ഇപ്പോൾ, തൃപ്‌ത​രായ ഹസി​ദേയർ യൂദാസ്‌ മക്കബാ​യന്റെ സൈന്യ​ത്തെ വിട്ട്‌ തങ്ങളുടെ ഭവനങ്ങ​ളി​ലേക്കു തിരികെ പോയി. എന്നാൽ യൂദാ​സിന്‌ മറ്റു ചില പ്ലാനുകൾ ഉണ്ടായി​രു​ന്നു. നല്ല പരിശീ​ലനം സിദ്ധിച്ച ഒരു സൈന്യം അദ്ദേഹ​ത്തിന്‌ ഉണ്ടായി​രു​ന്നു. ഒരു സ്വതന്ത്ര യഹൂദ രാഷ്‌ട്രം സ്ഥാപി​ക്കാൻ എന്തു​കൊണ്ട്‌ അത്‌ ഉപയോ​ഗി​ച്ചു​കൂ​ടാ എന്ന്‌ അദ്ദേഹം ചിന്തി​ച്ചു​തു​ടങ്ങി. വിപ്ലവ​ത്തി​ന്റെ തുടക്ക​ത്തിന്‌ നിദാ​ന​മായ മതപര​മായ കാരണ​ങ്ങ​ളു​ടെ സ്ഥാനത്ത്‌ രാഷ്‌ട്രീയ താത്‌പ​ര്യ​ങ്ങൾ കടന്നു​വന്നു. അങ്ങനെ പോരാ​ട്ടം തുടർന്നു.

സെല്യൂ​സിഡ്‌ ഭരണത്തിന്‌ എതിരെ പോരാ​ടാൻ പിന്തുണ തേടിയ യൂദാസ്‌ മക്കബായൻ റോമു​മാ​യി ഒരു സഖ്യത്തിൽ ഏർപ്പെട്ടു. പൊ.യു.മു. 160-ൽ നടന്ന യുദ്ധത്തിൽ അദ്ദേഹം കൊല്ല​പ്പെ​ട്ടു​വെ​ങ്കി​ലും, അദ്ദേഹ​ത്തി​ന്റെ സഹോ​ദ​ര​ന്മാർ പോരാ​ട്ടം തുടർന്നു. സെല്യൂ​സിഡ്‌ ഭരണാ​ധി​കാ​രി​ക​ളു​ടെ പരമാ​ധി​കാ​ര​ത്തി​നു കീഴി​ലാ​ണെ​ങ്കി​ലും, അവരെ​ക്കൊണ്ട്‌ സമ്മതി​പ്പിച്ച്‌ മഹാ പുരോ​ഹി​ത​നും യഹൂദ്യ​യു​ടെ ഭരണാ​ധി​പ​നു​മാ​യി താൻ നിയമി​ക്ക​പ്പെ​ടാൻ തക്കവണ്ണം യൂദാ​സി​ന്റെ സഹോ​ദ​ര​നായ യോനാ​ഥാൻ കരുക്കൾ നീക്കി. സിറി​യാ​ക്കാ​രു​ടെ ഗൂഢാ​ലോ​ച​ന​യു​ടെ ഫലമായി യോനാ​ഥാൻ ചതിയിൽ പിടി​യി​ലാ​യി വധിക്ക​പ്പെ​ട്ട​പ്പോൾ അദ്ദേഹ​ത്തി​ന്റെ സഹോ​ദ​ര​നായ ശിമ​യോൻ—മക്കബായ സഹോ​ദ​ര​ന്മാ​രിൽ അവസാ​നത്തെ ആൾ—അധികാ​ര​മേ​റ്റെ​ടു​ത്തു. ശിമ​യോ​ന്റെ ഭരണത്തിൻ കീഴിൽ സെല്യൂ​സിഡ്‌ വാഴ്‌ച​യു​ടെ സകല സ്വാധീ​ന​ങ്ങ​ളും തുടച്ചു​നീ​ക്ക​പ്പെട്ടു (പൊ.യു.മു. 141-ൽ). ശിമ​യോൻ റോമു​മാ​യുള്ള തന്റെ സഖ്യം പുതുക്കി. യഹൂദ നേതൃ​ത്വം അദ്ദേഹത്തെ ഭരണാ​ധി​കാ​രി​യും മഹാ പുരോ​ഹി​ത​നു​മാ​യി അംഗീ​ക​രി​ച്ചു. അങ്ങനെ മക്കബായർ നിമിത്തം ഒരു സ്വതന്ത്ര ഹാസ്‌മോ​നേയ രാജവം​ശം സ്ഥാപി​ത​മാ​യി.

മിശി​ഹാ​യു​ടെ വരവിനു മുമ്പ്‌ മക്കബായർ ആലയത്തിൽ ആരാധന പുനഃ​സ്ഥാ​പി​ച്ചു. (യോഹ​ന്നാൻ 1:41, 42; 2:13-17 ഇവ താരത​മ്യം ചെയ്യുക.) എന്നാൽ, യവന സംസ്‌കാ​രം സ്വീക​രിച്ച പുരോ​ഹി​ത​ന്മാ​രു​ടെ പ്രവൃ​ത്തി​കൾ നിമിത്തം പൗരോ​ഹി​ത്യ​ത്തി​ലുള്ള വിശ്വാ​സം തകർന്ന​തു​പോ​ലെ​തന്നെ, ഹാസ്‌മോ​നേ​യ​രു​ടെ പ്രവൃ​ത്തി​ക​ളു​ടെ ഫലമായി അത്‌ ഒന്നുകൂ​ടി തകരു​ക​യു​ണ്ടാ​യി. വിശ്വ​സ്‌ത​നായ ദാവീ​ദി​ന്റെ വംശത്തിൽപ്പെട്ട ഒരു രാജാവ്‌ ഭരിക്കു​ന്ന​തി​നു പകരം, രാഷ്‌ട്രീയ മനസ്‌ക​രായ പുരോ​ഹി​ത​ന്മാർ നടത്തിയ ഭരണം യഹൂദ ജനതയ്‌ക്ക്‌ അനു​ഗ്ര​ഹങ്ങൾ കൈവ​രു​ത്തി​യില്ല എന്നതു സ്‌പഷ്ടം.—2 ശമൂവേൽ 7:16; സങ്കീർത്തനം 89:3, 4, 35, 36.

ഞാൻ എന്റെ സഹോ​ദ​ര​നോട്‌ വായ്‌പ്പ ചോദി​ക്ക​ണ​മോ?

സൈമന്റെ ഇളയ കുട്ടിക്കു സുഖമില്ല, അടിയ​ന്തി​ര​മാ​യി മരുന്ന്‌ ആവശ്യ​മാണ്‌. എന്നാൽ, വളരെ ദരി​ദ്ര​നായ സൈമണ്‌ അതിനു വകയില്ല. ഈ സാഹച​ര്യ​ത്തിൽ അദ്ദേഹ​ത്തിന്‌ എന്തു ചെയ്യാ​നാ​വും? സഹ ക്രിസ്‌ത്യാ​നി​യായ മൈക്കിൾ സാമ്പത്തി​ക​മാ​യി നല്ല നിലയി​ലാണ്‌. ഒരുപക്ഷേ മൈക്കിൾ അദ്ദേഹ​ത്തി​നു പണം കടം കൊടു​ത്തേ​ക്കും. എന്നാൽ, വായ്‌പ്പ വാങ്ങുന്ന പണം തിരിച്ചു കൊടു​ക്കാൻ തനിക്കു കഴി​ഞ്ഞെന്നു വരില്ല എന്ന കാര്യം സൈമണ്‌ അറിയു​ക​യും ചെയ്യാം.a

പണം ആവശ്യ​പ്പെ​ട്ടു​കൊണ്ട്‌ സൈമൺ തന്നെ സമീപി​ക്കു​മ്പോൾ മൈക്കിൾ പ്രതി​സ​ന്ധി​യി​ലാ​കു​ന്നു. സൈമണ്‌ പണത്തിന്റെ അത്യാ​വ​ശ്യം ഉണ്ടെന്ന്‌ അദ്ദേഹം തിരി​ച്ച​റി​യു​ന്നു. പക്ഷേ, കുടും​ബ​ത്തി​ന്റെ നിത്യ​വൃ​ത്തി​ക്കു വേണ്ടി പാടു​പെ​ടുന്ന അദ്ദേഹ​ത്തി​നു പണം തിരികെ തരാൻ കഴിഞ്ഞി​ല്ലെ​ന്നും വരാം എന്നു മൈക്കിൾ ചിന്തി​ക്കു​ന്നു. ഇപ്പോൾ മൈക്കിൾ എന്തു ചെയ്യണം?

പല രാജ്യ​ങ്ങ​ളി​ലും, പെട്ടെ​ന്നാണ്‌ ആളുക​ളു​ടെ ഉപജീ​വ​ന​മാർഗം നഷ്ടമാ​കു​ന്നത്‌. അങ്ങനെ അവർക്ക്‌ ചികിത്സാ ചെലവു​കൾക്ക്‌ പണമോ ഇൻഷ്വ​റൻസോ ഇല്ലാതാ​കു​ന്നു. ബാങ്കിൽനിന്ന്‌ വായ്‌പ്പ എടുക്കാൻ സാധി​ച്ചാൽത്തന്നെ അതിനു കനത്ത പലിശ കൊടു​ക്കേ​ണ്ടി​വ​രും. അടിയ​ന്തിര സാഹച​ര്യ​ത്തിൽ ഏക പരിഹാ​രം വായ്‌പ്പ വാങ്ങു​ന്ന​താ​ണെന്നു തോന്നി​യേ​ക്കാം. എന്നാൽ, വായ്‌പ്പ ചോദി​ക്കു​ന്ന​തി​നു മുമ്പ്‌ പരിചി​ന്തി​ക്കേണ്ട ചില പ്രധാന കാര്യ​ങ്ങ​ളുണ്ട്‌.

വരും​വ​രാ​യ്‌കകൾ വിലയി​രു​ത്തു​ക

കടം കൊടു​ക്കുന്ന ആൾക്കും വാങ്ങുന്ന ആൾക്കും തിരു​വെ​ഴു​ത്തു​കൾ മാർഗ​നിർദേശം പ്രദാനം ചെയ്യുന്നു. ആ ബുദ്ധ്യു​പ​ദേശം പിൻപ​റ്റു​ന്ന​തി​നാൽ അനേകം തെറ്റി​ദ്ധാ​ര​ണ​ക​ളും വ്രണിത വികാ​ര​ങ്ങ​ളും ഒഴിവാ​ക്കാ​നാ​കും.

ഉദാഹ​ര​ണ​ത്തിന്‌, പണം കടം വാങ്ങുന്ന കാര്യത്തെ ലാഘവ മനോ​ഭാ​വ​ത്തോ​ടെ വീക്ഷി​ക്ക​രു​തെന്നു ബൈബിൾ നമ്മെ ഓർമി​പ്പി​ക്കു​ന്നു. പൗലൊസ്‌ അപ്പൊ​സ്‌തലൻ റോമി​ലെ ക്രിസ്‌ത്യാ​നി​കളെ ഇങ്ങനെ ഉദ്‌ബോ​ധി​പ്പി​ച്ചു: “അന്യോ​ന്യം സ്‌നേ​ഹി​ക്കു​ന്നതു അല്ലാതെ ആരോ​ടും ഒന്നും കടമ്പെ​ട്ടി​രി​ക്ക​രു​തു; അന്യനെ സ്‌നേ​ഹി​ക്കു​ന്നവൻ ന്യായ​പ്ര​മാ​ണം നിവർത്തി​ച്ചി​രി​ക്കു​ന്നു​വ​ല്ലോ.” (റോമർ 13:8) തത്ത്വത്തിൽ, ഒരു ക്രിസ്‌ത്യാ​നി മറ്റുള്ള​വ​രോ​ടു കടപ്പെ​ട്ടി​രി​ക്കേ​ണ്ടത്‌ സ്‌നേഹം മാത്ര​മാണ്‌. അതിനാൽ ഒരു വായ്‌പ്പ വാങ്ങു​ന്ന​തി​നു മുമ്പ്‌, ‘വാസ്‌ത​വ​ത്തിൽ അത്‌ ആവശ്യ​മാ​ണോ?’ എന്ന്‌ നാം നമ്മോ​ടു​തന്നെ ചോദി​ക്കേ​ണ്ട​തുണ്ട്‌.

ഉത്തരം അതേ എന്നാ​ണെ​ങ്കിൽ, കടത്തി​ലാ​കു​ന്ന​തി​ന്റെ പരിണത ഫലങ്ങൾ പരിചി​ന്തി​ക്കു​ന്നതു ജ്ഞാനമാ​യി​രി​ക്കും. സുപ്ര​ധാന തീരു​മാ​ന​ങ്ങൾക്ക്‌ അവധാ​ന​പൂർവ​മായ ചിന്തയും ആസൂ​ത്ര​ണ​വും ആവശ്യ​മാ​ണെന്ന്‌ യേശു​ക്രി​സ്‌തു വ്യക്തമാ​ക്കി. അവൻ ശിഷ്യ​ന്മാ​രോട്‌ ഇങ്ങനെ ചോദി​ച്ചു: “നിങ്ങളിൽ ആരെങ്കി​ലും ഒരു ഗോപു​രം പണിവാൻ ഇച്ഛിച്ചാൽ ആദ്യം ഇരുന്നു അതു തീർപ്പാൻ വക ഉണ്ടോ എന്നു കണക്കു നോക്കു​ന്നി​ല്ല​യോ?” (ലൂക്കൊസ്‌ 14:28) ഒരു സഹോ​ദ​ര​നോ​ടു വായ്‌പ്പ ചോദി​ക്കുന്ന കാര്യം പരിചി​ന്തി​ക്കു​മ്പോ​ഴും അതിലെ തത്ത്വം ബാധക​മാണ്‌. ഒരു വായ്‌പ്പ​യു​ടെ കാര്യ​ത്തിൽ കണക്കു നോക്കുക എന്നാൽ അത്‌ എങ്ങനെ, എപ്പോൾ തിരിച്ചു കൊടു​ക്കും എന്നു കണക്കാ​ക്കു​ക​യാണ്‌.

വായ്‌പ്പ എപ്പോൾ, എങ്ങനെ തിരിച്ചു നൽകും എന്ന്‌ അറിയാ​നുള്ള അവകാശം കടം കൊടു​ക്കുന്ന വ്യക്തി​ക്കുണ്ട്‌. കാര്യങ്ങൾ അവധാ​ന​പൂർവം വിലയി​രു​ത്തു​ന്ന​തി​നാൽ, അദ്ദേഹ​ത്തി​നു വ്യക്തമായ ഉത്തരങ്ങൾ നൽകാൻ നമുക്കു കഴിയും. ന്യായ​മായ കാലയ​ള​വി​നു​ള്ളിൽ വായ്‌പ്പ തിരിച്ചു കൊടു​ക്കു​ന്ന​തിൽ ഉൾപ്പെ​ട്ടി​രി​ക്കുന്ന കാര്യ​ങ്ങ​ളെ​ക്കു​റിച്ച്‌ നാം വിലയി​രു​ത്തി നോക്കി​യി​ട്ടു​ണ്ടോ? തീർച്ച​യാ​യും, “കഴിവ​തും നേര​ത്തേ​തന്നെ ഞാൻ തിരിച്ചു തരാം. താങ്കൾക്ക്‌ എന്നെ വിശ്വ​സി​ക്കാം” എന്ന്‌ സഹോ​ദ​ര​നോ​ടു പറയാൻ എളുപ്പ​മാ​യി​രി​ക്കും. എന്നാൽ കൂടുതൽ ഉത്തരവാ​ദി​ത്വ​ത്തോ​ടെ നാം അത്തരം കാര്യങ്ങൾ കൈകാ​ര്യം ചെയ്യേ​ണ്ട​തല്ലേ? വായ്‌പ്പ തിരിച്ചു കൊടു​ക്കാൻ നാം തുടക്ക​ത്തി​ലേ ദൃഢനി​ശ്ചയം ചെയ്യണം, കാരണം അതാണ്‌ യഹോവ നമ്മിൽനിന്ന്‌ ആവശ്യ​പ്പെ​ടു​ന്നത്‌. “ദുഷ്ടൻ വായ്‌പ്പ വാങ്ങുന്നു, തിരികെ കൊടു​ക്കു​ന്നില്ല” എന്ന്‌ സങ്കീർത്തനം 37:21 പറയുന്നു.

വായ്‌പ്പ എപ്പോൾ, എങ്ങനെ തിരിച്ചു കൊടു​ക്കു​മെന്ന കണക്കാ​ക്കു​ന്ന​തി​നാൽ നാം ഏറ്റെടു​ക്കുന്ന ഗൗരവ​മുള്ള പ്രതി​ബദ്ധത സംബന്ധിച്ച്‌ നമ്മെത്തന്നെ ഓർമി​പ്പി​ക്കു​ക​യാണ്‌. അനാവ​ശ്യ​മാ​യി കടങ്ങൾ വരുത്തി​വെ​ക്കാ​നുള്ള സാധ്യത അതുമൂ​ലം കുറയും. കടത്തി​ലാ​കു​ന്നത്‌ ഒഴിവാ​ക്കാൻ കഴിയു​മെ​ങ്കിൽ അതു​കൊണ്ട്‌ പ്രയോ​ജ​നങ്ങൾ ഉണ്ട്‌. “കടം മേടി​ക്കു​ന്നവൻ കടം കൊടു​ക്കു​ന്ന​വന്നു ദാസൻ” എന്ന്‌ സദൃശ​വാ​ക്യ​ങ്ങൾ 22:7 മുന്നറി​യി​പ്പു നൽകുന്നു. കടം കൊടു​ക്കുന്ന ആളും കടം മേടി​ക്കുന്ന ആളും ആത്മീയ സഹോ​ദ​രങ്ങൾ ആയിരി​ക്കു​മ്പോൾ പോലും, വായ്‌പ്പ ഒരു പരിധി വരെ അവരുടെ ബന്ധത്തെ ബാധി​ച്ചേ​ക്കാം. വായ്‌പ്പ​കളെ ചൊല്ലി​യുള്ള തെറ്റി​ദ്ധാ​ര​ണകൾ ചില സഭകളു​ടെ സമാധാ​നത്തെ ഉലച്ചി​ട്ടുണ്ട്‌.

പണം ആവശ്യ​മാ​യി​രി​ക്കു​ന്ന​തി​ന്റെ കാരണം വിശദീ​ക​രി​ക്കു​ക

കടം വാങ്ങിയ പണം അടിസ്ഥാ​ന​പ​ര​മാ​യി നാം എങ്ങനെ ഉപയോ​ഗി​ക്കു​ന്നു എന്ന്‌ അറിയു​ന്ന​തി​നുള്ള അവകാശം കടം കൊടു​ക്കുന്ന ആൾക്കുണ്ട്‌. ഈ വായ്‌പ്പ കൂടാതെ മറ്റുള്ള​വ​രിൽനി​ന്നും നാം പണം കടം വാങ്ങു​ന്നു​ണ്ടോ? എങ്കിൽ അതു നാം വ്യക്തമാ​ക്കേ​ണ്ട​തുണ്ട്‌. കാരണം, വായ്‌പ്പ തിരിച്ചു കൊടു​ക്കാ​നുള്ള നമ്മുടെ പ്രാപ്‌തി​യെ അതു ബാധി​ക്കും.

ബിസി​ന​സ്സി​നു​ള്ള വായ്‌പ്പ​യും അടിയ​ന്തിര സാഹച​ര്യം നിമി​ത്ത​മുള്ള വായ്‌പ്പ​യും തമ്മിലുള്ള വ്യത്യാ​സം തിരി​ച്ച​റി​യേ​ണ്ടതു പ്രത്യേ​കി​ച്ചും പ്രധാ​ന​മാണ്‌. ഒരു വ്യാവ​സാ​യിക സംരം​ഭ​ത്തി​നു പണം കടം കൊടു​ക്കു​ന്ന​തി​നുള്ള തിരു​വെ​ഴു​ത്തു​പ​ര​മായ കടമ ഒരു സഹോ​ദ​രന്‌ ഇല്ല. എന്നാൽ, മറ്റൊരു സഹോ​ദ​രനു തന്റെ കഴിവിന്‌ അതീത​മായ കാരണ​ങ്ങ​ളാൽ, ആഹാരം, വസ്‌ത്രം, അല്ലെങ്കിൽ അടിയ​ന്തിര ചികിത്സ തുടങ്ങിയ അടിസ്ഥാന കാര്യ​ങ്ങൾക്കു പണമി​ല്ലാ​തെ വരു​ന്നെ​ങ്കിൽ സഹായം വെച്ചു​നീ​ട്ടാൻ അദ്ദേഹ​ത്തി​നു തോന്നാം. അത്തരം കാര്യങ്ങൾ സംബന്ധിച്ച്‌ സത്യസ​ന്ധ​മാ​യും മനസ്സു തുറന്നും സംസാ​രി​ക്കു​ന്നത്‌ തെറ്റി​ദ്ധാ​ര​ണകൾ ഒഴിവാ​ക്കാൻ സഹായി​ക്കു​ന്നു.—എഫെസ്യർ 4:25.

എഴുതി വെക്കുക

ഒരു ലിഖിത ഉടമ്പടി, ഭാവി​യിൽ തെറ്റി​ദ്ധാ​ര​ണകൾ ഒഴിവാ​ക്കു​ന്ന​തി​നുള്ള ഒരു നിർണാ​യക പടിയാണ്‌. എഴുതി വെക്കാ​ത്ത​പക്ഷം ഉടമ്പടി​യി​ലെ ചില പ്രത്യേക വിശദാം​ശങ്ങൾ മറന്നു​പോ​കാൻ സാധ്യ​ത​യുണ്ട്‌. എത്ര തുകയാണ്‌ കടം വാങ്ങി​യി​രി​ക്കു​ന്നത്‌ എന്നതും അത്‌ എപ്പോൾ തിരിച്ചു കൊടു​ക്കും എന്നതും നാം എഴുതി വെക്കേ​ണ്ട​തുണ്ട്‌. കടം വാങ്ങുന്ന ആളും കടം കൊടു​ക്കുന്ന ആളും ഉടമ്പടി​യിൽ ഒപ്പിടു​ന്ന​തും ഇരുവ​രും അതിന്റെ ഓരോ കോപ്പി സൂക്ഷി​ക്കു​ന്ന​തും അഭികാ​മ്യ​മാണ്‌. പണപര​മായ ഇടപാ​ടു​കൾ രേഖ​പ്പെ​ടു​ത്തി സൂക്ഷി​ക്കേ​ണ്ട​താ​ണെന്ന്‌ ബൈബിൾ സൂചി​പ്പി​ക്കു​ന്നു. ബാബി​ലോ​ന്യർ യെരൂ​ശ​ലേം നശിപ്പി​ക്കു​ന്ന​തി​നു തൊട്ടു മുമ്പ്‌, യിരെ​മ്യാ​വി​നോട്‌ ഒരു ബന്ധുവിൽനി​ന്നു കുറെ സ്ഥലം വാങ്ങാൻ യഹോവ ആവശ്യ​പ്പെട്ടു. അതിന്റെ നടപടി​ക്രമം പരി​ശോ​ധി​ക്കു​ന്നത്‌ നമുക്കു പ്രയോ​ജനം ചെയ്യും.

“ഞാൻ ഇളയപ്പന്റെ മകൻ ഹനമെ​യേ​ലി​നോ​ടു അനാ​ഥോ​ത്തി​ലെ നിലം മേടിച്ചു” എന്ന്‌ യിരെ​മ്യാവ്‌ പറഞ്ഞു. “വില പതി​നേഴു ശേക്കെൽ വെള്ളി തൂക്കി​ക്കൊ​ടു​ത്തു. ആധാരം എഴുതി മുദ്ര​യി​ട്ടു സാക്ഷി​ക​ളെ​ക്കൊ​ണ്ടു ഒപ്പിടു​വിച്ച ശേഷം ഞാൻ പണം അവന്നു തുലാ​സിൽ തൂക്കി​ക്കൊ​ടു​ത്തു. ഇങ്ങനെ ന്യായ​വും പതിവും അനുസ​രി​ച്ചു മുദ്ര​യി​ട്ടി​രു​ന്ന​തും തുറന്നി​രു​ന്ന​തു​മായ ആധാരങ്ങൾ ഞാൻ വാങ്ങി, ഇളയപ്പന്റെ മകനായ ഹനമെ​യേ​ലും ആധാര​ത്തിൽ ഒപ്പിട്ടി​രുന്ന സാക്ഷി​ക​ളും കാവല്‌പു​ര​മു​റ​റത്തു ഇരുന്നി​രുന്ന യെഹൂ​ദ​ന്മാ​രൊ​ക്കെ​യും കാൺകെ ആധാരം മഹസേ​യാ​വി​ന്റെ മകനായ നേര്യാ​വി​ന്റെ മകൻ ബാരൂ​ക്കി​ന്റെ പക്കൽ കൊടു​ത്തു.” (യിരെ​മ്യാ​വു 32:9-12) മുകളിൽ കൊടു​ത്തി​രി​ക്കുന്ന ഉദാഹ​രണം വായ്‌പ്പ വാങ്ങലി​ന്റെ അല്ല, വസ്‌തു വാങ്ങലി​ന്റെ ആണ്‌. എങ്കിലും, പണപര​മായ ഇടപാ​ടു​കൾ വ്യക്തവും കൃത്യ​വു​മായ വിധത്തിൽ കൈകാ​ര്യം ചെയ്യേ​ണ്ട​തി​ന്റെ പ്രാധാ​ന്യം അതു കാണി​ക്കു​ന്നു.—1973 മേയ്‌ 1 ലക്കം വീക്ഷാ​ഗോ​പു​ര​ത്തി​ന്റെ (ഇംഗ്ലീഷ്‌) 287-8 പേജുകൾ കാണുക.

പ്രശ്‌ന​ങ്ങൾ ഉണ്ടാകു​മ്പോൾ മത്തായി 18:15-17-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ ബുദ്ധ്യു​പ​ദേ​ശ​ത്തി​നു ചേർച്ച​യിൽ അവ പരിഹ​രി​ക്കാൻ ക്രിസ്‌ത്യാ​നി​കൾ ശ്രമി​ക്കണം. അത്തരം കാര്യ​ങ്ങ​ളിൽ സഹായ​മേ​കാൻ ശ്രമി​ച്ചി​ട്ടുള്ള ഒരു മൂപ്പൻ ഇങ്ങനെ അഭി​പ്രാ​യ​പ്പെ​ടു​ന്നു: “മിക്കവാ​റും, എല്ലാ കേസു​ക​ളി​ലും​തന്നെ ലിഖിത ഉടമ്പടി ഉണ്ടായി​രു​ന്നില്ല. തത്‌ഫ​ല​മാ​യി, വായ്‌പ്പ എങ്ങനെ കൊടു​ത്തു തീർക്കണം എന്നതു സംബന്ധിച്ച്‌ ഇരു കക്ഷികൾക്കു​മി​ട​യിൽ വ്യക്തമായ ഒരു ധാരണ ഇല്ലായി​രു​ന്നു. ഇത്തരം കാര്യങ്ങൾ എഴുതി വെക്കു​ന്നത്‌ അവിശ്വാ​സ​ത്തി​ന്റെ അല്ല, മറിച്ച്‌ സ്‌നേ​ഹ​ത്തി​ന്റെ ഒരു അടയാ​ള​മാ​ണെന്ന്‌ എനിക്കു ബോധ്യ​പ്പെ​ട്ടി​രി​ക്കു​ന്നു.”

നാം ഒരു ഉടമ്പടി ചെയ്‌താൽ തീർച്ച​യാ​യും നമ്മുടെ വാക്കു പാലി​ക്കാൻ കഠിന ശ്രമം ചെയ്യേ​ണ്ട​തുണ്ട്‌. യേശു ഇങ്ങനെ ഉദ്‌ബോ​ധി​പ്പി​ച്ചു: “നിങ്ങളു​ടെ വാക്കു ഉവ്വു, ഉവ്വു എന്നും ഇല്ല, ഇല്ല എന്നും ആയിരി​ക്കട്ടെ; ഇതിൽ അധിക​മാ​യതു ദുഷ്ടനിൽനി​ന്നു വരുന്നു.” (ചെരി​ച്ചെ​ഴു​ത്തു ഞങ്ങളു​ടേത്‌.) (മത്തായി 5:37) ചില അപ്രതീ​ക്ഷിത കാരണങ്ങൾ നിമിത്തം യഥാസ​മയം വായ്‌പ്പ തിരിച്ചു കൊടു​ക്കാൻ കഴിയാ​തെ വന്നാൽ അക്കാര്യം കടം തന്ന വ്യക്തി​യോട്‌ ഉടൻതന്നെ വിശദീ​ക​രി​ക്കേ​ണ്ട​തുണ്ട്‌. കുറച്ചു കൂടി ദീർഘ​മായ ഒരു കാലം​കൊണ്ട്‌ ചെറിയ ഗഡുക്ക​ളാ​യി വായ്‌പ്പ തിരിച്ചു നൽകാൻ ഒരുപക്ഷേ അദ്ദേഹം നമ്മെ അനുവ​ദി​ക്കു​മാ​യി​രി​ക്കും.

എന്നാൽ, പ്രതി​കൂല സാഹച​ര്യ​ങ്ങൾ നമ്മുടെ ചുമത​ല​ക​ളിൽനിന്ന്‌ നമ്മെ വിമു​ക്ത​രാ​ക്കു​ന്നില്ല. യഹോ​വയെ ഭയപ്പെ​ടുന്ന ഒരു വ്യക്തി തന്റെ വാക്കു പാലി​ക്കാൻ പരമാ​വധി ശ്രമി​ക്കേ​ണ്ട​തുണ്ട്‌. (സങ്കീർത്തനം 15:4) നാം പ്രതീ​ക്ഷി​ച്ച​തു​പോ​ലെ കാര്യങ്ങൾ നടക്കു​ന്നി​ല്ലെ​ങ്കിൽത്ത​ന്നെ​യും, കടം കൊടു​ത്തു തീർക്കേ​ണ്ടത്‌ നമ്മുടെ ക്രിസ്‌തീയ കടമ ആയതി​നാൽ അതിനു ത്യാഗങ്ങൾ സഹിക്കാ​നും നാം തയ്യാറാ​യി​രി​ക്കണം.

കടം കൊടു​ക്കുന്ന കാര്യ​ത്തിൽ ജാഗ്രത കാട്ടുക

തീർച്ച​യാ​യും, കടം വാങ്ങുന്ന വ്യക്തി മാത്രമല്ല കാര്യങ്ങൾ ശ്രദ്ധാ​പൂർവം വിലയി​രു​ത്തേ​ണ്ടത്‌. ഏതു സഹോ​ദ​ര​നോട്‌ കടം ചോദി​ക്കു​ന്നു​വോ ആ സഹോ​ദ​ര​നും അങ്ങനെ ചെയ്യേ​ണ്ട​തുണ്ട്‌. പണം കടം കൊടു​ക്കു​ന്ന​തി​നു മുമ്പ്‌ കാര്യങ്ങൾ അവധാ​ന​പൂർവ​വും വസ്‌തു​നി​ഷ്‌ഠ​മാ​യും പരിചി​ന്തി​ക്കാൻ സമയ​മെ​ടു​ക്കു​ന്നത്‌ ജ്ഞാനമാണ്‌. “നീ കയ്യടി​ക്കു​ന്ന​വ​രു​ടെ കൂട്ടത്തി​ലും കടത്തിന്നു ജാമ്യം നില്‌ക്കു​ന്ന​വ​രു​ടെ കൂട്ടത്തി​ലും ആയ്‌പോ​ക​രു​തു” എന്നു പറഞ്ഞു​കൊണ്ട്‌ ബൈബിൾ മുന്നറി​യി​പ്പു നൽകുന്നു.—സദൃശ​വാ​ക്യ​ങ്ങൾ 22:26.

കടം മേടി​ക്കുന്ന സഹോ​ദ​രന്‌ തിരിച്ചു തരാൻ കഴിയു​ന്നി​ല്ലെ​ങ്കിൽ എന്തു സംഭവി​ക്കു​മെന്ന്‌ അതു കൊടു​ക്കു​ന്ന​തി​നു മുമ്പു​തന്നെ പരിചി​ന്തി​ക്കുക. അതു നിങ്ങൾക്കു​തന്നെ ഗുരു​ത​ര​മായ സാമ്പത്തിക പ്രശ്‌നങ്ങൾ ഉണ്ടാക്കു​മോ? പ്രസ്‌തുത സഹോ​ദ​രന്റെ ഉദ്ദേശ്യ​ങ്ങൾ വളരെ നല്ലതാ​ണെ​ങ്കിൽ പോലും സാഹച​ര്യ​ങ്ങൾ മാറി​വ​ന്നേ​ക്കാം അല്ലെങ്കിൽ കണക്കു​കൂ​ട്ട​ലു​കൾ തെറ്റി​പ്പോ​കാം. “നാളെ​ത്തേതു നിങ്ങൾ അറിയു​ന്നി​ല്ല​ല്ലോ; നിങ്ങളു​ടെ ജീവൻ എങ്ങനെ​യു​ള്ളതു? അല്‌പ​നേ​ര​ത്തേക്കു കാണു​ന്ന​തും പിന്നെ മറഞ്ഞു​പോ​കു​ന്ന​തു​മായ ആവിയ​ല്ലോ” എന്ന്‌ യാക്കോബ്‌ 4:14 നമ്മെ​യെ​ല്ലാം ഓർമി​പ്പി​ക്കു​ന്നു.—സഭാ​പ്ര​സം​ഗി 9:11 (NW) താരത​മ്യം ചെയ്യുക.

വിശേ​ഷി​ച്ചും ബിസി​നസ്‌ വായ്‌പ്പ​യു​ടെ കാര്യ​ത്തി​ലാ​ണെ​ങ്കിൽ, കടം വാങ്ങുന്ന വ്യക്തി​യു​ടെ സത്‌പേ​രി​നെ​ക്കു​റി​ച്ചു പരിചി​ന്തി​ക്കു​ന്നത്‌ ജ്ഞാനമാണ്‌. ആശ്രയ​യോ​ഗ്യ​നും വിശ്വാ​സം അർപ്പി​ക്കാ​വു​ന്ന​വ​നും എന്ന നിലയി​ലാ​ണോ അയാൾ അറിയ​പ്പെ​ടു​ന്നത്‌, അതോ സാമ്പത്തിക കാര്യങ്ങൾ കൈകാ​ര്യം ചെയ്യാൻ സാമർഥ്യം ഇല്ലാത്ത​വ​നാ​യാ​ണോ? സഭയിൽ പലരോ​ടും പണം ചോദി​ച്ചു​കൊണ്ട്‌ കറങ്ങി​ന​ട​ക്കുന്ന തരക്കാ​ര​നാ​ണോ അയാൾ? പിൻവ​രുന്ന വാക്കുകൾ മനസ്സിൽ പിടി​ക്കു​ന്നത്‌ ജ്ഞാനമാണ്‌: “അനുഭ​വ​ജ്ഞാ​നം ഇല്ലാത്ത ഏതൊ​രു​വ​നും ഏതു വാക്കി​ലും വിശ്വാ​സം അർപ്പി​ക്കു​ന്നു, എന്നാൽ വിവേ​കി​യോ തന്റെ ചുവടു​കൾ പരിചി​ന്തി​ക്കു​ന്നു.”—സദൃശ​വാ​ക്യ​ങ്ങൾ 14:15, NW.

ചില​പ്പോൾ, കടം വാങ്ങുന്ന വ്യക്തി​യു​ടെ ഉത്തമ താത്‌പ​ര്യ​ങ്ങൾ നിവർത്തി​ക്കാൻ ഒരു വായ്‌പ്പ​കൊ​ണ്ടു സാധി​ച്ചെന്നു വരില്ല. അത്‌ പെട്ടെ​ന്നു​തന്നെ അദ്ദേഹ​ത്തിന്‌ ഒരു ഭാരം ആയിത്തീ​രാം, തന്മൂലം അദ്ദേഹ​ത്തി​നു സന്തോ​ഷ​വും നഷ്ടമാ​കാം. അത്തരം ഒരു സഹോ​ദരൻ നമ്മുടെ “ദാസൻ” ആയിത്തീ​രാൻ നാം ആഗ്രഹി​ക്കു​ന്നു​ണ്ടോ? കടം മേടി​ക്കുന്ന വ്യക്തിക്ക്‌ വായ്‌പ്പ തിരിച്ചു കൊടു​ക്കാൻ കഴിയാ​ത്ത​പക്ഷം അസ്വസ്ഥ​ത​യും നാണ​ക്കേ​ടും ഉളവാ​ക്കി​ക്കൊണ്ട്‌ അത്‌ ആ വ്യക്തി​യു​മാ​യുള്ള നമ്മുടെ ബന്ധത്തെ ബാധി​ക്കു​മോ?

ഒരു സഹോ​ദ​രന്‌ പണത്തിന്റെ യഥാർഥ ആവശ്യ​മു​ണ്ടെ​ങ്കിൽ അദ്ദേഹ​ത്തി​നു വായ്‌പ്പ കൊടു​ക്കു​ന്ന​തി​നു പകരം ഒരു തുക, ഒരുപക്ഷേ ചെറു​താ​ണെ​ങ്കിൽ പോലും, ദാനമാ​യി കൊടു​ക്കു​ന്ന​തി​നെ​ക്കു​റിച്ച്‌ ആലോ​ചി​ച്ചു​കൂ​ടേ? നമ്മുടെ ഒരു സഹോ​ദരൻ കഷ്ടത്തിൽ ആയിരി​ക്കു​മ്പോൾ അനുകമ്പ കാണി​ക്കാൻ തിരു​വെ​ഴു​ത്തു​കൾ നമ്മെ പ്രോ​ത്സാ​ഹി​പ്പി​ക്കു​ന്നു. “നീതി​മാ​നോ കൃപാ​ലു​വാ​യി ദാനം ചെയ്യുന്നു” എന്ന്‌ സങ്കീർത്ത​ന​ക്കാ​രൻ പാടി. (സങ്കീർത്തനം 37:21) ദരിദ്ര സഹോ​ദ​ര​ങ്ങൾക്ക്‌ പ്രാ​യോ​ഗിക സഹായം നൽകാൻ ആവുന്ന​തെ​ല്ലാം ചെയ്യാൻ സ്‌നേഹം നമ്മെ പ്രേരി​പ്പി​ക്കണം.—യാക്കോബ്‌ 2:15, 16.

നിങ്ങളു​ടെ ചുവടു​കൾ ശ്രദ്ധാ​പൂർവം പരിചി​ന്തി​ക്കു​ക

വായ്‌പ്പകൾ നിമിത്തം ബന്ധങ്ങളിൽ ഉരസലു​കൾ ഉണ്ടാകാൻ സാധ്യത ഉള്ളതി​നാൽ, എളുപ്പം സ്വീക​രി​ക്കാ​വുന്ന ഒരു പടി എന്നതി​നെ​ക്കാൾ അവസാന പോം​വ​ഴി​യാ​യി മാത്രമേ അതിനെ വീക്ഷി​ക്കാ​വൂ. മുമ്പ്‌ പറഞ്ഞതു​പോ​ലെ, കടം വാങ്ങുന്ന വ്യക്തി കടം തരുന്ന ആളോട്‌ കാര്യങ്ങൾ തുറന്നു പറയു​ക​യും എപ്പോൾ, എങ്ങനെ വായ്‌പ്പ കൊടു​ത്തു തീർക്കും എന്ന കാര്യം ഒരു രേഖയിൽ എഴുതി വെക്കു​ക​യും വേണം. ഒരു സഹോ​ദ​രന്‌ യഥാർഥ ബുദ്ധി​മുട്ട്‌ ഉണ്ടാകുന്ന സമയത്ത്‌ പണം ദാനമാ​യി നൽകു​ന്ന​താ​യി​രി​ക്കാം ഏറ്റവും ഉചിത​മായ സംഗതി.

സൈമൺ ചോദിച്ച പണം മൈക്കിൾ കടം കൊടു​ത്തില്ല. പകരം, അദ്ദേഹം ചെറി​യൊ​രു തുക ദാനമാ​യി നൽകി. തന്റെ കുട്ടി​യു​ടെ ചികി​ത്സാർഥം ലഭിച്ച ആ സഹായ​ത്തിന്‌ സൈമൺ നന്ദിയു​ള്ള​വ​നാ​യി​രു​ന്നു. പ്രാ​യോ​ഗി​ക​മായ ഒരു വിധത്തിൽ സഹോ​ദ​ര​സ്‌നേഹം പ്രകടി​പ്പി​ക്കാൻ കഴിഞ്ഞ​തിൽ മൈക്കി​ളും സന്തോ​ഷ​വാ​നാ​യി​രു​ന്നു. (സദൃശ​വാ​ക്യ​ങ്ങൾ 14:21; പ്രവൃ​ത്തി​കൾ 20:35) ദൈവ​രാ​ജ്യ ഭരണത്തിൻ കീഴിൽ, ക്രിസ്‌തു ‘[സഹായ​ത്തി​നാ​യി] നിലവി​ളി​ക്കുന്ന ദരി​ദ്രനെ വിടു​വി​ക്കു’കയും “എനിക്കു ദീനം” എന്ന്‌ ആരും പറയാ​തി​രി​ക്കു​ക​യും ചെയ്യുന്ന കാലത്തി​നാ​യി മൈക്കി​ളും സൈമ​ണും ആകാം​ക്ഷ​യോ​ടെ കാത്തി​രി​ക്കു​ന്നു. (സങ്കീർത്തനം 72:12; യെശയ്യാ​വു 33:24) അതിനു മുമ്പ്‌, ഒരു സഹോ​ദ​ര​നോട്‌ നമുക്ക്‌ വായ്‌പ്പ ചോദി​ക്കേണ്ട ഒരു അവസ്ഥ വരു​ന്നെ​ങ്കിൽ നമ്മുടെ ചുവടു​കൾ ശ്രദ്ധാ​പൂർവം നമുക്കു പരിചി​ന്തി​ക്കാം.

[അടിക്കു​റി​പ്പു​കൾ]

[25-ാം പേജിലെ ചിത്രം]

വായ്‌പ്പാ ഉടമ്പടി​കൾ എഴുതി വെക്കു​ന്നത്‌ അവിശ്വാ​സ​ത്തി​ന്റെ അല്ല, മറിച്ച്‌ സ്‌നേ​ഹ​ത്തി​ന്റെ ഒരു അടയാ​ള​മാണ്‌