യഹോ​വ​യിൽനി​ന്നുള്ള അനു​ഗ്ര​ഹ​ങ്ങളെ നിങ്ങൾ യഥാർഥ​ത്തിൽ വിലമ​തി​ക്കു​ന്നു​വോ?

മധ്യവ​യ​സ്‌ക​നായ ശ്രീ. കെനിച്ചി ഒരു ചെറിയ ജലദോ​ഷം പിടി​പെ​ട്ട​പ്പോൾ മരുന്നി​നാ​യി ഒരു ഫാർമ​സി​യിൽ ചെന്നു. അവി​ടെ​നി​ന്നു കിട്ടിയ മരുന്നു കഴിച്ച​തോ​ടെ, അലർജി​യാ​യി മേലാകെ ചൊറി​ഞ്ഞു​ത​ടി​ച്ചു കുരുക്കൾ പൊന്തി. തന്റെ ആവശ്യ​ങ്ങൾക്കു മരുന്നു​ക​ട​ക്കാ​രൻ വേണ്ടത്ര ശ്രദ്ധ നൽകി​യോ എന്നു കെനിച്ചി സംശയി​ച്ച​തിൽ അതിശ​യി​ക്കാ​നില്ല.

മരുന്നു​ക​ട​ക്കാ​രനെ കെനിച്ചി വീക്ഷി​ച്ച​വി​ധ​ത്തിൽത്തന്നെ ചിലർ യഹോ​വ​യാം ദൈവ​ത്തെ​ക്കു​റി​ച്ചു ചിന്തി​ച്ചേ​ക്കാം. സർവശ​ക്ത​നാം ദൈവ​മായ യഹോവ വ്യക്തി​ക​ളെന്ന നിലയിൽ നമ്മിൽ യഥാർഥ താത്‌പ​ര്യം കാണി​ക്കു​ന്നു​ണ്ടോ എന്ന്‌ അവർ സംശയി​ക്കു​ന്നു. ദൈവം നല്ലവനാ​ണെന്ന്‌ അവർ സമ്മതി​ക്കു​ന്നു​ണ്ടെ​ങ്കി​ലും, അവൻ നമുക്കു​വേണ്ടി വ്യക്തി​പ​ര​മാ​യി കരുതു​ന്നു​ണ്ടെ​ന്നതു സംബന്ധിച്ച്‌ അവർക്കു ബോധ്യ​മില്ല. തങ്ങൾ വിചാ​രി​ക്കു​ന്ന​തു​പോ​ലെ സംഗതി​കൾ നടക്കാതെ വരു​മ്പോ​ഴോ ബൈബിൾത​ത്ത്വ​ങ്ങ​ളോ​ടു പറ്റിനിൽക്കു​ന്നു​വെന്ന കാരണ​ത്താൽ പ്രയാ​സ​ക​ര​മായ പ്രശ്‌ന​ങ്ങ​ളു​ണ്ടാ​കു​മ്പോ​ഴോ ഇത്‌ വിശേ​ഷാൽ സത്യമാണ്‌. അപ്രതീ​ക്ഷി​ത​മാ​യി കെനി​ച്ചി​യു​ടെ മേലാകെ ചൊറി​ഞ്ഞു​ത​ടി​ച്ചു പൊന്തിയ കുരു​ക്ക​ളെ​പ്പോ​ലെ​യാണ്‌ തങ്ങളുടെ പ്രശ്‌ന​ങ്ങ​ളെന്ന്‌, എങ്ങനെ​യോ ദൈവ​ത്തി​നു തെറ്റു​പ​റ്റി​യ​താ​ണെന്ന്‌ അവർ വിവേ​ക​ര​ഹി​ത​മാ​യി വിചാ​രി​ക്കു​ന്നു.—സദൃശ​വാ​ക്യ​ങ്ങൾ 19:3.

യഹോ​വ​യെ അപൂർണ മനുഷ്യ​രു​മാ​യി താരത​മ്യം ചെയ്യാൻ പാടില്ല. മനുഷ്യർക്കു ജ്ഞാനത്തി​ലും പ്രാപ്‌തി​യി​ലും പരിമി​തി​ക​ളുണ്ട്‌. കെനി​ച്ചി​യു​ടെ മരുന്നു​ക​ട​ക്കാ​രൻ ചെയ്‌ത​തു​പോ​ലെ, അവർ മറ്റുള്ള​വ​രു​ടെ യഥാർഥ ആവശ്യങ്ങൾ പൂർണ​മാ​യി വിവേ​ചി​ക്കാൻ പരാജ​യ​പ്പെ​ടു​ന്നു. മറിച്ച്‌, യഹോ​വ​യു​ടെ ദൃഷ്ടി​യിൽനി​ന്നു യാതൊ​ന്നും മറഞ്ഞി​രി​ക്കു​ന്നില്ല. യഹോവ നമ്മെ പലപ്പോ​ഴും സഹായി​ക്കു​ന്നുണ്ട്‌. ഇല്ലാത്ത സംഗതി​ക​ളിൽ ശ്രദ്ധ കേന്ദ്രീ​ക​രി​ക്കാ​നും ഉള്ള അനു​ഗ്ര​ഹങ്ങൾ ഗൗനി​ക്കാ​തി​രി​ക്കാ​നു​മുള്ള ഒരു പ്രവണത നമുക്കു​ള്ള​തു​കൊണ്ട്‌ നാം ആ വസ്‌തുത വിവേ​ചി​ക്കു​ക​യും വിലമ​തി​ക്കു​ക​യും ചെയ്യാ​റി​ല്ലെ​ന്നു​മാ​ത്രം. നാം അഭിമു​ഖീ​ക​രി​ക്കുന്ന പ്രശ്‌ന​ങ്ങൾക്കു യഹോ​വയെ കുറ്റ​പ്പെ​ടു​ത്താൻ തിടു​ക്കം​കൂ​ട്ടു​ന്ന​തി​നു​പ​കരം, യഹോ​വ​യിൽനി​ന്നു നമുക്കു ലഭിച്ചി​ട്ടുള്ള അനു​ഗ്ര​ഹ​ങ്ങളെ വിവേ​ചി​ക്കാ​നാ​ണു നാം ശ്രമി​ക്കേ​ണ്ടത്‌.

വെബ്‌സ്റ്റേ​ഴ്‌സ്‌ നയൻത്‌ ന്യൂ കൊളീ​ജി​യറ്റ്‌ ഡിക്‌ഷ​നറി പറയു​ന്ന​പ്ര​കാ​രം “സന്തോ​ഷ​മോ ക്ഷേമമോ കൈവ​രു​ത്തുന്ന ഒരു സംഗതി” എന്ന്‌ “അനുഗ്രഹ”ത്തെ നിർവ​ചി​ക്കാ​വു​ന്ന​താണ്‌. യഹോ​വ​യിൽനി​ന്നുള്ള അനു​ഗ്ര​ഹ​ങ്ങ​ളു​ടെ കാര്യ​ത്തിൽ ഇതു വിശേ​ഷാൽ സത്യമാ​ണെന്നു നിങ്ങൾ മനസ്സി​ലാ​ക്കു​ന്നു​വോ?

അതുല്യ​നായ ദാതാവ്‌

ഭർത്താവ്‌ നല്ല ദാതാ​വാ​ണെന്നു ഭാര്യ പറയു​മ്പോൾ, അവൾ പൊതു​വേ അർഥമാ​ക്കു​ന്നത്‌ അയാൾ കുടുംബ സന്തുഷ്ടി​ക്കും ക്ഷേമത്തി​നു​മാ​യി വേണ്ടത്ര ഭക്ഷണം, പാർപ്പി​ട​സൗ​ക​ര്യം, വസ്‌ത്രം എന്നിവ പ്രദാനം ചെയ്‌തു​കൊണ്ട്‌ കുടും​ബ​ത്തി​ന്റെ ആവശ്യ​ങ്ങൾക്കാ​യി വേണ്ടവി​ധം കരുതു​ന്നു എന്നാണ്‌. നമ്മുടെ ദാതാവ്‌ എന്നനി​ല​യിൽ യഹോവ എത്ര നല്ലവനാണ്‌? മമനു​ഷ്യ​ന്റെ ഗൃഹമായ നമ്മുടെ ഭൗമ​ഗ്ര​ഹത്തെ ഒന്ന്‌ അടുത്ത്‌ വീക്ഷി​ക്കുക. അതു സൂര്യ​നിൽനിന്ന്‌ 15,00,00,000 കിലോ​മീ​റ്റർ അകലെ​യാണ്‌; ഇതാകട്ടെ ഭൂമി​യിൽ ജീവൻ നിലനിൽക്കാ​നാ​വ​ശ്യ​മായ മിതോ​ഷ്‌മാ​വി​നുള്ള കൃത്യ​മായ അകലമാണ്‌. നമ്മുടെ ഗോളത്തെ 23.5 ഡിഗ്രി ചരി​വോ​ടെ കുറ്റമ​റ്റ​വി​ധ​ത്തിൽ രൂപകൽപ്പന ചെയ്‌തി​രി​ക്കു​ന്ന​തി​ന്റെ ഫലമാ​യാണ്‌ സമൃദ്ധ​മായ വിളവി​നു സഹായ​ക​മായ വ്യത്യസ്‌ത ഋതുക്കളുള്ളത്‌. തത്‌ഫ​ല​മാ​യി, ഭൂമി 500 കോടി​യി​ല​ധി​ക​മാ​ളു​കളെ തീറ്റി​പ്പോ​റ്റു​ന്നു. യഹോവ നിശ്ചയ​മാ​യും ഒരു അത്ഭുത​വാ​നായ ദാതാ​വാണ്‌!

കൂടാതെ, വ്യക്തി​ക​ളെന്ന നിലയിൽ നമ്മിലും നമ്മുടെ ക്ഷേമത്തി​ലും യഹോ​വ​യ്‌ക്ക്‌ ആഴമായ താത്‌പ​ര്യ​മു​ണ്ടെന്നു ബൈബിൾ നമുക്ക്‌ ഉറപ്പു​നൽകു​ന്നു. ഒന്നു ചിന്തി​ച്ചു​നോ​ക്കുക, ശതകോ​ടി​ക്ക​ണ​ക്കി​നു നക്ഷത്ര​ങ്ങ​ളിൽ ഓരോ​ന്നി​ന്റെ​യും പേർ യഹോ​വ​യ്‌ക്ക​റി​യാം. ഒരു കുരു​വി​പോ​ലും അവനറി​യാ​തെ നിലത്തു​വീ​ഴു​ന്നില്ല. (യെശയ്യാ​വു 40:26; മത്തായി 10:29-31) തന്നെ സ്‌നേ​ഹി​ക്കുന്ന, തന്റെ പ്രിയ​പു​ത്ര​നായ യേശു​ക്രി​സ്‌തു​വി​ന്റെ വില​യേ​റിയ രക്തത്താൽ വിലയ്‌ക്കു​വാ​ങ്ങി​യി​രി​ക്കുന്ന മനുഷ്യർക്കു​വേണ്ടി അവൻ എത്രയ​ധി​കം കരുതു​ന്നു! (പ്രവൃ​ത്തി​കൾ 20:28) ജ്ഞാനി​യായ മനുഷ്യൻ ഉചിത​മാ​യി​ത്തന്നെ പ്രഖ്യാ​പി​ക്കു​ന്നു: “യഹോ​വ​യു​ടെ അനു​ഗ്രഹം—അതാണു സമ്പത്തു​ണ്ടാ​ക്കു​ന്നത്‌, അവൻ അതി​നോ​ടു വേദന കൂട്ടു​ന്നില്ല”—സദൃശ​വാ​ക്യ​ങ്ങൾ 10:22, NW.

നമ്മെ സമ്പന്നരാ​ക്കുന്ന അനു​ഗ്ര​ഹ​ങ്ങൾ

നാം ആഴമായ കൃതജ്ഞത പ്രകട​മാ​ക്കേണ്ട വൻമൂ​ല്യ​മുള്ള ഒരു സംഗതി നമുക്കു സ്വന്തമാ​യി​ട്ടുണ്ട്‌. എന്താണത്‌? പിൻവ​രു​ന്ന​പ്ര​കാ​രം പറയു​മ്പോൾ ബൈബിൾ അതു തിരി​ച്ച​റി​യി​ക്കു​ന്നു: “ആയിരം ആയിരം പൊൻവെള്ളി നാണ്യ​ത്തെ​ക്കാൾ നിന്റെ വായിൽനി​ന്നുള്ള ന്യായ​പ്ര​മാ​ണം എനിക്കു​ത്തമം.” (സങ്കീർത്തനം 119:72; സദൃശ​വാ​ക്യ​ങ്ങൾ 8:10) ഏറ്റവും നല്ല സ്വർണം എത്ര വിലയു​ള്ള​താ​യി​രു​ന്നാ​ലും, യഹോ​വ​യു​ടെ നിയമം അതി​ലേറെ അഭികാ​മ്യ​മാണ്‌. യഹോ​വ​യു​ടെ നിയമ​ത്തെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​ന​വും ആത്മാർഥ​ത​യുള്ള സത്യാ​ന്വേ​ഷ​കർക്ക്‌ യഹോവ നൽകുന്ന ഉൾക്കാ​ഴ്‌ച​യും വിവേ​ക​വും നിധി​യെ​ന്ന​പോ​ലെ സൂക്ഷി​ക്ക​പ്പെ​ടേ​ണ്ട​താണ്‌. അവ നമ്മെത്തന്നെ സംരക്ഷി​ക്കു​ന്ന​തി​നും പ്രയാ​സ​ക​ര​മായ സ്ഥിതി​വി​ശേ​ഷങ്ങൾ തരണം​ചെ​യ്യു​ന്ന​തി​നും പ്രശ്‌ന​ങ്ങളെ വിജയ​ക​ര​മാ​യി കൈകാ​ര്യം​ചെ​യ്യു​ന്ന​തി​നും അങ്ങനെ സംതൃ​പ്‌ത​രും സന്തുഷ്ട​രു​മാ​യി​രി​ക്കു​ന്ന​തി​നും നമ്മെ സജ്ജരാ​ക്കു​ന്നു.

ഇത്‌ ഇളം​പ്രാ​യ​ക്കാ​രെ​ക്കു​റി​ച്ചു​പോ​ലും സത്യമാണ്‌. യഹോ​വ​യു​ടെ നിയമം പിൻപ​റ്റി​ക്കൊണ്ട്‌ ഒരു കൊച്ചു​പെൺകു​ട്ടി തന്റെ പ്രശ്‌നങ്ങൾ പരിഹ​രി​ച്ച​തെ​ങ്ങ​നെ​യെന്നു പരിചി​ന്തി​ക്കുക. ആകമീ എന്ന ഈ പെൺകു​ട്ടി ടോക്കി​യോ​യ്‌ക്ക​ടു​ത്താണ്‌ താമസി​ക്കു​ന്നത്‌. അവളുടെ മാതാ​വും പിതാ​വും അവളെ പരിശീ​ലി​പ്പി​ക്കു​ന്ന​തിൽ ബൈബിൾത​ത്ത്വ​ങ്ങൾ ബാധക​മാ​ക്കു​ക​യും യഹോ​വ​യോ​ടും അയൽക്കാ​രോ​ടും സ്‌നേഹം വളർത്തി​യെ​ടു​ക്കാൻ വാക്കി​ലൂ​ടെ​യും മാതൃ​ക​യി​ലൂ​ടെ​യും മകളെ സഹായി​ക്കു​ക​യും ചെയ്‌തു. അവൾ സ്‌കൂ​ളിൽ അഭിമു​ഖീ​ക​രി​ച്ചേ​ക്കാ​വുന്ന പ്രശ്‌നങ്ങൾ മുൻകൂ​ട്ടി​ക്ക​ണ്ടു​കൊണ്ട്‌, അവർ അവളെ തങ്ങളാ​ലാ​വും​വി​ധം സജ്ജയാ​ക്കാൻ ശ്രമിച്ചു. എന്നാൽ ആകമീ പ്രൈ​മറി സ്‌കൂ​ളിൽ പ്രവേ​ശി​ച്ച​പ്പോൾ, സഹപാ​ഠി​ക​ളിൽ ചിലർ അവളെ “വ്യത്യസ്‌ത”യായി വീക്ഷിച്ചു, എന്തെന്നാൽ അവൾ ഭക്ഷണത്തി​നു​മു​മ്പു പ്രാർഥി​ക്കു​ക​യും ചില തിരു​വെ​ഴു​ത്തു​വി​രുദ്ധ പ്രവർത്ത​ന​ങ്ങ​ളിൽനി​ന്നു മനസ്സാ​ക്ഷി​പൂർവം വിട്ടു​നിൽക്കു​ക​യും ചെയ്‌തി​രു​ന്നു. താമസി​യാ​തെ അവൾ ഒരുകൂ​ട്ടം തെമ്മാ​ടി​പ്പി​ള്ളേ​രു​ടെ നോട്ട​പ്പു​ള്ളി​യാ​യി. സ്‌കൂൾസ​മയം കഴിയു​മ്പോൾ അവർ അവളെ വളഞ്ഞ്‌ മുഖത്ത​ടി​ക്കു​ക​യും കൈ പിടി​ച്ചു​തി​രി​ക്കു​ക​യും കളിയാ​ക്കു​ക​യും ചെയ്യു​മാ​യി​രു​ന്നു.

ആകമീ എന്ന ഈ കൊച്ചു​കു​ട്ടി തിരി​ച്ച​ടി​ച്ചില്ല, തന്നെ പീഡി​പ്പി​ക്കു​ന്ന​വ​രു​ടെ മുമ്പിൽ വിരണ്ടു​മില്ല. മറിച്ച്‌, താൻ പഠിച്ചത്‌ അവൾ ബാധക​മാ​ക്കാൻ ശ്രമിച്ചു. അവളുടെ നല്ല നടത്തയു​ടെ​യും ധൈര്യ​ത്തി​ന്റെ​യും ഫലമായി, അവൾ മിക്ക സഹപാ​ഠി​ക​ളു​ടെ​യും ആദരവു നേടി. അവർ സംഗതി അധ്യാ​പ​കന്റെ ശ്രദ്ധയിൽപ്പെ​ടു​ത്തി. അതിനു​ശേഷം ആകമീക്കു സ്‌കൂ​ളിൽനിന്ന്‌ ഒരു ഉപദ്ര​വ​വു​മു​ണ്ടാ​യി​ട്ടില്ല.

പ്രയാ​സ​ക​ര​മാ​യ സ്ഥിതി​വി​ശേഷം വിജയ​പ്ര​ദ​മാ​യി കൈകാ​ര്യം​ചെ​യ്യാൻ ആകമീയെ സഹായി​ച്ച​തെ​ന്താ​യി​രു​ന്നു? മാതാ​പി​താ​ക്കൾ അവളിൽ ഉൾനട്ടി​രുന്ന സൂക്ഷ്‌മ​പ​രി​ജ്ഞാ​ന​വും ഉൾക്കാ​ഴ്‌ച​യും യഹോ​വ​യിൽനി​ന്നുള്ള ജ്ഞാനവും. യേശു​വി​ന്റെ സഹിഷ്‌ണു​ത​യെ​ക്കു​റിച്ച്‌ അവൾക്കു നന്നായി​ട്ട​റി​യാ​മാ​യി​രു​ന്നു. അത്‌ അവൾക്ക്‌ അവന്റെ മാതൃക അനുക​രി​ക്കു​ന്ന​തി​നു പ്രേര​ണ​യാ​യി. ചിലർ തെറ്റു​ചെ​യ്യു​ന്നത്‌ അജ്ഞത​കൊ​ണ്ടാ​ണെന്നു വിവേ​ചി​ക്കാൻ ബൈബിൾ അവളെ സഹായി​ച്ചു. അത്‌ ആ തെമ്മാ​ടി​പ്പി​ള്ളേരെ വെറു​ക്കാ​തെ അവരുടെ തെറ്റു​കളെ വെറു​ക്കു​ന്ന​തിന്‌ അവളെ പ്രോ​ത്സാ​ഹി​പ്പി​ച്ചു.—ലൂക്കൊസ്‌ 23:34; റോമർ 12:9, 17-21.

തീർച്ച​യാ​യും, തങ്ങളുടെ കുട്ടി പരിഹാ​സ​ത്തി​നും ഉപദ്ര​വ​ത്തി​നും പാത്ര​മാ​കു​ന്നതു കാണാൻ ഒരു മാതാ​പി​താ​ക്ക​ളും ആഗ്രഹി​ക്കു​ക​യില്ല. എന്നാൽ സംഭവി​ച്ച​തി​ന്റെ വിശദാം​ശ​ങ്ങ​ളെ​ല്ലാം കേട്ട​പ്പോൾ ആകമീ​യു​ടെ മാതാ​പി​താ​ക്കളെ അതെത്ര സന്തോ​ഷി​പ്പി​ച്ചി​രി​ക്കാ​മെന്നു നിങ്ങൾക്കു വിഭാവന ചെയ്യാ​നാ​കു​മോ? അത്തരം കുട്ടികൾ യഹോ​വ​യിൽനി​ന്നുള്ള ഒരു യഥാർഥ അനു​ഗ്ര​ഹം​ത​ന്നെ​യാണ്‌.—സങ്കീർത്തനം 127:3; 1 പത്രൊസ്‌ 1:6, 7.

യഹോ​വ​യ്‌ക്കാ​യി ക്ഷമാപൂർവം കാത്തി​രി​ക്കൽ

എന്നിരു​ന്നാ​ലും, യഹോ​വ​യു​ടെ അനു​ഗ്ര​ഹങ്ങൾ ലഭിക്കു​ന്ന​തിന്‌ ചില​പ്പോൾ നിങ്ങൾ അവന്റെ സമയത്തി​നാ​യി കാത്തി​രി​ക്കേ​ണ്ടി​വ​രും. യഹോ​വ​യ്‌ക്കു നിങ്ങളു​ടെ അവസ്ഥ അറിയാം. നിങ്ങൾക്ക്‌ ഏറ്റവും പ്രയോ​ജ​ന​പ്ര​ദ​മാ​യി​രി​ക്കുന്ന സമയത്ത്‌ അവൻ നിങ്ങളു​ടെ ഓരോ ആവശ്യ​വും നിറ​വേ​റ്റു​ന്നു. (സങ്കീർത്തനം 145:16; സഭാ​പ്ര​സം​ഗി 3:1; യാക്കോബ്‌ 1:17) നിങ്ങൾക്ക്‌ പഴവർഗങ്ങൾ ഇഷ്ടമാ​യി​രി​ക്കാം, എന്നാൽ തിന്നാൻ പാകമാ​കു​ന്ന​തി​നു​മുമ്പ്‌ അതു നിങ്ങൾക്കു വിളമ്പുന്ന ഒരു ആതി​ഥേ​യ​നെ​ക്കു​റി​ച്ചു നിങ്ങൾക്കെന്തു തോന്നും? ആപ്പിളോ ഓറഞ്ചോ മറ്റെന്തോ ആകട്ടെ, അതു പഴുത്ത​തും നീരു​ള്ള​തും മധുര​മു​ള്ള​തു​മാ​ണെ​ങ്കി​ലേ നിങ്ങൾക്കി​ഷ്ട​മാ​കൂ. അതു​പോ​ലെ, യഹോവ നിങ്ങളു​ടെ ആവശ്യം കൃത്യ​സ​മ​യത്തു നിറ​വേ​റ്റു​ന്നു—വളരെ നേര​ത്തേ​യു​മല്ല വളരെ വൈകി​യു​മല്ല.

യോ​സേ​ഫി​ന്റെ അനുഭവം അനുസ്‌മ​രി​ക്കുക. യാതൊ​രു തെറ്റും ചെയ്യാ​തി​രു​ന്നി​ട്ടും, അവൻ ഈജി​പ്‌തിൽ തുറു​ങ്കി​ല​ട​യ്‌ക്ക​പ്പെട്ടു. തടവിൽനി​ന്നു മോചി​പ്പി​ക്ക​പ്പെ​ടാ​റാ​യി​രുന്ന, ഫറവോ​ന്റെ പാനപാ​ത്ര​വാ​ഹ​ക​നായ ഒരു സഹതട​വു​കാ​രൻ യോ​സേ​ഫി​ന്റെ കാര്യം ഫറവോ​ന്റെ അടുക്കൽ അവതരി​പ്പി​ക്കാ​മെന്നു വാക്കു​കൊ​ടു​ത്തു. എന്നാൽ മോചി​ത​നാ​യ​തോ​ടെ അയാൾ യോ​സേ​ഫി​ന്റെ കാര്യം​തന്നെ മറന്നു. യോ​സേഫ്‌ പരിത്യ​ജി​ക്ക​പ്പെ​ട്ട​വ​നെ​പ്പോ​ലെ കാണ​പ്പെട്ടു. എന്നാൽ, കൃത്യം രണ്ടുവർഷ​ത്തി​നു​ശേഷം അവൻ തടവിൽനി​ന്നു മോചി​ത​നാ​യെ​ന്നു​മാ​ത്രമല്ല, ക്രമേണ ഈജി​പ്‌തി​ലെ രണ്ടാമത്തെ ഭരണാ​ധി​കാ​രി​യാ​യി​ത്തീ​രു​ക​യും ചെയ്‌തു. അക്ഷമനാ​കു​ന്ന​തി​നു​പ​കരം, യോ​സേഫ്‌ യഹോ​വ​യ്‌ക്കാ​യി കാത്തി​രു​ന്നു. ഇതുനി​മി​ത്തം അവൻ അനു​ഗ്ര​ഹി​ക്ക​പ്പെട്ടു, അതിലൂ​ടെ ഇസ്രാ​യേ​ല്യ​രു​ടെ​യും ഈജി​പ്‌തു​കാ​രു​ടെ​യും ജീവരക്ഷ സാധ്യ​മാ​കു​ക​യും ചെയ്‌തു.—ഉല്‌പത്തി 39:1–41:57.

ഉത്തര ജപ്പാനി​ലുള്ള ഒരു സഭയിലെ മൂപ്പനാ​യി​രു​ന്നു മാസാഹി. തടവി​ലാ​ക്ക​പ്പെ​ട്ടി​രു​ന്നി​ല്ലെ​ങ്കി​ലും യഹോ​വ​യ്‌ക്കാ​യി അദ്ദേഹ​ത്തി​നും കാത്തി​രി​ക്കേ​ണ്ടി​വന്നു. എന്തു​കൊണ്ട്‌? യോഗ്യ​രായ ക്രിസ്‌തീയ ശുശ്രൂ​ഷ​കരെ പരിശീ​ലി​പ്പി​ക്കു​ന്ന​തി​നുള്ള സ്‌കൂ​ളായ ശുശ്രൂ​ഷാ പരിശീ​ലന സ്‌കൂൾ ജപ്പാനിൽ സ്ഥാപി​ത​മാ​യ​തു​മു​തൽ അതിൽ സംബന്ധി​ക്കാ​നുള്ള ഉത്‌ക​ട​മായ ആഗ്രഹം അദ്ദേഹം പ്രാർഥ​നാ​വി​ഷ​യ​മാ​ക്കി. ഈ പദവി​യെ​ക്കു​റിച്ച്‌ അദ്ദേഹം മുട്ടി​പ്പാ​യി പ്രാർഥി​ച്ചു. ഏറെ ആഗ്രഹി​ച്ചി​ട്ടും മാസാഹി ക്ഷണിക്ക​പ്പെ​ട്ടില്ല, എന്നാൽ അദ്ദേഹ​ത്തി​ന്റെ പയനി​യർപ​ങ്കാ​ളി​ക്കു ക്ഷണം കിട്ടി. അദ്ദേഹം അങ്ങേയറ്റം നിരാ​ശ​നാ​യി.

എന്നിരു​ന്നാ​ലും, തന്റെ വികാ​ര​ങ്ങളെ നേരി​ടാൻ അദ്ദേഹം നടപടി​കൾ കൈ​ക്കൊ​ണ്ടു. താഴ്‌മ​യു​ള്ള​വ​നാ​യി​രി​ക്കൽ, ഒരുവന്റെ വികാ​ര​ങ്ങളെ നിയ​ന്ത്രി​ക്കൽ എന്നിങ്ങ​നെ​യുള്ള വിഷയ​ങ്ങ​ളിൽ ശ്രദ്ധ കേന്ദ്രീ​ക​രി​ച്ചു​കൊണ്ട്‌ അദ്ദേഹം ബൈബി​ളും വാച്ച്‌ ടവർ സൊ​സൈ​റ്റി​യു​ടെ പ്രസി​ദ്ധീ​ക​ര​ണ​ങ്ങ​ളും പഠിച്ചു. അദ്ദേഹം തന്റെ ചിന്താ​രീ​തി​ക്കു മാറ്റം​വ​രു​ത്തു​ക​യും തന്റെ നിയമ​ന​ത്തിൽ കൂടുതൽ സംതൃ​പ്‌തി അനുഭ​വി​ക്കു​ക​യും ചെയ്‌തു. അങ്ങനെ​യി​രി​ക്കെ നിനച്ചി​രി​ക്കാ​ത്ത​നേ​രത്ത്‌, ആ സ്‌കൂ​ളിൽ സംബന്ധി​ക്കാ​നുള്ള ക്ഷണം അദ്ദേഹ​ത്തി​നു ലഭിച്ചു.

ക്ഷമയും താഴ്‌മ​യും പോലുള്ള ഗുണങ്ങൾ വികസി​പ്പി​ച്ചെ​ടു​ത്ത​തി​നാൽ, അദ്ദേഹ​ത്തി​നു സ്‌കൂ​ളിൽനിന്ന്‌ ഏറെ പ്രയോ​ജനം ലഭിച്ചു. പിന്നീട്‌, സഞ്ചാര​മേൽവി​ചാ​ര​ക​നാ​യി സഹോ​ദ​ര​ങ്ങളെ സേവി​ക്കു​ന്ന​തി​നുള്ള പദവി മാസാ​ഹി​ക്കു ലഭിച്ചു. മാസാ​ഹിക്ക്‌ എന്താണ്‌ ആവശ്യ​മാ​യി​രു​ന്ന​തെന്ന്‌ യഹോ​വ​യ്‌ക്ക്‌ അറിയാ​മാ​യി​രു​ന്നു. ഏറ്റവും പ്രയോ​ജ​ന​ക​ര​മായ സമയത്തു​തന്നെ യഹോവ അദ്ദേഹ​ത്തിന്‌ അതു നൽകി.

അവന്റെ അനു​ഗ്ര​ഹങ്ങൾ തേടുക

അതു​കൊണ്ട്‌, യഹോവ ആ മരുന്നു​ക​ട​ക്കാ​ര​നെ​പ്പോ​ലെയല്ല. യഹോ​വ​യു​ടെ കരുത​ലും താത്‌പ​ര്യ​വും വിവേ​ചി​ച്ച​റി​യാൻ നാം പരാജ​യ​പ്പെ​ട്ടേ​ക്കാ​മെ​ങ്കി​ലും, പലവി​ധ​ത്തിൽ നമുക്ക്‌ അവന്റെ ദയാവാ​യ്‌പ്‌ ലഭിക്കു​ന്നുണ്ട്‌—നമുക്ക്‌ ഏറ്റവും പ്രയോ​ജ​നം​ചെ​യ്യുന്ന സമയങ്ങ​ളി​ലും വിധങ്ങ​ളി​ലും. അതു​കൊണ്ട്‌ അവന്റെ അനു​ഗ്ര​ഹങ്ങൾ തേടി​ക്കൊ​ണ്ടേ​യി​രി​ക്കുക. നന്ദിയു​ള്ള​വ​രാ​യി​രി​ക്കാൻ നിങ്ങൾക്കി​പ്പോൾത്തന്നെ അനേകം കാരണ​ങ്ങ​ളു​ണ്ടെന്ന്‌ ഓർക്കുക. ഭൂമി​യിൽ ജീവിതം തുടരാൻവേണ്ട അടിസ്ഥാന കരുത​ലു​ക​ളാൽ നിങ്ങൾ അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു. യഹോ​വ​യെ​യും അവന്റെ പൂർണ​ത​യുള്ള വഴിക​ളെ​യും​കു​റിച്ച്‌ നിങ്ങൾക്ക്‌ അറിവു ലഭിച്ചി​രി​ക്കു​ന്നു. നിങ്ങൾക്ക്‌ ഉൾക്കാഴ്‌ച ലഭിച്ചി​രി​ക്കു​ന്നു. നിങ്ങൾ വിവേകം നേടി​യെ​ടു​ത്തി​രി​ക്കു​ന്നു. ഇതെല്ലാം നിങ്ങളു​ടെ ക്ഷേമത്തി​നും സന്തുഷ്ടി​ക്കും സംഭാവന ചെയ്യുന്നു.

യഹോ​വ​യു​ടെ അനു​ഗ്രഹം കൂടുതൽ തികവിൽ അനുഭ​വി​ക്കു​ന്ന​തിന്‌, ബൈബിൾ ക്രമമാ​യി പഠിക്കു​ന്ന​തിൽ തുടരുക. അവന്റെ നിശ്വസ്‌ത വചനത്തി​ലെ രത്‌ന​സ​മാന പഠിപ്പി​ക്ക​ലു​കൾ മനസ്സി​ലാ​ക്കാ​നും ബാധക​മാ​ക്കാ​നും നിങ്ങളെ സഹായി​ക്ക​ണ​മേ​യെന്ന്‌ യഹോ​വ​യോട്‌ അപേക്ഷി​ക്കുക. അവ നിങ്ങളെ ആത്മീയ​മാ​യി യഥാർഥ​ത്തിൽ സമ്പന്നനാ​ക്കും, അങ്ങനെ നിങ്ങൾക്ക്‌ ഒന്നിനും കുറവു​ണ്ടാ​ക​യില്ല. അതേ, അവ ഇപ്പോ​ഴത്തെ നിങ്ങളു​ടെ സന്തുഷ്ടി​യെ​യും സംതൃ​പ്‌തി​യെ​യും വരാനി​രി​ക്കുന്ന പുതിയ ലോക​ത്തിൽ സമൃദ്ധ​മായ ജീവ​നെ​യും അർഥമാ​ക്കും.—യോഹ​ന്നാൻ 10:10; 1 തിമൊ​ഥെ​യൊസ്‌ 4:8, 9.

[23-ാം പേജിലെ ചിത്രം]

യഹോവയുടെ അനു​ഗ്രഹം സ്വർണ​ത്തെ​ക്കാൾ വില​യേ​റി​യ​താണ്‌