ധൈര്യ​ത്തോ​ടെ​യും വിവേ​ക​ത്തോ​ടെ​യും പ്രസം​ഗി​ക്ക

സൂക്ഷി​ച്ചു​വെ​ക്കു​ക

¹ വർത്തമാ​ന​കാല സാഹച​ര്യ​ങ്ങളെ നേരി​ടാൻ സജ്ജരാ​കുക: അഖിലാണ്ഡ പരമാ​ധി​കാ​രി​യായ യഹോ​വ​യാം ദൈവ​വും, രാജാ​വും ക്രിസ്‌തീയ സഭയുടെ തലവനു​മായ യേശു​ക്രി​സ്‌തു​വും നമ്മുടെ പ്രവർത്ത​ന​ങ്ങ​ളിൽ നമ്മോ​ടൊ​പ്പ​മുണ്ട്‌. ബൈബി​ളി​ലൂ​ടെ​യും യേശു ഉപയോ​ഗി​ക്കുന്ന അടിമ​യിൽനി​ന്നു നമുക്കു ലഭിക്കുന്ന നല്ല ഉപദേ​ശ​ങ്ങ​ളി​ലൂ​ടെ​യും നാം സജ്ജരാ​ക്ക​പ്പെ​ടു​ന്നു.—2 തിമൊ. 3:17; മത്താ. 24:45-47; 28:20ബി.

² “ഈ ലോക​ത്തി​ന്റെ രൂപം” നിരന്തരം മാറി​ക്കൊ​ണ്ടി​രി​ക്കു​ക​യാണ്‌. (1 കൊരി. 7:31) അതോ​ടൊ​പ്പം നമ്മുടെ ശുശ്രൂ​ഷ​യിൽ വിശേ​ഷിച്ച്‌ വീടു​തോ​റു​മുള്ള പ്രവർത്ത​ന​ത്തിൽ നാം നേരി​ടുന്ന വെല്ലു​വി​ളി​ക​ളും വർധി​ക്കു​ക​യാണ്‌. സാഹച​ര്യ​ങ്ങൾ മാറി​യ​പ്പോൾ, തങ്ങൾ ശുശ്രൂഷ നിർവ​ഹി​ക്കുന്ന വിധത്തിൽ മാറ്റങ്ങൾ വരുത്താൻ ഒന്നാം നൂറ്റാ​ണ്ടി​ലും ക്രിസ്‌ത്യാ​നി​കൾ തയ്യാറാ​കേ​ണ്ട​തു​ണ്ടാ​യി​രു​ന്നു. (ലൂക്കൊ. 22:35, 36) നമ്മുടെ ശുശ്രൂഷ നിർവ​ഹി​ക്കു​ന്ന​തിൽ വിവേകം പ്രകട​മാ​ക്കേ​ണ്ട​തു​ണ്ടെ​ങ്കി​ലും ഭയപ്പെ​ടേണ്ട യാതൊ​രു ആവശ്യ​വു​മില്ല, നമുക്കാ​വ​ശ്യ​മായ ശക്തിക്കു​വേണ്ടി യഹോ​വ​യി​ലേക്കു നോക്കാൻ സാധി​ക്കും.—ഫിലി. 1:28.

³ എതിർപ്പി​ന്മ​ധ്യേ​യും നമ്മുടെ ശുശ്രൂഷ നിർവ​ഹി​ക്കു​ന്ന​തി​നു സഹായ​ക​മായ വിവരങ്ങൾ എഴുത്തു​ക​ളി​ലൂ​ടെ​യും സേവന​യോഗ പരിപാ​ടി​കൾ മുഖേ​ന​യും 2003-ൽ നൽകി​യി​രു​ന്നു. എന്നിരു​ന്നാ​ലും ഈ നിർദേ​ശങ്ങൾ കാലാ​നു​സൃ​ത​മാ​യി പരിഷ്‌ക്ക​രി​ക്കേ​ണ്ടി​യി​രി​ക്കു​ന്നു. സമയം കടന്നു​പോ​കവേ, നൽകി​യി​രുന്ന നിർദേ​ശങ്ങൾ പിൻപ​റ്റു​ന്ന​തിൽ പല സഭകളും വീഴ്‌ച​വ​രു​ത്തി​യ​താ​യി കാണ​പ്പെ​ടു​ന്നു. എന്നാലി​പ്പോൾ ശുശ്രൂ​ഷ​യോ​ടുള്ള എതിർപ്പു വർധിച്ചു വരുന്ന​തി​നാൽ നിർദേ​ശങ്ങൾ അനുസ​രി​ക്കു​ന്ന​തിൽ നാം ശ്രദ്ധയു​ള്ള​വ​രാ​യി​രി​ക്കണം. രാജ്യ​ത്തി​ന്റെ വിവിധ ഭാഗങ്ങ​ളിൽ നാം നേരി​ടുന്ന എതിർപ്പു​കൾ ഒരേ തരത്തി​ലോ അളവി​ലോ ഉള്ളതല്ല. അതു​കൊണ്ട്‌ പ്രാ​ദേ​ശിക സാഹച​ര്യ​ങ്ങ​ള​നു​സ​രിച്ച്‌ നാം ഈ നിർദേ​ശങ്ങൾ ബാധക​മാ​ക്കണം. പ്രശ്‌നങ്ങൾ ഒഴിവാ​ക്കു​ക​യെ​ന്ന​താണ്‌ നമ്മുടെ ലക്ഷ്യം, അതാണ്‌ പ്രശ്‌നങ്ങൾ ഉണ്ടായ​ശേഷം അവ പരിഹ​രി​ക്കു​ന്ന​തി​നേ​ക്കാൾ നല്ലത്‌. അതു​കൊ​ണ്ടു നിലവിൽ പ്രശ്‌ന​ങ്ങ​ളൊ​ന്നും ഇല്ലെങ്കിൽപ്പോ​ലും ഈ ലേഖന​ത്തിൽ പ്രതി​പാ​ദി​ക്കുന്ന നിർദേ​ശങ്ങൾ നാം ബാധക​മാ​ക്കണം.

⁴ ഈ ലേഖന​ത്തിൽ ചർച്ച​ചെ​യ്‌തി​രി​ക്കുന്ന തിരു​വെ​ഴു​ത്ത​ധി​ഷ്‌ഠി​ത​വും പ്രാ​യോ​ഗി​ക​വു​മായ നിർദേ​ശ​ങ്ങൾക്കു പുറമേ, നിയമ​പ​ര​മാ​യി നമുക്കുള്ള അവകാ​ശ​ങ്ങ​ളെ​പ്പ​റ്റി​യും ശുശ്രൂ​ഷ​യി​ന്മ​ധ്യേ അറസ്റ്റു​ചെ​യ്യ​പ്പെ​ട്ടാൽ എന്തു ചെയ്യണം എന്നതി​നെ​ക്കു​റി​ച്ചും ബ്രാ​ഞ്ചോ​ഫീസ്‌ ഉടൻതന്നെ കൂടുതൽ വിവരങ്ങൾ പ്രദാ​നം​ചെ​യ്യു​ന്ന​താണ്‌. ഈ വിവരങ്ങൾ നിങ്ങൾക്കു വ്യക്തി​പ​ര​മാ​യി സഹായ​ക​മാ​യി​രി​ക്കും, കൂടാതെ നിങ്ങളെ സഹായി​ക്കാൻ എന്തു ചെയ്യണ​മെന്നു മനസ്സി​ലാ​ക്കാൻ കഴിയു​മെ​ന്ന​തി​നാൽ മൂപ്പന്മാ​രു​ടെ സംഘത്തി​നും ഇതു പ്രയോ​ജ​നം​ചെ​യ്യും.

⁵ എതിർപ്പു​കൾക്കു മധ്യേ​യും യഹോ​വ​യോ​ടു വിശ്വ​സ്‌ത​രാ​യി നില​കൊ​ള്ളേ​ണ്ടതു നമ്മുടെ വ്യക്തി​പ​ര​മായ ഉത്തരവാ​ദി​ത്വ​മാ​ണെന്നു നമുക്ക​റി​യാം. (2 തിമൊ. 3:12) എങ്കിലും ഇക്കാര്യ​ത്തിൽ ബ്രാ​ഞ്ചോ​ഫീ​സി​ന്റെ പൂർണ പിന്തുണ നിങ്ങൾക്കെ​ല്ലാ​വർക്കും ഉണ്ടായി​രി​ക്കു​മെന്ന്‌ ഉറപ്പു​നൽകു​ന്നു. നമ്മുടെ പല സഹോ​ദ​ര​ങ്ങ​ളു​ടെ​യും കാര്യ​ത്തിൽ സംഭവി​ച്ചി​ട്ടു​ള്ള​തു​പോ​ലെ നിങ്ങൾക്കും സംഭവി​ച്ചാൽ—ഉദാഹ​ര​ണ​ത്തിന്‌, എതിരാ​ളി​കൾ സംഘം​ചേർന്നു നിങ്ങളെ പോലീസ്‌ സ്റ്റേഷനി​ലേ​ക്കോ കോട​തി​യി​ലേ​ക്കോ കൊണ്ടു​പോ​കു​ന്നെ​ങ്കിൽ—മത്തായി 10:17-20-ലെ ബുദ്ധി​യു​പ​ദേശം ഓർക്കുക. അതേസ​മയം മൂപ്പന്മാർ, ഇതി​നോ​ടകം നൽകി​യി​ട്ടുള്ള നിർദേ​ശങ്ങൾ പിൻപ​റ്റു​ന്ന​തി​നു​പു​റമേ ബ്രാ​ഞ്ചോ​ഫീ​സി​ലേക്കു താമസം​വി​നാ ഫോൺചെ​യ്യു​ക​യും വേണം. തന്റെ സംഘടന മുഖാ​ന്തരം യഹോവ നമ്മെ പിന്തു​ണ​യ്‌ക്കു​മെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാം.—യെശ. 54:17; ഫിലി. 1:7, 27-29.

⁶ ശുശ്രൂ​ഷ​യിൽ നാം എതിർപ്പു​കൾ നേരി​ടു​ന്നത്‌ എന്തു​കൊണ്ട? അടിസ്ഥാന കാരണം, വെളി​പ്പാ​ടു 12-ാം അധ്യായം 12-ഉം 17-ഉം വാക്യ​ങ്ങ​ളിൽ വിവരി​ച്ചി​രി​ക്കു​ന്ന​തു​പോ​ലെ സാത്താൻ അവന്റെ ക്രോധം അഴിച്ചു​വി​ട്ടി​രി​ക്കു​ന്നു എന്നതാണ്‌. ഈ “അന്ത്യകാ​ലത്ത്‌” പല സ്ഥലത്തും സമയത്തും അവൻ എതിർപ്പു​കൾ ഇളക്കി​വി​ട്ടി​ട്ടുണ്ട്‌. (2 തിമൊ. 3:1) ജീവര​ക്ഷാ​ക​ര​മായ സന്ദേശ​ത്തി​നു ചെവി​കൊ​ടു​ക്കു​ന്ന​തിൽനിന്ന്‌ ആളുകളെ തടയാൻ അവൻ ആഗ്രഹി​ക്കു​ന്നു. അതു​പോ​ലെ, നിരു​ത്സാ​ഹി​ത​രാ​ക്കി​യോ പേടി​പ്പി​ച്ചോ പ്രസംഗ പ്രവർത്ത​ന​ത്തിൽനി​ന്നു നമ്മെ പിന്തി​രി​പ്പി​ക്കേ​ണ്ട​തും അവന്റെ ആവശ്യ​മാണ്‌. ഇതുവരെ ഇക്കാര്യ​ത്തിൽ അവൻ ഒരിട​ത്തും വിജയി​ച്ചി​ട്ടില്ല, ഇനി​യൊ​ട്ടു വിജയി​ക്കു​ക​യു​മില്ല. എതിർപ്പു​കൾ നേരി​ട്ടി​ട്ടും വിവിധ രാജ്യ​ങ്ങ​ളിൽ നമ്മുടെ സഹോ​ദ​രങ്ങൾ യഹോ​വ​യു​ടെ ശക്തിയാൽ പിടി​ച്ചു​നിന്ന്‌ അവന്റെ സാക്ഷി​ക​ളെന്ന നിലയിൽ സുവാർത്താ ഘോഷണം മുടങ്ങാ​തെ നടത്തി​യത്‌ എങ്ങനെ​യെ​ന്ന​റി​യാൻ, ഘോഷകർ (ഇംഗ്ലീഷ്‌) പുസത​ക​മോ നമ്മുടെ വാർഷി​ക​പു​സ്‌ത​ക​ങ്ങ​ളോ വായി​ക്കു​കയേ വേണ്ടൂ.—പ്രവൃ. 5:42.

⁷ നമ്മുടെ പ്രദേ​ശത്തെ ആളുക​ളു​ടെ തീവ്ര​മ​ത​വി​കാ​ര​മാ​യി​രി​ക്കാം ചില​പ്പോ​ഴെ​ല്ലാം എതിർപ്പു​കൾക്കു കാരണം. (പ്രവൃ. 19:23-29) നാം നിയമ​വി​രുദ്ധ മതപരി​വർത്തനം നടത്തു​ന്നു​വെന്ന വ്യാജ ആരോ​പണം ഉയർന്നേ​ക്കാം. തിരു​വെ​ഴുത്ത്‌ ഉപയോ​ഗി​ച്ചു​കൊണ്ട്‌ മറ്റു മതസ്ഥരു​ടെ വിശ്വാ​സങ്ങൾ ഖണ്ഡിക്കു​ക​യോ അവരുടെ ദൈവ​ങ്ങളെ നിന്ദി​ക്കു​ക​യോ ചെയ്‌തു​കൊണ്ട്‌ മതസൗ​ഹാർദം തകർക്കു​ന്നു​വെന്ന കുറ്റം നമ്മു​ടെ​മേൽ ആരോ​പി​ച്ചേ​ക്കാം. എന്നാൽ അത്തരം ആരോ​പ​ണ​ങ്ങ​ളെ​ല്ലാം അടിസ്ഥാ​ന​ര​ഹി​ത​മാണ്‌. കാരണം, ആരെയും പ്രകോ​പി​പ്പി​ക്കാ​തെ ആദരപൂർവം നമ്മുടെ അയൽക്കാ​രു​മാ​യി സുവാർത്ത പങ്കു​വെ​ക്കുക മാത്രമേ നാം ചെയ്യു​ന്നു​ള്ളൂ. അതിനു ചേർച്ച​യിൽ പ്രവർത്തി​ക്ക​ണ​മോ വേണ്ടയോ എന്നുള്ളത്‌ അവർക്കു വിട്ടി​രി​ക്കുന്ന കാര്യ​മാണ്‌.—പ്രവൃ. 17:22-28; റോമ. 14:12; കൊലൊ. 4:6.

⁸ ശുശ്രൂ​ഷ​യിൽ ഏർപ്പെ​ടു​മ്പോൾ പിന്തു​ട​രേണ്ട തത്ത്വങ്ങൾ: ധൈര്യ​മു​ള്ള​വ​രാ​യി​രി​ക്കുക. യഹോ​വ​യു​ടെ സാക്ഷികൾ മനുഷ്യ​രു​ടെ പ്രീതി പിടി​ച്ചു​പ​റ്റാൻ ശ്രമി​ക്കു​ന്ന​വ​രോ അവരെ ഭയക്കു​ന്ന​വ​രോ അല്ല. (സദൃ. 29:25; എഫെ. 6:6; w93 7/1 പേ. 23) അപ്പൊ​സ്‌ത​ല​ന്മാ​രെ​പ്പോ​ലെ നാമും, ദൈവദത്ത നിയമനം നിർവ​ഹി​ക്കു​ന്ന​തിൽനിന്ന്‌ നമ്മെ തടയാൻ എതിരാ​ളി​കളെ അനുവ​ദി​ക്കില്ല.—പ്രവൃ. 5:29.

⁹ ജാഗ്ര​ത​യു​ള്ള​വ​രാ​യി​രി​ക്കുക. യേശു​വും മറ്റു വിശ്വസ്‌ത ദൈവ​ദാ​സ​രും സാഹച​ര്യ​ങ്ങൾക്ക​നു​സൃ​ത​മാ​യി പീഡന​ങ്ങ​ളോ​ടു വ്യത്യസ്‌ത വിധങ്ങ​ളിൽ പ്രതി​ക​രി​ച്ചെ​ങ്കി​ലും ആരും​തന്നെ തങ്ങളുടെ ജീവൻ അനാവ​ശ്യ​മാ​യി അപകട​ത്തി​ലാ​ക്കി​യില്ല. ആപത്‌ക്ക​ര​മായ സാഹച​ര്യ​ങ്ങ​ളിൽ അവർ ധൈര്യം കൈവി​ട്ടില്ല, അതേസ​മയം അവർ ജാഗ്ര​ത​യു​ള്ള​വ​രും ആയിരു​ന്നു. (മത്താ. 10:16, 23) സുവാർത്താ​പ്ര​സം​ഗം അഭിവൃ​ദ്ധി​പ്പെ​ടു​ത്തുക, യഹോ​വ​യോ​ടു വിശ്വ​സ്‌തത പാലി​ക്കുക—അതായി​രു​ന്നു അവരുടെ ലക്ഷ്യം. വ്യത്യസ്‌ത സാഹച​ര്യ​ങ്ങ​ളിൽ അവർ എങ്ങനെ പ്രതി​ക​രി​ച്ചു എന്നത്‌ ഇന്ന്‌ എതിർപ്പു​ക​ളും പീഡന​ങ്ങ​ളും നേരി​ടു​ന്ന​വർക്കൊ​രു നല്ല മാതൃകയാണ്‌.—w03 10/1 പേ. 14 ഖ. 4 കാണുക.

¹⁰ പ്രതി​കാ​രം ചെയ്യരുത്‌. യേശു​വും അപ്പൊ​സ്‌ത​ല​ന്മാ​രും സമ്മർദ​പൂ​രി​ത​മായ സാഹച​ര്യ​ങ്ങൾ കൈകാ​ര്യം​ചെയ്‌ത വിധത്തിൽനിന്ന്‌ നമുക്കു പഠിക്കാ​നാ​കുന്ന മറ്റൊരു തത്ത്വം പ്രതി​കാ​രം ചെയ്യരുത്‌ എന്നതാണ്‌. യേശു​വോ അവന്റെ അനുഗാ​മി​ക​ളോ തങ്ങളെ പീഡി​പ്പി​ച്ച​വരെ ചെറു​ക്കു​ന്ന​തിന്‌ ഏതെങ്കി​ലും തരത്തി​ലുള്ള പ്രസ്ഥാ​നങ്ങൾ ഉണ്ടാക്കു​ക​യോ ബലം പ്രയോ​ഗി​ക്കു​ക​യോ ചെയ്‌ത​താ​യി ബൈബി​ളിൽ യാതൊ​രു സൂചന​യു​മില്ല. റോമർ 12:17-21-ലെ പൗലൊസ്‌ അപ്പൊ​സ്‌ത​ലന്റെ ഉപദേശം നാം കർശന​മാ​യി പിൻപ​റ്റണം.—സദൃ. 20:22.

¹¹ കഴിവ​തും പ്രശ്‌നങ്ങൾ ഒഴിവാ​ക്കുക. ഓടി​പ്പോ​കു​ന്നതു ജ്ഞാനവും ധീരത​യും ആയിരി​ക്കുന്ന ചില സന്ദർഭങ്ങൾ ഉണ്ടെന്നു ബൈബിൾ വ്യക്തമാ​ക്കു​ന്നു. ആ സത്യം സ്ഥിരീ​ക​രി​ച്ചു​കൊണ്ട്‌ തന്റെ ശിഷ്യ​ന്മാ​രെ ശുശ്രൂ​ഷ​യ്‌ക്ക്‌ അയയ്‌ക്കു​ന്ന​തി​നു മുമ്പായി യേശു അവരോ​ടു പറഞ്ഞു: “ഒരു പട്ടണത്തിൽ നിങ്ങളെ ഉപദ്ര​വി​ച്ചാൽ മറ്റൊ​ന്നി​ലേക്കു ഓടി​പ്പോ​കു​വിൻ.” (മത്താ. 10:23) അതേ, യേശു​വി​ന്റെ ശിഷ്യ​ന്മാർ തങ്ങളെ പീഡി​പ്പി​ക്കു​ന്ന​വ​രിൽനിന്ന്‌ ഓടി​പ്പോ​കേ​ണ്ടി​യി​രു​ന്നു. ബലാത്‌കാ​രേണ പരിവർത്തനം ചെയ്യി​ക്കുക എന്ന ലക്ഷ്യത്തിൽ അവർ കുരി​ശു​യു​ദ്ധം പോലുള്ള എന്തി​ലെ​ങ്കി​ലും ഏർപ്പെ​ടാൻ പാടി​ല്ലാ​യി​രു​ന്നു. സമാധാ​ന​ത്തി​ന്റെ സന്ദേശ​മാണ്‌ അവരുടെ പക്കൽ ഉണ്ടായി​രു​ന്നത്‌. (മത്താ. 10:11-14; പ്രവൃ. 10:34-37) അതു​കൊണ്ട്‌ കോപാ​കു​ല​രാ​കു​ന്ന​തി​നു പകരം ക്രിസ്‌ത്യാ​നി​കൾ ഓടി​പ്പോ​ക​ണ​മാ​യി​രു​ന്നു, പ്രകോ​പനം ഉണ്ടാകു​ന്നി​ട​ത്തു​നിന്ന്‌ അകന്നു​നിൽക്ക​ണ​മാ​യി​രു​ന്നു. ആ വിധത്തിൽ, ഒരു നല്ല മനസ്സാ​ക്ഷി​യും യഹോ​വ​യു​മാ​യുള്ള തങ്ങളുടെ അമൂല്യ​ബ​ന്ധ​വും നിലനി​റു​ത്താൻ അവർക്കു സാധിച്ചു.—2 കൊരി. 4:1, 2; w02 4/15 പേ. 32 കാണുക.

¹² യോഗ്യ​രാ​യ​വരെ അന്വേ​ഷി​ക്കുക. എല്ലാവ​രും അനുകൂ​ല​മാ​യി പ്രതി​ക​രി​ക്കി​ല്ലെന്നു യേശു തന്റെ ശിഷ്യ​ന്മാ​രോ​ടു സൂചി​പ്പി​ച്ചി​രു​ന്നു. അവൻ പറഞ്ഞു: “ഏതു പട്ടണത്തി​ലോ ഗ്രാമ​ത്തി​ലോ കടക്കു​മ്പോൾ അവിടെ യോഗ്യൻ ആർ എന്നു അന്വേ​ഷി​പ്പിൻ.” എല്ലാവ​രും രാജ്യ​സ​ന്ദേശം സ്വീക​രി​ക്കു​മെ​ന്നു​ണ്ടെ​ങ്കിൽ “അന്വേ​ഷി​പ്പിൻ” എന്നു പറയേ​ണ്ട​തി​ല്ലാ​യി​രു​ന്നു. സന്ദേശ​ത്തിൽ താത്‌പ​ര്യം കാണി​ക്കാ​ത്ത​വ​രോട്‌ എങ്ങനെ പ്രതി​ക​രി​ക്ക​ണ​മാ​യി​രു​ന്നു? “ആരെങ്കി​ലും നിങ്ങളെ കൈ​ക്കൊ​ള്ളാ​തെ​യും നിങ്ങളു​ടെ വചനങ്ങളെ കേൾക്കാ​തെ​യു​മി​രു​ന്നാൽ ആ വീടോ പട്ടണമോ വിട്ടു പോകു​മ്പോൾ നിങ്ങളു​ടെ കാലിലെ പൊടി തട്ടിക്ക​ള​വിൻ,” എന്നിട്ട്‌ സമാധാ​ന​ത്തിൽ പോവുക. യഹോവ അവരെ ന്യായം​വി​ധി​ക്കട്ടെ.—മത്താ. 10:11, 14; w88 7/15 പേ. 11 ഖ. 9 കാണുക.

¹³ വിവേ​ക​മു​ള്ള​വ​രാ​യി​രി​ക്കുക. പ്രശ്‌നങ്ങൾ ഉണ്ടാകാൻ സാധ്യ​ത​യുള്ള സാഹച​ര്യ​ങ്ങൾ കഴിവ​തും ഒഴിവാ​ക്കുക. ബൈബിൾ പറയുന്നു: “സൂക്ഷ്‌മ​ബു​ദ്ധി​യോ തന്റെ നടപ്പു സൂക്ഷി​ച്ചു​കൊ​ള്ളു​ന്നു.” (സദൃ. 14:15) “കലഹം തുടങ്ങും​മു​മ്പേ ഒഴിഞ്ഞു​പോ​കൂ” എന്നുകൂ​ടി അത്‌ ഉപദേ​ശി​ക്കു​ന്നു. (സദൃ. 17:14, ഓശാന ബൈബിൾ) പ്രശ്‌ന​സാ​ധ്യ​ത​യുള്ള പ്രദേ​ശങ്ങൾ ഒഴിവാ​ക്കു​ന്നത്‌ സൂക്ഷ്‌മ​ബു​ദ്ധി​യോ​ടെ നടക്കു​ന്ന​തിൽ ഉൾപ്പെ​ടു​ന്നു. ഒറ്റയ്‌ക്കു പ്രവർത്തി​ക്കു​ന്നതു ജ്ഞാനമ​ല്ലാത്ത സ്ഥലങ്ങളിൽ മറ്റൊരു പ്രസാ​ധ​കനെ കൂടെ കൂട്ടുക. അപ്പാർട്ടു​മെ​ന്റു​ക​ളിൽ പ്രവർത്തി​ക്കു​മ്പോൾ ഒരു നിലയിൽത്തന്നെ പല പ്രസാ​ധകർ പ്രവർത്തി​ക്കു​ന്ന​തും സാധ്യ​മാ​കു​മ്പോ​ഴൊ​ക്കെ​യും സഹോ​ദ​ര​ന്മാർ നേതൃ​ത്വം എടുക്കു​ന്ന​തും അഭികാ​മ്യ​മാ​യി​രി​ക്കും. വീടു​ക​ളി​ലേക്കു കടന്നി​രി​ക്കാ​നുള്ള ക്ഷണം വിവേ​ക​ത്തോ​ടെ മാത്രമേ സ്വീക​രി​ക്കാ​വൂ.

¹⁴ മൂപ്പന്മാ​രു​ടെ സംഘം ചെയ്യേ​ണ്ടത്‌: സേവന​ക്ക​മ്മി​റ്റി​യു​ടെ നേതൃ​ത്വ​ത്തിൽ മൂപ്പന്മാർ സഭയുടെ മുഴു പ്രദേ​ശ​വും വീണ്ടും വിലയി​രു​ത്തി, മതവി​കാ​രങ്ങൾ ആളിക്ക​ത്തി​ക്കുന്ന ആളുകൾ താമസി​ക്കുന്ന സ്ഥലങ്ങൾ കുറി​ക്കൊ​ള്ളണം. മിക്ക കേസു​ക​ളി​ലും ഇത്തരം ആളുകൾ അടുത്ത​ടു​ത്താ​യി​രി​ക്കും താമസി​ക്കുക. മതവി​കാ​രം ഇളക്കി​വി​ടുന്ന ഒറ്റപ്പെട്ട വ്യക്തി​ക​ളു​ടെ വീടു​ക​ളും ടെറി​ട്ടറി മാപ്പ്‌ കാർഡിൽ (territory map card) രേഖ​പ്പെ​ടു​ത്തി​വെ​ക്കണം. അത്തരം വീടു​ക​ളും സ്ഥലങ്ങളും ഒഴിവാ​ക്കണം. സഭയ്‌ക്കു പ്രവർത്തി​ക്കാൻ മറ്റു പ്രദേ​ശ​ങ്ങ​ളുണ്ട്‌, മെച്ചപ്പെട്ട ഫലങ്ങൾ അവി​ടെ​നി​ന്നു ലഭി​ച്ചേ​ക്കാം.

¹⁵ വയൽസേവന യോഗ​ങ്ങ​ളു​ടെ ക്രമീ​ക​ര​ണങ്ങൾ പുനര​വ​ലോ​കനം ചെയ്യുക. പ്രശ്‌ന​സാ​ധ്യ​ത​യുള്ള പ്രദേ​ശ​ങ്ങ​ളിൽ താമസി​ക്കുന്ന സഹോ​ദ​ര​ങ്ങ​ളു​ടെ വീടു​ക​ളിൽ ഇത്തരം യോഗങ്ങൾ നടത്തു​ന്നത്‌ ഒഴിവാ​ക്കുക. വയൽസേവന പ്രദേ​ശത്ത്‌ വലിയ കൂട്ടങ്ങ​ളാ​യി പോകാ​തി​രി​ക്കു​ന്ന​താണ്‌ നല്ലത്‌. അതു​പോ​ലെ ഉച്ചത്തിൽ സംസാ​രി​ക്കു​ന്ന​തും പ്രദേശം പ്രവർത്തി​ച്ച​ശേഷം ഒരു സ്ഥലത്തു കൂട്ടം​കൂ​ടു​ന്ന​തും മറ്റു വിധങ്ങ​ളിൽ ആളുക​ളു​ടെ ശ്രദ്ധയാ​കർഷി​ക്കു​ന്ന​തും വിവേ​ക​പൂർവം ഒഴിവാ​ക്കുക.

¹⁶ മേൽപ്ര​സ്‌താ​വി​ച്ച​തി​നോ​ടുള്ള യോജി​പ്പിൽ 1998 നവംബ​റി​ലെ നമ്മുടെ രാജ്യ ശുശ്രൂ​ഷ​യു​ടെ അഞ്ചാമത്തെ പേജ്‌ പറഞ്ഞു: “നല്ല സംഘാ​ടനം ഉണ്ടെങ്കിൽ, പെട്ടെന്നു ദൃശ്യ​മായ വിധത്തിൽ അനേകം പ്രസാ​ധകർ ഒരു പ്രദേ​ശത്ത്‌ കൂടി​വ​രു​ന്നത്‌ ഒഴിവാ​ക്കാൻ സാധി​ക്കും. അനേകം കാറു​ക​ളോ മോ​ട്ടോർ ബൈക്കു​ക​ളോ സ്‌കൂ​ട്ട​റു​ക​ളോ വാനു​ക​ളോ തങ്ങളുടെ വീടിന്റെ മുന്നിൽ വന്ന്‌, അവയിൽനിന്ന്‌ അനേകം പേർ ഇറങ്ങു​മ്പോൾ ചില വീട്ടു​കാർക്കു ഭയം തോന്നു​ന്നു. വീടുകൾ ‘ആക്രമി​ക്കു​ന്നു’ എന്ന പ്രതീതി ഉളവാ​ക്കാൻ നാം ആഗ്രഹി​ക്കു​ന്നില്ല. പ്രദേ​ശത്തു പ്രവർത്തി​ക്കു​ന്ന​തി​നുള്ള ക്രമീ​ക​ര​ണങ്ങൾ വയൽസേവന യോഗ​ത്തിൽ വെച്ചു​തന്നെ നടത്താ​വു​ന്ന​താണ്‌. ഒരു കുടും​ബം പോലുള്ള ചെറി​യൊ​രു കൂട്ടം പ്രസാ​ധകർ വീട്ടു​കാ​രിൽ ഭയം ഉണർത്തു​ക​യില്ല എന്നു മാത്രമല്ല, തന്മൂലം പ്രദേ​ശത്ത്‌ പ്രവർത്തി​ക്കു​ന്ന​തിന്‌ ഇടയ്‌ക്ക്‌ പുനഃ​സം​ഘാ​ട​ന​ത്തി​ന്റെ ആവശ്യം വരുന്ന​തു​മില്ല.”

¹⁷ ഒരു പ്രദേ​ശത്ത്‌ വ്യത്യസ്‌ത ഭാഷക​ളി​ലുള്ള സഭകൾ പ്രവർത്തി​ക്കു​ന്നു​ണ്ടെ​ങ്കിൽ ആ പ്രദേശം പ്രവർത്തി​ക്കു​ന്ന​തി​നോ​ടുള്ള ബന്ധത്തിൽ സകലവും “ഉചിത​മാ​യും ക്രമമാ​യും” നടക്കു​ന്നു​വെന്നു മൂപ്പന്മാർ ഉറപ്പു​വ​രു​ത്തണം. (1 കൊരി. 14:40) ഇവി​ടെ​യും, വയൽസേ​വ​ന​ക്കൂ​ട്ട​ങ്ങ​ളി​ലേക്ക്‌ അനാവ​ശ്യ​മാ​യി ശ്രദ്ധപ​തി​യു​ന്നി​ല്ലെന്ന്‌ ഉറപ്പു​വ​രു​ത്തു​ക​യാ​ണു ലക്ഷ്യം.

¹⁸ ഓരോ​രു​ത്ത​രും എന്തു ചെയ്യണം? സഭയുടെ വയൽസേവന പ്രവർത്ത​ന​ത്തോ​ടുള്ള ബന്ധത്തിൽ ചില മാറ്റങ്ങൾ ആവശ്യ​മാ​യി വന്നേക്കാ​മെ​ന്ന​തി​നാൽ ആ ക്രമീ​ക​ര​ണ​ങ്ങൾക്കു കീഴട​ങ്ങി​യി​രു​ന്നു​കൊ​ണ്ടു​വേണം നാം പ്രവർത്തി​ക്കേ​ണ്ടത്‌.

¹⁹ പുസ്‌ത​ക​മോ മാസി​ക​യോ ലഘു​ലേ​ഖ​യോ മറ്റോ സമർപ്പി​ക്കു​ന്ന​തി​നു​മുമ്പ്‌ വീട്ടു​കാ​രൻ സന്ദേശം കേൾക്കാൻ സന്നദ്ധനാ​ണോ എന്നു മനസ്സി​ലാ​ക്കു​ന്നതു ജ്ഞാനമാണ്‌. ബൈബി​ളിൽനി​ന്നുള്ള ഒരു ശുഭവാർത്ത അറിയി​ക്കുക എന്നതാണു നമ്മുടെ അടിസ്ഥാന ലക്ഷ്യം. വീട്ടു​കാ​രൻ സമാധാ​ന​ത്തിൽ ഇടപെ​ടു​ന്നു എന്നു കണ്ടുക​ഴി​ഞ്ഞാൽ അനു​യോ​ജ്യ​മായ ഒരു പ്രസി​ദ്ധീ​ക​രണം നമുക്കു നൽകാ​നാ​യേ​ക്കും.

²⁰ ശുശ്രൂ​ഷ​യിൽ ആയിരി​ക്കു​മ്പോൾ ചുറ്റു​പാ​ടും എന്തു നടക്കുന്നു എന്നതി​നെ​ക്കു​റി​ച്ചു നാം ജാഗ്ര​ത​യു​ള്ളവർ ആയിരി​ക്കണം. വീട്ടു​കാ​രന്റെ പ്രതി​ക​രണം പ്രതി​കൂ​ല​മാ​ണെന്നു കണ്ടാൽ സശ്രദ്ധം വിനയ​ത്തോ​ടെ സംഭാ​ഷണം അവസാ​നി​പ്പിച്ച്‌ അവി​ടെ​നി​ന്നു പോകുക, ആവശ്യ​മെ​ങ്കിൽ ആ പ്രദേ​ശം​തന്നെ വിട്ടു​പോ​കുക. രണ്ടുപേർ ഒരുമി​ച്ചുള്ള ശുശ്രൂ​ഷ​യിൽ, രണ്ടു​പേ​രും ചർച്ചയിൽ മുഴു​കു​ന്ന​തി​നു പകരം, ആർക്കും സംശയം ജനിപ്പി​ക്കാത്ത വിധത്തിൽ ഒരാൾക്ക്‌ ചുറ്റു​പാ​ടു​മുള്ള സാഹച​ര്യ​ങ്ങ​ളിൽ കണ്ണോ​ടി​ക്കാൻ സാധി​ക്കും. സാധാ​ര​ണ​യാ​യി, നമ്മുടെ പ്രവർത്തനം ഒരാൾ നിരീ​ക്ഷി​ക്കു​ക​യും അയാൾ പിന്നീട്‌ മറ്റുള്ള​വരെ വിളി​ച്ചു​കൂ​ട്ടു​ക​യു​മാണ്‌ ചെയ്യു​ന്നത്‌.

²¹ തെറ്റി​ദ്ധാ​രണ ഉളവാ​ക്കി​യേ​ക്കാ​വുന്ന വാക്കുകൾ ഒഴിവാ​ക്കുക. ഉദാഹ​ര​ണ​ത്തിന്‌, ബൈബി​ളിൽനി​ന്നുള്ള ഒരു സുവാർത്ത ‘അറിയി​ക്കുക’ എന്നതാണു സന്ദർശ​നോ​ദ്ദേ​ശ്യ​മെന്നു നമുക്കു പറയാ​വു​ന്ന​താണ്‌. എന്തെങ്കി​ലും പ്രസി​ദ്ധീ​ക​രണം ‘നൽകാ​നാ​ണു’ വന്നത്‌ എന്നു പറയു​ന്ന​പക്ഷം, നാം പരിവർത്ത​ന​ത്തി​നു ശ്രമി​ക്കു​ക​യാ​ണെന്ന്‌ ആളുകൾ ചിന്തി​ച്ചേ​ക്കാ​മെ​ന്ന​തി​നാൽ അതൊ​ഴി​വാ​ക്കണം. അവരുടെ ആരാധനാ സമ്പ്രദാ​യ​ങ്ങ​ളെ​ക്കു​റി​ച്ചോ വിഗ്ര​ഹാ​രാ​ധ​ന​യെ​ക്കു​റി​ച്ചോ മറ്റോ അഭി​പ്രാ​യം ചോദി​ച്ചാൽ, ഇത്തരം കാര്യങ്ങൾ തീരു​മാ​നി​ക്കാ​നോ ആളുക​ളു​ടെ മതവി​ശ്വാ​സത്തെ അംഗീ​ക​രി​ക്കാ​നോ നിരാ​ക​രി​ക്കാ​നോ അല്ല വന്നിരി​ക്കു​ന്നത്‌ എന്നു പറയാൻ കഴിയും. ഇക്കാര്യ​ങ്ങ​ളിൽ അവരാണു തീരു​മാ​ന​മെ​ടു​ക്കേ​ണ്ടത്‌. ബൈബി​ളിൽനി​ന്നുള്ള നല്ല വിവരങ്ങൾ പങ്കു​വെ​ക്കാ​നാ​ണു നമ്മൾ ആഗ്രഹി​ക്കു​ന്നത്‌, കേൾക്ക​ണോ വേണ്ടയോ എന്നു തീരു​മാ​നി​ക്കേ​ണ്ടത്‌ അവരാണ്‌.

²² നമ്മുടെ വസ്‌ത്ര​ധാ​രണം, ബാഗ്‌ ഇവയൊ​ന്നും നമ്മി​ലേ​ക്കും നമ്മുടെ ശുശ്രൂ​ഷ​യി​ലേ​ക്കും അനാവശ്യ ശ്രദ്ധ വിളി​ച്ചു​വ​രു​ത്തു​ന്നത്‌ ആയിരി​ക്ക​രുത്‌. നമ്മുടെ വസ്‌ത്രം മാന്യ​മാ​യി​രി​ക്കണം, എന്നാൽ മറ്റുരാ​ജ്യ​ങ്ങ​ളി​ലെ മാതൃക അനുസ​രിച്ച്‌ ഒരു പ്രത്യേക ‘സ്റ്റാൻഡേർഡ്‌’ ഒന്നും അതിനു​വേണ്ടി നാം ഉണ്ടാ​ക്കേ​ണ്ട​തില്ല. ബൈബി​ളും ഏതാനും സാഹി​ത്യ​ങ്ങ​ളും, ആളുക​ളു​ടെ ശ്രദ്ധയാ​കർഷി​ക്കാത്ത തരത്തി​ലുള്ള ചെറി​യൊ​രു ബാഗിൽ കൊണ്ടു​പോ​കാൻ സാധി​ക്കും.

²³ മറ്റുള്ള​വ​രു​ടെ ശ്രദ്ധയാ​കർഷി​ക്കുന്ന വിധത്തിൽ വീട്ടു​കാ​രു​മാ​യി വളരെ ഉച്ചത്തിൽ സംസാ​രി​ക്കു​ന്ന​തും അഭില​ഷ​ണീ​യമല്ല. ഉച്ചത്തി​ലുള്ള സംഭാ​ഷണം ആളുകളെ കൂട്ടാ​നും അതിലാ​രെ​ങ്കി​ലും നമ്മുടെ പ്രവർത്ത​നത്തെ എതിർക്കാ​നു​മുള്ള സാധ്യ​ത​യു​ണ്ടെന്ന്‌ അനുഭ​വങ്ങൾ തെളി​യി​ക്കു​ന്നു.

²⁴ വീടി​നു​ള്ളിൽ കടന്നി​രി​ക്കാ​നുള്ള ക്ഷണം സ്വീക​രി​ക്കു​ന്ന​തിൽ ജാഗ്രത കാണി​ക്കുക. എതിരാ​ളി​കൾ അവരുടെ ആളുകളെ ഫോൺചെ​യ്‌തും മറ്റും കൂട്ടി​വ​രു​ത്തു​ന്ന​തു​വരെ സഹോ​ദ​ര​ങ്ങളെ ആ പ്രദേ​ശത്തു പിടി​ച്ചു​നി​റു​ത്തു​ന്ന​തി​നു​വേണ്ടി ചില​പ്പോൾ ഈ മാർഗം അവലം​ബി​ക്കാ​റുണ്ട്‌. നിങ്ങൾ സംസാ​രി​ക്കു​ന്ന​തി​നി​ട​യിൽ വീട്ടു​കാ​രൻ ഫോൺചെ​യ്യു​ക​യോ വീട്ടിലെ മറ്റാ​രോ​ടെ​ങ്കി​ലും ഫോൺചെ​യ്യാൻ ആവശ്യ​പ്പെ​ടു​ക​യോ ചെയ്‌താൽ അവി​ടെ​നി​ന്നു പോരാൻ സമയമാ​യി എന്നു കണക്കാ​ക്കുക.

²⁵ ലക്ഷ്യം ഓർക്കുക: യോഗ്യ​രാ​യ​വരെ അതായത്‌ നമ്മുടെ സന്ദേശം കേൾക്കാൻ താത്‌പ​ര്യ​മുള്ള ആളുകളെ തിരയുക എന്നതാണു നമ്മുടെ ലക്ഷ്യം. എന്നാൽ സുവാർത്താ ഘോഷ​ണത്തെ തടസ്സ​പ്പെ​ടു​ത്താ​നോ തടയാ​നോ തക്കം​നോ​ക്കി​യി​രി​ക്കു​ന്ന​വ​രു​ടെ ശ്രദ്ധ ആകർഷി​ക്കാത്ത വിധത്തിൽവേണം നാമതു ചെയ്യാൻ.

²⁶ യഹോ​വ​യു​ടെ പിന്തു​ണ​യിൽ ആശ്രയി​ക്കുക: ഈ നിർദേ​ശ​ങ്ങൾക്കു ചേർച്ച​യിൽ ശുശ്രൂഷ നിർവ​ഹി​ക്കു​മ്പോൾ യഹോ​വ​യു​ടെ പിന്തുണ നമുക്കു​ണ്ടാ​യി​രി​ക്കും. (യെശ. 54:17; ഫിലി. 4:13) യേശു ശിഷ്യ​ന്മാർക്കു കൊടുത്ത നിർദേശം സൂചി​പ്പി​ക്കു​ന്ന​തു​പോ​ലെ, നിലവി​ലുള്ള സാഹച​ര്യ​ങ്ങൾക്ക്‌ ഇണങ്ങും​വി​ധം മാറ്റങ്ങൾ വരുത്തു​ന്നതു ജ്ഞാനപൂർവ​ക​മാണ്‌, അതു തിരു​വെ​ഴു​ത്തു​കൾക്കു ചേർച്ച​യി​ലു​മാണ്‌. (മത്താ. 10:5-23) ശുശ്രൂ​ഷ​യി​ലാ​യി​രി​ക്കു​മ്പോൾ, അനൗപ​ചാ​രിക സാക്ഷീ​ക​രണം നടത്തു​മ്പോൾപ്പോ​ലും, നല്ല വിവേകം പ്രകട​മാ​ക്കുക; ചുറ്റു​പാ​ടു​കൾ ജാഗ്ര​ത​യോ​ടെ വീക്ഷി​ക്കുക. നിത്യ​ജീ​വ​നി​ലേ​ക്കുള്ള യഹോ​വ​യു​ടെ ഊഷ്‌മള ക്ഷണത്തോട്‌ അനുകൂ​ല​മാ​യി പ്രതി​ക​രി​ക്കാൻ സാധ്യ​ത​യു​ള്ള​വ​രു​ടെ അടു​ത്തേക്കു ദൈവ​ദൂ​ത​ന്മാർ നമ്മെ നയിക്കു​മെന്നു വിശ്വ​സി​ക്കുക.—വെളി. 14:6.

²⁷ ധൈര്യ​ത്തോ​ടെ​യും വിവേ​ക​ത്തോ​ടെ​യും ശുശ്രൂഷ നിർവ​ഹി​ക്കു​ന്ന​തിന്‌ ആവശ്യ​മായ സഹായം നിങ്ങൾക്കു നൽകുന്ന ലേഖനങ്ങൾ വരും​മാ​സ​ങ്ങ​ളി​ലെ നമ്മുടെ രാജ്യ ശുശ്രൂ​ഷ​യിൽ പ്രസി​ദ്ധീ​ക​രി​ക്കു​ന്ന​താ​യി​രി​ക്കും. ലഭിക്കുന്ന ഇത്തരം നിർദേ​ശ​ങ്ങ​ളും കാലാ​കാ​ലം നടപ്പിൽവ​രു​ത്തുന്ന സംഘടനാ ക്രമീ​ക​ര​ണ​ങ്ങ​ളും പിൻപ​റ്റാൻ നമുക്ക്‌ ഇപ്പോൾത്തന്നെ ആസൂ​ത്രണം ചെയ്യാം.

[3-ാം പേജിലെ ചതുരം]

ഈ അനുബന്ധം ഉപയോ​ഗി​ക്കേണ്ട വിധം

ഇതിൽ കൊടു​ത്തി​രി​ക്കുന്ന വിവരങ്ങൾ ശ്രദ്ധാ​പൂർവം വായിച്ച്‌ അതേക്കു​റിച്ച്‌ ചിന്തി​ക്കുക. നിർദേ​ശങ്ങൾ അനുസ​രി​ക്കാൻ സന്നദ്ധരാ​യി​രി​ക്കുക. ഇതിലെ നിർദേ​ശങ്ങൾ എപ്പോൾമു​തൽ ബാധക​മാ​ക്കണം? ഇപ്പോൾമു​തൽ!