എല്ലാ പരാതി​പ്പെ​ട​ലും തെറ്റാ​ണോ?

പരാതിപ്പെടാനാകാത്ത നീരസ​ങ്ങ​ളെ​ക്കാൾ വേദനാ​ക​ര​മാ​യി വേറെ​ന്തുണ്ട്‌?—മാർക്കി ഡെ കൂസ്റ്റിൻ, 1790-1857.

രണ്ടു വർഷ​ത്തോ​ളം അവൾ ഒരു സഹപ്ര​വർത്ത​ക​നാ​ലുള്ള ലൈം​ഗിക പീഡനം സഹിച്ചു. അവളുടെ എതിർപ്പു​കൾ ചീത്ത വിളി​യി​ലും അവഗണ​ന​യി​ലും കലാശി​ച്ചു. ഉള്ളിൽ ഉറഞ്ഞു​കൂ​ടിയ സമ്മർദം അവളുടെ ആരോ​ഗ്യ​ത്തെ ബാധി​ച്ചു​കൊ​ണ്ടി​രു​ന്നു. എന്നാൽ അവൾക്ക്‌ എന്തു ചെയ്യാൻ പറ്റുമാ​യി​രു​ന്നു? സമാന​മാ​യി, മനസ്സാക്ഷി അനുവ​ദി​ക്കാ​ഞ്ഞതു നിമിത്തം, സ്‌കൂൾ വ്യവസ്ഥ​പ്ര​കാ​ര​മുള്ള ആയോ​ധ​ന​കലാ പരിശീ​ല​ന​ങ്ങ​ളിൽ പങ്കെടു​ക്കാൻ വിസമ്മ​തി​ച്ച​തിന്‌ ക്ലാസ്സിൽ ഒന്നാമ​നാ​യി​രുന്ന ഒരു വിദ്യാർഥി​യെ സ്‌കൂ​ളിൽനി​ന്നു പുറത്താ​ക്കി. തങ്ങൾ അനീതി​ക്കി​ര​യാ​യ​താ​യി ഇരുവർക്കും തോന്നി. എന്നാൽ അവർ പരാതി​പ്പെ​ട​ണ​മോ? അങ്ങനെ ചെയ്‌തെ​ന്നി​രി​ക്കട്ടെ, അവർക്ക്‌ ആശ്വസി​ക്കാൻ വകയു​ണ്ടാ​കു​മാ​യി​രു​ന്നോ? അതോ പ്രശ്‌നം വഷളാ​കാ​നേ അത്‌ ഉതകു​മാ​യി​രു​ന്നു​ള്ളോ?

ഇത്തരത്തി​ലും മറ്റു തരത്തി​ലു​മുള്ള പരാതി​കൾ ഇന്നു സാധാ​ര​ണ​മാണ്‌. കാരണം, അപൂർണ​രായ ആളുക​ളുള്ള, ആദർശ​ര​ഹി​ത​മായ ഒരു ലോക​ത്തി​ലാ​ണു നാം വസിക്കു​ന്നത്‌. ഒരു പ്രത്യേക സ്ഥിതി​വി​ശേ​ഷ​ത്തെ​ക്കു​റിച്ച്‌ അൽപ്പസ്വൽപ്പം ഇഷ്ടക്കേ​ടോ ദുഃഖ​മോ വേദന​യോ നീരസ​മോ പ്രകടി​പ്പി​ക്കു​ന്നതു മുതൽ ഒരു കക്ഷി​ക്കെ​തി​രായ ഔപചാ​രിക ആരോ​പ​ണം​വരെ പരാതി​പ്പെടൽ വ്യത്യസ്‌ത തരത്തി​ലുണ്ട്‌. പരാതി​പ്പെ​ട​ലും ഏറ്റുമു​ട്ട​ലും ഒഴിവാ​ക്കാൻ മിക്കയാ​ളു​ക​ളും ആഗ്രഹി​ക്കു​ന്നു. എങ്കിലും ഒരുവൻ എല്ലായ്‌പോ​ഴും മൗനം പാലി​ക്ക​ണ​മോ? ബൈബി​ളി​ന്റെ വീക്ഷണ​മെ​ന്താണ്‌?

തനിക്കു​ത​ന്നെ​യും മറ്റുള്ള​വർക്കും ഉണ്ടാ​യേ​ക്കാ​വുന്ന ദ്രോ​ഹ​ക​ര​മായ ഫലങ്ങൾ

അടിക്കടി പരാതി​പ്പെ​ടുന്ന ശീലം ദ്രോ​ഹ​ക​ര​മാ​ണെ​ന്ന​തിൽ സംശയ​മില്ല. ബൈബിൾ അതിനെ കുറ്റം​വി​ധി​ക്കു​ന്നു. ഒരു പരാതി​ക്കാ​രൻ തനിക്കു​തന്നെ ശാരീ​രി​ക​വും ആത്മീയ​വു​മായ ക്ഷതം വരുത്തു​ക​യും പരാതി​ക്കു പാത്ര​മാ​യി​രി​ക്കു​ന്ന​വർക്കു ക്ലേശം വരുത്തി​വെ​ക്കു​ക​യും ചെയ്യുന്നു. പരാതി​പ്പെ​ടുന്ന ഒരു ഭാര്യ​യെ​ക്കു​റി​ച്ചു ബൈബിൾ പഴമൊ​ഴി ഇങ്ങനെ പറയുന്നു: “പെരു​മ​ഴ​യുള്ള ദിവസ​ത്തിൽ ഇടവി​ടാത്ത ചോർച്ച​യും കലഹക്കാ​ര​ത്തി​യായ സ്‌ത്രീ​യും [“ഭാര്യ​യും,” NW] ഒരു​പോ​ലെ.” (സദൃശ​വാ​ക്യ​ങ്ങൾ 27:15) യഹോ​വ​യ്‌ക്കോ അവന്റെ കരുത​ലു​ക​ളി​ലൊ​ന്നി​നോ എതി​രെ​യുള്ള പരാതി​പ്പെടൽ പ്രത്യേ​കി​ച്ചും കുറ്റക​ര​മാണ്‌. തങ്ങളുടെ 40 വർഷത്തെ മരു​പ്ര​യാ​ണ​ത്തിൽ അത്ഭുത​ക​ര​മാ​യി ലഭിച്ച മന്നാ​യെ​ക്കു​റിച്ച്‌ ഇസ്രാ​യേൽ ജനത പരാതി​പ്പെട്ടു. അതിനെ “വെറു​ക്കത്തക്ക ആഹാര”മെന്നു വിളിച്ച്‌ അനാദ​രവു കാട്ടിയ പരാതി​ക്കാ​രെ ശിക്ഷി​ക്കു​ന്ന​തിന്‌ യഹോവ വിഷപ്പാ​മ്പു​കളെ അയച്ചു. അങ്ങനെ അനേകർ മരിച്ചു.—സംഖ്യാ​പു​സ്‌തകം 21:5, 6, NW.

കൂടാതെ, സഹമനു​ഷ്യ​രിൽ കാണുന്ന “കരടു” പോലുള്ള തെറ്റു​ക​ളെ​ക്കു​റി​ച്ചു പരാതി​പ്പെ​ടാ​തെ നമ്മിൽത്ത​ന്നെ​യുള്ള, വലിയ ‘കോലു’ പോലുള്ള പോരാ​യ്‌മ​ക​ളെ​പ്പറ്റി ശരിക്കും ബോധ്യ​മു​ള്ള​വ​രാ​യി​രി​ക്കാൻ യേശു തന്റെ അനുഗാ​മി​കളെ ബുദ്ധ്യു​പ​ദേ​ശി​ച്ചു. (മത്തായി 7:1-5) സമാന​മാ​യി, മറ്റുള്ള​വരെ വിധി​ക്കു​ന്ന​തി​നെ (ഒരുതരം പരാതി​പ്പെ​ട​ലി​നെ) കുറ്റം വിധി​ച്ചു​കൊ​ണ്ടു പൗലൊസ്‌ പറഞ്ഞു: ‘അന്യനെ വിധി​ക്കുന്ന നീ അതു തന്നേ പ്രവർത്തി​ക്കു​ന്ന​തി​നാൽ പ്രതി​വാ​ദം പറവാൻ ഇല്ല.’ പരാതി​പ്പെ​ട​ലി​നെ​തി​രെ​യുള്ള ഈ മുന്നറി​യി​പ്പു​കൾ അനാവ​ശ്യ​മാ​യി വിമർശി​ക്കാ​തി​രി​ക്കാ​നും പരാതി​പ്പെടൽ മനോ​ഭാ​വം വളർത്തി​യെ​ടു​ക്കാ​തി​രി​ക്കാ​നും നമ്മെ പ്രേരി​പ്പി​ക്കണം.—റോമർ 2:1.

എല്ലാ പരാതി​പ്പെ​ട​ലും കുറ്റം​വി​ധി​ക്ക​പ്പെ​ടു​ന്നു​വോ?

എന്നാൽ, സകലവിധ പരാതി​പ്പെ​ട​ലും കുറ്റം​വി​ധി​ക്ക​പ്പെ​ടേ​ണ്ട​താ​ണെന്നു നാം നിഗമനം ചെയ്യണ​മോ? വേണ്ട, അതിന്റെ ആവശ്യ​മില്ല. നാം ജീവി​ക്കുന്ന കളങ്കപൂ​രിത ലോക​ത്തിൽ ന്യായ​മാ​യും തിരുത്തൽ വേണ്ടി​വ​രുന്ന നിരവധി അനീതി​കൾ നിലവി​ലു​ള്ള​താ​യി ബൈബിൾ സൂചി​പ്പി​ക്കു​ന്നു. അനീതി​യുള്ള ഒരു ന്യായാ​ധി​പൻ പീഡി​ത​യായ ഒരു വിധവ​യ്‌ക്കു മനസ്സി​ല്ലാ​മ​ന​സ്സോ​ടെ നീതി കൽപ്പി​ച്ച​തി​നെ​ക്കു​റിച്ച്‌ ഒരു ദൃഷ്ടാ​ന്ത​ത്തിൽ യേശു സൂചി​പ്പി​ക്കു​ക​യു​ണ്ടാ​യി. അല്ലാത്ത​പക്ഷം, ‘അവൾ എപ്പോ​ഴും വന്ന്‌ [തന്നെ] ശല്യ​പ്പെ​ടു​ത്തും’ എന്നതി​നാ​ലാണ്‌ അയാൾ അങ്ങനെ ചെയ്‌തത്‌. (ലൂക്കൊസ്‌ 18:1-8, ഓശാന ബൈബിൾ) ചിലകാ​ര്യ​ങ്ങ​ളിൽ, തെറ്റുകൾ തിരു​ത്തു​ന്ന​തു​വരെ നാമും പരാതി​പ്പെ​ട്ടു​കൊ​ണ്ടി​രി​ക്കേ​ണ്ട​താ​യി വന്നേക്കാം.

ദൈവ​രാ​ജ്യം വരേണ്ട​തി​നു പ്രാർഥി​ക്കാൻ പ്രോ​ത്സാ​ഹി​പ്പി​ച്ച​തി​ലൂ​ടെ, ഈ ലോക​ത്തി​ന്റെ ന്യൂന​തകൾ തിരി​ച്ച​റിഞ്ഞ്‌ പരിഹാ​ര​ത്തി​നാ​യി ദൈവ​ത്തോ​ടു “നിലവി​ളി”ക്കാനല്ലേ യേശു നമ്മെ പ്രേരി​പ്പി​ച്ചത്‌? (മത്തായി 6:10) പുരാതന നഗരങ്ങ​ളാ​യി​രുന്ന സൊ​ദോ​മി​ന്റെ​യും ഗൊ​മോ​ര​യു​ടെ​യും ദുഷ്ടത​യെ​ക്കു​റി​ച്ചുള്ള “പരാതി​യു​ടെ നിലവി​ളി” യഹോ​വ​യു​ടെ കാതു​ക​ളി​ലെ​ത്തി​യ​പ്പോൾ, തന്റെ പക്കൽ ‘വന്നെത്തിയ നിലവി​ളി​പോ​ലെ അവർ കേവലം പ്രവൃ​ത്തി​ച്ചി​ട്ടു​ണ്ടോ ഇല്ലയോ എന്നു നോക്കു’ന്നതിനും ഒരു പരിഹാ​രം വരുത്തു​ന്ന​തി​നും അവൻ തന്റെ ദൂതന്മാ​രെ അയച്ചു. (ഉല്‌പത്തി 18:20, 21) തദനു​സൃ​തം, ആ രണ്ടു നഗരങ്ങ​ളെ​യും അതിലെ അധാർമിക നിവാ​സി​ക​ളെ​യും നശിപ്പി​ച്ചു​കൊണ്ട്‌ യഹോവ പ്രശ്‌നം പരിഹ​രി​ച്ചു. അങ്ങനെ, തന്നോടു പരാതി​പ്പെ​ട്ട​വർക്ക്‌ അവൻ ആശ്വാ​സ​മേകി.

ക്രിസ്‌തീയ സഭ

ക്രിസ്‌തീയ സഭയി​ലുള്ള സഹോ​ദ​ര​ങ്ങ​ളു​ടെ ഇടയിൽ കാര്യങ്ങൾ വ്യത്യ​സ്‌ത​മാ​യി​രി​ക്ക​ണ​മോ? അപൂർണ​രെ​ങ്കി​ലും ക്രിസ്‌തീയ സ്‌ത്രീ​പു​രു​ഷ​ന്മാർ ദൈവത്തെ സമാധാ​ന​ത്തി​ലും ഐക്യ​ത്തി​ലും സേവി​ക്കാൻ കിണഞ്ഞു പരി​ശ്ര​മി​ക്കു​ക​യാണ്‌. എങ്കിലും, അവർക്കി​ട​യിൽ ഒരളവു​വരെ പരാതി​ക്കുള്ള കാരണങ്ങൾ ഉയർന്നു​വ​രി​ക​യും അവയ്‌ക്കു പരിഹാ​രം കണ്ടെ​ത്തേ​ണ്ടത്‌ ആവശ്യ​മാ​യി​ത്തീ​രു​ക​യും ചെയ്യുന്നു. ഒന്നാം നൂറ്റാ​ണ്ടിൽ പെന്ത​ക്കോ​സ്‌തി​നു ശേഷം താമസി​യാ​തെ അഭിഷി​ക്ത​രു​ടെ സഭയിൽ ഒരു സാഹച​ര്യം പൊന്തി​വന്നു. ക്രിസ്‌ത്യാ​നി​ക​ളാ​യി മതപരി​വർത്തനം ചെയ്യപ്പെട്ട പുതി​യ​വ​രിൽ അനേകർ കൂടു​ത​ലായ പ്രബോ​ധ​ന​ത്തി​നും പ്രോ​ത്സാ​ഹ​ന​ത്തി​നും​വേണ്ടി യെരൂ​ശ​ലേ​മിൽ തങ്ങി. ലഭ്യമാ​യി​രുന്ന ഭക്ഷ്യവ​സ്‌തു​ക്കൾ അവിടെ വിതരണം ചെയ്‌തി​രു​ന്നു. എന്നാൽ, “തങ്ങളുടെ വിധവ​മാ​രെ ദിന​മ്പ്ര​തി​യുള്ള ശുശ്രൂ​ഷ​യിൽ ഉപേക്ഷ​യാ​യി വിചാ​രി​ച്ചു എന്നു യവനഭാ​ഷ​ക്കാർ എബ്രാ​യ​ഭാ​ഷ​ക്കാ​രു​ടെ നേരെ പിറു​പി​റു​ത്തു.” ആ പരാതി​ക്കാ​രെ കുഴപ്പ​ക്കാ​രാ​യി കുറ്റം​വി​ധി​ക്കാ​തെ, പ്രശ്‌ന​ത്തി​നു പരിഹാ​രം കണ്ടെത്താൻ അപ്പോ​സ്‌ത​ല​ന്മാർ നടപടി സ്വീക​രി​ച്ചു. അതേ, ഉചിത​മായ ആദര​വോ​ടും ശരിയായ മനോ​ഭാ​വ​ത്തോ​ടും കൂടെ​യുള്ള ന്യായ​മായ പരാതി​കൾ സഭയിലെ മേൽവി​ചാ​ര​ക​ന്മാർ താഴ്‌മ​യോ​ടെ കേട്ട്‌ നടപടി സ്വീക​രി​ക്കു​ന്നു.—പ്രവൃ​ത്തി​കൾ 6:1-6; 1 പത്രൊസ്‌ 5:3.

ഉത്തരവാ​ദി​ത്വ​പ്പെ​ട്ട​വ​രു​ടെ മുമ്പാകെ

ഉചിത​മായ മനോ​ഭാ​വ​ത്തോ​ടെ, ഉത്തരവാ​ദി​ത്വ​പ്പെ​ട്ട​വ​രു​ടെ മുമ്പാ​കെ​വേണം പരാതി​പ്പെ​ടാൻ എന്നത്‌ മുകളിൽ സൂചി​പ്പിച്ച ഉദാഹ​ര​ണ​ങ്ങ​ളിൽനി​ന്നു നിങ്ങൾ മനസ്സി​ലാ​ക്കി​യോ? ദൃഷ്ടാ​ന്ത​ത്തിന്‌, ഭാരിച്ച നികുതി ചുമത്ത​ലി​നെ​ക്കു​റി​ച്ചു പൊലീ​സി​നോ​ടോ ശാരീ​രിക രോഗ​ത്തെ​ക്കു​റിച്ച്‌ ഒരു ന്യായാ​ധി​പ​നോ​ടോ പരാതി​പ്പെ​ടു​ന്നതു നിരർഥ​ക​മാ​യി​രി​ക്കും. സമാന​മാ​യി, സഭയ്‌ക്കു​ള്ളി​ലോ പുറത്തോ നിലവി​ലുള്ള സാഹച​ര്യ​ത്തെ​ക്കു​റിച്ച്‌, സഹായി​ക്കാൻ തക്കവണ്ണം എന്തെങ്കി​ലും അധികാ​ര​മോ പ്രാപ്‌തി​യോ ഇല്ലാത്ത ഒരു വ്യക്തി​യോ​ടു പരാതി​പ്പെ​ടു​ന്നത്‌ അനുചി​ത​മാ​യി​രി​ക്കും.

ഇന്നു മിക്ക നാടു​ക​ളി​ലും, ഒരു പരിധി​വരെ ആശ്വാസം കണ്ടെത്താ​മെന്ന പ്രതീ​ക്ഷ​യിൽ കോട​തി​ക​ളെ​യും മറ്റ്‌ അധികാ​രി​ക​ളെ​യും സമീപി​ക്കാൻ സാധി​ക്കും. ഈ ലേഖന​ത്തി​ന്റെ തുടക്ക​ത്തിൽ പരാമർശിച്ച വിദ്യാർഥി കോട​തി​യിൽ പരാതി​പ്പെ​ട്ട​പ്പോൾ ന്യായാ​ധി​പ​ന്മാർ അവന്‌ അനുകൂ​ല​മാ​യി വിധി കൽപ്പിച്ചു. സ്‌കൂൾ ക്ഷമചോ​ദി​ച്ചു​കൊണ്ട്‌ അവനെ തിരി​ച്ചെ​ടു​ത്തു. അതു​പോ​ലെ, ലൈം​ഗിക പീഡന​ത്തി​നി​ര​യായ ആ സ്‌ത്രീ, സ്‌ത്രീ​ജോ​ലി​ക്കാ​രു​ടെ യൂണിയൻ മുഖേന ആശ്വാസം കണ്ടെത്തി. സ്‌കൂൾ ബോർഡ്‌ അവളോ​ടു ക്ഷമാപണം നടത്തി. അവളുടെ മേലധി​കാ​രി​കൾ ലൈം​ഗിക പീഡനം നിർത്തു​ന്ന​തി​നുള്ള പടികൾ സ്വീക​രി​ച്ചു.

എന്നിരു​ന്നാ​ലും, എല്ലാ പരാതി​കൾക്കും ഒരേ പരിണ​തി​യാ​യി​രി​ക്കു​മെന്നു പ്രതീ​ക്ഷി​ക്ക​രുത്‌. ജ്ഞാനി​യായ ശലോ​മോൻ രാജാവ്‌ വസ്‌തു​നി​ഷ്‌ഠ​മാ​യി ഇങ്ങനെ അഭി​പ്രാ​യ​പ്പെട്ടു: “വളവു​ള്ളതു നേരെ ആക്കുവാൻ വഹിയാ.” (സഭാ​പ്ര​സം​ഗി 1:15) ചില കാര്യങ്ങൾ ദൈവം തന്റെ തക്ക സമയത്തു പരിഹ​രി​ക്കു​ന്ന​തി​നാ​യി കാത്തി​രി​ക്കേ​ണ്ട​തു​ണ്ടെന്നു നാം തിരി​ച്ച​റി​യു​ന്നതു നന്നായി​രി​ക്കും.

[31-ാം പേജിലെ ചിത്രം]

മൂപ്പന്മാർ ന്യായ​മായ പരാതി​കൾ കേട്ട്‌ നടപടി സ്വീക​രി​ക്കു​ന്നു