കുട്ടി​കൾക്കാ​യി നിങ്ങൾ എന്തു ഭാവി​യാണ്‌ കാംക്ഷി​ക്കു​ന്നത്‌?

കുട്ടി​കളെ വലിയ മൂല്യ​മുള്ള ഒരു അവകാ​ശ​മാ​യി നിങ്ങൾ വീക്ഷി​ക്കു​ന്നു​വോ? (സങ്കീർത്തനം 127:3) അതോ, വിജയം സംബന്ധിച്ച്‌ യാതൊ​രു ഉറപ്പു​മി​ല്ലാത്ത ഒരു സാമ്പത്തിക ഭാരമാ​യി​ട്ടാ​ണോ അവരെ വളർത്തു​ന്ന​തി​നെ നിങ്ങൾ വീക്ഷി​ക്കു​ന്നത്‌? കുട്ടി​കളെ വളർത്തു​ന്നതു സാമ്പത്തിക ലാഭം കൈവ​രു​ത്തു​ന്ന​തി​നു പകരം, അവർക്കു സ്വന്തം കാലിൽ നിൽക്കാൻ കഴിയു​ന്ന​തു​വരെ പണം ചെലവ​ഴി​ക്കേ​ണ്ടത്‌ ആവശ്യ​മാ​ക്കി​ത്തീർക്കു​ന്നു. അവകാ​ശ​മാ​യി കിട്ടുന്ന സ്വത്ത്‌ കൈകാ​ര്യം ചെയ്യുന്ന കാര്യ​ത്തി​ലെ​ന്ന​പോ​ലെ തന്നെ കുട്ടി​കളെ വിജയ​പ്ര​ദ​മാ​യി വളർത്താ​നും നല്ല ആസൂ​ത്രണം ആവശ്യ​മാണ്‌.

കരുത​ലു​ള്ള മാതാ​പി​താ​ക്കൾ കുട്ടി​കൾക്കു ജീവി​ത​ത്തിൽ നല്ലൊരു തുടക്കം നൽകാൻ ആഗ്രഹി​ക്കു​ന്നു. ദുഷി​ച്ച​തും വളരെ സങ്കടക​ര​വു​മായ കാര്യങ്ങൾ ലോകത്തു സംഭവി​ച്ചേ​ക്കാം എങ്കിലും തങ്ങളുടെ കുട്ടി​കളെ സംരക്ഷി​ക്കാ​നാ​യി വളരെ ഏറെ കാര്യങ്ങൾ ചെയ്യാൻ മാതാ​പി​താ​ക്കൾക്കു കഴിയും. കഴിഞ്ഞ ലേഖന​ത്തിൽ പരാമർശിച്ച വെർന​റി​ന്റെ​യും ഇവായു​ടെ​യും കാര്യം പരിഗ​ണി​ക്കുക.a

മാതാ​പി​താ​ക്കൾ യഥാർഥ​ത്തിൽ കരുതു​മ്പോൾ

വരുന്നതു വരട്ടെ എന്നു ചിന്തി​ക്കു​ന്ന​തി​നു പകരം സ്‌കൂ​ളിൽ എന്തു സംഭവി​ക്കു​ന്നു എന്നതിൽ തന്റെ മാതാ​പി​താ​ക്കൾ യഥാർഥ താത്‌പ​ര്യം കാട്ടി​യെന്നു വെർനർ റിപ്പോർട്ടു ചെയ്യുന്നു. “അവർ തന്ന പ്രാ​യോ​ഗിക നിർദേ​ശങ്ങൾ ഞാൻ വളരെ ഏറെ വിലമ​തി​ച്ചു. അവർ എനിക്കാ​യി കരുതു​ക​യും എന്നെ പിന്താ​ങ്ങു​ക​യും ആണെന്ന്‌ എനിക്കു മനസ്സി​ലാ​യി. മാതാ​പി​താ​ക്കൾ എന്ന നിലയിൽ അവർ കുറെ​യൊ​ക്കെ കർക്കശ​രാ​യി​രു​ന്നു. എന്നാൽ അവർ എന്റെ യഥാർഥ സുഹൃ​ത്തു​ക്കൾ ആണെന്ന്‌ എനിക്ക്‌ അറിയാ​മാ​യി​രു​ന്നു.” സ്‌കൂൾ പഠനം സംബന്ധിച്ച്‌ അസ്വസ്ഥ ആയതു നിമിത്തം ഇവായ്‌ക്കു വിഷാ​ദ​വും ഉറക്ക​പ്ര​ശ്‌ന​ങ്ങ​ളും ഉണ്ടായ​പ്പോൾ, മാതാ​പി​താ​ക്ക​ളായ ഫ്രാൻസി​സ്‌കോ​യും ഇനെസും അവളോ​ടു സംസാ​രി​ക്കു​ക​യും മാനസി​ക​വും ആത്മീയ​വു​മായ സമനില വീണ്ടെ​ടു​ക്കാൻ അവളെ സഹായി​ക്കു​ക​യും ചെയ്‌തു​കൊണ്ട്‌ ഏറെ സമയം ചെലവ​ഴി​ച്ചു.

കുട്ടി​ക​ളെ സംരക്ഷി​ക്കാ​നും പ്രായ​പൂർത്തി​യാ​യവർ എന്ന നിലയി​ലുള്ള ജീവി​ത​ത്തിന്‌ അവരെ ഒരുക്കാ​നു​മാ​യി ഫ്രാൻസി​സ്‌കോ​യും ഇനെസും ശ്രമി​ച്ചത്‌ എങ്ങനെ ആയിരു​ന്നു? കൊള്ളാം, സ്‌നേ​ഹ​സ​മ്പ​ന്ന​രായ ഈ മാതാ​പി​താ​ക്കൾ, കുട്ടികൾ ശിശുക്കൾ ആയിരുന്ന കാലം​തൊ​ട്ടേ അവരെ തങ്ങളുടെ അനുദിന പ്രവർത്ത​ന​ങ്ങ​ളിൽ എപ്പോ​ഴും ഉൾപ്പെ​ടു​ത്തി​യി​രു​ന്നു. തങ്ങളുടെ മുതിർന്ന സുഹൃ​ത്തു​ക്ക​ളു​മാ​യി മാത്രം സാമൂ​ഹിക സഹവാസം നടത്തു​ന്ന​തി​നു പകരം ഫ്രാൻസി​സ്‌കോ​യും ഇനെസും തങ്ങൾ പോയ​ട​ത്തെ​ല്ലാം അവരെ​യും കൊണ്ടു​പോ​യി​രു​ന്നു. സ്‌നേ​ഹ​സ​മ്പ​ന്ന​രായ മാതാ​പി​താ​ക്കൾ എന്ന നിലയിൽ അവർ തങ്ങളുടെ പുത്ര​നും പുത്രി​ക്കും ശരിയായ മാർഗ​നിർദേ​ശ​വും നൽകി. ഇനെസ്‌ പറയുന്നു: “കുടും​ബ​ത്തി​നു വേണ്ടി കരുതാ​നും ശ്രദ്ധിച്ചു ചെലവു ചെയ്യാ​നും സ്വന്തം വസ്‌ത്രങ്ങൾ സൂക്ഷി​ക്കാ​നും ഞങ്ങൾ അവരെ പഠിപ്പി​ച്ചു. ഒരു ജീവി​ത​വൃ​ത്തി തിര​ഞ്ഞെ​ടു​ക്കാ​നും തങ്ങളുടെ ഉത്തരവാ​ദി​ത്വ​ങ്ങളെ ആത്മീയ താത്‌പ​ര്യ​ങ്ങ​ളു​മാ​യി സമനി​ല​യിൽ നിർത്താ​നും ഞങ്ങൾ ഇരുവ​രെ​യും സഹായി​ച്ചു.”

നിങ്ങളു​ടെ കുട്ടി​കളെ അടുത്ത്‌ അറിയു​ക​യും അവർക്കു മാതൃ-പിതൃ നിർവി​ശേ​ഷ​മായ മാർഗ​നിർദേ​ശങ്ങൾ നൽകു​ക​യും ചെയ്യു​ന്നത്‌ എത്ര ജീവത്‌പ്ര​ധാ​ന​മാണ്‌! നിങ്ങൾക്ക്‌ അതു ചെയ്യാൻ കഴിയുന്ന മൂന്നു മണ്ഡലങ്ങൾ നമുക്കു പരി​ശോ​ധി​ക്കാം: (1) ഉചിത​മായ ഒരു ലൗകിക തൊഴിൽ തിര​ഞ്ഞെ​ടു​ക്കാൻ കുട്ടി​കളെ സഹായി​ക്കുക; (2) സ്‌കൂ​ളി​ലെ​യും ജോലി സ്ഥലത്തെ​യും വൈകാ​രിക സമ്മർദം നേരി​ടാൻ അവരെ ഒരുക്കുക; (3) ആത്മീയ ആവശ്യങ്ങൾ എങ്ങനെ തൃപ്‌തി​പ്പെ​ടു​ത്താ​മെന്ന്‌ അവർക്കു കാണിച്ചു കൊടു​ക്കുക.

അനു​യോ​ജ്യ​മായ തൊഴിൽ തിര​ഞ്ഞെ​ടു​ക്കാൻ അവരെ സഹായി​ക്കു​ക

ഒരു വ്യക്തി​യു​ടെ ലൗകിക ജോലി അയാളു​ടെ സാമ്പത്തിക ചുറ്റു​പാ​ടി​നെ സ്വാധീ​നി​ക്കുക മാത്രമല്ല മറിച്ച്‌ ഏറെ സമയം ആവശ്യ​മാ​ക്കി​ത്തീർക്കു​ക​യും ചെയ്യു​ന്ന​തി​നാൽ കുട്ടി​കളെ നന്നായി വളർത്തു​ന്ന​തിൽ, ഓരോ കുട്ടി​യു​ടെ​യും താത്‌പ​ര്യ​ങ്ങ​ളും പ്രാപ്‌തി​ക​ളും പരിഗ​ണി​ക്കു​ന്നത്‌ ഉൾപ്പെ​ടു​ന്നു. മറ്റുള്ള​വർക്ക്‌ ഒരു ഭാരം ആയിത്തീ​രാൻ മനസ്സാ​ക്ഷി​യുള്ള ഒരുവ​നും ആഗ്രഹി​ക്കാത്ത സ്ഥിതിക്ക്‌, തന്നെത്ത​ന്നെ​യും ഒരു കുടും​ബ​ത്തെ​യും പരിപാ​ലി​ക്കാൻ തക്കവണ്ണം കുട്ടിയെ എങ്ങനെ ഒരുക്കാ​നാ​കു​മെന്ന്‌ മാതാ​പി​താ​ക്കൾ ഗൗരവ​മാ​യി ചിന്തി​ക്കണം. ന്യായ​മായ ഒരു ജീവി​ത​മാർഗം കണ്ടെത്താൻ നിങ്ങളു​ടെ മകനോ മകളോ ഒരു തൊഴിൽ പഠി​ക്കേ​ണ്ട​തു​ണ്ടോ? ഉത്സാഹ​പൂർവം ജോലി ചെയ്യാ​നുള്ള ആഗ്രഹം, പഠിക്കാ​നുള്ള മനസ്സൊ​രു​ക്കം, മറ്റുള്ള​വ​രു​മാ​യി നന്നായി ഒത്തു​പോ​കാ​നുള്ള പ്രാപ്‌തി എന്നിങ്ങ​നെ​യുള്ള ഗുണങ്ങൾ വികസി​പ്പി​ക്കു​ന്ന​തിന്‌ നിങ്ങളു​ടെ കുട്ടിയെ സഹായി​ക്കാൻ, നല്ല കരുത​ലുള്ള മാതാ​പി​താ​ക്കൾ എന്നനി​ല​യിൽ തുടർച്ച​യായ ശ്രമം നടത്തുക.

നിക്കോ​ളി​ന്റെ കാര്യം പരിഗ​ണി​ക്കുക. അവൾ പറയുന്നു: “എന്റെ മാതാ​പി​താ​ക്കൾ തങ്ങളുടെ ശുചീ​കരണ തൊഴി​ലിൽ എന്നെയും ഉൾപ്പെ​ടു​ത്തി. എനിക്കു ലഭിക്കുന്ന തുകയു​ടെ ഒരു നിശ്ചിത ശതമാനം വീട്ടു ചെലവു​കൾക്കാ​യി കൊടു​ക്കാ​നും ശേഷമു​ള്ളതു സ്വന്തം ചെലവി​നോ സമ്പാദ്യ​ത്തി​നോ വേണ്ടി ഉപയോ​ഗി​ക്കാ​നും അവർ നിർദേ​ശി​ച്ചു. പിൽക്കാല ജീവി​ത​ത്തിൽ വളരെ ഉപകാ​ര​പ്ര​ദ​മെന്നു തെളിഞ്ഞ ശക്തമായ ഉത്തരവാ​ദി​ത്വ ബോധം അത്‌ എന്നിൽ ഉളവാക്കി.”

ഒരു വ്യക്തി ഏതു തരം ലൗകിക ജോലി തിര​ഞ്ഞെ​ടു​ക്കണം എന്ന്‌ ദൈവ​വ​ച​ന​മായ ബൈബിൾ പറയു​ന്നില്ല. എന്നാൽ അത്‌ തീർച്ച​യാ​യും ഈടുറ്റ മാർഗ​നിർദേ​ശങ്ങൾ നൽകു​ന്നുണ്ട്‌. ദൃഷ്ടാ​ന്ത​ത്തിന്‌, പൗലൊസ്‌ അപ്പൊ​സ്‌തലൻ പറഞ്ഞു: “വേല​ചെ​യ്‌വാൻ മനസ്സി​ല്ലാ​ത്തവൻ തിന്നു​ക​യു​മ​രു​തു.” തെസ്സ​ലൊ​നീ​ക്യ​യി​ലെ ക്രിസ്‌ത്യാ​നി​കൾക്ക്‌ എഴുതവേ അവൻ ഇങ്ങനെ​യും പറഞ്ഞു: “നിങ്ങളിൽ ചിലർ ഒട്ടും വേല ചെയ്യാതെ പരകാ​ര്യം നോക്കി ക്രമം​കെട്ടു നടക്കുന്നു എന്നു കേൾക്കു​ന്നു. ഇങ്ങനെ​യു​ള്ള​വ​രോ​ടു: സാവധാ​ന​ത്തോ​ടെ വേല ചെയ്‌തു അഹോ​വൃ​ത്തി കഴി​ക്കേണം എന്നു കർത്താ​വായ യേശു​ക്രി​സ്‌തു​വിൽ ഞങ്ങൾ ആജ്ഞാപി​ച്ചു പ്രബോ​ധി​പ്പി​ക്കു​ന്നു.”—2 തെസ്സ​ലൊ​നീ​ക്യർ 3:10-12.

എന്നാൽ, ഒരു ജോലി സമ്പാദി​ക്കു​ക​യും പണം ഉണ്ടാക്കു​ക​യും ചെയ്യു​ന്നതു മാത്രമല്ല ജീവിതം. അതി​മോ​ഹി​ക​ളാ​യവർ കാല​ക്ര​മേണ അസംതൃ​പ്‌ത​രാ​യി തീരു​ക​യും തങ്ങളു​ടേതു “വൃഥാ​പ്ര​യത്‌ന”മാണെന്നു കണ്ടെത്തു​ക​യും ചെയ്‌തേ​ക്കാം. (സഭാ​പ്ര​സം​ഗി 1:14) അംഗീ​കാ​ര​വും സമ്പദ്‌സ​മൃ​ദ്ധി​യും തേടാൻ കുട്ടി​കളെ പ്രേരി​പ്പി​ക്കു​ന്ന​തി​നു പകരം, യോഹ​ന്നാൻ അപ്പൊ​സ്‌ത​ലന്റെ പിൻവ​രുന്ന നിശ്വസ്‌ത വാക്കു​ക​ളി​ലെ ജ്ഞാനം തിരി​ച്ച​റി​യാൻ കുട്ടി​കളെ സഹായി​ക്കു​ന്ന​താണ്‌ നല്ലത്‌: “ലോക​ത്തെ​യും ലോക​ത്തി​ലു​ള്ള​തി​നെ​യും സ്‌നേ​ഹി​ക്ക​രു​തു. ഒരുവൻ ലോകത്തെ സ്‌നേ​ഹി​ക്കു​ന്നു​വെ​ങ്കിൽ അവനിൽ പിതാ​വി​ന്റെ സ്‌നേഹം ഇല്ല. ജഡമോ​ഹം, കണ്മോഹം, ജീവന​ത്തി​ന്റെ പ്രതാപം ഇങ്ങനെ ലോക​ത്തി​ലു​ള്ളതു എല്ലാം പിതാ​വിൽനി​ന്നല്ല, ലോക​ത്തിൽനി​ന്ന​ത്രേ ആകുന്നു. ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു; ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു.”—1 യോഹ​ന്നാൻ 2:15-17.

അവരുടെ വൈകാ​രിക ആവശ്യ​ങ്ങളെ എങ്ങനെ തൃപ്‌തി​പ്പെ​ടു​ത്താ​നാ​കും?

മാതാ​പി​താ​ക്കൾ എന്ന നിലയിൽ നിങ്ങൾക്ക്‌ ഒരു കായിക പരിശീ​ല​ക​നെ​പ്പോ​ലെ ആയിരു​ന്നു​കൂ​ടെ? തന്റെ മേൽനോ​ട്ട​ത്തി​ലുള്ള കായി​കാ​ഭ്യാ​സി​കൾക്കു കൂടുതൽ വേഗത്തിൽ ഓടാ​നോ ദൂരത്തിൽ ചാടാ​നോ ഉള്ള കായിക പ്രാപ്‌തി വർധി​പ്പി​ക്കാൻ മാത്രമല്ല അദ്ദേഹം ശ്രമി​ക്കു​ന്നത്‌. സാധാ​ര​ണ​മാ​യി, നിഷേ​ധാ​ത്മക മനോ​ഭാ​വ​ങ്ങളെ മറിക​ട​ക്കാൻ അവരെ സഹായി​ച്ചു​കൊണ്ട്‌ അവരുടെ വൈകാ​രിക ശക്തി കൂടുതൽ ദൃഢമാ​ക്കാ​നും അദ്ദേഹം ശ്രമി​ക്കു​ന്നു. നിങ്ങളു​ടെ കാര്യ​ത്തിൽ, കുട്ടി​കളെ പ്രോ​ത്സാ​ഹി​പ്പി​ക്കാ​നും കെട്ടു​പണി ചെയ്യാ​നും പ്രചോ​ദി​പ്പി​ക്കാ​നും നിങ്ങൾക്ക്‌ എങ്ങനെ സാധി​ക്കും?

13-കാരനായ റോ​ഷേ​റി​യോ​യു​ടെ കാര്യം പരിചി​ന്തി​ക്കുക. ശാരീ​രിക മാറ്റങ്ങ​ളു​ടെ ഫലമാ​യുള്ള ആന്തരിക പിരി​മു​റു​ക്ക​ങ്ങൾക്കു പുറമേ, മാതാ​പി​താ​ക്ക​ളു​ടെ അനൈ​ക്യ​വും അവന്റെ കാര്യ​ത്തി​ലുള്ള അവരുടെ അനാസ്ഥ​യും നിമിത്തം വൈകാ​രിക സമ്മർദ​വും അവൻ അനുഭ​വി​ച്ചു. അവനെ​പ്പോ​ലുള്ള ചെറു​പ്പ​ക്കാർക്കാ​യി എന്തു ചെയ്യാൻ കഴിയും? സകല ആകുല​ത​ക​ളിൽനി​ന്നും മോശ​മായ സ്വാധീ​ന​ങ്ങ​ളിൽനി​ന്നും കുട്ടി​കളെ സംരക്ഷി​ക്കുക സാധ്യ​മ​ല്ലെ​ങ്കി​ലും, മാതാ​പി​താ​ക്കൾ എന്ന നിലയി​ലുള്ള നിങ്ങളു​ടെ കർത്തവ്യ​ത്തിൽനിന്ന്‌ ഒരിക്ക​ലും പിന്മാ​റ​രുത്‌. അമിത​മാ​യി സംരക്ഷി​ക്കു​ന്നവർ ആയിരി​ക്കാ​തെ, ഓരോ കുട്ടി​യും അതുല്യ​നാ​ണെന്ന്‌ എല്ലായ്‌പോ​ഴും ഓർമി​ച്ചു​കൊണ്ട്‌ സഹാനു​ഭൂ​തി​യോ​ടെ അവർക്കു ശിക്ഷണം നൽകുക. ദയയും സ്‌നേ​ഹ​വും പ്രകട​മാ​ക്കി​ക്കൊണ്ട്‌, സുരക്ഷി​ത​ത്വം തോന്നാൻ ഒരു യുവവ്യ​ക്തി​യെ നിങ്ങൾക്ക്‌ ഏറെ സഹായി​ക്കാ​നാ​കും. ആത്മവി​ശ്വാ​സ​വും ആത്മാഭി​മാ​ന​വും ഇല്ലാതെ വളർന്നു വരുന്ന​തിൽനിന്ന്‌ ഇത്‌ അവനെ തടയു​ക​യും ചെയ്യും.

നിങ്ങളു​ടെ വൈകാ​രിക ആവശ്യങ്ങൾ തൃപ്‌തി​പ്പെ​ടു​ത്തു​ന്ന​തിൽ നിങ്ങളു​ടെ മാതാ​പി​താ​ക്കൾ എത്രമാ​ത്രം വിജയ​പ്രദർ ആയിരു​ന്നു എന്നതു ഗണ്യമാ​ക്കാ​തെ, ശരിക്കും സഹായ​മേ​കുന്ന ഒരു മാതാ​വോ പിതാ​വോ ആകാൻ പിൻവ​രുന്ന മൂന്നു കാര്യ​ങ്ങൾക്കു നിങ്ങളെ സഹായി​ക്കാ​നാ​കും: (1) കുട്ടി​ക​ളു​ടെ ചെറു​തെന്നു തോന്നി​യേ​ക്കാ​വുന്ന പ്രശ്‌നങ്ങൾ അവഗണി​ക്കാൻ ഇടയാ​കും വിധം നിങ്ങളു​ടെ​തന്നെ പ്രശ്‌ന​ങ്ങ​ളിൽ മുഴുകി ഇരിക്ക​രുത്‌; (2) ദിവസേന അവരു​മാ​യി ഹൃദ്യ​വും അർഥവ​ത്തു​മായ ആശയവി​നി​യമം നടത്താൻ ശ്രമി​ക്കുക; (3) എങ്ങനെ പ്രശ്‌നങ്ങൾ പരിഹ​രി​ക്കു​ക​യും മറ്റുള്ള​വ​രു​മാ​യി ഇടപെ​ടു​ക​യും ചെയ്യാ​മെ​ന്നതു സംബന്ധിച്ച്‌ ഒരു ക്രിയാ​ത്മക മനോ​ഭാ​വം വളർത്തി എടുക്കാൻ പ്രോ​ത്സാ​ഹി​പ്പി​ക്കുക.

തന്റെ കൗമാര വർഷങ്ങ​ളി​ലേക്കു പിന്തി​രി​ഞ്ഞു നോക്കി​ക്കൊണ്ട്‌ ബിർജിത്ത്‌ പറയുന്നു: “ആളുകളെ നാം ആഗ്രഹി​ക്കുന്ന നിലയി​ലേക്കു മാറ്റി​യെ​ടു​ക്കാൻ നമുക്ക്‌ ആവി​ല്ലെന്നു ഞാൻ പഠി​ക്കേ​ണ്ടി​യി​രു​ന്നു. എനിക്ക്‌ ഇഷ്ടമി​ല്ലാത്ത എന്തെങ്കി​ലും മറ്റുള്ള​വ​രിൽ കണ്ടാൽ, അവരെ​പ്പോ​ലെ ആകാതി​രി​ക്കാൻ ശ്രമി​ക്കു​ക​യാണ്‌ വേണ്ട​തെന്ന്‌ അമ്മ കാര്യ​കാ​രണ സഹിതം വ്യക്തമാ​ക്കി. എന്റെ രീതി​കൾക്കു മാറ്റം വരുത്താ​നുള്ള ഏറ്റവും നല്ല സമയം ചെറു​പ്പ​കാ​ല​മാ​ണെ​ന്നും അമ്മ എന്നോടു പറഞ്ഞു.”

എന്നാൽ നിങ്ങളു​ടെ കുട്ടിക്ക്‌ ഒരു തൊഴി​ലും വൈകാ​രിക സ്ഥിരത​യും മാത്രം പോരാ. നിങ്ങ​ളോ​ടു​തന്നെ ചോദി​ക്കുക: ‘മക്കളെ വളർത്തു​ന്ന​തി​നെ ഒരു ദൈവദത്ത ഉത്തരവാ​ദി​ത്വ​മാ​യി ഞാൻ വീക്ഷി​ക്കു​ന്നു​വോ?’ അങ്ങനെ​യെ​ങ്കിൽ, കുട്ടി​ക​ളു​ടെ ആത്മീയ ആവശ്യ​ങ്ങൾക്കു നിങ്ങൾ ശ്രദ്ധ നൽകണം.

ആത്മീയ ആവശ്യങ്ങൾ തൃപ്‌തി​പ്പെ​ടു​ത്താ​നുള്ള മാർഗങ്ങൾ

തന്റെ ഗിരി പ്രഭാ​ഷ​ണ​ത്തിൽ യേശു പറഞ്ഞു: “തങ്ങളുടെ ആത്മീയ ആവശ്യ​ത്തെ​ക്കു​റി​ച്ചു ബോധ​മു​ള്ളവർ സന്തുഷ്ട​രാ​കു​ന്നു, കാരണം സ്വർഗ​രാ​ജ്യം അവർക്കു​ള്ള​താ​കു​ന്നു.” (മത്തായി 5:3, NW) ആത്മീയ ആവശ്യങ്ങൾ തൃപ്‌തി​പ്പെ​ടു​ത്തു​ന്ന​തിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌? യഹോ​വ​യിൽ വിശ്വാ​സം പ്രകട​മാ​ക്കു​ന്ന​തിൽ മാതാ​പി​താ​ക്കൾ ഒരു നല്ല ദൃഷ്ടാന്തം വെക്കു​മ്പോൾ കുട്ടികൾ ഏറെ പ്രയോ​ജനം അനുഭ​വി​ക്കു​ന്നു. പൗലൊസ്‌ അപ്പൊ​സ്‌തലൻ എഴുതി: “എന്നാൽ വിശ്വാ​സം കൂടാതെ ദൈവത്തെ പ്രസാ​ദി​പ്പി​പ്പാൻ കഴിയു​ന്നതല്ല; ദൈവ​ത്തി​ന്റെ അടുക്കൽ വരുന്നവൻ ദൈവം ഉണ്ടു എന്നും തന്നെ അന്വേ​ഷി​ക്കു​ന്ന​വർക്കു പ്രതി​ഫലം കൊടു​ക്കു​ന്നു എന്നും വിശ്വ​സി​ക്കേ​ണ്ട​ത​ല്ലോ.” (എബ്രായർ 11:6) എന്നാൽ വിശ്വാ​സ​ത്തിന്‌ യഥാർഥ അർഥം ഉണ്ടായി​രി​ക്ക​ണ​മെ​ങ്കിൽ പ്രാർഥന ആവശ്യ​മാണ്‌. (റോമർ 12:13) സ്വന്തം ആത്മീയ ആവശ്യങ്ങൾ നിങ്ങൾ തിരി​ച്ച​റി​യു​ന്നെ​ങ്കിൽ, ഇസ്രാ​യേ​ലി​ലെ കീർത്തി​കേട്ട ന്യായാ​ധി​പൻ ആയിത്തീർന്ന ശിം​ശോൻ കുട്ടി​യാ​യി​രു​ന്ന​പ്പോൾ അവന്റെ പിതാവ്‌ ചെയ്‌തതു പോലെ, നിങ്ങൾ ദിവ്യ മാർഗ​നിർദേശം തേടും. (ന്യായാ​ധി​പ​ന്മാർ 13:8) നിങ്ങൾ പ്രാർഥി​ക്കുക മാത്രമല്ല, സഹായ​ത്തി​നാ​യി ദൈവ​ത്തി​ന്റെ നിശ്വസ്‌ത വചനമായ ബൈബി​ളി​ലേക്കു തിരി​യു​ക​യും ചെയ്യും.—2 തിമൊ​ഥെ​യൊസ്‌ 3:16, 17.b

ഈടുറ്റ മാർഗ​നിർദേ​ശ​വും വൈകാ​രിക പിന്തു​ണ​യും ആത്മീയ സഹായ​വും പ്രദാനം ചെയ്യു​ന്ന​തിൽ കഠിനാ​ധ്വാ​നം ഉൾപ്പെ​ട്ടി​രി​ക്കു​ന്നു എങ്കിലും മക്കളെ വളർത്തു​ന്നതു പ്രതി​ഫ​ല​ദാ​യകം ആയിരി​ക്കാ​വു​ന്ന​താണ്‌. രണ്ടു കുട്ടി​ക​ളു​ടെ പിതാ​വായ ഒരു ബ്രസീ​ലു​കാ​രൻ അഭി​പ്രാ​യ​പ്പെ​ടു​ന്നു: “കുട്ടികൾ ഒപ്പം ഇല്ലാതി​രി​ക്കു​ന്നത്‌ എനിക്കു ചിന്തി​ക്കാൻ കൂടി വയ്യാ. അവരോ​ടൊ​പ്പം പങ്കു​വെ​ക്കാൻ അനേകം നല്ല കാര്യ​ങ്ങ​ളുണ്ട്‌.” കുട്ടികൾ നന്നായി വർത്തി​ക്കു​ന്ന​തി​ന്റെ കാരണം വിശദീ​ക​രി​ക്കവേ, അവരുടെ അമ്മ ഇങ്ങനെ കൂട്ടി​ച്ചേർത്തു: “ഞങ്ങൾ എല്ലായ്‌പോ​ഴും ഒരുമി​ച്ചാണ്‌. കാര്യങ്ങൾ ഉല്ലാസ​പ്ര​ദ​വും സന്തോ​ഷ​ക​ര​വും ആക്കാൻ ഞങ്ങൾ ശ്രമി​ക്കു​ന്നു. ഏറ്റവും പ്രധാ​ന​മാ​യി, ഞങ്ങൾ കുട്ടി​കൾക്കാ​യി എപ്പോ​ഴും പ്രാർഥി​ക്കു​ന്നു.”

പ്രശ്‌ന​ങ്ങൾ ഉള്ളപ്പോ​ഴെ​ല്ലാം മാതാ​പി​താ​ക്കൾ തന്നോടു കാട്ടി​യി​രുന്ന സ്‌നേ​ഹ​വും ക്ഷമയും പ്രിസി​ല്ലാ ഓർമി​ക്കു​ന്നു. “അവർ എന്റെ യഥാർഥ സുഹൃ​ത്തു​ക്ക​ളാ​യി​രു​ന്നു. എല്ലാ കാര്യ​ത്തി​ലും അവർ എന്നെ സഹായി​ച്ചു,” അവൾ പറയുന്നു. “കുട്ടി ആയിരു​ന്ന​പ്പോൾ, ‘യഹോ​വ​യിൽനി​ന്നുള്ള അവകാശം’ എന്ന പോലെ അവർ എന്നോടു പെരു​മാ​റു​ന്ന​താ​യി എനിക്കു ശരിക്കും അനുഭ​വ​പ്പെട്ടു.” (സങ്കീർത്തനം 127:3) അനേകം മാതാ​പി​താ​ക്കൾ ചെയ്യു​ന്ന​തു​പോ​ലെ, നിങ്ങൾക്കു കുട്ടി​ക​ളോ​ടൊ​ത്തു ബൈബി​ളും ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളും വായി​ക്കാ​നാ​യി സമയം പട്ടിക​പ്പെ​ടു​ത്തി​ക്കൂ​ടേ? ക്രിയാ​ത്മ​ക​മായ ഒരു അന്തരീ​ക്ഷ​ത്തിൽ ബൈബിൾ വിവര​ണ​ങ്ങ​ളും തത്ത്വങ്ങ​ളും പരിചി​ന്തി​ക്കു​ന്നത്‌ ആത്മവി​ശ്വാ​സ​വും ഭാവിയെ കുറിച്ച്‌ ഒരു യഥാർഥ പ്രത്യാ​ശ​യും ഉണ്ടായി​രി​ക്കാൻ കുട്ടി​കളെ സഹായി​ക്കും.

എല്ലാ കുട്ടി​ക​ളും സുരക്ഷി​ത​രാ​യി​രി​ക്കുന്ന സമയം

ഇന്ന്‌ അനേകം കുട്ടി​ക​ളു​ടെ കാര്യ​ത്തി​ലും ഭാവി ഇരുള​ട​ഞ്ഞ​താ​യി കാണ​പ്പെ​ടു​ന്നെ​ങ്കി​ലും, ഭൂമി ഉടൻതന്നെ മനുഷ്യ​വർഗ​ത്തി​നുള്ള ഒരു സുരക്ഷിത ഭവനം ആയിത്തീ​രു​മെന്നു ദൈവ​വ​ചനം ഉറപ്പു തരുന്നു. മാതാ​പി​താ​ക്കൾ കുട്ടി​ക​ളു​ടെ സുരക്ഷി​ത​ത്വം സംബന്ധി​ച്ചു മേലാൽ ഉത്‌ക​ണ്‌ഠ​പ്പെ​ടേണ്ട ആവശ്യ​മി​ല്ലാത്ത സമയത്തെ കുറിച്ച്‌ ഒന്നു വിഭാവന ചെയ്യൂ! ദൈവം വാഗ്‌ദാ​നം ചെയ്‌തി​രി​ക്കുന്ന പുതിയ ലോക​ത്തിൽ അതു സംഭവി​ക്കും. (2 പത്രൊസ്‌ 3:13) പിൻവ​രുന്ന പ്രവച​ന​ത്തി​ന്റെ മഹത്തായ നിവൃത്തി ഭാവന​യിൽ കാണാൻ ശ്രമി​ക്കുക: “ചെന്നായി കുഞ്ഞാ​ടി​നോ​ടു​കൂ​ടെ പാർക്കും; പുള്ളി​പ്പു​ലി കോലാ​ട്ടു​കു​ട്ടി​യോ​ടു​കൂ​ടെ കിടക്കും; പശുക്കി​ടാ​വും ബാലസിം​ഹ​വും തടിപ്പിച്ച മൃഗവും ഒരുമി​ച്ചു പാർക്കും; ഒരു ചെറി​യ​കു​ട്ടി അവയെ നടത്തും.” (യെശയ്യാ​വു 11:6) യഹോ​വയെ സേവി​ക്കുന്ന ആളുകൾക്ക്‌ ഇടയിൽ ഇന്നു പോലും ഈ പ്രവച​ന​ത്തിൽ വിവരി​ച്ചി​രി​ക്കുന്ന ആത്മീയ സുരക്ഷി​ത​ത്വ​ത്തിന്‌ ആലങ്കാ​രി​ക​മായ ഒരു നിവൃ​ത്തി​യുണ്ട്‌. അവരുടെ ഇടയിൽ, ദൈവ​ത്തി​ന്റെ സ്‌നേ​ഹ​മ​സൃ​ണ​മായ കരുതൽ നിങ്ങൾക്ക്‌ അനുഭ​വ​പ്പെ​ടും. ദൈവ​ത്തോ​ടു സ്‌നേഹം പ്രകട​മാ​ക്കു​ന്നെ​ങ്കിൽ, മാതാ​പി​താ​ക്കൾ എന്ന നിലയി​ലുള്ള നിങ്ങളു​ടെ വികാ​രങ്ങൾ അവൻ മനസ്സി​ലാ​ക്കു​ന്നു എന്നും നിങ്ങൾ അഭിമു​ഖീ​ക​രി​ച്ചേ​ക്കാ​വുന്ന ഉത്‌ക​ണ്‌ഠ​ക​ളും പരി​ശോ​ധ​ന​ക​ളും നേരി​ടാൻ അവൻ സഹായി​ക്കും എന്നും നിങ്ങൾക്ക്‌ ഉറപ്പു​ണ്ടാ​യി​രി​ക്കാൻ കഴിയും. അവന്റെ വചനം പഠിച്ച്‌ നിങ്ങളു​ടെ പ്രത്യാശ അവന്റെ രാജ്യ​ത്തിൽ അർപ്പി​ക്കുക.

ഒരു നല്ല ദൃഷ്ടാന്തം വെച്ചു​കൊണ്ട്‌ നിത്യ​ജീ​വ​നി​ലേ​ക്കുള്ള പാതയിൽ ആയിരി​ക്കാൻ കുട്ടി​കളെ സഹായി​ക്കുക. യഹോ​വ​യിൽ അഭയം പ്രാപി​ക്കു​ന്നെ​ങ്കിൽ, നിങ്ങളു​ടെ​യും കുട്ടി​ക​ളു​ടെ​യും ഭാവി നിങ്ങളു​ടെ സകല പ്രതീ​ക്ഷ​ക​ളെ​യും കടത്തി​വെ​ട്ടും. പിൻവ​രുന്ന പ്രകാരം പാടിയ സങ്കീർത്ത​ന​ക്കാ​രന്റെ അതേ ഉറപ്പു നിങ്ങൾക്ക്‌ ഉണ്ടായി​രി​ക്കാ​വു​ന്ന​താണ്‌: “യഹോ​വ​യിൽ തന്നേ രസിച്ചു​കൊൾക; അവൻ നിന്റെ ഹൃദയ​ത്തി​ലെ ആഗ്രഹ​ങ്ങളെ നിനക്കു തരും.”—സങ്കീർത്തനം 37:4.

[അടിക്കു​റി​പ്പു​കൾ]