ശവസം​സ്‌കാര ആചാരങ്ങൾ സംബന്ധിച്ച ക്രിസ്‌തീയ വീക്ഷണം

പ്രിയ​പ്പെട്ട ഒരാളു​ടെ പെട്ടെ​ന്നുള്ള, അവിചാ​രിത മരണം വിശേ​ഷാൽ ദുഃഖ​ക​ര​മാണ്‌. ഞെട്ടലും തുടർന്ന്‌ അതിയായ വൈകാ​രിക വേദന​യും അനുഭ​വ​പ്പെ​ടാൻ അത്‌ ഇടയാ​ക്കു​ന്നു. വളരെ കാലമാ​യി വേദനാ​ജ​ന​ക​മായ ഒരു രോഗം ബാധി​ച്ചി​രുന്ന പ്രിയ​പ്പെട്ട ഒരാൾ മരണത്തിൽ നിദ്ര പ്രാപി​ക്കു​ന്നതു വ്യത്യ​സ്‌ത​മാ​യൊ​രു സംഗതി​യാണ്‌. എങ്കിലും അപ്പോ​ഴും ദുഃഖ​വും ആഴമായ നഷ്ടബോ​ധ​വും അവശേ​ഷി​ക്കു​ന്നു.

പ്രിയ​പ്പെട്ട ഒരാൾ മരണമടഞ്ഞ സാഹച​ര്യം എന്തായി​രു​ന്നാ​ലും വിരഹാർത്തർക്കു പിന്തു​ണ​യും ആശ്വാ​സ​വും ആവശ്യ​മാണ്‌. വിരഹാർത്ത​നായ ഒരു ക്രിസ്‌ത്യാ​നിക്ക്‌ തിരു​വെ​ഴു​ത്തു വിരു​ദ്ധ​മായ ആചാരങ്ങൾ നടത്താൻ ശാഠ്യം പിടി​ക്കു​ന്ന​വ​രിൽ നിന്നുള്ള പീഡന​വും നേരി​ടേ​ണ്ടത്‌ ഉണ്ടായി​രി​ക്കാം. ഒട്ടുമിക്ക ആഫ്രിക്കൻ രാജ്യ​ങ്ങ​ളി​ലും ലോക​ത്തി​ലെ മറ്റു ചില ഭാഗങ്ങ​ളി​ലും ഇതു സാധാ​ര​ണ​മാണ്‌.

തിരു​വെ​ഴു​ത്തു വിരു​ദ്ധ​മായ ശവസം​സ്‌കാര ആചാരങ്ങൾ ഒഴിവാ​ക്കാൻ വിരഹാർത്ത​നായ ഒരു ക്രിസ്‌ത്യാ​നി​യെ എന്തു സഹായി​ക്കും? അത്തര​മൊ​രു പരി​ശോ​ധ​ന​യു​ടെ സമയത്തു സഹവി​ശ്വാ​സി​കൾക്ക്‌ എങ്ങനെ പിന്തു​ണ​യേ​കു​ന്നവർ ആയിരി​ക്കാൻ കഴിയും? യഹോ​വയെ പ്രസാ​ദി​പ്പി​ക്കാൻ ശ്രമി​ക്കുന്ന സകലർക്കും ഈ ചോദ്യ​ങ്ങ​ളു​ടെ ഉത്തരം അറിയാൻ താത്‌പ​ര്യ​മുണ്ട്‌. കാരണം, “പിതാ​വായ ദൈവ​ത്തി​ന്റെ മുമ്പാകെ ശുദ്ധവും നിർമ്മ​ല​വു​മാ​യുള്ള ഭക്തിയോ: അനാഥ​രെ​യും വിധവ​മാ​രെ​യും അവരുടെ സങ്കടത്തിൽ ചെന്നു കാണു​ന്ന​തും ലോക​ത്താ​ലുള്ള കളങ്കം പറ്റാത​വണ്ണം തന്നെത്താൻ കാത്തു​കൊ​ള്ളു​ന്ന​തും ആകുന്നു.”—യാക്കോബ്‌ 1:27.

ഒരു വിശ്വാ​സ​ത്തോ​ടു ബന്ധപ്പെ​ട്ടത്‌

മരിച്ചവർ പൂർവി​ക​ന്മാ​രു​ടെ ഒരു അദൃശ്യ മണ്ഡലത്തിൽ ജീവി​ക്കു​ന്നു എന്ന വിശ്വാ​സ​മാണ്‌ ഒട്ടുമിക്ക ശവസം​സ്‌കാര ആചാര​ങ്ങ​ളെ​യും തമ്മിൽ ബന്ധിപ്പി​ക്കുന്ന ഒരു പൊതു ഘടകം. അവരെ പ്രസാ​ദി​പ്പി​ക്കാ​നാ​യി ചില ആചാരാ​നു​ഷ്‌ഠാ​നങ്ങൾ നടത്താൻ തങ്ങൾ കടപ്പെ​ട്ട​വ​രാ​ണെന്ന്‌ അനേകം ദുഃഖാർത്തർ വിചാ​രി​ക്കു​ന്നു. അല്ലെങ്കിൽ, ആ ആചാരാ​നു​ഷ്‌ഠാ​നങ്ങൾ നടത്താ​തി​രു​ന്നാൽ സമൂഹ​ത്തിന്‌ ഉപദ്രവം ഉണ്ടാകു​മെന്നു വിശ്വ​സി​ക്കുന്ന അയൽക്കാ​രെ തങ്ങൾ അപ്രീ​തി​പ്പെ​ടു​ത്തും എന്ന്‌ അവർ ഭയപ്പെ​ടു​ന്നു.

ഒരു യഥാർഥ ക്രിസ്‌ത്യാ​നി മാനുഷ ഭയത്തിനു വഴങ്ങി ദൈവത്തെ അപ്രീ​തി​പ്പെ​ടു​ത്തുന്ന ആചാര​ങ്ങ​ളിൽ പങ്കുപ​റ്റ​രുത്‌. (സദൃശ​വാ​ക്യ​ങ്ങൾ 29:25; മത്തായി 10:28) മരിച്ചവർ അബോ​ധാ​വ​സ്ഥ​യിൽ ആണെന്നു ബൈബിൾ പ്രകട​മാ​ക്കു​ന്നു. എന്തെന്നാൽ അത്‌ ഇങ്ങനെ പറയുന്നു: “ജീവി​ച്ചി​രി​ക്കു​ന്നവർ തങ്ങൾ മരിക്കും എന്നറി​യു​ന്നു; മരിച്ച​വ​രോ ഒന്നും അറിയു​ന്നില്ല; . . . നീ ചെല്ലുന്ന പാതാ​ള​ത്തിൽ പ്രവൃ​ത്തി​യോ സൂത്ര​മോ, അറിവോ, ജ്ഞാനമോ ഒന്നും ഇല്ല.” (സഭാ​പ്ര​സം​ഗി 9:5, 10) അതു​കൊണ്ട്‌, മരിച്ച​വരെ പ്രസാ​ദി​പ്പി​ക്കാ​നോ അവരു​മാ​യി ആശയവി​നി​യമം നടത്താ​നോ ശ്രമി​ക്ക​രു​തെന്ന്‌ യഹോ​വ​യാം ദൈവം പുരാ​ത​ന​കാ​ലത്തെ തന്റെ ദാസന്മാർക്കു മുന്നറി​യി​പ്പു നൽകി. (ആവർത്ത​ന​പു​സ്‌തകം 14:1; 18:10-12; യെശയ്യാ​വു 8:19, 20) ഈ ബൈബിൾ സത്യങ്ങൾ ജനപ്രീ​തി ആർജിച്ച ഒട്ടനവധി ശവസം​സ്‌കാര ആചാര​ങ്ങൾക്ക്‌ എതിരാണ്‌.

“ലൈം​ഗിക ശുദ്ധീ​കരണ”ത്തിന്റെ കാര്യ​മോ?

മധ്യ ആഫ്രി​ക്ക​യി​ലെ ചില രാജ്യ​ങ്ങ​ളിൽ, വിരഹ​ദുഃ​ഖം അനുഭ​വി​ക്കുന്ന ഇണ മരിച്ച ആളിന്റെ ഒരു അടുത്ത ബന്ധുവു​മാ​യി ലൈം​ഗിക ബന്ധത്തിൽ ഏർപ്പെ​ടാൻ പ്രതീ​ക്ഷി​ക്ക​പ്പെ​ടു​ന്നു. അപ്രകാ​രം ചെയ്യു​ന്നി​ല്ലെ​ങ്കിൽ മരിച്ച ആൾ ജീവി​ച്ചി​രി​ക്കുന്ന കുടും​ബാം​ഗ​ങ്ങളെ ഉപദ്ര​വി​ക്കു​മെ​ന്നാണ്‌ വിശ്വാ​സം. ഈ ആചാരത്തെ ലൈം​ഗിക ശുദ്ധീ​ക​രണം എന്നു വിളി​ക്കു​ന്നു. എന്നാൽ വിവാ​ഹ​ത്തി​നു വെളി​യി​ലുള്ള ഏതൊരു ലൈം​ഗിക ബന്ധത്തെ​യും ബൈബിൾ “പരസംഗം” എന്നു വിളി​ക്കു​ന്നു. ക്രിസ്‌ത്യാ​നി​കൾ ‘ദുർന്ന​ടപ്പു [“പരസംഗം,” NW] വിട്ടു ഓടേ​ണ്ടത്‌’ ഉള്ളതി​നാൽ അവർ ഈ തിരു​വെ​ഴു​ത്തു വിരുദ്ധ ആചാരത്തെ ധൈര്യ​മാ​യി എതിർക്കു​ന്നു.—1 കൊരി​ന്ത്യർ 6:18.

വിധവ​യാ​യ മേഴ്‌സിയുടെa കാര്യം പരിചി​ന്തി​ക്കുക. 1989-ൽ അവരുടെ ഭർത്താവു മരിച്ച​പ്പോൾ ബന്ധുവായ ഒരു പുരു​ഷ​നു​മാ​യി ലൈം​ഗിക ശുദ്ധീ​ക​രണം ആചരി​ക്കാൻ ബന്ധുക്കൾ ആവശ്യ​പ്പെട്ടു. പ്രസ്‌തുത ആചാരം ദൈവ നിയമ​ത്തി​നു വിരു​ദ്ധ​മാ​ണെന്നു വിശദീ​ക​രി​ച്ചു​കൊണ്ട്‌ അവൾ അതു നിരസി​ച്ചു. നിരാ​ശ​രായ ബന്ധുക്കൾ അവളെ അധി​ക്ഷേ​പി​ച്ചി​ട്ടു പോയി. ഒരു മാസം കഴിഞ്ഞ്‌ അവർ മേഴ്‌സി​യു​ടെ വീടു കവർച്ച ചെയ്യു​ക​യും ഇരുമ്പ്‌ ഷീറ്റു​കൊ​ണ്ടുള്ള മേൽക്കൂര നശിപ്പി​ക്കു​ക​യും ചെയ്‌തു. “നിന്റെ മതം നിന്നെ പരിപാ​ലി​ച്ചു​കൊ​ള്ളും,” അവർ പറഞ്ഞു.

സഭയി​ലു​ള്ള​വർ മേഴ്‌സി​യെ ആശ്വസി​പ്പി​ക്കു​ക​യും ഒരു പുതിയ വീട്‌ പണിതു കൊടു​ക്കു​ക​യും ചെയ്‌തു. അയൽക്കാർക്ക്‌ അതിൽ മതിപ്പു തോന്നി​യിട്ട്‌ ചിലർ ആ നിർമാണ പ്രവർത്ത​ന​ത്തിൽ പങ്കുപ​റ്റാൻ തീരു​മാ​നി​ച്ചു. മേൽക്കൂ​ര​യ്‌ക്കു വേണ്ടി ആദ്യം പുല്ലു കൊണ്ടു​വ​ന്നത്‌ ഗ്രാമ​മു​ഖ്യ​ന്റെ കത്തോ​ലി​ക്കാ ഭാര്യ​യാ​യി​രു​ന്നു. മേഴ്‌സി​യു​ടെ വിശ്വസ്‌ത പെരു​മാ​റ്റം മക്കൾക്കു പ്രോ​ത്സാ​ഹ​ന​മാ​യി. അതിനു ശേഷം അവരിൽ നാലു പേർ യഹോ​വ​യാം ദൈവ​ത്തി​നു സമർപ്പണം നടത്തു​ക​യും ഒരാൾ അടുത്ത​യി​ടെ ശുശ്രൂ​ഷാ പരിശീ​ലന സ്‌കൂ​ളിൽ പങ്കെടു​ക്കു​ക​യും ചെയ്‌തു.

“ലൈം​ഗിക ശുദ്ധീ​കരണ” ആചാരം നിമിത്തം ചില ക്രിസ്‌ത്യാ​നി​കൾ അവിശ്വാ​സി​യെ വിവാഹം കഴിക്കാ​നുള്ള സമ്മർദ​ത്തി​നു സ്വയം വഴി​പ്പെ​ട്ടി​ട്ടുണ്ട്‌. ദൃഷ്ടാ​ന്ത​ത്തിന്‌, 70-കാരനായ ഒരു വിഭാ​ര്യൻ മരിച്ചു​പോയ ഭാര്യ​യു​ടെ ബന്ധത്തി​ലുള്ള ഒരു ചെറു​പ്പ​ക്കാ​രി​യെ തിടു​ക്കം​കൂ​ട്ടി വിവാഹം കഴിച്ചു. അപ്രകാ​രം ചെയ്‌തു​കൊണ്ട്‌, ലൈം​ഗിക ശുദ്ധീ​ക​രണം നടത്തി​യെന്ന്‌ അദ്ദേഹ​ത്തിന്‌ അവകാ​ശ​പ്പെ​ടാൻ കഴിഞ്ഞു. എന്നാൽ അത്തര​മൊ​രു ഗതി, “കർത്താ​വിൽ വിശ്വ​സി​ക്കു​ന്ന​വ​നു​മാ​യി മാത്രമേ” വിവാഹം കഴിക്കാ​വൂ എന്ന ബൈബിൾ ബുദ്ധ്യു​പ​ദേ​ശ​ത്തിന്‌ എതിരാണ്‌.—1 കൊരി​ന്ത്യർ 7:39.

രാത്രി മുഴുവൻ നീളുന്ന ഉണർന്നി​രി​പ്പ​നു​ഷ്‌ഠാ​നങ്ങൾ

അനേകം രാജ്യ​ങ്ങ​ളിൽ ദുഃഖാർത്തർ മരിച്ച ആളിന്റെ വീട്ടിൽ ഒന്നിച്ചു​കൂ​ടി രാത്രി മുഴു​വ​നും ഉണർന്നി​രി​ക്കു​ന്നു. ഈ ഉണർന്നി​രു​പ്പി​ന്റെ ഭാഗമാ​യി മിക്ക​പ്പോ​ഴും സദ്യയും ഉച്ചത്തി​ലുള്ള സംഗീ​ത​വു​മുണ്ട്‌. ഇത്‌ മരിച്ച ആളിനെ പ്രസാ​ദി​പ്പി​ക്കാ​നും ജീവി​ച്ചി​രി​ക്കുന്ന കുടും​ബാം​ഗ​ങ്ങളെ മന്ത്രവാ​ദ​ത്തിൽനി​ന്നു സംരക്ഷി​ക്കാ​നും ആണെന്നു കരുത​പ്പെ​ടു​ന്നു. മരിച്ച ആളിന്റെ പ്രീതി നേടാ​നാ​യി മുഖസ്‌തു​തി പ്രസം​ഗങ്ങൾ നടത്തി​യേ​ക്കാം. ഒരു പ്രസംഗം കഴിഞ്ഞ്‌ അടുത്ത​യാൾ പ്രസം​ഗി​ക്കു​ന്ന​തി​നു മുമ്പായി വിലാ​പ​പ്ര​ക​ട​ന​ക്കാർ ഒരു മതഗീതം ആലപി​ച്ചേ​ക്കാം. നേരം വെളു​ക്കു​ന്ന​തു​വരെ ഇതു തുടർന്നേ​ക്കാം.b

മരിച്ച​വർക്കു ജീവി​ച്ചി​രി​ക്കു​ന്ന​വരെ സഹായി​ക്കാ​നോ ഉപദ്ര​വി​ക്കാ​നോ സാധി​ക്കി​ല്ലെന്നു ബൈബിൾ പ്രകട​മാ​ക്കു​ന്ന​തി​നാൽ രാത്രി മുഴുവൻ നീളുന്ന അത്തരം ഉണർന്നി​രിപ്പ്‌ അനുഷ്‌ഠാ​ന​ങ്ങ​ളിൽ ഒരു സത്യ​ക്രി​സ്‌ത്യാ​നി പങ്കുപ​റ്റു​ന്നില്ല. (ഉല്‌പത്തി 3:19; സങ്കീർത്തനം 146:3, 4; യോഹ​ന്നാൻ 11:11-15എ) തിരു​വെ​ഴു​ത്തു​കൾ ആത്മവിദ്യ ആചരി​ക്കു​ന്ന​തി​നെ കുറ്റം വിധി​ക്കു​ന്നു. (വെളി​പ്പാ​ടു 9:21; 22:15) എന്നാൽ, ആത്മവി​ദ്യാ നടപടി​ക​ളിൽ നിന്ന്‌ മറ്റുള്ള​വരെ തടയാൻ പ്രയാ​സ​മാ​ണെന്ന്‌ ഒരു ക്രിസ്‌തീയ വിധവ കണ്ടെത്തി​യേ​ക്കാം. രാത്രി മുഴുവൻ നീളുന്ന ഉണർന്നി​രിപ്പ്‌ വീട്ടിൽ ആചരി​ക്കാൻ അവർ നിർബ​ന്ധി​ച്ചേ​ക്കാം. ഈ കൂടു​ത​ലായ പരി​ശോ​ധ​നയെ അഭിമു​ഖീ​ക​രി​ക്കുന്ന വിരഹാർത്ത​രായ ക്രിസ്‌ത്യാ​നി​കളെ സഹായി​ക്കാൻ സഹവി​ശ്വാ​സി​കൾക്ക്‌ എന്തു ചെയ്യാ​നാ​കും?

ബന്ധുക്ക​ളോ​ടും അയൽക്കാ​രോ​ടും ന്യായ​വാ​ദം ചെയ്‌തു​കൊണ്ട്‌ വിരഹാർത്ത ക്രിസ്‌തീയ കുടും​ബത്തെ സഹായി​ക്കാൻ സഭാ മൂപ്പന്മാർക്കു പലപ്പോ​ഴും സാധി​ച്ചി​ട്ടുണ്ട്‌. അങ്ങനെ ന്യായ​വാ​ദം ചെയ്‌തു കഴിയു​മ്പോൾ, സമാധാ​ന​പൂർവം വീടു വിട്ടു​പോ​കാ​നും ശവസം​സ്‌കാര ശുശ്രൂ​ഷ​യ്‌ക്കാ​യി, അതു നടക്കുന്ന ദിവസം, വീണ്ടും കൂടി​വ​രാ​നും ഇവർ തയ്യാറാ​യേ​ക്കാം. എന്നാൽ ചിലർ ശത്രുതാ മനോ​ഭാ​വ​ത്തോ​ടെ ഇടപെ​ടു​ന്നെ​ങ്കി​ലോ? തുടർന്നും ന്യായ​വാ​ദം ചെയ്യാ​നുള്ള ശ്രമങ്ങൾ അക്രമ​ത്തിൽ കലാശി​ച്ചേ​ക്കാം. ‘കർത്താ​വി​ന്റെ ദാസൻ ശണ്‌ഠ ഇടാതെ ദോഷം സഹിക്കു​ന്ന​വ​നാ​യി​രി​ക്കേണം.’ (2 തിമൊ​ഥെ​യൊസ്‌ 2:24) അതു​കൊണ്ട്‌ സഹകരണ മനോ​ഭാ​വ​മി​ല്ലാത്ത ബന്ധുക്കൾ ആക്രമ​ണോ​ത്സു​ക​ത​യോ​ടെ നിയ​ന്ത്രണം ഏറ്റെടു​ക്കു​ന്നെ​ങ്കിൽ അതിനെ തടയാൻ ഒരു ക്രിസ്‌തീയ വിധവ​യ്‌ക്കും കുട്ടി​കൾക്കും കഴി​ഞ്ഞെന്നു വരില്ല. എന്നാൽ അവരുടെ വീട്ടിൽ നടക്കുന്ന യാതൊ​രു വ്യാജമത ആചാര​ത്തി​ലും അവർ പങ്കെടു​ക്കില്ല. കാരണം “അവിശ്വാ​സി​ക​ളോ​ടു ഇണയല്ലാ​പ്പിണ കൂടരു​തു” എന്ന ബൈബിൾ കൽപ്പന അവർ അനുസ​രി​ക്കു​ന്നു.—2 കൊരി​ന്ത്യർ 6:14.

ഈ തത്ത്വം ശവസം​സ്‌കാ​ര​ത്തി​നും ബാധക​മാണ്‌. വ്യാജ​മ​ത​ത്തി​ലെ ഒരു ശുശ്രൂ​ഷ​കന്റെ നേതൃ​ത്വ​ത്തി​ലുള്ള ഗാനാ​ലാ​പ​ന​ത്തി​ലോ പ്രാർഥ​ന​യി​ലോ ആചാര​ങ്ങ​ളി​ലോ യഹോ​വ​യു​ടെ സാക്ഷികൾ പങ്കുപ​റ്റില്ല. അടുത്ത കുടും​ബാം​ഗ​ങ്ങ​ളായ തങ്ങൾ അത്തരം ഒരു ശുശ്രൂ​ഷ​യ്‌ക്കു ഹാജരാ​കേ​ണ്ടത്‌ അനിവാ​ര്യ​മാ​ണെന്ന്‌ ചില ക്രിസ്‌ത്യാ​നി​കൾ കരുതി​യേ​ക്കാം. എങ്കിൽപ്പോ​ലും അവർ അതിൽ പങ്കുപ​റ്റില്ല.—2 കൊരി​ന്ത്യർ 6:16; വെളി​പ്പാ​ടു 18:4.

മാന്യ​മായ ശവസം​സ്‌കാര ശുശ്രൂ​ഷ​കൾ

യഹോ​വ​യു​ടെ സാക്ഷികൾ നടത്തുന്ന ശവസം​സ്‌കാര ശുശ്രൂ​ഷ​ക​ളിൽ മരിച്ച​വരെ പ്രസാ​ദി​പ്പി​ക്കാൻ ഉദ്ദേശി​ച്ചുള്ള അനുഷ്‌ഠാ​ന​ങ്ങ​ളില്ല. രാജ്യ​ഹാ​ളി​ലോ ശവസം​സ്‌കാര പാർല​റി​ലോ മരിച്ച ആളിന്റെ വീട്ടി​ലോ ശ്‌മശാ​ന​ത്തി​ലോ വെച്ച്‌ ഒരു ബൈബിൾ പ്രസംഗം നടത്തുന്നു. മരണ​ത്തെ​യും പുനരു​ത്ഥാന പ്രത്യാ​ശ​യെ​യും സംബന്ധിച്ച്‌ ബൈബിൾ പറയുന്ന കാര്യങ്ങൾ വിശദീ​ക​രി​ച്ചു​കൊണ്ട്‌ വിരഹാർത്തരെ ആശ്വസി​പ്പി​ക്കുക എന്നതാണ്‌ പ്രസം​ഗ​ത്തി​ന്റെ ഉദ്ദേശ്യം. (യോഹ​ന്നാൻ 11:25; റോമർ 5:12; 2 പത്രൊസ്‌ 3:13) തിരു​വെ​ഴു​ത്തു​ക​ളിൽ അധിഷ്‌ഠി​ത​മായ ഒരു ഗീതം ആലപി​ച്ചേ​ക്കാം. ആശ്വാ​സ​ദാ​യ​ക​മായ ഒരു പ്രാർഥ​ന​യോ​ടെ ശുശ്രൂഷ അവസാ​നി​പ്പി​ക്കു​ന്നു.

അടുത്ത​യി​ടെ ഇത്തരത്തി​ലുള്ള ഒരു ശവസം​സ്‌കാര ശുശ്രൂഷ ഒരു യഹോ​വ​യു​ടെ സാക്ഷിക്കു വേണ്ടി നടത്തു​ക​യു​ണ്ടാ​യി. ദക്ഷിണാ​ഫ്രി​ക്ക​യു​ടെ പ്രസി​ഡ​ന്റായ നെൽസൺ മണ്ഡേല​യു​ടെ ഏറ്റവും ഇളയ സഹോ​ദ​രി​യാ​യി​രു​ന്നു ആ സാക്ഷി. ശുശ്രൂഷ കഴിഞ്ഞ​പ്പോൾ പ്രസി​ഡന്റ്‌ പ്രസം​ഗ​ക​നോട്‌ ആത്മാർഥ​മാ​യി നന്ദി പറഞ്ഞു. അനേകം മാന്യ​വ്യ​ക്തി​ക​ളും ഉന്നത ഉദ്യോ​ഗ​സ്ഥ​ന്മാ​രും ഹാജരാ​യി​രു​ന്നു. “ഞാൻ സംബന്ധി​ച്ചി​ട്ടു​ള്ള​തി​ലേ​ക്കും ഏറ്റവും മാന്യ​മായ ശവസം​സ്‌കാ​ര​മാണ്‌ ഇത്‌” എന്ന്‌ ഒരു ക്യാബി​നറ്റ്‌ മന്ത്രി പറഞ്ഞു.

വിലാപ വസ്‌ത്രങ്ങൾ സ്വീകാ​ര്യ​മാ​ണോ?

പ്രിയ​പ്പെ​ട്ട​വ​രു​ടെ മരണത്തിൽ യഹോ​വ​യു​ടെ സാക്ഷികൾ ദുഃഖി​ക്കു​ന്നു. യേശു​വി​നെ പോലെ അവർ കണ്ണുനീർ വാർത്തേ​ക്കാം. (യോഹ​ന്നാൻ 11:35, 36) എന്നാൽ തങ്ങളുടെ ദുഃഖം ഏതെങ്കി​ലും ബാഹ്യ അടയാ​ള​ത്താൽ പരസ്യ​മാ​യി പ്രദർശി​പ്പി​ക്കേ​ണ്ടത്‌ ആവശ്യ​മാ​ണെന്ന്‌ അവർ കരുതു​ന്നില്ല. (മത്തായി 6:16-18 താരത​മ്യം ചെയ്യുക.) അനേകം രാജ്യ​ങ്ങ​ളിൽ, മരിച്ച​വരെ പ്രസാ​ദി​പ്പി​ക്കാ​നാ​യി വിധവ​മാർ പ്രത്യേക വിലാപ വസ്‌ത്രങ്ങൾ ധരിക്കാൻ പ്രതീ​ക്ഷി​ക്ക​പ്പെ​ടു​ന്നു. ശവസം​സ്‌കാ​ര​ത്തി​നു ശേഷം അനേകം മാസങ്ങ​ളോ ഒരു വർഷം പോലു​മോ ഈ വസ്‌ത്രങ്ങൾ ധരിക്കണം. അവ മാറ്റു​ന്ന​തോ, മറ്റൊരു സദ്യയ്‌ക്കുള്ള അവസര​വും.

വിലാപ അടയാ​ളങ്ങൾ കാണി​ക്കാ​തി​രി​ക്കു​ന്നത്‌ മരിച്ച ആളോ​ടുള്ള ഒരു അധി​ക്ഷേ​പ​മാ​യി പരിഗ​ണി​ക്ക​പ്പെ​ടു​ന്നു. ഈ കാരണ​ത്താൽ, സ്വാസി​ലാൻഡി​ന്റെ ചില ഭാഗങ്ങ​ളിൽ ഗോ​ത്ര​മു​ഖ്യ​ന്മാർ യഹോ​വ​യു​ടെ സാക്ഷി​കളെ അവരവ​രു​ടെ ഭവനങ്ങ​ളിൽനി​ന്നും നാടു​ക​ളിൽനി​ന്നും ഓടിച്ചു വിട്ടി​ട്ടുണ്ട്‌. എന്നാൽ മറ്റു സ്ഥലങ്ങളി​ലെ അവരുടെ ആത്മീയ സഹോ​ദ​ര​ന്മാർ എല്ലായ്‌പോ​ഴും ആ വിശ്വസ്‌ത ക്രിസ്‌ത്യാ​നി​കൾക്കാ​യി കരുതി​യി​ട്ടുണ്ട്‌.

യഹോ​വ​യു​ടെ സാക്ഷി​കളെ അവരുടെ വീട്ടി​ലും നാട്ടി​ലും തിരികെ പ്രവേ​ശി​പ്പി​ക്കണം എന്നു പ്രസ്‌താ​വി​ച്ചു​കൊണ്ട്‌ സ്വാസി​ലാൻഡി​ലെ ഹൈ​ക്കോ​ടതി സാക്ഷി​കൾക്ക്‌ അനുകൂ​ല​മാ​യി വിധി പ്രഖ്യാ​പി​ച്ചു. മറ്റൊരു കേസിൽ, ഭാര്യ വിലാപ വസ്‌ത്രങ്ങൾ ധരിക്ക​രു​തെന്ന്‌ മരിച്ചു​പോയ ഭർത്താവ്‌ വ്യക്തമാ​യി പ്രസ്‌താ​വി​ച്ചി​രുന്ന ഒരു കത്തും ടേപ്പ്‌ റിക്കോർഡി​ങ്ങും ഹാജരാ​ക്കി​യ​പ്പോൾ തന്റെ പുരയി​ട​ത്തിൽ താമസി​ക്കാൻ ഒരു ക്രിസ്‌തീയ വിധവ​യ്‌ക്ക്‌ അനുവാ​ദം ലഭിച്ചു. അങ്ങനെ, ഭർത്താ​വി​നോ​ടു താൻ തീർച്ച​യാ​യും ആദരവു​ള്ളവൾ ആണെന്നു തെളി​യി​ക്കാൻ അവർക്കു കഴിഞ്ഞു.

ശവസം​സ്‌കാ​ര നിർദേ​ശങ്ങൾ മരണത്തി​നു മുമ്പു വ്യക്തമാ​യി പ്രസ്‌താ​വി​ക്കു​ന്നത്‌ ഏറെ മൂല്യ​വ​ത്താണ്‌, തിരു​വെ​ഴു​ത്തു വിരു​ദ്ധ​മായ നടപടി​കൾ സർവസാ​ധാ​രണം ആയിരി​ക്കുന്ന സ്ഥലങ്ങളിൽ വിശേ​ഷി​ച്ചും. കാമറൂൺ നിവാ​സി​യായ വിക്ടറി​ന്റെ ദൃഷ്ടാന്തം പരിഗ​ണി​ക്കുക. തന്റെ ശവസം​സ്‌കാ​ര​ത്തി​നു പിൻപ​റ്റേണ്ട ഒരു നടപടി​ക്രമം അദ്ദേഹം എഴുതി​വെച്ചു. മനുഷ്യ തലയോ​ട്ടി​യു​ടെ ആരാധന ഉൾപ്പെടെ, മരിച്ച​വ​രോ​ടുള്ള ബന്ധത്തിൽ ശക്തമായ മാമൂ​ലു​ക​ളുള്ള ഒരു സംസ്‌കാ​ര​ത്തിൽപ്പെട്ട സ്വാധീ​ന​ശ​ക്തി​യുള്ള പല ബന്ധുക്കൾ അദ്ദേഹ​ത്തി​ന്റെ കുടും​ബ​ത്തിൽ ഉണ്ടായി​രു​ന്നു. വിക്ടർ ആദരണീ​യ​നായ കുടും​ബാം​ഗം ആയിരു​ന്ന​തി​നാൽ തന്റെ തലയോ​ട്ടി​യും ഈ വിധത്തിൽ ഉപയോ​ഗി​ച്ചേ​ക്കാ​മെന്ന്‌ അദ്ദേഹ​ത്തിന്‌ അറിയാ​മാ​യി​രു​ന്നു. അതു​കൊണ്ട്‌, യഹോ​വ​യു​ടെ സാക്ഷികൾ തന്റെ ശവസം​സ്‌കാ​രം നടത്തുന്ന വിധം സംബന്ധിച്ച്‌ അദ്ദേഹം വ്യക്തമായ നിർദേ​ശങ്ങൾ നൽകി. ഇത്‌ അദ്ദേഹ​ത്തി​ന്റെ വിധവ​യ്‌ക്കും മക്കൾക്കും കാര്യങ്ങൾ കൂടുതൽ എളുപ്പ​മാ​ക്കി. സമൂഹ​ത്തിൽ നല്ലൊരു സാക്ഷ്യ​ത്തിൽ കലാശി​ക്കു​ക​യും ചെയ്‌തു.

തിരു​വെ​ഴു​ത്തു വിരുദ്ധ ആചാരങ്ങൾ അനുക​രി​ക്കു​ന്നത്‌ ഒഴിവാ​ക്കു​ക

ബൈബിൾ പരിജ്ഞാ​ന​മുള്ള ചിലർ വ്യത്യ​സ്‌ത​രാ​യി നില​കൊ​ള്ളാൻ ഭയമു​ള്ളവർ ആയിരു​ന്നി​ട്ടുണ്ട്‌. പീഡനം ഒഴിവാ​ക്കാ​നാ​യി, മരിച്ച​വർക്കു വേണ്ടി​യുള്ള പരമ്പരാ​ഗത ഉണർന്നി​രിപ്പ്‌ ആചരി​ക്കു​ന്നു എന്ന തോന്നൽ ഉളവാ​ക്കി​ക്കൊണ്ട്‌ അയൽക്കാ​രെ പ്രസാ​ദി​പ്പി​ക്കാൻ അവർ ശ്രമി​ക്കു​ന്നു. വ്യക്തി​പ​ര​മായ ആശ്വാസം പ്രദാനം ചെയ്യാൻ വിരഹാർത്തരെ സന്ദർശി​ക്കു​ന്നത്‌ അഭിന​ന്ദ​നാർഹ​മാണ്‌. എന്നാൽ അതിനാ​യി യഥാർഥ ശവസം​സ്‌കാ​ര​ത്തി​നു മുമ്പുള്ള എല്ലാ രാത്രി​യി​ലും മരിച്ച ആളിന്റെ ഭവനത്തിൽ ചെറിയ ശവസം​സ്‌കാര ശുശ്രൂ​ഷകൾ നടത്തേണ്ട കാര്യ​മില്ല. അപ്രകാ​രം ചെയ്യു​ന്നത്‌ നിരീ​ക്ഷ​കർക്ക്‌ ഇടർച്ച വരുത്തി​യേ​ക്കാം. കാരണം, അതിൽ പങ്കുപ​റ്റു​ന്നവർ മരിച്ച​വ​രു​ടെ അവസ്ഥ​യെ​ക്കു​റി​ച്ചു ബൈബിൾ പറയു​ന്നതു വാസ്‌ത​വ​ത്തിൽ വിശ്വ​സി​ക്കു​ന്നി​ല്ലെ​ന്നുള്ള ധാരണ അത്‌ അവർക്കു നൽകി​യേ​ക്കാം.—1 കൊരി​ന്ത്യർ 10:32.

ജീവി​ത​ത്തിൽ ദൈവാ​രാ​ധന ഒന്നാമതു വെക്കാ​നും സമയം ജ്ഞാനപൂർവം ഉപയോ​ഗി​ക്കാ​നും ബൈബിൾ ക്രിസ്‌ത്യാ​നി​കളെ ഉദ്‌ബോ​ധി​പ്പി​ക്കു​ന്നു. (മത്തായി 6:33; എഫെസ്യർ 5:15, 16) എന്നാൽ ചില സ്ഥലങ്ങളിൽ ശവസം​സ്‌കാ​രം നിമിത്തം സഭാ പ്രവർത്തനം ഒരാഴ്‌ച​യോ അതിൽ കൂടു​ത​ലോ സ്‌തം​ഭി​ച്ചി​ട്ടുണ്ട്‌. ഇത്‌ ആഫ്രി​ക്ക​യിൽ മാത്ര​മുള്ള പ്രശ്‌നമല്ല. ഒരു ശവസം​സ്‌കാ​രത്തെ കുറിച്ച്‌ തെക്കെ അമേരി​ക്ക​യിൽനി​ന്നുള്ള ഒരു റിപ്പോർട്ട്‌ ഇപ്രകാ​രം പറയുന്നു: “മൂന്നു ക്രിസ്‌തീയ യോഗ​ങ്ങൾക്കു തീരെ കുറച്ചു ഹാജരേ ഉണ്ടായി​രു​ന്നു​ള്ളൂ. ഏകദേശം പത്തു ദിവസ​ത്തേക്ക്‌ വയൽസേ​വ​ന​ത്തിന്‌ ആളുണ്ടാ​യി​രു​ന്നില്ല. ചില സഹോ​ദ​രീ​സ​ഹോ​ദ​ര​ന്മാർ [ഇത്തരം ആചാര​ങ്ങ​ളിൽ] പങ്കെടു​ക്കു​ന്നതു കണ്ടിട്ട്‌ ബൈബിൾ വിദ്യാർഥി​ക​ളും സഭയ്‌ക്കു പുറത്തു​ള്ള​വ​രും പോലും അതിശ​യി​ക്കു​ക​യും നിരാ​ശ​രാ​കു​ക​യും ചെയ്‌തു.”

ചില സമൂഹ​ങ്ങ​ളിൽ, വിരഹാർത്ത കുടും​ബം ശവസം​സ്‌കാ​ര​ത്തി​നു ശേഷം ചുരുക്കം ചില അടുത്ത സുഹൃ​ത്തു​ക്കളെ ലഘുഭ​ക്ഷ​ണ​ത്തി​നാ​യി തങ്ങളുടെ ഭവനത്തി​ലേക്കു ക്ഷണി​ച്ചേ​ക്കാം. എന്നാൽ ആഫ്രി​ക്ക​യു​ടെ മിക്ക ഭാഗങ്ങ​ളി​ലും, ശവസം​സ്‌കാ​ര​ത്തി​നു ഹാജരായ നൂറു​ക​ണ​ക്കിന്‌ ആളുകൾ ഒരു സദ്യ പ്രതീ​ക്ഷിച്ച്‌ മരിച്ച ആളിന്റെ വീട്ടി​ലേക്കു വരുന്നു, മിക്ക​പ്പോ​ഴും മൃഗങ്ങൾ ബലി ചെയ്യ​പ്പെ​ടു​ന്നു. ക്രിസ്‌തീയ സഭയോ​ടൊ​പ്പം സഹവസി​ച്ചി​രുന്ന ചിലർ ഈ മാമൂൽ പിൻപ​റ്റി​യി​ട്ടുണ്ട്‌. മരിച്ച ആളിനെ പ്രസാ​ദി​പ്പി​ക്കാ​നുള്ള ആചാര​പ​ര​മായ സദ്യ തങ്ങൾ നടത്തുന്നു എന്ന ധാരണ നൽകാ​നാ​യി​രു​ന്നു അത്‌.

യഹോ​വ​യു​ടെ സാക്ഷികൾ നടത്തുന്ന ശവസം​സ്‌കാര ശുശ്രൂ​ഷകൾ വിരഹാർത്ത​രു​ടെ മേൽ വലിയ സാമ്പത്തിക ഭാരം ഉളവാ​ക്കു​ന്നില്ല. അതു​കൊണ്ട്‌ ധൂർത്ത​ടി​ച്ചുള്ള ശവസം​സ്‌കാര ചെലവു​കൾ നികത്താ​നാ​യി ഹാജരാ​കു​ന്നവർ പണം നൽകാൻ ഒരു പ്രത്യേക ക്രമീ​ക​രണം ചെയ്യേണ്ട ആവശ്യ​മില്ല. ദരിദ്ര വിധവ​മാർക്ക്‌ അത്യാ​വശ്യ ചെലവു​കൾ നടത്താൻ കഴിയു​ന്നി​ല്ലെ​ങ്കിൽ സഭയി​ലുള്ള മറ്റുള്ളവർ സഹായി​ക്കാൻ സന്തോ​ഷ​മു​ള്ളവർ ആയിരി​ക്കു​മെ​ന്ന​തിൽ തെല്ലും സംശയ​മില്ല. അത്തരം സഹായം അപര്യാ​പ്‌ത​മാ​ണെ​ങ്കിൽ, അർഹരാ​യ​വർക്ക്‌ സാമ്പത്തിക സഹായം ചെയ്യാൻ മൂപ്പന്മാർ ക്രമീ​ക​രണം ചെയ്‌തേ​ക്കാം.—1 തിമൊ​ഥെ​യൊസ്‌ 5:3, 4.

ശവസം​സ്‌കാ​ര ആചാരങ്ങൾ എല്ലായ്‌പോ​ഴും ബൈബിൾ തത്ത്വങ്ങൾക്ക്‌ എതിരല്ല. എന്നാൽ അവ എതിരാ​യി​രി​ക്കു​മ്പോൾ, തിരു​വെ​ഴു​ത്തു​കൾക്ക്‌ അനുസൃ​ത​മാ​യി പ്രവർത്തി​ക്കാൻ ക്രിസ്‌ത്യാ​നി​കൾ ദൃഢനി​ശ്ച​യ​മു​ള്ള​വ​രാണ്‌.c (പ്രവൃ​ത്തി​കൾ 5:29) ഇതു കൂടു​ത​ലായ ഉപദ്ര​വങ്ങൾ ഉണ്ടാക്കി​യേ​ക്കാ​മെ​ങ്കി​ലും, അത്തരം പരി​ശോ​ധ​നകൾ തങ്ങൾ വിജയ​പ്ര​ദ​മാ​യി നേരി​ട്ടി​രി​ക്കു​ന്നു എന്നു സാക്ഷ്യ​പ്പെ​ടു​ത്താൻ അനേകം ദൈവ​ദാ​സ​ന്മാർക്കു സാധി​ക്കും. ‘സർവ്വാ​ശ്വാ​സ​വും നൽകുന്ന ദൈവ​മായ’ യഹോ​വ​യിൽനി​ന്നുള്ള ശക്തിയാ​ലും പരി​ശോ​ധ​ന​ക​ളിൽ തങ്ങളെ ആശ്വസി​പ്പിച്ച സഹവി​ശ്വാ​സി​ക​ളു​ടെ സ്‌നേ​ഹ​പൂർവ​ക​മായ സഹായ​ത്താ​ലു​മാണ്‌ അവർ അപ്രകാ​രം ചെയ്‌തി​ട്ടു​ള്ളത്‌.—2 കൊരി​ന്ത്യർ 1:3, 4.

[അടിക്കു​റി​പ്പു​കൾ]

[23-ാം പേജിലെ ചതുരം]

ഉറച്ച നിലപാ​ടു നിമിത്തം അനുഗൃ​ഹീ​തർ

സ്വാസി​ലാൻഡിൽ വസിക്കുന്ന ഒരു ധീര ക്രിസ്‌തീയ വിധവ​യാണ്‌ സിബോ​ഞ്ചെലി. അടുത്ത​യി​ടെ ഭർത്താവു മരിച്ച​പ്പോൾ, മരിച്ച​വരെ പ്രസാ​ദി​പ്പി​ക്കു​ന്നത്‌ എന്ന്‌ അനേകർ കരുതുന്ന ആചാരങ്ങൾ പിന്തു​ട​രാൻ അവർ വിസമ്മ​തി​ച്ചു. ദൃഷ്ടാ​ന്ത​ത്തിന്‌, അവർ തല മുണ്ഡനം ചെയ്‌തില്ല. (ആവർത്ത​ന​പു​സ്‌തകം 14:1) അതിൽ കുപി​ത​രായ എട്ടു കുടും​ബാം​ഗങ്ങൾ ബലമായി സിബോ​ഞ്ചെ​ലി​യു​ടെ തല മുണ്ഡനം ചെയ്‌തു. സിബോ​ഞ്ചെ​ലി​യെ ആശ്വസി​പ്പി​ക്കാൻ യഹോ​വ​യു​ടെ സാക്ഷികൾ വീടു സന്ദർശി​ക്കു​ന്ന​തും അവർ തടഞ്ഞു. എന്നാൽ, രാജ്യ​സ​ന്ദേ​ശ​ത്തിൽ തത്‌പ​ര​രായ മറ്റുള്ളവർ, മൂപ്പന്മാർ എഴുതിയ പ്രോ​ത്സാ​ഹന കത്തുമാ​യി അവരെ സന്ദർശി​ക്കാൻ സന്തോ​ഷ​മു​ള്ളവർ ആയിരു​ന്നു. സിബോ​ഞ്ചെലി പ്രത്യേക വിലാപ വസ്‌ത്രങ്ങൾ ധരിക്കാൻ പ്രതീ​ക്ഷി​ക്ക​പ്പെ​ട്ടി​രുന്ന ദിവസം അതിശ​യ​ക​ര​മായ ചിലതു സംഭവി​ച്ചു. പരമ്പരാ​ഗത വിലാപ ആചാരങ്ങൾ അനുസ​രി​ച്ചു പ്രവർത്തി​ക്കാ​നുള്ള അവരുടെ വിസമ്മതം ചർച്ച​ചെ​യ്യാ​നാ​യി കുടും​ബ​ത്തി​ലെ സ്വാധീ​ന​മുള്ള ഒരു അംഗം ഒരു യോഗം വിളി​ച്ചു​കൂ​ട്ടി.

സിബോ​ഞ്ചെ​ലി ഇങ്ങനെ റിപ്പോർട്ടു ചെയ്യുന്നു: “കറുത്ത വിലാപ വസ്‌ത്രം ധരിച്ചു​കൊണ്ട്‌ ദുഃഖം പ്രകടി​പ്പി​ക്കാൻ എന്റെ മത വിശ്വാ​സങ്ങൾ എന്നെ അനുവ​ദി​ക്കു​മോ എന്ന്‌ അവർ ആരാഞ്ഞു. ഞാൻ എന്റെ നിലപാ​ടു വ്യക്തമാ​ക്കി കഴിഞ്ഞ​പ്പോൾ, എന്നെ നിർബ​ന്ധി​ക്കുക ഇല്ലെന്ന്‌ അവർ എന്നോടു പറഞ്ഞു. എന്റെമേൽ ബലപ്ര​യോ​ഗം നടത്തി​യ​തി​നും ഇഷ്ടത്തിനു വിരു​ദ്ധ​മാ​യി എന്റെ തല മുണ്ഡനം ചെയ്‌ത​തി​നും അവർ എല്ലാവ​രും എന്നോടു മാപ്പു പറഞ്ഞു. അത്‌ എന്നെ അതിശ​യി​പ്പി​ച്ചു. തങ്ങളോ​ടു ക്ഷമിക്ക​ണ​മെന്ന്‌ അവർ എല്ലാവ​രും എന്നോടു പറഞ്ഞു.” പിന്നീട്‌ സിബോ​ഞ്ചെ​ലി​യു​ടെ സഹോ​ദ​രിക്ക്‌, യഹോ​വ​യു​ടെ സാക്ഷി​ക​ളു​ടേത്‌ സത്യമതം ആണെന്നു ബോധ്യ​പ്പെ​ടു​ക​യും ഒരു ബൈബിൾ അധ്യയനം അഭ്യർഥി​ക്കു​ക​യും ചെയ്‌തു.

മറ്റൊരു ദൃഷ്ടാന്തം പരിഗ​ണി​ക്കുക: തന്റെ പിതാ​വി​ന്റെ പെട്ടെ​ന്നുള്ള മരണ​ത്തെ​ക്കു​റി​ച്ചു കേട്ട​പ്പോൾ ദക്ഷിണാ​ഫ്രി​ക്ക​ക്കാ​ര​നായ ബെഞ്ചമിന്‌ 29 വയസ്സാ​യി​രു​ന്നു. അന്നു കുടും​ബ​ത്തി​ലെ ഏക സാക്ഷി​യാ​യി​രു​ന്നു ബെഞ്ചമിൻ. ശവസം​സ്‌കാര വേളയിൽ എല്ലാവ​രും വരിവ​രി​യാ​യി വന്ന്‌ ശവപ്പെ​ട്ടി​യി​ലേക്ക്‌ ഒരു പിടി മണ്ണ്‌ എറിയാൻ പ്രതീ​ക്ഷി​ക്ക​പ്പെ​ട്ടി​രു​ന്നു.d ശവസം​സ്‌കാ​ര​ത്തി​നു ശേഷം അടുത്ത കുടും​ബാം​ഗങ്ങൾ എല്ലാവ​രും തല മുണ്ഡനം ചെയ്യണ​മാ​യി​രു​ന്നു. ബെഞ്ചമിൻ ഈ അനുഷ്‌ഠാ​ന​ങ്ങ​ളിൽ പങ്കെടു​ക്കാ​തി​രു​ന്ന​തി​നാൽ, മരിച്ച പിതാ​വി​ന്റെ ആത്മാവ്‌ അവനെ ശിക്ഷി​ക്കു​മെന്നു കുടും​ബാം​ഗങ്ങൾ പ്രവചി​ച്ചു.

“ഞാൻ യഹോ​വ​യിൽ ആശ്രയി​ച്ച​തി​നാൽ എനിക്കു യാതൊ​ന്നും സംഭവി​ച്ചില്ല” എന്ന്‌ ബെഞ്ചമിൻ പറയുന്നു. അവനോ​ടുള്ള ബന്ധത്തിൽ കാര്യങ്ങൾ എങ്ങനെ ആയിത്തീർന്നു എന്നത്‌ കുടും​ബാം​ഗങ്ങൾ നിരീ​ക്ഷി​ച്ചു. കാല​ക്ര​മ​ത്തിൽ അവരിൽ പലർ യഹോ​വ​യു​ടെ സാക്ഷി​ക​ളോ​ടൊ​പ്പം ബൈബിൾ പഠിക്കാൻ തുടങ്ങു​ക​യും ദൈവ​ത്തി​നുള്ള തങ്ങളുടെ സമർപ്പ​ണ​ത്തി​ന്റെ പ്രതീകം എന്ന നിലയിൽ സ്‌നാ​പനം ഏൽക്കു​ക​യും ചെയ്‌തു. ബെഞ്ചമി​നോ? അദ്ദേഹം മുഴു​സമയ സുവി​ശേഷ വേല ആരംഭി​ച്ചു. ഒരു സഞ്ചാര മേൽവി​ചാ​ര​ക​നാ​യി യഹോ​വ​യു​ടെ സാക്ഷി​ക​ളു​ടെ സഭകൾ സന്ദർശി​ക്കാ​നുള്ള പദവി കഴിഞ്ഞ ഏതാനും വർഷങ്ങ​ളാ​യി അദ്ദേഹം ആസ്വദി​ക്കു​ന്നു.

[അടിക്കു​റിപ്പ്‌]

നിങ്ങളു​ടെ അടുത്തുള്ള “ദൈവ​മാർഗ​ത്തി​ലുള്ള ജീവിതം” ഡിസ്‌ട്രി​ക്‌റ്റ്‌ കൺ​വെൻ​ഷനു ഹാജരാ​കാൻ ആസൂ​ത്രണം ചെയ്യു​വിൻ!

യഹോവയുടെ സാക്ഷി​ക​ളു​ടെ ഇന്ത്യയി​ലെ 17 ത്രിദിന കൺ​വെൻ​ഷ​നു​ക​ളു​ടെ പരമ്പര 1998 ഒക്ടോബർ 2-ന്‌ തുടങ്ങി 1998 ഡിസംബർ അവസാനം വരെ തുടരു​ന്ന​താ​യി​രി​ക്കും. ഇംഗ്ലീഷ്‌, കന്നട, തമിഴ്‌, തെലുങ്ക്‌, നേപ്പാളി പഞ്ചാബി, ബംഗാളി, മലയാളം, ഹിന്ദി എന്നീ ഭാഷക​ളിൽ അവ നടത്തു​ന്ന​താണ്‌.

പ്രചോ​ദ​നാ​ത്മ​ക​മായ ആ അനേകം ബൈബിൾ അവതര​ണ​ങ്ങ​ളും പ്രാ​യോ​ഗിക പ്രകട​ന​ങ്ങ​ളും നഷ്ടപ്പെ​ടു​ത്ത​രുത്‌. കുടും​ബങ്ങൾ ഉത്‌കണ്‌ഠ തരണം ചെയ്യുന്ന വിധം സംബന്ധി​ച്ചുള്ള തനിമ​യാർന്ന നാടകം ആസ്വദി​ക്കുക. എല്ലാ സെഷനി​ലും പ്രവേ​ശനം സൗജന്യ​മാണ്‌. താഴെ പട്ടിക​പ്പെ​ടു​ത്തി​യി​രി​ക്കുന്ന ഏതെങ്കി​ലും ഒരു സ്ഥലത്ത്‌ ഹാജരാ​കുക.

ഒക്ടോബർ 2-4 ജലന്ധർ (പഞ്ചാബി & ഹിന്ദി): Desh Bhagat Yadgar Hall, G. T. Road, Jalandhar, Punjab

ഒക്ടോബർ 23-25 മുംബൈ (ഗുജറാ​ത്തി, ഹിന്ദി, ഇംഗ്ലീഷ്‌): Shanmughanand Hall, 292 Comrade Harbanslal Marg, Sion (East), Mumbai, Maharashtra 400 022.

ഒക്ടോബർ 23-25 ന്യൂഡൽഹി (ഹിന്ദി & ഇംഗ്ലീഷ്‌): Shah Auditorium, Shree Delhi Gujarati Samaj, 2 Raj Nivas Marg, New Delhi,NCT 110 054

ഒക്ടോബർ 30-നവംബർ 1 ബാംഗ്ലൂർ (ഇംഗ്ലീഷ്‌): Sri Y. Muniswamappa Kalayana Mantapa, No.17, Gopal Theatre Annexe, Yeshwanthpur, Bangalore, Karnataka 560 022.

ഒക്ടോബർ 30-നവംബർ 1 ചിഞ്ച്വഡ്‌ (ഹിന്ദി): PCMC Auditorium, Opposite Chinchwad TELCO, Chinchwad, Pune, Maharashtra 411 033

ഒക്ടോബർ 30-നവംബർ 1 പനാജി (ഇംഗ്ലീഷ്‌): Kala Academy, Campal, Panaji, Goa 403 001.

നവംബർ 6-8 സെക്കന്ത​രാ​ബാദ്‌ (തെലുങ്ക്‌): Krupa Anand Hall, West Maredpally, Secunderabad, Andhra Pradesh 500 009

നവംബർ 6-8 ഷിമോഗ (കന്നഡ): Ku-vempu, Rangamandir, Shimoga, Karnataka

നവംബർ 13-15 കൽക്കട്ട (ബംഗാളി & ഇംഗ്ലീഷ്‌): Rabindra Sarobar Stadium Hall, Southern Avenue, Calcutta, West Bengal

നവംബർ 13-15 കോഴി​ക്കോട്‌ (മലയാളം): Gujarati Vidyalaya Association, Kozhikode, Kerala

നവംബർ 20-22 എറണാ​കു​ളം (മലയാളം): Rajiv Gandhi Indoor Stadium, Kadavanthra, Ernakulam, Kerala 682 020

നവംബർ 20-22 ജംഷഡ്‌പൂർ (ഹിന്ദി): The Milanee Hall, Bistupur, Jameshedpur, Bihar

നവംബർ 27-29 ദിബ്രു​ഗഢ്‌ (ഹിന്ദി): India Club & Theatrical Institution, Dibrugarh Assam

ഡിസംബർ 11-13 ഗാങ്‌ടോക്ക്‌ (നേപ്പാളി): will announce later

ഡിസംബർ 25-27 ചെന്നൈ (തമിഴ്‌): Will announce later

ഡിസംബർ 25-27 കട്ടപ്പന (മലയാളം): Kattapana Panchayathu Town Hall, Kattapana, Kerala

ഡിസംബർ 25-27 പോർട്ട്‌ ബ്ലെയർ (ഹിന്ദി): Andamans Tamizdhar Sangam, Port Blair, Andamans and Nicobar Islands