അവർ യഹോ​വ​യു​ടെ ഹിതം ചെയ്‌തു

മാതാ​പി​താ​ക്ക​ളു​ടെ വിശ്വാ​സ​ത്തി​നു പ്രതി​ഫലം ലഭിച്ചു

ആൺകുട്ടി പിറന്നാൽ ഇസ്രാ​യേ​ല്യർ അത്യന്തം ആനന്ദി​ക്കു​മാ​യി​രു​ന്നു. വംശാ​വലി തുടരു​മെ​ന്നും ഭൂസ്വ​ത്ത​വ​കാ​ശം കുടും​ബ​ത്തി​ന്റേ​താ​യി നില​കൊ​ള്ളു​മെ​ന്നും അതർഥ​മാ​ക്കി. എന്നാൽ, പൊ.യു.മു. ഏതാണ്ട്‌ 1593-ൽ ആൺകു​ട്ടി​ക്കു ജന്മമേ​കു​ന്നത്‌ അനു​ഗ്ര​ഹ​ത്തി​നു പകരം ശാപമാ​യി എബ്രാ​യർക്കു തോന്നി​യി​രി​ക്കണം. കാരണം? തന്റെ അധീന​ത​യി​ലുള്ള പ്രദേ​ശത്തു യഹൂദ​രു​ടെ എണ്ണം ത്വരിത ഗതിയിൽ വർധി​ച്ചു​വ​രു​ന്ന​തിൽ ആശങ്കാ​കു​ല​നായ ഈജി​പ്‌തി​ലെ ഫറവോൻ, അവരുടെ നവജാ​ത​രായ ആൺകു​ട്ടി​ക​ളെ​യെ​ല്ലാം കൊന്നു​ക​ള​യാൻ കൽപ്പന പുറ​പ്പെ​ടു​വി​ച്ചു.—പുറപ്പാ​ടു 1:12, 15-22.

നീചമായ ഈ വംശഹ​ത്യ​യു​ടെ കാലത്താണ്‌ എബ്രായ വിവാ​ഹിത ദമ്പതി​ക​ളായ അമ്രാ​മും യോ​ഖേ​ബെ​ദും സുന്ദര​നായ ഒരാൺകു​ട്ടി​ക്കു ജന്മമേ​കി​യത്‌. ഫറവോ​ന്റെ കൽപ്പന​യെ​ക്കു​റിച്ച്‌ ഓർത്ത​പ്പോൾ അവരുടെ സന്തോ​ഷ​ത്തി​നു മീതെ ഭീതി​യു​ടെ കരിനി​ഴൽ പരന്നതി​നെ​ക്കു​റി​ച്ചു വിഭാ​വ​ന​ചെ​യ്യുക ബുദ്ധി​മു​ട്ടുള്ള സംഗതി​യല്ല. എങ്കിലും, മകനെ കണ്ടപ്പോൾ, എന്തു സംഭവി​ച്ചാ​ലും അവനെ കൈവി​ടു​ക​യി​ല്ലെന്ന്‌ അമ്രാ​മും യോ​ഖേ​ബെ​ദും തീരു​മാ​നി​ച്ചു​റച്ചു.—പുറപ്പാ​ടു 2:1, 2; 6:20.

വിശ്വാ​സ​പ്ര​വൃ​ത്തി

അമ്രാ​മും യോ​ഖേ​ബെ​ദും മൂന്നു മാസം കുഞ്ഞിനെ ഒളിച്ചു​വെച്ചു. (പുറപ്പാ​ടു 2:2) എന്നാൽ അത്‌ അപകട​ക​ര​മാ​യി​രു​ന്നു. കാരണം എബ്രാ​യ​രും ഈജി​പ്‌തു​കാ​രും അടുത്ത​ടു​ത്താ​ണു താമസി​ച്ചി​രു​ന്നത്‌. ഫറവോ​ന്റെ കൽപ്പന മറുക്കാൻ ഒരു​മ്പെ​ട്ട​താ​യി കണ്ടെത്തുന്ന ഏതൊ​രു​വ​നും മരണശി​ക്ഷ​യാ​യി​രു​ന്നു ഫലം. കുഞ്ഞി​നെ​യും കൊന്നു​ക​ള​യു​മാ​യി​രു​ന്നു. ആ സ്ഥിതിക്ക്‌, മകന്റെ​യും തങ്ങളു​ടെ​ത​ന്നെ​യും ജീവൻ കാത്തു​സൂ​ക്ഷി​ക്കാൻ ആ അർപ്പിത മാതാ​പി​താ​ക്കൾക്ക്‌ എന്തു​ചെ​യ്യാൻ കഴിയു​മാ​യി​രു​ന്നു?

യോ​ഖേ​ബെദ്‌ ഞാങ്ങണ​യു​ടെ (papyrus) ഏതാനും തണ്ടുകൾ സംഘടി​പ്പി​ച്ചു. ഞാങ്ങണ ബലമുള്ള ചതുപ്പു​നി​ല​ച്ചെ​ടി​യാണ്‌, മുള​പോ​ലി​രി​ക്കും. വിരൽ വണ്ണത്തി​ലുള്ള ത്രിപാർശ്വ തണ്ടുക​ളാണ്‌ അതിനു​ള്ളത്‌. അത്‌ ആറു മീറ്റർവരെ ഉയരത്തിൽ വളർന്നേ​ക്കാം. പേപ്പർ, പായ്‌കൾ, കപ്പൽപാ​യ്‌കൾ, ചെരു​പ്പു​കൾ, ഭാരം​കു​റഞ്ഞ ബോട്ടു​കൾ എന്നിവ​യു​ണ്ടാ​ക്കാൻ ഈജി​പ്‌തു​കാർ ആ ചെടി ഉപയോ​ഗി​ച്ചി​രു​ന്നു.

യോ​ഖേ​ബെദ്‌ ഞാങ്ങണ​യു​ടെ തണ്ടുക​ളു​പ​യോ​ഗിച്ച്‌, കുഞ്ഞിനെ കിടത്താ​വുന്ന വലുപ്പ​ത്തിൽ ഒരു പേടക​മു​ണ്ടാ​ക്കി. പേടകം ഉറയ്‌ക്കാ​നും വെള്ളം കയറാ​തി​രി​ക്കാ​നും അവൾ അതിൽ പശയും കീലും തേച്ചു​പി​ടി​പ്പി​ച്ചു. എന്നിട്ട്‌, അവൾ കുഞ്ഞിനെ അതിൽ കിടത്തി നൈൽന​ദി​യു​ടെ തീരത്തു ഞാങ്ങണ​യു​ടെ ഇടയിൽവെച്ചു.—പുറപ്പാ​ടു 2:3.

കുഞ്ഞിനെ കണ്ടെത്തു​ന്നു

അടുത്ത​താ​യി എന്തു സംഭവി​ക്കു​മെന്നു കാണാൻ യോ​ഖേ​ബെ​ദി​ന്റെ മകൾ മിര്യാം സമീപ​ത്താ​യി നിലയു​റ​പ്പി​ച്ചു. അപ്പോൾ ഫറവോ​ന്റെ പുത്രി നൈൽന​ദി​യിൽ കുളി​ക്കാൻ വന്നു.a രാജകു​മാ​രി നൈൽന​ദി​യു​ടെ ആ ഭാഗത്തു പതിവാ​യി വന്നിരുന്ന കാര്യം ഒരുപക്ഷേ യോ​ഖേ​ബെ​ദിന്‌ അറിയാ​മാ​യി​രു​ന്നി​രി​ക്കണം. തന്നിമി​ത്തം, പെട്ടി പെട്ടെന്നു കണ്ണിൽപ്പെ​ടു​ന്നി​ടത്തു മനപ്പൂർവം വെച്ചു​കാ​ണും. എന്തുത​ന്നെ​യാ​ണെ​ങ്കി​ലും, ഞാങ്ങണ​യു​ടെ​യി​ട​യിൽ കുരു​ങ്ങി​ക്കി​ടന്ന പെട്ടി ഉടനടി ഫറവോ​ന്റെ പുത്രി​യു​ടെ കണ്ണിൽപ്പെട്ടു. അത്‌ എടുത്തു​കൊ​ണ്ടു​വ​രാൻ അവൾ ദാസി​മാ​രി​ലൊ​രാ​ളെ അയച്ചു. പെട്ടി​ക്കു​ള്ളിൽക്കി​ടന്നു കരയുന്ന കുഞ്ഞിനെ കണ്ടപ്പോൾ അവൾ അനുക​മ്പാർദ്ര​യാ​യി. അതൊരു എബ്രായ പൈത​ലാ​ണെന്ന്‌ അവൾ മനസ്സി​ലാ​ക്കി. എങ്കിലും, ഇത്രയും സുന്ദര​നായ ഒരു കുട്ടിയെ അവൾക്കെ​ങ്ങനെ കൊല്ലാ​നാ​കു​മാ​യി​രു​ന്നു? മാനു​ഷിക ദയയ്‌ക്കു പുറമേ, ഈജി​പ്‌തു​കാർക്കി​ട​യിൽ പ്രബല​മാ​യി​രുന്ന ഒരു വിശ്വാ​സ​വും ഫറവോ​ന്റെ പുത്രി​യെ സ്വാധീ​നി​ച്ചി​രി​ക്കാം: സ്വർഗ​ത്തി​ലേക്കു സ്വീക​രി​ക്ക​പ്പെ​ടു​ന്നത്‌ ഒരുവന്റെ ആയുഷ്‌കാ​ലത്തെ ദയാ​പ്ര​വൃ​ത്തി​കളെ ആശ്രയി​ച്ചി​രി​ക്കു​ന്നു.b—പുറപ്പാ​ടു 2:5, 6.

മിര്യാം ദൂരെ​നിന്ന്‌ ഇതെല്ലാം കാണു​ന്നു​ണ്ടാ​യി​രു​ന്നു. അവൾ ഫറവോ​ന്റെ പുത്രി​യെ സമീപിച്ച്‌ ഇങ്ങനെ ചോദി​ച്ചു: “ഈ പൈത​ലി​ന്നു മുല​കൊ​ടു​ക്കേ​ണ്ട​തി​ന്നു ഒരു എബ്രാ​യ​സ്‌ത്രീ​യെ ഞാൻ ചെന്നു വിളിച്ചു കൊണ്ടു​വ​രേ​ണ​മോ?” രാജകു​മാ​രി ഉത്തരം നൽകി: “ചെന്നു കൊണ്ടു​വ​രിക.” മിര്യാം അമ്മയുടെ അടു​ത്തേക്ക്‌ ഓടി. ഉടനടി യോ​ഖേ​ബെദ്‌ ഫറവോ​ന്റെ പുത്രി​യു​ടെ മുന്നി​ലെത്തി. “നീ ഈ പൈത​ലി​നെ കൊണ്ടു​പോ​യി മുല​കൊ​ടു​ത്തു വളർത്തേണം; ഞാൻ നിനക്കു ശമ്പളം തരാം,” രാജകു​മാ​രി പറഞ്ഞു. യോ​ഖേ​ബെദ്‌ ആ കുഞ്ഞിന്റെ അമ്മയാ​ണെന്ന്‌ ഇതി​നോ​ടകം ഫറവോ​ന്റെ പുത്രി തിരി​ച്ച​റി​ഞ്ഞി​രി​ക്കാ​നു​മി​ട​യുണ്ട്‌.—പുറപ്പാ​ടു 2:7-9.

മുലകു​ടി മാറു​ന്ന​തു​വരെ കുഞ്ഞിനെ യോ​ഖേ​ബെദ്‌ തന്റെ പക്കൽ വളർത്തി.c സത്യ​ദൈ​വ​മായ യഹോ​വ​യെ​ക്കു​റിച്ച്‌ അവനെ പഠിപ്പി​ക്കാൻ ഇതവൾക്കു നിരവധി വില​യേ​റിയ സന്ദർഭങ്ങൾ പ്രദാനം ചെയ്‌തു. പിന്നീട്‌, യോ​ഖേ​ബെദ്‌ കുഞ്ഞിനെ ഫറവോ​ന്റെ പുത്രി​യെ തിരികെ ഏൽപ്പിച്ചു. അവൾ അവന്‌, “വെള്ളത്തിൽനി​ന്നു വലി​ച്ചെ​ടു​ത്തു”വെന്ന അർഥത്തിൽ മോശ എന്നു പേരിട്ടു.—പുറപ്പാ​ടു 2:10.

നമുക്കുള്ള പാഠം

അമ്രാ​മും യോ​ഖേ​ബെ​ദും നിർമ​ലാ​രാ​ധ​ന​യു​ടെ തത്ത്വങ്ങ​ളെ​ക്കു​റി​ച്ചു മകനെ പഠിപ്പി​ക്കു​ന്ന​തി​നു തങ്ങൾക്കു ലഭിച്ച ഹ്രസ്വാ​വ​സരം മുഴു​വ​നാ​യി പ്രയോ​ജ​ന​പ്പെ​ടു​ത്തി. മാതാ​പി​താ​ക്കൾ ഇന്ന്‌ അങ്ങനെ​തന്നെ ചെയ്യണം. വാസ്‌ത​വ​ത്തിൽ, അവർ അങ്ങനെ ചെയ്യേ​ണ്ടത്‌ അനിവാ​ര്യ​മാണ്‌. പിശാ​ചായ സാത്താൻ, “അലറുന്ന സിംഹം എന്നപോ​ലെ ആരെ വിഴു​ങ്ങേണ്ടു എന്നു തിരിഞ്ഞു ചുററി​ന​ട​ക്കു​ന്നു.” (1 പത്രൊസ്‌ 5:8) യഹോ​വ​യു​ടെ നല്ല ദാസരാ​യി​ത്തീ​രു​ന്ന​തി​നു പ്രത്യാ​ശ​യുള്ള വില​യേ​റിയ യുവാ​ക്കളെ—ആൺകു​ട്ടി​ക​ളെ​യും പെൺകു​ട്ടി​ക​ളെ​യും—ഇരകളാ​ക്കാ​നാണ്‌ അവനിഷ്ടം. അവരുടെ ഇളം​പ്രാ​യം അവനിൽ സഹതാപം ജനിപ്പി​ക്കു​ന്നില്ല! ഇതു മുൻനിർത്തി, ജ്ഞാനി​ക​ളായ മാതാ​പി​താ​ക്കൾ തങ്ങളുടെ കുട്ടികൾ സത്യ​ദൈ​വ​മായ യഹോ​വയെ ഭയപ്പെ​ടാൻ അവരെ ശൈശ​വ​ത്തി​ലേ പരിശീ​ലി​പ്പി​ക്കു​ന്നു.—സദൃശ​വാ​ക്യ​ങ്ങൾ 22:6; 2 തിമൊ​ഥെ​യൊസ്‌ 3:14, 15.

അമ്രാ​മും യോ​ഖേ​ബെ​ദും തങ്ങളുടെ ശിശു​വി​നെ ആദ്യത്തെ മൂന്നു​മാ​സം ഒളിച്ചു​വെ​ച്ചത്‌ ഒരു വിശ്വാ​സ​പ്ര​വൃ​ത്തി​യാ​യി എബ്രായർ 11:23-ൽ രേഖ​പ്പെ​ടു​ത്തി​യി​രി​ക്കു​ന്നു. കുഞ്ഞിനെ കൈവി​ടാൻ വിസമ്മ​തി​ച്ചു​കൊണ്ട്‌, ദൈവ​ഭ​യ​മുള്ള ആ മാതാ​പി​താ​ക്കൾ യഹോ​വ​യു​ടെ രക്ഷാശ​ക്തി​യിൽ ആശ്രയം പ്രകട​മാ​ക്കി. അതിനവർ അനുഗൃ​ഹീ​ത​രു​മാ​യി. നാമും യഹോ​വ​യു​ടെ നിയമ​ങ്ങ​ളും തത്ത്വങ്ങ​ളും കർശന​മാ​യും അടുത്തു പിൻപ​റ്റണം. നമ്മു​ടെ​മേൽ എന്തുതന്നെ സംഭവി​ക്കാൻ യഹോവ അനുവ​ദി​ച്ചാ​ലും അതു നിത്യ​ക്ഷേ​മ​ത്തി​ലും സന്തുഷ്ടി​യി​ലും പര്യവ​സാ​നി​ക്കു​മെന്ന ദൃഢവി​ശ്വാ​സം നമുക്കു​ണ്ടാ​യി​രി​ക്കണം.—റോമർ 8:28.

[അടിക്കു​റി​പ്പു​കൾ]