നമുക്ക്‌ എക്കാല​ത്തും സൈന്യ​ങ്ങ​ളു​ടെ ആവശ്യ​മു​ണ്ടാ​യി​രി​ക്കു​മോ?

സൈന്യ​ങ്ങൾ മാനവ വിഭവ​ങ്ങ​ളു​ടെ വലി​യൊ​രു​ഭാ​ഗം ഉപയോ​ഗി​ച്ചു​തീർക്കു​ക​യും മാനവ സന്തുഷ്ടി വളരെ​യേറെ കവർന്നെ​ടു​ക്കു​ക​യും ചെയ്‌തി​ട്ടുണ്ട്‌. അതു​കൊണ്ട്‌, ‘സൈന്യ​ങ്ങ​ളു​ടെ ആവശ്യ​മി​ല്ലാത്ത തരം ലോക സുരക്ഷി​ത​ത്വം മനുഷ്യ​വർഗം എന്നെങ്കി​ലും കൈവ​രി​ക്കു​മോ?’ എന്നു ചിലർ ചിന്തി​ച്ചി​ട്ടുണ്ട്‌. കൂട്ടന​ശീ​കരണ ആയുധങ്ങൾ സമസ്‌ത ജീവ​ന്റെ​യും ഉന്മൂലനം സംഭവ്യ​മാ​ക്കി​യി​രി​ക്കു​ന്ന​തി​നാൽ ആ ചോദ്യം കൂടുതൽ അടിയ​ന്തി​ര​മാ​യി​ത്തീ​രു​ക​യാണ്‌. സൈന്യ​ങ്ങൾ ഇല്ലാത്ത ഒരു ലോക​ത്തി​നാ​യുള്ള പ്രതീക്ഷ എത്രമാ​ത്രം വസ്‌തു​നി​ഷ്‌ഠ​മാണ്‌?

അന്തർദേ​ശീ​യ ബന്ധങ്ങൾ വിശ്വാ​സ്യത പകരു​മ്പോൾ, അതു കുറെ​യൊ​ക്കെ നിരാ​യു​ധീ​ക​ര​ണ​ത്തി​ലേക്കു നയി​ച്ചേ​ക്കാ​മെന്ന്‌ അസംഖ്യം മുൻകാല അനുഭ​വങ്ങൾ തെളി​യി​ക്കു​ന്നു. ദൃഷ്ടാ​ന്ത​ത്തിന്‌, കാനഡ​യും ഐക്യ​നാ​ടു​ക​ളും തമ്മിലുള്ള പൊതു​വായ സൗഹൃ​ദ​ത്തി​ന്റെ ഫലമായി അവരുടെ 5,000 കിലോ​മീ​റ്റർ അതിർത്തി​യിൽ ഒന്നരനൂ​റ്റാ​ണ്ടി​ല​ധി​ക​മാ​യി സൈനിക കാവലില്ല. നോർവേ​യും സ്വീഡ​നും മറ്റനേകം രാഷ്‌ട്ര​ങ്ങ​ളും സമാന​മായ യോജി​പ്പിൽ എത്തി​ച്ചേർന്നി​ട്ടുണ്ട്‌. എല്ലാ രാഷ്‌ട്ര​ങ്ങ​ളും തമ്മിലുള്ള ഒരു ഉടമ്പടി​യി​ലൂ​ടെ ഒരു സൈന്യ​ര​ഹി​ത​ലോ​കം ഉണ്ടാക്കാ​നാ​കു​മോ? ഒന്നാം ലോക​മ​ഹാ​യു​ദ്ധ​ത്തി​ന്റെ ബീഭത്സ​തയെ തുടർന്ന്‌ ആ ആശയത്തിന്‌ അഭൂത​പൂർവ​മായ ജനപ്രീ​തി ലഭിച്ചു.

1918-ൽ സമാധാ​നം സ്ഥാപി​ച്ച​പ്പോൾ, വേഴ്‌സാ​യി സമാധാന ഉടമ്പടി​യു​ടെ ലക്ഷ്യങ്ങ​ളി​ലൊന്ന്‌ “സകല രാഷ്‌ട്ര​ങ്ങ​ളു​ടെ​യും ആയുധ​ങ്ങ​ളു​ടെ പൊതു​വായ പരിമി​ത​പ്പെ​ടു​ത്തൽ തുടങ്ങു​ന്നത്‌ സാധ്യ​മാ​ക്കുക” എന്നതാ​യി​രു​ന്നു. തുടർന്നു​വന്ന വർഷങ്ങ​ളിൽ യുദ്ധവി​രോ​ധം ജനപ്രീ​തി​യാർജി​ച്ചു. ഒരു രാഷ്‌ട്ര​ത്തി​നു സംഭവി​ക്കാ​വുന്ന ഏറ്റവും നികൃ​ഷ്ട​മായ സംഗതി യുദ്ധമാ​ണെ​ന്നും അതു​കൊണ്ട്‌ അത്‌ പരാജ​യ​മ​നു​ഭ​വി​ക്കു​ന്ന​തി​നെ​ക്കാൾ മോശ​മാ​ണെ​ന്നും ചില യുദ്ധവി​രോ​ധി​കൾ സിദ്ധാ​ന്തി​ച്ചു. വിസ്‌തൃ​ത​മായ പ്രദേ​ശ​ങ്ങ​ളി​ലുള്ള യഹൂദ​ന്മാർ ആക്രമ​ണ​കാ​രി​കൾക്കെ​തി​രെ നൂറ്റാ​ണ്ടു​ക​ളോ​ളം കാര്യ​മായ സായുധ ചെറു​ത്തു​നിൽപ്പൊ​ന്നും നടത്താ​തി​രു​ന്നി​ട്ടും അവരെ ഉന്മൂലനം ചെയ്യാൻ ക്രൂര​മായ ശ്രമങ്ങൾ നടന്നു​വെന്ന്‌ ചൂണ്ടി​ക്കാ​ണി​ച്ചു​കൊണ്ട്‌ യുദ്ധത്തെ അനുകൂ​ലി​ക്കു​ന്നവർ അതി​നോ​ടു വിയോ​ജി​ച്ചു. അമേരി​ക്ക​ക​ളി​ലേക്കു തങ്ങളെ അടിമ​ക​ളാ​യി കൊണ്ടു​വ​ന്ന​വരെ എതിർക്കാൻ ആഫ്രി​ക്ക​ക്കാർക്ക്‌ ഒട്ടും​തന്നെ അവസരം ഉണ്ടായി​രു​ന്നി​ല്ലെ​ങ്കി​ലും അവർ നൂറ്റാ​ണ്ടു​ക​ളോ​ളം ക്രൂര​മായ ദുഷ്‌പെ​രു​മാ​റ്റ​ത്തി​നു വിധേ​യ​രാ​യി.

എന്നാൽ, രണ്ടാം ലോക​മ​ഹാ​യു​ദ്ധം പൊട്ടി​പ്പു​റ​പ്പെ​ട്ട​തോ​ടെ, മിക്ക യുദ്ധവി​രോ​ധി​ക​ളും രാഷ്‌ട്ര​ങ്ങൾക്കു സംരക്ഷണം വേണമെന്ന നിഗമ​ന​ത്തി​ലെ​ത്തി​ച്ചേർന്നു. അതു​കൊണ്ട്‌ രണ്ടാം ലോക​മ​ഹാ​യു​ദ്ധ​ത്തി​നു ശേഷം ഐക്യ​രാ​ഷ്‌ട്രങ്ങൾ സ്ഥാപി​ത​മാ​യ​പ്പോൾ നിരാ​യു​ധീ​ക​ര​ണ​ത്തിന്‌ അധികം ഊന്നൽ നൽകാതെ ആക്രമ​ണത്തെ തടയാ​നാ​യി സാർവ​ദേ​ശീയ സഹകര​ണ​ത്തി​നു കൂടുതൽ ഊന്നൽ നൽകി. അപ്രകാ​രം ലഭിക്കുന്ന സുരക്ഷി​ത​ത്വം രാഷ്‌ട്ര​ങ്ങൾക്കു നിരാ​യു​ധീ​ക​ര​ണ​ത്തിന്‌ ആവശ്യ​മായ ആത്മവി​ശ്വാ​സം പകരു​മെന്ന്‌ അംഗരാ​ഷ്‌ട്രങ്ങൾ പ്രത്യാ​ശി​ച്ചു.

മറ്റൊരു പ്രശ്‌നം പൂർവാ​ധി​കം വ്യക്തമാ​യി. സ്വയര​ക്ഷ​യ്‌ക്കാ​യുള്ള ഒരു രാഷ്‌ട്ര​ത്തി​ന്റെ ഉദ്യമങ്ങൾ മിക്ക​പ്പോ​ഴും അതിന്റെ അയൽ രാജ്യ​ത്തിന്‌ സുരക്ഷി​ത​ത്വ​മി​ല്ലായ്‌മ തോന്നാൻ ഇടയാക്കി. ഈ വിഷമ​വൃ​ത്തം ആയുധ​മ​ത്സ​ര​ത്തി​ലേക്കു നയിച്ചു. എന്നാൽ കുറേ​ക്കൂ​ടെ അടുത്ത കാലത്ത്‌, പ്രമുഖ രാഷ്‌ട്രങ്ങൾ തമ്മിലുള്ള മെച്ചപ്പെട്ട ബന്ധങ്ങൾ നിരാ​യു​ധീ​കരണ പ്രതീക്ഷ ശക്തി​പ്പെ​ടു​ത്തി​യി​ട്ടുണ്ട്‌. എന്നാൽ അതിനു​ശേഷം, അനേകരെ സംബന്ധി​ച്ചി​ട​ത്തോ​ളം ഗൾഫ്‌ യുദ്ധവും മുൻ യൂഗോ​സ്ലാ​വി​യ​യി​ലെ പ്രശ്‌ന​ങ്ങ​ളും നിരാ​യു​ധീ​കരണ പ്രതീ​ക്ഷ​കളെ ഛിന്നഭി​ന്ന​മാ​ക്കി​യി​രി​ക്കു​ന്നു. ഏതാണ്ട്‌ അഞ്ചുവർഷം മുമ്പ്‌ ടൈം മാഗസിൻ ഇങ്ങനെ അഭി​പ്രാ​യ​പ്പെട്ടു: “ശീതസ​മരം അവസാ​നി​ച്ചെ​ങ്കി​ലും, ലോകം അപകടം കുറഞ്ഞ സ്ഥലമാ​യി​ത്തീ​രേ​ണ്ട​തി​നു പകരം കൂടുതൽ അപകട​ക​ര​മായ സ്ഥലമാ​യി​രി​ക്കു​ക​യാണ്‌.”

ഒരു ആഗോള ‘പൊലീ​സു​കാ​രനു’ വേണ്ടി​യുള്ള ആഗ്രഹം

എല്ലാവ​രെ​യും സംരക്ഷി​ക്കാൻ മാത്രം ശക്തമായ സൈന്യ​മുള്ള ഒരു ലോക​ഗ​വൺമെൻറ്‌ മനുഷ്യ​വർഗ​ത്തിന്‌ ആവശ്യ​മാ​ണെന്ന്‌ അനേകം നിരീ​ക്ഷകർ നിഗമനം ചെയ്യുന്നു. ഐക്യ​രാ​ഷ്‌ട്ര സംഘട​ന​യോ ലോക​ത്തി​ലെ പ്രമുഖ സൈനിക ശക്തിക​ളോ ഇതു ചെയ്യാൻ പ്രാപ്‌ത​ര​ല്ലാത്ത സ്ഥിതിക്ക്‌ ഭാവി​യെ​ക്കു​റിച്ച്‌ ഒട്ടും​തന്നെ പ്രതീ​ക്ഷ​യ്‌ക്കു വകയി​ല്ലെന്നു ചിലർ വിചാ​രി​ക്കു​ന്നു. എന്നാൽ നിങ്ങൾ ബൈബി​ളി​നെ ദൈവ​വ​ച​ന​മാ​യി സ്വീക​രി​ക്കു​ന്നെ​ങ്കിൽ, സർവശ​ക്ത​നായ ദൈവം ഈ അടിയ​ന്തി​രാ​വ​ശ്യം നിറ​വേ​റ്റു​മോ​യെന്നു നിങ്ങൾ ചിന്തി​ച്ചി​ട്ടു​ണ്ടാ​കാം.

“സ്‌നേ​ഹ​ത്തി​ന്റെ​യും സമാധാ​ന​ത്തി​ന്റെ​യും ദൈവം” എന്ന്‌ ബൈബിൾ വിളി​ക്കു​ന്നവൻ നീതി നടപ്പാ​ക്കാൻ സൈനിക ശക്തി ഉപയോ​ഗി​ക്കു​മോ? ഉപയോ​ഗി​ക്കു​മെ​ങ്കിൽ, ഏതു സൈന്യ​ത്തെ? ഇന്നത്തെ അനേകം സൈന്യ​ങ്ങൾ ദൈവ​ത്തി​ന്റെ പിന്തുണ അവകാ​ശ​പ്പെ​ടു​ന്നു, എന്നാൽ അവ വാസ്‌ത​വ​ത്തിൽ ദൈവ​ഹി​ത​മാ​ണോ നടപ്പാ​ക്കു​ന്നത്‌? അതോ, കാര്യാ​ദി​ക​ളിൽ ഇടപെട്ട്‌ സമാധാ​ന​വും സുരക്ഷി​ത​ത്വ​വും പ്രദാനം ചെയ്യാ​നാ​യി ദൈവ​ത്തിന്‌ മറ്റെ​ന്തെ​ങ്കി​ലും വിധമു​ണ്ടോ?—2 കൊരി​ന്ത്യർ 13:11.

ആദാമി​നെ​യും ഹവ്വാ​യെ​യും ഏദെനിൽനി​ന്നു പുറത്താ​ക്കു​ക​യും അവർ തിരി​ച്ചു​വ​രു​ന്നതു തടയാ​നാ​യി കെരൂ​ബു​കളെ നിർത്തു​ക​യും ചെയ്‌തു​കൊണ്ട്‌ സർവശ​ക്ത​നായ ദൈവം ആദ്യമ​ത്സരം കൈകാ​ര്യം ചെയ്‌തു. തന്റെ പരമാ​ധി​കാ​ര​ത്തി​നെ​തി​രായ സകല മത്സരങ്ങ​ളെ​യും തകർക്കാ​നുള്ള തന്റെ ഉദ്ദേശ്യം അവൻ പ്രഖ്യാ​പി​ക്കു​ക​യും ചെയ്‌തു. (ഉല്‌പത്തി 3:15) അതിനാ​യി ദൈവം ഒരു സൈന്യ​ത്തെ ഉപയോ​ഗി​ച്ചേ​ക്കു​മോ?

തന്റെ ന്യായ​വി​ധി​കൾ നടപ്പാ​ക്കാ​നാ​യി ദൈവം സൈന്യ​ങ്ങളെ ഉപയോ​ഗി​ച്ചി​ട്ടുള്ള സന്ദർഭ​ങ്ങ​ളെ​ക്കു​റിച്ച്‌ ബൈബിൾ പറയുന്നു. ദൃഷ്ടാ​ന്ത​ത്തിന്‌ കനാൻദേശ രാജ്യ​ങ്ങ​ളി​ലു​ള്ളവർ മൃഗങ്ങ​ളു​മാ​യി ലൈം​ഗി​ക​വേ​ഴ്‌ച​യിൽ ഏർപ്പെ​ടു​ക​യും ശിശു​ബലി അർപ്പി​ക്കു​ക​യും ക്രൂര​ത​യിൽ ആനന്ദം കണ്ടെത്തി​ക്കൊണ്ട്‌ യുദ്ധങ്ങൾ നടത്തു​ക​യും ചെയ്‌തി​രു​ന്നു. ദൈവം അവർക്ക്‌ സമ്പൂർണ നാശം വിധി​ക്കു​ക​യും ആ വിധി നടപ്പാ​ക്കാൻ യോശു​വ​യു​ടെ സൈന്യ​ത്തെ ഉപയോ​ഗി​ക്കു​ക​യും ചെയ്‌തു. (ആവർത്ത​ന​പു​സ്‌തകം 7:1, 2) സമാന​മാ​യി, അന്തിമ​ന്യാ​യ​വി​ധി ദിവസ​ത്തിൽ ദൈവം സകല ദുഷ്ടത​യേ​യും എങ്ങനെ നശിപ്പി​ക്കും എന്നതിന്റെ ദൃഷ്ടാ​ന്ത​മാ​യി ദാവീദ്‌ രാജാ​വി​ന്റെ സൈന്യം ഫെലി​സ്‌ത്യർക്കെ​തി​രായ ദൈവ​ത്തി​ന്റെ ന്യായ​വി​ധി നടപ്പാക്കി.

ആ സംഭവങ്ങൾ പ്രബോ​ധ​ന​പ​ര​മാ​യി​രു​ന്നു. ആളുകൾക്കു സുരക്ഷി​ത​ത്വ​മേ​കാൻ ഒരു സൈന്യ​ത്തെ തനിക്ക്‌ ഉപയോ​ഗി​ക്കാൻ കഴിയു​മെന്ന്‌ യഹോവ പ്രകട​മാ​ക്കി. തീർച്ച​യാ​യും, തന്റെ ഭരണത്തി​നെ​തി​രായ സാർവ​ലൗ​കിക തലത്തി​ലുള്ള മത്സരത്തെ കൈകാ​ര്യം ചെയ്യാൻ യഹോ​വ​യ്‌ക്ക്‌ അതുല്യ വിധത്തി​ലുള്ള ഒരു സൈന്യ​മുണ്ട്‌.

“സൈന്യ​ങ്ങ​ളു​ടെ യഹോവ”

“സൈന്യ​ങ്ങ​ളു​ടെ യഹോവ” എന്ന പദപ്ര​യോ​ഗം 250-ലധികം പ്രാവ​ശ്യം ബൈബിൾ ഉപയോ​ഗി​ക്കു​ന്നു. അതിബൃ​ഹ​ത്തായ ദൂത​സൈ​ന്യ​ത്തി​ന്റെ സർവ​സൈ​ന്യാ​ധി​പൻ എന്ന നിലയി​ലുള്ള ദൈവ​ത്തി​ന്റെ സ്ഥാന​ത്തെ​യാണ്‌ ഈ പദപ്ര​യോ​ഗം അടിസ്ഥാ​ന​പ​ര​മാ​യി പരാമർശി​ക്കു​ന്നത്‌. ഒരവസ​ര​ത്തിൽ പ്രവാ​ച​ക​നായ മീഖാ​യാവ്‌ രാജാ​ക്ക​ന്മാ​രായ ആഹാബി​നോ​ടും യെഹോ​ശാ​ഫാ​ത്തി​നോ​ടും ഇങ്ങനെ പറഞ്ഞു: “യഹോവ തന്റെ സിംഹാ​സ​ന​ത്തിൽ ഇരിക്കു​ന്ന​തും സ്വർഗ്ഗ​ത്തി​ലെ സൈന്യം ഒക്കെയും അവന്റെ അടുക്കൽ വലത്തും ഇടത്തും നില്‌ക്കു​ന്ന​തും ഞാൻ കണ്ടു.” (1 രാജാ​ക്ക​ന്മാർ 22:19) ദൂത​സൈ​ന്യ​ങ്ങ​ളാണ്‌ ഇവിടെ പരാമർശി​ക്ക​പ്പെ​ട്ടി​രി​ക്കു​ന്നത്‌. തന്റെ ജനത്തെ സംരക്ഷി​ക്കു​ന്ന​തിന്‌ യഹോവ ഈ സൈന്യ​ങ്ങളെ ഉപയോ​ഗി​ച്ചു. ദോഥാൻ നഗരം ഉപരോ​ധി​ക്ക​പ്പെ​ട്ട​പ്പോൾ എലീശാ​യു​ടെ ബാല്യ​ക്കാ​രൻ സകല പ്രതീ​ക്ഷ​യും കൈവി​ട്ടു. എന്നാൽ അവനെ ധൈര്യ​പ്പെ​ടു​ത്താൻ ദൈവം അവന്‌ തന്റെ ആത്മസൃ​ഷ്ടി​ക​ളു​ടെ സൈന്യ​ത്തി​ന്റെ അത്ഭുത​ക​ര​മായ ഒരു ദർശനം നൽകി. “യഹോവ ബാല്യ​ക്കാ​രന്റെ കണ്ണു തുറന്നു; എലീശ​യു​ടെ ചുററും അഗ്നിമ​യ​മായ കുതി​ര​ക​ളും രഥങ്ങളും​കൊ​ണ്ടു മല നിറഞ്ഞി​രി​ക്കു​ന്നതു അവൻ കണ്ടു.”—2 രാജാ​ക്ക​ന്മാർ 6:15-17.

ദൈവം ഇന്ന്‌ സൈന്യ​ങ്ങളെ പിന്തു​ണ​യ്‌ക്കു​ന്നു​വെന്ന്‌ അത്തരം സംഭവങ്ങൾ അർഥമാ​ക്കു​ന്നു​ണ്ടോ? ക്രൈ​സ്‌ത​വ​ലോ​ക​ത്തി​ലെ ചില സൈന്യ​ങ്ങൾ തങ്ങൾ ദൈവ​ത്തി​ന്റെ സൈന്യ​ങ്ങ​ളാ​ണെന്ന്‌ അവകാ​ശ​പ്പെ​ട്ടേ​ക്കാം. തങ്ങളെ അനു​ഗ്ര​ഹി​ക്കാൻ അനേകർ പുരോ​ഹി​ത​ന്മാ​രോട്‌ ആവശ്യ​പ്പെ​ട്ടി​ട്ടുണ്ട്‌. എന്നാൽ ക്രൈ​സ്‌ത​വ​ലോ​ക​ത്തി​ലെ സൈന്യ​ങ്ങൾ മിക്ക​പ്പോ​ഴും അന്യോ​ന്യം സഹവി​ശ്വാ​സി​കൾക്കെ​തി​രാ​യി പോരാ​ടു​ന്നു. ഈ നൂറ്റാ​ണ്ടി​ലെ രണ്ടു ലോക​മ​ഹാ​യു​ദ്ധ​ങ്ങ​ളും തുടങ്ങി​യത്‌ തങ്ങൾ ക്രിസ്‌ത്യാ​നി​കൾ ആണെന്ന്‌ അവകാ​ശ​പ്പെട്ട സൈന്യ​ങ്ങൾ തമ്മിലാണ്‌. അത്‌ ദൈവ​ത്തി​ന്റെ പ്രവർത്ത​ന​മാ​യി​രി​ക്കാ​വു​ന്നതല്ല. (1 യോഹ​ന്നാൻ 4:20) അത്തരം സൈനിക ശക്തികൾ തങ്ങൾ സമാധാ​ന​ത്തി​നാ​യി യുദ്ധം ചെയ്യു​ന്നു​വെന്ന്‌ അവകാ​ശ​പ്പെ​ട്ടേ​ക്കാ​മെ​ന്നി​രി​ക്കെ, ലോക​ത്തി​ലെ സമാധാ​ന​ഭ​ഞ്‌ജ​നത്തെ തടുക്കാ​നുള്ള ശ്രമത്തിൽ അത്തരം സൈന്യ​ങ്ങൾ സംഘടി​പ്പി​ക്കാൻ യേശു തന്റെ അനുഗാ​മി​ക​ളോ​ടു നിർദേ​ശി​ച്ചു​വോ?

യേശു ശിഷ്യ​ന്മാ​രോ​ടൊ​പ്പം ഒരു തോട്ട​ത്തിൽ പ്രാർഥി​ച്ചു​കൊ​ണ്ടി​രുന്ന സമയത്ത്‌ ഒരു സായുധ ജനക്കൂട്ടം യേശു​വി​ന്റെ​മേൽ കൈ​വെ​ച്ച​പ്പോൾ അവിടെ ഗുരു​ത​ര​മായ സമാധാ​ന​ഭ​ഞ്‌ജ​ന​മു​ണ്ടാ​യി. ശിഷ്യ​ന്മാ​രിൽ ഒരുവൻ ജനക്കൂ​ട്ട​ത്തി​ലു​ണ്ടാ​യി​രുന്ന ഒരു മനുഷ്യ​നെ വാളു​കൊ​ണ്ടു വെട്ടി. ഒരു പ്രധാ​ന​പ്പെട്ട തത്ത്വം പഠിപ്പി​ക്കാൻ യേശു ആ സന്ദർഭം ഉപയോ​ഗി​ച്ചു. അവൻ പറഞ്ഞു: “വാൾ ഉറയിൽ ഇടുക; വാൾ എടുക്കു​ന്നവർ ഒക്കെയും വാളാൽ നശിച്ചു​പോ​കും. എന്റെ പിതാ​വി​നോട്‌ ഇപ്പോൾ തന്നേ പന്ത്രണ്ടു ലെഗ്യോ​നി​ലും അധികം ദൂതൻമാ​രെ എന്റെ അരികെ നിറു​ത്തേ​ണ്ട​തി​ന്നു എനിക്കു അപേക്ഷി​ച്ചു​കൂ​ടാ എന്നു തോന്നു​ന്നു​വോ?” യേശു​വിന്‌ തന്റെ അധീന​ത​യിൽ ബൃഹത്താ​യൊ​രു സൈന്യ​മു​ണ്ടാ​യി​രു​ന്നു. എന്നാൽ അതിലെ ഒരു സൈനി​കൻ എന്നനി​ല​യിൽ പത്രൊ​സി​നെ​യോ മറ്റേ​തെ​ങ്കി​ലു​മൊ​രു മനുഷ്യ​നെ​യോ ഉൾപ്പെ​ടു​ത്തി​യി​രു​ന്നില്ല. പകരം, “മനുഷ്യ​രെ പിടി​ക്കു​ന്ന​വരാ”യിരി​ക്കാ​നാണ്‌ പത്രൊ​സും യേശു​വി​ന്റെ മറ്റ്‌ അനുഗാ​മി​ക​ളും വിളി​ക്ക​പ്പെ​ട്ടത്‌. (മത്തായി 4:19; 26:47-53) ഏതാനും മണിക്കൂ​റു​കൾ കഴിഞ്ഞ്‌ യേശു ഈ സ്ഥിതി​വി​ശേഷം പീലാ​ത്തൊ​സിന്‌ വ്യക്തമാ​ക്കി​ക്കൊ​ടു​ത്തു. അവൻ പറഞ്ഞു: “എന്റെ രാജ്യം ഐഹി​കമല്ല; എന്റെ രാജ്യം ഐഹികം ആയിരു​ന്നു എങ്കിൽ എന്നെ യെഹൂ​ദൻമാ​രു​ടെ കയ്യിൽ ഏല്‌പി​ക്കാ​ത​വണ്ണം എന്റെ ചേവകർ പോരാ​ടു​മാ​യി​രു​ന്നു; എന്നാൽ എന്റെ രാജ്യം ഐഹി​കമല്ല.” (യോഹ​ന്നാൻ 18:36) ഭൂമി​യിൽ സ്ഥാപി​ത​മായ ദാവീ​ദി​ന്റെ രാജ്യ​ത്തിൽനി​ന്നു വ്യത്യ​സ്‌ത​മാ​യി, ദൈവം യേശു​വി​നു നൽകി​യി​രി​ക്കുന്ന രാജ്യം സ്വർഗ​ത്തി​ലാണ്‌. അതു ഭൂമി​യിൽ സമാധാ​നം ആനയി​ക്കും.

ദൈവ​ത്തി​ന്റെ സൈന്യ​ങ്ങൾ യുദ്ധത്തി​ലേർപ്പെ​ടു​ന്നു

ദൈവ​ത്തി​ന്റെ സൈന്യ​ങ്ങൾ പെട്ടെ​ന്നു​തന്നെ നടപടി സ്വീക​രി​ക്കും. ആസന്നമായ ഏറ്റുമു​ട്ട​ലി​നെ​ക്കു​റി​ച്ചു വിവരി​ക്കവേ വെളി​പ്പാട്‌ യേശു​വി​നെ “ദൈവ​വ​ചനം” എന്നു വിളി​ക്കു​ന്നു. നാം വായി​ക്കു​ന്നു: “സ്വർഗ്ഗ​ത്തി​ലെ സൈന്യം നിർമ്മ​ല​വും ശുഭ്ര​വു​മായ വിശേ​ഷ​വ​സ്‌ത്രം ധരിച്ചു വെള്ളക്കു​തി​ര​പ്പു​റത്തു കയറി അവനെ അനുഗ​മി​ച്ചു. ജാതി​കളെ വെട്ടു​വാൻ അവന്റെ വായിൽനി​ന്നു മൂർച്ച​യുള്ള വാൾ പുറ​പ്പെ​ടു​ന്നു.” ഈ യുദ്ധം ‘ഭൂരാ​ജാ​ക്ക​ന്മാ​രു​ടെ​യും അവരുടെ സൈന്യ​ങ്ങ​ളു​ടെ​യും’ അന്ത്യം കുറി​ക്കു​മെന്ന്‌ ബൈബിൾ പറയുന്നു. ദൈവ​ത്തോ​ടുള്ള തങ്ങളുടെ വിശ്വ​സ്‌തത പ്രകടി​പ്പി​ക്കാൻ പരാജ​യ​പ്പെ​ട്ട​വ​രെ​ക്കു​റിച്ച്‌ ആ പ്രവചനം ഇങ്ങനെ കൂട്ടി​ച്ചേർക്കു​ന്നു: “ശേഷി​ച്ച​വരെ കുതി​ര​പ്പു​റ​ത്തി​രി​ക്കു​ന്ന​വന്റെ വായിൽനി​ന്നു പുറ​പ്പെ​ടുന്ന വാൾകൊ​ണ്ടു കൊന്നു.” പിശാ​ചായ സാത്താൻപോ​ലും പ്രവർത്ത​ന​ര​ഹി​ത​നാ​ക്ക​പ്പെ​ടും. അത്‌ തീർച്ച​യാ​യും സൈന്യ​ങ്ങ​ളി​ല്ലാത്ത ലോക​സ​മാ​ധാ​ന​ത്തിന്‌ വഴി​യൊ​രു​ക്കും.—വെളി​പ്പാ​ടു 19:11-21; 20:1-3.

യുദ്ധമി​ല്ലാത്ത ഒരു ലോകത്തെ വിഭാ​വ​ന​ചെ​യ്യു​ക

സൈന്യ​ങ്ങൾ ആവശ്യ​മി​ല്ലാ​ത്തത്ര സുരക്ഷി​ത​മാ​യൊ​രു ലോകത്തെ നിങ്ങൾക്കു വിഭാവന ചെയ്യാൻ കഴിയു​മോ? ഒരു ബൈബിൾ സങ്കീർത്തനം പറയുന്നു: “വരുവിൻ യഹോ​വ​യു​ടെ പ്രവൃ​ത്തി​കളെ നോക്കു​വിൻ; അവൻ ഭൂമി​യിൽ എത്ര ശൂന്യത വരുത്തി​യി​രി​ക്കു​ന്നു! [“എത്ര അതിശ​യ​ക​ര​മായ കാര്യങ്ങൾ ചെയ്‌തി​രി​ക്കു​ന്നു,” NW] അവൻ ഭൂമി​യു​ടെ അററം​വ​രെ​യും യുദ്ധങ്ങളെ നിർത്തൽചെ​യ്യു​ന്നു.”—സങ്കീർത്തനം 46:8, 9.

അത്‌ എന്തൊ​രാ​ശ്വാ​സ​മാ​യി​രി​ക്കും! സൈന്യ​ങ്ങ​ളെ​യും അവയുടെ ആയുധ​ങ്ങ​ളെ​യും പ്രതി​യുള്ള താങ്ങാ​നാ​വാത്ത നികുതി ഭാരത്തിൽനിന്ന്‌ ഒടുവിൽ മുക്തമായ മാനുഷ സമുദാ​യ​ത്തെ​ക്കു​റി​ച്ചൊ​ന്നു വിഭാ​വ​ന​ചെയ്യൂ! എല്ലാവ​രു​ടെ​യും ജീവിത സാഹച​ര്യ​ങ്ങൾ മെച്ച​പ്പെ​ടു​ത്താ​നും ഭൂമിയെ ശുദ്ധീ​ക​രിച്ച്‌ വീണ്ടും സസ്യങ്ങൾ വെച്ചു​പി​ടി​പ്പി​ക്കാ​നു​മാ​യി തങ്ങളുടെ ഊർജം തിരി​ച്ചു​വി​ടാൻ ആളുകൾക്കു കഴിയും. മനുഷ്യ​വർഗ​ത്തിന്‌ ശരിക്കും ഉപയോ​ഗ​പ്ര​ദ​മായ പുതിയ സംഗതി​കൾ കണ്ടുപി​ടി​ക്കാൻ പുതിയ അവസരങ്ങൾ ഉണ്ടായി​രി​ക്കും.

പിൻവ​രു​ന്ന പ്രവച​ന​ത്തിന്‌ ലോക​വ്യാ​പ​ക​മായ നിവൃ​ത്തി​യു​ണ്ടാ​യി​രി​ക്കും: “ഇനി നിന്റെ ദേശത്തു സാഹസ​വും നിന്റെ അതിരി​ന്ന​കത്തു ശൂന്യ​വും [“കവർച്ച​യും,” NW] നാശവും കേൾക്ക​യില്ല.” (യെശയ്യാ​വു 60:18) തങ്ങളുടെ ഭവനങ്ങ​ളും വസ്‌തു​വ​ക​ക​ളും ഉപേക്ഷിച്ച്‌ ദുരി​ത​പൂർണ​മായ ക്യാമ്പു​ക​ളിൽ പാർക്കാൻ നിർബ​ന്ധി​ത​രാ​യി ഹതാശ​രായ ലക്ഷക്കണ​ക്കിന്‌ അഭയാർഥി​കൾ യുദ്ധ​മേ​ഖ​ല​ക​ളിൽനി​ന്നു പലായനം ചെയ്യേ​ണ്ടി​വ​രില്ല. രാഷ്‌ട്രങ്ങൾ തമ്മിലുള്ള ഏറ്റുമു​ട്ട​ലു​ക​ളിൽ കൊല്ല​പ്പെ​ടു​ക​യോ അംഗഹീ​ന​രാ​കു​ക​യോ ചെയ്‌ത പ്രിയ​പ്പെ​ട്ട​വ​രെ​ക്കു​റിച്ച്‌ ആളുകൾ വീണ്ടു​മൊ​രി​ക്ക​ലും വിലപി​ക്കേ​ണ്ടി​വ​രില്ല. യഹോ​വ​യു​ടെ സ്വർഗീയ രാജാവ്‌ ശാശ്വത ലോക​സ​മാ​ധാ​നം സ്ഥാപി​ക്കും. “അവന്റെ കാലത്തു നീതി​മാ​ന്മാർ തഴെക്കട്ടെ; ചന്ദ്രനു​ള്ളേ​ട​ത്തോ​ളം സമാധാ​ന​സ​മൃ​ദ്ധി ഉണ്ടാകട്ടെ. അവരുടെ പ്രാണനെ അവൻ പീഡയിൽനി​ന്നും സാഹസ​ത്തിൽനി​ന്നും വീണ്ടെ​ടു​ക്കും.”—സങ്കീർത്തനം 72:7, 14.

വെറു​ക്കാ​നല്ല മറിച്ച്‌ ദൈവ​ത്തി​ന്റെ സ്‌നേ​ഹ​മാർഗങ്ങൾ അനുക​രി​ക്കാൻ പഠിച്ച ആളുക​ളു​ടെ ഇടയി​ലുള്ള ജീവിതം കൂടുതൽ ഉല്ലാസ​ക​ര​മാ​യി​രി​ക്കും. ദൈവ​വ​ചനം മുൻകൂ​ട്ടി​പ്പ​റ​യു​ന്നു: “സമുദ്രം വെള്ളം​കൊ​ണ്ടു നിറഞ്ഞി​രി​ക്കു​ന്ന​തു​പോ​ലെ ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ്വ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.” യഹോ​വയെ അറിയു​ക​യും സ്‌നേ​ഹി​ക്കു​ക​യും ചെയ്യു​ന്ന​വ​രോ​ടൊ​പ്പം ജീവി​ക്കു​ന്നത്‌ എങ്ങനെ​യി​രി​ക്കും? അതേ പുസ്‌തകം ഇങ്ങനെ പ്രവചി​ക്കു​ന്നു: “നീതി​യു​ടെ പ്രവൃത്തി സമാധാ​ന​വും നീതി​യു​ടെ ഫലം ശാശ്വ​ത​വി​ശ്രാ​മ​വും നിർഭ​യ​ത​യും ആയിരി​ക്കും. എന്റെ ജനം സമാധാ​ന​നി​വാ​സ​ത്തി​ലും നിർഭ​യ​വ​സ​തി​ക​ളി​ലും സ്വൈ​ര​മുള്ള വിശ്രാ​മ​സ്ഥ​ല​ങ്ങ​ളി​ലും പാർക്കും.”—യെശയ്യാ​വു 11:9; 32:17, 18.

സമാധാ​ന​ത്തി​ന്റെ സകല ശത്രു​ക്ക​ളിൽനി​ന്നും ഭൂമിയെ ശുദ്ധീ​ക​രി​ക്കാ​നാ​യി ദൈവ​ത്തി​ന്റെ സൈന്യ​ങ്ങൾ നിലയു​റ​പ്പി​ച്ചി​രി​ക്കു​ന്നു​വെന്ന്‌ ബൈബിൾ പരിജ്ഞാ​ന​ത്തിൽ വിശ്വാ​സം കെട്ടു​പ​ണി​ചെ​യ്‌തി​രി​ക്കു​ന്നവർ തിരി​ച്ച​റി​യു​ന്നു. “അന്ത്യകാ​ലത്തു” സംഭവി​ക്കു​മെന്നു ബൈബിൾ പറയു​ന്നതു ചേർച്ച​യിൽ പ്രവർത്തി​ക്കാൻ ഈ പരിജ്ഞാ​നം അവർക്ക്‌ ആത്മവി​ശ്വാ​സം പകരുന്നു. അതായത്‌: “അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർക്കും; ജാതി ജാതിക്കു നേരെ വാളോ​ങ്ങു​ക​യില്ല; അവർ ഇനി യുദ്ധം അഭ്യസി​ക്ക​യും ഇല്ല.”—യെശയ്യാ​വു 2:2-4.

യഹോ​വ​യു​ടെ സാക്ഷി​ക​ളാ​യി​ത്തീർന്നി​രി​ക്കുന്ന അനേകം ജനതക​ളിൽനി​ന്നുള്ള ആളുകൾ ഇപ്പോൾത്തന്നെ ‘യുദ്ധം അഭ്യസി​ക്കു’ന്നതിൽനിന്ന്‌ ഒഴിഞ്ഞി​രി​ക്കു​ന്നു. ദൈവ​ത്തി​ന്റെ സ്വർഗീയ സൈന്യ​ങ്ങ​ളു​ടെ സംരക്ഷ​ണ​ത്തിൽ അവർ ദൃഢവി​ശ്വാ​സം അർപ്പി​ച്ചി​രി​ക്കു​ന്നു. അവരോ​ടൊ​പ്പം ബൈബിൾ പഠിക്കു​ന്ന​തി​നാൽ നിങ്ങൾക്കും സമാന​മായ ആത്മവി​ശ്വാ​സം വളർത്തി​യെ​ടു​ക്കാ​നാ​കും.

[28-ാം പേജിലെ ചിത്ര​ത്തിന്‌ കടപ്പാട]

U.S. National Archives photo