വ്യക്തി​ത്വ​മുള്ള ദൈവ​മായ യഹോ​വയെ അറിയുക

ദൈവത്തെ സംബന്ധിച്ച ഹൈന്ദ​വാ​ശ​യത്തെ മറ്റു മതവ്യ​വ​സ്ഥി​തി​ക​ളു​ടേ​തു​മാ​യി താരത​മ്യം ചെയ്‌തു​കൊണ്ട്‌ ഇന്ത്യയിൽ നിന്നുള്ള ഡോ. എസ്‌. രാധാ​കൃ​ഷ്‌ണൻ അഭി​പ്രാ​യ​പ്പെ​ടു​ന്നു: “എബ്രാ​യ​രു​ടെ ദൈവം ഒരു വ്യത്യസ്‌ത തരത്തി​ലു​ള്ള​വ​നാണ്‌. അവൻ വ്യക്തി​ത്വ​മു​ള്ള​വ​നും ചരി​ത്ര​ത്തിൽ പ്രവർത്ത​ന​നി​ര​ത​നും ഈ വികസ്വര ലോക​ത്തി​ലെ മാറ്റങ്ങ​ളി​ലും ആകസ്‌മിക സംഭവ​ങ്ങ​ളി​ലും തത്‌പ​ര​നു​മാണ്‌. നമ്മോട്‌ ആശയവി​നി​യമം ചെയ്യുന്ന ഒരു വ്യക്തി​യാണ്‌ അവൻ.”

ബൈബി​ളി​ലെ ദൈവ​ത്തി​ന്റെ എബ്രായ പേര്‌ “യഹോവ” എന്ന്‌ പൊതു​വേ പരിഭാ​ഷ​പ്പെ​ടു​ത്തുന്ന יהוה ആണ്‌. അവൻ മറ്റെല്ലാ ദൈവ​ങ്ങൾക്കും അതീത​നാണ്‌. അവനെ​ക്കു​റിച്ച്‌ നമു​ക്കെ​ന്താണ്‌ അറിയാ​വു​ന്നത്‌? ബൈബിൾ കാലങ്ങ​ളി​ലെ ആളുക​ളു​മാ​യി അവൻ എങ്ങനെ ഇടപെട്ടു?

യഹോ​വ​യും മോശ​യും “മുഖാ​മു​ഖം”

മോശ​യ്‌ക്ക്‌ ദൈവത്തെ അക്ഷരീ​യ​മാ​യി കാണാൻ കഴിഞ്ഞി​ല്ലെ​ങ്കി​ലും യഹോ​വ​യും അവന്റെ ദാസനായ മോശ​യും തമ്മിൽ “മുഖാ​മുഖ”മായുള്ള സൗഹൃ​ദ​മു​ണ്ടാ​യി​രു​ന്നു. (ആവർത്ത​ന​പു​സ്‌തകം 34:10, NW; പുറപ്പാ​ടു 33:20) യൗവന​ത്തിൽ മോശ​യു​ടെ ഹൃദയം അന്ന്‌ ഈജി​പ്‌തിൽ അടിമ​ത്ത​ത്തി​ലാ​യി​രുന്ന ഇസ്രാ​യേ​ല്യ​രോ​ടൊ​പ്പ​മാ​യി​രു​ന്നു. “ദൈവ​ജ​ന​ത്തോ​ടു​കൂ​ടെ കഷ്ടമനു​ഭ​വി​ക്കു​ന്നതു തിര​ഞ്ഞെ​ടു​ത്തു”കൊണ്ട്‌ മോശ ഫറവോ​ന്റെ ഭവനത്തി​ലെ ഒരംഗം എന്നനി​ല​യി​ലുള്ള ജീവിതം നിരസി​ച്ചു. (എബ്രായർ 11:24) തത്‌ഫ​ല​മാ​യി, യഹോവ മോശ​യ്‌ക്ക്‌ അനേകം വിശേഷ പദവികൾ നൽകി.

ഫറവോ​ന്റെ ഭവനത്തി​ലെ ഒരംഗ​മെ​ന്ന​നി​ല​യിൽ “മോശെ മിസ്ര​യീ​മ്യ​രു​ടെ സകല ജഞാന​വും അഭ്യസി​ച്ചു.” (പ്രവൃ​ത്തി​കൾ 7:22) എന്നാൽ ഇസ്രാ​യേൽ ജനതയു​ടെ നായക​സ്ഥാ​ന​ത്തേക്കു വരാൻ അവൻ താഴ്‌മ, ക്ഷമ, സൗമ്യത തുടങ്ങിയ ഗുണങ്ങൾ നട്ടുവ​ളർത്തേണ്ട ആവശ്യ​മു​ണ്ടാ​യി​രു​ന്നു. മിദ്യാ​നിൽ ഒരു ആട്ടിടയൻ എന്നനി​ല​യിൽ ചെലവ​ഴിച്ച 40 വർഷക്കാ​ലം​കൊണ്ട്‌ അവൻ അതു വളർത്തി​യെ​ടു​ത്തു. (പുറപ്പാ​ടു 2:15-22; സംഖ്യാ​പു​സ്‌തകം 12:3) യഹോവ അദൃശ്യ​നാ​യി തുടർന്നെ​ങ്കി​ലും അവൻ തന്നെക്കു​റി​ച്ചും തന്റെ ഉദ്ദേശ്യ​ത്തെ​ക്കു​റി​ച്ചും മോശ​യ്‌ക്കു വെളി​പ്പെ​ടു​ത്തി. ദൈവം തന്റെ ദൂതന്മാ​രി​ലൂ​ടെ പത്തു കൽപ്പനകൾ അവനെ ഭരമേൽപ്പി​ച്ചു. (പുറപ്പാ​ടു 3:1-10; 19:3–20:20; പ്രവൃ​ത്തി​കൾ 7:53; എബ്രായർ 11:27) “ഒരുത്തൻ തന്റെ സ്‌നേ​ഹി​ത​നോ​ടു സംസാ​രി​ക്കു​ന്ന​തു​പോ​ലെ യഹോവ മോ​ശെ​യോ​ടു അഭിമു​ഖ​മാ​യി [“മുഖാ​മു​ഖം,” NW] സംസാ​രി​ച്ചു” എന്ന്‌ ബൈബിൾ നമ്മോടു പറയുന്നു. (പുറപ്പാ​ടു 33:11) യഹോ​വ​തന്നെ പറഞ്ഞു: ‘അവനോ​ടു ഞാൻ അരുളി​ച്ചെ​യ്യു​ന്നതു അഭിമു​ഖ​മാ​യി​ട്ട​ത്രേ.’ അദൃശ്യ​നായ എന്നാൽ വ്യക്തി​ത്വ​മുള്ള തന്റെ ദൈവ​വു​മാ​യി മോശ എത്ര അമൂല്യ​മായ അടുത്ത സുഹൃ​ദ്‌ബ​ന്ധ​മാണ്‌ ആസ്വദി​ച്ചത്‌!—സംഖ്യാ​പു​സ്‌തകം 12:8.

ഇസ്രാ​യേൽ ജനതയു​ടെ ആദ്യകാല ചരി​ത്ര​ത്തി​നു പുറമേ മോശ ന്യായ​പ്ര​മാണ സംഹിത എല്ലാ വിശദാം​ശ​ങ്ങ​ളും സഹിതം രേഖ​പ്പെ​ടു​ത്തി. വിലതീ​രാത്ത മറ്റൊരു പദവി​യും അവനു ലഭിച്ചു—ഉല്‌പ​ത്തി​പു​സ്‌തകം എഴുതാ​നുള്ള പദവി. ആ പുസ്‌ത​ക​ത്തി​ന്റെ രണ്ടാം ഭാഗം അവന്റെ കുടും​ബ​ത്തിൽത്തന്നെ കൃത്യ​മാ​യി അറിയ​പ്പെ​ട്ടി​രുന്ന ചരി​ത്ര​മാ​യി​രു​ന്ന​തി​നാൽ അതു രേഖ​പ്പെ​ടു​ത്തുക താരത​മ്യേന എളുപ്പ​മാ​യി​രു​ന്നു. എന്നാൽ മമനു​ഷ്യ​ന്റെ ഏറ്റവും ആദിമ​കാല ചരി​ത്ര​ത്തെ​ക്കു​റി​ച്ചുള്ള വിശദാം​ശങ്ങൾ അവനു ലഭിച്ചത്‌ എവി​ടെ​നി​ന്നാ​യി​രു​ന്നു? വിവര​ങ്ങ​ളു​ടെ ഒരു ഉറവി​ട​മാ​യി ഉപയോ​ഗി​ക്കാൻ, മോശ​യു​ടെ കൈവശം അവന്റെ പൂർവ​പി​താ​ക്ക​ന്മാർ കാത്തു​സൂ​ക്ഷിച്ച പുരാതന ലിഖിത രേഖകൾ ഉണ്ടായി​രു​ന്നി​രി​ക്കാം. നേരേ​മ​റിച്ച്‌, വാമൊ​ഴി​യാ​യി കൈമാ​റി​വ​ന്നോ യഹോ​വ​യിൽനി​ന്നുള്ള ദിവ്യ​വെ​ളി​പ്പെ​ടു​ത്തൽവഴി നേരി​ട്ടോ അവനു വിശദാം​ശങ്ങൾ ലഭിച്ചി​രി​ക്കാം. ഈ സംഗതി​യിൽ മോശ തന്റെ ദൈവ​വു​മാ​യി ആസ്വദിച്ച വ്യക്തി​ഗ​ത​ബന്ധം എല്ലാ യുഗങ്ങ​ളി​ലു​മുള്ള ബഹുമാ​ന്യ​രായ ആളുകൾ അംഗീ​ക​രി​ച്ചി​ട്ടുണ്ട്‌.

യഹോവ—വ്യക്തി​ത്വ​മുള്ള ഏലീയാ​വിൻ ദൈവം

പ്രവാ​ച​ക​നായ ഏലീയാ​വും യഹോ​വയെ വ്യക്തി​ത്വ​മുള്ള ദൈവ​മാ​യി തിരി​ച്ച​റി​ഞ്ഞു. ഏലീയാവ്‌ ശുദ്ധാ​രാ​ധ​ന​യ്‌ക്കു​വേണ്ടി തീക്ഷ്‌ണ​ത​യു​ള്ള​വ​നാ​യി​രു​ന്നു. കനാന്യ ദൈവ​ങ്ങ​ളിൽ മുഖ്യ​നായ ബാലിന്റെ ആരാധ​ക​രു​ടെ വിദ്വേ​ഷ​ത്തി​നും എതിർപ്പി​നും ഇരയാ​യി​രു​ന്നി​ട്ടും അതൊ​ന്നും ഗണ്യമാ​ക്കാ​തെ അവൻ യഹോ​വയെ സേവിച്ചു.—1 രാജാ​ക്ക​ന്മാർ 18:17-40

ഇസ്രാ​യേൽ രാജാ​വായ ആഹാബും ഭാര്യ ഈസേ​ബെ​ലും ഏലീയാ​വി​നെ കൊല്ലാൻ ശ്രമിച്ചു. ജീവഭീ​തി നിമിത്തം ഏലീയാവ്‌ ചാവു​ക​ട​ലി​ന്റെ പടിഞ്ഞാ​റുള്ള ബേർശേ​ബ​യി​ലേക്ക്‌ ഓടി രക്ഷപ്പെട്ടു. അവിടെ മരുഭൂ​മി​യി​ലൂ​ടെ ചുറ്റി​ത്തി​രി​ഞ്ഞു​നടന്ന അവൻ മരിക്കാ​നാ​യി പ്രാർഥി​ച്ചു. (1 രാജാ​ക്ക​ന്മാർ 19:1-4) യഹോവ ഏലീയാ​വി​നെ ഉപേക്ഷി​ച്ചി​രു​ന്നു​വോ? തന്റെ വിശ്വസ്‌ത ദാസനിൽ അവനു മേലാൽ താത്‌പ​ര്യ​മി​ല്ലാ​യി​രു​ന്നോ? ഏലീയാവ്‌ അങ്ങനെ ചിന്തി​ച്ചി​രി​ക്കാം, എന്നാൽ അത്‌ എത്ര തെറ്റാ​യി​രു​ന്നു! പിന്നീട്‌, യഹോവ അവനോ​ടു ശാന്തമാ​യി ഇങ്ങനെ ചോദി​ച്ചു: ‘ഏലീയാ​വേ, ഇവിടെ നിനക്കു എന്തു കാര്യം?’ പ്രകൃ​ത്യ​തീത ശക്തിയു​ടെ വിസ്‌മ​യാ​വ​ഹ​മായ ഒരു പ്രകട​ന​ത്തെ​ത്തു​ടർന്ന്‌, “ഏലീയാ​വേ, ഇവിടെ നിനക്കു എന്തു കാര്യം എന്നു [വീണ്ടും] ചോദി​ക്കുന്ന ഒരു ശബ്ദം അവൻ കേട്ടു.” ഏലീയാ​വിൽ യഹോവ ഈ വ്യക്തിഗത താത്‌പ​ര്യം പ്രകട​മാ​ക്കി​യത്‌ ആശ്രയ​യോ​ഗ്യ​നായ തന്റെ ദാസനെ പ്രോ​ത്സാ​ഹി​പ്പി​ക്കാ​നാ​യി​രു​ന്നു. അവന്‌ കൂടു​ത​ലായ ദൈവദത്ത വേല ചെയ്യാ​നു​ണ്ടാ​യി​രു​ന്നു, ആ ക്ഷണത്തോട്‌ ഏലീയാവ്‌ ഉത്സാഹ​പൂർവം പ്രതി​ക​രി​ച്ചു! തന്റെ വ്യക്തി​ത്വ​മുള്ള ദൈവ​മായ യഹോ​വ​യു​ടെ നാമം വിശു​ദ്ധീ​ക​രി​ച്ചു​കൊണ്ട്‌ ഏലീയാവ്‌ തന്റെ നിയമനം വിശ്വ​സ്‌ത​മാ​യി നിവർത്തി​ച്ചു.—1 രാജാ​ക്ക​ന്മാർ 19:9-18.

ഇസ്രാ​യേൽ ജനതയെ തിരസ്‌ക​രി​ച്ച​തി​നു ശേഷം, ഭൂമി​യി​ലെ തന്റെ ദാസന്മാ​രോട്‌ യഹോവ ഒരിക്ക​ലും വ്യക്തി​പ​ര​മാ​യി സംസാ​രി​ച്ചി​ട്ടില്ല. അവരി​ലുള്ള അവന്റെ വ്യക്തി​പ​ര​മായ താത്‌പ​ര്യം കുറഞ്ഞു​പോ​യെന്ന്‌ അതിനർഥ​മില്ല. തന്റെ പരിശു​ദ്ധാ​ത്മാ​വു മുഖാ​ന്തരം അവൻ അപ്പോ​ഴും അവരെ തന്റെ സേവന​ത്തിൽ നയിക്കു​ക​യും ശക്തി​പ്പെ​ടു​ത്തു​ക​യും ചെയ്‌തു. ദൃഷ്ടാ​ന്ത​ത്തിന്‌, നേരത്തെ ശൗൽ എന്നറി​യ​പ്പെ​ട്ടി​രുന്ന അപ്പോ​സ്‌ത​ല​നായ പൗലൊ​സി​ന്റെ കാര്യ​മെ​ടു​ക്കുക.

പരിശു​ദ്ധാ​ത്മാവ്‌ പൗലൊ​സി​നെ വഴിന​യി​ക്കു​ന്നു

കിലി​ക്യ​യി​ലെ ഒരു പ്രമുഖ നഗരമായ തർസൊ​സിൽനി​ന്നു​ള്ള​വ​നാ​യി​രു​ന്നു ശൗൽ. അവന്റെ മാതാ​പി​താ​ക്കൾ എബ്രാ​യ​രാ​യി​രു​ന്നു. എന്നാൽ അവൻ ഒരു റോമൻ പൗരനാ​യി ജനിച്ചു. എന്നിരു​ന്നാ​ലും ശൗലിനെ വളർത്തി​ക്കൊ​ണ്ടു​വ​ന്നത്‌ പരീശ​ന്മാ​രു​ടെ കർശന​മായ വിശ്വാ​സ​ങ്ങൾക്ക്‌ അനുസൃ​ത​മാ​യി​ട്ടാ​യി​രു​ന്നു. പിന്നീട്‌, യെരൂ​ശ​ലേ​മിൽവെച്ച്‌ പ്രമുഖ ന്യായ​പ്ര​മാണ ഗുരു​വാ​യി​രുന്ന “ഗമാലി​യേ​ലി​ന്റെ കാല്‌ക്കൽ ഇരുന്നു” പഠിക്കാ​നുള്ള അവസരം അവനു ലഭിച്ചു.—പ്രവൃ​ത്തി​കൾ 22:3, 26-28.

യഹൂദ പാരമ്പ​ര്യ​ങ്ങ​ളോ​ടുള്ള ശൗലിന്റെ തെറ്റായ തീക്ഷ്‌ണത നിമിത്തം യേശു​ക്രി​സ്‌തു​വി​ന്റെ അനുഗാ​മി​കൾക്കെ​തി​രെ​യുള്ള ആക്രമ​ണോ​ത്സു​ക​മായ പ്രവർത്ത​ന​ങ്ങ​ളിൽ അവൻ പങ്കു​ചേർന്നു. ആദ്യത്തെ ക്രിസ്‌തീയ രക്തസാ​ക്ഷി​യായ സ്‌തെ​ഫാ​നൊ​സി​ന്റെ കൊല​പാ​ത​കത്തെ അവൻ അംഗീ​ക​രി​ക്കു​ക​പോ​ലും ചെയ്‌തു. (പ്രവൃ​ത്തി​കൾ 7:58-60; 8:1, 3) മുമ്പ്‌ ദൈവ​ദൂ​ഷ​ക​നും പീഡക​നും അഹങ്കാ​രി​യും ആയിരു​ന്നെ​ങ്കി​ലും അവ “അവിശ്വാ​സ​ത്തിൽ അറിയാ​തെ ചെയ്‌ത​താ​ക​കൊ​ണ്ടു [തനിക്കു] കരുണ ലഭിച്ചു” എന്ന്‌ അവൻ പിന്നീട്‌ സമ്മതി​ച്ചു​പ​റഞ്ഞു.—1 തിമൊ​ഥെ​യൊസ്‌ 1:13.

ദൈവത്തെ സേവി​ക്കാ​നുള്ള യഥാർഥ ആഗ്രഹ​ത്താൽ ശൗൽ പ്രേരി​ത​നാ​യി. ദമാസ്‌ക​സി​ലേ​ക്കുള്ള വഴിയിൽവെ​ച്ചു​ണ്ടായ പരിവർത്ത​ന​ത്തെ​ത്തു​ടർന്ന്‌ യഹോവ അവനെ അതിശ​യ​ക​ര​മാ​യൊ​രു വിധത്തിൽ ഉപയോ​ഗി​ച്ചു. അവനെ സഹായി​ക്കാൻ ഒരു ആദിമ ക്രിസ്‌തു​ശി​ഷ്യ​നായ അനന്യാ​സി​നോട്‌ ഉയിർത്തെ​ഴു​ന്നേറ്റ ക്രിസ്‌തു ആവശ്യ​പ്പെട്ടു. അതിനു​ശേഷം, യൂറോ​പ്പി​ന്റെ​യും ഏഷ്യാ​മൈ​ന​റി​ന്റെ​യും ഭാഗങ്ങ​ളി​ലു​ട​നീ​ളം ദീർഘ​വും ഫലപ്ര​ദ​വു​മാ​യൊ​രു ശുശ്രൂഷ നിർവ​ഹി​ക്കാ​നാ​യി യഹോ​വ​യു​ടെ പരിശു​ദ്ധാ​ത്മാവ്‌ പൗലൊ​സി​നെ (ഒരു ക്രിസ്‌ത്യാ​നി​യെന്ന നിലയിൽ അവൻ അറിയ​പ്പെ​ടുന്ന റോമൻ പേര്‌) വഴിന​യി​ച്ചു.—പ്രവൃ​ത്തി​കൾ 13:2-5; 16:9, 10.

പരിശു​ദ്ധാ​ത്മാ​വി​നാ​ലുള്ള അതേ വഴിന​ട​ത്തിപ്പ്‌ ഇന്നു തിരി​ച്ച​റി​യാ​നാ​കു​മോ? തീർച്ച​യാ​യും.

നിരീ​ശ്വ​ര​വാ​ദം യഹോ​വ​യു​ടെ വ്യക്തി​പ​ര​മായ താത്‌പ​ര്യ​ത്തി​നു വിഘാ​ത​മല്ല

ജോസഫ്‌ എഫ്‌. റഥർഫോർഡ്‌ വാച്ച്‌ടവർ സൊ​സൈ​റ്റി​യു​ടെ രണ്ടാമത്തെ പ്രസി​ഡൻറാ​യി​രു​ന്നു. 1906-ൽ ഒരു ബൈബിൾ വിദ്യാർഥി—യഹോ​വ​യു​ടെ സാക്ഷികൾ അന്ന്‌ ആ പേരി​ലാണ്‌ അറിയ​പ്പെ​ട്ടി​രു​ന്നത്‌—എന്നനി​ല​യിൽ സ്‌നാ​പ​ന​മേറ്റ അദ്ദേഹം അടുത്ത വർഷം സൊ​സൈ​റ്റി​യു​ടെ നിയ​മോ​പ​ദേ​ഷ്ടാ​വാ​യി നിയമി​ക്ക​പ്പെ​ടു​ക​യും 1917 ജനുവ​രി​യിൽ അതിന്റെ പ്രസി​ഡൻറാ​കു​ക​യും ചെയ്‌തു. എന്നാൽ, ഒരിക്കൽ ഈ യുവ അഭിഭാ​ഷകൻ ഒരു നിരീ​ശ്വ​ര​വാ​ദി​യാ​യി​രു​ന്നു. അദ്ദേഹം യഹോ​വ​യു​ടെ അത്തര​മൊ​രു ഉത്സാഹ​മുള്ള ക്രിസ്‌തീയ ദാസനാ​യി​ത്തീർന്നത്‌ എങ്ങനെ​യാണ്‌?

1913 ജൂ​ലൈ​യിൽ യു.എസ്‌.എ. മാസ്സച്ചു​സെ​റ്റ്‌സി​ലെ സ്‌പ്രിം​ങ്‌ഫീൽഡിൽവെച്ചു നടന്ന അന്തർദേ​ശീയ ബൈബിൾ വിദ്യാർഥി സംഘട​ന​യു​ടെ ഒരു കൺ​വെൻ​ഷന്റെ അധ്യക്ഷ​നാ​യി റഥർഫോർഡ്‌ സേവിച്ചു. ദ ഹോം​സ്റ്റഡ്‌ എന്ന പ്രാ​ദേ​ശിക പത്രത്തി​ന്റെ ഒരു റിപ്പോർട്ടർ അദ്ദേഹ​വു​മാ​യി അഭിമു​ഖം നടത്തി. ആ കൺ​വെൻ​ഷ​നെ​ക്കു​റി​ച്ചുള്ള അനുസ്‌മ​രണാ റിപ്പോർട്ടിൽ ആ വിവരണം പുനഃ​പ്ര​സി​ദ്ധീ​ക​രി​ച്ചു.

വിവാഹം കഴിക്കാൻ പരിപാ​ടി​യിട്ട സമയത്ത്‌ തന്റെ മതവീ​ക്ഷ​ണങ്ങൾ ബാപ്‌റ്റിസ്റ്റ്‌ സഭാവി​ഭാ​ഗ​ത്തി​ന്റേ​തും പ്രതി​ശ്രു​ത​വ​ധു​വി​ന്റേത്‌ പ്രസ്‌ബി​റ്റേ​റി​യൻകാ​രു​ടേ​തു​മാ​യി​രു​ന്നെന്ന്‌ റഥർഫോർഡ്‌ വിശദീ​ക​രി​ച്ചു. “സ്‌നാ​പ​ന​മേൽക്കാ​ത്ത​തി​നാൽ അവൾ നരകത്തി​ലേ​ക്കും സ്‌നാ​പ​ന​മേ​റ്റ​തി​നാൽ താങ്കൾ നേരെ സ്വർഗ​ത്തി​ലേ​ക്കു​മാ​ണു പോകു​ന്ന​തെന്ന്‌” റഥർഫോർഡി​ന്റെ പാസ്റ്റർ പറഞ്ഞ​പ്പോൾ “തന്റെ യുക്തി​സ​ഹ​മായ മനസ്സിൽ വെറു​പ്പു​ള​വാ​യിട്ട്‌ അദ്ദേഹ​മൊ​രു നിരീ​ശ്വ​ര​വാ​ദി​യാ​യി​ത്തീർന്നു.”

വ്യക്തി​ത്വ​മു​ള്ള ഒരു ദൈവ​ത്തിൽ വിശ്വാ​സം പുനഃ​സ്ഥാ​പി​ക്കാൻ റഥർഫോർഡിന്‌ അനേക വർഷത്തെ സൂക്ഷ്‌മ​മായ ഗവേഷണം വേണ്ടി​വന്നു. “മനസ്സിനെ തൃപ്‌തി​പ്പെ​ടു​ത്താൻ കഴിയാത്ത ഒരാശ​യത്തെ വൈകാ​രിക കാരണ​ങ്ങ​ളാൽ തൃപ്‌തി​ക​ര​മായ ഒന്നായി സ്വീക​രി​ക്ക​രു​തെന്ന്‌” താൻ ന്യായ​വാ​ദം ചെയ്‌ത​താ​യി അദ്ദേഹം പറഞ്ഞു. “തങ്ങൾ വിശ്വ​സി​ക്കുന്ന തിരു​വെ​ഴു​ത്തു​കൾ സത്യമാ​ണെന്ന്‌” ക്രിസ്‌ത്യാ​നി​കൾക്ക്‌ “ഉറപ്പു​ണ്ടാ​യി​രി​ക്കണം.” പിൻവ​രുന്ന പ്രകാരം വിശദീ​ക​രി​ച്ചു​കൊണ്ട്‌ അദ്ദേഹം കൂട്ടി​ച്ചേർത്തു: “തങ്ങൾ എന്തിന്മേൽ നിൽക്കു​ന്നു​വോ, അതിന്റെ അടിസ്ഥാ​നം അവർ അറിഞ്ഞി​രി​ക്കണം.”—2 തിമൊ​ഥെ​യൊസ്‌ 3:16, 17 കാണുക.

അതേ, ഇന്നും ഒരു നിരീ​ശ്വ​ര​വാ​ദി​ക്കോ അജ്ഞേയ​വാ​ദി​ക്കോ തിരു​വെ​ഴു​ത്തു​ക​ളിൽ ഗവേഷണം നടത്താ​നും വിശ്വാ​സം കെട്ടു​പണി ചെയ്യാ​നും യഹോ​വ​യാം ദൈവ​വു​മാ​യി ശക്തമാ​യൊ​രു വ്യക്തിഗത ബന്ധം വളർത്തി​യെ​ടു​ക്കാ​നും സാധി​ക്കും. നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന വാച്ച്‌ടവർ പ്രസി​ദ്ധീ​ക​ര​ണ​ത്തി​ന്റെ സഹായ​ത്തോ​ടെ ശ്രദ്ധാ​പൂർവം ബൈബിൾ പഠിച്ച ഒരു ചെറു​പ്പ​ക്കാ​രൻ സമ്മതിച്ചു പറഞ്ഞു: “ഈ അധ്യയനം ആരംഭി​ച്ച​പ്പോൾ ഞാൻ ദൈവ​ത്തിൽ വിശ്വ​സി​ച്ചി​രു​ന്നില്ല. എന്നാൽ, ബൈബിൾ പരിജ്ഞാ​നം എന്റെ മുഴു ചിന്ത​യെ​യും മാറ്റി​മ​റി​ച്ചി​രി​ക്കു​ന്നു​വെന്ന്‌ ഞാനി​പ്പോൾ മനസ്സി​ലാ​ക്കു​ന്നു. ഞാൻ യഹോ​വയെ അറിയാ​നും അവനിൽ ആശ്രയി​ക്കാ​നും തുടങ്ങി​യി​രി​ക്കു​ക​യാണ്‌.”

‘മൂഢനും’ ദൈവ​വും

“ദൈവ​ത്തി​ന്റെ അസ്‌തി​ത്വം തെളി​യി​ക്കു​ക​യോ അതിനാ​യി വാദി​ക്കു​ക​യോ ചെയ്യേ​ണ്ട​തി​ന്റെ ആവശ്യം പ.നി.-ന്റെ [എബ്രായ തിരു​വെ​ഴു​ത്തു​ക​ളു​ടെ] ഒരെഴു​ത്തു​കാ​ര​നു​മു​ണ്ടാ​യി​ട്ടി”ല്ലെന്ന്‌ ഒരു ബൈബിൾ നിഘണ്ടു​വിൽ (ഇംഗ്ലീഷ്‌) ഡോ. ജെയിംസ്‌ ഹേസ്റ്റി​ങ്‌സ്‌ പറയുന്നു. “ദൈവ​ത്തി​ന്റെ അസ്‌തി​ത്വ​ത്തെ നിരസി​ക്കു​ക​യോ അതു തെളി​യി​ക്കാ​നാ​യി വാദമു​ഖ​ങ്ങ​ളു​പ​യോ​ഗി​ക്കു​ക​യോ ചെയ്യു​ന്നത്‌ പൊതു​വേ പുരാതന ലോക​ത്തി​ന്റെ പ്രവണ​ത​യാ​യി​രു​ന്നില്ല. ആ വിശ്വാ​സം മനുഷ്യ​മ​ന​സിന്‌ സ്വാഭാ​വി​ക​മാ​യു​ള്ള​തും എല്ലാ മനുഷ്യർക്കും സാധാ​ര​ണ​മാ​യു​ള്ള​തു​മാണ്‌.” ആ കാലത്തു​ണ്ടാ​യി​രുന്ന എല്ലാ മനുഷ്യ​രും ദൈവ​ഭ​യ​മു​ള്ള​വ​രാ​യി​രു​ന്നെന്ന്‌ ഇതു തീർച്ച​യാ​യും അർഥമാ​ക്കു​ന്നില്ല. “ദൈവം ഇല്ല” എന്നു ഹൃദയ​ത്തിൽ പറയുന്ന ‘മൂഢനെ’ അല്ലെങ്കിൽ പുതി​യ​ലോക ഭാഷാ​ന്തരം പറയു​ന്ന​തു​പോ​ലെ, ‘ബുദ്ധി​ഹീ​നനെ’ സംബന്ധിച്ച്‌ സങ്കീർത്തനം 14:1-ഉം 53:1-ഉം പറയുന്നു.

ഈ മൂഢൻ ഏതുത​ര​ത്തി​ലുള്ള വ്യക്തി​യാണ്‌, ദൈവ​ത്തി​ന്റെ അസ്‌തി​ത്വ​ത്തെ നിഷേ​ധി​ക്കു​ന്ന​വ​നാ​ണോ? അയാൾ ബൗദ്ധി​ക​മാ​യി അജ്ഞനല്ല. മറിച്ച്‌, എബ്രായ പദമായ നാവാൽ, ധാർമിക അപര്യാ​പ്‌ത​ത​യി​ലേക്കു വിരൽചൂ​ണ്ടു​ന്നു. ആ അപര്യാ​പ്‌തത, “യുക്തി​ബോ​ധ​ത്തി​ലെ ബലഹീ​ന​തയല്ല, മറിച്ച്‌ ധാർമി​ക​വും മതപര​വു​മായ അസം​വേ​ദ​ക​ത്വം, വിവേ​ച​നാ​ശ​ക്തി​യു​ടെ​യോ ഗ്രാഹ്യ​ത്തി​ന്റെ​യോ സമ്പൂർണ അഭാവം” ആണെന്നു പ്രൊ​ഫസർ എസ്‌. ആർ. ഡ്രൈവർ ദ പാരലെൽ സാൽട്ട​റിൽ അഭി​പ്രാ​യ​പ്പെ​ടു​ന്നു.

അത്തര​മൊ​രു മനോ​ഭാ​വ​ത്തി​ന്റെ ഫലമാ​യുള്ള ധാർമി​ക​ത്ത​കർച്ച സങ്കീർത്ത​ന​ക്കാ​രൻ തുടർന്നു വിവരി​ക്കു​ന്നു: “അവർ വഷളന്മാ​രാ​യി മ്ലേച്ഛത പ്രവർത്തി​ക്കു​ന്നു; നന്മചെ​യ്യു​ന്നവൻ ആരുമില്ല.” (സങ്കീർത്തനം 14:1) ഡോ. ഹേസ്റ്റി​ങ്‌സ്‌ ഇങ്ങനെ സംക്ഷേ​പി​ക്കു​ന്നു: “മാനു​ഷിക കാര്യാ​ദി​ക​ളിൽ ദൈവം ഇടപെ​ടു​ക​യി​ല്ലെ​ന്നും ശിക്ഷയിൽനിന്ന്‌ വിടുതൽ ലഭിക്കു​മെ​ന്നു​മുള്ള ചിന്തയാൽ ആളുകൾ ദുഷി​ച്ച​വ​രാ​യി​ത്തീ​രു​ക​യും നികൃ​ഷ്ട​കൃ​ത്യ​ങ്ങ​ളിൽ ഏർപ്പെ​ടു​ക​യും ചെയ്യുന്നു.” അവർ ദൈവ​വി​രുദ്ധ തത്ത്വങ്ങളെ പരസ്യ​മാ​യി സ്വാഗതം ചെയ്യു​ക​യും വ്യക്തി​ത്വ​മുള്ള ഒരു ദൈവത്തെ അവഗണി​ക്കു​ക​യും ചെയ്യുന്നു. അവനോ​ടു കണക്കു ബോധി​പ്പി​ക്കാൻ അവർ ആഗ്രഹി​ക്കു​ന്നില്ല. എന്നാൽ, 3,000-ത്തിലധി​കം വർഷങ്ങൾക്കു മുമ്പ്‌ സങ്കീർത്ത​ന​ക്കാ​രൻ തന്റെ വചനങ്ങൾ എഴുതിയ കാല​ത്തെ​പ്പോ​ലെ​തന്നെ ഇന്നും അത്തരം ചിന്താ​ഗതി മൗഢ്യ​വും ബുദ്ധി​ഹീ​ന​വു​മാണ്‌.

വ്യക്തി​ത്വ​മുള്ള ദൈവ​ത്തിൽനിന്ന്‌ മുന്നറി​യി​പ്പു​കൾ

നമ്മുടെ പ്രാരംഭ ലേഖന​ത്തിൽ ഉന്നയിച്ച ചോദ്യ​ങ്ങ​ളി​ലേക്ക നമുക്കു മടങ്ങാം. ഇന്നത്തെ ലോക​ത്തിൽ എങ്ങുമുള്ള കഷ്ടപ്പാ​ടു​ക​ളു​ടെ വെളി​ച്ച​ത്തിൽ, വ്യക്തി​ത്വ​മുള്ള ഒരു ദൈവം ഉണ്ടെന്ന ആശയ​ത്തോട്‌ ഒട്ടനവ​ധി​യാ​ളു​കൾക്കും പൊരു​ത്ത​പ്പെ​ടാൻ കഴിയാ​ത്ത​തെ​ന്തു​കൊ​ണ്ടാണ്‌?

‘ദൈവ​ക​ല്‌പ​ന​യാൽ പരിശു​ദ്ധാ​ത്മ​നി​യോ​ഗം പ്രാപി​ച്ചി​ട്ടു സംസാ​രിച്ച’ മനുഷ്യ​രിൽനി​ന്നുള്ള ലിഖിത വിവരങ്ങൾ ബൈബി​ളിൽ ഉൾക്കൊ​ള്ളു​ന്നു. (2 പത്രൊസ്‌ 1:21) അതു മാത്ര​മാണ്‌ വ്യക്തി​ത്വ​മുള്ള ദൈവ​മായ യഹോ​വയെ നമുക്കു വെളി​പ്പെ​ടു​ത്തു​ന്നത്‌. മാനു​ഷ​ചി​ന്തയെ നയിക്കാ​നും നിയ​ന്ത്രി​ക്കാ​നും പ്രാപ്‌ത​നായ, മനുഷ്യർക്ക്‌ അദൃശ്യ​നായ ഒരു ദുഷ്ടവ്യ​ക്തി​യെ​ക്കു​റിച്ച്‌, പിശാ​ചായ സാത്താ​നെ​ക്കു​റിച്ച്‌ അതു നമുക്കു മുന്നറി​യി​പ്പു നൽകു​ക​യും ചെയ്യുന്നു. യുക്തി​പ​ര​മാ​യും, വ്യക്തി​ത്വ​മുള്ള ഒരു ദൈവ​ത്തിൽ നമുക്ക്‌ വിശ്വാ​സ​മി​ല്ലെ​ങ്കിൽ, വ്യക്തി​ത്വ​മുള്ള ഒരു പിശാച്‌ അല്ലെങ്കിൽ സാത്താൻ ഉണ്ടെന്ന്‌ നമു​ക്കെ​ങ്ങനെ വിശ്വ​സി​ക്കാ​നാ​കും?

“ഭൂതലത്തെ മുഴുവൻ തെററി​ച്ചു​ക​ള​യുന്ന പിശാ​ചും സാത്താനു”മായവ​നെ​ക്കു​റിച്ച്‌ നിശ്വ​സ്‌ത​ത​യിൽ അപ്പോ​സ്‌ത​ല​നായ യോഹ​ന്നാൻ എഴുതി. (വെളി​പ്പാ​ടു 12:9) പിന്നീട്‌ യോഹ​ന്നാൻ പറഞ്ഞു: “നാം ദൈവ​ത്തിൽനി​ന്നു​ള്ളവർ എന്നു നാം അറിയു​ന്നു. സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു.” (1 യോഹ​ന്നാൻ 5:19) ഈ പ്രസ്‌താ​വ​നകൾ, തന്റെ സുവി​ശേ​ഷ​ത്തിൽ യോഹ​ന്നാൻതന്നെ എഴുതിയ യേശു​വി​ന്റെ വാക്കു​കളെ പ്രതി​ഫ​ലി​പ്പി​ക്കു​ന്നു: “ലോക​ത്തി​ന്റെ പ്രഭു [“ഭരണാ​ധി​കാ​രി,” NW] വരുന്നു; അവന്നു എന്നോടു ഒരു കാര്യ​വു​മില്ല.”—യോഹ​ന്നാൻ 14:30.

ഈ തിരു​വെ​ഴു​ത്തു പഠിപ്പി​ക്കൽ ആളുകൾ ഇപ്പോൾ വിശ്വ​സി​ക്കു​ന്ന​തിൽനിന്ന്‌ എത്ര ഭിന്നമാണ്‌! “പിശാ​ചി​നെ​ക്കു​റി​ച്ചു സംസാ​രി​ക്കു​ന്നത്‌ വ്യക്തമാ​യും ഇന്ന്‌ ഒരു ഫാഷനല്ല. നമ്മുടെ സന്ദേഹ​വാദ-ശാസ്‌ത്രീയ യുഗം സാത്താന്‌ റിട്ടയർമെൻറ്‌ നൽകി​യി​രി​ക്കു​ന്നു” എന്ന്‌ കാത്തലിക്‌ ഹെറാൾഡ്‌ പറയുന്നു. എന്നിരു​ന്നാ​ലും, തന്നെ വകവരു​ത്താൻ ഉദ്ദേശി​ച്ചി​രുന്ന ആളുക​ളോട്‌ യേശു ശക്തിയു​ക്തം പറഞ്ഞു: “നിങ്ങൾ പിശാ​ചെന്ന പിതാ​വി​ന്റെ മക്കൾ; നിങ്ങളു​ടെ പിതാ​വി​ന്റെ മോഹ​ങ്ങളെ ചെയ്‌വാ​നും ഇച്ഛിക്കു​ന്നു.”—യോഹ​ന്നാൻ 8:44.

സാത്താന്റെ ശക്തി സംബന്ധി​ച്ചുള്ള ബൈബി​ളി​ന്റെ വിശദീ​ക​രണം ന്യായ​യു​ക്ത​മാണ്‌. ബഹുഭൂ​രി​പക്ഷം ആളുക​ളും സമാധാ​ന​ത്തി​ലും ഐക്യ​ത്തി​ലും ജീവി​ക്കാൻ ആഗ്രഹി​ക്കു​ന്നെ​ങ്കി​ലും, (3-ഉം 4-ഉം പേജു​ക​ളിൽ പരാമർശി​ച്ചി​രി​ക്കുന്ന) ഡൺബ്ലേ​നിൽ പ്രകട​മാ​ക്ക​പ്പെ​ട്ട​തു​പോ​ലെ, ലോക​ത്തിൽ വിദ്വേ​ഷ​വും യുദ്ധവും നിരർഥ​ക​മായ അക്രമ​വും നടമാ​ടു​ന്ന​തെ​ന്തു​കൊ​ണ്ടെന്ന്‌ അതു വ്യക്തമാ​ക്കു​ന്നു. കൂടു​ത​ലാ​യി, നാം പോരാ​ടേണ്ട ശത്രു സാത്താൻ മാത്രമല്ല. പിശാ​ചു​ക്കളെ, അല്ലെങ്കിൽ ഭൂതങ്ങളെ—മനുഷ്യ​വർഗത്തെ വഴി​തെ​റ്റി​ക്കു​ന്ന​തി​നും ദ്രോ​ഹി​ക്കു​ന്ന​തി​നു​മാ​യി ദീർഘ​കാ​ലം മുമ്പ്‌ സാത്താ​നു​മാ​യി ചേർന്ന ദുഷ്ടാത്മ ജീവി​കളെ—സംബന്ധി​ച്ചും ബൈബിൾ മുന്നറി​യി​പ്പു നൽകുന്നു. (യൂദാ 6) യേശു​ക്രി​സ്‌തു നിരവധി തവണ ഈ ആത്മാക്ക​ളു​ടെ ശക്തിയെ അഭിമു​ഖീ​ക​രി​ച്ചു. അവരെ കീഴട​ക്കാൻ അവനു കഴിഞ്ഞു.—മത്തായി 12:22-24; ലൂക്കൊസ്‌ 9:37-43.

ദുഷ്ടത നീക്കി ഭൂമിയെ ശുദ്ധീ​ക​രി​ക്കാ​നും ഒടുവിൽ സാത്താ​ന്റെ​യും അവന്റെ ഭൂതങ്ങ​ളു​ടെ​യും പ്രവർത്ത​ന​ങ്ങളെ ഇല്ലായ്‌മ ചെയ്യാ​നും സത്യ​ദൈ​വ​മായ യഹോവ തീരു​മാ​നി​ച്ചി​രി​ക്കു​ന്നു. യഹോ​വ​യെ​ക്കു​റി​ച്ചുള്ള നമ്മുടെ പരിജ്ഞാ​ന​ത്തി​ന്റെ അടിസ്ഥാ​ന​ത്തിൽ നമുക്ക്‌ അവന്റെ വാഗ്‌ദാ​ന​ങ്ങ​ളിൽ ശക്തമായ വിശ്വാ​സ​വും ആശ്രയ​വും ഉണ്ടായി​രി​ക്കാൻ കഴിയും. അവൻ പറയുന്നു: “എനിക്കു​മു​മ്പെ ഒരു ദൈവ​വും ഉണ്ടായി​ട്ടില്ല, എന്റെ ശേഷം ഉണ്ടാക​യു​മില്ല. ഞാൻ, ഞാൻ തന്നേ, യഹോവ; ഞാനല്ലാ​തെ ഒരു രക്ഷിതാ​വു​മില്ല.” തന്നെ അറിയു​ക​യും ആരാധി​ക്കു​ക​യും സേവി​ക്കു​ക​യും ചെയ്യു​ന്ന​വർക്ക്‌ യഹോവ സത്യമാ​യും വ്യക്തി​ത്വ​മുള്ള ഒരു ദൈവ​മാണ്‌. നമ്മുടെ രക്ഷക്കായി നമുക്ക്‌ അവനി​ലേക്കു നോക്കാം, അതേ, അവനി​ലേക്കു മാത്രം.—യെശയ്യാ​വു 43:10, 11.

[7-ാം പേജിലെ ചിത്രം]

നിശ്വസ്‌തതയിൽ മോശ ഉല്‌പത്തി 1:1 എഴുതു​ന്നത്‌ ചിത്രീ​ക​രി​ക്കുന്ന 18-ാം നൂറ്റാ​ണ്ടി​ലെ ഒരു ശിൽപ്പം

[കടപ്പാട]

From The Holy Bible by J. Baskett, Oxford

[8-ാം പേജിലെ ചിത്രം]

യേശുക്രിസ്‌തു നിരവധി തവണ ഭൂതങ്ങളെ കീഴടക്കി