“അവൻ ക്ഷീണി​ച്ചി​രി​ക്കു​ന്ന​വന്നു ശക്തി നൽകുന്നു”

¹ നമുക്കെല്ലാം ഇടയ്‌ക്കി​ടെ ക്ഷീണം തോന്നാ​റുണ്ട്‌. ജോലി​യും മറ്റു കായി​കാ​ധ്വാ​ന​വും മാത്ര​മാ​യി​രി​ക്കില്ല ഇതിനു കാരണ​മാ​കു​ന്നത്‌. നാം ജീവി​ക്കുന്ന ഈ ‘ദുർഘ​ട​സ​മ​യ​ങ്ങ​ളു​ടെ’ പ്രത്യേ​ക​ത​ക​ളായ പല പ്രശ്‌ന​ങ്ങ​ളും നമ്മെ ക്ഷീണി​പ്പി​ച്ചേ​ക്കാം. (2 തിമൊ. 3:1) എന്നാൽ യഹോ​വ​യു​ടെ ദാസന്മാ​രായ നമുക്ക്‌ ശുശ്രൂ​ഷ​യിൽ മടുത്തു​പോ​കാ​തെ തുടരു​ന്ന​തിന്‌ ആവശ്യ​മായ ആത്മീയ ബലം നേടാൻ എങ്ങനെ കഴിയും? യഹോവ “ശക്തിയു​ടെ ആധിക്യം” ഉള്ളവനാ​ക​യാൽ അവനിൽ ആശ്രയി​ക്കു​ന്നതു നമ്മെ ശക്തരാ​ക്കി​ത്തീർക്കും. (യെശ. 40:26) നമ്മുടെ ആവശ്യ​ങ്ങ​ളെ​ക്കു​റിച്ച്‌ അവനറി​യാം, സഹായി​ക്കാൻ അവൻ സന്നദ്ധനു​മാണ്‌.—1 പത്രൊ. 5:7.

² യഹോവയുടെ കരുത​ലു​കൾ: ഈ പ്രപഞ്ചം സൃഷ്ടി​ക്കാൻ യഹോവ ഉപയോ​ഗിച്ച പരിശു​ദ്ധാ​ത്മാ​വെന്ന തന്റെ അപ്രതി​രോ​ധ്യ ശക്തിയാ​ലാണ്‌ അവൻ നമ്മെ ഊർജ​സ്വ​ല​രാ​ക്കു​ന്നത്‌. ക്ഷീണി​ത​രാ​യാൽ ‘ശക്തി പുതു​ക്കാൻ’ ദൈവാ​ത്മാവ്‌ നമ്മെ സഹായി​ക്കും. (യെശ. 40:31) അതു​കൊണ്ട്‌ നമ്മോ​ടു​തന്നെ ഇപ്രകാ​രം ചോദി​ക്കുക: ‘ക്രിസ്‌തീയ ഉത്തരവാ​ദി​ത്വ​ങ്ങൾ നിർവ​ഹി​ക്കു​ന്ന​തിന്‌ പരിശു​ദ്ധാ​ത്മാ​വി​നെ നൽകി എന്നെ ശക്തീക​രി​ക്ക​ണമേ എന്നു ഞാൻ മുമ്പ്‌ എപ്പോ​ഴാ​ണു പ്രാർഥി​ച്ചത്‌?’—ലൂക്കൊ. 11:11-13.

³ ദൈവത്തിന്റെ നിശ്വസ്‌ത വചനം ദൈനം​ദി​നം വായിച്ച്‌ ധ്യാനി​ക്കു​ന്ന​തും നമ്മുടെ ക്രിസ്‌തീയ പ്രസി​ദ്ധീ​ക​ര​ണങ്ങൾ ക്രമമാ​യി പഠിച്ചു​കൊണ്ട്‌ ആത്മീയ​മാ​യി നമ്മെത്തന്നെ പോഷി​പ്പി​ക്കു​ന്ന​തും, “ആറ്റരി​കത്തു നട്ടിരി​ക്കു​ന്ന​തും തക്കകാ​ലത്തു ഫലം കായ്‌ക്കു​ന്ന​തും ഇല വാടാ​ത്ത​തു​മായ വൃക്ഷം​പോ​ലെ” ഓജസ്സു​ള്ള​വ​രാ​യി​രി​ക്കാൻ നമ്മെ സഹായി​ക്കും.—സങ്കീ. 1:2, 3.

⁴ യഹോവ സഹവി​ശ്വാ​സി​ക​ളി​ലൂ​ടെ​യും നമ്മെ ആശ്വസി​പ്പി​ക്കു​ക​യും ശക്തീക​രി​ക്കു​ക​യും ചെയ്യു​ന്നുണ്ട്‌. (കൊലൊ. 4:10, 11) സഭാ​യോ​ഗ​ങ്ങൾക്കു ഹാജരാ​കു​മ്പോൾ, അവരുടെ പ്രചോ​ദ​നാ​ത്മ​ക​മായ സംഭാ​ഷ​ണ​വും അഭി​പ്രാ​യ​ങ്ങ​ളും പ്രസം​ഗ​ങ്ങ​ളും എല്ലാം നമ്മെ ബലിഷ്‌ഠ​മാ​ക്കു​ന്നു. (പ്രവൃ. 15:32) വിശേ​ഷാൽ ക്രിസ്‌തീയ മൂപ്പന്മാർ നമ്മെ ആത്മീയ​മാ​യി സഹായി​ക്കു​ക​യും പ്രോ​ത്സാ​ഹി​പ്പി​ക്കു​ക​യും ചെയ്യുന്നു.—യെശ. 32:1, 2.

⁵ ശുശ്രൂഷ: നിങ്ങൾക്കു മടുപ്പു തോന്നി​യാ​ലും പ്രസം​ഗ​വേല നിറു​ത്ത​രുത്‌! മറ്റനേകം പ്രവർത്ത​ന​ങ്ങ​ളിൽനി​ന്നു വ്യത്യ​സ്‌ത​മാ​ണിത്‌. എന്തെന്നാൽ, ക്രമമാ​യി പ്രസം​ഗ​വേ​ല​യിൽ ഏർപ്പെ​ടു​ന്നതു നമ്മെ നവോ​ന്മി​ഷി​ത​രാ​ക്കു​ന്നു. (മത്താ. 11:28-30) സുവാർത്ത ഘോഷി​ക്കു​ന്നത്‌ ദൈവ​രാ​ജ്യ​ത്തിൽ ദൃഷ്ടി പതിപ്പി​ക്കു​ന്ന​തി​നും നിത്യ​ത​യും അതിന്റെ അനു​ഗ്ര​ഹ​ങ്ങ​ളും കണ്മുമ്പിൽ നിറു​ത്തു​ന്ന​തി​നും നമ്മെ സഹായി​ക്കും.

⁶ ഈ ദുഷ്ടവ്യ​വ​സ്ഥി​തി നശിപ്പി​ക്ക​പ്പെ​ടു​ന്ന​തി​നു മുമ്പ്‌ ഒരുപാ​ടു വേല ചെയ്‌തു​തീർക്കേ​ണ്ട​തുണ്ട്‌. ‘ദൈവ​ത്തിൽനി​ന്നു ലഭിക്കുന്ന ശക്തി​കൊണ്ട്‌’ സേവന​ത്തിൽ ഉറപ്പു​ള്ള​വ​രാ​യി നില​കൊ​ള്ളാൻ നമുക്ക്‌ സകല കാരണ​വു​മുണ്ട്‌. (1 പത്രൊ. 4:11, പി.ഒ.സി. ബൈബിൾ) യഹോ​വ​യു​ടെ സഹായ​ത്താൽ നാം നമ്മുടെ വേല പൂർത്തീ​ക​രി​ക്കും, എന്തെന്നാൽ “അവൻ ക്ഷീണി​ച്ചി​രി​ക്കു​ന്ന​വന്നു ശക്തി നല്‌കു​ന്നു.”—യെശ. 40:29.