നിങ്ങളു​ടെ സഹായം ആവശ്യ​മുണ്ട്‌

¹ “ഞങ്ങൾക്കു​വേണ്ടി നിങ്ങൾ ചെയ്യുന്ന സകല കാര്യ​ങ്ങൾക്കും നന്ദി. അവ എത്ര സഹായകം ആണെന്നോ!” ആ വാക്കുകൾ മൂപ്പന്മാ​രോ​ടും ശുശ്രൂ​ഷാ​ദാ​സ​ന്മാ​രോ​ടും നമുക്കുള്ള കൃതജ്ഞ​തയെ നന്നായി പ്രതി​ഫ​ലി​പ്പി​ക്കു​ന്നു. ഇന്നു ലോക​വ്യാ​പ​ക​മാ​യി ഏകദേശം 1,00,000 സഭകളുള്ള ദൈവ​ത്തി​ന്റെ സംഘടന അനുദി​നം വളർന്നു​കൊ​ണ്ടി​രി​ക്കു​ക​യാണ്‌. അതിനാൽ, സേവന​ത​ത്‌പ​ര​രായ പക്വത​യുള്ള പുരു​ഷ​ന്മാ​രു​ടെ ആവശ്യ​വും ഏറിവ​രു​ന്നു. സ്‌നാ​പ​ന​മേറ്റ ഒരു ക്രിസ്‌തീയ സഹോ​ദ​ര​നാ​ണോ നിങ്ങൾ? എങ്കിൽ നിങ്ങളു​ടെ സഹായം ഇക്കാര്യ​ത്തിൽ ആവശ്യ​മാണ്‌.

² ‘എത്തിപ്പി​ടി​ക്കൽ’: കൂടു​ത​ലായ സേവന​പ​ദ​വി​കൾ എത്തിപ്പി​ടി​ക്കാൻ നിങ്ങൾക്ക്‌ എങ്ങനെ കഴിയും? (1 തിമൊ. 3:1, NW) ജീവി​ത​ത്തി​ന്റെ എല്ലാ മണ്ഡലങ്ങ​ളി​ലും മറ്റുള്ള​വർക്ക്‌ ഒരു നല്ല മാതൃ​ക​വെ​ക്കുക എന്നതാണ്‌ അടിസ്ഥാന സംഗതി. (1 തിമൊ. 4:12; തീത്തൊ. 2:6-8; 1 പത്രൊ. 5:3) പ്രസം​ഗ​പ്ര​വർത്ത​ന​ത്തിൽ പൂർണ​മാ​യി പങ്കുപ​റ്റു​ക​യും അപ്രകാ​രം ചെയ്യാൻ മറ്റുള്ള​വരെ സഹായി​ക്കു​ക​യും ചെയ്യുക. (2 തിമൊ. 4:5) സഹവി​ശ്വാ​സി​ക​ളു​ടെ ക്ഷേമത്തിൽ ആത്മാർഥ താത്‌പ​ര്യ​മെ​ടു​ക്കുക. (റോമ. 12:13) ദൈവ​വ​ചനം ശുഷ്‌കാ​ന്തി​യോ​ടെ പഠിക്കുക, മറ്റുള്ള​വരെ ‘പ്രബോ​ധി​പ്പി​ക്കാ​നുള്ള’ പ്രാപ്‌തി അഥവാ പഠിപ്പി​ക്കൽ കല വളർത്തി​യെ​ടു​ക്കുക. (തീത്തൊ. 1:9; 1 തിമൊ. 4:13) മൂപ്പന്മാർ നിങ്ങൾക്കു നൽകുന്ന നിയമ​നങ്ങൾ ഉത്സാഹ​പൂർവം നിർവ​ഹി​ക്കുക. (1 തിമൊ. 3:10) നിങ്ങൾ ഒരു കുടും​ബ​നാ​ഥൻ ആണെങ്കിൽ, ‘സ്വന്തകു​ടും​ബത്തെ നന്നായി ഭരിക്കുക’ അഥവാ പരിപാ​ലി​ക്കുക.—1 തിമൊ. 3:4, 5, 12.

³ ഒരു നിയമിത ശുശ്രൂ​ഷകൻ എന്നനി​ല​യിൽ സേവി​ക്കു​ന്ന​തിൽ ത്യാഗ​മ​നോ​ഭാ​വ​വും കഠിനാ​ധ്വാ​ന​വും ഉൾപ്പെ​ട്ടി​രി​ക്കു​ന്നു. (1 തിമൊ. 5:17) അതു​കൊണ്ട്‌, പദവികൾ എത്തിപ്പി​ടി​ക്കാൻ ശ്രമി​ക്കു​മ്പോൾ മറ്റുള്ള​വർക്കു താഴ്‌മ​യോ​ടെ ശുശ്രൂഷ ചെയ്യു​ന്ന​തിൽ ശ്രദ്ധ കേന്ദ്രീ​ക​രി​ക്കുക. (മത്താ. 20:25-28; യോഹ. 13:3-5, 12-17) തിമൊ​ഥെ​യൊ​സി​ന്റെ മനസ്സൊ​രു​ക്ക​ത്തെ​ക്കു​റി​ച്ചു ധ്യാനി​ക്കു​ക​യും അത്‌ അനുക​രി​ക്കാൻ ശ്രമി​ക്കു​ക​യും ചെയ്യുക. (ഫിലി. 2:20-22) കൂടുതൽ നിയമ​നങ്ങൾ ഏറ്റെടു​ക്കാൻ നല്ല നടത്ത അവനെ യോഗ്യ​നാ​ക്കി. അങ്ങനെ​തന്നെ, നല്ല നടത്തയാൽ നിങ്ങളു​ടെ യോഗ്യ​ത​യും തെളി​യി​ക്കുക. (പ്രവൃ. 16:1, 2) കൂടു​ത​ലായ പദവികൾ കൈകാ​ര്യം ചെയ്യാൻ ആവശ്യ​മായ ആത്മീയ ഗുണങ്ങൾ നട്ടുവ​ളർത്തു​ക​യും നിങ്ങളു​ടെ പുരോ​ഗ​മ​ന​ത്തി​നാ​യി മറ്റുള്ളവർ നൽകി​യേ​ക്കാ​വുന്ന ഏതൊരു ബുദ്ധി​യു​പ​ദേ​ശ​വും ബാധക​മാ​ക്കു​ക​യും ചെയ്യു​മ്പോൾ ‘നിങ്ങളു​ടെ അഭിവൃ​ദ്ധി എല്ലാവർക്കും പ്രസി​ദ്ധ​മാ​യി​ത്തീ​രും.’—1 തിമൊ. 4:15.

⁴ മാതാപിതാക്കളേ, സഹായി​ക്കാൻ നിങ്ങളു​ടെ കുട്ടി​കളെ പരിശീ​ലി​പ്പി​ക്കുക: മറ്റുള്ള​വരെ സഹായി​ക്കാൻ ചെറുപ്പം മുതലേ കുട്ടി​കൾക്കു പഠിക്കാൻ കഴിയും. യോഗ​ങ്ങ​ളു​ടെ സമയത്ത്‌ ശ്രദ്ധി​ച്ചി​രി​ക്കാ​നും സുവാർത്ത പ്രസം​ഗി​ക്കാ​നും രാജ്യ​ഹാ​ളി​ലും സ്‌കൂ​ളി​ലും മാതൃ​കാ​പ​ര​മായ നടത്ത കാഴ്‌ച​വെ​ക്കാ​നും അവരെ പരിശീ​ലി​പ്പി​ക്കുക. രാജ്യ​ഹാൾ വൃത്തി​യാ​ക്കു​ന്ന​തിൽ പങ്കുപ​റ്റുക, പ്രായ​മാ​യ​വരെ സഹായി​ക്കുക തുടങ്ങിയ കാര്യ​ങ്ങ​ളി​ലൂ​ടെ ശുശ്രൂഷ ചെയ്യു​ന്ന​തിൽ സന്തോഷം കണ്ടെത്താൻ അവരെ പ്രോ​ത്സാ​ഹി​പ്പി​ക്കുക. കൊടു​ക്കു​ന്ന​തി​ലൂ​ടെ ലഭിക്കുന്ന സന്തോഷം അനുഭ​വി​ച്ച​റി​യാൻ അവരെ അനുവ​ദി​ക്കുക. (പ്രവൃ. 20:35) അത്തരം പരിശീ​ലനം ഭാവി​യിൽ പയനി​യർമാ​രും ശുശ്രൂ​ഷാ​ദാ​സ​ന്മാ​രും മൂപ്പന്മാ​രും ആയിത്തീ​രാൻ അവരെ സഹായി​ക്കും.

പുരോ​ഗ​മ​നാ​ത്മ​ക​മായ ബൈബി​ള​ധ്യ​യ​നങ്ങൾ നടത്തൽ

ഭാഗം 4: തയ്യാറാ​കാൻ വിദ്യാർഥി​കളെ പരിശീ​ലി​പ്പി​ക്കൽ

¹ പഠനഭാഗം മുൻകൂ​ട്ടി വായി​ച്ചു​വെ​ക്കു​ക​യും ഉത്തരങ്ങൾ അടയാ​ള​പ്പെ​ടു​ത്തു​ക​യും സ്വന്തം വാക്കു​ക​ളിൽ അവ എങ്ങനെ പറയാ​മെന്നു ചിന്തി​ക്കു​ക​യും ചെയ്യുന്ന ഒരു വിദ്യാർഥി പെട്ടെന്ന്‌ ആത്മീയ പുരോ​ഗതി കൈവ​രി​ക്കു​ന്നു. അതു​കൊണ്ട്‌, ഒരു അധ്യയനം ക്രമമു​ള്ള​താ​യി​ത്തീ​രു​മ്പോൾ അധ്യയ​ന​ത്തി​നു തയ്യാറാ​കു​ന്നത്‌ എങ്ങനെ​യെന്നു കാണി​ച്ചു​കൊ​ടു​ക്കാൻ വിദ്യാർഥി​യോ​ടൊ​പ്പം ഒരു പഠനഭാ​ഗം തയ്യാറാ​കുക. ഒരു അധ്യായം അല്ലെങ്കിൽ ഒരു പാഠം മുഴുവൻ ഉൾപ്പെ​ടു​ത്തി​ക്കൊണ്ട്‌ അങ്ങനെ ചെയ്യു​ന്നത്‌ മിക്ക വിദ്യാർഥി​കൾക്കും സഹായകം ആയിരി​ക്കും.

² ഉത്തരങ്ങൾ അടയാ​ള​പ്പെ​ടു​ത്തൽ, കുറി​പ്പു​കൾ എഴുതൽ: അച്ചടിച്ച ചോദ്യ​ങ്ങ​ളു​ടെ നേരി​ട്ടുള്ള ഉത്തരം കണ്ടുപി​ടി​ക്കു​ന്നത്‌ എങ്ങനെ​യെന്നു വിശദീ​ക​രി​ക്കുക. അധ്യയ​ന​ത്തിന്‌ ഉപയോ​ഗി​ക്കുന്ന നിങ്ങളു​ടെ പുസ്‌ത​ക​ത്തിൽ നിങ്ങൾ മുഖ്യ പദങ്ങളും പദപ്ര​യോ​ഗ​ങ്ങ​ളും മാത്രം അടയാ​ള​പ്പെ​ടു​ത്തി​യി​രി​ക്കു​ന്നത്‌ വിദ്യാർഥി​യെ കാണി​ച്ചു​കൊ​ടു​ക്കുക. പഠനഭാ​ഗം പരിചി​ന്തി​ക്കവേ, നിങ്ങളു​ടെ മാതൃക അനുക​രി​ച്ചു​കൊണ്ട്‌ ഉത്തരം ഓർക്കാൻ ആവശ്യ​മാ​യതു മാത്രം പുസ്‌ത​ക​ത്തിൽ അടയാ​ള​പ്പെ​ടു​ത്താൻ വിദ്യാർഥി​യും ആഗ്രഹി​ച്ചേ​ക്കാം. (ലൂക്കൊ. 6:40) സ്വന്തം വാക്കു​ക​ളിൽ ഉത്തരം പറയാൻ വിദ്യാർഥി​യോ​ടു പറയുക. വിവരങ്ങൾ വിദ്യാർഥിക്ക്‌ എത്ര​ത്തോ​ളം മനസ്സി​ലാ​കു​ന്നു​ണ്ടെന്നു കാണാൻ ഇതു നിങ്ങളെ സഹായി​ക്കും.

³ അധ്യയനത്തിനായി തയ്യാറാ​കു​മ്പോൾ, പരാമർശി​ക്കുക മാത്രം ചെയ്‌തി​ട്ടുള്ള തിരു​വെ​ഴു​ത്തു​ക​ളും വിദ്യാർഥി ശ്രദ്ധാ​പൂർവം പരി​ശോ​ധി​ക്കു​ന്നതു പ്രധാ​ന​മാണ്‌. (പ്രവൃ. 17:11) അങ്ങനെ കൊടു​ത്തി​ട്ടുള്ള ഓരോ തിരു​വെ​ഴു​ത്തു​ക​ളും ഖണ്ഡിക​യി​ലെ ഏതെങ്കി​ലും ഒരു ആശയത്തെ പിന്താ​ങ്ങു​ന്നു​ണ്ടെന്നു മനസ്സി​ലാ​ക്കാൻ അദ്ദേഹത്തെ സഹായി​ക്കുക. പാഠപു​സ്‌ത​ക​ത്തി​ന്റെ മാർജി​നിൽ കുറി​പ്പു​കൾ എഴുതു​ന്നത്‌ എങ്ങനെ​യെന്നു കാണി​ച്ചു​കൊ​ടു​ക്കുക. പഠിക്കുന്ന കാര്യ​ങ്ങ​ളു​ടെ അടിസ്ഥാ​നം ബൈബിൾ ആണെന്ന വസ്‌തുത ഊന്നി​പ്പ​റ​യുക. പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ കഴിയു​ന്നത്ര ഉൾപ്പെ​ടു​ത്തി​ക്കൊണ്ട്‌ ഉത്തരം പറയാൻ പ്രോ​ത്സാ​ഹി​പ്പി​ക്കുക.

⁴ അവലോകനവും പുനര​വ​ലോ​ക​ന​വും: പാഠഭാ​ഗം സമഗ്ര​മാ​യി തയ്യാറാ​കാൻ തുടങ്ങു​ന്ന​തി​നു​മുമ്പ്‌, വിഷയം സംബന്ധിച്ച്‌ ഒരു അവലോ​കനം നടത്തു​ന്നത്‌ വിദ്യാർഥി​യെ സഹായി​ക്കും. അധ്യാ​യ​ത്തി​ന്റെ തലക്കെ​ട്ടും ഉപതല​ക്കെ​ട്ടു​ക​ളും ചിത്ര​ങ്ങ​ളും മറ്റും ഹ്രസ്വ​മാ​യി പരിചി​ന്തി​ക്കു​ന്ന​തി​ലൂ​ടെ വിഷയം അവലോ​കനം ചെയ്യാൻ കഴിയു​മെന്നു ചൂണ്ടി​ക്കാ​ട്ടുക. തയ്യാറാ​കൽ അവസാ​നി​പ്പി​ക്കു​ന്ന​തി​നു​മുമ്പ്‌, പഠനഭാ​ഗത്ത്‌ അവതരി​പ്പി​ച്ചി​ട്ടുള്ള പ്രധാന ആശയങ്ങൾ പുനര​വ​ലോ​കനം ചെയ്യാൻ അൽപ്പസ​മയം എടുക്കു​ന്നത്‌ ജ്ഞാനം ആയിരി​ക്കു​മെന്നു വിശദീ​ക​രി​ക്കുക. പുനര​വ​ലോ​കന ചതുരം ഉണ്ടെങ്കിൽ അത്‌ ഉപയോ​ഗി​ച്ചു​കൊണ്ട്‌ അങ്ങനെ ചെയ്യാ​വു​ന്ന​താണ്‌. പഠിച്ച കാര്യങ്ങൾ ഒരിക്കൽക്കൂ​ടി ഓർമി​ക്കു​ന്നത്‌ വിവരങ്ങൾ മനസ്സിൽ തങ്ങിനിൽക്കാൻ സഹായി​ക്കും.

⁵ അധ്യയനത്തിനായി നന്നായി തയ്യാറാ​കാൻ വിദ്യാർഥി​യെ പരിശീ​ലി​പ്പി​ക്കു​ന്നത്‌ സഭാ​യോ​ഗ​ങ്ങ​ളിൽ നല്ല ഉത്തരം പറയാ​നും അദ്ദേഹത്തെ സഹായി​ക്കും. കൂടാതെ, അങ്ങനെ സ്വായ​ത്ത​മാ​ക്കുന്ന പഠന ശീലങ്ങൾ വർഷങ്ങൾക്കു​ശേ​ഷ​വും—നിങ്ങൾ അദ്ദേഹ​ത്തോ​ടൊ​പ്പം നടത്തിയ ബൈബി​ള​ധ്യ​യനം പൂർത്തി​യാ​യ​ശേ​ഷ​വും—വിദ്യാർഥി​ക്കു പ്രയോ​ജനം ചെയ്യും.