20. രക്തപ്ര​തി​കാ​ര​ക​നിൽനി​ന്നുള്ള സംരക്ഷ​ണ​ത്തി​നു​വേണ്ടി പ്രതി​മാ​തൃക സങ്കേത നഗരത്തി​ലു​ള്ളവർ എന്തു ചെയ്യണം?

²⁰ രക്തപ്ര​തി​കാ​ര​ക​നിൽനി​ന്നുള്ള സംരക്ഷ​ണ​ത്തിന്‌ അബദ്ധവ​ശാൽ കൊല​ചെ​യ്‌തവൻ സങ്കേത നഗരത്തിൽ പാർക്ക​ണ​മാ​യി​രു​ന്നു, അതിന്റെ മേച്ചൽപ്പു​റം വിട്ടു ചുറ്റി​ത്തി​രി​യാൻ പാടി​ല്ലാ​യി​രു​ന്നു. പ്രതി​മാ​തൃക സങ്കേത നഗരത്തി​ലു​ള്ള​വരെ സംബന്ധി​ച്ചെന്ത്‌? വലിയ രക്തപ്ര​തി​കാ​ര​ക​നിൽനി​ന്നുള്ള സുരക്ഷ​യെ​പ്രതി അവർ ആ നഗരം വിട്ടു​പോ​ക​രുത്‌. ഒരർഥ​ത്തിൽ ആ മേച്ചൽപ്പു​റ​ങ്ങ​ളു​ടെ അതിർവ​ര​മ്പി​ലേക്കു പോകു​ന്ന​തി​നുള്ള ആകർഷ​ണ​ങ്ങൾക്കെ​തി​രെ അവർ കാത്തു​സൂ​ക്ഷി​ക്കേ​ണ്ട​തുണ്ട്‌. സാത്താന്റെ ലോക​ത്തോ​ടു തങ്ങളുടെ ഹൃദയ​ങ്ങ​ളിൽ സ്‌നേഹം വളർത്തി​യെ​ടു​ക്കാ​തി​രി​ക്കാൻ അവർ ജാഗരൂ​ക​രാ​യി​രി​ക്കണം. ഇതിനു പ്രാർഥ​ന​യും ശ്രമവും ആവശ്യ​മാ​ണെ​ന്നു​വ​ന്നേ​ക്കാം. എന്നാൽ അവരുടെ ജീവൻ അതിനെ ആശ്രയി​ച്ചി​രി​ക്കു​ന്നു.—1 യോഹ​ന്നാൻ 2:15-17; 5:19.

പ്രജനന-യുദ്ധ ദേവി​മാർ

സിറി​യ​യി​ലെ എബ്ലയിൽ ഒരു പുരാ​വ​സ്‌തു ഗവേഷണം നടത്തി​യ​പ്പോൾ പ്രജന​ന​ത്തി​ന്റെ​യും യുദ്ധത്തി​ന്റെ​യും ബാബി​ലോ​ന്യ ദേവി​യായ ഇഷ്ടാറി​നെ ചിത്രീ​ക​രി​ക്കുന്ന ഒരു പുരാ​വ​സ്‌തു അവശിഷ്ടം കണ്ടുപി​ടി​ക്ക​പ്പെട്ടു. “ഉയരമുള്ള കൃശമായ ഒരു താങ്ങു​ത​ണ്ടി​ന്മേൽ ശിരസ്സ്‌ ഉറപ്പി​ച്ചി​രി​ക്കുന്ന . . . അസാധാ​ര​ണ​മായ ഒരു ദിവ്യ പ്രതി​മ​യു​ടെ മുമ്പിൽ മൂടു​പ​ട​മ​ണി​ഞ്ഞു​നിൽക്കുന്ന ഒരു പുരോ​ഹി​തയെ ചിത്രീ​ക​രി​ക്കുന്ന ഒരു പൂജാ​രം​ഗ​ത്തോ​ടു​കൂ​ടിയ സിലണ്ടർ ആകൃതി​യി​ലുള്ള മുദ്ര”യായി പുരാ​വ​സ്‌തു ഗവേഷ​ക​നായ പൗലോ മാത്തേയ്‌ അതിനെ വർണി​ക്കു​ന്നു.

ആ കണ്ടുപി​ടി​ത്തം പ്രാധാ​ന്യ​മുള്ള ഒന്നാണ്‌. കാരണം ആ വിഗ്രഹം പൊ.യു.മു. (പൊതു​യു​ഗ​ത്തി​നു​മുമ്പ്‌) 18-ാം നൂറ്റാ​ണ്ടി​ന്റെ ആരംഭ​ത്തി​ലു​ള്ള​താണ്‌. മാത്തേയ്‌ പറയു​ന്ന​ത​നു​സ​രിച്ച്‌, ഇഷ്ടാർ ആരാധ​ന​യ്‌ക്ക്‌ 2,000 വർഷത്തെ പഴക്കമു​ള്ള​താ​യി അതു “തർക്കമറ്റ തെളിവ്‌” നൽകുന്നു.

ഇഷ്ടാർ ആരാധന തുടങ്ങി​യതു ബാബി​ലോ​നി​ലാണ്‌. തുടർന്നു​വന്ന നൂറ്റാ​ണ്ടു​ക​ളിൽ അതു റോമാ സാമ്രാ​ജ്യ​ത്തി​ലു​ട​നീ​ളം വ്യാപി​ച്ചു. വാഗ്‌ദത്ത ദേശത്തു​നി​ന്നു വ്യാജാ​രാ​ധ​ന​യു​ടെ സകല കണിക​ക​ളും തുടച്ചു​നീ​ക്കാൻ യഹോവ ഇസ്രാ​യേ​ല്യ​രോ​ടു കൽപ്പിച്ചു. എന്നാൽ അതു ചെയ്യാൻ അവർ പരാജ​യ​പ്പെ​ട്ട​തു​കൊണ്ട്‌ അസ്‌തോ​രെ​ത്തി​ന്റെ (ഇഷ്ടാറി​ന്റെ കനാന്യ കൂട്ടാ​ളി​യു​ടെ) ആരാധന അവർക്കൊ​രു കെണി​യാ​യി.—ആവർത്ത​ന​പു​സ്‌തകം 7:2, 5; ന്യായാ​ധി​പ​ന്മാർ 10:6.

ഇഷ്ടാറും അവളുടെ കൂട്ടാ​ളി​യായ അസ്‌തോ​രെ​ത്തും അസ്‌തി​ത്വ​ത്തി​ലി​ല്ലെ​ന്നു​വ​രി​കി​ലും അവർ പ്രതി​നി​ധാ​നം​ചെയ്‌ത സ്വഭാ​വ​വി​ശേ​ഷങ്ങൾ—അധാർമി​ക​ത​യും അക്രമ​വും—വിപു​ല​വ്യാ​പ​ക​മാണ്‌. ഈ പ്രജനന-യുദ്ധ ദേവി​മാ​രെ ആരാധി​ച്ചി​രുന്ന ആ പുരാതന സംസ്‌കാ​ര​ങ്ങ​ളിൽനി​ന്നു തികച്ചും വ്യത്യ​സ്‌ത​മാ​ണോ വാസ്‌ത​വ​ത്തിൽ ആധുനിക സമുദാ​യം എന്നു നാം ചോദി​ക്കു​ന്നതു നന്നായി​രി​ക്കും.