അവർ യഹോ​വ​യു​ടെ ഹിതം ചെയ്‌തു

മോശ​യും അഹരോ​നും—ദൈവ​വ​ച​ന​ത്തി​ന്റെ സുധീര പ്രഘോ​ഷ​കർ

ഈ രംഗ​മൊ​ന്നു മനസ്സിൽ കാണുക: എൺപതു വയസ്സുള്ള മോശ​യും അവന്റെ സഹോ​ദ​ര​നായ അഹരോ​നും ഭൂമി​യി​ലെ ഏറ്റവും ശക്തനായ മനുഷ്യ​ന്റെ—ഈജി​പ്‌തി​ലെ ഫറവോ​ന്റെ—മുമ്പാകെ നിൽക്കു​ന്നു. ഈജി​പ്‌തു​കാ​രു​ടെ ദൃഷ്ടി​യിൽ ഈ മനുഷ്യൻ ദൈവ​ങ്ങ​ളു​ടെ ഒരു പ്രതി​നി​ധി​യെ​ക്കാൾ കവിഞ്ഞ​വ​നാണ്‌. ഫറവോൻ ഒരു ദൈവ​മാ​ണെ​ന്നു​തന്നെ അവർ വിശ്വ​സി​ക്കു​ന്നു. കഴുകന്റെ തലയുള്ള ദൈവ​മായ ഹോറ​സി​ന്റെ അവതാ​ര​മാ​യാ​ണു ഫറവോൻ വീക്ഷി​ക്ക​പ്പെ​ടു​ന്നത്‌. ഐസിസ്‌, ഓസി​റിസ്‌ എന്നിവ​രോ​ടു ചേർന്ന്‌ ഹോറസ്‌, ഈജി​പ്‌തി​ലെ ദേവന്മാ​രു​ടെ​യും ദേവി​മാ​രു​ടെ​യും ഇടയിലെ പ്രമുഖ ത്രിത്വ​ത്തി​നു രൂപം​കൊ​ടു​ത്തു.

ഫറവോ​ന്റെ അടുക്കൽ ചെല്ലുന്ന ആർക്കും, അവന്റെ കിരീ​ട​ത്തി​ന്റെ മധ്യഭാ​ഗ​ത്തു​നി​ന്നാ​യി തള്ളിനിൽക്കുന്ന, അശുഭ​സൂ​ച​ക​മായ മൂർഖന്റെ രൂപം ശ്രദ്ധി​ക്കാ​തി​രി​ക്കാ​നാ​വി​ല്ലാ​യി​രു​ന്നു. ഫറവോ​ന്റെ ശത്രു​ക്ക​ളിൽ ആരു​ടെ​യും​മേൽ തീയും നാശവും വർഷി​ക്കാൻ ഈ സർപ്പത്തി​നു കഴിയു​മെന്നു കരുത​പ്പെ​ടു​ന്നു. ഒരു അഭൂത​പൂർവ​മായ അഭ്യർഥ​ന​യു​മാ​യി, അതായത്‌ തങ്ങളുടെ ദൈവ​മായ യഹോ​വ​യ്‌ക്ക്‌ ഉത്സവം നടത്താൻ കഴി​യേ​ണ്ട​തിന്ന്‌ അടിമ​ക​ളായ ഇസ്രാ​യേ​ല്യ​രെ വിട്ടയ​യ്‌ക്ക​ണ​മെ​ന്നുള്ള അഭ്യർഥ​ന​യു​മാ​യി, ഇപ്പോൾ മോശ​യും അഹരോ​നും ഈ ദേവതു​ല്യ​നായ രാജാ​വി​ന്റെ മുമ്പാകെ വന്നിരി​ക്കു​ക​യാണ്‌.—പുറപ്പാ​ടു 5:1.

ഫറവോ​ന്റെ ഹൃദയം കഠിന​മാ​യി​രി​ക്കു​മെന്നു യഹോവ നേര​ത്തെ​തന്നെ മുൻകൂ​ട്ടി​പ്പ​റ​ഞ്ഞി​രു​ന്നു. അതു​കൊണ്ട്‌, “യിസ്രാ​യേ​ലി​നെ വിട്ടയ​പ്പാൻ തക്കവണ്ണം ഞാൻ യഹോ​വ​യു​ടെ വാക്കു കേൾക്കേ​ണ്ട​തി​ന്നു അവൻ ആർ? ഞാൻ യഹോ​വയെ അറിക​യില്ല; ഞാൻ യിസ്രാ​യേ​ലി​നെ വിട്ടയ​ക്ക​യു​മില്ല” എന്ന ഫറവോ​ന്റെ ഗർവി​ഷ്‌ഠ​മായ മറുപടി കേട്ട​പ്പോൾ മോശ​യും അഹരോ​നും അമ്പരന്നു​പോ​യില്ല. (പുറപ്പാ​ടു 4:21; 5:2) അങ്ങനെ ഒരു നാടകീയ ഏറ്റുമു​ട്ട​ലി​നുള്ള രംഗം ഒരുങ്ങി. അടുത്ത ഏറ്റുമു​ട്ട​ലിൽ, മോശ​യും അഹരോ​നും ഫറവോന്‌, തങ്ങൾ സർവശ​ക്ത​നായ, സത്യ​ദൈ​വ​ത്തെ​യാ​ണു പ്രതി​നി​ധാ​നം ചെയ്യു​ന്നത്‌ എന്നതിന്റെ അമ്പരപ്പി​ക്കുന്ന തെളിവു നൽകു​ക​യു​ണ്ടാ​യി.

ഒരു അത്ഭുതം സംഭവി​ക്കു​ന്നു

യഹോവ നിർദേ​ശി​ച്ച​പോ​ലെ, ഈജി​പ്‌തി​ലെ ദൈവ​ങ്ങ​ളു​ടെ മേലുള്ള യഹോ​വ​യു​ടെ പരമാ​ധി​കാ​രം തെളി​യിച്ച ഒരു അത്ഭുതം അഹരോൻ നടത്തി. അവൻ തന്റെ വടി ഫറവോ​ന്റെ മുമ്പാകെ നില​ത്തേക്ക്‌ എറിഞ്ഞു, അത്‌ ഉടൻതന്നെ ഒരു വലിയ പാമ്പായി മാറി! ഈ അത്ഭുത​ത്താൽ വിഭ്രാ​ന്ത​നായ ഫറവോൻ ക്ഷുദ്ര​ക്കാ​രായ തന്റെ പുരോ​ഹി​ത​ന്മാ​രെ വിളി​പ്പി​ച്ചു.a ഭൂതശ​ക്തി​ക​ളു​ടെ സഹായ​ത്താൽ തങ്ങളുടെ വടികൾകൊണ്ട്‌ ഏതാണ്ടു സമാന​മായ ഒരു കാര്യം ചെയ്യു​ന്ന​തിന്‌ അവർക്കു കഴിഞ്ഞു.

ഫറവോ​നും അവന്റെ പുരോ​ഹി​ത​ന്മാ​രും വിജയി​ച്ചു​വെന്നു കരുതി​യെ​ങ്കിൽ, അതു വെറും നൈമി​ഷി​ക​മാ​യി​രു​ന്നു. അഹരോ​ന്റെ പാമ്പുകൾ അവരുടെ പാമ്പു​കളെ ഒന്നൊ​ന്നാ​യി വിഴു​ങ്ങി​യ​പ്പോ​ഴത്തെ അവരുടെ മുഖഭാ​വ​മൊ​ന്നു മനസ്സിൽ കാണുക! ഈജി​പ്‌തി​ലെ ദൈവങ്ങൾ സത്യ​ദൈ​വ​മായ യഹോ​വ​യ്‌ക്കു തുല്യമല്ല എന്നു സന്നിഹി​ത​രായ എല്ലാവർക്കും കാണാൻ കഴിഞ്ഞു.—പുറപ്പാ​ടു 7:8-13.

എന്നാൽ, അതിനു​ശേ​ഷ​വും ഫറവോ​ന്റെ ഹൃദയം കഠിന​മാ​യി​ത്തന്നെ തുടർന്നു. ദൈവം സംഹാ​ര​ശ​ക്തി​യുള്ള പത്തു പ്രഹരങ്ങൾ അഥവാ ബാധകൾ ഈജി​പ്‌തി​ന്റെ​മേൽ വരുത്തി​യ​തി​നു​ശേഷം മാത്രമേ, ഒടുവിൽ ഫറവോൻ മോശ​യോ​ടും അഹരോ​നോ​ടും ഇങ്ങനെ പറഞ്ഞുള്ളൂ: “നിങ്ങൾ യിസ്രാ​യേൽമ​ക്ക​ളു​മാ​യി എഴു​ന്നേറ്റു എന്റെ ജനത്തിന്റെ നടുവിൽനി​ന്നു പുറ​പ്പെട്ടു, നിങ്ങൾ പറഞ്ഞതു​പോ​ലെ പോയി യഹോ​വയെ ആരാധി​പ്പിൻ.”—പുറപ്പാ​ടു 12:31.

നമുക്കുള്ള പാഠങ്ങൾ

ഈജി​പ്‌തി​ലെ ശക്തനായ ഫറവോ​ന്റെ അടുക്കൽ ചെല്ലാൻ മോശ​യെ​യും അഹരോ​നെ​യും പ്രാപ്‌ത​രാ​ക്കി​യത്‌ എന്തായി​രു​ന്നു? ആദ്യം, താൻ “വിക്കനും തടിച്ച നാവു​ള്ള​വ​നും ആകുന്നു” എന്നു പറഞ്ഞു​കൊ​ണ്ടു തന്റെ പ്രാപ്‌തി​യിൽ മോശ വിശ്വാ​സ​ക്കു​റവു പ്രകട​മാ​ക്കി​യി​രു​ന്നു. യഹോ​വ​യു​ടെ പിന്തു​ണ​യു​ടെ ഉറപ്പു ലഭിച്ചി​ട്ടു​പോ​ലും, “കർത്താവേ, നിനക്കു ബോധിച്ച മറ്റാ​രെ​യെ​ങ്കി​ലും അയക്കേ​ണമേ” എന്നു മോശ അപേക്ഷി​ച്ചു. അതേ, മറ്റാ​രെ​യെ​ങ്കി​ലും അയയ്‌ക്കാ​നാ​ണു മോശ ദൈവ​ത്തോ​ടു യാചി​ച്ചത്‌. (പുറപ്പാ​ടു 4:10, 13) എന്നിരു​ന്നാ​ലും, യഹോവ സൗമ്യ​നായ മോശയെ ഉപയോ​ഗി​ക്കു​ക​യും അവ നിയമനം നിർവ​ഹി​ക്കാ​നാ​വ​ശ്യ​മായ ജ്ഞാനവും ശക്തിയും അവനു കൊടു​ക്കു​ക​യും ചെയ്‌തു.—സംഖ്യാ​പു​സ്‌തകം 12:3.

ഇന്നു യഹോ​വ​യാം ദൈവ​ത്തി​ന്റെ​യും യേശു​ക്രി​സ്‌തു​വി​ന്റെ​യും ദാസർ “സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ” എന്ന കൽപ്പന അനുസ​രി​ക്കു​ക​യാണ്‌. (മത്തായി 28:19, 20) ഈ നിയോ​ഗം നിറ​വേ​റ്റു​ന്ന​തിൽ നമ്മുടെ പങ്കു നിവർത്തി​ക്കു​ന്ന​തിന്‌, നാം തിരു​വെ​ഴു​ത്തു പരിജ്ഞാ​ന​വും നമുക്കുള്ള പ്രാപ്‌തി​ക​ളും ഏറ്റവും നന്നായി ഉപയോ​ഗ​പ്പെ​ടു​ത്തണം. (1 തിമൊ​ഥെ​യൊസ്‌ 4:13-16) നമ്മുടെ പോരാ​യ്‌മ​ക​ളിൽ ശ്രദ്ധ കേന്ദ്രീ​ക​രി​ക്കു​ന്ന​തി​നു​പ​കരം, ദൈവം നമുക്കു നൽകി​യി​ട്ടുള്ള ഏതു നിയമ​ന​വും വിശ്വാ​സ​ത്തോ​ടെ സ്വീക​രി​ക്കാം. തന്റെ ഹിതം നിറ​വേ​റ്റാൻ അവനു നമ്മെ യോഗ്യ​രാ​ക്കാ​നും ശക്തരാ​ക്കാ​നും കഴിയും.—2 കൊരി​ന്ത്യർ 3:5, 6; ഫിലി​പ്പി​യർ 4:13.

മോശ മനുഷ്യ​ന്റെ​യും ഭൂതങ്ങ​ളു​ടെ​യും എതിർപ്പി​നെ​തി​രെ നിന്നതു​കൊണ്ട്‌ അവനു തീർച്ച​യാ​യും മനുഷ്യാ​തീ​ത​മായ സഹായം ആവശ്യ​മാ​യി​രു​ന്നു. അതു​കൊണ്ട്‌, “ഞാൻ നിന്നെ ഫറവോ​ന്നു ദൈവ​മാ​ക്കി​യി​രി​ക്കു​ന്നു” എന്നു യഹോവ അവന്‌ ഉറപ്പു കൊടു​ത്തു. (പുറപ്പാ​ടു 7:1) അതേ, മോശക്കു ദിവ്യ പിന്തു​ണ​യും അധികാ​ര​വും ഉണ്ടായി​രു​ന്നു. യഹോ​വ​യു​ടെ ആത്മാവു മോശ​യു​ടെ മേൽ ഉണ്ടായി​രു​ന്ന​തു​കൊണ്ട്‌ അവനു ഫറവോ​നെ​യോ ആ അഹങ്കാ​രി​യായ ഭരണാ​ധി​കാ​രി​യു​ടെ കൂട്ടു​സം​ഘ​ങ്ങ​ളെ​യോ ഭയപ്പെ​ടേണ്ട ആവശ്യ​മി​ല്ലാ​യി​രു​ന്നു.

നമ്മുടെ ശുശ്രൂഷ നിർവ​ഹി​ക്കു​ന്ന​തി​നു നാമും യഹോ​വ​യു​ടെ പരിശു​ദ്ധാ​ത്മാ​വിൽ അഥവാ പ്രവർത്ത​ന​നി​ര​ത​മായ ശക്തിയിൽ ആശ്രയി​ക്കേ​ണ്ട​തുണ്ട്‌. (യോഹ​ന്നാൻ 14:26; 15:26, 27) “ഞാൻ ദൈവ​ത്തിൽ ആശ്രയി​ക്കു​ന്നു; ഞാൻ ഭയപ്പെ​ടു​ക​യില്ല. മനുഷ്യ​ന്നു എന്നോടു എന്തു ചെയ്‌വാൻ കഴിയും?” എന്നു പാടിയ ദാവീ​ദി​ന്റെ വാക്കുകൾ ദിവ്യ സഹായ​ത്തോ​ടെ നമുക്കും ഏറ്റുപ​റ​യാൻ കഴിയും.—സങ്കീർത്തനം 56:11.

യഹോ​വ​യ്‌ക്ക്‌ അനുകമ്പ തോന്നി​യ​തു​കൊ​ണ്ടു യഹോവ മോശയെ അവന്റെ നിയമ​ന​ത്തിൽ തനിച്ചു വിട്ടില്ല. പകരം ദൈവം ഇങ്ങനെ പറഞ്ഞു: “നിന്റെ സഹോ​ദരൻ അഹരോൻ നിനക്കു പ്രവാ​ച​ക​നാ​യി​രി​ക്കും. ഞാൻ നിന്നോ​ടു കല്‌പി​ക്കു​ന്ന​തൊ​ക്കെ​യും നീ പറയേണം; നിന്റെ സഹോ​ദ​ര​നായ അഹരോൻ യിസ്രാ​യേൽമ​ക്കളെ തന്റെ ദേശത്തു​നി​ന്നു വിട്ടയ​പ്പാൻ ഫറവോ​നോ​ടു പറയേണം.” (പുറപ്പാ​ടു 7:1, 2) മോശക്കു ന്യായ​മാ​യും കൈകാ​ര്യം ചെയ്യാൻ കഴിയു​ന്ന​തി​ന്റെ പരിധി​ക്കു​ള്ളിൽ പ്രവർത്തി​ക്കുക എന്നതു യഹോ​വയെ സംബന്ധി​ച്ചി​ട​ത്തോ​ളം എത്ര സ്‌നേ​ഹ​പു​ര​സ്സ​ര​മായ കാര്യ​മാ​യി​രു​ന്നു!

അത്യു​ന്ന​ത​നാ​യി​രി​ക്കുന്ന യഹോ​വ​യു​ടെ, സാക്ഷി​ക​ളാ​യി​രി​ക്കു​ക​യെന്ന വെല്ലു​വി​ളി സ്വീക​രി​ക്കുന്ന സഹക്രി​സ്‌ത്യാ​നി​ക​ളു​ടെ സഹവാസം ദൈവം നമുക്കു തരുന്നു. (1 പത്രൊസ്‌ 5:9) അതു​കൊണ്ട്‌, പ്രതി​കൂ​ലാ​വ​സ്ഥ​കളെ നേരി​ടേ​ണ്ടി​വ​ന്നാൽത​ന്നെ​യും മോശ​യെ​യും അഹരോ​നെ​യും​പോ​ലെ ദൈവ​വ​ച​ന​ത്തി​ന്റെ സുധീര പ്രഘോ​ഷ​ക​രാ​യി​രി​ക്കാം.

[അടിക്കു​റിപ്പ്‌]

[25-ാം പേജിലെ ചിത്രം]

മോശയും അഹരോ​നും ഫറവോ​ന്റെ മുമ്പാകെ യഹോ​വയെ സധൈ​ര്യം പ്രതി​നി​ധീ​ക​രി​ച്ചു