്ഞാ​ന​മു​ള്ളവൻ” എന്നു സദൃശ​വാ​ക്യ​ങ്ങൾ 17:27 പറയുന്നു.

5. ഭർത്താ​ക്കൻമാർക്കു തങ്ങളുടെ ചിന്തയും വികാ​ര​ങ്ങ​ളും പ്രകടി​പ്പി​ക്കു​ന്ന​തിൽ മെച്ച​പ്പെ​ടാൻ കഴിയുന്ന ചില മാർഗ്ഗങ്ങൾ ഏവ?

⁵ നേരേ​മ​റിച്ച്‌, “സംസാ​രി​ക്കാൻ ഒരു സമയം” ഉണ്ട്‌. നിങ്ങൾ നിങ്ങളു​ടെ ചിന്തക​ളും വികാ​ര​ങ്ങ​ളും കൂടു​ത​ലാ​യി പ്രകടി​പ്പി​ക്കാൻ പഠി​ക്കേ​ണ്ട​തു​ണ്ടാ​യി​രി​ക്കാം. (സഭാ​പ്ര​സം​ഗി 3:7) ഉദാഹ​ര​ണ​ത്തിന്‌, നിങ്ങളു​ടെ ഭാര്യ​യു​ടെ നേട്ടങ്ങളെ പുകഴ്‌ത്തി​പ്പ​റ​യു​ന്ന​തിൽ നിങ്ങൾ ഉദാര​മ​ന​സ്‌ക​നാ​ണോ? (സദൃശ​വാ​ക്യ​ങ്ങൾ 31:28) നിങ്ങൾക്കു പിന്തുണ നൽകു​ന്ന​തി​നും വീട്ടു​കാ​ര്യ​ങ്ങൾ നോക്കു​ന്ന​തി​നും വേണ്ടി അവൾ ചെയ്യുന്ന കഠിന​വേ​ലക്കു നന്ദിയു​ള്ള​വ​നാ​ണെന്നു നിങ്ങൾ പ്രകട​മാ​ക്കു​ന്നു​ണ്ടോ? (കൊ​ലൊ​സ്സ്യർ 3:15 താരത​മ്യം ചെയ്യുക.) അല്ലെങ്കിൽ നിങ്ങൾ വാഗ്രൂ​പേ​ണ​യുള്ള “പ്രേമ​പ്ര​ക​ട​നങ്ങൾ” മെച്ച​പ്പെ​ടു​ത്തേ​ണ്ട​തു​ണ്ടാ​യി​രി​ക്കാം. (ഉത്തമഗീ​തം 1:2, NW) അങ്ങനെ ചെയ്യു​ന്നത്‌ ആദ്യ​മൊ​ക്കെ വിഷമ​മാ​ണെന്നു നിങ്ങൾക്കു തോന്നി​യേ​ക്കാം, എന്നാൽ നിങ്ങളു​ടെ ഭാര്യക്കു നിങ്ങളു​ടെ സ്‌നേ​ഹ​ത്തിൽ സുരക്ഷി​ത​ത്വം തോന്നു​ന്ന​തിന്‌ അതു സഹായ​ക​മാ​യി​രി​ക്കും.

6. കുടും​ബ​ത്തിൽ ആശയവി​നി​യമം മെച്ച​പ്പെ​ടു​ത്താൻ ഭാര്യ​മാർക്ക്‌ എന്തു ചെയ്യാൻ കഴിയും?

⁶ ക്രിസ്‌തീയ ഭാര്യ​മാ​രെ സംബന്ധി​ച്ചെന്ത്‌? താൻ തന്റെ ഭർത്താ​വി​നെ വിലമ​തി​ക്കു​ന്നു​ണ്ടെന്ന്‌ അദ്ദേഹ​ത്തിന്‌ അറിയാ​മെ​ന്നും അതു​കൊണ്ട്‌ താൻ അദ്ദേഹ​ത്തോട്‌ അതു പറയേ​ണ്ട​യാ​വ​ശ്യ​മി​ല്ലെ​ന്നും ഒരു ഭാര്യ പറഞ്ഞതാ​യി ഉദ്ധരി​ക്ക​പ്പെ​ടു​ന്നു. എന്നിരു​ന്നാ​ലും, വിലമ​തി​പ്പും അഭിന​ന്ദ​ന​വും പ്രശം​സ​യും കൊണ്ട്‌ പുരു​ഷൻമാ​രും പരിപു​ഷ്ടി​പ്പെ​ടു​ന്നു. (സദൃശ​വാ​ക്യ​ങ്ങൾ 12:8) ഇതു നിങ്ങൾ കൂടുതൽ പ്രകട​മാ​ക്കേ​ണ്ട​തു​ണ്ടോ? മറിച്ച്‌, ഒരുപക്ഷേ നിങ്ങൾ എങ്ങനെ കേൾക്കു​ന്നു എന്നതിനു നിങ്ങൾ ശ്രദ്ധ കൊടു​ക്കേ​ണ്ട​തു​ണ്ടാ​യി​രി​ക്കാം. തന്റെ പ്രശ്‌ന​ങ്ങ​ളും ആശങ്കക​ളും ഉൽക്കണ്‌ഠ​ക​ളും നിങ്ങ​ളോട്‌ തുറന്നു സംസാ​രി​ക്കു​ന്നതു പ്രയാ​സ​മെന്നു നിങ്ങളു​ടെ ഭർത്താവു കണ്ടെത്തു​ന്നു​വെ​ങ്കിൽ ദയാപൂർവ്വ​വും നയപൂർവ്വ​വും അയാ​ളെ​ക്കൊണ്ട്‌ ആശയവി​നി​യമം ചെയ്യി​ക്കാൻ നിങ്ങൾ പഠിച്ചി​ട്ടു​ണ്ടോ?

7. വൈവാ​ഹിക ശണ്‌ഠകൾ ഉണ്ടാകാൻ ഇടയാ​ക്കി​യേ​ക്കാ​വു​ന്നത്‌ എന്താണ്‌, അവ എങ്ങനെ ഒഴിവാ​ക്കാൻ കഴിയും?

⁷ തീർച്ച​യാ​യും, സാധാ​ര​ണ​യാ​യി കുഴപ്പ​മി​ല്ലാ​തെ കഴിയുന്ന ദമ്പതി​കൾക്കു​പോ​ലും ചില​പ്പോൾ ഒരു ആശയവി​നി​മയ തകർച്ച അനുഭ​വ​പ്പെ​ട്ടേ​ക്കാം. വികാരം വിചാ​രത്തെ കീഴട​ക്കി​യേ​ക്കാം, അല്ലെങ്കിൽ ശാന്തമായ ഒരു ചർച്ച പെട്ടെന്നു ചൂടു​പി​ടിച്ച ഒരു തർക്കമാ​യി മാറി​യേ​ക്കാം. (സദൃശ​വാ​ക്യ​ങ്ങൾ 15:1) “നാം എല്ലാവ​രും പലതി​ലും തെററി​പ്പോ​കു​ന്നു”; എന്നിരു​ന്നാ​ലും വിവാ​ഹി​തർക്കി​ട​യി​ലെ ഒരു ശണ്‌ഠ വിവാ​ഹ​ത്തി​ന്റെ അവസാ​നത്തെ അർത്ഥമാ​ക്കു​ന്നില്ല. (യാക്കോബ്‌ 3:2) എന്നാൽ “ആക്രോ​ശ​വും നിന്ദാ​വാ​ക്കു​ക​ളും” ഏതു ബന്ധത്തി​നും അനുചി​ത​വും നാശക​ര​വു​മാണ്‌. (എഫെസ്യർ 4:31, NW) അന്യോ​ന്യം ദ്രോ​ഹ​ക​ര​മാ​യ​വാ​ക്കു​കൾ പ്രയോ​ഗി​ക്ക​പ്പെ​ട്ടി​ട്ടു​ണ്ടെ​ങ്കിൽ പെട്ടെ​ന്നു​തന്നെ സമാധാ​നം പുനഃ​സ്ഥാ​പി​ക്കുക. (മത്തായി 5:23, 24) നിങ്ങൾ ഇരുവ​രും എഫെസ്യർ 4:26-ലെ പൗലോ​സി​ന്റെ വാക്കുകൾ ബാധക​മാ​ക്കു​ന്നു​വെ​ങ്കിൽ തുടക്ക​ത്തിൽത്തന്നെ ശണ്‌ഠകൾ ഒഴിവാ​ക്കാൻ കഴിയും: “സൂര്യൻ അസ്‌ത​മി​ക്കു​വോ​ളം നിങ്ങൾ കോപം വച്ചു​കൊ​ണ്ടി​രി​ക്ക​രുത്‌.” അതെ, നിങ്ങളു​ടെ പ്രശ്‌നങ്ങൾ ചെറു​തും പിടിയിലൊതുങ്ങുന്നതുമായിരിക്കുമ്പോൾതന്നെ അവ ചർച്ച ചെയ്യുക; നിങ്ങളു​ടെ വികാ​രങ്ങൾ പൊട്ടി​ത്തെ​റി​യു​ടെ വക്കോളം എത്തുന്ന​തു​വരെ കാത്തി​രി​ക്ക​രുത്‌. ഓരോ ദിവസ​വും നിങ്ങളെ ഉൽക്കണ്‌ഠ​പ്പെ​ടു​ത്തുന്ന കാര്യ​ങ്ങ​ളെ​ക്കു​റി​ച്ചു സംസാ​രി​ക്കാൻ ഏതാനും മിനി​റ​റു​കൾ ചെലവ​ഴി​ക്കു​ന്നത്‌ ആശയവി​നി​യമം വളർത്തു​ന്ന​തി​നും തെററി​ദ്ധാ​ര​ണകൾ ഒഴിവാ​ക്കു​ന്ന​തി​നും വളരെ സഹായ​ക​മാ​യി​രി​ക്കും.

‘യഹോ​വ​യു​ടെ മാനസിക ക്രമവൽക്ക​രണം’

8. ചില യുവജ​നങ്ങൾ സത്യത്തിൽ നിന്ന്‌ അകന്നു പോ​യേ​ക്കാ​വു​ന്നത്‌ എന്തു​കൊണ്ട്‌?

⁸ തങ്ങളുടെ കുട്ടി​കളെ കാര്യ​മായ മാർഗ്ഗ​നിർദ്ദേ​ശ​മൊ​ന്നും കൂടാതെ വളരാൻ അനുവ​ദി​ക്കു​ന്ന​തിൽ ചില മാതാ​പി​താ​ക്കൾ സംതൃ​പ്‌ത​രാ​ണെന്നു തോന്നു​ന്നു. കുട്ടികൾ മീററിം​ഗു​ക​ളിൽ സംബന്ധി​ക്കു​ക​യും വയൽസേ​വ​ന​ത്തിൽ കുറെ​യെ​ല്ലാം പങ്കെടു​ക്കു​ക​യും ചെയ്യുന്നു, എന്നാൽ മിക്ക​പ്പോ​ഴും അവർ യഹോ​വ​യു​മാ​യി സ്വന്തമായ ഒരു ബന്ധം പടുത്തു​യർത്തി​യി​ട്ടില്ല. കാല​ക്ര​മ​ത്തിൽ “ജഡമോ​ഹ​വും കൺമോ​ഹ​വും” അങ്ങനെ​യുള്ള അനേകം യുവജ​ന​ങ്ങളെ സത്യത്തിൽനിന്ന്‌ അകററി​ക്ക​ള​ഞ്ഞേ​ക്കാം. (1 യോഹ​ന്നാൻ 2:16) മാതാ​പി​താ​ക്കൾ അർമ്മ​ഗെ​ദ്ദോ​നെ അതിജീ​വി​ക്കു​ക​യും എന്നാൽ കഴിഞ്ഞ​കാ​ലത്തെ അവഗണന നിമിത്തം തങ്ങളുടെ കുട്ടി​കളെ അപകട​ത്തിൽപ്പെ​ട്ട​വ​രു​ടെ കൂട്ടത്തിൽ പിമ്പിൽ വിട്ടു​ക​ള​യു​ക​യും ചെയ്യേണ്ടി വരുന്നത്‌ എത്ര സങ്കടക​ര​മാ​യി​രി​ക്കും!

9, 10. (എ) കുട്ടി​കളെ “യഹോ​വ​യു​ടെ ശിക്ഷണ​ത്തി​ലും മാനസിക ക്രമവൽക്ക​ര​ണ​ത്തി​ലും” വളർത്തി​ക്കൊ​ണ്ടു​വ​രു​ന്ന​തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌? (ബി) തങ്ങളുടെ വികാ​രങ്ങൾ സ്വത​ന്ത്ര​മാ​യി പ്രകടി​പ്പി​ക്കാൻ കുട്ടി​കളെ അനുവ​ദി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁹ അതു​കൊ​ണ്ടു പൗലോസ്‌ ഇപ്രകാ​രം എഴുതി: “പിതാ​ക്കൻമാ​രേ, നിങ്ങളു​ടെ മക്കളെ പ്രകോ​പി​പ്പി​ക്കാ​തെ യഹോ​വ​യു​ടെ ശിക്ഷണ​ത്തി​ലും മാനസിക ക്രമവൽക്ക​ര​ണ​ത്തി​ലും വളിർത്തി​ക്കൊ​ണ്ടു​വ​രു​വിൻ.” (എഫെസ്യർ 6:4, NW) അങ്ങനെ ചെയ്യു​ന്ന​തി​നു യഹോ​വ​യു​ടെ നിലവാ​ര​ങ്ങ​ളോ​ടു നിങ്ങൾതന്നെ നന്നായി പരിച​യ​പ്പെ​ട്ടി​രി​ക്കണം. നിങ്ങളു​ടെ വിനോ​ദ​ങ്ങ​ളു​ടെ തെര​ഞ്ഞെ​ടുപ്പ്‌, വ്യക്തി​പ​ര​മായ പഠനം, മീററിം​ഗു​ക​ളി​ലെ ഹാജർ, വയൽസേ​വനം എന്നിവ​പോ​ലുള്ള കാര്യ​ങ്ങ​ളിൽ നിങ്ങൾതന്നെ നല്ല ദൃഷ്ടാന്തം വയ്‌ക്കു​ക​യും വേണം. ഒരു പിതാവ്‌ അല്ലെങ്കിൽ മാതാവ്‌ (1) തന്റെ കുട്ടി​കളെ വിവേ​ക​പൂർവ്വം നിരീ​ക്ഷി​ക്ക​ണ​മെ​ന്നും (2) അവരു​മാ​യി നല്ല ആശയവി​നി​യമം നിലനിർത്ത​ണ​മെ​ന്നും​കൂ​ടെ പൗലോ​സി​ന്റെ വാക്കുകൾ സൂചി​പ്പി​ക്കു​ന്നു. അപ്പോൾമാ​ത്രമേ അവർക്കു “മാനസിക ക്രമവൽക്ക​രണം” എവി​ടെ​യാണ്‌ ആവശ്യ​മാ​യി​രി​ക്കു​ന്നത്‌ എന്നു നിങ്ങൾക്ക്‌ അറിയാൻ കഴിയു​ക​യു​ള്ളു.

¹⁰ കൗമാ​ര​പ്രാ​യ​ക്കാർ ഒരളവി​ലുള്ള സ്വാത​ന്ത്ര്യ​ത്തി​നു​വേണ്ടി യത്‌നി​ക്കു​ന്നതു സ്വാഭാ​വി​ക​മാണ്‌. എന്നിരു​ന്നാ​ലും, അവരുടെ സംസാ​ര​ത്തി​ലും ചിന്തയി​ലും വസ്‌ത്ര​ധാ​രണം, ചമയം, സുഹൃ​ത്തു​ക്ക​ളു​ടെ തെര​ഞ്ഞെ​ടുപ്പ്‌ എന്നിവ​യി​ലും ലോക​സ്വാ​ധീ​ന​ത്തി​ന്റെ വ്യക്തമായ ലക്ഷണങ്ങൾ തിരി​ച്ച​റി​യു​ന്ന​തിൽ നിങ്ങൾ ജാഗ്ര​ത​യു​ള്ള​വ​രാ​യി​രി​ക്കണം. ജ്ഞാനി​യായ ഒരു പിതാവ്‌ സദൃശ​വാ​ക്യ​ങ്ങൾ 23:26-ൽ രേഖ​പ്പെ​ടു​ത്തി​യി​രി​ക്കുന്ന പ്രകാരം പറഞ്ഞു: “മകനേ, നിന്റെ ഹൃദയം എനിക്കു തരിക.” നിങ്ങളു​ടെ മക്കൾക്കു നിങ്ങളു​മാ​യി അവരുടെ ചിന്തക​ളും വികാ​ര​ങ്ങ​ളും പങ്കുവ​യ്‌ക്കാൻ സ്വാത​ന്ത്ര്യം തോന്നു​ന്നു​ണ്ടോ? ഉടനടി വഴക്കു കേൾക്കേ​ണ്ടി​വ​രു​മെ​ന്നുള്ള ഭയപ്പാ​ടി​ല്ലാ​ത്ത​പ്പോൾ പാഠ്യേ​തര പ്രവർത്ത​നങ്ങൾ, ഡെയി​റ​റിംഗ്‌, ഉന്നത വിദ്യാ​ഭ്യാ​സം എന്നിവ സംബന്ധി​ച്ചോ അല്ലെങ്കിൽ ബൈബിൾ സത്യ​ത്തെ​പ്പ​ററി പോലു​മോ തങ്ങൾ യഥാർത്ഥ​ത്തിൽ എന്തു വിചാ​രി​ക്കു​ന്നു എന്നു വെളി​പ്പെ​ടു​ത്താൻ കുട്ടികൾ കൂടുതൽ ചായ്‌വു​ള്ള​വ​രാ​യി​രി​ക്കാം.

11, 12. (എ) കുടും​ബ​ത്തിൽ ആശയവി​നി​യമം അഭിവൃ​ദ്ധി​പ്പെ​ടു​ത്താൻ ഭക്ഷണ​വേ​ളകൾ എങ്ങനെ ഉപയോ​ഗി​ക്കാൻ കഴിയും? (ബി) തങ്ങളുടെ കുട്ടി​ക​ളു​മാ​യി ആശയവി​നി​യമം മെച്ച​പ്പെ​ടു​ത്താ​നുള്ള ഒരു പിതാ​വി​ന്റെ​യോ മാതാ​വി​ന്റെ​യോ നിരന്ത​ര​മായ ശ്രമങ്ങൾക്ക്‌ എന്തു ഫലമു​ണ്ടാ​യേ​ക്കാം?

¹¹ അനേകം രാജ്യ​ങ്ങ​ളിൽ കുടും​ബാം​ഗങ്ങൾ ഒരുമി​ച്ചി​രു​ന്നു ഭക്ഷണം കഴിക്കുന്ന പതിവുണ്ട്‌. അപ്രകാ​രം ഭക്ഷണവേള കുടും​ബാം​ഗ​ങ്ങൾക്ക്‌ എല്ലാവർക്കും കെട്ടു​പണി ചെയ്യുന്ന സംഭാ​ഷ​ണ​ത്തിൽ പങ്കുപ​റ​റാൻ നല്ല അവസരം പ്രദാനം ചെയ്യുന്നു. മിക്ക​പ്പോ​ഴും ടിവി​യും മററു ശ്രദ്ധാ​ശൈ​ഥി​ല്യ​ങ്ങ​ളും കുടും​ബ​ഭ​ക്ഷ​ണ​വേ​ളക്ക്‌ ഇടം അനുവ​ദി​ക്കാ​തി​രി​ക്കു​ന്നു. എന്നാൽ തുടർച്ച​യാ​യി അനേകം മണിക്കൂ​റു​കൾ നിങ്ങളു​ടെ കുട്ടികൾ ഫലത്തിൽ ലൗകിക ചിന്താ​ഗ​തി​ക്കു വിധേ​യ​രാ​യി സ്‌കൂ​ളിൽ തടഞ്ഞു വയ്‌ക്ക​പ്പെ​ട്ടി​രി​ക്കു​ക​യാ​യി​രു​ന്നു. ഭക്ഷണ​വേ​ളകൾ നിങ്ങളു​ടെ കുട്ടി​ക​ളു​മാ​യി ആശയവി​നി​യമം നടത്താൻ പററിയ സമയമാണ്‌. “ആ ദിവസം സംഭവിച്ച കാര്യ​ങ്ങ​ളെ​പ്പ​ററി സംസാ​രി​ക്കാൻ ഞങ്ങൾ ഭക്ഷണ സമയങ്ങൾ ഉപയോ​ഗി​ക്കു​ന്നു” എന്ന്‌ ഒരു മാതാവ്‌ പറയുന്നു. എന്നാൽ ഭക്ഷണ​വേ​ളകൾ കുട്ടി​കളെ വിഷമി​പ്പി​ക്കുന്ന ശിക്ഷണ​ത്തി​ന്റെ​യും ചോദ്യം​ചെ​യ്യ​ലി​ന്റെ​യും കൂടി​വ​ര​വു​കൾ ആയിത്തീ​രേ​ണ്ട​തില്ല. ആ സന്ദർഭം വിശ്ര​മ​ത്തി​ന്റെ​യും ആസ്വാ​ദ​ന​ത്തി​ന്റേ​തു​മാ​യി​രി​ക്കട്ടെ!

¹² കുട്ടികൾ നിങ്ങ​ളോ​ടു തുറന്നു സംസാ​രി​ക്കാൻ ഇടയാ​ക്കുക എന്നത്‌ ഒരു വെല്ലു​വി​ളി​യാണ്‌. അതിന്‌ അങ്ങേയ​റ​റത്തെ ക്ഷമ ആവശ്യ​മാ​യി​രു​ന്നേ​ക്കാം. എന്നിരു​ന്നാ​ലും കാല​ക്ര​മ​ത്തിൽ നിങ്ങൾ ഹൃദ​യോ​ദ്ദീ​പ​ക​മായ ഫലങ്ങൾ കണ്ടേക്കാം. “ഞങ്ങളുടെ 14 വയസ്സുള്ള മകൻ വിഷാ​ദ​മ​ഗ്ന​നും ഒററ​പ്പെട്ടു നടക്കു​ന്ന​വ​നു​മാ​യി​രു​ന്നു.” അതു സംബന്ധിച്ച്‌ ഉത്‌ക്ക​ണ്‌ഠ​യു​ണ്ടാ​യി​രുന്ന ഒരു മാതാവ്‌ അനുസ്‌മ​രി​ക്കു​ന്നു. “ഞങ്ങളുടെ പ്രാർത്ഥ​ന​ക​ളു​ടെ​യും സ്ഥിരപ​രി​ശ്ര​മ​ത്തി​ന്റെ​യും ഫലമായി അവൻ ഇപ്പോൾ കാര്യങ്ങൾ തുറന്നു സംസാ​രി​ക്കാൻ തുടങ്ങി​യി​രി​ക്കു​ന്നു!”

കെട്ടു​പണി ചെയ്യുന്ന കുടുംബ അദ്ധ്യയനം

13. കുട്ടി​കൾക്കു നേര​ത്തേ​തന്നെ പരിശീ​ലനം കൊടു​ക്കു​ന്നതു പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌, അത്‌ എങ്ങനെ സാധി​ക്കാം?

¹³ “മാനസിക ക്രമവൽക്ക​ര​ണ​ത്തിൽ” ദൈവ​വ​ച​ന​ത്തിൽനി​ന്നുള്ള ചിട്ടയായ പ്രബോ​ധ​ന​വും ഉൾപ്പെ​ടു​ന്നു. തിമൊ​ഥെ​യൊ​സി​ന്റെ കാര്യ​ത്തി​ലെ​ന്ന​പോ​ലെ അത്തരം പരിശീ​ലനം “ബാല്യം​മു​തൽ” തുടങ്ങണം. (2 തിമൊ​ഥെ​യൊസ്‌ 3:15) നേര​ത്തെ​യുള്ള പരിശീ​ലനം സ്‌കൂൾ വർഷങ്ങ​ളി​ലെ വിശ്വാ​സ​ത്തി​ന്റെ പരി​ശോ​ധ​ന​കൾക്ക്‌—ജൻദി​നാ​ഘോ​ഷങ്ങൾ, ദേശഭ​ക്തി​പ​ര​മായ ചടങ്ങുകൾ, അല്ലെങ്കിൽ മതപര​മായ വിശേ​ഷ​ദി​വ​സങ്ങൾ—കുട്ടി​കളെ ബലിഷ്‌ഠ​രാ​ക്കു​ന്നു. അത്തരം പരി​ശോ​ധ​ന​കൾക്കുള്ള തയ്യാ​റെ​ടു​പ്പി​ല്ലാ​ഞ്ഞാൽ ഒരു കുട്ടി​യു​ടെ വിശ്വാ​സം തകർക്ക​പ്പെ​ട്ടേ​ക്കാം. അതു​കൊണ്ട്‌ മഹദ്‌ഗു​രു​വി​നെ ശ്രദ്ധിക്കൽ, എന്റെ ബൈബിൾ കഥാപു​സ്‌തകം എന്നിവ​പോ​ലെ കൊച്ചു​കു​ട്ടി​കൾക്കു​വേണ്ടി വാച്ച്‌ടവർ സൊ​സൈ​ററി തയ്യാറാ​ക്കി തന്നിരി​ക്കുന്ന പ്രസി​ദ്ധീ​ക​ര​ണ​ങ്ങ​ളിൽനി​ന്നു പ്രയോ​ജനം നേടുക.a

14. കുടുംബ അദ്ധ്യയനം എങ്ങനെ ക്രമമു​ള്ള​താ​യി സൂക്ഷി​ക്കാം, ക്രമമായ ഒരു കുടുംബ അദ്ധ്യയനം ഉണ്ടായി​രി​ക്കു​ന്ന​തി​നു നിങ്ങൾ എന്തു ചെയ്‌തി​രി​ക്കു​ന്നു?

¹⁴ ശ്രദ്ധ​കൊ​ടു​ക്കേണ്ട മറെറാ​രു മണ്ഡലം കുടുംബ അദ്ധ്യയ​ന​മാണ്‌, അത്‌ എളുപ്പ​ത്തിൽ ക്രമമി​ല്ലാ​ത്ത​താ​യി​ത്തീ​രു​ക​യോ മാതാ​പി​താ​ക്കൾക്കും കുട്ടി​കൾക്കും പീഡാ​ക​ര​മായ, വിരസ​വും യാന്ത്രി​ക​വു​മായ ഒരു സംഗതി​യാ​യി​ത്തീ​രു​ക​യോ ചെയ്‌തേ​ക്കാം. നിങ്ങൾക്കു കാര്യങ്ങൾ എങ്ങനെ മെച്ച​പ്പെ​ടു​ത്താൻ കഴിയും? ഒന്നാമ​താ​യി, ടിവി പരിപാ​ടി​ക​ളോ മററു വിനോ​ദ​ങ്ങ​ളോ അതിന്റെ സമയം തട്ടി​യെ​ടു​ക്കാൻ അനുവ​ദി​ക്കാ​തെ അദ്ധ്യയ​ന​ത്തി​നു വേണ്ടി നിങ്ങൾ ‘സമയം വിലയ്‌ക്കു​വാ​ങ്ങേ​ണ്ട​തുണ്ട്‌.’ (എഫെസ്യർ 5:15-17, NW) “ഞങ്ങളുടെ കുടുംബ അദ്ധ്യയനം ക്രമമാ​യി നടത്തു​ന്നതു ഞങ്ങൾക്ക്‌ പ്രയാ​സ​മാ​യി​രു​ന്നു,” ഒരു കുടും​ബ​ത്ത​ലവൻ സമ്മതി​ക്കു​ന്നു. “രാത്രി കുറച്ചു വൈകി ഞങ്ങൾക്കു പ്രാ​യോ​ഗി​ക​മായ ഒരു സമയം ഒടുവിൽ കണ്ടെത്തു​ന്ന​തു​വരെ ഞങ്ങൾ വ്യത്യസ്‌ത സമയങ്ങൾ പരീക്ഷി​ച്ചു നോക്കി. ഇപ്പോൾ ഞങ്ങളുടെ കുടും​ബാ​ദ്ധ്യ​യനം ക്രമമു​ള്ള​താണ്‌.”

15. നിങ്ങളു​ടെ കുടുംബ അദ്ധ്യയനം നിങ്ങളു​ടെ കുടും​ബ​ത്തി​ന്റെ ആവശ്യ​ങ്ങൾക്കു യോജി​ച്ച​താ​ക്കു​ന്നത്‌ എങ്ങനെ?

¹⁵ അടുത്ത​താ​യി, നിങ്ങളു​ടെ കുടും​ബ​ത്തി​ന്റെ പ്രത്യേക ആവശ്യങ്ങൾ പരിഗ​ണി​ക്കുക. അനേകം കുടും​ബങ്ങൾ വാരം​തോ​റു​മുള്ള തങ്ങളുടെ വീക്ഷാ​ഗോ​പുര പഠനഭാ​ഗം ഒരുമി​ച്ചു തയ്യാറാ​കു​ന്നത്‌ ആസ്വദി​ക്കു​ന്നു. എന്നാൽ കൂടെ​ക്കൂ​ടെ സ്‌കൂ​ളിൽ അഭിമു​ഖീ​ക​രി​ക്കുന്ന പ്രശ്‌നങ്ങൾ ഉൾപ്പെടെ നിങ്ങളു​ടെ കുടും​ബം ചർച്ച​ചെ​യ്യേ​ണ്ട​തായ പ്രത്യേക പ്രശ്‌നങ്ങൾ ഉണ്ടായി​രി​ക്കാം. യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌ത​ക​വും വീക്ഷാ​ഗോ​പു​ര​ത്തിൽനി​ന്നും ഉണരുക!യിൽനി​ന്നു​മുള്ള ലേഖന​ങ്ങ​ളും ഈ ആവശ്യം നിറ​വേ​റ​റും. “ഞങ്ങളുടെ ആൺകു​ട്ടി​ക​ളിൽ തിരുത്തൽ ആവശ്യ​മുള്ള ഏതെങ്കി​ലും മനോ​ഭാ​വം ഞങ്ങൾ കാണു​ന്നു​വെ​ങ്കിൽ യുവജ​നങ്ങൾ ചോദി​ക്കു​ന്നു പുസ്‌ത​ക​ത്തിൽ ആ വിവരം ചർച്ച ചെയ്യുന്ന അദ്ധ്യായം ഞങ്ങൾ കണ്ടുപി​ടി​ക്കു​ന്നു,” ഒരു പിതാവു പറയുന്നു. അയാളു​ടെ ഭാര്യ ഇപ്രകാ​രം കൂട്ടി​ച്ചേർക്കു​ന്നു: “ഞങ്ങൾ വഴക്കമു​ള്ള​വ​രാ​യി​രി​ക്കാൻ ശ്രമി​ക്കു​ന്നു. ഞങ്ങൾ പഠനത്തി​നു​വേണ്ടി എന്തെങ്കി​ലും ആസൂ​ത്രണം ചെയ്‌താൽ മറെറ​ന്തെ​ങ്കി​ലും ചർച്ച ചെയ്യേണ്ട ആവശ്യം നേരി​ടു​ന്നു​വെ​ങ്കിൽ ആവശ്യ​മ​നു​സ​രി​ച്ചു ഞങ്ങൾ മാററം വരുത്തു​ന്നു.”

16. (എ) നിങ്ങളു​ടെ കുട്ടികൾ പഠിക്കു​ന്നത്‌ അവർക്കു മനസ്സി​ലാ​കു​ന്നു​ണ്ടെന്ന്‌ നിങ്ങൾക്ക്‌ എങ്ങനെ ഉറപ്പാ​ക്കാം? (ബി) ഒരു കുടുംബ അദ്ധ്യയനം നടത്തു​മ്പോൾ സാധാ​ര​ണ​യാ​യി എന്ത്‌ ഒഴിവാ​ക്കണം?

¹⁶ നിങ്ങളു​ടെ കുട്ടികൾ പഠിക്കുന്ന കാര്യങ്ങൾ അവർക്കു യഥാർത്ഥ​ത്തിൽ മനസ്സി​ലാ​കു​ന്നു​ണ്ടെന്ന്‌ നിങ്ങൾക്ക്‌ എങ്ങനെ ഉറപ്പു​വ​രു​ത്താൻ കഴിയും? വിദഗ്‌ദ്ധ ഉപദേ​ഷ്ടാ​വാ​യി​രുന്ന യേശു “നിനക്കു എന്തു തോന്നു​ന്നു?” എന്നതു​പോ​ലെ​യുള്ള വീക്ഷണ ചോദ്യ​ങ്ങൾ ചോദി​ച്ചു. (മത്തായി 17:25) അതുതന്നെ ചെയ്‌തു​കൊ​ണ്ടു നിങ്ങളു​ടെ കുട്ടികൾ യഥാർത്ഥ​ത്തിൽ എന്തു വിചാ​രി​ക്കു​ന്നു എന്നു കണ്ടുപി​ടി​ക്കാൻ ശ്രമി​ക്കുക. അവന്റെ അല്ലെങ്കിൽ അവളുടെ സ്വന്തം വാക്കു​ക​ളിൽ ഉത്തരം പറയാൻ ഓരോ കുട്ടി​യെ​യും പ്രോൽസാ​ഹി​പ്പി​ക്കുക. അവരുടെ സത്യസ​ന്ധ​മായ അഭി​പ്രാ​യ​പ്ര​ക​ട​ന​ങ്ങൾക്കു നേരേ കോപ​ത്തോ​ടെ​യോ ഞെട്ട​ലോ​ടെ​യോ നിങ്ങൾ അതിരു​വി​ട്ടു പ്രതി​ക​രി​ക്കു​ന്നു​വെ​ങ്കിൽ മേലാൽ നിങ്ങ​ളോ​ടു തുറന്നു സംസാ​രി​ക്കു​ന്ന​തി​നു​മുമ്പ്‌ തീർച്ച​യാ​യും അവർ രണ്ടുവട്ടം ചിന്തി​ക്കും. അതു​കൊ​ണ്ടു ശാന്തരാ​യി​രി​ക്കുക. കുടുംബ അദ്ധ്യയനം ശാസി​ക്കു​ന്ന​തി​നുള്ള ഒരു അവസര​മാ​ക്കു​ന്നത്‌ ഒഴിവാ​ക്കുക. അത്‌ ആസ്വാ​ദ്യ​വും കെട്ടു​പണി ചെയ്യു​ന്ന​തു​മാ​യി​രി​ക്കണം. “എന്റെ കുട്ടി​ക​ളിൽ ഒരാൾക്ക്‌ ഒരു പ്രശ്‌ന​മു​ണ്ടെന്നു ഞാൻ കണ്ടെത്തു​ന്നു​വെ​ങ്കിൽ,” ഒരു പിതാവു പറയുന്നു, “ഞാൻ അതു മറെറാ​രു സമയത്തു കൈകാ​ര്യം​ചെ​യ്യും.” “കുട്ടി​യോട്‌ ഒററക്ക്‌ ഇടപെ​ടു​മ്പേൾ,” ഒരു മാതാവ്‌ കൂട്ടി​ച്ചേർക്കു​ന്നു, “കുടുംബ അദ്ധ്യയ​ന​ത്തി​ന്റെ സമയത്തു ബുദ്ധ്യു​പ​ദേ​ശി​ക്ക​പ്പെ​ടു​ന്ന​തി​നേ​ക്കാൾ സ്വത​ന്ത്ര​മാ​യി സംസാ​രി​ക്കു​ന്ന​തി​നു കുട്ടി ചായ്‌വു കാണി​ക്കു​ന്നു, അവന്‌ അത്രതന്നെ ബുദ്ധി​മു​ട്ടു തോന്നു​ക​യു​മില്ല.”

17. നിങ്ങളു​ടെ കുടുംബ അദ്ധ്യയനം രസകര​മാ​ക്കാൻ എന്തു ചെയ്യാൻ കഴിയും, നിങ്ങളു​ടെ കുടും​ബ​ത്തിന്‌ എന്താണ്‌ പ്രാ​യോ​ഗി​ക​മാ​യി​രി​ക്കു​ന്നത്‌?

¹⁷ കുടുംബ അദ്ധ്യയ​ന​ത്തിൽ കുട്ടി​കളെ പങ്കെടു​പ്പി​ക്കു​ന്നത്‌ ഒരു വെല്ലു​വി​ളി​യാ​യി​രി​ക്കാൻ കഴിയും, പ്രത്യേ​കിച്ച്‌ വ്യത്യസ്‌ത പ്രായ​ക്കാ​രായ കുട്ടി​ക​ളു​മാ​യി നിങ്ങൾ ഇടപെ​ടേ​ണ്ടി​വ​രു​മ്പോൾ. കൊച്ചു​കു​ട്ടി​കൾ അക്ഷമരും അസ്വസ്ഥ​രു​മാ​യി​ത്തീർന്നേ​ക്കാം, അല്ലെങ്കിൽ അവർക്കു ചുരു​ങ്ങിയ സമയ​ത്തേക്കു മാത്രമേ ശ്രദ്ധി​ച്ചി​രി​ക്കാൻ കഴിക​യു​ള്ളു​വെന്നു പ്രകട​മാ​ക്കി​യേ​ക്കാം. നിങ്ങൾക്ക്‌ എന്തു ചെയ്യാൻ കഴിയും? പഠനാ​ന്ത​രീ​ക്ഷം വിശ്ര​മ​ദാ​യ​ക​മാ​ക്കി സൂക്ഷി​ക്കാൻ ശ്രമി​ക്കുക. നിങ്ങളു​ടെ കുട്ടി​കൾക്കു കുറച്ചു സമയ​ത്തേക്കു മാത്രമേ ശ്രദ്ധ കേന്ദ്രീ​ക​രി​ക്കാൻ കഴിയു​ക​യു​ള്ളു​വെ​ങ്കിൽ കുറഞ്ഞ സമയ​ത്തേക്ക്‌ എന്നാൽ കൂടുതൽ തവണക​ളി​ലാ​യി അദ്ധ്യയനം നടത്തുക. നിങ്ങൾ നല്ല ഉത്സാഹം പ്രകട​മാ​ക്കു​ന്ന​തും സഹായ​ക​മാണ്‌. ‘ഭരിക്കു​ന്നവൻ ഉത്സാഹ​ത്തോ​ടെ ഭരിക്കട്ടെ.’ (റോമർ 12:8) എല്ലാവ​രെ​യും ഉൾപ്പെ​ടു​ത്തുക. കൊച്ചു​കു​ട്ടി​കൾക്കു പടങ്ങളെ സംബന്ധിച്ച്‌ അഭി​പ്രാ​യം പറയാ​നോ ലളിത​മായ ചോദ്യ​ങ്ങൾക്ക്‌ ഉത്തരം പറയാ​നോ കഴി​ഞ്ഞേ​ക്കും. കൗമാ​ര​പ്രാ​യ​ക്കാ​രോ​ടു കൂടു​ത​ലായ ഗവേഷണം നടത്തു​ന്ന​തി​നോ ചർച്ച ചെയ്യ​പ്പെ​ടുന്ന വിവര​ങ്ങ​ളു​ടെ പ്രാ​യോ​ഗിക മൂല്യം ചൂണ്ടി​ക്കാ​ണി​ക്കു​ന്ന​തി​നോ ആവശ്യ​പ്പെ​ടാ​വു​ന്ന​താണ്‌.

18. മാതാ​പി​താ​ക്കൾക്ക്‌ എല്ലാ അവസര​ങ്ങ​ളി​ലും എങ്ങനെ ദൈവ​വ​ചനം കുട്ടി​ക​ളു​ടെ ഹൃദയ​ങ്ങ​ളിൽ പതിപ്പി​ക്കാം, എന്തു ഫലത്തോ​ടെ?

¹⁸ എന്നാൽ ആത്മീയ പ്രബോ​ധനം ആഴ്‌ച​യിൽ ഒരു മണിക്കൂർ സമയ​ത്തേക്കു മാത്ര​മാ​യി പരിമി​ത​പ്പെ​ടു​ത്ത​രുത്‌. എല്ലാ അവസര​ങ്ങ​ളി​ലും നിങ്ങളു​ടെ കുട്ടി​ക​ളു​ടെ മനസ്സു​ക​ളിൽ ദൈവ​ത്തി​ന്റെ വചനം പതിപ്പി​ക്കുക. (ആവർത്തനം 6:7) അവരെ ശ്രദ്ധി​ക്കാൻ സമയ​മെ​ടു​ക്കുക. അവരെ പ്രബോ​ധി​പ്പി​ക്കു​ക​യും ആവശ്യ​മാ​യി​രി​ക്കു​മ്പോൾ ആശ്വസി​പ്പി​ക്കു​ക​യും ചെയ്യുക. (1 തെസ്സ​ലൊ​നീ​ക്യർ 2:11 താരത​മ്യം ചെയ്യുക.) അനുക​മ്പ​യും കരുണ​യു​മു​ള്ള​വ​രാ​യി​രി​ക്കുക. (സങ്കീർത്തനം 103:13; മലാഖി 3:17) അങ്ങനെ ചെയ്യു​ക​വഴി നിങ്ങൾ നിങ്ങളു​ടെ കുട്ടി​ക​ളിൽ ‘പ്രമോ​ദം കണ്ടെത്തുക’യും ദൈവ​ത്തി​ന്റെ പുതിയ ലോക​ത്തി​ലേക്ക്‌ അവർ കാത്തു സൂക്ഷി​ക്ക​പ്പെ​ടു​ന്ന​തി​നു പിന്തുണ കൊടു​ക്കു​ക​യും ചെയ്യും.—സദൃശ​വാ​ക്യ​ങ്ങൾ 29:17.

“ചിരി​പ്പാൻ ഒരു കാലം”

19, 20. (എ) കുടുംബ ജീവി​ത​ത്തിൽ വിനോ​ദ​ത്തിന്‌ എന്തു സ്ഥാനമാ​ണു​ള്ളത്‌? (ബി) തങ്ങളുടെ കുടും​ബ​ത്തി​നു​വേണ്ടി മാതാ​പി​താ​ക്കൾക്കു വിനോ​ദം ക്രമീ​ക​രി​ക്കാൻ കഴിയുന്ന ചില വിധങ്ങൾ ഏവ?

¹⁹ “ചിരി​പ്പാൻ ഒരു കാലം . . . നൃത്തം ചെയ്യാൻ ഒരു കാലം” ഉണ്ട്‌. (സഭാ​പ്ര​സം​ഗി 3:4) “ചിരി​ക്കുക” എന്നതി​നുള്ള എബ്രായ പദം “ആഘോ​ഷി​ക്കുക”, “കളിക്കുക”, “വിനോ​ദി​ക്കുക”, “ഒരു ഉല്ലാസ​വേള ആസ്വദി​ക്കുക” എന്നൊക്കെ വിവർത്തനം ചെയ്യാൻ കഴിയും. (2 ശമുവേൽ 6:21; ഇയ്യോബ്‌ 41:5; ന്യായാ​ധി​പൻമാർ 16:25; പുറപ്പാട്‌ 32:6; ഉൽപ്പത്തി 26:8) കളികൾ പ്രയോ​ജ​ന​ക​ര​മായ ഒരു ഉദ്ദേശ്യ​ത്തിന്‌ ഉതകുന്നു, അതു കുട്ടി​കൾക്കും യൗവ്വന​ക്കാർക്കും പ്രധാ​ന​വു​മാണ്‌. ബൈബിൾകാ​ല​ങ്ങ​ളിൽ മാതാ​പി​താ​ക്കൻമാർ തങ്ങളുടെ കുട്ടി​കൾക്കു​വേണ്ടി കലാപ​രി​പാ​ടി​ക​ളും വിനോ​ദ​ങ്ങ​ളും ഏർപ്പാ​ടു​ചെ​യ്‌തി​രു​ന്നു. (ലൂക്കോസ്‌ 15:25 താരത​മ്യം ചെയ്യുക.) നിങ്ങൾ അങ്ങനെ ചെയ്യു​ന്നു​ണ്ടോ?

²⁰ “ഞങ്ങൾ പൊതു പാർക്കു​കൾ പ്രയോ​ജ​ന​പ്പെ​ടു​ത്തു​ന്നു,” ഒരു ക്രിസ്‌തീയ ഭർത്താവു പറയുന്നു. “ഞങ്ങൾ ചെറു​പ്പ​ക്കാ​രായ ചില സഹോ​ദ​ര​ങ്ങളെ ക്ഷണിക്കു​ക​യും പന്തുക​ളി​യും ഒരു പിക്‌നി​ക്കും ഏർപ്പാടു ചെയ്യു​ക​യും ചെയ്യുന്നു. അവർ ഒരു ഉല്ലാസ​വേ​ള​യും ആരോ​ഗ്യാ​വ​ഹ​മായ സഹവാ​സ​വും ആസ്വദി​ക്കു​ന്നു.” മറെറാ​രു പിതാവ്‌ ഇപ്രകാ​രം കൂട്ടി​ച്ചേർക്കു​ന്നു: “ഞങ്ങളുടെ ആൺകു​ട്ടി​ക​ളു​മാ​യി കാര്യങ്ങൾ ചെയ്യാൻ ഞങ്ങൾ ആസൂ​ത്രണം ചെയ്യുന്നു. ഞങ്ങൾ നീന്താൻ പോവു​ക​യും പന്തുക​ളി​ക്കു​ക​യും അവധി​ക്കാ​ലങ്ങൾ ചെലവ​ഴി​ക്കു​ക​യും ചെയ്യുന്നു. എന്നാൽ ഞങ്ങൾ വിനോ​ദ​ങ്ങളെ അവയുടെ ഉചിത​മായ സ്ഥാനത്തു​നിർത്തു​ന്നു. സമനില പാലി​ക്കേ​ണ്ട​തി​ന്റെ ആവശ്യ​ത്തി​നു ഞാൻ ഊന്നൽ കൊടു​ക്കു​ന്നു.” ഉചിത​മായ കൂടി​വ​ര​വു​കൾ അല്ലെങ്കിൽ ഒരു മൃഗശാ​ല​യി​ലേ​ക്കോ കാഴ്‌ച​ബം​ഗ്ലാ​വി​ലേ​ക്കോ ഉള്ള പര്യട​നങ്ങൾ എന്നിവ​പോ​ലുള്ള വിനോ​ദ​ങ്ങൾക്കു ലോക​ത്തി​ന്റേ​തായ ഉല്ലാസ​ങ്ങ​ളി​ലേക്കു ഒരു കുട്ടി ആകർഷി​ക്ക​പ്പെ​ടാ​തി​രി​ക്കു​ന്ന​തി​നു വളരെ​യ​ധി​കം ചെയ്യാൻ കഴിയും.

21. ലോക​ക്കാ​രു​ടെ വിശേ​ഷ​ദി​വ​സങ്ങൾ ആഘോ​ഷി​ക്കാ​ത്ത​തു​കൊ​ണ്ടു തങ്ങൾക്കു നഷ്ടമാ​കു​ന്നു എന്ന തോന്നൽ കുട്ടി​കൾക്ക്‌ ഉണ്ടാകു​ന്നതു മാതാ​പി​താ​ക്കൾക്ക്‌ എങ്ങനെ ഒഴിവാ​ക്കാം?

²¹ നിങ്ങളു​ടെ കുട്ടികൾ പിറന്നാ​ളു​ക​ളോ ക്രിസ്‌ത്യാ​നി​ക്കു യോജി​ക്കാത്ത വിശേ​ഷ​ദി​വ​സ​ങ്ങ​ളോ ആഘോ​ഷി​ക്കാ​ത്ത​തു​കൊണ്ട്‌ അവർക്ക്‌ എന്തോ നഷ്ടമായി എന്ന വിചാരം ഉണ്ടാകാ​തെ സൂക്ഷി​ക്കു​ന്ന​തും പ്രധാ​ന​മാണ്‌. നിങ്ങളു​ടെ ഭാഗത്തെ അൽപ്പം സംഘാ​ട​ന​മു​ണ്ടെ​ങ്കിൽ ആണ്ടുവ​ട്ട​ത്തിൽ ആസ്വാ​ദ്യ​മായ പല സന്ദർഭ​ങ്ങൾക്കു വേണ്ടി​യും അവർക്കു നോക്കി​പ്പാർത്തി​രി​ക്കാൻ കഴിയും. എന്തിന്‌, ഒരു നല്ല പിതാ​വി​നോ മാതാ​വി​നോ ഭൗതി​ക​മായ ഒരു വിധത്തിൽ തങ്ങളുടെ സ്‌നേഹം പ്രകടി​പ്പി​ക്കു​ന്ന​തിന്‌ ഒരു ഒഴിക​ഴി​വാ​യി ഒരു വിശേ​ഷ​ദി​വസം വരാൻ കാത്തി​രി​ക്കേ​ണ്ട​തില്ല. തന്റെ സ്വർഗ്ഗീയ പിതാ​വി​നെ​പ്പോ​ലെ അയാൾക്ക്‌ ‘തന്റെ മക്കൾക്കു നല്ല ദാനങ്ങൾ നൽകാൻ അറിയാം.’—മത്തായി 7:11.

നിങ്ങളു​ടെ കുടും​ബ​ത്തിന്‌ ഒരു നിത്യ​ഭാ​വി ഉറപ്പാക്കൽ

22, 23. (എ) മഹോ​പ​ദ്രവം സമീപ്പി​ക്കവെ, ദൈവ​ഭ​യ​മുള്ള കുടു​ബ​ങ്ങൾക്ക്‌ എന്തു സംബന്ധിച്ച്‌ ഉറപ്പു​ണ്ടാ​യി​രി​ക്കാൻ കഴിയും? (ബി) ദൈവ​ത്തി​ന്റെ പുതിയ ലോക​ത്തി​ലേക്കു കാത്തു​സൂ​ക്ഷി​ക്ക​പ്പെ​ടു​ന്ന​തി​നു കുടും​ബ​ങ്ങൾക്ക്‌ എന്തു ചെയ്യാൻ കഴിയും?

²² സങ്കീർത്ത​ന​ക്കാ​രൻ ഇപ്രകാ​രം പ്രാർത്ഥി​ച്ചു: “ഓ യഹോവേ നീ തന്നെ അവരെ കാക്കും; ഈ തലമു​റ​യിൽ നിന്നുള്ള ഓരോ​രു​ത്ത​രെ​യും അനിശ്ചി​ത​കാ​ല​ത്തോ​ളം നീ കാത്തു സൂക്ഷി​ക്കും.” (സങ്കീർത്തനം 12:7, NW) സാത്താ​നിൽനി​ന്നുള്ള സമ്മർദ്ദം തീർച്ച​യാ​യും വർദ്ധി​ച്ചു​വ​രും—പ്രത്യേ​കി​ച്ചും യഹോ​വ​യു​ടെ സാക്ഷി​ക​ളു​ടെ കുടും​ബ​ങ്ങൾക്കെ​തി​രാ​യി. എന്നിരു​ന്നാ​ലും സദാ രൂക്ഷമാ​യി​ക്കൊ​ണ്ടി​രി​ക്കുന്ന ഈ ആക്രമ​ണ​ത്തി​നെ​തി​രെ ചെറുത്തു നിൽക്കുക സാദ്ധ്യ​മാണ്‌. യഹോ​വ​യു​ടെ സഹായ​ത്താ​ലും ഭർത്താ​ക്കൻമാ​രു​ടെ​യും ഭാര്യ​മാ​രു​ടെ​യും കുട്ടി​ക​ളു​ടെ​യും ഭാഗത്തെ ദൃഢനി​ശ്ച​യ​ത്താ​ലും കഠിനാ​ദ്ധ്വാ​ന​ത്താ​ലും കുടും​ബ​ങ്ങൾക്ക്‌—നിങ്ങളു​ടെ കുടും​ബം ഉൾപ്പെടെ—മഹോ​പ​ദ്ര​വ​ത്തിൽ ജീവ​നോ​ടെ കാത്തു​സൂ​ക്ഷി​ക്ക​പ്പെ​ടു​ന്ന​തി​ന്റെ പ്രത്യാശ ഉണ്ടായി​രി​ക്കാൻ കഴിയും.

²³ ഭർത്താ​ക്കൻമാ​രേ, ഭാര്യ​മാ​രേ, ദൈവ​നി​യു​ക്ത​മായ നിങ്ങളു​ടെ പങ്ക്‌ നിറ​വേ​റ​റി​ക്കൊണ്ട്‌ നിങ്ങളു​ടെ ദാമ്പത്യ​ബ​ന്ധ​ത്തി​ലേക്കു സമാധാ​ന​വും യോജി​പ്പും കൊണ്ടു​വ​രിക. മാതാ​പി​താ​ക്കളേ, കുട്ടി​കൾക്ക്‌ ഏററം ആവശ്യ​മാ​യി​രി​ക്കുന്ന പരിശീ​ല​ന​വും ശിക്ഷണ​വും അവർക്കു നൽകു​ന്ന​തി​നു സമയം വിലയ്‌ക്കു വാങ്ങി​ക്കൊണ്ട്‌ അവർക്ക്‌ ഉചിത​മായ മാതൃക വയ്‌ക്കു​ന്ന​തിൽ തുടരുക. അവരോ​ടു സംസാ​രി​ക്കുക. അവരെ ശ്രദ്ധി​ക്കുക. അവരുടെ ജീവനാണ്‌ അപകട​ത്തി​ലാ​യി​രി​ക്കു​ന്നത്‌! കുട്ടി​കളേ, നിങ്ങളു​ടെ മാതാ​പി​താ​ക്കളെ ശ്രദ്ധി​ക്കു​ക​യും അനുസ​രി​ക്കു​ക​യും ചെയ്യുക. യഹോ​വ​യു​ടെ സഹായ​ത്തോ​ടെ നിങ്ങൾക്കു വിജയി​ക്കു​ന്ന​തി​നും ദൈവ​ത്തി​ന്റെ ആസന്നമായ പുതിയ ലോക​ത്തിൽ നിങ്ങൾക്കാ​യി ഒരു നിത്യ​ഭാ​വി ഭദ്രമാ​ക്കു​ന്ന​തി​നും കഴിയും.

[അടിക്കു​റിപ്പ്‌]

നിങ്ങൾ ഓർമ്മി​ക്കു​ന്നു​വോ?

◻ ഭർത്താ​ക്കൻമാർക്കും ഭാര്യ​മാർക്കും തങ്ങളുടെ ആശയവി​നി​മ​യത്തെ എങ്ങനെ മെച്ച​പ്പെ​ടു​ത്താൻ കഴിയും?

◻ മാതാ​പി​താ​ക്കൾക്കു കുട്ടി​കളെ “യഹോ​വ​യു​ടെ മാനസിക ക്രമവൽക്ക​ര​ണ​ത്തിൽ” വളർത്താൻ കഴിയു​ന്ന​തെ​ങ്ങ​നെ​യാണ്‌? (എഫെസ്യർ 6:4)

◻ കുടുംബ അദ്ധ്യയനം കെട്ടു​പണി ചെയ്യു​ന്ന​തും കൂടുതൽ രസാവ​ഹ​വു​മാ​ക്കി​ത്തീർക്കു​ന്ന​തി​നുള്ള ചില മാർഗ്ഗങ്ങൾ ഏവയാണ്‌?

◻ തങ്ങളുടെ കുടും​ബ​ങ്ങൾക്ക്‌ ഉല്ലാസ​വും വിനോ​ദ​വും പ്രദാനം ചെയ്യു​ന്ന​തി​നു മാതാ​പി​താ​ക്കൾക്ക്‌ എന്തു ചെയ്യാൻ കഴിയും?

[16-ാം പേജിലെ ചതുരം]

സംഗീതം—ഒരു ശക്തമായ സ്വാധീ​നം

കുട്ടി​ക​ളു​ടെ വളർത്തൽ സംബന്ധിച്ച ഒരു പുസ്‌ത​ക​ത്തി​ന്റെ എഴുത്തു​കാ​രൻ ഇപ്രകാ​രം പറയുന്നു: “ഞാൻ ഒരു സദസ്സിന്റെ മുന്നിൽ നിന്നു​കൊണ്ട്‌ . . . കുടിച്ചു മത്തരാ​കു​ന്ന​തി​നോ കൊ​ക്കെ​യി​നോ കഞ്ചാവോ മനസ്സിനെ ബാധി​ക്കുന്ന മറേറ​തെ​ങ്കി​ലും മയക്കു​മ​രു​ന്നോ ഉപയോ​ഗി​ക്കാ​നോ പ്രോൽസാ​ഹനം കൊടു​ക്കു​ക​യാ​ണെ​ങ്കിൽ ആളുകൾ ആശ്ചര്യ​ത്തോ​ടെ എന്നെ തുറിച്ചു നോക്കു​മാ​യി​രു​ന്നു. . . . എന്നിരു​ന്നാ​ലും അത്തരം കാര്യ​ങ്ങളെ തുറന്നു പ്രോൽസാ​ഹി​പ്പി​ക്കുന്ന റിക്കാർഡു​ക​ളോ കാസറ​റു​ക​ളോ വാങ്ങാൻ മാതാ​പി​താ​ക്കൾ മിക്ക​പ്പോ​ഴും തങ്ങളുടെ കുട്ടി​കൾക്കു പണം നൽകുന്നു.” (ഒരു നിഷേ​ധാ​ത്മ​ക​ലോ​ക​ത്തിൽ ആത്മവി​ശ്വാ​സ​മുള്ള കുട്ടി​കളെ വളർത്തൽ, സിഗ്‌ സിഗ്‌ളറിനാലുള്ളത്‌—Raising Positive Kids in a Negative World) ഉദാഹ​ര​ണ​ത്തിന്‌, ഐക്യ​നാ​ടു​ക​ളിൽ അനേകം യുവജ​നങ്ങൾ വ്യക്തമാ​യും ലൈം​ഗി​ക​ത​യെ​പ്പ​റ​റി​യുള്ള ഗാനങ്ങൾ പാടി​ക്കൊ​ണ്ടു നടക്കുന്നു. നിങ്ങളു​ടെ കുട്ടികൾ അത്തരം പൈശാ​ചി​ക​മായ കെണികൾ ഒഴിവാ​ക്കാൻ തക്കവണ്ണം സംഗീതം തെര​ഞ്ഞെ​ടു​ക്കാൻ നിങ്ങൾ അവരെ സഹായി​ക്കു​ന്നു​ണ്ടോ?

[15-ാം പേജിലെ ചിത്രം]

ഭക്ഷണവേളകൾ കുടുംബ ഐക്യ​വും ആശയവി​നി​മ​യ​വും അഭിവൃ​ദ്ധി​പ്പെ​ടു​ത്തുന്ന ആസ്വാ​ദ്യ​മായ അവസര​ങ്ങ​ളാ​യി​രി​ക്കാൻ കഴിയും