ഒരു വധുവിന്‌ സമയം കണ്ടെത്താൻ കഴി​ഞ്ഞെ​ങ്കിൽ, 163 വിവാഹ സമ്മാന​ങ്ങൾക്ക്‌ ഒരു നന്ദിവാക്ക്‌ എഴുതാൻ അവൾക്ക്‌ എന്തു​കൊണ്ട്‌ സമയം കണ്ടെത്തി​ക്കൂ​ടാ?” “നന്ദി” എന്ന ലളിത​മായ വാക്കു പോലും പലരും മിക്ക​പ്പോ​ഴും പറയാ​റില്ല. കൃതജ്ഞ​ത​യ്‌ക്കു പകരം കൂടുതൽ കൂടുതൽ കണ്ടുവ​രു​ന്നത്‌ തൻകാര്യ മനോ​ഭാ​വ​മാണ്‌. ഈ അവസ്ഥ അന്ത്യനാ​ളു​കളെ തിരി​ച്ച​റി​യി​ക്കുന്ന അടയാ​ള​ങ്ങ​ളിൽ ഒന്നാണ്‌. പൗലൊസ്‌ അപ്പോ​സ്‌തലൻ ഇങ്ങനെ മുന്നറി​യി​പ്പു നൽകി: “അന്ത്യകാ​ലത്തു ദുർഘ​ട​സ​മ​യങ്ങൾ വരും എന്നറിക. മനുഷ്യർ സ്വസ്‌നേ​ഹി​ക​ളും . . . നന്ദി​കെ​ട്ട​വ​രും” ആയിരി​ക്കും.—2 തിമൊ​ഥെ​യൊസ്‌ 3:1, 2.

മറ്റു ചില കേസു​ക​ളിൽ, കൃതജ്ഞ​ത​യു​ടെ സ്ഥാനത്ത്‌ മുഖസ്‌തു​തി​യാ​ണു​ള്ളത്‌. വ്യക്തി​പ​ര​മായ നേട്ടത്തി​ന്റെ ചിന്തയി​ല്ലാ​തെ ഹൃദയ​ത്തിൽനി​ന്നു പുറ​പ്പെ​ടു​ന്ന​വ​യാണ്‌ കൃതജ്ഞതാ പ്രകട​നങ്ങൾ. എന്നാൽ സാധാ​ര​ണ​മാ​യി, സ്ഥാനക്ക​യ​റ്റ​ത്തി​നോ വ്യക്തി​പ​ര​മായ ചില നേട്ടങ്ങൾക്കോ ഉള്ള ഗൂഢല​ക്ഷ്യ​ങ്ങ​ളിൽനിന്ന്‌ ഉത്ഭവി​ച്ചേ​ക്കാ​വുന്ന കപടവും അതിശ​യോ​ക്തി​പ​ര​വു​മായ ഒന്നാണ്‌ മുഖസ്‌തു​തി. (യൂദാ 16) കേൾക്കു​ന്ന​യാ​ളി​നെ വശീക​രി​ക്കുന്ന അത്തരം ഭംഗി​വാക്ക്‌ അഹങ്കാ​ര​ത്തി​ന്റെ​യും ഔദ്ധത്യ​ത്തി​ന്റെ​യും ഫലമാ​യി​രി​ക്കാ​വു​ന്ന​തു​മാണ്‌. അപ്പോൾ, കപടമായ മുഖസ്‌തു​തി​യു​ടെ ഇരയാ​കാൻ ആരാണ്‌ ആഗ്രഹി​ക്കുക? എന്നാൽ യഥാർഥ കൃതജ്ഞത തികച്ചും നവോ​ന്മേ​ഷ​ദാ​യ​ക​മാണ്‌.

കൃതജ്ഞത പ്രകടി​പ്പി​ക്കുന്ന വ്യക്തി അതിൽനി​ന്നു പ്രയോ​ജനം അനുഭ​വി​ക്കു​ന്നു. ഹൃദയ​ത്തിൽ കൃതജ്ഞ​ത​യു​ണ്ടാ​യി​രി​ക്കു​ന്ന​തി​ന്റെ ഫലമായി അനുഭ​വ​പ്പെ​ടുന്ന ഊഷ്‌മളത അയാളു​ടെ സന്തുഷ്ടി​യും സമാധാ​ന​വും വർധി​പ്പി​ക്കു​ന്നു. (സദൃശ​വാ​ക്യ​ങ്ങൾ 15:13, 15 താരത​മ്യം ചെയ്യുക.) ഒരു ക്രിയാ​ത്മക ഗുണമായ കൃതജ്ഞത അയാളെ ദേഷ്യം, അസൂയ, നീരസം തുടങ്ങിയ നിഷേ​ധാ​ത്മക വികാ​ര​ങ്ങ​ളിൽനി​ന്നു സംരക്ഷി​ക്കു​ന്നു.

‘നന്ദിയു​ള്ള​വ​രാ​യി​രി​പ്പിൻ’

കൃതജ്ഞ​ത​യു​ടേ​തായ അഥവാ നന്ദിയു​ടേ​തായ ഒരു മനോ​ഭാ​വം നട്ടുവ​ളർത്താൻ ബൈബിൾ നമ്മെ ഉദ്‌ബോ​ധി​പ്പി​ക്കു​ന്നു. പൗലൊസ്‌ എഴുതി: “എല്ലാറ​റി​ന്നും സ്‌തോ​ത്രം ചെയ്‌വിൻ [“നന്ദി നൽകു​വിൻ,” NW]; ഇതല്ലോ നിങ്ങ​ളെ​ക്കു​റി​ച്ചു ക്രിസ്‌തു​യേ​ശു​വിൽ ദൈ​വേഷ്ടം.” (1 തെസ്സ​ലൊ​നീ​ക്യർ 5:18) പൗലൊസ്‌ കൊ​ലൊ​സ്സ്യ​രെ ഇങ്ങനെ ബുദ്ധ്യു​പ​ദേ​ശി​ച്ചു: “ക്രിസ്‌തു​വി​ന്റെ സമാധാ​നം നിങ്ങളു​ടെ ഹൃദയ​ങ്ങ​ളിൽ വാഴട്ടെ; . . . നന്ദിയു​ള്ള​വ​രാ​യും ഇരിപ്പിൻ.” (കൊ​ലൊ​സ്സ്യർ 3:15) അസംഖ്യം സങ്കീർത്ത​ന​ങ്ങ​ളിൽ നന്ദി​പ്ര​ക​ട​നങ്ങൾ അടങ്ങി​യി​രി​ക്കു​ന്നു. ഹൃദയം​ഗ​മ​മായ കൃതജ്ഞത ഒരു ദൈവിക സദ്‌ഗു​ണ​മാ​ണെന്ന്‌ അതു സൂചി​പ്പി​ക്കു​ന്നു. (സങ്കീർത്തനം 27:4; 75:1, NW) ജീവി​ത​ത്തി​ലെ അനുദിന കാര്യാ​ദി​ക​ളിൽ നാം നന്ദി പ്രകടി​പ്പി​ക്കു​മ്പോൾ തീർച്ച​യാ​യും യഹോവ പ്രസാ​ദി​ക്കു​ന്നു.

ഈ നന്ദികെട്ട ലോക​ത്തി​ലെ ഏതു ഘടകങ്ങൾ കൃതജ്ഞതാ മനോ​ഭാ​വം നട്ടുവ​ളർത്തു​ന്നത്‌ ആയാസ​ക​ര​മാ​ക്കു​ന്നു? അനുദിന ജീവി​ത​ത്തിൽ നമു​ക്കെ​ങ്ങനെ കൃതജ്ഞതാ മനോ​ഭാ​വം പ്രകട​മാ​ക്കാം? അടുത്ത ലേഖന​ത്തിൽ ഈ ചോദ്യ​ങ്ങൾ പരിചി​ന്തി​ക്ക​പ്പെ​ടും.

കൃതജ്ഞതാ മനോ​ഭാ​വം നട്ടുവ​ളർത്തു​ക

ഒരു അടിയ​ന്തിര ഘട്ടത്തിൽ ന്യൂ​യോർക്ക്‌ സംസ്ഥാ​ന​ത്തുള്ള ഒരു ഡോക്ടർ മേരി​യു​ടെ ജീവൻ രക്ഷിക്കു​ന്നു. 50 കാരി​യായ മേരി ഡോക്ടർക്കു നന്ദി പറയു​ക​യോ ബില്ല്‌ അടയ്‌ക്കു​ക​യോ ചെയ്യു​ന്നില്ല. കൃതഘ്‌ന​ത​യു​ടെ എത്ര കടുത്ത ദൃഷ്ടാന്തം!

യേശു ഒരു ഗ്രാമ​ത്തിൽ പ്രവേ​ശി​ച്ച​പ്പോൾ, ഭയങ്കര​മായ കുഷ്‌ഠ​രോ​ഗം പിടി​പെട്ട പത്തു പുരു​ഷ​ന്മാ​രെ കണ്ടുമു​ട്ടി​യ​താ​യി ബൈബിൾ പറയുന്നു. അവർ ഉച്ചത്തിൽ നിലവി​ളി​ച്ചു പറഞ്ഞു: “യേശൂ, നായകാ, ഞങ്ങളോ​ടു കരുണ​യു​ണ്ടാ​കേ​ണമേ.” യേശു ഇപ്രകാ​രം കൽപ്പിച്ചു: “നിങ്ങൾ പോയി പുരോ​ഹി​ത​ന്മാർക്കു നിങ്ങളെ തന്നേ കാണി​പ്പിൻ.” കുഷ്‌ഠ​രോ​ഗി​കൾ അവന്റെ മാർഗ​നിർദേശം അനുസ​രി​ച്ചു. വഴിയിൽവെ​ച്ചു​തന്നെ തങ്ങളുടെ ആരോ​ഗ്യം പുനഃ​സ്ഥി​തീ​ക​രി​ക്ക​പ്പെ​ടു​ന്നത്‌ അവർ കാണാ​നും അനുഭ​വി​ക്കാ​നും തുടങ്ങി.

സുഖം പ്രാപിച്ച കുഷ്‌ഠ​രോ​ഗി​ക​ളിൽ ഒമ്പതു പേർ തങ്ങളുടെ യാത്ര തുടർന്നു. എന്നാൽ ശമര്യ​ക്കാ​ര​നായ മറ്റേയാൾ യേശു​വി​നെ തേടി തിരി​ച്ചു​വന്നു. ഈ മുൻ കുഷ്‌ഠ​രോ​ഗി ദൈവത്തെ സ്‌തു​തി​ച്ചു. യേശു​വി​നെ കണ്ടുമു​ട്ടി​യ​പ്പോൾ അയാൾ അവന്റെ കാൽക്കൽവീ​ണു നന്ദിപ​റഞ്ഞു. മറുപ​ടി​യാ​യി യേശു പറഞ്ഞു: “പത്തുപേർ ശുദ്ധരാ​യി​തീർന്നി​ല്ല​യോ? ഒമ്പതു​പേർ എവിടെ? ഈ അന്യജാ​തി​ക്കാ​ര​ന​ല്ലാ​തെ ദൈവ​ത്തി​ന്നു മഹത്വം കൊടു​പ്പാൻ മടങ്ങി​വ​ന്ന​വ​രാ​യി ആരെയും കാണു​ന്നി​ല്ല​ല്ലോ.”—ലൂക്കൊസ്‌ 17:11-19.

“ഒമ്പതു​പേർ എവിടെ?” എന്ന ചോദ്യ​ത്തിൽ ഒരു പ്രധാ​ന​പ്പെട്ട പാഠം അടങ്ങി​യി​രി​ക്കു​ന്നു. മേരി​യെ​പ്പോ​ലെ​തന്നെ, ആ ഒമ്പത്‌ കുഷ്‌ഠ​രോ​ഗി​ക​ളും ഗുരു​ത​ര​മാ​യൊ​രു കുറ്റം ചെയ്‌തു—അവർ കൃതജ്ഞത കാട്ടി​യില്ല. ഇന്ന്‌ അത്തരം കൃതഘ്‌നത വളരെ വ്യാപ​ക​മാണ്‌. അതിന്റെ കാരണ​മെ​ന്താണ്‌?

കൃതഘ്‌ന​ത​യു​ടെ അടിസ്ഥാന കാരണം

കൃതഘ്‌നത ഉത്ഭവി​ക്കു​ന്നത്‌ അടിസ്ഥാ​ന​പ​ര​മാ​യി സ്വാർഥ​ത​യിൽനി​ന്നാണ്‌. ആദ്യ മാനുഷ മാതാ​പി​താ​ക്ക​ളായ ആദാമി​ന്റെ​യും ഹവ്വായു​ടെ​യും കാര്യ​മെ​ടു​ക്കുക. യഹോവ അവരെ ദിവ്യ​ഗു​ണ​ങ്ങ​ളോ​ടെ സൃഷ്ടി​ക്കു​ക​യും ചാരു​ത​യാർന്ന ഉദ്യാന ഭവനം, പൂർണ​ത​യുള്ള ചുറ്റു​പാ​ടു​കൾ, അർഥവ​ത്തും സംതൃ​പ്‌തി​ദാ​യ​ക​വു​മായ വേല എന്നിവ ഉൾപ്പെടെ അവരുടെ സന്തുഷ്ടിക്ക്‌ ആവശ്യ​മാ​യി​രു​ന്ന​തെ​ല്ലാം നൽകു​ക​യും ചെയ്‌തു. (ഉല്‌പത്തി 1:26-29; 2:16, 17) എന്നിട്ടും, അവരുടെ സ്വാർഥ​താ​ത്‌പ​ര്യ​ങ്ങൾക്ക്‌ അനുകൂ​ല​മായ സാത്താന്റെ പ്രലോ​ഭന സമ്മർദ​ത്തി​നു വഴി​പ്പെട്ട്‌ ആ ദമ്പതി​മാർ അനുസ​ര​ണ​ക്കേടു കാണി​ക്കു​ക​യും യഹോ​വ​യു​ടെ ഔദാ​ര്യ​ത്തോ​ടു പുച്ഛ​ത്തോ​ടെ പ്രതി​ക​രി​ക്കു​ക​യും ചെയ്‌തു.—ഉല്‌പത്തി 3:1-5; വെളി​പ്പാ​ടു 12:9.

തന്റെ പ്രത്യേക സ്വത്താ​യി​രി​ക്കാൻ ദൈവം തിര​ഞ്ഞെ​ടുത്ത പുരാതന ഇസ്രാ​യേൽ ജനത്തിന്റെ കാര്യ​വും പരിചി​ന്തി​ക്കുക. പൊ.യു.മു. 1513-ലെ നീസാൻ 14-നു രാത്രി​യിൽ എല്ലാ ഇസ്രാ​യേല്യ മാതാ​പി​താ​ക്ക​ളും എത്ര കൃതജ്ഞ​ത​യു​ള്ളവർ ആയിരു​ന്നി​രി​ക്കണം! ആ സുപ്ര​ധാന രാത്രി​യിൽ ദൈവ​ദൂ​തൻ ‘മിസ്ര​യീം​ദേ​ശത്തെ കടിഞ്ഞൂ​ലി​നെ ഒക്കെയും സംഹരി’ച്ചെങ്കി​ലും ഉചിത​മാ​യി അടയാ​ള​മി​ട്ടി​രുന്ന ഇസ്രാ​യേല്യ ഭവനങ്ങളെ ഒഴിവാ​ക്കി കടന്നു​പോ​യി. (പുറപ്പാ​ടു 12:12, 21-24, 30) ചെങ്കട​ലി​ങ്കൽവെച്ച്‌ ഫറവോ​ന്റെ സൈന്യ​ത്തിൽനി​ന്നു വിടു​വി​ക്ക​പ്പെ​ട്ട​തി​നെ തുടർന്ന്‌ ഹൃദയം നിറഞ്ഞ കൃതജ്ഞ​ത​യോ​ടെ “മോ​ശെ​യും യിസ്രാ​യേൽമ​ക്ക​ളും അന്നു യഹോ​വെക്കു സങ്കീർത്തനം പാടി.”—പുറപ്പാ​ടു 14:19-28; 15:1-21.

എന്നിരു​ന്നാ​ലും, ഈജി​പ്‌തിൽനി​ന്നു പോന്ന്‌ ഏതാനും ആഴ്‌ചകൾ കഴിഞ്ഞ​പ്പോ​ഴേ “യിസ്രാ​യേൽമ​ക്ക​ളു​ടെ സംഘം ഒക്കെയും . . . പിറു​പി​റു”ക്കാൻ തുടങ്ങി. എത്ര പെട്ടെന്ന്‌ അവർ കൃതഘ്‌ന​രാ​യി​ത്തീർന്നു! തങ്ങൾ അടിമ​ക​ളാ​യി​രുന്ന ഈജി​പ്‌തിൽവെച്ച്‌ അവർ “ഇറച്ചി​ക്ക​ല​ങ്ങ​ളു​ടെ അടുക്ക​ലി​രി​ക്ക​യും തൃപ്‌തി​യാ​കും​വണ്ണം ഭക്ഷണം കഴിക്ക​യും” ചെയ്‌തി​രുന്ന നാളുകൾ അവർ കൊതി​യോ​ടെ ഓർത്തു. (പുറപ്പാ​ടു 16:1-3) വ്യക്തമാ​യും, കൃതജ്ഞത നട്ടുവ​ളർത്തു​ക​യും പ്രകട​മാ​ക്കു​ക​യും ചെയ്യു​ന്ന​തി​നെ​തി​രാ​യി വർത്തി​ക്കു​ന്നു സ്വാർഥത.

പാപി​യാ​യ ആദാമി​ന്റെ സന്തതികൾ എന്നനി​ല​യിൽ എല്ലാ മനുഷ്യ​രും ജനിക്കു​ന്നത്‌ സ്വാർഥ​ത​യു​ടെ​യും കൃതഘ്‌ന​ത​യു​ടെ​യും പ്രവണ​ത​ക​ളോ​ടെ​യാണ്‌. (റോമർ 5:12) നന്ദി​കേ​ടും, ഈ ലോക​ത്തി​ലെ ആളുകളെ ഭരിക്കുന്ന സ്വാർഥ മനോ​ഭാ​വ​ത്തി​ന്റെ ഭാഗമാണ്‌. നാം ശ്വസി​ക്കുന്ന വായു​വി​നെ​പ്പോ​ലെ, ആ മനോ​ഭാ​വ​വും എല്ലായി​ട​ത്തു​മുണ്ട്‌, അത്‌ നമ്മെ ബാധി​ക്കു​ന്നു. (എഫെസ്യർ 2:1, 2) അതു​കൊണ്ട്‌ നാം കൃതജ്ഞതാ മനോ​ഭാ​വം നട്ടുവ​ളർത്തേ​ണ്ട​താണ്‌. നമുക്കത്‌ എങ്ങനെ ചെയ്യാൻ കഴിയും?

ധ്യാനം അനിവാ​ര്യം!

വെബ്‌സ്റ്റേ​ഴ്‌സ്‌ തേർഡ്‌ ന്യൂ ഇൻറർനാ​ഷ്‌ണൽ ഡിക്‌ഷ​ണറി കൃതജ്ഞ​തയെ, “നന്ദിയുള്ള അവസ്ഥ: ഉപകാ​രി​യോട്‌ തോന്നു​ന്ന​തും പ്രത്യു​പ​കാ​രം ചെയ്യാൻ ഒരുവനെ പ്രേരി​പ്പി​ക്കു​ന്ന​തു​മായ ഊഷ്‌മ​ള​വും സൗഹാർദ​പ​ര​വു​മായ വികാരം” എന്നു നിർവ​ചി​ക്കു​ന്നു. ഒരു വികാ​രത്തെ യാന്ത്രി​ക​മാ​യി ഉളവാ​ക്കാ​നോ ഇല്ലാതാ​ക്കാ​നോ സാധ്യമല്ല; അത്‌ ഒരു വ്യക്തി​യു​ടെ ഉള്ളിൽനി​ന്നു സ്വതവേ ഉയർന്നു​വ​രണം. നല്ല പെരു​മാ​റ്റ​രീ​തി​കൾ പ്രകടി​പ്പി​ക്കു​ന്ന​തി​നെ​ക്കാൾ അധികം കൃതജ്ഞ​ത​യിൽ ഉൾപ്പെ​ട്ടി​രി​ക്കു​ന്നു; അത്‌ ഹൃദയ​ത്തിൽനി​ന്നു വരുന്നു.

ഹൃദയ​ത്തിൽ കൃതജ്ഞത തോന്നാൻ നമു​ക്കെ​ങ്ങനെ പഠിക്കാൻ കഴിയും? നമ്മുടെ ഭൂരി​ഭാ​ഗം മനോ​ഭാ​വ​ങ്ങ​ളെ​യും നാം ചിന്തി​ക്കുന്ന കാര്യ​ങ്ങ​ളു​മാ​യി ബൈബിൾ ബന്ധപ്പെ​ടു​ത്തു​ന്നു. (എഫെസ്യർ 4:22-24) കൃതജ്ഞത തോന്നാൻ പഠിച്ചു​തു​ട​ങ്ങു​ന്നത്‌, നാം അനുഭ​വി​ക്കുന്ന ദയ സംബന്ധി​ച്ചു വിലമ​തി​പ്പോ​ടെ ധ്യാനി​ക്കു​മ്പോ​ഴാണ്‌. ഇതി​നോ​ടുള്ള ചേർച്ച​യിൽ, മാനസി​കാ​രോ​ഗ്യ രംഗത്തു പ്രവർത്തി​ക്കുന്ന വെയ്‌ൻ ഡബ്ലിയു. ഡയർ പറയുന്നു: “ചിന്തി​ക്കാ​തെ ഒരു തോന്നൽ (വികാരം) ഉണ്ടാകു​ന്നില്ല.”

ദൃഷ്ടാ​ന്ത​ത്തിന്‌, നമുക്കു ചുറ്റു​മുള്ള സൃഷ്ടി​യെ​പ്ര​തി​യുള്ള നന്ദിയു​ടെ കാര്യ​മെ​ടു​ക്കുക. ഒരു തെളിഞ്ഞ രാത്രി​യി​ലെ നക്ഷത്ര​നി​ബിഡ വിഹാ​യ​സ്സി​ലേക്കു നോക്കു​മ്പോൾ അനുഭ​വ​വേ​ദ്യ​മാ​കു​ന്ന​തി​നെ​ക്കു​റിച്ച്‌ നിങ്ങൾക്ക്‌ എന്താണു തോന്നു​ന്നത്‌? ദാവീദ്‌ രാജാവ്‌ തനിക്ക​നു​ഭ​വ​പ്പെട്ട ഭയാദ​രവ്‌ ഇപ്രകാ​രം പ്രകടി​പ്പി​ച്ചു: “നിന്റെ വിരലു​ക​ളു​ടെ പണിയായ ആകാശ​ത്തെ​യും നീ ഉണ്ടാക്കിയ ചന്ദ്ര​നെ​യും നക്ഷത്ര​ങ്ങ​ളെ​യും നോക്കു​മ്പോൾ, മർത്യനെ നീ ഓർക്കേ​ണ്ട​തി​ന്നു അവൻ എന്തു? മനുഷ്യ​പു​ത്രനെ സന്ദർശി​ക്കേ​ണ്ട​തി​ന്നു അവൻ എന്തുമാ​ത്രം?” രാത്രി​യു​ടെ നിശബ്ദ​ത​യിൽ നക്ഷത്രങ്ങൾ ദാവീ​ദി​നോ​ടു സംഭാ​ഷി​ച്ച​പ്പോൾ ഇപ്രകാ​രം എഴുതാൻ അവൻ പ്രേരി​ത​നാ​യി: “ആകാശം ദൈവ​ത്തി​ന്റെ മഹത്വത്തെ വർണ്ണി​ക്കു​ന്നു; ആകാശ​വി​താ​നം അവന്റെ കൈ​വേ​ലയെ പ്രസി​ദ്ധ​മാ​ക്കു​ന്നു.” നക്ഷത്ര​നി​ബി​ഡ​മായ ആകാശം ദാവീ​ദി​നെ അത്ര ആഴമായി സ്‌പർശി​ച്ച​തെ​ന്തു​കൊണ്ട്‌? അവൻതന്നെ ഉത്തരം നൽകുന്നു: “നിന്റെ സകല​പ്ര​വൃ​ത്തി​ക​ളെ​യും ഞാൻ ധ്യാനി​ക്കു​ന്നു; നിന്റെ കൈക​ളു​ടെ പ്രവൃ​ത്തി​യെ ഞാൻ ചിന്തി​ക്കു​ന്നു.”—സങ്കീർത്തനം 8:3, 4; 19:1; 143:5.

സൃഷ്ടി​യി​ലെ അത്ഭുത​ങ്ങ​ളെ​ക്കു​റി​ച്ചു ചിന്തി​ക്കു​ന്ന​തി​ന്റെ മൂല്യം ദാവീ​ദി​ന്റെ പുത്ര​നായ ശലോ​മോ​നും മനസ്സി​ലാ​ക്കി. ദൃഷ്ടാ​ന്ത​ത്തിന്‌, നമ്മുടെ ഭൂമിക്ക്‌ ഉണർവേ​കു​ന്ന​തിൽ കാർമേ​ഘങ്ങൾ വഹിക്കുന്ന പങ്കി​നെ​ക്കു​റിച്ച്‌ അവൻ എഴുതി: “സകലന​ദി​ക​ളും സമു​ദ്ര​ത്തി​ലേക്കു ഒഴുകി​വീ​ഴു​ന്നു; എന്നിട്ടും സമുദ്രം നിറയു​ന്നില്ല; നദികൾ ഒഴുകി​വീ​ഴുന്ന ഇടത്തേക്കു പിന്നെ​യും പിന്നെ​യും ചെല്ലുന്നു.” (സഭാ​പ്ര​സം​ഗി 1:7) മഴയും നദിക​ളും ഭൂമിയെ ജീവത്താ​ക്കി​യ​ശേ​ഷ​മാണ്‌ ജലം സമു​ദ്ര​ത്തിൽനി​ന്നു മേഘങ്ങ​ളി​ലേക്ക്‌ തിരിച്ച്‌ പുനഃ​ചം​ക്ര​മണം നടത്ത​പ്പെ​ടു​ന്നത്‌. ജലത്തിന്റെ ഈ ശുദ്ധീ​ക​ര​ണ​വും പരിവൃ​ത്തി​യും ഇല്ലെങ്കിൽ ഭൂമി​യു​ടെ സ്ഥിതി​യെ​ന്താ​യി​രി​ക്കും? ഈ കാര്യ​ങ്ങ​ളെ​ക്കു​റി​ച്ചു ധ്യാനി​ച്ച​പ്പോൾ ശലോ​മോന്‌ എത്രമാ​ത്രം കൃതജ്ഞത അനുഭ​വ​പ്പെ​ട്ടി​ട്ടു​ണ്ടാ​യി​രി​ക്കണം!

തന്റെ കുടും​ബാം​ഗ​ങ്ങ​ളോ​ടും സുഹൃ​ത്തു​ക്ക​ളോ​ടും പരിച​യ​ക്കാ​രോ​ടു​മുള്ള ബന്ധത്തെ​യും കൃതജ്ഞ​ത​യുള്ള ഒരു വ്യക്തി വിലമ​തി​ക്കു​ന്നു. അവരുടെ ദയാ​പ്ര​വൃ​ത്തി​കൾ അയാളു​ടെ ശ്രദ്ധയാ​കർഷി​ക്കു​ന്നു. അവർ ചെയ്‌ത ദയാപൂർവ​ക​മായ സഹായ​ങ്ങ​ളെ​ക്കു​റി​ച്ചു വിലമ​തി​പ്പോ​ടെ ചിന്തി​ക്കു​മ്പോൾ അയാൾക്കു ഹൃദയ​ത്തിൽ നന്ദി തോന്നു​ന്നു.

കൃതജ്ഞത പ്രകട​മാ​ക്കൽ

“നന്ദി” എന്നത്‌ എത്ര ലളിത​മായ ഒരു പദമാണ്‌! അത്‌ പറയാ​നും വളരെ എളുപ്പ​മാണ്‌. അപ്രകാ​രം ചെയ്യാ​നുള്ള സാഹച​ര്യ​ങ്ങ​ളോ അസംഖ്യ​വും. നമുക്കു​വേണ്ടി ഒരു വാതിൽ തുറന്നു​പി​ടി​ക്കു​ക​യോ നമ്മുടെ കയ്യിൽനി​ന്നു താഴെ​വീണ എന്തെങ്കി​ലും എടുത്തു​ത​രി​ക​യോ ചെയ്യുന്ന ഒരാ​ളോട്‌ പറയുന്ന ഊഷ്‌മ​ള​വും ആത്മാർഥ​വു​മായ ഒരു ‘നന്ദി’ എത്ര നവോ​ന്മേ​ഷ​പ്ര​ദ​മാണ്‌! ആ പദപ്ര​യോ​ഗം കേൾക്കു​ന്നത്‌ ഒരു കടയിൽ സാധനങ്ങൾ എടുത്തു​കൊ​ടു​ക്കു​ന്ന​യാ​ളു​ടെ​യോ റെസ്റ്ററൻറി​ലെ ഒരു വെയ്‌റ്റ്‌റ​സി​ന്റെ​യോ ഒരു പോസ്റ്റ്‌മാ​ന്റെ​യോ ജോലി കൂടുതൽ സുഖക​ര​വും സംതൃ​പ്‌തി​ക​ര​വു​മാ​ക്കി​യേ​ക്കാം.

ദയാ​പ്ര​വർത്ത​ന​ങ്ങൾക്കു കൃതജ്ഞത പ്രകടി​പ്പി​ക്കാ​നുള്ള സൗകര്യ​പ്ര​ദ​മായ ഒരു മാർഗ​മാണ്‌ നന്ദിക്കാർഡു​കൾ അയയ്‌ക്കു​ന്നത്‌. കടകളിൽ ലഭിക്കുന്ന ഒട്ടനവധി കാർഡു​കൾ വികാ​ര​ങ്ങളെ മനോ​ഹ​ര​മാ​യി പ്രകടി​പ്പി​ക്കു​ന്നു. എന്നാൽ നിങ്ങളു​ടെ സ്വന്തം കൈപ്പ​ട​യിൽ വിലമ​തി​പ്പിൻ വാക്കുകൾ കൂട്ടി​ച്ചേർക്കു​ന്നത്‌ സ്‌നേ​ഹ​ത്തി​ന്റെ ഒരു വ്യക്തിഗത പ്രകട​ന​മാ​യി​രി​ക്കി​ല്ലേ? അച്ചടിച്ച കാർഡു​കൾക്കു പകരം വ്യക്തി​പ​ര​മായ കുറി​പ്പു​കൾ എഴുതി അയയ്‌ക്കാ​നാണ്‌ ചിലർ കൂടുതൽ ഇഷ്ടപ്പെ​ടു​ന്നത്‌.—സദൃശ​വാ​ക്യ​ങ്ങൾ 25:11 താരത​മ്യം ചെയ്യുക.

സാധ്യ​ത​യ​നു​സ​രിച്ച്‌, ഏറ്റവു​മ​ധി​കം കൃതജ്ഞത അർഹി​ക്കു​ന്നത്‌ നമ്മുടെ ഏറ്റവും അടുത്ത കുടും​ബാം​ഗ​ങ്ങ​ളാണ്‌. സാമർഥ്യ​മുള്ള ഭാര്യ​യെ​ക്കു​റിച്ച്‌ ബൈബിൾ പറയുന്നു: ‘അവളുടെ ഭർത്താവ്‌ അവളെ പ്രശം​സി​ക്കു​ന്നു.’ (സദൃശ​വാ​ക്യ​ങ്ങൾ 31:28) ഭാര്യ​യോ​ടുള്ള ഭർത്താ​വി​ന്റെ ഹൃദയം​ഗ​മ​മായ നന്ദി​പ്ര​ക​ട​നങ്ങൾ സമാധാ​ന​വും സംതൃ​പ്‌തി​യു​മുള്ള ഒരു ഭവനാ​ന്ത​രീ​ക്ഷ​ത്തി​നു വഴി​യൊ​രു​ക്കി​ല്ലേ? ഭാര്യ​യിൽനിന്ന്‌ ഊഷ്‌മ​ള​വും വിലമ​തി​പ്പു നിറഞ്ഞ​തു​മായ സ്വാഗതം ലഭിക്കു​ന്നെ​ങ്കിൽ വീട്ടി​ലേക്കു വരാൻ ഭർത്താവു സന്തോ​ഷ​മു​ള്ള​വ​നാ​യി​രി​ക്കി​ല്ലേ? ഇക്കാലത്ത്‌ വിവാ​ഹ​ജീ​വ​ത​ത്തി​ന്മേ​ലുള്ള സമ്മർദങ്ങൾ അനേക​മാണ്‌. സമ്മർദങ്ങൾ വർധി​ക്കു​മ്പോൾ രോഷം എളുപ്പം കത്തിക്കാ​ളു​ന്നു. കൃതജ്ഞ​താ​മ​നോ​ഭാ​വ​മുള്ള ഒരുവൻ വിട്ടു​വീഴ്‌ച കാണി​ക്കു​ക​യും എളുപ്പം പൊറു​ക്കു​ക​യും ക്ഷമിക്കു​ക​യും ചെയ്യുന്നു.

ചെറു​പ്പ​ക്കാർ മാതാ​പി​താ​ക്ക​ളോ​ടു ഹൃദയം​ഗ​മ​മായ വിലമ​തി​പ്പു പ്രകടി​പ്പി​ക്കാൻ ശ്രദ്ധാ​ലു​ക്ക​ളാ​യി​രി​ക്കേ​ണ്ട​തുണ്ട്‌. മാതാ​പി​താ​ക്കൾ തീർച്ച​യാ​യും പൂർണ​ത​യു​ള്ള​വരല്ല. എന്നാൽ അവർ നിങ്ങൾക്കു​വേണ്ടി ചെയ്‌തി​രി​ക്കു​ന്ന​തി​നോട്‌ കൃതഘ്‌നത കാട്ടാൻ അത്‌ യാതൊ​രു കാരണ​വും നൽകു​ന്നില്ല. നിങ്ങളു​ടെ ജനനം മുതൽ അവർ നിങ്ങൾക്കു നൽകി​യി​രി​ക്കുന്ന സ്‌നേ​ഹ​വും ശ്രദ്ധയും വില​കൊ​ടു​ത്തു വാങ്ങാ​വു​ന്നതല്ല. അവർ നിങ്ങളെ ദൈവ​പ​രി​ജ്ഞാ​നം പഠിപ്പി​ച്ചി​ട്ടു​ണ്ടെ​ങ്കിൽ കൃതജ്ഞ​ത​യു​ള്ള​വ​രാ​യി​രി​ക്കാൻ നിങ്ങൾക്ക്‌ കൂടു​ത​ലായ കാരണ​മുണ്ട്‌.

“മക്കൾ, യഹോവ നല്‌കുന്ന അവകാശ”മാണെന്ന്‌ സങ്കീർത്തനം 127:3 പ്രഖ്യാ​പി​ക്കു​ന്നു. അതു​കൊണ്ട്‌ നിസ്സാര കാര്യ​ങ്ങൾക്ക്‌ സദാ ശകാരി​ക്കു​ന്ന​വ​രാ​യി​രി​ക്കാ​തെ മാതാ​പി​താ​ക്കൾ തങ്ങളുടെ കുട്ടി​കളെ അഭിന​ന്ദി​ക്കാൻ അവസരങ്ങൾ തേടണം. (എഫെസ്യർ 6:4) കൃതജ്ഞതാ മനോ​ഭാ​വം നട്ടുവ​ളർത്താൻ തങ്ങളുടെ മേൽനോ​ട്ട​ത്തിൻ കീഴി​ലുള്ള കുട്ടി​കളെ സഹായി​ക്കാ​നുള്ള എന്തൊരു പദവി​യാണ്‌ അവർക്കു​ള്ളത്‌.—സദൃശ​വാ​ക്യ​ങ്ങൾ 29:21 താരത​മ്യം ചെയ്യുക.

ദൈവ​ത്തോ​ടു നന്ദിയു​ള്ള​വ​രാ​യി​രി​ക്കൽ

‘എല്ലാ നല്ല ദാനത്തി​ന്റെ​യും തികഞ്ഞ വര’ത്തിന്റെ​യും ദാതാ​വാണ്‌ യഹോ​വ​യാം ദൈവം. (യാക്കോബ്‌ 1:17) ജീവനാ​കുന്ന ദാനമാണ്‌ അവയിൽ ഏറ്റവും പ്രധാനം. കാരണം ജീവൻ നഷ്ടമാ​യാൽ നമുക്കു​ള്ള​തോ നാം ആസൂ​ത്രണം ചെയ്‌തേ​ക്കാ​വു​ന്ന​തോ ആയ കാര്യ​ങ്ങ​ളെ​ല്ലാം വ്യർഥ​മാ​യി​ത്തീ​രും. “[യഹോ​വ​യാം ദൈവ​ത്തി​ന്റെ] പക്കൽ ജീവന്റെ ഉറവു”ണ്ടെന്ന്‌ ഓർമി​ക്കാൻ ബൈബിൾ നമ്മെ ഉദ്‌ബോ​ധി​പ്പി​ക്കു​ന്നു. (സങ്കീർത്തനം 36:5, 7, 9; പ്രവൃ​ത്തി​കൾ 17:28) ദൈവ​ത്തോ​ടു കൃതജ്ഞ​ത​യുള്ള ഒരു ഹൃദയം നട്ടുവ​ളർത്തു​ന്ന​തിന്‌, നമ്മുടെ ശാരീ​രി​ക​വും ആത്മീയ​വു​മായ ജീവൻ നിലനിർത്തുന്ന അവന്റെ ഉദാര​മായ കരുത​ലു​ക​ളെ​ക്കു​റിച്ച്‌ നാം ധ്യാനി​ക്കേ​ണ്ട​തുണ്ട്‌. (സങ്കീർത്തനം 1:1-3; 77:11, 12) അത്തര​മൊ​രു ഹൃദയം വാക്കി​ലും പ്രവൃ​ത്തി​യി​ലും വിലമ​തി​പ്പു കാട്ടാൻ നമ്മെ പ്രേരി​പ്പി​ക്കും.

ദൈവ​ത്തോ​ടു​ള്ള നമ്മുടെ കൃതജ്ഞത പ്രകടി​പ്പി​ക്കാൻ പറ്റിയ വ്യക്തമാ​യൊ​രു മാർഗ​മാണ്‌ പ്രാർഥന. സങ്കീർത്ത​ന​ക്കാ​ര​നായ ദാവീദ്‌ ഇങ്ങനെ പ്രഖ്യാ​പി​ച്ചു: “എന്റെ ദൈവ​മായ യഹോവേ, നീ ചെയ്‌ത അത്ഭുത​പ്ര​വൃ​ത്തി​ക​ളും ഞങ്ങൾക്കു വേണ്ടി​യുള്ള നിന്റെ വിചാ​ര​ങ്ങ​ളും വളരെ​യാ​കു​ന്നു; നിന്നോ​ടു സദൃശൻ ആരുമില്ല; ഞാൻ അവയെ വിവരി​ച്ചു പ്രസ്‌താ​വി​ക്കു​മാ​യി​രു​ന്നു; എന്നാൽ അവ എണ്ണിക്കൂ​ടാ​ത​വണ്ണം അധിക​മാ​കു​ന്നു.” (സങ്കീർത്തനം 40:5) നാമും സമാന​മാ​യി പ്രചോ​ദി​പ്പി​ക്ക​പ്പെ​ടു​മാ​റാ​കട്ടെ.

മറ്റുള്ള​വ​രോ​ടു​ള്ള സംസാ​ര​ത്തി​ലൂ​ടെ​യും ദൈവ​ത്തോട്‌ തന്റെ വിലമ​തിപ്പ്‌ പ്രകടി​പ്പി​ക്കാൻ ദാവീദ്‌ നിശ്ചയ​മു​ള്ള​വ​നാ​യി​രു​ന്നു. അവൻ പറഞ്ഞു: “ഞാൻ പൂർണ്ണ​ഹൃ​ദ​യ​ത്തോ​ടെ യഹോ​വയെ സ്‌തു​തി​ക്കും; നിന്റെ അത്ഭുത​ങ്ങളെ ഒക്കെയും ഞാൻ വർണ്ണി​ക്കും.” (സങ്കീർത്തനം 9:1) ദൈവ​വ​ച​ന​ത്തിൽനി​ന്നുള്ള സത്യം മറ്റുള്ള​വ​രു​മാ​യി പങ്കു​വെ​ച്ചു​കൊണ്ട്‌ ദൈവ​ത്തെ​ക്കു​റിച്ച്‌ അവരോ​ടു സംസാ​രി​ക്കു​ന്ന​താണ്‌, സാധ്യ​ത​യ​നു​സ​രിച്ച്‌ അവനോ​ടുള്ള നമ്മുടെ കൃതജ്ഞത പ്രകടി​പ്പി​ക്കാ​നുള്ള ഏറ്റവും മെച്ചമായ വിധം. ജീവത​ത്തി​ലെ മറ്റ്‌ മണ്ഡലങ്ങ​ളിൽ കൂടുതൽ കൃതജ്ഞ​ത​യു​ള്ള​വ​രാ​യി​രി​ക്കാൻ അതു നമ്മെ സഹായി​ക്കും.

“സ്‌തോ​ത്ര​മെന്ന [“നന്ദി നൽകൽ എന്ന” NW] യാഗം അർപ്പി​ക്കു​ന്നവൻ എന്നെ മഹത്വ​പ്പെ​ടു​ത്തു​ന്നു; തന്റെ നടപ്പിനെ ക്രമ​പ്പെ​ടു​ത്തു​ന്ന​വന്നു ഞാൻ . . . രക്ഷയെ കാണി​ക്കും” എന്ന്‌ യഹോവ പറയുന്നു. അവനോ​ടുള്ള ഹൃദയം​ഗ​മ​മായ കൃതജ്ഞത പ്രകടി​പ്പി​ക്കു​ന്ന​തിൽനിന്ന്‌ ഉളവാ​കുന്ന സന്തോഷം നിങ്ങൾ അനുഭ​വി​ക്കു​മാ​റാ​കട്ടെ.—സങ്കീർത്തനം 50:23; 100:2.

[7-ാം പേജിലെ ചിത്രം]

ജീവൻ ദൈവ​ത്തിൽനി​ന്നുള്ള ഒരു ദാനമാണ്‌.കൃതജ്ഞ​ത​യു​ടെ വ്യക്തിഗത പ്രകടനം നടത്തുക